ព័ត៌មានជាតិ – Page 360

ភ្នំពេញ៖ព្រះមហាក្សត្រ បានត្រាស់បង្គាប់បញ្ចប់មុខតំណែង លោក ឌុច សុវណ្ណារី ពីរដ្ឋលេខាធិការពីរដ្ឋលេខាធិការ ក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច។ នេះបើយោងតាមព្រះរាជក្រឹត្យ ចុះនៅថ្ងៃទី១៦ ខែកក្កដា ឆ្នាំ២០២១នេះ។

ការបញ្ចប់មុខតំណែងនេះបន្ទាប់ពីសម្ដេចតេជោ ហ៊ុន សែន បានប្រកាសតាមផេកហ្វេសប៊ុករបស់សម្ដេចនៅរសៀលថ្ងៃមិញថាដកតំណែង លោកឌុច សុវណ្ណារី ចេញពីរដ្ឋលេខាធិការក្រសួង។

នៅលើគណនីហ្វេសប៊ុក សម្ដេចតេជោ ហ៊ុន សែន បានសរសេរថា៖«ខ្ញុំបានចូលរួមរំលែកទុក្ខតាមរយៈលោកជំទាវ ម៉ែន សំអន ចំពោះមរណៈភាព បង ហុង ថែម ដែលជាមន្ត្រីមួយរូបបានរួមចំណែកកសាងប្រទេសតាំងពីបាតដៃទទេនាឆ្នាំ១៩៧៩»។

សម្ដេចតេជោ បានបន្តថា៖ខ្ញុំមិននឹកស្មានដល់សោះថា ខ្ញុំមានមន្ត្រីមួយរូប ថ្នាក់រដ្ឋលេខាធិការបង្ហោះសារ ផ្ជាញ់ផ្ចាលចំពោះសព សូម្បីតែលោកជំទាវ ម៉ែន សំអន សុំអោយដកចេញក៏មិនព្រមដកដែរ។

លើគណនីហ្វេសប៊ុករបស់សម្ដេចបានបញ្ជាក់ថា« ខ្ញុំមិនអាចទុក លោក ឌុច សុវណ្ណារី អោយនៅជារដ្ឋលេខាធិការក្រសួងបានតទៅទៀតទេ គឺត្រូវដកចេញពីតំណែង ព្រោះលោកមិនសាកសម្យជាមន្ត្រីដឹកនាំទៀតដោយខ្វះគុណធម៌៕SRP

ភ្នំពេញ៖សម្ដេចតេជោ ហ៊ុន សែន បានប្រកាសដកតំណែង លោកឌុច សុវណ្ណារី ចេញពីរដ្ឋលេខាធិការក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ច។ នេះបើយោងតាមផេកហ្វេសប៊ុករបស់សម្ដេចនាយករដ្ឋមន្ត្រី ហ៊ុន សែន ដែលបានបង្ហោះនៅមុននេះបន្តិចនារសៀលថ្ងៃទី១៦ ខែកក្កដា ឆ្នាំ២០២១នេះ។

ខេត្តកណ្តាល៖មានការលើកឡើងថាគម្រោងស្តារបឹងបែកក្អម មានទីតាំងនៅស្រុកមុខកំពូល ខេត្តកណ្តាល ដែលជាគោលនយោបាយសាច់ប្រាក់ពលកម្ម របស់រាជរដ្ឋាភិបាល ត្រូវបានមន្ត្រីទទួលខុសត្រូវលើការងារស្តារបឹងខាងលើនេះ លួចកិបកេងថវិកា របស់រដ្ឋ អស់រាប់លានដុល្លារអាមេរិក ដើម្បីយកទៅចែកគ្នាចាយ យ៉ាងសប្បាយរីករាយ។ ហើយថា គម្រោងនេះ ត្រូវអ្នកទទួលខុសត្រូវលើការងារស្តារបឹងបែកក្អមនេះ បានលក់អាចម៍ដីទៅឲ្យឈ្មួញ ដើម្បីជីកកកាយយកអាចម៍ដីទៅលក់បន្តឲ្យក្រុមហ៊ុនបុរីផ្ទះល្វែង ក្នុងមួយហិកតាៗ មានតម្លៃរាប់ម៉ឺនដុល្លារឯណោះ..។ នេះបើយោងតាមបណ្ដាញសារព័ត៌មានក្នុងស្រុកបានចុះផ្សាយនៅរសៀលថ្ងៃទី១៦ ខែកក្កដា ឆ្នាំ២០២១នេះ។

បឹងបែកក្អម មានទីតាំងនៅភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្តកណ្តាល ហើយមានទំហំជាង ៥០ហិកតា។ ហើយគម្រោងស្ដារបឹងបែកក្អមខាងលើនេះ គ្រប់គ្រងដោយ លោក ចាន់ ស៊ីណាត អនុរដ្ឋលេខាធិការ ក្រសួងធនធានទឹក និងឧតុនិយម។

យោងតាមប្រភពពីមន្ត្រីក្រសួងធនធានទឹក បញ្ជាក់ថា គម្រោងស្ដារអភិវឌ្ឍន៍បឹងអូរធម្មជាតិ មានទីតាំងនៅស្រុកមុខកំពូល ខេត្តកណ្ដាល របស់រាជរដ្ឋាភិបាលកម្ពុជា គឺមានមិនតិចជាង ២០កន្លែងនោះទេ។

មន្ត្រីក្រសួងធនធានទឹក និងឧតុនិយម បានឲ្យដឹងថា ដោយសារបញ្ហាវិបត្តិជំងឺកូវីដ-១៩ រាតត្បាតនៅទូទាំងប្រទេស ទើបរាជរដ្ឋាភិបាលកម្ពុជា បានអនុញ្ញាតឱ្យក្រសួងធនធានទឹក លើកជាគម្រោងសាច់ប្រាក់ពលកម្ម ដើម្បីធ្វើយ៉ាងណាឱ្យប្រជាពលរដ្ឋ ដែលអត់មានការងារធ្វើ ឬរង់ផលប៉ះពាល់ពីជំងឺកូវីដ-១៩ អាចទៅធ្វើពលកម្មជីក ឬកាយដី ស្តារបឹងបែកក្អមនេះ ដើម្បីដូរយកសាច់ប្រាក់សុទ្ធ សម្រាប់ផ្គត់ផ្គង់ជីវភាពគ្រួសារ..។ ហើយថា គម្រោងនេះ ក្នុងមួយឆ្នាំៗ រាជរដ្ឋាភិបាល បានចំណាយថវិការាប់លានដុល្លារ ដើម្បីផ្ដល់លទ្ធភាពឱ្យប្រជាពលរដ្ឋក្រីក្រ ដែលរងផលប៉ះពាល់ពីជំងឺកូវីដ-១៩ ហើយអត់ការងារធ្វើ ដោយប្រែក្លាយទៅជា «មានការងារធ្វើ» តាមរយៈ «គម្រោងសាច់ប្រាក់ពលកម្ម» ស្តារបឹងបែកក្អមខាងលើនេះឯង។

ទោះជាបែបនេះក្តី ប្រភពបញ្ជាក់ថា គម្រោងសាច់ប្រាក់ពលកម្ម ស្តារបឹងបែកក្អមនេះ គឺត្រូវបានអ្នកគ្រប់គ្រង ឬកាន់គម្រោងនេះ មិនបានចែករំលែកការងារស្តារបឹងនេះ ជូនប្រជាពលរដ្ឋ ឲ្យមានការងារធ្វើទេ។ ផ្ទុយទៅវិញបែរជា មន្ត្រីគ្រប់គ្រងលើការងារស្តារបឹងបែកក្អមខាងលើ យកគម្រោងស្តារបឹងនេះ ទៅលក់ឲ្យក្រុមហ៊ុន ឬឈ្មួញ ដើម្បីជីកកកាយយកអាចម៍ដី នាំទៅចាក់បំពេញឲ្យក្រុមហ៊ុនបុរី ផ្ទះល្វែង ដោយក្នុងមួយហិកតាមានតម្លៃរាប់ម៉ឺនដុល្លារទៅវិញ?។ ហើយថា ករណីនេះ បានអនុវត្តផ្ទុយពីគម្រោងសាច់ប្រាក់ពលកម្ម ដែលរាជរដ្ឋាភិបាល បានដាក់ចេញឲ្យអនុវត្ត..។

ផ្តើមពីបញ្ហានេះ ទាំងមន្ត្រីរាជការ និងប្រជាពលរដ្ឋរស់នៅឃុំព្រែកអញ្ចាញ ស្រុកមុខកំពូល បានសំណូមពរដល់ លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម ជាពិសេសសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជួយបញ្ជូនមន្ត្រីចុះស៊ើបអង្កេតសកម្មភាពចុះអនុវត្តគម្រោងស្ដារបឹងបែកក្អម របស់លោក ចាន់ ស៊ីណាត អនុរដ្ឋលេខាធិការក្រសួងធនធានទឹក ថាតើបានអនុវត្តត្រឹមត្រូវដែរឬយ៉ាងណា? ប្រយោជន៍ដើម្បីឈានទៅមានវិធានការផ្លូវច្បាប់ឲ្យបានធ្ងន់ធ្ងរ។ ត្បិតគម្រោងសាច់ប្រាក់ពលកម្ម នៃការស្តារបឹងបែកក្អម សម្រាប់ផ្ដល់ឳកាសដល់ប្រជាពលរដ្ឋ មានការងារធ្វើ នៅក្នុងដំណាក់កាលជំងឺកូវីដ-១៩រាតត្បាតនេះ បែរជាអ្នកទទួលខុសត្រូវ បានលក់អាចម៍ដីក្នុងបឹងបែកក្អមនេះ ទៅឲ្យឈ្មួញនាំយកគ្រឿងចក្រ ជីកកកាយយកអាចម៍ដី ដឹកយកទៅចាក់បំពេញឲ្យក្រុមហ៊ុនសង់បុរី ឬផ្ទះល្វែង ដែលជាការអនុវត្តផ្ទុយពីគោលនយោបាយ របស់រាជរដ្ឋាភិបាល បានដាក់ចេញយ៉ាងគឃ្លើនបែបនេះទៅវិញ?។

ជុំវិញករណីនេះ លោក តុង ស៊ីវមី អភិបាលស្រុកមុខកំពូល ខេត្តកណ្តាល បានប្រាប់ប្រព័ន្ធផ្សព្វផ្សាយថា ការងារស្ដារដីបឹងបែកក្អម គឺជាគម្រោងរបស់ថ្នាក់ជាតិ ហើយក៏ត្រូវចំណាយលុយជាតិផងដែរ។ ប៉ុន្តែចំពោះការចំណាយថវិកាអស់ប៉ុន្មាននោះ រូបលោកមិនបានដឹងទេ..។ ហើយចំពោះ ករណីអ្នកគ្រប់គ្រង់គម្រោងស្តារបឹងបែកក្អម បានលក់អាចម៍ដីទៅឲ្យឈ្មួញជីកកាយយកអាចម៍ដី ក្នុងមួយហិកតា មានតម្លៃរាប់ម៉ឺនដុល្លារនោះ គឺមិនពិតទេ។ ប៉ុន្តែបើជាការផ្តល់លុយគុយទាវ ឬកាហ្វេ អាចមាន។

ចំណែកប្រធានមន្ទីរធនធានទឹក និងឧតុនិយម ខេត្តកណ្ដាល លោក អ៊ុក វណ្ណា បានឲ្យអង្គភាពសារព័ត៌មានមួយចំនួនដឹងថា មិនដឹងពីការលក់ដូរអាចម៍ដី នៃគម្រោងស្តារបឹងបែកក្អមនោះទេ។ ហើយថា ការងារស្តារបឹងខាងលើនេះ គឺរូបលោករង់ចាំតែសមិទ្ធផលសម្រេចប៉ុណ្ណោះ។ រីឯរឿងលក់ដូរអាចម៍ដីទៅឲ្យអ្នកនេះ ឬក្រុមហ៊ុននោះ គឺមិនពាក់ព័ន្ធជាមួយលោកឡើយ។

ពាក់ព័ន្ធទៅនឹងការបែកធ្លាយនេះ បណ្ដាញ«សៀមរាបប៉ុស្ដិ៍» នៅមិនទាន់អាចទាក់ទង លោក ចាន់ យុត្ថា រដ្ឋលេខាធិការ និងជាអ្នកនាំពាក្យក្រសួងធនធានទឹក និងលោក ចាន់ ស៊ីណាត អនុរដ្ឋលេខាធិការ ក្រសួងធនធានទឹក ដែលជាអ្នកកាន់គម្រោងស្តារបឹងបែកក្អម មានទីតាំងនៅស្រុកមុខកំពូល ខេត្តកណ្តាល ដើម្បីបំភ្លឺលើករណីចោទប្រកាន់ពីភាពមិនប្រក្រតី ផ្តើមចេញពីគម្រោងស្តារបឹងបែកក្អម ខាងលើបានទេ នៅរសៀលថ្ងៃនេះ៕SRP

ខេត្តសៀមរាប៖លោកភឹង ចិន្តារ៉េត ស្នងការរង ទទួលផែនការងារនគរបាលព្រហ្មទណ្ឌ នៃស្នងការដ្ឋាននគរបាលខេត្តសៀមរាប និងភរិយា ព្រមទាំង ក្រុមការងារមនុស្សធម៌ បាននាំយកអំណោយ សម្បុរសជនចំនួន១១ គ្រួសារ ចែកជូនកងកម្លាំង៣គោលដៅ នៅក្នុងក្រុងសៀមរាប។

ការចែកអំណោយនាថ្ងៃទី១៦ ខែកក្កដា ព្រឹកមិញនេះ នៅវិទ្យាលយ័១០មករា១៩៧៩ ស្ថិតនៅក្នុងភូមិមណ្ឌល២ សង្កាត់ស្វាយដង្គំ ក្រុងសៀមរាប។

លោកភឹង ចិន្តារ៉េត បានឲ្យដឹងថា អំណោយមនុស្សធម៌ ដែលត្រូវបានចែកជូនកងកម្លាំងទាំង៣គោលដៅ ទី១នៅក្នុងបរិវេណវិទ្យាល័យ ១០ មករា ១៩៧៩ ទឹកសុទ្ធ៣៥កេះ អាកុល២កាន ម៉ាស ១កេះធំ . ទី២នៅសាលាអនុវិទ្យាល័យក្របីរៀល ទឹកសុទ្ធ ៣០កេះ អាកុល១កាន ម៉ាស១កេះធំ .ទី៣គោលដៅត្រៀមអត្តរាគមន៍ ទឹកសុទ្ធ៣៥កេះ អកុល២កាន ម៉ាស១កេះធំ។

លោកភឹង ចិន្តារ៉េត បន្តថាការចុះចែកនូវសម្ភារដល់កងកម្លាំងដើម្បីយកទៅប្រើប្រាស់ក្នុងកិច្ចប្រតិបត្តិការការពារមណ្ឌលព្យាបាលនិងទីកន្លែងចត្តាឡីស័កកំពុងមានការខ្វះខាត។

ក្នុងឱនោះផងដែរ លោកក៏បានមានមតិសំណេះសំណាលផ្តាំផ្ញើដល់កងកម្លាំងទាំងអស់ អោយយកចិត្តទុកដាក់ ក្នុងការពារ ឈរលើស្មារតីទទួលខុសត្រូវ ចំពោះភារកិច្ចនេះ និង ការពារខ្លួន អោយមានប្រសិទ្ធិភាពខ្ពស់ និងបានជូនពរដល់កងកម្លាំងនិងសប្បុរសជនទាំងអស់ សូមអោយចៀសផុតពីជម្ងឺឆ្លងកូវីតចង្រៃ មានសុខភាពល្អ គ្រប់ក្រុមគ្រួសារ កុំបីខាន៕SRP

ខេត្តកំពង់ចាម៖ក្នុងនាមអាជ្ញាធរខេត្ត លោក អ៊ុន ចាន់ដា បានថ្លែងសំណូមពរដល់ព្រះចៅអធិការវត្តគ្រប់វត្ត សូមជួយផ្សព្វផ្សាយរំឭកដល់លោកយាយ លោកតា ពុទ្ធបរិស័ទទាំងអស់ ត្រូវខិតខំយកចិត្តទុកដាក់ ក្នុងការថែទាំសុខភាព ឲឲ្យចៀសផុតពីការឆ្លងជំងឺកូវីដ។

លោកថ្លែងសំណូមពរនៅព្រឹកមិញនេះក្នុងឱកាសនាំយកទៀនចំណាំព្រះវស្សា និងទេយ្យទាន វេរប្រគេនដល់ព្រះសង្ឃ ចំនួន៤វត្ត ក្នុងក្រុងកំពង់ចាម ដែលបានរៀបចំឡេីងនៅវត្តខេមវន្តបឹងស្នាយ ស្ថិតក្នុងសង្កាត់សំបួរមាស ក្រុងកំពង់ចាម។

លោក អ៊ុនចាន់ដា អភិបាលខេត្តបានបញ្ជាក់ថា ដោយបច្ចុប្បន្នជំងឺឆ្លងរាតត្បាតនេះ នៅតែបន្តឆ្លងពីមនុស្សម្នាក់ ទៅមនុស្សម្នាក់ទៀត ត្រូវបានរកឃើញជារៀងរាល់ថ្ងៃ សម្រាប់ក្នុងខេត្តកំពង់ចាម តួរលេខអ្នកស្លាប់បានកេីនឡេីងដល់៥៦នាក់ហេីយ។ ដដើម្បីចៀសផុតពីជំងឺនេះ យើងទាំងអស់គ្នា ត្រូវចូលរួម ក្នុងកិច្ចខិតខំប្រឹងប្រែង របស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំងនឹងជំងឺឆ្លងសាកលនេះ ដោយការថែរក្សាសុខភាព ជាពិសេស ការអនុវត្តវិធានការ ៣ការពារ ៣កុំ។

គួរបញ្ជាក់ថា ទៀនចំណាំព្រះវស្សា និងទេយ្យទានវេរប្រគេនដល់ព្រះសង្ឃទាំង ៤វត្ត ដោយក្នុង ១វត្តៗ មាន៖ ទៀនព្រះវស្សា ១គូ ទេយ្យវត្ថុ ១កញ្ចប់ អង្ករ ២០០គីឡូក្រាម មី ១០កេស ទឹកបរិសុទ្ធ ៥កេស ទឹកក្រូច ៥កេស ត្រីខ ១កេស ទឹកត្រី ៥យួរ ទឹកស៊ីអ៉ីវ ៥យួរ ទឹកដោះគោខាប់ ១កេសធំ ស្ករស ៥គីឡូក្រាម តែ ៥កញ្ចប់ ចង្ហាន់ ១ស្រាក់ ផ្លែឈើ ១កន្ត្រក និងបច្ច័យ ១.៧០០.០០០រៀល៕SRP

Sponsored

ខេត្តសៀមរាប៖ដោយលោក សឿន តុលា ស្ថាបនិកក្រុមហ៊ុនផាផាយ៉ា បាននិពន្ធនូវអត្ថបទមួយក្រោមចំណងជើងថា«សម្លឹងទៅរកគោលដៅ»។ លោក សឿន តុលា បានសរសេរថា៖ មនុស្សឈ្នះមិនដែលរាថយ ជាមួយគោលដៅ រីឯ មនុស្សរាថយជាមួយគោលដៅ ព្រោះគេមិនដែលមានថ្ងៃឈ្នះ។

” ប្រសិនបើយើងគិតថាលំបាក ប្រាកដហើយ យើងនឹងលំបាក ប៉ុន្តែ ប្រសិនបើយើងគិតថា តើយើងត្រូវដោះស្រាយ

បញ្ហា ឬការលំបាក របៀបណានោះ ប្រាកដណាស់ហើយ យើង នឹងមានដំណោះស្រាយ ហើយរឿងរ៉ាវទាំងនោះ ក្លាយជាភាពធម្មតា” នោះមានន័យថា រឿងរ៉ាវទាំងអស់ដែលកើតឡើង ប្រែក្លាយជាលំបាក ប្រែក្លាយជាបញ្ហាធំ គឺអាស្រ័យទៅលើ ផ្នត់គំនិតនៃការគិតរបស់យើងតែប៉ុណ្ណោះ មនុស្សដែលជោគជ័យ គឺមានផ្នត់គំនិត រកដំណោះស្រាយ ព្យាយាម ហើយជំរុញឲ្យ ដំណើរការទៅមុខជានិច្ច រីឯអ្នកបរាជ័យវិញ គឺ រុញរា មិនមានការតាំងចិត្តគ្រប់គ្រាន់ ដើម្បីរកដំណោះស្រាយ ចំពោះរឿងរ៉ាវ ដែលកើតឡើងនោះទេ ពីព្រោះ ផ្នត់គំនិតរបស់ពួកគាត់ គឺគិតអំពីបញ្ហា ច្រើនជាងរកដំណោះស្រាយ ។

តាមពិតទៅ នៅក្នុងពិភពលោកនេះមិនមែនជារឿងលំបាកនោះទេ គ្រាន់តែយើង គិតតែពីរឿងលំបាក ប្រសិនបើយើង មានការតាំងចិត្តគ្រប់គ្រាន់ ដំណោះស្រាយតែងតែផុសចេញពីក្បាលរបស់យើង។

នៅក្នុងការស្រាវជ្រាវ អំពីមនុស្សដែលបានជោគជ័យកំពូល ហើយក្លាយជាមហាសេដ្ឋី ពួកគេទាំងអស់នោះ កើតមកក្នុងត្រកូលគ្រួសារក្រីក្រ ដែលគ្រួសារគ្មានលទ្ធភាពផ្គត់ផ្គង់ពួកគេ ប៉ុន្តែ ពួកគេរឹងមាំហើយក្លាយជាមហាសេដ្ឋីនៅក្នុងលំដាប់ពិភពលោក មានដូចជា; Li His Cheng ( មហាសេដ្ឋីជនជាតិចិន) Thomas Alva Edison ( មហាសេដ្ឋីច្នៃប្រឌិត អំពូលភ្លើង ជនជាតិអាមេរិកាំង) Henry Ford , Andrew Carnegie..ជាដើម ។ ពួកគាត់ទាំងអស់នោះ គឺចេញមកពីការកសាងខ្លួនឯង លត់ដំក្នុងការរកស៊ីចេញពីបាតដៃទទេ នឹងទទួលបានជោគជ័យ ។

ប្រសិនបើយើងសួរសំណួរពិចារណាអំពីអំពីថា តើពួកគេទទួលបានជោគជ័យយ៉ាងដូចម្ដេច? គឺមានចម្លើយយ៉ាងខ្លី ” ឧស្សាហ៍ ព្យាយាម មិនបោះបង់” ពីព្រោះ អថ៍កំបាំង របស់ពួកគេគឺ ដាក់គោលដៅ ពួកគេជឿលើគោលដៅពួកគេជឿលើខ្លួនឯង ថា : ពួកគេធ្វើឱ្យបានសម្រេចគោលដៅ ដែលពួកគេបានកំណត់។

និពន្ធដោយលោក សឿន តុលា ស្ថាបនិកក្រុមហ៊ុន : ផា ផា យ៉ា PAPAYA NEXT STEP CO,.LTD*PAPAYA REAL ESTATE (គម្រោងអភិវឌ្ឍន៍អចលនទ្រព្យ)*PAPAYA HOMESTAY (គម្រោងលើវិស័យទេសចរណ៍)*PAPAYA GARDEN (គម្រោងលើវិស័យកសិកម្មនិងចែកចាយអាហារ)

ខេត្តកំពង់ចាម៖លោក ខៀវ កាញារីទ្ធ រដ្ឋមន្ត្រី ក្រសួងព័ត៌មាន និងជាប្រធានក្រុមការងាររាជរដ្ឋាភិបាល ចុះជួយមូលដ្ឋាន ស្រុកកោះសូទិន នៅថ្ងៃទី១៥ ខែកក្កដា ព្រឹកមិញនេះបានអញ្ជើញបើកយុទ្ធនាការ ចាក់វ៉ាក់សាំងប្រឆាំងជំងឺកូវីដ-១៩ នៅសាលាបឋមសិក្សាជីហែ ស្រុកកោះសូទិន១។

លោក រដ្ឋមន្រ្តី ខៀវ កាញារីទ្ធ បានថ្លែងថា នេះជាទិសដៅនៃយុទ្ធនាការចាក់វ៉ាក់សាំងបង្ការជំងឺកូវីដ-១៩ គឺចាក់ ជូនប្រជាជន អោយបាន ប្រមាណ ពី ៧០ ទៅ ៨០ ភាគរយ ដេីម្បីអាចទប់ទល់ជាមួយជំងឺនេះបាន។ សូមបងប្អូន ទាំងអស់ដែលគ្រប់អាយុ ១៨ ឆ្នាំ សូមមកធ្វេីការចាក់វ៉ាក់សាំងទាំងអស់គ្នា ព្រោះជំងឺនេះ សាហាវ និងមានការឆ្លងលឿនណាស់ ហេីយមេរោគ វាចូលស៊ីដល់ក្នុងសួត ដែលអាចធ្វេីឲ្យមនុស្សស្លាប់។ ដូច្នេះយេីងទាំងអស់គ្នាត្រូវមានការប្រុងប្រយ័ត្នខ្ពស់បំផុត កុំអោយមាន ការឆ្លងនូវ ជំងឺកូវីដ។ ជាពិសេសចំពោះមនុស្សចាស់ ត្រូវមានការ ការពារអោយបានខ្លាំង បំផុត ក្នុងនោះអ្នកធ្លាប់កេីតជំងឺសួត ទឹកនោមផ្អែម អ្នកមានគីឡូហួសទម្ងន់របស់ខ្លួន នីមួយៗ គឺជាមុខសញ្ញាដែលត្រូវចៀសកុំអោយឆ្លងជំងឺនេះ បេីមិនដូច្នេះទេពិតជាលំបាកហេីយ។

រដ្ឋមន្រ្តី បានលេីកឡេីងទៀតថា នៅបណ្តាប្រទេសមួយចំនួនដែល មានការ ឆ្លងជំងឺកូវីដច្រេីន ហេីយអ្នកដែលមានអាយុលេីសពី ៦៥ ឆ្នាំ គឺគេទុកចោលដោយសារខ្វះ លទ្ធភាពក្នុងការសង្គ្រោះ ហើយម៉ាស៊ីនជំនួយដង្ហេីម និងព្យាបាលមានចំនួនតិច ដោយគេទុកសម្រាប់តែការព្យាបាលក្មេងៗប៉ុណ្ណោះ។ ដូច្នេះហេីយ អ្វីដែលសំខាន់នោះ គឺការថែរក្សាសុខភាព អនុវត្តតាមការណែនាំរបស់ ក្រសួងសុខាភិបាល ពិសេស ប្រជាពលរដ្ឋ ត្រូវទៅចាក់វ៉ាក់សាំងបង្ការជំងឺកូវីដទាំងអស់គ្នា ហើយកុំ គិតថា ការចាក់វ៉ាក់សាំងទាំង ២ ដូសរួច មិនឆ្លងជំងឺកូវីដអោយសោះ គឺនៅតែឆ្លង ដដែល បេីសិនជាយេីងគ្មានវិធានការ ការពារខ្លួនទេនោះ តែការឆ្លងនោះអាចព្យាបាលជាសះស្បើយ ប៉ុន្តែយេីងអាចឆ្លងទៅដល់ក្រុមគ្រួសារ និងអ្នកមិនទាន់បានចាក់វ៉ាក់សាំង យ៉ាងឆាប់រហ័ស ហើយបង្ករគ្រោះថ្នាក់ដល់អាយុជីវិតថែមទៀតផង។

តាមរយៈនេះលោក ខៀវ កាញារីទ្ធ បានបញ្ជាក់ជូនពីកិច្ចខិតខំប្រឹងប្រែងរបស់ប្រមុខរាជរដ្ឋាភិបាល សម្តេចហ៊ុន សែន ក្នុងការប្រយុទ្ធប្រឆាំងជំងឺកូវីដនេះ ដោយក្នុងរយៈពេល កន្លងមកនេះបានចំណាយថវិកា អស់រាប់រយលានដុល្លា ដេីម្បីជួយដល់ជីវភាព រស់នៅ របស់ប្រជាពលរដ្ឋ ដែលទទួលរងផលប៉ះពាល់ដោយសារជំងឺកូវីដ ក៏ដូចជាជួយដល់ កម្មករ កម្មការនី រោងចក្រ កាត់ដែរ ថែមទៀតផងដែរ។

លោក រដ្ឋមន្រ្តី ខៀវ កាញារីទ្ធ ក៏បាននាំយកនូវអំណោយជូនដល់ ក្រុមគ្រូពេទ្យចាក់វ៉ាក់សាំង ដែលរួមមាន អាកុល ៧ កាន ម៉ាស៥ ពាន់ម៉ាស អាវពេទ្យ ៥ កេស ស្រោមដៃ ៧០ ទឹកសុទ្ធ ៣៥ កេស និងថវិកា ១ លានរៀល។

ឆ្លៀតក្នុងឱកាសនោះដែរ លោក រដ្ឋមន្រ្តី ខៀវ កាញារីទ្ធ ក៏បានអញ្ជេីញទៅជួបសាកសួរសុខទុក្ខ ជាមួយមន្រ្តីសាលាស្រុក កោះសូទិន មួយចំនួន ដែលកំពុងជាប់ធ្វេីចត្តឡីស័ក ក្នុងសាលាស្រុក និងប្រជាពលរដ្ឋផ្ទះចំនួន ៥១ គ្រួសារ ដោយនាំយកនូវអំណោយចែកជូន ដូចជាទឹកត្រី ទឹកស៊ីអ៉ីវ មី និងត្រីខ ដេីម្បី ទុកផ្គត់ផ្គង់ជីវភាពក្នុងពេលកំពុងចត្តាឡីស័ក១៤ថ្ងៃផងដែរ៕SRP

ខេត្តសៀមរាប៖លោកស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូននិងជាអនុប្រធានប្រចាំការនៃគម្រោងស្ថាបនាហេដ្ឋារចនាសម្ព័ន្ធផ្លូវ ៣៨ខ្សែនៅក្នុងក្រុងសៀមរាប ខេត្តសៀមរាប បានអះអាងថា ៖ វឌ្ឍនភាពការងារជារួមនៃគម្រោងស្ថាបនាហេដ្ឋារចនាសម្ព័ន្ធផ្លូវចំនួន៣៨ខ្សែនៅក្នុងក្រុងសៀមរាប ខេត្តសៀមរាបគិតត្រឹមថ្ងៃទី១២ ខែកក្កដា ឆ្នាំ២០២១ សម្រេចបាន៦៦,៣៤%ហើយ ដោយប្រើប្រាស់រយៈពេលសាងសង់ចំនួន៧ខែ គិតចាប់ពី ថ្ងៃទី៣០ ខែវិច្ឆកា ឆ្នាំ២០២០។

លោក ស៊ុន ចាន់ថុល ថ្លែងយ៉ាងដូច្នេះ នៅ ថ្ងៃព្រហស្បតិ៍ ទី១៥ ខែកក្កដា ឆ្នាំ២០២១នេះ នៅទីស្តីការក្រសួង ក្នុងឱកាសអញ្ជើញចូលរួមកិច្ចប្រជុំគណៈកម្មការអន្តរក្រសួង តាមប្រព័ន្ធវីដេអូពីចម្ងាយ ក្រោមអធិបតីភាពដ៏ខ្ពង់ខ្ពស់សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និងជាប្រធានគណៈកម្មការអន្តរក្រសួង។

កិច្ចប្រជុំនេះធ្វើឡើងក្នុងគោលបំណងដើម្បីពិភាក្សាអំពីវឌ្ឍនភាពការងារអនុវត្តគម្រោងស្ថាបនាហេដ្ឋា រចនាសម្ព័ន្ធផ្លូវចំនួន៣៨ខ្សែក្នុងក្រុងសៀមរាប ក៏ដូចជាដើម្បីពិភាក្សាបញ្ហាប្រឈម ដំណោះស្រាយ និងសំណូមពររបស់អង្គភាពអនុវត្តគម្រោង និងភាគីពាក់ព័ន្ធទាំងអស់ដែលបានជួប ប្រទះក្នុងការបំពេញការងាររបស់ខ្លួនកន្លងមក និងស្នើសុំអនុសាសន៍ណែនាំបន្ថែម។

សម្តេចទៀ បាញ់ បានវាយតម្លៃខ្ពស់ចំពោះការខិតខំប្រឹងប្រែង របស់គណៈកម្មការអន្តរក្រសួង ក្រុមការងារបច្ចេកទេស និងអង្គភាពអនុវត្តគម្រោង ដែលបានខិតខំប្រឹង ប្រែងយកចិត្តទុកដាក់អនុវត្តគម្រោងសាងសង់ហេដ្ឋារចនាសម្ព័ន្ធផ្លូវ៣៨ខ្សែ ក្នុងក្រុងសៀមរាប ខេត្តសៀមរាប និងបានថ្លែងអំណរគុណចំពោះរដ្ឋបាលខេត្ត ប្រជាពលរដ្ឋ និងវិស័យឯកជននានា ដែលបាន ចូលរួមគាំទ្រគម្រោងនេះរហូតសម្រេចបានលទ្ធផលតាមផែនការ ស្របតាមអនុសាសន៍ណែនាំដ៏ខ្ពង់ខ្ពស់ របស់ហ៊ុន សែន នាយករដ្ឋមន្ត្រី។

នៅពេលបញ្ចប់គម្រោងសាងសង់ហេដ្ឋារចនាសម្ព័ន្ធផ្លូវ៣៨ខ្សែនេះ ប្រជាពលរដ្ឋនៅខេត្តសៀមរាបនឹងទទួលបាននូវអត្ថប្រយោជន៍ពីការអភិវឌ្ឍនេះយ៉ាងពិតប្រាកដ ដោយហេតុថាគម្រោងនេះនឹងតភ្ជាប់ពីទីប្រជុំជនទៅកាន់តំបន់ជាយក្រុង តំបន់ទេសចរណ៍វប្បធម៌សំខាន់ៗ និងបណ្តាញខ្សែផ្លូវជាតិនានាប្រកបដោយភាពប្រទាក់ក្រឡាគ្នា ទាក់ទាញភ្ញៀវទេសចរណ៍ជាតិនិងអន្តរជាតិ និងវិនិយោគិនបង្កើតការងារធ្វើជូនប្រជាពលរដ្ឋសំដៅលើកកម្ពស់សេដ្ឋកិច្ចឱ្យមានការរីកចម្រើន។

សូមរម្លឹកផងដែរថា៖ គម្រោងនេះអនុវត្តដោយអង្គភាពសាងសង់ចំនួន០៨ រួមមាន៖ ១) កងវិស្វកម្មលេខ ១៧៨ស្ពាន-ថ្នល់ នៃនាយកដ្ឋានវិស្វកម្ម ២) កងវិស្វកម្មសម្តេចតេជោ ខេត្តសៀមរាប ៣) កងវិស្វកម្មតេ ជោ ហ៊ុន សែន សៀមរាប ៤) អគ្គនាយកដ្ឋាន សាធារណការ ៥) អគ្គនាយកដ្ឋានប្រព័ន្ធចម្រោះទឹកកខ្វក់ ៦) នាយកដ្ឋាន គ្រឿងចក្រនិងស្ថាបនាផ្លូវ ៧) នាយកដ្ឋាន ជួសជុល និងថែទាំផ្លូវថ្នល់ និង ៨) មន្ទីរ សាធារណការ និងដឹក ជញ្ជូន ខេត្តសៀមរាប និងត្រួតពិនិត្យបច្ចេកទេសដោយក្រុមការងារអន្តរក្រសួង ចំនួន៩ក្រុម រួមមានដូចខាងក្រោម៖

១) ក្រុមការងារត្រួតពិនិត្យតាមដានគម្រោងសាងសង់ផ្លូវចំនួន១៣ខ្សែអនុវត្តដោយកងវិស្វកម្មលេខ ១៧៨ស្ពាន-ថ្នល់ ២)ក្រុមការងារត្រួតពិនិត្យតាមដានគម្រោងសាងសង់ផ្លូវចំនួន៨ខ្សែ អនុវត្តដោយកង វិស្វកម្មតេជោហ៊ុន សែន ខេត្តសៀមរាប ៣) ក្រុមការងារត្រួតពិនិត្យតាមដានគម្រោងសាងសង់ផ្លូវចំនួន ៦ខ្សែ អនុវត្តដោយកងវិស្វកម្មសម្ដេចតេជោ ខេត្តសៀមរាប ៤) ក្រុមការងារត្រួតពិនិត្យតាមដានគម្រោង សាងសង់ផ្លូវចំនួន៥ខ្សែ អនុវត្តដោយនាយកដ្ឋានជួសជុលនិងថែទាំផ្លូវថ្នល់ ៥) ក្រុមការងារត្រួតពិនិត្យ តាមដាន គម្រោងសាងសង់ផ្លូវចំនួន៥ខ្សែ អនុវត្តដោយនាយកដ្ឋានគ្រឿងចក្រ និងស្ថាបនាផ្លូវ ៦)ក្រុម ការងារត្រួតពិនិត្យ តាមដានគម្រោងសាងសង់ផ្លូវចំនួន២ខ្សែ អនុវត្តដោយមន្ទីរសាធារណការ និងដឹក ជញ្ជូនខេត្តសៀមរាប ៧) ក្រុមការងារត្រួតពិនិត្យតាមដានគម្រោងស្ថាបនាបណ្ដាញលូទឹកភ្លៀង និងលូទឹក កខ្វក់មិនស្ថិតនៅក្រោមខ្សែផ្លូវទាំង៣៨ខ្សែ អនុវត្តដោយអគ្គនាយកដ្ឋានប្រព័ន្ធចម្រោះទឹកកខ្វក់ ៨)ក្រុម ការងារត្រួតពិនិត្យតាមដានគម្រោងស្ថាបនាបំពាក់សម្ភារកាមេរ៉ាសុវត្ថិភាព អំពូលភ្លើងបំភ្លឺផ្លូវ បរិក្ខារភ្លើង សញ្ញាចរាចរណ៍ និងការដាំដើមឈើ អនុវត្តដោយអគ្គនាយកដ្ឋានសាធារណការ និង ៩)ក្រុមការងារ សិក្សានគរូបនីយកម្មផ្លូវ គូរប្លង់ ស្ថាបត្យកម្មផ្លូវ លម្ហសាធារណៈ និងរចនាកម្មវត្ថុស្ថាបត្យកម្មនានាដែលទាក់ទងនឹងគម្រោង៕SRP

ខេត្តកំពង់ចាម៖ក្នុងឱកាសបេីកយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋ ចាប់ពីអាយុ១៨ឆ្នាំឡេីង នៅស្រុកចំការលេី នៅព្រឹកមិញ នេះ លោក អ៊ុន ចាន់ដា អភិបាលខេត្តកំពង់ចាម បានបានអំពាវនាវដល់ប្រជាពលរដ្ឋ ក្នុងស្រុកចំការលេី ស្ទឹងត្រង់ កងមាស ស្រីសន្ធរ និងកោះសូទិន ឲ្យចូលរួមជាមួយអាជ្ញាធរ ក្នុងការទទួលវ៉ាក់សាំងបង្ការជំងឺកូវីដ-១៩ សម្រាប់ការពារអាយុជីវិតខ្លួន ដេីម្បីកុំឲ្យជំងឺនេះប៉ះពាល់ដល់គ្រួសារ សហគមន៍ និងសេដ្ឋកិច្ច ខណៈក្រុមគ្រូពេទ្យមានការបណ្ដុះបណ្ដាលវិជ្ជាជីវៈ និងក្រមសីលធម៌ច្បាស់លាស់ពីក្រសួងសុខាភិបាល។

លោកអ៊ុន ចាន់ដា បានថ្លែងថា បច្ចុប្បន្នខេត្តកំពង់ចាម មានអ្នកឆ្លងជំងឺកូវីដ-១៩ ជាង៣០០០នាក់ និងមានអ្នកស្លាប់បាត់បង់ជីវិត ៥៤នាក់ ទន្ទឹមនឹងនោះក៏មានការព្យាបាលជាសះស្បើយជាង២០០០នាក់។ ចំពោះមូលហេតុដែលនាំឲ្យមានការឆ្លងច្រើននេះ ដោយសាររោងចក្រកាត់ដេរមានការប្រមូលផ្ដុំគ្នា ការធ្វើដំណើរតាមរថយន្តរួមគ្នា និងការរស់នៅហូបចុកជាមួយគ្នា។ ជំងឺកូវីដ-១៩ មិនត្រឹមតែឆ្លងទៅដល់ប្រជាពលរដ្ឋ ក្នុងសហគមន៍នោះទេ គឺឆ្លងទៅដល់សមត្ថកិច្ច និងក្រុមគ្រូពេទ្យពេលបំពេញការងារផងដែរ។

អភិបាលខេត្ត បានថ្លែងបន្តថា ដោយមានការគិតគូរពីសុខទុក្ខចំពោះសុខភាពរបស់បងប្អូនប្រជាពលរដ្ឋ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានផ្តល់វ៉ាក់សាំងបង្ការជំងឺកូវីដ-១៩ ជាលក្ខណៈទ្រង់ទ្រាយថ្នាក់ជាតិ សម្រាប់ពលរដ្ឋក្នុង ខេត្តកំពង់ចាម បន្ទាប់ពីពលរដ្ឋនៅឯរាជធានីភ្នំពេញ។ ក្នុងនោះក្រុមគ្រូពេទ្យក៏បានចាក់ជូនប្រជាពលរដ្ឋ នៅក្រុង-ស្រុក ចំនួន ៥ នៃខេត្តកំពង់ចាម ដែលមានក្រុងកំពង់ចាម ស្រុកកំពង់សៀម ព្រៃឈរ ជើងព្រៃ និងស្រុកបាធាយ សរុបជាង២០ម៉ឺននាក់រួចមកហេីយ។ ទន្ទឹមនោះពលរដ្ឋក្នុងស្រុកចំការលេី ស្ទឹងត្រង់ កងមាស ស្រីសន្ធរ និងកោះសូទិន ប្រមាណជា៣០ម៉ឺននាក់ទៀត នឹងបន្តទទួលបានវ៉ាក់សាំងបង្ការជំងឺកូវីដ១៩ ចាប់ពីថ្ងៃទី១៥ ខែកក្កដា ឆ្នាំ២០២១ នេះតទៅ។

លោកអ៊ុន ចាន់ដា បានបញ្ជាក់ថា វ៉ាក់សាំងដែលបានផ្ដល់ជូនប្រជាពលរដ្ឋ ក្នុងស្រុកចំការលេី មានចំនួនប្រមាណជាង៥ម៉ឺននាក់ តែបេីមានអ្នកស្ម័គ្រចិត្ត លេីសពីចំនួន៥ម៉ឺននាក់ ក្នុងក្របខ័ណ្ឌស្រុកចំការលើ យើងក៏នៅតែធ្វើការចាក់ជូនដោយឥតគិតថ្លៃផងដែរ៕SRP