ខេត្តកំពង់ចាម៖អភិបាលខេត្តកំពង់ចាម លោក អ៊ុន ចាន់ដា បានអំណរគុណចំពោះក្រុមគ្រូពេទ្យស្ម័គ្រចិត្តរបស់ លោក ហ៊ុន ម៉ានី ដែលជាគ្រូពេទ្យមានជំនាញ បទពិសោធន៍ ច្បាស់លាស់ ទទួលបានការសិក្សា នៅឯបរទេស ហើយបានលះបង់ពេលវេលា ចុះជួយពិនិត្យ និងព្យាបាលជម្ងឺ ជូនបងប្អូនប្រជាពលរដ្ឋ ដោយឥតគិតថ្លៃ និងមិនគិតពីការនឿយហត់។ លោកថា
កើតចេញពីស្មារតីមនុស្សធម៌ សុទ្ធសាធ ស្តែងចេញពីសេចក្តីស្រឡាញ់ ក្នុងនាមឈាមជ័រខ្មែរដូចគ្នា ខ្មែរស្រឡាញ់ខ្មែរ ខ្មែររួបរួមគ្នាតែមួយ អនាគតតែមួយ ពោលគឺការពិនិត្យព្យាបាលមិនប្រកាន់បក្សពួក សាសនា ឬនិន្នាការនយោបាយអ្វីឡើយ។
លោកថ្លែងបែបនេះក្នុងឱកាសដឹកនាំក្រុមគ្រូពេទ្យស្ម័គ្រចិត្តរបស់ លោកហ៊ុន ម៉ានី ជិត៥០០នាក់ ចុះពិនិត្យ និងព្យាបាលជម្ងឺជូនដល់ប្រជាពលរដ្ឋ ដោយឥតគិតថ្លៃ ជាង១០០០នាក់ នៅវិទ្យាល័យ ហ៊ុន សែន កងតាណឹង ស្រុកកងមាស ខេត្តកំពង់ចាម នៅព្រឹមិញនេះ។
ថ្លែងក្នុងឱកាសនោះដែរ អភិបាលខេត្តកំពង់ចាម បានលេីកឡើងថា បេីទោះបីជាមន្ទីរពេទ្យបង្អែក និងមណ្ឌលសុខភាព របស់រដ្ឋមាននៅគ្រប់មូលដ្ឋាន ប៉ុន្តែការពិនិត្យ និងព្យាបាលជូនប្រជាពលរដ្ឋ នៅតែមិនទាន់តាមតម្រូវការនៅឡើយទេ។ ដូច្នេះទើបមានការស្នើសុំទៅលោក ហ៊ុន ម៉ានី ដេីម្បីបញ្ជួនក្រុមគ្រូពេទ្យស្ម័គ្រចិត្ត ចុះមកពិនិត្យ និងព្យាបាលជម្ងឺ ជូនបងប្អូនប្រជាពលរដ្ឋ ដល់មូលដ្ឋាននាឱកាសនេះ ក្នុងគោលបំណងដើម្បីចូលរួមចំណែកទ្រទ្រង់ដល់ជីវភាព ក្នុងគ្រួសារពុកម៉ែបងប្អូន ដោយមិនត្រូវចំណាយពេលវេលា និងថវិកាទៅពិនិត្យ និងព្យាបាលជម្ងឺ នៅឯទីឆ្ងាយៗ។
អភិបាលខេត្ត ក៏បានអំពាវនាវដល់បងប្អូនប្រជាពលរដ្ឋ ឲ្យបន្តការប្រុងប្រយ័ត្នខ្ពស់ចំពោះការឆ្លងរីករាលដាលនៃជំងឺកូវីដ-១៩ បម្លែងថ្មី ជាពិសេស ប្រភេទអូមីក្រុង គឺត្រូវអនុវត្តឲ្យបានខ្ជាប់ខ្ជួននូវវិធានការ ៣ការពារ ៣កុំ របស់ប្រមុខរាជរដ្ឋាភិបា ក៏ដូចជាវិធានការសុខាភិបាល និងចូលរួមចាក់វ៉ាក់សាំងឲ្យបានគ្រប់ៗគ្នាផងដែរ៕SRP
លោក ហ៊ុន ម៉ាណែត បានថ្លែងថានៅពេលប្រពលរដ្ឋជួបទុក្ខលំបាក សម្តេចតេជោ តែងតែរត់រក ដើម្បីដឹកនាំការជួយសង្គ្រោះប្រជាពលរដ្ឋ ឱ្យឆ្លងផុតពីការលំបាកទាំងឡាយ ដោយដាច់ខាតមិនដែលបានរត់ចោល ប្រជាពលរដ្ឋឡើយ។
សម្តេចតេជោនាយករដ្ឋមន្ត្រី ហ៊ុន សែន៖ ខ្ញុំបានលះបង់ជីវិត ដើម្បីស្វែងរកសុខសន្តិភាពជូនប្រទេសកម្ពុជារបស់ខ្ញុំ។ ខ្ញុំបានចំណាយពេលប្រមាណជិតបីទសវត្សរ៍ ដើម្បីសម្រេចបាននូវក្តីសុបិនរបស់ខ្ញុំ ដោយខ្ញុំត្រូវស៊ូទ្រាំនឹងការលំបាកសព្វយ៉ាង រួមទាំងការប្រថុយជីវិតនៅក្នុងកិច្ចដំណើរការនៃការកសាងសន្តិភាពមួយនេះ»។
ខេត្តបន្ទាយមានជ័យ៖នៅទីបំផុតអភិបាលស្រុកព្រះនេត្រព្រះ លោក ឃូ ពៅ ត្រូវបានតុលាការឲ្យចេញលិខិតអញ្ជើញឲ្យចូលខ្លួន ទៅកាន់អយ្យការអមសាលាដំបូងខេត្តបន្ទាយមានជ័យនៅថ្ងៃទី២១ ខែមីនា ឆ្នាំ២០២២ ខាងមុខនេះ ដើម្បីសាកសួរ អំពីដំណើររឿង អ្នកដែលពាក់ព័ន្ធការឈូសឆាយ ទន្ទ្រានដីព្រៃ លិចទឹកតំបន់៣ បឹងទន្លេសាប ស្ថិតក្នុងភូមិសាស្ត្រឃុំប្រាសាទ និងឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ។ នេះបើយោងតាមលិខិតអញ្ជើញ ចុះថ្ងៃទី៩ ខែកុម្ភៈ ឆ្នាំ២០២២ ដែលចេញដោយលោក កើត វណ្ណារ៉េត ព្រះរាជអាជ្ញា បៃអយ្យការ អមសាលាដំបូង ខេត្តបន្ទាយមានជ័យ។
ខេត្តព្រៃវែង៖សម្ដេច ស ខេងបានថ្លែងផ្ដាំផ្ញើថា កិច្ចការបន្តចាប់ពីពេលនេះទៅ ការប្រមូលផ្ដុំគ្នាចុះទៅកាន់មូលដ្ឋានប្រជាពលរដ្ឋ ជាពិសេសចូលរួមផ្ដល់ការគាំទ្រដល់បេក្ខជន បេក្ខនារីក្រុមប្រឹក្សា ឃុំសង្កាត់របស់គណបក្ស ឱ្យធ្វើសកម្មភាពនានា នៅមូលដ្ឋានគឺជាអាទិភាព។ សម្ដេច ស ខេង ថាទន្ទឹមនឹងនេះត្រូវរួមគ្នាប្រមូលបញ្ហាប្រឈម នៅមូលដ្ឋាន មកដោះស្រាយ ដោយគ្មានការលាក់លៀម ខិតខំផ្ដល់សេវាសាធារណៈ ជូនប្រជាពលរដ្ឋល្អ ដោយមិនប្រកាន់និន្នាការនយោបាយ ធ្វើអំពើល្អដោយការមិនរំលោភអំណាច មិនបំពានសិទ្ធិ សេរីភាពប្រជាពលរដ្ឋ និងត្រូវពង្រឹងគុណភាពសមាជិក មានស្រាប់ ព្រមទាំងពង្រីកសមាជិកថ្មីបន្ថែម។