ខេត្តសៀមរាប៖បុរសម្នាក់បានស្លាប់ភ្លាមៗ ខណៈកំពុងបើកម៉ូតូ ត្រូវបានរថយន្តមួយគ្រឿងបុកចំពេញទំហឹង។

ហេតុការណ៍បានកើតឡើងវេលាម៉ោង០២និង៤០នាទីរសៀល ថ្ងៃទី០២ ខែកុម្ភ: ឆ្នាំ២០២១ នៅលេីផ្លូវជាតិលេខ០៦ចំំណុចភូមិយាង ឃុំឫស្សីលក ស្រុកជីក្រែង។

សមត្ថកិច្ចស្រុកជីក្រែង បានឲ្យដឹងថា គ្រោះថ្នាក់ចរាចរណ៍នេះ រវាងរថយន្តមិនស្គាល់ម៉ាក និងអ្នកបេីកម៉ូតូម៉ាក C1១២៥ពណ៌ខ្មៅ ពាក់ស្លាកលេខ សៀមរាប ១R៨៨៩៦ ទិសដៅស្របគ្នា (ពីលិច ទៅកេីត)។

សមត្ថកិច្ចបានបន្តថា ជនរងគ្រោះ មានឈ្មោះ អេង ណាក់ អាយុ៣៣ឆ្នាំ រស់នៅភូមិចក ឃុំឬស្សីលក ស្រុកជីក្រែង។ ចំណែកអ្នកបេីកបររថយន្ត បានបើកគេចខ្លួនបាត់ សមត្ថកិច្ច កំពុងស្រាវជ្រាវ។ ដោយឡែកម៉ូតូ បានយកទៅរក្សាទុក នៅប៉ុស្តិ៍នគរបាលរដ្ឋបាល ឃុំឬស្សីលក៕SRP

ខេត្តសៀមរាប៖លោកម៉ុង ប៊ុនលីម នាយខណ្ឌរដ្ឋបាលព្រៃឈើសៀមរាប បានឲ្យដឹងថាផ្នែករដ្ឌបាលព្រៃឈើបន្ទាយស្រី បានសហកា ជាមួយ មន្ត្រីខណ្ឌរបាលព្រៃឈើសៀមរាប បានចាប់រថយន្ត១គ្រឿងម៉ាកនីសាន់navaraពាក់ស្លាកលេខ  ខេមរភូមិន្ទ០២ ២.៦៥៩៥ពណ៌ត្រេអ៊ី ដែលបានដឹកឈើប្រភេទប្រណិត (ធ្នង់)ចំនួន១២ដុំស្មើនឹង០.៤៣៩ម៉ែត្រត្រីគុណ ដោយគ្មានលិខិតអនុញ្ញាត។

ការបង្ក្រាបធ្វើឡើង នៅវេលាម៉ោងជាង១០យប់ថ្ងៃទី០១ ខែកុម្ភ: ឆ្នាំ ២០២១ នេះ ស្ថិតនៅភូមិមណ្ឌល៣ សង្កាត់ស្លក្រាម ក្រុងសៀមរាប  ខេត្តសៀមរាប។

លោកម៉ុង ប៊ុនលីម បន្តថាវត្ថុតាង ត្រូវបានយកទៅរក្សាទុក នៅទីស្នាក់កាផ្នែករដ្ឋបាលព្រៃឈើបន្ទាយស្រី ដើម្បីអនុវត្តតាមផ្លូវច្បាប់៕SRP

ភ្នំពេញ៖លោកនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការ​នគរបាលជាតិ​ ចេញ​សេចក្ដី​ណែនាំ​ ស្តី​ពី​កិច្ច​ការ​ពារសន្តិសុខ​ សណ្ដាប់​ធ្នាប់​សាធារណៈ​ សុវត្ថិភាព​សង្គម​ ក្នុង​ឱកាស​បុណ្យ​ចូល​ឆ្នាំ​ថ្មី​ប្រពៃណី​របស់​ប្រជាជន​ចិន​ និង​វៀតណាម​៕SRP

ខេត្តសៀមរាប៖អភិបាលរងខណ្ឌ៧មករា លោកហៀក ចាន់លាង ដែលប្រពន្ធប្តឹងពីបទអំពីផិតនោះ ត្រូវបានតុលាការ សម្រេចផ្តន្ទាទោស ដាក់ពន្ធនាគារ រយៈពេល៦ខែ ប៉ុន្តែទោសនេះត្រូវបានព្យួរ ពោលលោកអភិបាលរងខណ្ឌ អាចមានសេរីភាពធម្មតា។

សវនាការជំនុំជម្រះផ្ទាល់នេះ បានធ្វើឡើងនៅរសៀលថ្ងៃទី ១ ខែកុម្ភៈ ឆ្នាំ ២០២១ ម្សិលមិញដោយមានលោកឆៃ វីរៈ ជាចៅក្រមជំនុំជម្រះ និងលោកជួន សុបញ្ញា ព្រះរាជ្ញអាជ្ញារង ជាតំណាងអយ្យការ។

សវនាការនេះធ្វើឡើងតាមកំណត់ហេតុបង្ហាញខ្លួនភ្លាម របស់តំណាងអយ្យការ អមសាលាដំបូង ខេត្តសៀមរាប ដែលចោទប្រកាន់ លោក ហៀក ចាន់លាង ពីបទ អំពើផិត តាមមាត្រា ៧ និង មាត្រា ១០ នៃច្បាប់ ស្តីពី ឯកពន្ធភាព។

បើយោងតាម ប្រភពព័ត៌មានបានឲ្យដឹងថា នៅវេលា ម៉ោង ២៣និង៣០នាទី ថ្ងៃទី៣០
ខែមករា ឆ្នាំ២០២១ កម្លាំងការិយាល័យ ប្រឆាំង ការជួញដូរមនុស្ស និង ការពារ អនីតិជនខេត្តសៀមរាប បានចុះដល់ បន្ទប់ខុនដូមួយកន្លែង ស្ថិតនៅភូមិគ្រួស សង្កាត់ស្វាយដង្គំ
ក្រុងសៀមរាប ខេត្តសៀមរាប។
ខណៈពេលនោះ កម្លាំងជំនាញ បានឃើញ ឈ្មោះ ហេង បូឡែន ភេទស្រី អាយុ២៥ ឆ្នាំ រស់នៅ សង្កាត់បឹងទំពុន ខណ្ឌមានជ័យ រាជធានី ភ្នំពេញ និងលោក ហៀក ចាន់ លាង អាយុ៤២ ឆ្នាំ ជាអភិបាលរងខណ្ឌ៧មករា កំពុងនៅក្នុង បន្ទប់ ជាមួយគ្នា។

ដោយមាន ការសម្របសម្រួល នីតិវិធី ពី លោក ព្រះរាជអាជ្ញា អមសាលាដំបូង ខេត្តសៀមរាប , កម្លាំង កងរាជអាវុធហត្ថ ខេត្តសៀមរាប បានធ្វើការ នាំខ្លួនបុរស និង ស្ត្រីទាំង ២នាក់នេះ មក ការិយាល័យ ជំនាញ ដើម្បីសាកសួរ ពាក់ព័ន្ធ អំពើផិតក្បត់។
ក្រោយមកដោយមានការឯកភាព លោក ព្រះរាជអាជ្ញា អមសាលាដំបូង ខេត្តសៀមរាប សមត្ថកិច្ច សម្រេចធ្វើការឃាត់ខ្លួន លោក ហៀក ចាន់ លាង កសាងសំណុំរឿង បញ្ជូនមក អយ្យការ អមសាលាដំបូងខេត្តសៀមរាប។ ចំណែក ឈ្មោះ ហេង បូឡែន ត្រូវបានអនុញ្ញាតឲ្យត្រឡប់ទៅផ្ទះវិញ។

សមត្ថកិច្ចអះអាងថា ការឈានដល់ ការបង្ក្រាបនេះ ដោយសារ តែមានពាក្យបណ្តឹង ពី ជនរងគ្រោះ ឈ្មោះ ជ ករណ ភេទ ស្រីអាយុ ៤១ ឆ្នាំ មុខរបរមន្ត្រីរាជការ មានទីលំនៅ ភូមិ បឹងឈូក សង្កាត់និរោធ ខណ្ឌច្បារអំពៅ ត្រូវជាប្រពន្ធ ស្របច្បាប់ របស់លោក ហៀក ចាន់ លាង៕SRP

ខេត្តសៀមរាប៖សមត្ថកិច្ចស្រុកសូទ្រនិគម បានរាយការណ៍នៅព្រឹកនេះថា ក្មេងចំនួន២ នាក់ បានលង់ទឹកស្លាប់នៅថ្ងៃម្សិលមិញ។

ហេតុការណ៍បានកើតឡើងនៅវេលាម៉ោង១៦និង៤៥នាទី ថ្ងៃទី០១ ខែកុម្ភ: ឆ្នាំ២០២១ នៅចំណុចត្រពាំងកក់ ស្ថិតក្នុងភូមិបត់ដង្កោរ ឃុំរោង ស្រុកសូទ្រនិគម ខេត្តសៀមរាប ខាងលិចភូមិចំងាយ១០០០ម៉ែត្រ។

សមត្ថកិច្ចបានបន្តថាជនរងគ្រោះ
១/ឈ្មោះធឿន លីឡងសឿ ភេទប្រុស អាយុ០៩ឆ្នាំ។
២/ឈ្មោះសៀ សុភា ភេទប្រុស អាយុ០៧ឆ្នាំ។
ក្មេងទាំងពីរ រស់នៅ ភូមិបត់ដង្កោរ ឃុំរោង ស្រុកសូទ្រនិគម ខេត្តសៀមរាប។បើតាមសមត្ថកិច្ចថា មូលហេតុ ជនរងគ្រោះ ទាំង០២ ទៅចាប់ក្ដាមខ្យង នៅក្នុងត្រពាំងខាងលើ៕SRP

ខេត្តសៀមរាប៖បុរសម្នាក់ បើកម៉ូតូត្រូវបានរថយន្តបុកចំពេញទំហឹង បណ្ដាលឲ្យស្លាប់ពេលបញ្ជូនទៅដល់មន្ទីរពេទ្យ។

ហេតុការណ៍បានកើតឡើង វេលាម៉ោង០០និង៣០នាទី ថ្ងៃទី០២ ខែកុម្ភ: ឆ្នាំ២០២១ លើផ្លូវជាតិលេខ៦ នៅចំណុចភូមិថ្នល់ចែក ឃុំកៀនសង្កែ ស្រុកសូទ្រនិគម ខេត្តសៀមរាប។

សមត្ថកិច្ចបានឲ្យដឹងថា គ្រោះថ្នាក់ចរាចរណ៍ នេះ បង្កដោយរថយន្ត មិនស្គាល់ម៉ាក(បើករត់បាត់) បានបុក ម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខសៀមរាប ១Q៥៩២៥។

ទោះយ៉ាងណា ជនរងគ្រោះ មិនត្រូវបានស្គាល់ឈ្មោះនៅឡើយ។ ករណីនេះ ម៉ូតូ នគរបាលយក ទៅរក្សាទុក នៅអធិការ។ ចំណែក សាសព តម្កល់ទុក នៅមន្ទីរពេទ្យបង្អែកស្រុក៕SRP

ខេត្តសៀមរាប៖បណ្ដាញសៀមរាបប៉ុស្ដិ៍ សូមណែនាំ ជាមួយ ក្រុមហ៊ុនដឹកជញ្ជូន អ្នកដំណើរមួយ ដែលបង្កើតឡើងដោយទឹកចិត្តស្រលាញ់ របស់កូនខ្មែរយើងមានឈ្មោះថា អង្គរ អ៊ី ប៊ុកឃីង (Angkor e-Booking)។
👉 ដើម្បីបានការបញ្ចុះតម្លៃ ជូនចំពោះគ្រប់សាធារណ:ជន និង អតិថិជនរបស់ សៀមរាបប៉ុស្តិ៍ ទាំងអស់ ដោយគ្រាន់តែចុច ទៅលើផ្ទាំងពាណិជ្ជកម្ម របស់ក្រុមហ៊ុនអង្គរ អ៊ី ប៊ុក ឃីង លោកអ្នកនិងចូលទៅដល់ក្នុង ប្រអប់សារផេកផ្លូវការណ៍ របស់ក្រុមហ៊ុន ដោយលោកអ្នកចុចលើពាក្យ យល់ព្រម លោកអ្នកនឹងទទួលបានកាតបញ្ចុះតម្លៃ ១០% ភ្លាមៗ។ ដើម្បីទិញបាននូវការបញ្ចុះតម្លៃនេះ លោកអ្នកគ្រាន់តែបង្ហាញកាត បញ្ចុះតម្លៃនៅក្នុងប្រអប់សារ នោះ ទៅកាន់បុគ្គលិកផ្នែកលក់ លោកអ្នកនិងទទួលបានការបញ្ចុះតម្លៃ ១០% ភ្លាមៗផងដែរ។ សម្រាប់ការកក់សំបុត្រ និងព័ត៌មានបន្ថែម សូមទំនាក់ទំនង់មកកាន់លេខ៖ 086 500 500 សូមអគុណ។

សូមជម្រាបថា ក្រុមហ៊ុនដឹកអ្នកដំណើរអង្គរ អ៊ី ប៊ុកឃីងអិចប្រេស បានចុះកិច្ចព្រមព្រៀង ផ្សព្វផ្សាយ ផ្សាយពាណិជ្ជកម្ម ជាមួយគេហទំព័រសៀមរាបប៉ុស្ដិ៍ ។

ការកិច្ចចុះព្រមព្រៀងនេះ ធ្វើឡើងនាព្រឹក ថ្ងៃទី០១ ខែកុម្ភ: ឆ្នាំ២០២១ នៅទីស្នាក់ការ របស់ក្រុមហ៊ុនដឹកអ្នកដំណើរអង្គរ អ៊ី ប៊ុកឃីងអិចប្រេស ក្រោមវត្តមាន លោក ហន សីហា តំណាងក្រុមហ៊ុនដឹកអ្នកដំណើរអង្គរ អ៊ី ប៊ុកឃីងអិចប្រេស នឹង លោក ប៊ុត វិចិត្រ តំណាងអង្គភាពគេហទំព័រសៀមរាបប៉ុស្ដិ៍ ដោយមានការចូលរួមពីបុគ្គលិក របស់តំណាងអង្គភាពទាំងពីរផងដែរ។

ក្រុមហ៊ុន អង្គរ អ៊ី ប៊ុកឃីង បានបង្ហាញថា ក្រុមហ៊ុន កំពុងបម្រើ សេវាកម្ម ដឹកអ្នកដំណើរ ពីភ្នំពេញឆ្ពោះ ទៅសៀមរាប និងពីសៀមរាប ទៅភ្នំពេញ ហើយជាក្រុមហ៊ុនឈានមុខគេបង្អស់នៅកម្ពុជាផ្នែកសេវាកម្ម និងបច្ចេកវិទ្យា។

ក្រុមហ៊ុន អង្គរ អ៊ី ប៊ុកឃីងបន្ថែមថា៖ ក្នុងរយ:ពេលមួយឆ្នាំមកនេះ App Angkor e-Booking មានអតិថិជនកំពុងប្រើប្រាស់រហូតដល់ទៅជិត ១៥០,០០០នាក់ ។

អង្គរអ៊ីប៊ុកឃីង (Angkor e-Booking)គឺជាក្រុមហ៊ុនដឹងជញ្ជូនអ្នកដំណើរ ដែលមានអាយុកាលតែ១ឆ្នាំ ក្តី ប៉ុន្តែក្រុមហ៊ុនចំណូលថ្មីមួយនេះ មានឈ្មោះ បោះសម្លេងខ្លាំង ប្រចាំនៅខេត្តសៀមរាប តែម្តង ព្រោះអង្គរអ៊ីប៊ុកឃីង (Angkor e-Booking) មានប្រតិបត្តិការណ៍ ផ្តោតតែលើការដឹកជញ្ជូនភ្ញៀវ ពីសៀមរាបទៅភ្នំពេញ និងពីភ្នំពេញទៅខេត្តសៀមរាបតែប៉ុណ្ណោះ។

ដោយឡែក អ្នកបើកបរសុទ្ធតែមានបទពិសោធន៍ ឆ្លងកាត់ ការប្រឡងតេស្ត សមត្ថភាព នៃការបើកបរ និងវិជ្ជាជីវៈ ជាពិសេសមានសុជីវធម៌ល្អ។ បើនិយាយពីសេវាកម្មវិញអេមតែម្តង លោកអ្នកមិនបាច់ឈឺក្បាលរឿងទូរស័ព្ទអស់ថ្ម ឫសេវាទូរស័ព្ទអត់ដើរអីទេ ព្រោះចូលដល់ក្នុងឡានធ្វើដំណើរភ្លាមមានបម្រើជូនដូចជា៖

១. Power Bank និង WiFi ល្បឿនលឿនប្រើប្រាស់ពេលធ្វើដំណើរ។

២. ឡានមានទូទឹកកក អគ្គីសនី ដែលនឹងបម្រើភេសជ្ជៈ ទឹកត្រជាក់ និងកន្សែងត្រជាក់។

៣. ក្រុមហ៊ុនមានសេវាដឹកអតិថិជន ដល់ផ្ទះដោយមិនគិតថ្លៃ។

៤. ឡានថ្មីស្រឡាងផ្តល់ផាសុខភាពដល់អតិថិជន។

៥. ជាពិសេស រាល់ការធ្វើដំណើរ ជាមួយអង្គរអ៊ីប៊ុកឃីង (Angkor e-Booking) អតិថិជននឹងទទួលបាន កញ្ចប់ធារារ៉ាប់រង ជាមួយនឹងក្រុមហ៊ុនដែលមានទឹកប្រាក់ចំនួន១០,០០០ដុល្លារ ក្នុងកំឡុងពេលធ្វើដំណើរទៀតផង។

ដោយមើលឃើញ ពីបច្ចេកវិទ្យា កាន់តែរីកចម្រើនអង្គរអ៊ីប៊ុកឃីង (Angkor e-Booking) បច្ចុប្បន្នបានបង្កើត ហើយក៏កំពុងដាក់ឲ្យប្រើប្រាស់នូវកម្មវិធីទូរស័ព្ធ របស់ខ្លួនដែលមានឈ្មោះថា Angkor e-Booking App ដែលមានសម្រាប់អ្នកប្រើប្រាស់ប្រភេទ Android និង IOS ដើម្បីឲ្យអតិថិជន កាន់តែមានភាពងាយស្រួល និងរហ័សទាន់ចិត្ត ដោយគ្រាន់តែចុចស្វែង រកម៉ោងនៃការចេញដំណើរ ដែលមានស្រាប់នៅក្នុងនោះ ហើយធ្វើការទូទាត់ប្រាក់តាមPi Pay និងកាតធនាគារ ឫមួយក៏អតិថិជន គ្រាន់តែធ្វើការ ទំនាក់ទំនងទៅកាន់បុគ្គលិក ផ្នែកសេវាកម្ម រួចធ្វើការកក់សំបុត្រ ដោយពុំទាន់បង់ប្រាក់ ជាមុនក៏បាន។

បច្ចុប្បន្នអង្គរអ៊ីប៊ុកឃីង (Angkor e-Booking)មានទីស្នាក់ការរបស់ខ្លួនផ្ទាល់៣ទីតាំងគឺ៖

១. ទីស្នាក់ការកណ្តាលនៅខេត្តសៀមរាប៖ ស្របតាមផ្លូវជាតិលេខ០៦ ភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។

២. ទីស្នាក់ការនៅភ្នំពេញ៖ ផ្ទះលេខ១៤៣E0, វិថីព្រះស៊ីសុវត្ថិ, ខណ្ឌដូនពេញ, រាជធានីភ្នំពេញ។

៣. ទីស្នាក់ការនៅសៀមរាប៖ ក្នុងបុរីសៀងណាំ០៦, ភូមិខ្នារ, សង្កាត់ជ្រាវ, ក្រុងសៀមរាប, ខេត្តសៀមរាប។

ដើម្បីសាកសួរព័ត៌មានបន្ថែមលោកអ្នកអាចទំនាក់ទំនងទៅកាន់លេខ៖ ០៨៦ ៥០០ ៥០០។

ទាញយកAngkor eBooking App ៖ http://www.angkorebooking.com/mobile/download.php

ខេត្តកំពង់ចាម៖ក្នុង​កិច្ច​ប្រជុំពិភាក្សា​ លេីគម្រោងរៀបចំ សួនកុមារសន្តិភាព និងកន្លែងកំសាន្ត ស្ថិតនៅ​ក្នុង​ភូមិ​ទី៧​ សង្កាត់​កំពង់ចាម​ លោក អ៊ុន​ ចាន់ដា​ អភិបាលខេត្តកំពង់ចាម​ បានថ្លែងថា
មិន​តម្រូវ​ ឲ្យមានការ លក់សំបុត្រយកលុយ ពីអ្នកចូលទស្សនា កម្សាន្តនោះទេ។ ប៉ុន្តែ​​អនុញ្ញាត​ ឲ្យត្រឹមយកលុយសេវា ថែទាំ ពេលចុះលេងក្នុងអាងហែលទឹកតែប៉ុណ្ណោះ។

កិច្ច​ប្រជុំ​នេះ​ បានធ្វេីឡើងនៅថ្ងៃទី១ ខែកុម្ភៈ​ ឆ្នាំ​២០២១​ នៅសាលាខេត្តកំពង់ចាម។

លោក អ៊ុន​ ចាន់ដា​ បានបន្តថា នេះ​ជា​គម្រោង​ កែលម្អ សួនកុមារ ក្នុង​ក្រុង​កំពង់ចាម ដើម្បី​លើកកម្ពស់ សោភ័ណភាព​ក្រុង និង​រៀបចំ​ទីតាំង​កម្សាន្ត របស់​ ប្រជាពលរដ្ឋ ដោយ​ធានា​ផាសុកភាព សោភ័ណភាព និង​សុវត្ថិភាព​ ​ពោល​គឺធ្វើ​យ៉ាងណា​
ឲ្យសក្តិសម ជា​ក្រុង ដែលទទួលបានជ័យលាភី រំដួល​បី​ទង​។

បេី​តាម​គម្រោង​ របស់អ្នកវិនិយោគ ក្នុងដំណាក់កាលទី១ ចាប់​ពី​ខែ​ មិនា​ ឆ្នាំ​២០២១ នេះទៅ ត្រូវ​បាន​ដំណើរ​ការ​សាងសង់​រួមមាន​ ​រៀបចំ​កែលម្អ សួនឡើងវិញ រៀបចំ​ប្រព័ន្ធ​លូ​ ប្រព័ន្ធ​ទឹក​ និង​អាងហែលទឹក​ ចំនួន​៣​ ដែល​មាន​ទំហំ​៣០x៣០ម៉ែត្រ​ ២៥x៣០ម៉ែត្រ​ និង​១០x២០ម៉ែត្រ​ ហេីយ​ត្រូវ​ រៀបចំរបងថ្មីជុំវិញ៦០០ម៉ែត្រ ក្រាលការ៉ូ ក្នុងបរិវេណទីធ្លា សាងសង់ កន្លែងក្មេងកំសាន្ត និងបំពាក់សម្ភារបរិក្ខារ សាងសង់អគារអាហារដ្ឋាន និងMinimart និង​ក្រាលការ៉ូឡាឬការ៉ូជុំវិញបរិវេណកំសាន្ត។​

ដោឡែក​ដំណាក់កាលទី២ ចាប់ពីខែ មករា ឆ្នាំ២០២២ ត្រូវបានដំណើរ ការសាងសងរួមមាន អគារអាហារដ្ឋាន និងMinimart រៀបចំប្រព័ន្ធទឹកស្អាត និងសាងសង់ បង្គន់អនាម័យស្តង់ដារ សាងសង់ខ្លោងទ្វារ និងច្រកសុវត្ថិភាព រៀបចំបណ្តាញអគ្គិសនី និងដាំបង្គោលភ្លើង សាងសង់ បន្ទប់ ប្ដូរសំលៀកបំពាក់ រៀបចំ និងថែរក្សាទុកដើមឈើ ធំ​ឲ្យ​នៅដដែល និងការគ្រប់គ្រង សំរាមអោយមានអនាម័យល្អ ផងដែរ​៕SRP

ភ្នំពេញ៖សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃចន្ទ ទី០១ ខែកុម្ភៈ ឆ្នាំ២០២១ នេះ បានអញ្ជើញបើកការដ្ឋានសាងសង់រោងចក្រប្រព្រឹត្តកម្មទឹកស្អាតបាក់ខែង និងសម្ពោធរោងចក្រប្រព្រឹត្តកម្មទឹកស្អាតចំការមន។

រោងចក្រប្រព្រឹត្តកម្មទឹកស្អាតចម្ការមន មានសមត្ថភាពផលិតទឹកស្អាត ៥២,០០០ម៉ែត្រគូប ក្នុងមួយថ្ងៃ ដែលពីមុនអាចផលិតទឹកស្អាតបានត្រឹមតែ ១២,០០០ម៉ែត្រគូបក្នុងមួយថ្ងៃប៉ុណ្ណោះ។ នៅក្នុងគម្រោងពង្រីកសមត្ថភាពរោងចក្រនេះ រួមមានការពង្រីកបណ្ដាញបំពង់ទឹកស្អាតប្រវែង ៥៨០គីឡូម៉ែត្រ ក្នុងនោះប្រជាពលរដ្ឋប្រមាណជា ២៨០,០០០នាក់ បានទទួលទឹកស្អាតប្រើប្រាស់ផ្ទាល់ពីបណ្ដាញទឹករបស់រដ្ឋាករទឹកស្វយ័តក្រុងភ្នំពេញ។ ជាពិសេសប្រជាពលរដ្ឋចំណូលទាប រស់នៅតាមសហគមន៍ ស្ថិតនៅតំបន់ជាយ រាជធានីភ្នំពេញបែកខាងត្បូង។

ដោយឡែកគម្រោងផ្គត់ផ្គង់ទឹកស្អាតបាក់ខែង គឺជាគម្រោងទី២ របស់ផែនការមេដំណាក់កាលទី៣ នៅពេលសិក្សារបាយការណ៍សមិទ្ធិលទ្ធភាពនៅឆ្នាំ២០១៧ បានកំណត់ទីតាំងរបស់គម្រោងស្ថិតនៅសង្កាត់បាក់ខែង មានចម្ងាយ ១០គីឡូម៉ែត្រ ខាងជើងស្ពានមិត្តភាពកម្ពុជា-ជប៉ុន (ស្ពានជ្រោយចង្វារ)។ គម្រោងសាងសង់ស្ថិតនៅសង្កាត់បាក់ខែង លើផ្ទៃដីទំហំធំ និងផ្លូវទាំងសងខាងមានទំហំធំទូលាយងាយស្រួលក្នុងការដំឡើងបំពង់មេដែលមានអង្កត់ ផ្ចិតធំ ដើម្បីដាក់ឆ្លងកាត់តាមបាតទន្លេសាប រួចតភ្ជាប់មកតំបន់មួយចំនួននៅរាជធានីភ្នំពេញ។ គម្រោងសាងសង់រោងចក្រប្រព្រឹត្តកម្មទឹកស្អាតបាក់ខែង គឺជាគម្រោងសាងសង់ដ៏ធំមួយដែលមិនធ្លាប់មានពីមុនមកនៅកម្ពុជា មានសមត្ថភាពផលិតទឹកស្អាត ៤០០,០០០ម៉ែត្រគូបក្នុងថ្ងៃ (សម្រាប់ជំហានទី១ និងជំហានទី២)។ ដំណើរការសាងសង់រោងចក្រនេះ នឹងអនុវត្តជាពីរជំហានស្របគ្នាតែម្ដង និងគ្រោងដាក់ដំណើរការសាកល្បងក្នុងសមត្ថភាពផលិតទឹកស្អាតពាក់កណ្ដាល (ជិត២០ម៉ឺនម៉ែត្រគូបក្នុងមួយថ្ងៃ) នៅត្រីមាសទី១ ឆ្នាំ២០២៣ ហើយនឹងដាក់ដំណើរការពេញសមត្ថភាពទាំងពីរជំហាន (ជិត ៤០ម៉ឺនម៉ែត្រគូបក្នុងមួយថ្ងៃ) នៅក្នុងត្រីមាសទី១ ឆ្នាំ២០២៤៕SRP

ភ្នំពេញ៖ក្នុងឱកាស អញ្ជើញបើកការដ្ឋាន សាងសង់ រោងចក្រប្រព្រឹត្តកម្មទឹកស្អាតបាក់ខែង និងសម្ពោធរោងចក្រប្រព្រឹត្តកម្មទឹកស្អាតចំការមន នៅថ្ងៃចន្ទ ទី០១ ខែកុម្ភៈ ឆ្នាំ២០២១ ព្រឹកមិញនេះ សម្តេចតេជោ ហ៊ុន សែន បានថ្លែងថាតម្រូវការទឹកក្នុងទីក្រុងភ្នំពេញ បច្ចុប្បន្នត្រូវការទឹកជាង៧០ម៉ឺនម៉ែត្រគូប ខណៈការផលិតបានត្រឹមជាង៦០ម៉ឺនម៉ែត្រគូប ខ្វះប្រមាណ ១៥ម៉ឺនម៉ែត្រគូប។ ប្រជាពលរដ្ឋ៤ម៉ឺនគ្រួសារខ្វះទឹកប្រើប្រាស់ តម្រូវការទឹកក្នុងរាជធានីភ្នំពេញ គឺកើនឡើងរាល់ថ្ងៃ ដូច្នេះត្រូវតែប្រឹងប្រែងក្នុងការអភិវឌ្ឍសមត្ថភាពផលិត និងផ្គត់ផ្គង់ទឹកស្អាត។

សម្តេច ហ៊ុន សែន បានលើកឡើងថា ស្ថាប័នរដ្ឋទាំងអស់ ត្រូវយកចិត្តទុកដាក់ ក្នុងការកាត់បន្ថយការប្រើប្រាស់ថាមពលអគ្គិសនី និងទឹក។ សម្តេច ហ៊ុន សែន បានថ្លែងអណរគុណ ចំពោះក្រសួងឧស្សាហកម្ម និងរដ្ឋាករទឹកស្វ័យក្រុងភ្នំពេញ និងក្រុមហ៊ុនរបស់ប្រទេសបារាំង ដែលបានចូលរួមក្នុងការអភិវឌ្ឍ វិស័យទឹកស្អាតនេះ។

សម្តេច ហ៊ុន សែន បានបង្ហាញនូវក្តីមោទនភាព ចំពោះសមិទ្ធផល នាពេលនេះ ដែលនឹងរួមចំណែកយ៉ាងសំខាន់ ក្នុងការបម្រើ សេចក្តីត្រូវការ របស់ប្រជាពលរដ្ឋ និងសង្គមជាតិ។ សម្តេចបានរំលឹកថា តំបន់ព្រែកតាសេកនេះ ពីមុនគឺជាតំបន់ពួនស្ទាក់របស់ពួកខ្មែរក្រហមដើម្បីវៃឆ្មក់ចូលទីក្រុងភ្នំពេញ ជាតំបន់ព្រៃមិនមានមនុស្សរស់នោះទេ ក៏ប៉ុន្តែបច្ចុប្បន្នតំបន់នេះបានក្លាយជាទីប្រជុំជន ដែលមានគម្រោង អភិវឌ្ឍ ជាច្រើនហូរហែរ៕SRP

ភ្នំពេញ៖សម្តេចតេជោ ហ៊ុន សែន បានប្រកាសពីការត្រៀម បញ្ជាទិញវ៉ាក់សាំងកូវីដ១៩ ពីប្រទេសអង់គ្លេសនិងចិនបន្ថែមទៀត ក្នុងតម្លៃសមស្របណាមួយ ខណៈអូស្រ្តាលី នឹងផ្ដល់វ៉ាក់សាំង៣លានដូស ដល់កម្ពុជាផងដែរ។ កម្ពុជាក៏ត្រូវការជំនួយពីបារាំងនិង

អឺរ៉ុបផងដែរ មិនមែនត្រូវការជំនួយតែពីចិននោះទេ។

សម្តេច ហ៊ុន សែន បានទទូចឲ្យអ្នកដំណើរ ចូលមកកម្ពុជា ត្រូវធ្វើចត្តាឡីស័ក១៤ថ្ងៃ ដោយមិនអាចបន្ធូរបន្ថយ និងខកខានបានឡើយ ដើម្បីទប់ស្កាត់ ការរីករាលដាល ជំងឺកូវីដ១៩ ចូលក្នុងសហគមន៍ កម្ពុជាជាថ្មីម្ដងទៀត។

សម្តេចតេជោ ក៏បានអំពាវនាវដល់ពលករខ្មែរ មកពីប្រទេសថៃ ក៏ដូចជាអ្នកដំណើរមកពីប្រទេសផ្សេងៗ ដែលចូលមកកម្ពុជា ត្រូវតែត្រួតពិនិត្យសុខភាពហើយធ្វើ ចត្តាឡីស័ករយៈពេល១៤ថ្ងៃ ជាដាច់ខាតដោយមិនអាចកាត់បន្ថយថ្ងៃ ធ្វើចត្តាឡីស័កនោះទេ ។ បច្ចុប្បន្ននេះមានពលករ ខ្មែរមកពីប្រទេសថៃ ចំនួនជាង៧ពាន់នាក់ នៅខេត្តចំនួន៧ បានកំពុងធ្វើចត្តាឡីស័ក ហើយត្រូវតែធ្វើចត្តាឡីស័ក ឲ្យបានរយៈពេល១៤ថ្ងៃ ដោយមិនត្រូវធ្វើការ កាត់បន្ថយ ពេលធ្វើចត្តាឡីស័កនោះទេ ។

ក្នុងឱកាសបុណ្យចូលឆ្នាំចិនខាងមុខនេះ សម្តេចតេជោ ហ៊ុន សែន អំពាវនាវឱ្យប្រជាពលរដ្ឋកុំភ្លេចវិធានការ «៣កុំ» និង «៣ការពារ»។

សម្តេច ហ៊ុន សែន បានថ្លែងអំណរព្រះគុណព្រះមហាក្សត្រ ព្រះមហាក្សត្រី ព្រះសង្ឃ និងប្រជាពលរដ្ឋទាំងអស់ ដែលបានផ្តល់ព្រះរាជអំណោយ និងជំនួយជួយទិញវ៉ាក់សាំង។

សម្តេចតេជោ បានលើកឡើងថា ព្រះរាជកាយវិការ និងកាយវិការទាំងនេះ បង្ហាញពីស្មារតីនៃសាមគ្គីភាពនៅក្នុងសង្គមកម្ពុជា។ សម្ដេច បញ្ជាក់បែបនេះ ក្នុងឱកាស អញ្ជើញបើកការដ្ឋាន សាងសង់ រោងចក្រប្រព្រឹត្តកម្មទឹកស្អាតបាក់ខែង និងសម្ពោធរោងចក្រប្រព្រឹត្តកម្មទឹកស្អាតចំការមន នៅថ្ងៃចន្ទ ទី០១ ខែកុម្ភៈ ឆ្នាំ២០២១ ព្រឹកមិញនេះ៕SRP