ខេត្តតាកែវ៖រឿងអាស្រូវរបស់លោក លីវ សំណាង ប្រធានមន្ទីរអភិវឌ្ឍន៍ជនបទខេត្តតាកែវ ត្រូវបានបែកធ្លាយជាសាធារណៈ។ នេះបើតាមសារព័ត៌មានក្នុងស្រុកបានចេញផ្សាយនៅថ្ងៃព្រហស្បតិ៍នេះ។

តាមរយៈសារព័ត៌មានបានចុះផ្សាយថា លោកលីវ សំណាង ប្រធានមន្ទីរអភិវឌ្ឍន៍ជនបទខេត្តតាកែវ មានគ្រឿងចាក់សម្រាប់ប្រតិបត្តិការ ការងាររកស៊ីនៅក្នុងខេត្ត ក៏ដូចជានៅក្នុងមន្ទីរអភិវឌ្ឍន៍ជនបទនិងបញ្ហាញៀនល្បែងនោះ លោកទទួលស្គាល់វាជារឿងពិត។ ក្នុងនោះគឺញៀនល្បែងក៏ជារឿងពិតនិងបញ្ហាមានគ្រឿងចក្រផ្ទាល់ ខ្លួនដើម្បីធ្វើការងាររបស់រដ្ឋ ដែលមន្ទីរអភិវឌ្ឍន៍ជនបទ ត្រូវការធ្វើក៏ជារឿងពិត។ ករណីបែបនេះគេនៅមិនទាន់ដឹងថា ក្រសួងអភិវឌ្ឍន៍ជនបទ នៅបន្តទុកមនុស្សបែបនេះ ឲ្យនៅធ្វើការបានយូរតទៅទៀតឬយ៉ាងណានោះទេ?

ប្រការនេះនាំឲ្យមន្រ្តីរាជការមួយនិងមហាជនរិះគន់ចំៗទៅលើ លោកលីវ សំណាង ប្រធានមន្ទីអភិវឌ្ឍន៍ជនបទខេត្តតាកែវ ថា ជាបុគ្គលញៀននឹងល្បែងជាពិសេសគឺល្បែងជល់មាន់ មិនថា តាមកាស៊ីណូឬតាមមូលដ្ឋានឡើយ។ ក្រុមមន្ត្រីនៅក្រោមឱវាទនេះមន្ទីរអភិវឌ្ឍន៍ជនបទខេត្តតាកែវ បានចោទសួរទៅថ្នាក់ដឹកនាំក្រសួងថា នៅពេលដែលប្រធានមន្ទីរ ក្លាយជាអ្នកញៀនល្បែង តើគាត់អាចដឹកនាំការងារនៅក្នុងមន្ទីរបានយ៉ាងដូចម្ដេចទៅ? សូម្បីតែមន្ត្រីនៅក្នុងមន្ទីរ ក៏នាំគ្នាគ្រវីក្បាលចំពោះរបៀបរបបនៃការដឹកនាំការងាររបស់លោកលីវ សំណាង ប្រធានមន្ទីរនេះដែរ។

យោងតាមប្រភពបន្តទៀតថា ប្រធានមន្ទីរខាងលើ មិនមានប្រាក់ខែច្រើនអស្ចារ្យនោះទេ តែគាត់មានលុយជាច្រើនសម្រាប់លេងល្បែងរាល់ ចុងសប្តាហ៍ជារៀងរហូតមិនដឹងថា បានលុយមកពីណាយកទៅលេងនោះទេ។ មិនត្រឹមតែលេង ល្បែងនោះទេ លោកប្រធានខាងលើ ក៏មានគ្រឿងចក្រផ្ទាល់ខ្លួន សម្រាប់ដេញថ្លៃតាមគម្រោងនានា ជាពិសេសរាល់គម្រោងធ្វើផ្លូវរបស់មន្ទីអភិវឌ្ឍន៏ជនបទតែម្ដង។ ក៏ប៉ុន្តែ បើតាមមន្ត្រីនៅមន្ទីរអភិវឌ្ឍន៍ជនបទខេត្តតាកែវ និយាយថា បញ្ហាមានលុយលេងល្បែងគឺជារឿងឯកជន របស់លោកប្រធានតែប៉ុណ្ណោះ មិនពាក់ព័ន្ធជាមួយមន្ទីរឡើយ។

ជុំវិញករណីនេះទីភ្នាក់ងារសារព័ត៌មាន សៀមរាប ប៉ុស្តិ៍ នៅពុំទាន់ទទួលបានការបំភ្លឺពីលោកលីវ សំណាង ប្រធានមន្ទីរអភិវឌ្ឍន៍ជនបទខេត្តតាកែវបាននៅឡើយទេរហូតដល់ម៉ោងផ្សាយនេះ។ តែទោះជាយ៉ាងណាលោកបានប្រាប់សារព័ត៌មានដែលបានចេញផ្សាយថា ពាក់ពន្ធ័ករណីខាងលើ លោកពិតជាមានគ្រឿងចក្រផ្ទាល់ខ្លួនពិតមែន គឺជាក្រុមហ៊ុនរបស់លោក ហើយនៅពេលមានគម្រោង ឬមានគេជួល គឺលោកទៅធ្វើឲ្យគេហើយ មិនចាំតែធ្វើគម្រោងរបស់មន្ទីរអភិវឌ្ឍន៍ជនបទនោះទេ។ ចំណែកចំពោះបញ្ហាលេងល្បែងស៊ីសង លោកប្រធានមន្ទីរក៏បានឆ្លើយតបថា ចំពោះរឿងដែរលោកដើរលេងល្បែង វាជារឿងឯកជន របស់លោក ហើយការទៅលេងល្បែងលោកទៅតែថ្ងៃឈប់សម្រាកនោះទេ។

បើតាមប្រភពពីក្រុមមន្រ្តីនៃមន្ទីរអភិវឌ្ឍន៍ជនបទខេត្តតាកែវ សុំមិនបញ្ចេញឈ្មោះបានទម្លាយថា លោកលីវ សំណាង ក៏ធ្លាប់ACUកោះហៅ ទៅបំភ្លឺផងដែរជុំវិញការអនុវត្តការងាររបស់លោកកន្លងមក៕SRP

ខេត្តបន្ទាយមានជ័យ៖មានការលើកឡើងថាទំនិញគ្រប់ប្រភេទ ក្នុងនោះម៉ូតូអត់ពន្ធឬបង់ពន្ធមិនគ្រប់ជាច្រើនបាននាំចូលយ៉ាងគគ្រឹកគគ្រេង តាមច្រកបឹងត្រកួន ដោយមិនមានការទប់ស្កាត់ពីជំនាញគយឡើយ។

នេះបើយោងតាមសេចក្តីរាយការណ៍បានឲ្យដឹងថា ម៉ូតូអត់ពន្ធឬបង់ពន្ធមិនគ្រប់ កំពុងនាំចូលយ៉ាងគគ្រឹកគគ្រេង តាមច្រកបឹងត្រកួន ស្ថិតក្នុងស្រុកថ្មពួក ជារៀងរាល់ថ្ងៃ ក្រោមការត្រួតត្រារបស់មេគយ លោក កែវ សារ៉ាត់។

ប្រភពទៀតបន្ថែមថា ម៉ូតូថៃត្រូវបានដឹកជញ្ជូនដាក់លើរថយន្ត រាប់រយគ្រឿងក្នុងមួយថ្ងៃៗ ឆ្លងកាត់ច្រកព្រំដែនបឹងត្រកួន ដែលគេដឹងថា ម៉ូតូទាំងនោះបង់ពន្ធមិនគ្រប់ ឬមួយចំនួនមិនបង់ពន្ធតែម្ដង។ សកម្មភាពបែបនេះគេសង្កេតឃើញកើតមានជារៀងរាល់ថ្ងៃ ជាពិសេសម៉ូតូស៊េរីទំនើបនិងម៉ូតូធំៗភាគច្រើនគឺមិនបានបង់ពន្ធតែម្តង។ ករណីសង្ស័យថា ប្រសិនបើគ្មានការត្រូវរូវឃុបឃិតពីប្រធានគយ លោក កែវ សារ៉ាត់ នោះទេ ម៉ូតូថៃទាំងនោះ មិនអាចឆ្លងដែនចូលក្នុងទឹកដីខ្មែរបានឡើយ។ ក្រៅពីសេចក្តីរាយការណ៍ រឿងករណីម៉ូតូនាំចូលអត់ពន្ធឬបង់ពន្ធមិនគ្រប់ គេក៏សង្កេតឃើញមានទំនិញខូចគុណភាព នៅតែបន្តនាំចូលតាមច្រកបឹងត្រកួន ជារៀងរាល់ថ្ងៃផងដែរ។

ប្រភពបានបង្ហើបប្រាប់ថា ក្រៅពីទំនិញខូចគុណភាពដែលជាប្រភេទ សាច់បង្កកនិងគ្រឿងក្នុង ជាដើមនោះ ក្រុមឈ្មួញគ្រាក់ៗ នៅតែអាចនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ តាមច្រកបឹងត្រកួន ជាហូរហែបានក៏ព្រោះតែ សង្ស័យមានការឃុបឃិតបិទភ្នែក ជាមួយក្រុមមន្រ្តីគយចល័តខេត្តបន្ទាយមានជ័យ។ ដោយតាមច្រករបៀង ក្បែរៗ ច្រកទ្វារតំបន់បឹងត្រកួន នៅតែមានឈ្មួញនាំចូលទំនិញខុសច្បាប់ និងទំនិញគេចពន្ធ ដែលគេសង្ស័យថា
មានការបើកភ្លើងខៀវពីលោក កែវ សារ៉ាត់ មេគយច្រកបឹងត្រកួន និងសមត្ថកិច្ចពាក់ព័ន្ធមួយចំនួនថែមទៀត។

ប្រភពបន្តថា ម៉ូតូស៊េរីទំនើបៗ មានដូចជាម៉ាកហុងដាស្កូពី, ម៉ូតូដែលមានស៊ីឡាំងធំ និង honda 125cc ជាប្រភេទម៉ូតូត្រូវប៉ាន់បំផុត នៅក្នុងប្រទេស ដែលពួកឈ្មួញកំពុងនាំចូលតាមច្រកព្រំដែនបឹងត្រកួន ម៉ូតូភាគច្រើន ដែលប្រើប្រាស់ នៅលើបណ្ដាខេត្តភាគខាងលិច រួមទាំងក្រុងភ្នំពេញផងនោះ មិនមានការបង់ពន្ធត្រឹមត្រូវ ក៏ដោយសារតែការនាំចូលតាមច្រកបឹងត្រកួននេះដែរ។

បច្ចុប្បន្នរដ្ឋបាលខេត្តបន្ទាយមានជ័យ ហាក់ដូចជាធ្វើ មិនដឹងមិនឮ ចំពោះបញ្ហា ដែលជាចំណុចអសកម្មកំពុងកើតឡើងនៅច្រកព្រំដែនបឹងត្រកួន។ មូលហេតុទាំងនេះហើយដែលជាកត្តា អាចផ្តល់ឱកាសឲ្យលោក កែវ សារ៉ាត់ អាចបិទភ្នែកឲ្យពួកឈ្មួញនាំចូលម៉ូតូស៊េរីទំនើបៗ និងទំនិញគេចពន្ធនិងបង់ពន្ធមិនគ្រប់ពីប្រទេសថៃបានដោយរលូន។

ទីភ្នាក់ងារសារព័ត៌មាន សៀមរាប ប៉ុស្តី មិនទាន់ទទួលបានការបំភ្លឺពីលោកកែវ សារ៉ាត់ មេគយច្រកបឹងត្រកួន
បាននៅឡើយទេរហូតដល់ម៉ោងផ្សាយនេះដោយមិនមានលេខទូរសព្ទទំនាក់ទំនង៕SRP

ប្រធានមន្ទីរសុរិយោដីចំនួនពីរខេត្តត្រូវបានរដ្ឋាភិបាលសម្រេចដកឲ្យមកបម្រើការងារនៅក្រសួងវិញ។

សម្តេចធិបតី ហ៊ុន ម៉ាណែត នាយករដ្ឋមន្ត្រី ចេញអនុក្រឹត្យសម្រួលភារកិច្ចលោក សំ សារឿន ពី​ប្រធានមន្ទីរ​រៀបចំ​ដែនដី នគរូបនីយកម្ម សំណង់ និងសុរិយាដី ខេត្តព្រះវិហារ និងលោក ដាញ់ សារី ពី​ប្រធានមន្ទីរ​រៀបចំ​ដែនដី នគរូបនីយកម្ម សំណង់ និងសុរិយាដី ខេត្តខេត្តកំពត ឲ្យមក​បម្រើ​ការងារ​នៅទីស្តីការ​ក្រសួងរៀបចំដែនដី នគរូបនីយកម្ម និងសំណង់។

តែងតាំងលោក ព្រាប សុផាត ជា​ប្រធានមន្ទីរ​រៀបចំ​ដែនដី នគរូបនីយកម្ម សំណង់ និងសុរិយាដី ខេត្តខេត្តកំពត ជំនួសលោក ដាញ់ សារី ដែលទទួលភារកិច្ចថ្មី។

តែងតាំងលោក ស សាវ៉េត ជា​ប្រធានមន្ទីរ​រៀបចំ​ដែនដី នគរូបនីយកម្ម សំណង់ និងសុរិយាដី ខេត្តព្រះវិហារ ជំនួសលោក សំ សារឿន ដែលត្រូវទទួលភារកិច្ចថ្មី៕SRP

តើលោក ប្រាក់ សុខុន ជានរណា?
..
ទោះក្នុងវ័យ ៧០ ឆ្នាំក្តី លោក ប្រាក់ សុខុន នៅថ្ងៃទី ២០ វិច្ឆិកានេះ ត្រូវបានរដ្ឋសភាជាតិ បោះឆ្នោតគាំទ្រទាំងស្រុងឱ្យកាន់តំណែងជា ឧបនាយករដ្ឋមន្រ្តី រដ្ឋមន្រ្តីក្រសួងការបរទេស ជំនួសលោក សុខ ចិន្តាសោភា។

កើតនៅថ្ងៃទី ៥ ឧសភា ឆ្នាំ១៩៥៤ លោក ប្រាក់ សុខុន មានដើមកំណើតនៅរាជធានីភ្នំពេញ។ពីឆ្នាំ ១៩៧២ ដល់ ១៩៧៥ លោកគឺជានិស្សិតច្បាប់នៅរាជធានីភ្នំពេញ។ក្រោយថ្ងៃរំដោះ ៧ មករា ឆ្នាំ១៩៧៩ សិក្សាជំនាញផ្នែក ព័ត៌មាន នៅប្រទេសហុងគ្រី និង បានចូលកាន់ការងារជា ប្រធានផ្នែក និពន្ធនាយកកាសែតកងទ័ព ពីឆ្នាំ១៩៧៩ ដល់ឆ្នាំ ១៩៨៦ ហើយការងារនិពន្ធនាយក សារព័ត៌មាននេះ លោកបានធ្វើរហូតដល់ទស្សវត្សឆ្នាំ ១៩៩០។

នៅឆ្នាំ១៩៩៣ លោកបានបន្តការសិក្សាជំនាញ ទំនាក់ទំនងអន្តរជាតិ នៅប្រទេសបារាំង និង ធ្លាប់សិក្សាជំនាញ ការទូតយុទ្ធសាស្ត្រ នៅទីក្រុងប៉ារីស ប្រទេសបារាំង ឆ្នាំ ២០០១ ក្រោយមកលោកបានចូលបំពេញការងារជាច្រើនក្នុងជួយរាជរដ្ឋាភិបាល ដោយបានកាន់ការងារជាអ្នកការទូតនៅ បារាំង បែលហ្សិច ហូឡង់ អូទ្រីស ដាណឺម៉ាក ស៊ុយអែត ហ្វាំងឡង់ សហគមន៍អឺរុប និង អង្គការសហប្រជាជាតិ។

លោក ប្រាក់ សុខុន ធ្លាប់កាន់តំណែងជា រដ្ឋមន្រ្តីក្រសួងប្រៃសនីយ៍ និង ទូរគមនាគមន៍ ពីឆ្នាំ២០១៣ ដល់ឆ្នាំ ២០១៦ និង បានក្លាយជា រដ្ឋមន្រ្តីក្រសួងការបរទេស ចាប់ពីឆ្នាំ ២០១៦ រហូតដល់ ឆ្នាំ២០២៣ ក្រោមការដឹកនាំដោយសម្តេច ហ៊ុន សែន។

ក្នុងរាជរដ្ឋាភិបាល អាណត្តិទី៧ និង ក្រោយការបោះឆ្នោតជ្រើសតាំងសមាជិកព្រឹទ្ធសភា អាណត្តិទី៥ លោកត្រូវតែតាំងជា អនុប្រធានទី១ នៃព្រឹទ្ធសភា។ហើយនៅថ្ងៃទី ២០ វិច្ឆិកា ឆ្នាំ២០២៤នេះ រដ្ឋសភាជាតិ បោះឆ្នោតគាំទ្រទាំងស្រុងឱ្យកាន់តំណែងជា ឧបនាយករដ្ឋមន្រ្តី រដ្ឋមន្រ្តីក្រសួងការបរទេស ឡើងវិញ ក្នុងវ័យ៧០ ឆ្នាំ៕ ដកស្រង់ដោយស៊ីស៊ីថាមស៍

ខេត្តតាកែវ៖លោកវ៉ី សំណាង អភិបាលខេត្តតាកែវ បានឲ្យដឹងថាករណីមរណភាពរបស់ស្ត្រីឈ្មោះ ណាំ ចន្ទ ភេទស្រី អាយុ ៤១ឆ្នាំ នៅភូមិទឹកថ្លា ឃុំត្រពាំងក្រសាំង ស្រុកបាទី ខេត្តតាកែវ។

អភិបាលខេត្តបន្តថាបន្ទាប់ពីទទួលបានព័ត៌មាន ករណីមរណភាព ស្ត្រីឈ្មោះ ណាំ ចន្ទ ដែលរស់នៅភូមិទឹកថ្លា ឃុំត្រពាំងក្រសាំង ស្រុកបាទី ខេត្តតាកែវ រដ្ឋបាលខេត្ត និង ក្នុងនាមខ្លួនខ្ញុំផ្ទាល់ បានចាត់មន្ទីរសុខាភិបាល នៃរដ្ឋបាលខេត្ត ស្នងការដ្ឋាននគរបាលខេត្ត និង រដ្ឋបាលស្រុកបាទី ដើម្បីចាត់តាំងមន្ត្រីជំនាញ និង មន្ត្រីពាក់ព័ន្ធដើម្បីចុះ ពិនិត្យស្រាវជ្រាវ និង បានចាត់វិធានការផ្លូវច្បាប់ជាបន្ទាន់។

ពាក់ព័ន្ធករណីនេះ មន្ទីរសុខាភិបាល នៃរដ្ឋបាលខេត្តតាកែវ បានបិទគ្លីនិកឈ្មោះ សុងហាក់ ម៉ារីណា ដោយ មិនឱ្យធ្វើអាជីវកម្ម និងសកម្មភាពជាបន្តឡើយ។ ទន្ទឹមនេះ សមត្ថកិច្ចជំនាញក៏បានឃាត់ខ្លួនម្ចាស់គ្លីនិកទាំងពីរ នាក់ប្តី ប្រពន្ធ ដើម្បីយកមកសួរនាំ និង អនុវត្តតាមនីតិវិធីច្បាប់ជាធរមាន។

ក្នុងនាមថ្នាក់ដឹកនាំ នៃរដ្ឋបាលខេត្តតាកែវ និងក្នុងនាមខ្លួនខ្ញុំផ្ទាល់ សូមថ្កោលទោស ចំពោះទង្វើដ៏អមនុស្ស ធម៌ ដោយមិនគោរពក្រមសីលធម៌វិជ្ជាជីវៈ ជាគ្រូពេទ្យ ជាពិសេសច្បាប់ និងលិខិតបទដ្ឋាននានា នៃព្រះរាជាណា ចក្រកម្ពុជា។ ជាមួយគ្នានេះ ក៏សូមថ្លែងអំណរគុណ ដល់បងប្អូនប្រជាពលរដ្ឋ ទាំងអស់ដែលបានចូលរួមឈឺឆ្អាល ចំពោះអំពើដ៏អមនុស្សធម៌នេះ ក្នុងការពង្រឹងនិងការពារសុខភាពសាធារណៈ ជូនប្រជាពលរដ្ឋឱ្យបានកាន់តែល្អប្រសើរ។

ជាថ្មីម្តងទៀត ក្នុងនាមថ្នាក់ដឹកនាំខេត្ត និង ក្នុងនាមខ្លួនខ្ញុំផ្ទាល់ សូមចូលរួមរំលែកទុក្ខយ៉ាងក្រៀមក្រំ និង សោកស្តាយជាទីបំផុតជាមួយគ្រួសារនៃសព ឃ្លាតឡើយនិងសូមវិញ្ញាណក្ខន្ធនៃសពបានទៅកាន់សុគតិភពកុំបីឃ្លៀង។

សូមជម្រាបថាសមត្ថកិច្ចបានចាប់ខ្លួន
ម្ចាស់មន្ទីរសម្រាប់ព្យាបាលនិងសម្ភព ដែលមានទីតាំង នៅចំណុចមន្ទីរសម្រាកព្យាបាល និងសម្ភព សុង ហាក់ម៉ារីណា ស្ថិតនៅភូមិបឹងបញ្ញាគុក ឃុំត្រពាំងក្រសាំង ស្រុកបាទី។

ការចាប់ខ្លួននេះធ្វើឡើងពាក់ព័ន្ធករណី
នៅព្រឹកថ្ងៃទី ១៩ ខែវិច្ឆិកា ឆ្នាំ២០២៤ ពីបទមនុស្សឃាតដោយអចេតនា។

យោងតាមប្រភពពីសមត្ថកិច្ចបានឲ្យដឹងថា នៅវេលាម៉ោង ៦និង៤៥នាទីល្ងាច ថ្ងៃទី១៨ ខែវិច្ឆិកា ឆ្នាំ២០២៤ មានករណីមនុស្សឃាតដោយអចេតនា (ចាក់ថ្នាំប្រតិកម្មបណ្ដាលឲ្យស្លាប់) នៅចំណុចមន្ទីរសម្រាកព្យាបាលនិងសម្ភព ស្ថិតនៅភូមិបឹងពញ្ញាគុក ឃុំត្រពាំងក្រសាំង ស្រុកបាទីខេត្តតាកែវ។

ប្រភពពីក្រុមគ្រួសារជនរងគ្រោះបានឲ្យដឹងថា កាលពីវេលាម៉ោង៦ ល្ងាចថ្ងៃទី១៨ ខែវិច្ឆិកា ឆ្នាំ២០២៤ ជនរង គ្រោះឈ្មោះ ណាំ ចន្ធូ ភេទស្រីអាយុ៤១ឆ្នាំ ជាមួយនឹងក្មួយស្រី ឈ្មោះណូន សៀវហ្វាន អាយុ៣ឆ្នាំ មានទីលំនៅភូមិទឹកថ្លា ឃុំត្រពាំងក្រសាំង ស្រុកបាទី ខេត្តតាកែវ បានប្រាប់ក្រុមគ្រួសារថា ទៅរកពេទ្យដើម្បីឲ្យចាក់ ថ្នាំព្យាបាលជំងឺរបស់ខ្លួន។ តាំងពីចេញពីផ្ទះរហូត ដល់យប់ជ្រៅមិនឃើញ សមាជិកក្រុមគ្រួសារមកវិញ ដោយបាត់ជនរងគ្រោះ ចេញទៅចាក់ថ្នាំមិនឃើញត្រឡប់មកផ្ទះវិញយូរពេក ក្រុមគ្រួសារ មានការភិតភ័យក៏បាននាំគ្នាចេញទៅដើររកជនរងគ្រោះ រហូតដល់ម៉ោង២យប់រំលងអធ្រាត ឈានចូល​ ថ្ងៃទី១៩ ខែវិច្ឆិកា ឆ្នាំ២០២៤ ទើបប្រទះឃើញ ម៉ូតូរបស់ជនរងគ្រោះ នៅក្នុងព្រៃខាងត្បូងភូមិ ឃ្លាតពីផ្ទះពេទ្យ ប្រហែល៣០០ម៉ែត្រ តែមិនឃើញជនរងគ្រោះឡើយ។

ប្រភពបានរាយការណ៍ថា លុះព្រឹកឡើងម៉ោង៥ និង៤៥នាទីព្រឹក ថ្ងៃទី១៩ ខែវិច្ឆិកា ឆ្នាំ២០២៤ ទើបប្រជាពលរដ្ឋ ប្រទះឃើញសាកសពជន រងគ្រោះ និងក្មេងស្រីអង្គុយក្បែរសាកសព នៅចំណុចគុម្ភសង្កែក្បែរផ្លូវបេតុង ស្ថិតនៅភូមិម្រះព្រៅ ឃុំចំបក់ ស្រុកបាទី ខេត្តតាកែវ។

សមត្ថកិច្ចបានបញ្ជាក់ថា ក្រោយទទួលព័ត៌មានកម្លាំងកងរាជអាវុធហត្ថស្រុកបាទី និងកម្លាំងនគរបាលស្រុក បានចុះដល់ទីតាំងកើតហេតុ ហើយកម្លាំងជំនាញកោសល្យវិច័យ និងពេទ្យបានធ្វើកោសល្យវិច័យទៅលើសាកសព រួចរាល់បញ្ជាក់ថា ជនរងគ្រោះ បានស្លាប់ដោយសារប្រតិកម្មនិងការចាក់ថ្នាំ ហើយសាកសព ត្រូវបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី។

ជនសង្ស័យ ទី១-ឈ្មោះហៀង សុងហាក់ ភេទប្រុសអាយុ៣៧ ឆ្នាំមុខរបរពេទ្យ និងទី២-ឈ្មោះស៊ុន ម៉ារីណា ភេទស្រីអាយុ៣៩ឆ្នាំមុខរបរពេទ្យ ធ្វើការនៅមន្ទីរពេទ្យបង្អែកស្រុកបាទី មានទីលំនៅភូមិបឹងពញាគុក ឃុំត្រពាំងក្រសាំង ស្រុកបាទី៕SRP

ខេត្តតាកែវ៖នៅទីបំផុតសមត្ថកិច្ចបានចាប់ខ្លួនម្ចាស់មន្ទីរសម្រាប់ព្យាបាលនិងសម្ភព ដែលមានទីតាំង នៅចំណុចមន្ទីរសម្រាកព្យាបាល និងសម្ភព សុង ហាក់ម៉ារីណា ស្ថិតនៅភូមិបឹងបញ្ញាគុក ឃុំត្រពាំងក្រសាំង ស្រុកបាទី។

ការចាប់ខ្លួននេះធ្វើឡើងពាក់ព័ន្ធករណីនៅព្រឹកថ្ងៃទី ១៩ ខែវិច្ឆិកា ឆ្នាំ២០២៤ ពីបទមនុស្សឃាតដោយអចេតនា។

យោងតាមប្រភពពីសមត្ថកិច្ចបានឲ្យដឹងថា នៅវេលាម៉ោង ៦និង៤៥នាទីល្ងាច ថ្ងៃទី១៨ ខែវិច្ឆិកា ឆ្នាំ២០២៤ មានករណីមនុស្សឃាតដោយអចេតនា (ចាក់ថ្នាំប្រតិកម្មបណ្ដាលឲ្យស្លាប់) នៅចំណុចមន្ទីរសម្រាកព្យាបាលនិងសម្ភព ស្ថិតនៅភូមិបឹងពញ្ញាគុក ឃុំត្រពាំងក្រសាំង ស្រុកបាទីខេត្តតាកែវ។

ប្រភពពីក្រុមគ្រួសារជនរងគ្រោះបានឲ្យដឹងថា កាលពីវេលាម៉ោង៦ ល្ងាចថ្ងៃទី១៨ ខែវិច្ឆិកា ឆ្នាំ២០២៤ ជនរង គ្រោះឈ្មោះ ណាំ ចន្ធូ ភេទស្រីអាយុ៤១ឆ្នាំ ជាមួយនឹងក្មួយស្រី ឈ្មោះណូន សៀវហ្វាន អាយុ៣ឆ្នាំ មានទីលំនៅភូមិទឹកថ្លា ឃុំត្រពាំងក្រសាំង ស្រុកបាទី ខេត្តតាកែវ បានប្រាប់ក្រុមគ្រួសារថា ទៅរកពេទ្យដើម្បីឲ្យចាក់ ថ្នាំព្យាបាលជំងឺរបស់ខ្លួន។ តាំងពីចេញពីផ្ទះរហូត ដល់យប់ជ្រៅមិនឃើញ សមាជិកក្រុមគ្រួសារមកវិញ ដោយបាត់ជនរងគ្រោះ ចេញទៅចាក់ថ្នាំមិនឃើញត្រឡប់មកផ្ទះវិញយូរពេក ក្រុមគ្រួសារ មានការភិតភ័យក៏បាននាំគ្នាចេញទៅដើររកជនរងគ្រោះ រហូតដល់ម៉ោង២យប់រំលងអធ្រាត ឈានចូល​ ថ្ងៃទី១៩ ខែវិច្ឆិកា ឆ្នាំ២០២៤ ទើបប្រទះឃើញ ម៉ូតូរបស់ជនរងគ្រោះ នៅក្នុងព្រៃខាងត្បូងភូមិ ឃ្លាតពីផ្ទះពេទ្យ ប្រហែល៣០០ម៉ែត្រ តែមិនឃើញជនរងគ្រោះឡើយ។

ប្រភពបានរាយការណ៍ថា លុះព្រឹកឡើងម៉ោង៥ និង៤៥នាទីព្រឹក ថ្ងៃទី១៩ ខែវិច្ឆិកា ឆ្នាំ២០២៤ ទើបប្រជាពលរដ្ឋ ប្រទះឃើញសាកសពជន រងគ្រោះ និងក្មេងស្រីអង្គុយក្បែរសាកសព នៅចំណុចគុម្ភសង្កែក្បែរផ្លូវបេតុង ស្ថិតនៅភូមិម្រះព្រៅ ឃុំចំបក់ ស្រុកបាទី ខេត្តតាកែវ។

សមត្ថកិច្ចបានបញ្ជាក់ថា ក្រោយទទួលព័ត៌មានកម្លាំងកងរាជអាវុធហត្ថស្រុកបាទី និងកម្លាំងនគរបាលស្រុក បានចុះដល់ទីតាំងកើតហេតុ ហើយកម្លាំងជំនាញកោសល្យវិច័យ និងពេទ្យបានធ្វើកោសល្យវិច័យទៅលើសាកសព រួចរាល់បញ្ជាក់ថា ជនរងគ្រោះ បានស្លាប់ដោយសារប្រតិកម្មនិងការចាក់ថ្នាំ ហើយសាកសព ត្រូវបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី។

បើតាមសមត្ថកិច្ច បច្ចុប្បន្នកម្លាំងអធិការដ្ឋាននគរបាលស្រុកបាទី បានឃាត់ខ្លួនម្ចាស់មន្ទីរសម្រាកព្យាបាលនិងសម្ភព សុងហាក់ម៉ារីណា ពីរនាក់ប្ដីប្រពន្ធចាត់ការទៅតាមនីតិវិធី។

ជនសង្ស័យ ទី១-ឈ្មោះហៀង សុងហាក់ ភេទប្រុសអាយុ៣៧ ឆ្នាំមុខរបរពេទ្យ និងទី២-ឈ្មោះស៊ុន ម៉ារីណា ភេទស្រីអាយុ៣៩ឆ្នាំមុខរបរពេទ្យ ធ្វើការនៅមន្ទីរពេទ្យបង្អែកស្រុកបាទី មានទីលំនៅភូមិបឹងពញាគុក ឃុំត្រពាំងក្រសាំង ស្រុកបាទី៕SRP

អធិការនគរបាលស្រុកបាទី លោក ឆាយ កែវមុនី ដែលបានប្រាប់អ្នកសារព័ត៌មានថា ដើមចមដំបូងឈ្មោះ ណាំ ចន្ធូ បានចូលពិគ្រោះជំងឺ នៅគ្លីនិក ស៊ុន​ ម៉ារីណា ត្រង់ចំណុចខាងលើ ក្នុងនោះគ្រូពេទ្យ ក៏បានពិនិត្យវិនិច្ឆ័យរោគ រួចចាក់ថ្នាំស្រាប់តែអ្នកជំងឺឈ្មោះ ណាំ ចន្ធូ ប្រតិកម្មធ្វើទុក្ខខ្លាំង រហូតដាច់ខ្យល់ស្លាប់តែម្ដង។ ឃើញបែបនេះ ម្ចាស់គ្លីនិក ហាក់ភ័យស្លន់ស្លោ និងបានយកម៉ូតូរបស់ជនរងគ្រោះ ទៅផ្លុងចោល ដោយថែមទាំងដឹកសាកសពរងគ្រោះ រួមនិងក្មេងស្រីរបស់ជនរងគ្រោះ មកផ្លុងចោល ត្រង់ចំណុចខាងលើទៀតផង។ មិនតែប៉ុណ្ណោះ ក្មេងស្រីរងគ្រោះ ហាក់បាត់បង់ស្មារតី សង្ស័យត្រូវថ្នាំសណ្ដំឱ្យវង្វេង.ទាំងដែលរូបនាង ត្រូវគេផ្លុងចោល ឱ្យដេកជាមួយសាកសពម្ដាយធំរយៈពេល១យប់៕SRP

ភ្នំពេញ៖ប្រសិនពុំមានអ្វីប្រែប្រួលនោះទេ នៅថ្ងៃស្អែកទី 20 ខែ វិច្ឆិកា ឆ្នាំ 2024 រដ្ឋសភាបោះឆ្នោតផ្តល់សេចក្តីទុកចិត្តលើលោក ប្រាក់ សុខុន ជារដ្ឋមន្ត្រីក្រសួងការបរទេសជំនួសលោកសុខ ចិន្តាសោភា។

នេះបើយោងតាម សេចក្ដីប្រកាសព័ត៌មាន ដែលទីភ្នាក់ងារសារព័ត៌មានសៀមរាប ប៉ុស្តិ៍ ទទួលបាន៕SRP

ខេត្តកំពង់ធំ៖រថយន្តដឹកអ្នកដំណើរ របស់ក្រុមហ៊ុន(ខេបូលីង) ផ្ទុកមនុស្សសរុបចំនួន ១៥ នាក់ ជាប្រភេទរថយន្តម៉ាកហាយ៉ាស់ ពណ៌ស ពាក់ផ្លាកលេខ ភ្នំពេញ 2BS- 7983 បើកបរដោយបុរសម្នាក់មានឈ្មោះ រត្ន័ សុធី ភេទប្រុស អាយុ ៤៤ ឆ្នាំ ក្នុងទឹសដៅពីភ្នំពេញ ទៅខេត្តសៀមរាប លុះមកដល់ត្រង់ចំណុចកើតហេតុស្រាប់តែរថយន្តបានក្រឡា..ប់ផ្ងារជើង ដោយខ្លួនឯង បណ្ដាលឲ្យមនុស្ស រងរបួស ស្រាល..ធ្ង..ន់ស្រាលចំនួន ០៨ នាក់។

ហេតុការណ៍នេះបានកើតឡើងនៅវេលាម៉ោង ៥និង៣០ នាទីល្ងាច ថ្ងៃអាទិត្យទី១៧ វិច្ឆិកា ២០២៤ នៅតាមបណ្ដោយផ្លូវជាតិលេខ៦ ចន្លោះគីឡូ ម៉ែត្រលេខ ២១៨-២១៩ ស្ថិតនៅភូមិតាចរ ឃុំទ្រា ស្រុកស្ទោង ខេត្តកំពង់ធំ៕SRP

ខេត្តសៀមរាប៖លោកលី​ សំរិទ្ធ​ ប្រធានក្រុមប្រឹក្សាខេត្តបានស្នេីឱ្យមានការហោះហេីរត្រង់ពីក្រុងតាលៀនមកកាន់ខេត្តសៀមរាប។ 

លោកក៏ស្នេីដល់អនុប្រធានសភា​ នៃក្រុងតាលៀន ឱ្យជួយជំរុញនិងផ្សព្វផ្សាយ ដល់ប្រជាជនចិន​ អំពីតំបន់ទេសចរណ៍​ វប្បធម៌​ និងអរិយធម៌ របស់ខ្មែរដល់ប្រជាជនចិន​ ដេីម្បីមកទស្សនាកម្សាន្តនៅខេត្តសៀមរាប។ 

ក្នុងជំនួបសម្តែងការគួរសម​ និងពិភាក្សាការងាររវាងរដ្ឋបាលខេត្តដឹកនាំដោយលោក លី​ សំរិទ្ធ​ ប្រធានក្រុមប្រឹក្សាខេត្តជាមួយនឹងលោក XU SHAODA អនុប្រធានសភាប្រជាជនក្រុងតាលៀន នៃសាធារណរដ្ឋប្រជាមានិតចិន នៅថ្ងៃអាទិត្យនេះ 

ប្រធានក្រុមប្រឹក្សា​ខេត្ត បានស្វាគមន៍យ៉ាងកក់ក្តៅចំពោះប្រតិភូនៃក្រុងតាលៀន នៃសាធារណរដ្ឋប្រជាមានិតចិន​ ដែលបានអញ្ជេីញមកទស្សនកិច្ចនៅខេត្តសៀមរាបនាពេលនេះ។ 

នៅសាលាខេត្តសៀមរាប ប្រធានក្រុមប្រឹក្សាខេត្តសៀមាប​ និងអនុប្រធានសភាប្រជាជនក្រុងតាលៀន នៃសាធារណរដ្ឋប្រជាមានិតចិន នឹងបន្តពង្រឹងចំណងមិត្តភាព​ និងពង្រឹងកិច្ចសហប្រតិបត្តិការទ្វេភាគី លើវិស័យអប់រំ ទេសចរណ៍ និងវប្បធម៌ជាពិសេសការមានបំណងចង់ឱ្យមាន chapter flight រវាងខេត្ត-ក្រុងទាំងពីរផងដែរ។

ប្រធានគណៈប្រតិភូក្រុងតាលៀន​ ក៏បានបង្ហាញពីគោលបំណងនៃដំណើរទស្សនកិច្ច នៅខេត្តសៀមរាប ដើម្បីពង្រឹងកិច្ចសហប្រតិបត្តិការ ទ្វេភាគី លើវិស័យអប់រំ ទេសចរណ៍ និងវប្បធម៌។ ជាមួយនឹងការហោះហេីរ​ត្រង់រវាងក្រុង​ និងខេត្តសៀមរាប​ លោកក៏មានបំណងចង់ ឱ្យមាន chapter flight រវាងខេត្ត-ក្រុងទាំងពីរផងដែរ​ ចំពោះការងារនេះ លោកនឹងជំរុញបន្ថែមទៀតដេីម្បីឱ្យបានជោគជ័យ។ 

លោកលី​ សំរិទ្ធ​ បានថ្លែងនូវការអរគុណយ៉ាងជ្រាលជ្រៅចំពោះ លោកប្រធានគណៈប្រតិភូ ដែលបានយកចិត្តទុកដាក់ខ្ពស់ ចំពោះកិច្ចសហប្រតិបត្តិការរវាងខេត្ត-ក្រុងទាំងពីរ។​ លោកសង្ឃឹមយ៉ាងមុតមាំថា ទំនាក់ទំនងកិច្ចសហប្រតិបត្តិការ និងការផ្លាស់ប្ដូរទៅវិញទៅមក នឹងធ្វើឱ្យមានការអភិវឌ្ឍរួមគ្នាកាន់តែប្រសើរឡេីងថែមទៀត៕SRP

ខេត្តត្បូងឃ្មុំ៖សមត្ថកិច្ចបានបង្ក្រាបរថយន្តដឹកឈើចំនួន 2 គ្រឿង ដែលគ្រោងហោះចូលប្រទេសវៀតណាម។

ការបង្ក្រាបធ្វើ នៅវេលាម៉ោង ៣ និង៥០នាទីរសៀល ថ្ងៃទី ១៥ ខែវិច្ឆិកា ឆ្នាំ២០២៤ នៅលើបណ្តោយផ្លូវជាតិលេខ៧ នៅចន្លោះគីឡូម៉ែត្រលេខ២១១-២១២ ត្រង់ចំណុចនិយាមការ ៦២៩០៩៧ ១៣០៧៥៣២ ស្ថិតក្នុងភូមិឆ្កែអើត ឃុំទ្រមូង ស្រុកមេមត់ ខេត្តត្បូងឃ្មុំ។

មន្ត្រីបាននិយាយថា នៅក្នុងប្រតិបត្តិការ សមត្ថកិច្ចបានចាប់បង្ក្រាបរថយន្តធុនធ្ងន់ ២គ្រឿង ដឹកឈើពេញប្រៀប គឺ ១-ម៉ាក HYUNDAI ក្បាលពណ៌ស ទ្រុងពណ៌ខៀវ ពាក់ស្លាកលេខ ក្រចេះ 3A-0689 ,២-ម៉ាក HYUNDAI (V1) ក្បាលពណ៌ស ពាក់ផ្លាក

លេខ កំពង់ចាម 3A-3416 កន្ទុយសណ្តោងរ៉ឺម៉ក ពណ៌ស្លាទុំ ពាក់ផ្លាកលេខ ត្បូងឃ្មុំ 4A-0130។ រថយន្តទាំង ២គ្រឿង មានផ្ទុកឈើអារកាត់ជាកង់ៗ ប្រភេទខ្នុរ ពេញទ្រុងរថយន្ត បានបើកសំដៅទៅព្រំដែនវៀតណាម គ្រោងនាំឈើខ្នុរទាំងនោះឆ្លងដែន តាមច្រកមេមត់។

មន្ត្រីបានប្រាប់ទៀតថា រថយន្តដឹកឈើទាំងពីរគ្រឿង ត្រូវបានកម្លាំងសមត្ថកិច្ច នាំយកទៅកាន់ស្នាក់ការរដ្ឋបាលព្រៃឈើ ដើម្បីធ្វើការពិនិត្យជាក់ស្តែង ក្រោមការអនុញ្ញាតពី ស្ថាប័នអយ្យការ និងសាលាដំបូងខេត្តត្បូងឃ្មុំ និងចាត់ការតាមច្បាប់ ស្តិពីព្រៃឈើ៕SRP

ខេត្តកំពង់ធំ៖មានការលើកឡើងថាលោកស្រីពៅ មករា ភរិយា អធិការរងស្រុកបារាយណ៍បានសាងសង់សំណង់រឹងលើដីរដ្ឋនៅក្នុងផ្សារបារាយណ៍ បានដោយរលូន ករណីនេះអាជ្ញាធរជំនាញពាក់ព័ន្ធហាក់បីបណ្ដែតបណ្ដោយឲ្យលោកស្រីធ្វើតែអំពើចិត្តមិនហ៊ានទប់ស្កាត់នោះឡើយ។

សេចក្ដីរាយការណ៍ពីខេត្តកំពង់ធំបានអោយដឹងថាការសាងសង់សំណង់លើដីរដ្ឋ ពីសំណាក់លោកស្រីពៅ មករា បែបនេះ ក្រុមអាជីវករ បានបង្ហើបប្រាប់អ្នកសារព័ត៌មានថា ករណីនេះអាជ្ញាធរជំនាញពាក់ព័ន្ធធ្លាប់បានចុះមកហាមឃាត់នូវការសាងសង់សំណង់នេះដែរ ក៏ប៉ុន្តែមិនអាចហាមឃាត់បាននោះទេ ដោយបានត្រឹមតែចុះទៅមើលចុះមើលឡើង ហើយត្រឡប់វិញ ទុកបណ្ដោយឱ្យលោកស្រីពៅ មករា សាងសង់បែបចំហរបន្ថែមទៀត។

ក្រុមអាជីវករបានលើកឡើងទៀតថា ផ្សារបារាយណ៍ គឺអ្នកស្រីពៅ មករា ជាអ្នកដេញភាស៊ីបាន ដូច្នេះគាត់ប្រើអំណាចសាងសង់សំណង់រឹងនៅលើដីរបស់រដ្ធ នៅក្នុងផ្សារតែម្ដងដោយមិនខ្លាចអ្វីទាំងអស់ទោះបីតែមានការហាមឃាត់ពីសំណាក់អាជ្ញាធរមូលដ្ឋានជំនាញពាក់ព័ន្ធនិងអនុប្រធានមន្ទីរសេដ្ឋកិច្ចនិងហិរញ្ញវត្ថុខេត្តកំពង់ធំ យ៉ាងក៏ដោយ បុគ្គលនេះមិនខ្លាចញញើតនិងអាជ្ញាធរចំនាញពាក់ព័ន្ធនោះឡើយ។ ប្រការដែលលោកស្រីពៅ មករា មិនខ្លាចញញើតនឹងអាជ្ញាធរជំនាញពាក់ព័ន្ធក្នុងការសាងសង់សំណង់រឹងលើដីរដ្ឋបែបនេះគេនៅពុំទាន់ដឹងថាមានអ្វីនៅពីក្រោយខ្នងរបស់លោកស្រីឡើយ។

ករណីនេះត្រូវបានបណ្ដាញសង្គមបានធ្វើការផ្សព្វផ្សាយជាសាធារណៈចែករំលែកតៗគ្នាផងដែរ។ ទីភ្នាក់ងារសារព័ត៌មាន សៀមរាប ប៉ុស្តិ៍ នៅពុំទាន់ទទួលបានការបំភ្លឺពីលោកស្រីពៅ មករា បាននៅឡើយទេចំពោះការលើកឡើងរបស់ក្រុមអាជីវករ រហូតដល់ម៉ោងចេញផ្សាយនេះ។

ទោះជាយ៉ាងណា ក្រុមអាជីវករដែលលក់ដូរនៅក្នុងផ្សារបារាយណ៍សង្ឃឹមថាលោកប្រធានមន្ទីរសេដ្ឋកិច្ចនិងហិរញ្ញវត្ថុខេត្តកំពង់ធំ ដែលទើបនឹងតែងតាំងថ្មីនិង មានចំណាត់ការចំពោះបុគ្គលដែលបានសាងសង់សំណង់រឹងនៅលើដីរដ្ឋក្នុងផ្សារបារាយណ៍នេះជាក់ជាពុំខានឡើង៕SRP

ដំណើរការនៃការកាត់ប្លង់ដី (អចលនទ្រព្យ) ផ្ទេរកម្មសិទ្ធិពីម្ចាស់​ដីដើម មកឈ្មោះអ្នកទិញ ហើយ​អ្នក​មិ​នច​ង់​ចំ​ណា​យ​ប្រាក់​ច្រើន​ក្នុងការស្នើសុំភ្នាក់ងារសុរិយោដីអោយជួយរត់ការឱ្យនោះ អ្នកគួរ​ស្វែងយល់ពីនីតិវិធីនៃការ​កាត់​ប្លង់ដី( ប្លង់​រឹង​ )នេះឱ្យបានច្បាស់ និងត្រូវ​ធ្វើទៅតាមដំណាក់​កាលៗរួម​មានដូចខាងក្រោម ៖

ដំណាក់​កាលទី ១. អ្នកទិញត្រូវនាំម្ចាស់ដីដើម ទាំងប្តីប្រពន្ធ និង​សាក្សីម្នាក់ ដោយភ្ជាប់ជាមួយប្លង់​ដី​ច្បា​ប់ដើ​​ម​ អត្តសញ្ញាណបណ្ណ ឬសំបុត្រកំណើត និងសៀវភៅគ្រួសារថតចម្លង រួមទាំង​អ​ត្ត​ស​ញ្ញា​​ណប័​ណ្ណអ្នកទិញ (ក្នុង​ករណីអ្នកទិញនៅលីវត្រូវធ្វើលិខិតបញ្ជាក់​ភាពនៅលីវភ្ជាប់ទៅជាមួយ) ទៅទីស្នាក់ការសុរិយោដីស្រុក​ដើម្បី​បំពេញ លិខិតលក់ផ្តាច់ ឯកសារផ្ទេរសិទ្ធិ រួ​ច​ផ្តិត​មេដៃយល់​ព្រម​ទាំងអស់គ្នា។ បុគ្គលិកសុរិ​យោដីស្រុ​ក​​ជាអ្នកបំពេញលើឯកសារ​ពាក់ព័ន្ធទាំងអស់នេះ។

ដំណាក់​កាលទី ២. ក្រោយពីបំពេញលើលិខិតលក់ផ្តាច់ ឯកសារ​ផ្ទេរសិទ្ធិ និងផ្តិតមេដៃ ចំពោះមុខ​បុគ្គ​លិក​សុ​រិ​​យោដៃរួច។ បន្ទាប់​មកម្ចាស់ដី ឬអ្នកទិញត្រូវយកលិខិតលក់ផ្តាច់ ប្លង់​ដី​ច្បាប់​ដើម និងឯកសារផ្ទេរសិទ្ធិ ទៅ​ជួប​​មេភូមិដើម្បីសុំហត្ថលេខាពីគាត់ រួចយកជួបមេឃុំដើម្បីសុំហត្ថលេខា បោះត្រា (មេភូមិ និងមេឃុំ​មាន​សិ​ទ្ធិ​ហ​​ត្ថលេខា និង​បោះត្រាតែ​លើ​លិខិត​ផ្ទេរ​សិទ្ធិ​ប៉ុណ្ណោះ ហើយលោកអ្នក​អាច​ជូនជាសាគុណ​ដល់​ពួ​ក​គា​ត់ខ្លះ​ទៅ​តា​ម​សណ្ដាន​ចិត្ត នេះមិនមែនជាអំពើពុករលួយនោះទេ)។ បន្ទាប់​មកទៀតត្រូវយកលិខិតលក់ផ្តាច់ ប្លង់​ដីច្បា​ប់​ដើម​ និង​ឯក​សារ​ផ្ទេរ​សិទ្ធិទៅប្រគល់ជូនប្រធានមន្ទីសុរិយោដីស្រុកវិញ ដើម្បីសុំ​ហត្ថលេខា​សម្រេច និ​ងបោះត្រា​ប​​ញ្ចប់​​​កា​រ​ផ្ទេ​រសិទ្ធិត្រឹមស្រុក។ តម្លៃសេវាសុរិយោដីស្រុកគឺចំនួន ២០ម៉ឺនរៀលក្នុងដីមួយប្ល​ង់ទោះ​​បី​​ធំ​ ​ឬតូ​ច​ប៉ុ​ណ្ណា​ក៏ដោយ ដែលជាប្រភេទដីកសិកម្ម ។

ត្រឹមដំណាក់កាលនេះ អាចជាដំណាក់កាល ៥០ភាគរយ​ នៃ​ដំណើរការផ្ទេរសិទ្ធិ ប៉ុន្តែប្លង់ដីដដែល គឺ​នៅ​តែ​ជា​ប់ឈ្មោះ​​​ម្ចាស់ដីដើមនៅឡើយ គ្រាន់តែមានលិខិតផ្ទេរសិទ្ធិ និងលក់ផ្តាច់​អម​ជាមួយ ដោយស្របច្បាប់ មានន័យអំណះអំណាងថា អ្នកបានទិញរួចហើយ។ អ្នកអាចបន្តដំណើរការកាត់ប្លង់ដីមក​ជាឈ្មោះអ្នក ដោ​យប​ន្តដំណាក់កាល​។ ចំពោះដំណា​ក់កា​លចុងក្រោយ ប្រសិន​បើអ្ន​​កច​ង់​បា​ន​ឈ្មោះ​នៅ​លើ​ប្ល​​ង់ដី​ដែល​អ្នក​បានទិញពីម្ចាស់ដើមដោយប្តូរឈ្មោះកម្មសិទ្ធិពីម្ចាស់ដើមមកជា ឈ្មោះអ្នកវិញ ម្ចាស់ដី ឬក៏ជាអ្នកទិញ ត្រូវ​យក​​លិខិតលក់ផ្តាច់ ប្លង់​ដី​ច្បាប់​ដើម និងឯកសារផ្ទេរសិទ្ធិ ដែ​ល​​​​បាន​ធ្វើ​រួចរាល់ពីមន្ទី​សុរិយោដីស្រុក យក​ទៅ​កាន់​មន្ទីរ​សុរិយោដីខេត្តដើម្បី​ត្រួតពិនិត្យ​ឡើងវិញ និ​ង​បោះត្រា​ប​​ញ្ជា​ក់​ថាមានឯកសា​រប​ញ្ជាក់​លិខិត​ស្នាម​គ្រប់​​គ្រាន់ និងអនុវត្តគ្រប់តាមនីតិវិធី។ ​រួច​ត្រូ​វយ​កលិ​ខិ​ត​ល​ក់​ផ្តា​ច់ ប្លង់​ដីច្បាប់ដើម និង​ឯក​សារ​ផ្ទេរ​សិទ្ធិ​ទៅ​បង់​ពន្ធប្រថាប់ត្រា ប្រាក់ ៤ភាគរយ នៃ​តម្លៃ​ដី​តា​ម​ច្បាប់​កំណត់​នៅឯ​អគ្គ​នាយ​ដ្ឋាន​ពន្ធដា​ខេត្ត ដោយ​រង​ចាំ​រយៈ​ពេលមួយខែ ដើម្បីវាយតម្លៃដីក្នុងតំបន់។

បន្ទាប់​ពីវា​យ​តម្លៃដី និងគណនាពន្ធប្រថាប់ត្រារួច ខាង​អគ្គ​នាយ​ដ្ឋានពន្ធដាខេត្ត នឹងទាក់ទងទៅម្ចាស់ដី ឬអ្នក​ទិ​ញ​ដើ​ម្បី​មក​បងពន្ធប្រថាប់ត្រា ៤ភាគរយ​ រួច​ដកយ​ក​លិ​ខិត​លក់​ផ្តាច់ ប្លង់​ដីច្បាប់ដើម និងឯក​សា​រ​ផ្ទេ​រ​សិទ្ធិ​ត្រ​ល​ប់​ម​ក​វិ​ញ ។ បន្ទាប់ពីបានបង់ពន្ធប្រថាប់ត្រារួច ម្ចាស់​ដី ឬអ្នកទិញត្រូវយក​លិខិត​លក់ផ្តាច់ ប្លង់ដីច្បាប់ដើម និង​លិខិ​ត​​ផ្ទេរ​សិ​​ទ្ធិនោះទៅ​មន្ទី​សុរិ​យោដីខេត្តវិញ ដើម្បី​ចុះ​ហត្ថលេខា និងបោះ​ត្រា​ស​ម្រេ​​ច​ដោ​យជោ​គជ័​យ​ពីប្ល​​ង់ដី​ឈ្មោះ​ម្ចា​ស់ដើម មកឈ្មោះអ្នកទិញ ដោយ​បង់​ថ្លៃ​សេ​វាចំនួន ២០ម៉ឺនរៀល ដើម្បីចេញជាប្លង់ដីថ្មី ជា​ឈ្មោះ​ក​ម្មសិ​ទ្ធិ​រ​បស់​អ្នកទិញ ។ សូម​បញ្ជាក់ថា​ រយៈ​ពេល​ទទួ​ល​បានប្លង់ក្នុងអំឡុង​ប្រហែល ៦ខែ ៕SRP