ខេត្តកំពង់ចាម​៖លោកអ៊ុន​ ចាន់ដា​ អភិបាលខេត្តកំពង់ចាម​ បានថ្លែងថា​ គ្មានទេការរើងអើងចំពោះ ជនមានពិការភាព ហើយសិទ្ធិរបស់ ជនមានពិការភាព ត្រូវបានការពារដោយច្បាប់ជាតិ​ និងអន្ដរជាតិ ដើម្បីធានាដល់សិទ្ធិស្មើភាពគ្នា រវាងជនមានពិការភាព និងមិនមានពិការភាព។​

លោកថ្លែង​បែប​នេះ​ក្នុង​ឱកាស​ប្រារព្ធ​ទិវាជនមានពិការភាពកម្ពុជាលើកទី២៤ និងអន្តរជាតិលើកទី៤០ ក្រោមប្រធានបទ «ពិការភាពទាំងអស់ មិនអាចកំណត់ ដោយការមើលនឹងភ្នែកនោះទេ» ដែលបានធ្វើឡើងនៅសាលា​ស្រុកកំពង់សៀម​ នៅថ្ងៃចន្ទនេះ។

ក្នុងពិធី លោក អ៊ុន​ ចាន់ដា​ បានអាននូវសារលិខិតរបស់ សម្ដេចតេជោ ហ៊ុន សេន នាយករដ្ឋមន្រ្តី នៃកម្ពុជា ដោយបញ្ជាក់ថា​ រាជរដ្ឋាភិបាល បានដាក់ចេញនូវផែនការ យុទ្ធសាស្ត្រជាតិ ស្តីពីពិការភាព ២០១៩-២០២៣ ដោយបានគិត យ៉ាងល្អិតល្អន់ អំពីការដោះស្រាយ ជូនជនមានពិការភាព​ ដើម្បីបង្កើនការងារ​ និងសន្តិសុខសេដ្ឋកិច្ច ក្នុងគោលដៅ កាត់បន្ថយភាពក្រីក្រ តាមរយៈការលើកកម្ពស់កំណើនការងារសមស្រប និងការពង្រីកអាជីព​ និងមុខរបរ​ ដើម្បីបង្កើនជីវភាព រស់នៅបានសមរម្យជូនជនមានពិការភាព។

ទន្ទឹមនឹងនេះ ការផ្ដល់លទ្ធភាពទទួលបានការអប់រំ​ និងបណ្ដុះបណ្ដាល បច្ចេកទេសជំនាញ និងវិជ្ជាជីវៈ ការលើកកម្ពស់ការអប់រំដល់ជនមានពិការភាព​ ប្រកបដោយគុណភាព បរិយាបន្ន សមភាព សមធម៌ និងពេញមួយជីវិត គឺជាការធ្វើវិនិយោគមួយ ដ៏មានសារៈប្រយោជន៍​ និងនិរន្តភាព។

កន្លងទៅនេះ រាជរដ្ឋាភិបាលក៏បានដាក់ចេញនូវបទដ្ឋានបច្ចេកទេស ហេដ្ឋារចនាសម្ព័ន្ធ រូបវន្តបង្កលក្ខណៈ ងាយស្រួលសម្រាប់ជនមានពិការភាព សំដៅជំរុញឱ្យមានការកែលម្អហេដ្ឋារចនាសម្ព័ន្ធ រូបវន្ត ដែលមានស្រាប់​ និងគ្រោងសាងសង់ថ្មីឱ្យមានការរៀបចំការបង្កលក្ខណៈងាយស្រួល (ផាសុកវត្ថុ) សម្រាប់ជនមានពិការភាព ដូចជាជម្រាល បង្កាន់ដៃ ជណ្តើរយន្ត ជណ្តើរយោង បង្គន់អនាម័យ ជាដើម ដែលជនមានពិការភាពអាចប្រើប្រាស់បាន។

ក្រៅពីនេះ ប្រកាសអន្តរក្រសួងរវាងក្រសួងសាធារណការនិងដឹកជញ្ជូន ក្រសួងសុខាភិបាល និងក្រសួងសង្គមកិច្ច អតីតយុទ្ធជន និងយុវនីតិសម្បទា ស្តីពី “លក្ខខណ្ឌនៃការចេញបណ្ណបើកបរសម្រាប់ ជនមានពិការភាព ក៏ត្រូវបាន ដាក់ឱ្យប្រើជាផ្លូវការដើម្បីបង្កលក្ខណៈងាយស្រួលជូនជនមានពិការភាពស្នើសុំបណ្ណបើកបរបានស្របតាមលទ្ធភាព សមត្ថភាព និងលក្ខណៈបច្ចេកទេសយានយន្តរបស់ខ្លួន។

ដើម្បីឱ្យសង្គមមួយមានបរិយាបន្ន តាមរយៈការលើកកម្ពស់ការចូលរួមរបស់ជនមានពិការភាពក្នុងជីវភាព សាធារណៈ ជីវភាពនយោបាយ សកម្មភាពសង្គម វប្បធម៌ សិល្បៈ សាសនា កីឡា ការសម្រាក លម្ភៃ និងសកម្មភាពផ្សេងៗទៀត ចាំបាច់ត្រូវមានការបង្កឱកាសស្មើភាពគ្នារវាងជនមានពិការភាព និងមិនមានពិការភាព។ ជាមួយគ្នានេះ ការលើកកម្ពស់ ក្នុងការផ្តល់សេវាយុត្តិធម៌ ជូនជនមានពិការភាព ការធានាសមភាពយេនឌ័រ ភាពអង់អាចរបស់ ស្ត្រី និងក្មេងស្រីមានពិការភាព ចាំបាច់ទាមទារឱ្យមានការចូលរួមពីគ្រប់ដៃគូពាក់ព័ន្ធទាំងអស់​៕SRP

ភ្នំពេញ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន នៅព្រឹកថ្ងៃចន្ទ នេះ បានអញ្ជើញទទួលពានរង្វាន់ «សមិទ្ធផលពេញមួយជីវិតរបស់មេដឹកនាំឆ្នើម» ដែលពិធីប្រគល់ និងទទួលពានរង្វាន់សមិទ្ធផលពេញមួយជីវិតរបស់ មេដឹកនាំឆ្នើមនេះ ត្រូវប្រព្រឹទ្ធទៅនៅវិមានសន្តិភាព។

ពានរង្វាន់សមិទ្ធផលពេញមួយជីវិតរបស់មេដឹកនាំឆ្នើម ត្រូវបានប្រគល់ជូនពីកិច្ចប្រជុំកំពូលបច្ចេកវិទ្យានិងសេដ្ឋកិច្ចចិនសកល និងវិទ្យាស្ថានយុទ្ធសាស្ត្រសម្រាប់តំបន់អាស៊ី-ប៉ាស៊ីហ្វិក (KSI)។

ការសម្រេចផ្តល់ពានរង្វាន់ «សមិទ្ធផលពេញមួយជីវិតរបស់មេដឹកនាំឆ្នើម» ជូនសម្តេចតេជោនាយករដ្ឋមន្ត្រីកម្ពុជា បានធ្វើឡើងបន្ទាប់ពីវិទ្យាស្ថាន បានសិក្សា និងវាយតម្លៃយ៉ាងល្អិតល្អន់ ទៅលើលក្ខណៈសម្បត្តិនៃការដឹកនាំ និងសមិទ្ធផលទាំងឡាយ ដែលកើតចេញពីការដឹកនាំរបស់សម្តេចតេជោ ហ៊ុន សែន។

វិទ្យាស្ថាន បានកត់សម្គាល់ពីភាពប៉ិនប្រសព្វ ឈ្លាសវៃ និងពោរពេញដោយឆន្ទៈមនសិការ ភក្តីភាពយ៉ាងមុតមាំចំពោះជាតិ និងប្រជាជន ហើយបានធ្វើពលីកម្មដោយមិនចេះនឿយហត់ ដើម្បីនាំមកនូវសុខសន្តិភាព ភាពក្សេមក្សាន្ត វឌ្ឍនភាព ភាពរីកចម្រើន និងវិបុលភាពសម្រាប់ជាតិ និងប្រជាជាតិកម្ពុជា។

ខាងក្រោមនេះ គឺជាសុន្ទរកថា ទាំងស្រុង របស់សម្ដេចអគ្គមហាសេនាបតីតេជោហ៊ុន សែននាយករដ្ឋមន្ត្រី នៃព្រះរាជាណាចក្រកម្ពុជា ថ្លែងក្នុងពិធីទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើមពិភពលោក៖

ខេត្តសៀមរាប៖ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា មានព្រះរាជបន្ទូលថា “មណ្ឌលព្រះកម្មដ្ឋាន ព្រះករុណាព្រះមហាក្សត្រ សីហមុនី”នេះ ជាកន្លែងសម្រាប់អប់រំចិត្តរបស់ពុទ្ធបរិស័ទ ហើយវានឹងផ្តល់នូវភាពកក់ក្តៅ ដល់ពុទ្ធបរិស័ទ ទាំងឡាយ ដែលប្រាថ្នានូវសេចក្តីសុខ តាមរយៈព្រះធម៌ ដ៏ឧត្តុង្គឧត្តម ដែលព្រះសម្មាសម្ពុធព្រះបរមគ្រូនៃយើង ដែលព្រះអង្គ បានផ្តល់ឱវាទ គឺមិនមានសេចក្តីសុខណាស្មើសេចក្តីស្ងប់ឡើយ។ ព្រះករុណាជាអម្ចាស់មានព្រះរាជបន្ទូលទៀតថា សេចក្តីស្ងប់ជាសេចក្តីសុខដ៏ប្រសើរបំផុត សម្រាប់អប់រំផ្លូវចិត្តចំពោះពុទ្ធបរិស័ទ ដែលប្រតិបត្តិយ៉ាងខ្ជាប់ខ្ជួនតាមព្រះធម៌វិន័យ។

ព្រះរាជបន្ទូល ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នៅថ្ងៃ អាទិត្យ ម្សិលមិញ ក្នុងឱកាសបានសព្វព្រះរាជប្ញទ័យ ស្តេចយាងសម្ពោធមណ្ឌលព្រះកម្មដ្ឋាន ព្រះករុណាព្រះមហាក្សត្រ សីហមុនី ដែលស្ថិតនៅក្នុងភូមិគោកបេង សង្កាត់គោកចក ក្រុងសៀមរាប ខេត្តសៀមរាប។

សម្តេចអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជ នៃគណៈធម្មយុត្តិកនិកាយ នៃព្រះរាជាណាចក្រកម្ពុជា បានមានបន្ទូលថា៖ មណ្ឌលព្រះកម្មដ្ឋាន ព្រះករុណាព្រះមហាក្សត្រ សីហមុនី នេះអាចសាងសង់ឡើងបានអស្រ័យ ដោយមានការចូលរួមពីសំណាក់ ពុទ្ធបរិស័ទពីគ្រប់ទិសទី។

សម្តេចមានបន្ទូលបន្តថា មណ្ឌលនេះ នឹងបម្រើផលប្រយោជន៍ ព្រះពុទ្ធសាសនា និងសង្គមជាតិទាំងមូលដ៏ធំធេង ស្របតាមមាគ៌ា នយោបាយ របស់សម្តេចប្រមុខរាជរដ្ឋាភិបាលកម្ពុជា។

សម្តេច មានព្រះបន្ទូលទៀតថា បន្ទាប់ពីព្រះករុណាជាអម្ចាស់យាង កាត់ខ្សែមង្គល ខ្សែបូរដាក់ឱ្យប្រើប្រាស់ ទីតាំងមណ្ឌលព្រះកម្មដ្ឋាន ព្រះករុណាព្រះមហាក្សត្រ សីហមុនីនេះ នឹងបានជួយអប់រំ ដល់មនុស្សគ្រប់វ័យលើផ្នែកចិត្តវិញ្ញាណ ដែលជាមូលដ្ឋានជីវិតមួយដ៏សំខាន់ នៅក្នុងការគ្រប់គ្រង សរីរាង្គកាយ របស់មនុស្សទាំងមូល។

សូមបញ្ជាក់ថា វិស័យព្រះពុទ្ធសាសនា អប់រំសិក្សាធិការ សង្គមកិច្ច និងការងារកិច្ចការបរទេសនាពេលកន្លងមក ដែលពិតជាបានរួមចំណែកយ៉ាងសំខាន់ ក្នុងការលើកកម្ពស់កិត្យានុភាព របស់ព្រះរាជាណាចក្រកម្ពុជា ការស្តារ ការអភិវឌ្ឍ ការកែទម្រង់រដ្ឋស៊ីជម្រៅ លើគ្រប់វិស័យ ដើម្បីកំណើនការងារ សមធម៌ និងប្រសិទ្ធភាព ក្នុងការកាត់បន្ថយភាពក្រីក្រ របស់ប្រជាពលរដ្ឋ សុខុមាលភាព និងជីវភាពរស់នៅ របស់ ប្រជាពលរដ្ឋ ដែលបានធ្វើឱ្យមាតុភូមិអង្គរ ជាទីស្នេហាមានការរីកចម្រើនជឿនលឿនយ៉ាងឆាប់រហ័ស៕SRP

ខេត្តបាត់ដំបង៖បុរសចំនួនពីរនាក់ត្រូវបាន នគរបាលចាប់ករណីកាប់ទន្ទ្រនដីរដ្ឋខុសច្បាប់នៅស្រុកគាស់ក្រឡ។

ភពពីសមត្ថកិច្ចបានដឹងថា បុរសទាំងពីរនាក់ ជា
មេខ្លោង ២នាក់​ ពាក់ព័ន្ធករណីកាប់ទន្រ្ទានយកដីរដ្ឋខុសច្បាប់​ នៅត្រង់ចំណុ​ច​ភ្នំស្នរ​ ភូមិតានួត​ ឃុំព្រះផុស​ ស្រុកគា​ស់​ក្រឡ​ ខេត្តបាត់ដំបង​ និងបានបញ្ជូនទៅសាលាដំបូងខេត្តបាត់​ដំបង​ នៅថ្ងៃទី១៨ ខែធ្នូ ឆ្នាំ ២០២២នេះ​។​

ជនសង្ស័យទាំង​ ២នាក់​ រួមមាន​ ៖​ ១-ឈ្មោះ​ មឿន រឿន ភេទប្រុស អាយុ៤៥ឆ្នាំ មុខ​របរ ធ្វើស្រែ និង២-ឈ្មោះ​ វុិត សាមឿន ភេទប្រុស អាយុ ៣២ ឆ្នាំ មានទីលំនៅក្នុងភូមិតានួត ឃុំព្រះ​ផុស ស្រុកគាស់ក្រឡ​ ខេត្តបាត់ដំបង៕SRP

ភ្នំពេញ៖លោក ហ៊ុន ម៉ាណែត បានលើកឡើងថា៖ ក្នុងនាមជាក្មេងជំនាន់ក្រោយម្នាក់ ខ្ញុំមិននឹកស្មានថាលោក សម រង្សី គ្មានភាពខ្មាស់អៀនដល់ថ្នាក់នេះ! ដែលហ៊ានចេញសារលើបណ្តាញសង្គម របស់ខ្លួនជាភាសាខ្មែរផង ជាភាសាអង់គ្លេសផង រិះគន់សម្តេចតេជោ ពាក់ព័ន្ធករណីក្លែងបន្លំ តួនាទីជាប្រធានអាស៊ាន ដែលខ្លួនគាត់ (សម រង្សី) មិនទាំងយល់ច្បាស់អំពីអាណត្តិរបស់ប្រធានអាស៊ានផង។

សាររបស់លោក សម រង្សី គឺស្មើនឹងគាត់រិះគន់ប្រធានាធិបតីបារាំង ក៏ដូចជាថ្នាក់ដឹកនាំសហភាពអឺរ៉ុប និងប្រមុខរដ្ឋអាស៊ានដ៏ទៃទៀត ថាពួកគេមិនយល់ច្បាស់អំពីអាណត្តិ របស់ប្រធានអាស៊ាន ព្រោះពួកគេបានទទួលស្គាល់នូវតួនាទីជាប្រធានអាស៊ាន របស់សម្តេចតេជោ ទាំងក្នុងជំនួបជាមួយប្រធានាធិបតីបារាំង (ថ្ងៃទី ១៣ ធ្នូ ២០២២ នៅទីក្រុងប៉ារីស ប្រទេសបារាំង) និងកិច្ចប្រជុំកំពូលរំលឹកខួបអនុស្សាវរីយ៍អាស៊ាន-សហភាពអឺរ៉ុប និងដើម្បីអបអរសាទរខួប៤៥ឆ្នាំ នៃទំនាក់ទំនងដៃគូសន្ទនាអាស៊ាន-សហភាពអឺរ៉ុប (ថ្ងៃទី១៤ ធ្នូ ២០២២ នៅទីក្រុងព្រុចសែល ប្រទេសប៊ែលហ្ស៉ិក)។

និយាយអោយខ្លី គឺលោក សម រង្សី ចង់បង្ហាញថាមានតែគាត់ទេដែលឆ្លាតវៃជាងគេ ហើយយល់អំពីអាណត្តិរបស់ប្រធានអាស៊ាន ច្បាស់ជាង ប្រធានាធិបតីបារាំង ថ្នាក់ដឹកនាំសហភាពអឺរ៉ុប និងថ្នាក់ដឹកនាំអាស៊ាន។

លោក ហ៊ុន ម៉ាណែត ៖ ខ្ញុំអានសាររបស់គាត់ច្រើនដង ហើយនៅតែហួសចិត្តដែលគាត់អាចសរសេរសារបែបនេះទៅរួច ព្រមទាំងបង្ហោះសារជាសាធារណៈជាភាសាខ្មែរ និងភាសាអង់គ្លេសអោយបរទេសអាចអានទៀត។ សាររបស់លោក ហ៊ុន ម៉ាណែត ធ្វើឡើងនៅយប់ថ្ងៃទី ១៦ ខែ ធ្នូ ឆ្នាំ ២០២២៕SRP

ភ្នំពេញ៖ជនជាតិចិនមួយក្រុមបាននាំគ្នា ជួលសណ្ឋាគារបេីកល្បែងស៊ីសង​ខុសច្បាប់ នៅក្នុងខណ្ឌសែនសុខ​ រាជធានីភ្នំពេញ ដោយពុំមានអាជ្ញាធរមន្ត្រីណាទប់ស្កាត់នៅឡើយទេ។ ករណីនេះដោយមានមន្ត្រីគ្រាក់ៗ មួយចំនួននៅពីក្រោយចាំជួយអន្តរាគមន៍នៅពេលមានបញ្ហា។ នេះបើយោងតាមប្រភពបង្ហោះតាមបណ្ដាញសង្គមហ្វេសប៊ុក និងតេលេក្រាម។

ប្រភពបានបន្តទៀតថា ករណីល្បែងស៊ីសងនៅខាងលើ មានឧត្តមសេនីយ៍ នៅក្រសួងមហាផ្ទៃ ឈ្មោះ​ សុវណ្ណារិទ្ធ​ និង​មន្ត្រីមួយចំនួន​ បានរកស៊ីជាមួយជនជាតិចិន ជួលសណ្ឋាគារបង្កើតជាកាស៊ីណូ ក្នុងទឹកដីខណ្ឌសែនសុខ។ ហើយអាជ្ញាធរមូលដ្ឋាន គឺមិនហ៊ានបង្ក្រាបនោះទេ។ ហើយមានម្នាក់ជាអ្នកចាំទទួលបញ្ជាពីមេរបស់ខ្លួន រត់ការចាំអន្តរាគមន៍នៅពេលដែលមានអ្នកទៅរំខានទីតាំងល្បែងស៊ីសងខុសច្បាប់នោះ។ ទោះជាយ៉ាងណា អង្គភាពសៀមរាប ប៉ុស្តិ៍ នៅពុំទាន់ទទួលបានការបំភ្លឺពីអាជ្ញាធរសមត្ថកិច្ចរាជធានីភ្នំពេញនៅឡើយទេចំពោះករណីល្បែងស៊ីសងនេះ៕SRP

ភ្នំពេញ៖ទីតាំងស្តុកទឹកដោះគោម៉ាក Dutchmill ចំនួន២កន្លែងត្រូវបានសមត្ថកិច្ចបង្ក្រាប។ ការបង្ក្រាបធ្វើឡើង យោងពាក្យបណ្តឹងរបស់ក្រុមហ៊ុន យូអិនធី ហូលសេល ខូអិលធីឌី។

មន្ត្រីនៅក្នុងហេតុការណ៍បង្ក្រាបបានឲ្យដឹងថាករណីនេះកម្លាំងជំនាញ នាយកដ្ឋាននគរបាលប្រឆាំងបទល្មើសសេដ្ឋកិច្ច បានចុះធ្វើការស្រាវជ្រាវ និងឈានដល់ការបង្រ្កាបករណីនាំចូល ស្តុក ចែកចាយ ទឹកដោះគោម៉ាក Dutchmill រំលោភសិទ្ធិចែកចាយផ្តាច់មុខ និងការដឹកជញ្ជូនខុសលក្ខណៈបច្ចេកទេស នាំឲ្យមានការខូចគុណភាព នៅថ្ងៃទី១៤ ខែធ្នូ ឆ្នាំ២០២២ ដោយមានការចូលរួមពីអាជ្ញាធរមូលដ្ឋាន និងតំណាងក្រុមហ៊ុន ក្រោមការដឹកនាំសម្របសម្រួលនីតិវិធីផ្ទាល់ពីលោកព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ។

មន្ត្រីរូបនោះបន្តថា ក្នុងប្រតិបត្តិការនេះ សមត្ថកិច្ចបានចុះឆែកឆេរ ០២ទីតាំងផ្សេងគ្នា៖
១./ទីតាំងទី១ ស្ថិតនៅផ្ទះលេខ២៦ ផ្លូវ១៣B (បុរីពិភពថ្មីកំបូល III)សង្កាត់កន្ទោក ខណ្ឌកំបូល រាជធានីភ្នំពេញ ដកហូតបានទឹកដោះគោម៉ាក Dutchmillខុសច្បាប់ចំនួន ៦.៥០០ដប ស្មើនឹង ២.៥០៧គីឡូក្រាម។

២./ទីតាំងទី២ ស្តិតនៅផ្ទះលេខ C៧០ ផ្លូវបេតុង សង្កាត់រលួស ខណ្ឌដង្កោ រាជធានីភ្នំពេញ ដកហូតបានទឹកដោះគោម៉ាក Dutchmill ខុសច្បាប់ចំនួន ៥៤២ដប ស្មើនឹង ៣២៣គីឡូក្រាម។

បើតាមមន្ត្រីដដែល ពាក់ព័ន្ធករណីខាងលើនេះព្រះរាជអាជ្ញារង បានសម្រេច ឲ្យសមត្ថកិច្ចធ្វើការដកហូតវត្ថុតាងទាំងអស់ យកមករក្សាទុកជាបណ្តោះអាសន្ន នៅនាយកដ្ឌាន និងហៅម្ចាស់ទីតាំងមកសាកសួរបំភ្លឺ នៅនាយកដ្ឋាននគរបាលប្រឆាំងបទល្មើសសេដ្ឋកិច្ច ដើម្បីបន្តនីតិវិធី៕SRP

ភ្នំពេញ៖ក្រសួងការប្រទេស និងសហប្រតិបត្តិការអន្តរជាតិ បានចេញសេចក្ដីប្រកាសព័ត៌មានរបស់ ស្ដីពីលទ្ធផលនៃទស្សនកិច្ចការងារ របស់ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅសាធារណរដ្ឋបារាំង នៅថ្ងៃទី១៣ ខែធ្នូ ឆ្នាំ២០២២៕SRP

ខេត្តបន្ទាយមានជ័យ៖មន្ត្រីជំនាញសុរិយោដី សំណង់និងអាជ្ញាធរដែនដីថា ក្រុមហ៊ុនKP MORN DANY Land & House ឬម៉ន ដានី លក់ដីឡូតិ៍ អត់មានច្បាប់នៅឡើយទេ ហើយលេងឆៅតែម្តង ក្នុងការបើកគម្រោងអាជីវកម្មនិងលក់គម្រោងខ្លួន។ ហើយនៅថ្ងៃទី១២ខែធ្នូ ក្រុមហ៊ុន បានសម្ពោធគម្រោងផ្ទះវីឡាទោលនិងដីលំនៅឋាននៅផ្លូវជាតិលេខ៥ ចំណុចព្រំប្រទល់ក្រុងសិរីសោភ័ណ (ភូមិ/ឃុំទឹកថ្លា) ស្រុកអូរជ្រៅ (ភូមិសាលាក្រហមឃុំសំរោង) តែបញ្ឆោតថា នៅក្រុងប៉ោយប៉ែត។ នេះបើយោងតាមបណ្ដាញសង្គមហ្វេសប៊ុក (ប្រយុទ្ធ) បានបង្ហោះចែកចាយនៅថ្ងៃសុក្រនេះ។

បណ្ដាញសង្គមហ្វេសប៊ុក (ប្រយុទ្ធ) បានបន្តថា លោកស្រីម៉ន ដានី និងដៃគូ បុរសជនជាតិថៃ របស់លោកស្រី បានប្រកាសអបអរសាទរថ្ងៃបើក សម្ពោធគម្រោង ផ្ទះវីឡាទោល និង ដីលំនៅឋាន បន្ទាយមានជ័យ – ក្រុងប៉ោយប៉ែត ជាផ្លូវការ។
ដោយ ថ្ងៃនេះ ក្រុមហ៊ុន ជូនកាដូរ មហាពិសេស ទិញ1 ថែមជូន1 ក្នុងតម្លៃត្រឹមតែ២៤.០០០ដុល្លា
រ ទទួលចុះឈ្មោះ ១០នាក់ដំបូង។ ក្នុងការប្រកាស ក្រុមហ៊ុនបង្ហាញពីគម្រោងផ្ទះវីឡាទោល និងដីលំនៅឋានជាង១ម៉ឺនឡូតិ៍ លើផ្ទៃដីរជាច្រើនហិកតា ។

ឯនៅលើផ្ទាំងនិងសន្លឹក ផ្សព្វផ្សាយពាណិជ្ជកម្ម ក្រុមហ៊ុននេះ បានសរសេអក្សរធំៗ លេចច្បាស់ នៅផ្នែកខាងលើ ក៏មានគម្រោងដីអាជីវកម្ម ដែលដាក់ថា “គម្រោងដីអាជីវកម្ម បើកថ្មីនៅក្រុងប៉ោយប៉ែត “។
“គម្រោង១៥.០០០ឡូតិ៍ ជាប់ផ្លូវជាតិលេខ៥ ក្នុងក្រុងប៉ោយប៉ែត “.ដែលមានគម្រោងផ្សារ រោងចក្រ ហាងទំនិញ ចំណតឡានក្រុង ជាដើម ។
ប៉ុន្តែបានសរសេរអក្សរតូច ព៌ណមិនសូវលេចនៅចុងផ្នែកខាងក្រោមថា វាស្ថិតនៅភូមិទឹកថ្លា សង្កាត់ទឹកថ្លាក្រុងសិរីសោភ័ណ (ជាប់ព្រំប្រទល់ស្រុកអូរជ្រៅ) ហើយភ្ជាប់នឹងលេខទូរស័ព្ទ ជាច្រើនខ្សែសម្រាប់ទំនាក់ទំនង។

ករណីនេះ លោកឡុង វុធ អនុប្រធានមន្ទីររៀបចំដែនដី នគរោបនីយកម្ម សំណង់និងសុរិយោដីខេត្តបន្ទាយមានជ័យ ទទួលបន្ទុកសំណង់ប្រាប់ កាសែតរស្មីកម្ពុជា កាលពីថ្ងៃទី១២ខែធ្នូថា៖ “គម្រោងលក់ដីល្វែងនិងផ្ទះម៉ន ដានីនេះ លេងឆៅតែម្តង។ មិនមានការអនុញ្ញាតិច្បាប់ទេ មិនមានសុំអីទាំងអស់។ អីក៏អត់ៗ “.។

លោកអនុប្រធានបានបន្តថា៖ ករណីអង្កន់ដីល្វែងកណ្តាលភ្នែកមហាជននេះ លោកប្រធានមន្ទីរ (អាង ណារឹទ្ធ) បានបញ្ជូនមន្ត្រីអោយចុះពិនិត្យ និងធ្វើរបាយណ៍សុំគោលការណ៍ រដ្ឋបាលខេត្តដើម្បីបិទសកម្មភាពតែម្តង។

សូមរំលឹកថា កាលពីថ្ងៃទី០៥ខែធ្នូ ឆ្នាំ ២០២២ ក្រុមការងារនៃការិយាល័យរៀបចំដែនដី នគរូបនីយកម្ម និងសំណង់ ដែលដឹកនាំដោយ លោក ប៉ង់ រ៉ុម ប្រធានការិយាល័យដែនដី នគរោបនីយកម្មនិងសំណង់(ដ.ន.ស )បានដឹកនាំក្រុមការងារត្រួតពិនិត្យសំណង់ ចុះត្រួតពិនិត្យការដ្ឋានសំណង់ គម្រោងសាងសង់ អគារពាក់កណ្តាលភូមិគ្រឹះ និងផ្ទះល្វែង របស់ឈ្មោះ ម៉ន ដានី (សមត្ថកិច្ចក្រសួង) ដែលក្រឡាផ្ទៃសរុប ៨៤០០០ ម៉ែត្រក្រឡា (ជាង៨ហិចតា)ស្ថិតនៅភូមិទឹកថ្លា សង្កាតទឹកថ្លា ក្រុងសិរីសោភ័ណ។

លោកបានធ្វើរបាយការណ៍ជូនលោកប្រធានមន្ទីរពីការដ្ឋានសំណង់ បានសាងសង់របស់ឈ្មោះ ម៉ន ដានី ដោយគ្មានលិខិតអនុញ្ញាតសាងសង់ និងលិខិតអនុញ្ញាតបើកការដ្ឋានសាងសង់។ មានប្លង់ស្ថាបត្យកម្ម និងប្លង់គ្រឿងផ្គុំសំណង់ តែគ្មានវិស្វករប្រចាំការដ្ឋាន។ ឯក្រុមជាងម៉ៅការសាងសង់ពុំមានច្បាប់ប្រកបអាជីវកម្មសាងសង់ឡើយ។

ចំពោះគម្លាតនគរូបនីយកម្មដែលក្រុមការងារចុះពិនិត្យឃើញថា គម្លាតខាងមុខៈ ៥ ម៉ែត្រពីព្រំដី។ គម្លាតខាងក្រោយៈ ១ ម៉ែត្រពីព្រំដី
គម្លាតខាងស្តាំៈ ១ ម៉ែត្រពីព្រំដី។គម្លាតខាងឆ្វេងៈ ១ ម៉ែត្រពីព្រំដីជាដើម។

ចុះណែកលោករ៉ូ បូរ៉ា អនុប្រធានមន្ទីររៀបចំដែនដី នគរោបនីយកម្ម សំណង់និងសុរិយោដីខេត្តបន្ទាយមានជ័យ ទទួលបន្ទុកសុរិយោដីប្រាប់កាសែតរស្មីកម្ពុជាថ្ងទី១២ខែធ្នូដែរថា៖ គម្រោងក្រុមហ៊ុនKP MORN DANY Land & House ឬម៉ន ដានី លក់ដីឡូតិ៍ នេះ មានទីតាំងនៅក្រុងសិរីសោភ័ណនិងស្រុកអូរជ្រៅ (មិនមែននៅក្រុងប៉ោយប៉ែត ដូចដែលក្រុមហ៊ុនប្រកាសប្រាប់អតិថិជន)ទេ។

លោកបន្ត:ថា បន្ថែមលើនោះ គម្រោងនេះ មិនមានការស្នើសុំច្បាប់មកការិយាល័យភូមិបាលនិងមន្ទីរនៅឡើយទេ។ ពោលគឺអត់ច្បាប់ទាំងលើ :ទី១-ការបំបែកក្បាលដី ទី២- ការស្នើសុំប្តូរប្រភេទដី (ពីដីស្រែទៅដីលំនៅឋាននិងសំណង់។ទី៣- ខេត្តក៏មិនសុំ ។ក៏មិនសុំច្បាប់ដល់ក្រសួងផងដែរ។

ចំណែក លោកអភិបាលខេត្តបន្ទាយមានជ័យ ក៏ដូចលោកអភិបាលក្រុងសិរីសោភ័ណ បានប្រាប់កាសែតរស្មីកម្ពុជាកន្លងមកថា : គម្រោងដីធ្លីមួយនេះ ខាងក្រុមហ៊ុនមិនទាន់បានបំពេញបែបបទ ឯកសារអីមកដល់អាជ្ញាធរនៅឡើយទេ។ ទោះយ៉ាងណា អាជ្ញាធរលើកទឹកចិត្តដល់អ្នកវិនិយោគ អោយសុំគោលការណ៍និងច្បាប់។

ឆ្លើយតបបន្ថែមលើគម្រោងនេះ ប្រភពស្និទនឹងលោកស្រីម៉ម ដានី បានប្រាប់កាសែតរស្មីកម្ពុជាថ្ងៃទី១២ខែធ្នូថា : ម៉ន ដានី លក់ដីឡូតិ៍ នេះ បានខិតខំផ្សព្វផ្សាយ ជម្រុញការលក់ (ប្រូម៉ូស៊ិន) តាមច្រើនមធ្យោបាយ និងប្រភេទ ក្នុងបំណងអោយលក់ដីឡូតិ៍និងផ្ទះ វីឡាដោយបង់កក់ បង់រំលោះ និងបង់ផ្តាច់អោយបានដំណើរសិន។ប៉ុន្តែជាក់ស្តែង ក៏លក់មិនទាន់សូវដាច់នៅឡើយដែរ៕SRP

ខេត្តបន្ទាយមានជ័យ៖ក្រុមប្រជាពលរដ្ឋ បានធ្វេីការចោទប្រកាន់ថា ក្រុមហ៊ុន​ កូ ណៃ ឃុបឃិតជាមួយមន្ត្រីមួយចំនួន បិទផ្លូវដោយដាក់ដុំថ្ម ដាំបង្គោល និងរាយបន្លាព័ទ្ធយកដីភ្នំកងវ៉ារបស់រដ្ឋ​ និងដីប្រជាពលរដ្ឋ ដែលមានទីតាំងស្ថិតនៅចំណុចជួរភ្នំកងវ៉ា ក្នុងភូមិកងវ៉ាសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។ នេះបើយោងតាមបណ្ដាញសង្គមហ្វេសប៊ុក (ប្រយុទ្ធ) បានបង្ហោះចែកចាយនៅថ្ងៃសុក្រនេះ។

បណ្ដាញសង្គមហ្វេសប៊ុក (ប្រយុទ្ធ) បានបន្តថាប្រជាពលរដ្ឋរស់នៅភូមិកងវ៉ា​ និងភូមិពង្រ​ សង្កាត់កំពង់ស្វាយ​បានឲ្យដឹងថា​ មន្ត្រីមួយចំនួន​ត្រូវរ៉ូវគ្នាជាមួយថៅកែក្រុមហ៊ុន​ កូ ណៃ ដោយបានបិទផ្លូវសហគមន៍ទៅចម្ការ​ និងស្រែមួយកន្លែង ដោយបានយកដុំថ្មធំៗ​ បិទផ្លូវ្រជាពលរដ្ឋ ធ្វើដំណើរដឹកកសិផល និងដីអាស្រ័យផល ចិញ្ចឹមសត្វ។

ប្រភពដដែលបានបញ្ជាក់​ ក្រុមហ៊ុន​ កូ​ ណៃ​ បានធ្វើរបងដាក់បន្លាលួស និងយកដុំថ្មធំៗ​ មកបិទផ្លូវនិងព័ទ្ធភ្នំកងវ៉ារបស់រដ្ឋ​ យកដីភ្នំរដ្ឋ ដែលក្រុមហ៊ុនបានសុំអាជ្ញាប័ណ្ណ កាយដីយករួចហើយ មិនព្រមប្រគល់ជូនរដ្ឋ តែបែរជាព័ទ្ធធ្វើកម្មសិទ្ធិផ្ទាល់ខ្លួនទៅវិញ។

បេីតាមមន្ទីររ៉ែ​ និងថាមពលខេត្តបន្ទាយមានជ័យ បានបញ្ជាក់ថា ក្រោយកាយអាចម៍ដី ថ្មពីភ្នំឬដីរដ្ឋ ចេញរួចក្រុមហ៊ុន ត្រូវប្រគល់ថ្នាលដីអោយរដ្ឋវិញ។​ ករណីដែលថា ក្រមហ៊ុន​ កូ​ ណៃ​ យកថ្មធំ ដាំបង្កោលនិងរាយលួសបន្លាព័ទ្ធបិទផ្លូវ គឺវាជាសមត្ថកិច្ចដោះស្រាយ របស់អាជ្ញាធរភូមិ សង្កាត់ ក្រុង ខេត្ត។ ហេីយលោកនឹងចាត់មន្ត្រីអោយចុះទៅពិនិត្យ វាយតម្លៃ និងរាយការណ៍ នៅចំណុចទីតាំងដីភ្នំដែលថា មានការហ៊ុំព័ទ្ធយក ហើយបិទផ្លូវរបស់ប្រជាពលរដ្ឋ។

ករណីនេះ លោក អ៊ុំ​ រាត្រី​ អភិបាលខេត្តបន្ទាយមានជ័យ​ បានអោយដឹងថា​ អភិបាលក្រុងសិរីសោភ័ណ្ឌ​ កំពុងតែធ្វេីការងារនេះហេីយ​ លោកតែងតែផ្តល់សិទ្ធិអំណាច ទៅអោយមូលដ្ឋានធ្វេីការ៕SRP