ខេត្តកំពង់ចាម៖លោក យឹម ឆៃលី បានណែនាំដល់ថ្នាក់ដឹកនាំ គណបក្សឃុំ និងបក្សភូមិ ត្រូវមានឆន្ទៈស្មោះត្រង់ និងទទួលខុសត្រូវខ្ពស់លើ ការទទួលខុសត្រូវ របស់ខ្លួន ក្នុងគោលដៅលើកកម្ពស់ជីវភាពរស់នៅ របស់ប្រជាពលរដ្ឋ ព្រមទាំងរៀបចំវិធានការ ស្វ័យតាមដានការងាររបស់ខ្លួន។ ហេីយត្រូវចាត់វិធានការឲ្យមានប្រសិទ្ធភាព លើការលុបបំបាត់ ភាពអសកម្មនានាឲ្យដូចភ្លៀងរលឹម។ លេីសពីនោះត្រូវបន្តថែរក្សា សមិទ្ធផលនានា របស់រាជរដ្ឋាភិបាល ដែលមាននៅក្នុង មូលដ្ឋាន និងលើកទឹកចិត្ត ពង្រឹងពង្រីក ការចូលរួមរបស់ ប្រជាពលរដ្ឋ ក្នុងការថែទាំសមិទ្ធផលផងដែរ។
លោកយឹម ឆៃលី ក៏បានថ្លែងប្រាប់ដល់មន្ត្រីបក្សទាំងអស់ ឲ្យបេីកវេទិកាសាធារណៈ ក្នុងមូលដ្ឋានរបស់ខ្លួន ដេីម្បីឲ្យបានដឹងថាប្រជាពលរដ្ឋ ខ្វះខាតអ្វី និងត្រូវការអ្វី ហេីយយើងត្រូវដោះស្រាយជូនគាត់។ លេីសពីនោះត្រូវបន្តជំរុញ និងពង្រឹងការអនុវត្តគោលនយោបាយ ភូមិ ឃុំ មានសុវត្ថិភាព គឺត្រូវខិតខំលើកកម្ពស់ អភិបាលកិច្ច ធានា ការផ្តល់សេវាសាធារណៈ ប្រកបដោយតម្លាភាព ការទទួលខុសត្រូវខ្ពស់ និងឆាប់រហ័សជូនប្រជាពលរដ្ឋ ជាពិសេសត្រូវពង្រឹង យុត្តិធម៌ និងសមធម៌សង្គម ដោយអនុវត្តឲ្យបានម៉ឺងម៉ាត់នូវអភិក្រម “ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់”។ ហើយត្រូវដោះស្រាយវិវាទនៅមូលដ្ឋាន ក្រៅប្រព័ន្ធតុលាការ ប្រកបដោយគុណភាព និងប្រសិទ្ធភាពផងដែរ។
លោក យឹម ឆៃលី ប្រធានក្រុមការងារថ្នាក់កណ្តាលចុះជួយខេត្តកំពង់ចាម ក៏បានណែនាំដល់សមាជិក សមាជិការ គណបក្សស្រុកកងមាស ត្រូវខិតខំយកចិត្តទុកដាក់ធ្វើការដោះស្រាយ នូវការផ្តល់សេវាសំណូមពរ និងសេវាកាតព្វកិច្ច ជូនប្រជាពលរដ្ឋផងដែរ។
ការណែនាំបែបនេះក្នុងកិច្ចប្រជុំផ្សព្វផ្សាយ លទ្ឋផលសន្និបាតគណកម្មាធិកាកណ្តាល វិសាមញ្ញ របស់គណបក្សប្រជាជនកម្ពុជា និងសំណេះសំណាល ជាមួយក្រុមប្រឹក្សាឃុំ អាណត្តិទី៥ នៃស្រុកកងមាស នៅនៅចន្ទនេះដោយមានការអញ្ជើញចូលរួមពី លោកអ៊ុន ចាន់ដា ប្រធានគណៈកម្មាធិការគណបក្សខេត្ត និងថ្នាក់ដឹកនាំ សមាជិក សមាជិកាបក្សជាច្រើនរូបទៀត។
ឆ្លៀតក្នុងពិធី លោក យឹម ឆៃលី ក៏បានថ្លែងអំណរគុណ ដល់បងប្អូន ប្រជាពលរដ្ឋ ដែលបានរក្សាការជឿទុកចិត្ត និងផ្តល់ការគាំទ្រជារៀងរហូតដល់ សម្ដេចតេជោ និងតែងតែបោះឆ្នោតជូន គណបក្សប្រជាជនកម្ពុជា ឲ្យមានឱកាសបន្ត បំពេញកាតព្វកិច្ច ក្នុងការបម្រើប្រជាជន ឲ្យកាន់តែមានជីវភាព សម្បូរសប្បាយ និងដឹកនាំអភិវឌ្ឍឃុំ-សង្កាត់ បន្តទៀតពីឆ្នាំ២០២២ ដល់ឆ្នាំ២០២៧៕SRP
ខេត្តសៀមរាប៖ក្រុមហ៊ុន តូយ៉ូតា (ខេមបូឌា) បានប្រកាសផ្លាស់ប្តូរទីតាំង និងសម្ពោធអគារថ្មី របស់ខ្លួនជាផ្លូវការ នៅថ្ងៃទី៣០ ខែកក្កដា ឆ្នាំ២០២២ ដែលស្ថិតនៅតាមបណ្តោយផ្លូវជាតិលេខ៦ ភូមិខ្នារ សង្កាត់ជ្រាវ ក្រុងសៀមរាបខេត្តសៀមរាប។
ភ្នំពេញ៖សម្តេចហ៊ុន សែន នាយករដ្ឋមន្រ្តីនៃកម្ពុជា បានចេញអនុក្រឹត្យផ្ទេរភារកិច្ច និងតែងតាំងអភិបាលខណ្ឌសរុបចំនួន៩រូប។ 
ខេត្តកំពង់ចាម៖លោកឧបនាយករដ្ឋមន្ត្រី យឹម ឆៃលី ប្រធានក្រុមការងារថ្នាក់កណ្តាល ចុះជួយខេត្តកំពង់ចាម បានថ្លែងប្រាប់មាជិកសមាជិការ គណបក្សស្រុកកំពង់សៀម ឲ្យមាន ឆន្ទៈស្មោះត្រង់ និងទទួលខុសត្រូវខ្ពស់លើ ការងាររបស់ខ្លួន ដើម្បីដឹងសុខទុក្ខនិងលើកកម្ពស់ ជីវភាពរស់នៅ របស់ប្រជាពលរដ្ឋ។