Skip to content
Siem Reap Post
  • ព័ត៌មានជាតិ
  • ព័ត៌មានអន្តរជាតិ
  • ទូរស័ព្ទ: 069382925/ 0886737999
ផ្ដើមចេញពីភ្លើងប្រចណ្ឌ! បាញ់សម្លាប់ថៅកែអង្ករ នឹងបុរសជាប៉ូលិស រួចបាញ់សម្លាប់ខ្លួនតាមក្រោយ
អាជ្ញាធរទន្លេសាបជម្រុញឲ្យមន្ត្រីមូលដ្ឋានកំណត់តំបន់អាទិភាពដើម្បីពន្លឿនការដាំស្ដារព្រៃលិចទឹកឡើងវិញឲ្យទាន់ផែនការឆ្នាំ២០២៦
ឯកឧត្តមសៀង ណាំ៖ ក្នុងនាមជាគ្រឹះស្ថានអប់រំកម្រិតឧត្តមសិក្សាមួយ សាកលវិទ្យាល័យអង្គរយើងតែងតែចូលរួមយ៉ាងសកម្មក្នុងសកម្មភាពអភិវឌ្ឍសង្គមដើម្បីឆ្លើយតបទៅនឹងគោលនយោបាយបញ្ចកោណ
ប្រមុខស្ដីទី តែងតាំងលោកយ៉េត វីណែល ជាអគ្គលេខាធិការ គ្រប់គ្រងល្បែងពាណិជ្ជកម្មកម្ពុជា
ឃាត់ខ្លួនបុរសម្នាក់ដែលលក់ចែកចាយឧបករ​ណ៍អេឡិចត្រូចនិក និងសារធាតុគីមីសម្រាប់ជក់
Avatar photo
សៀមរាប ប៉ុស្តិ៍
២២ មេសា ២០២០

ខេត្តសៀមរាប៖ជនសង្ស័យម្នាក់ត្រូវបាននគរបាលក្រុងសៀមរាបឃាត់ខ្លួន ករណីលួចម៉ូតូ។
ជនសង្ស័យឈ្មោះ ឆែ ពៅ ហៅពាវ ភេទ ប្រុស អាយុ១៧ឆ្នំាជនជាតិខ្មែរសញ្ជាតិខ្មែរ មុខរបរសិស្សនៃអនុវិទ្យាល័យជ្រាវ ស្រុកកំណើតភូមិ គោកស្នួលឃុំទឹកវិល ស្រុកពួក ខេត្ត សៀមរាប។ទីលំនៅបច្ចុប្បន្នៈ ភូមិតាចេក សង្កាត់ជ្រាវ ក្រុងសៀមរាប ខេត្តសៀមរាប។
ជនសង្ស័យ ត្រូវបានឃាត់ខ្លួន នៅសង្កាត់ជ្រាវ ក្រុងសៀមរាប នាថ្ងៃ២២ខែមេសាឆ្នាំ២០២០នេះ។
សូមបញ្ជាក់ថាហេតុការណ៍លួច នៅយប់ថ្ងៃទី២១ខែមេសាឆ្នាំ២០២០វេលាម៉ោង២៣និង៣០នាទី ស្ថិតនៅភូមិតាចេក សង្កាត់ជ្រាវ ក្រុង-ខេត្តសៀមរាប។
ម៉ូតូជនរងគ្រោះម៉ាកហុងដាឌ្រីមសេ១២៥ពណ៌ខ្មៅ ស៊េរីឆ្នាំ២០១៣ ស្លាកលេខសៀមរាបៈ១O-០៨៥៨ ខណៈម្ចាស់ ចតទុកនៅក្បែរជញ្ជាំងផ្ទះ ដោយពុំបានចាក់សោរ.ក ឬបិទសន្ទៈសោរសុវត្ថិភាពនោះទេ៕SRP

Like 195
Comment 0
Share ចែកចាយ
Views 700
Avatar photo
សៀមរាប ប៉ុស្តិ៍
២២ មេសា ២០២០

ខេត្តកំពង់ចាម៖លោក​​អ៊ុន​ ចាន់ដា​ អភិបាលខេត្តកំពង់ចាម​ និង​ជា​ប្រធាន​គណៈកម្មាធិការ​សាខា​កាកបាទក្រហម​កម្ពុជា​ខេត្ត​ បានថ្លែងអំពាវនាវ ដល់សប្បុរសជន​នៅគ្រប់មជ្ឈដ្ឋាន ទាំងក្នុងវិស័យរដ្ឋ និងវិស័យឯកជន មេត្តាបន្តចូលរួមជាកម្លាំងមនុស្សធម៌ជាមួយកាកបាទក្រហមកម្ពុជា ដើម្បីជួយសម្រាលទុក្ខលំបាករបស់បងប្អូនប្រជាពលរដ្ឋ​ ដែលងាយរងគ្រោះបំផុតរួមមាន អ្នករងគ្រោះដោយគ្រោះមហន្តរាយផ្សេងៗជនពិការ ចាស់ជរាគ្នានទីពឹង កុមារកំព្រា ស្ត្រីមេម៉ាយ អ្នកផ្ទុកមេរោគអរដស៍​។ល។ នៅគ្រប់ទីកន្លែងឲ្យបានឆាប់រហ័ស និងទាន់ពេលវេលា ដោយពុំមានការរើសអើង ពូជសាសន៍ ជំនឿសាសនា ននិងនិន្នាការនយោបាយឡើយ។

ជាមួយគ្នានេះ លោក​​អ៊ុន​ ចាន់ដា​ ក៏បានលើកឡើងផងដែរថាមន្ត្រី​សាខាកាកបាទក្រហមកម្ពុជា​​ទាំង​អស់​ ​គឺ​ស្ថិត​នៅក្រោម​ការ​ចាត់តាំង​យ៉ាង​ត្រឹមត្រូវ​​ ដូច្នេះ​សូម​ឲ្យ​​មន្ត្រី​យេីង​មាន​ការ​ទទួល​ខុសត្រូវ​ ឲ្យ​បាន​ច្បាស់លាស់​ ក្នុង​ការ​ចាត់ចែង​កិច្ចការ​រដ្ឋបាល​។ថ្លែងយ៉ាងដូច្នេះក្នុងកិច្ចប្រជុំប្រចាំត្រីមាសទី១ និងទិសដៅត្រីមាសទី២ ឆ្នាំ២០២០​ របស់​គណៈកម្មាធិការ​សាខាកាកបាទក្រហមកម្ពុជា​ខេត្តកំពង់ចាម​ នៅព្រឹកមិញនេះនៅ​ទីស្នាក់ការ​​សាខា​កាកបាទក្រហម​កម្ពុជា​ខេត្ត​កំពង់ចាម​ ។

លោក​អ៊ុន​ ចាន់ដា​បាន​ថ្លែង​ថា​ តាម​ការ​ណែនាំ​តម្រង់​ទិស​​របស់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា​ និង​លោក​​ ហ៊ុន​ ណេង​ ប្រធាន​កិត្តិយស​សាខា​កាកបាទក្រហម​កម្ពុជា​​ខេត្ត​កំពង់ចាម​ ចំពោះ​ការ​ប្រារព្ធ​ពិធី​ខួបលើកទី១៥៧ ​ទិវា​ពិភពលោក​កាកបាទក្រហម​ និង​អឌ្ឍចន្ទក្រហម​ ៨ឧសភា​ ឆ្នាំ​២០២០នេះ​ គឺ​មិន​មានការរៀបចំ​ពិធី​សមោសរ​ ដូចឆ្នាំមុនៗនោះទេ​ ព្រោះ​ដើម្បី​ជៀសវាង​ការ​ឆ្លង​រីករាល​ដាល​នៃ​ជំងឺ​កូវីដ​១៩​។តែ​ទោះជា​យ៉ាងណា​គណៈកម្មាធិការ​សាខា​កាកបាទក្រហម​ខេត្ត​ បាន​ត្រៀម​បង្កើត​ក្រុម​ការងារ​ ដើម្បីបន្តកៀរគរមូលនិធិ និងស្វាមគមន៍​ ការចូលរួមជាវិភាគទានពី​សប្បុរសជននានា​ដោយ​ផ្ទាល់​និង​តាម​ប្រព័ន្ធ​ផ្សព្វផ្សាយ​អេឡិចត្រូនិក​ផងដែរ​៕SRP

Like 195
Comment 0
Share ចែកចាយ
Views 2.4K
Avatar photo
សៀមរាប ប៉ុស្តិ៍
២២ មេសា ២០២០

ខេត្តសៀមរាប៖ ភ្លើងឆេះវាសស្មៅនៅក្នុងដីឡូតិ៍មួយកន្លែងស្ថិតនៅភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាបបង្កភាពភ័យខ្លាចដល់ប្រជាពលរដ្ឋ ព្រោះទីតាំងឆេះនេះ នៅជិតស្ថានីសាំង និងហ្គាស។  ករណីនេះ បានកើតឡើងនៅវេលាម៉ោងប្រមាណជាង៣រសៀលថ្ងៃនេះ។ ប្រជាពលរដ្ឋដែលមានលំនៅឋានជិតកន្លែងភ្លើងឆេះនេះ បានឱ្យដឹងថា ពួកគាត់មិនបានដឹងថា ភ្លើងនេះឆេះដោយសារគេដុតឬយ៉ាងណានោះទេ ព្រោះពេលឃើញភ្លើងឆេះខ្លាំងទៅហើយ។ ក្រុមប្រជាពលរដ្ឋក៏បានថ្លែងការអគុណដល់សមត្ថកិច្ចដែរ ដែលបានមួយជួយអន្តរាគមន៍ពន្លត់ភ្លើងនេះបានទាន់ពេលវេលា។  លោកវរសេនីទោ ឆឹង សុភា អធិការរងនគរបាលក្រុងសៀមរាប បានឱ្យដឹងថា ករណីអគ្គិភ័យនេះសមត្ថកិច្ចបានប្រើប្រាស់ទឹកអស់ចំនួនពីររថយន្តទើបរលត់ទៅវិញ។  លោកអធិការរងបាន អំពាវនាវឱ្យប្រជាពលរដ្ឋមានការប្រុងប្រយ័ត្នចំពោះការដុតសំរាម ដុតព្រៃរកសត្វ និងភ្លើងធូបទៀន ព្រោះបច្ចុប្បន្ននេះ ក្តៅខ្លាំងងាយនិងបង្កឱ្យមានអគ្គីភ័យណាស់៕SRP

Like 195
Comment 0
Share ចែកចាយ
Views 0
Sponsored
Sponsored
Avatar photo
សៀមរាប ប៉ុស្តិ៍
២២ មេសា ២០២០

ខេត្តសៀមរាប៖ នៅទីបំផុតក្រុមមន្ត្រីចម្រុះខេត្តសៀមរាបនៅព្រឹកមិញនេះបានសហការណ៍គ្នាចុះពិនិត្យការដ្ឋានជីកស្តារត្រពាំងក្រុះ នៅខាងក្រោមទំនប់៧៨ ស្ថិតនៅក្នុងភូមិតាចេក សង្កាត់ជ្រាវ ក្រុងសៀមរាប ។ មន្ត្រីដែលចុះទៅកន្លែងពិនិត្យនោះបានឲ្យដឹងថា ត្រពាំងក្រុះនេះ មានជម្រៅតែ១.៥ ម៉ែត្រនិងមានទំហំ ៤០ម៉ែត្រx៤០ម៉ែត្រ អាចម៍ដីដែលស្តារចេញមក គឺមិនបានយកទៅធ្វើអាជីវកម្មនោះទេ គឺយកមកធ្វើជាទំនប់បិទជុំវិញមាត់ត្រពាំងនេះ ដើម្បីរក្សាទឹកទុក ប្រើប្រាស់ នារដូវប្រាំង ហើយត្រពាំងនេះគឺជាសម្បត្តិរដ្ឋ មិនអនុញ្ញាតឲ្យបុគ្គលណា រំលោភយកធ្វើជាកម្មសិទ្ធិឯកជននោះឡើយ។ ការចុះត្រួតពិនិត្យនេះ ក្រោយមាន ព័ត៌មានតាមហ្វេសប៊ុក បង្ហោះឲ្យអាជ្ញាធរជួយពិនិត្យមើលដោយលើកឡើងថាមានបុគ្គលម្នាក់បានជីកស្តារត្រពាំងបុរាណនេះ ដោយខុសច្បាប់ និងបានបំផ្លាញព្រៃលិចទឹកជាដើម។

លោកក្អោប រ៉ន ចៅសង្កាត់ជ្រាវ បានមានប្រសាសន៍ថា ក្រុមការងារចម្រុះបានសម្រេចឲ្យថែរក្សាត្រពាំងទុកជាសម្បត្តិរដ្ឋ ដោយមិនឲ្យត្រពាំងនេះធ្លាក់ក្នុងកណ្តាប់ដៃបុគ្គលឯកជននោះឡើយ។លោកបន្តថា ក្រុមការងារបានថ្លែងអំណរគុណចំពោះអាជ្ញាធរសង្កាត់និងសប្បុរសជន ដែលបានរួមគ្នាស្តារត្រពាំងនេះឲ្យបានជ្រៅសម្រាប់ទុកទឹកឲ្យពលរដ្ឋប្រើប្រាស់និងមិនងាយបាត់បង់។ព្រោះបើសិនជាត្រពាំងរ៉ាក់ អាចនិងមានឈ្មួញឈូសឆាយលប់ទុកជាកម្មសិទ្ធិ។

បើតាមការលើកឡើង លោក សំ សារ៉េត ប្រធានការិយាល័យអភិរក្សប្រាសាទ នៃអាជ្ញាធរជាតិអប្សរា បានលើកឡើងថា ការជីកស្តារត្រពាំងនេះពុំមានផលប៉ះពាល់ ឬបាត់បង់ទ្រង់ទ្រាយដើមនៃត្រពាំងបុរាណនោះទេ ហើយការស្តារនេះ ក៏បានរួមចំណែកថែរក្សានិងគ្រប់គ្រងកុំឲ្យមានការរំលោភបំពានពីប្រជាពលរដ្ឋផងដែរ៕SRP

Like 195
Comment 0
Share ចែកចាយ
Views 300
Avatar photo
សៀមរាប ប៉ុស្តិ៍
២២ មេសា ២០២០

ខេត្តសៀមរាប៖ សេចក្ដីរាយការណ៍បានឲ្យដឹងថាបុរសម្នាក់បានដេកស្លាប់ នៅលើផ្ទះខ្លួនឯង។ ហេតុការណ៍បានកើតឡើង
នៅវេលាម៉ោង០១រំលងអាធ្រាតឈានចូលយប់ថ្ងៃទី២២ ខែមេសាឆ្នាំ២០២០ ស្ថិតនៅភូមិសំរោង ឃុំលាងដៃ ស្រុកអង្គរធំ។
ជនរងគ្រោះឈ្មោះជុល មាឃ ភេទប្រុស អាយុ២៧ឆ្នាំ។ ចំណែកប្រពន្ធឈ្មោះ ទៀង ផា ភេទ ស្រីអាយុ២៦ឆ្នាំ។

យោងតាមការបំភ្លឺ របស់ប្រពន្ធជនរងគ្រោះ បានប្រាប់សមត្ថកិច្ចថាកាលពីល្ងាចប្តីបានទៅបង់ត្រីមកវិញធ្វើហូបជុំគ្នារហូតដល់ម៉ោង១០យប់គាត់ក៏ហូបម្តងទៀតរួចដេកវិញ។ លុះវេលាម៉ោងកើតហេតុរូបគាត់ជាប្រពន្ធបានឭសម្រែកស្រែកឃឺតៗ។ គាត់ជាប្រពន្ធក៏ជួយរឹតហើយហៅបងប្អូនមកជួយមើលតែបានដាច់ខ្យល់ស្លាប់បាត់ទៅហើយ។ ករណីនេះសមត្ថកិច្ចបានបញ្ជាក់ថាតាមការធ្វើកោសល្យវិច័្ចយ របស់នគរបាល និងពេទ្យមណ្ឌលឃុំគឹមូលហេតុបណ្ដាលមកពីខ្យល់គរស្លាប់៕SRP

Like 195
Comment 0
Share ចែកចាយ
Views 0
Avatar photo
សៀមរាប ប៉ុស្តិ៍
២១ មេសា ២០២០

ខេត្តកំពង់ចាម៖លោកស្រីស៊ុនចន្ថា មេឃុំកោះសូទិននិងលោកហ៊ាបសេរីវុធស្ថាបនិកអង្គការរ​មូលនិធិ​គាំទ្រ​កុមារ​ នៅព្រឹកមិញបានដឹកនាំមន្ត្រីពាក់ព័ន្ធនិងដោយមានការចូលរួមពីសហភាពសហព័ន្ធយុវជនកម្ពុជាបាននាំយក សាប៊ូនិងខិត្តប័ណ្ណចែកជូនបងប្អូនប្រជាពលរដ្ឋទៅដល់ខ្នងផ្ទះប្រមាណជាង២០០០គ្រូសារនៅក្នុងឃុំ កោះសូទិន ស្រុកកោះសូទិន ខេត្តកំពង់ចាម ក្នុងគោលបំណងចូលរួមប្រយុទ្ធប្រឆាំងនឹងការឆ្លងរាតត្បាតនៃវីរុសកូរ៉ូណា។

លោកស្រីស៊ុនចន្ថាមេឃុំកោះសូទិនបានឲ្យដឹងថាក្នុងការបើកយុទ្ធនាការផ្សព្វផ្សាយសារអប់រំអំពីវិធានការ ការពារ ទប់ស្កាត់ការឆ្លងរីករាលដាលនៃជំងឺកូវីដ១៩នេះដោយមានការចូលរួមចំណែកពីអង្គការរមូលនិធិគាំទ្រកុមារ ដែលបានឧបត្ថម្ភជាសាប៊ូជាង២០០០ដុំសម្រាប់ចែកជូនបងប្អូនប្រជាពលរដ្ឋទៅតាមខ្នងផ្ទះដើម្បីឲ្យមានការ យល់ដឹងបន្ថែមពីការធ្វើអនាម័យជាប្រចាំចៀសវាងការឆ្លងជំងឺផ្សេងៗជាពិសេសគឺជំងឺកូវីដ១៩នេះតែម្ដង។
ក្នុងយុទ្ធនាការនេះដែរក្រុមការងារក៏បានធ្វើការផ្សព្វផ្សាយដោយផ្តើមចេញពីការថែរក្សាអនាម័យផ្ទាល់ខ្លួនក្នុង គ្រួសារក៏ដូចជានៅក្នុងសហគមន៍ ទាំងមូលពោលគឺ ត្រូវចៀសវាងការជួបជុំគ្នាក្នុងពិធីធំៗនិងត្រូវពាក់ម៉ាស់នៅ ទី ប្រជុំជនព្រមទាំងលាងសម្អាតដៃដោយសាប៊ូ អាល់កុល ឬជែលសម្លាប់មេរោគ និងវាស់ស្ទង់ កម្ដៅជារៀងរាល់ ថ្ងៃ ស្របតាមការណែនាំ របស់ក្រសួងសុខាភិបាល៕SRP

Like 195
Comment 0
Share ចែកចាយ
Views 700
Sponsored
Sponsored
Avatar photo
សៀមរាប ប៉ុស្តិ៍
២១ មេសា ២០២០

ខេត្តកំពង់ចាម៖ លោកអ៊ុនចាន់ដាអភិបាលខេត្តកំពង់ចាមនិងជាប្រធានគណៈកម្មការប្រយុទ្ធនិងជំងឺកូវីដ-១៩ ខេត្ត នៅរសៀលថ្ងៃមិញនេះបានថវិកាចំនួន១លានរៀល,ម៉ាស់១.០០០,សាប៊ូ១,០០០ដុំជែលលាងដៃ១០០ដប និងភេសជ្ជៈ អាដេចំនួន១០កេះ ពីលោកមាស ធីបញ្ញា និងសហការី។ ក្នុងឱកាសនោះដែរលោកអ៊ុន ចាន់ដា បានថ្លែងអំណរគុណ ដល់លោកមាស ធីបញ្ញា និងសហការីទាំងអស់ ដែលបានចូលរួមចំណែកក្នុងការឧបត្ថម្ភជាថវិកាសម្រាប់គណៈកម្មការប្រយុទ្ធនឹងជំងឺកូវីដ១៩ខេត្តកំពង់ចាម យកទៅប្រើប្រាស់ តាមតម្រូវការចាំបាច់ក្នុងយុទ្ធនាការនានាដើម្បី រួមគ្នាបង្ការទប់ស្កាត់ការឆ្លងរីករាលដាលនៃ ជំងឺដ៏កាចសាហាវនេះ។

គួរបញ្ជាក់ថាខេត្តកំពង់ចាមកន្លងមកមានអ្នកកើតជំងឺកូវីដ១៩សុទ្ធសឹងតែជាជនបរទេសសរុបចំនួន១៦នាក់។ តែរហូតមកដល់ពេលនេះ គឺក្រុមគ្រូពេទ្យខេត្តកំពង់ចាមបានធ្វើការព្យាបាលអ្នកផ្ទុកវីរុសទាំងនោះបានជាសះស្បើយអស់ហើយ។
ជាមួយគ្នានោះអាជ្ញាធរខេត្តកំពង់ចាមនៅតែបន្តការប្រុងប្រយ័ត្នខ្ពស់ដដែលដោយបានបំពាក់ម៉ាស៊ីនស្វ័យប្រវត្តិ បាញ់សម្លាប់មេរោគនៅតាមច្រកចេញចូលសំខាន់ៗដើម្បីសម្រួលដល់ការធ្វើអនាម័យព្រមទាំងបានបន្តការ ផ្សព្វផ្សាយសារអប់រំអំពីការធ្វើអនាម័យដើម្បីចៀសផុតពីការឆ្លងជំងឺនេះ៕SRP

Like 195
Comment 0
Share ចែកចាយ
Views 600
Avatar photo
សៀមរាប ប៉ុស្តិ៍
២១ មេសា ២០២០

ខេត្តសៀមរាប៖អធិការនគរបាលក្រុងសៀមរាប ថានឹងឲ្យនាយប៉ុស្ដិ៍ ប្ដឹងហ្វេសប៊ុក “សារព័ត៌មានជោគជ័យ” បើពុំមានអាជ្ញាប័ណ្ណ នៅក្រសួង ក្រោយអាខោននេះបង្ហោះថាមានល្បែងស៊ីសង អាប៉ោង នៅក្រោយវត្តពោធិ៍ក្រោម។

ខាងក្រោមនេះជាខ្លឹមសាររបស់របស់ផេកអធិការនគរបាលក្រុងសៀមរាប៖
សូមបំភ្លឺជូន សាធារណៈជន និងអ្នកសារព័ត៌មាននៅថ្ងៃទី២១ខែមេសាឆ្នាំ២០២០មានផេកឈ្មោះសារព័ត៌មានជោគជ័យ បានសរសេរនិងផុសផ្សព្វផ្សាយថា មានទីតាំងបនល្បែងបាញ់អាប៉ោងមួយកន្លែង នៅក្រោយវត្តពោធិ៍ក្រោម សង្ស័យ ជាឆ្នាំងបាយលោកនាយប៉ុស្តិ៍នគរបាលសង្កាត់សៀមរាបហើយមើលទៅ?

ករណីខាងលើនេះ ក្រោយពីទទួលព័ត៌មានពី អ្នកសារព័ត៌មាន កម្លាំងប៉ុស្តិ៍នគរបាលរដ្ឋបាល សៀមរាប ដឹកនាំដោយលោកនាយប៉ុស្តិ៍ ចុះទៅពិនិត្យជាក់ស្ដែងភ្លាមៗ ឃើញថាពុំមានការបាញ់ អាប៉ោង ដូចជាការចោទប្រកាន់នៅក្នុងការរាយការណ៍នោះទេ ។
ដូច្នេះព័ត៌មានខាងលើនេះ គឺជាព័ត៌មានខ្វះការសាកសួរ បញ្ជាក់ពីលោកនាយប៉ុស្តិ៍ និងខ្វះប្រភពមូលដ្ឋានក្នុងការសរសេរ ហើយយកទៅផ្សាយដោយខ្វះវិជ្ជាជីវៈនិងក្រមសីលធម៌ ។

យើងខ្ញុំនឹង យកផេកនេះ ជូនទៅខាងអគ្គនាយកសារព័ត៌មាននិងសន្ទស្សន៍ ដើម្បីធ្វើការស្រាវជ្រាវ រកអាជ្ញាប័ណ្ណ បើពុំមានអាជ្ញាប័ណ្ណស្ថិតនៅក្នុងការគ្រប់គ្រងដោយក្រសួងនោះទេ យើងខ្ញុំនឹងឱ្យលោកនាយប៉ុស្តិ៍ ដាក់បណ្ដឹងម្ចាស់ផេក ទៅតាមនីតិវិធីនៃច្បាប់។ សូមអរគុណ

ពាក់ព័ន្ធករណីខាងលើនេះ ក៏ឃើញសារព័ត៌មានតាមបណ្ដាញសង្គមមួយចំនួន ក៏បានបង្ហោះចែកចាយ ថាមានល្បែងស៊ីសងនៅតំបន់ខាងលើនោះដែរ។
ម្ចាស់អាខោនហ្វេសប៊ុក”សារព័ត៌មានជោគជ័យ” បានប្រាប់បណ្ដាញសារព័តមាន”សៀមរាបប៉ុស្តិ៍” ថា ព័ត៌មានហ្នឹង លោកបានចម្លងពីគេមក។ឃើញគេបង្ហោះ។ដូច្នេះលោកលុបចេញវិញហើយ៕SRP

Like 195
Comment 0
Share ចែកចាយ
Views 300
Avatar photo
សៀមរាប ប៉ុស្តិ៍
២១ មេសា ២០២០

ភ្នំពេញ៖ក្រសួងមហាផ្ទៃ បានសម្រេច ផ្អាកជាបណ្ដោះអាសន្ន អង្គការការពារ និងអភិរក្សសត្វ ព្រៃឈើ ជលផលកម្ពុជា។ នេះបើយោងតាម សេចក្ដីប្រកាស របស់ក្រសួងមហាផ្ទៃ ចុះហត្ថលេខា ដោយសម្ដេចក្រឡាហោមស ខេង នៅថ្ងៃទី២១ ខែមេសាឆ្នាំ២០២០នេះ៕SRP

Like 195
Comment 0
Share ចែកចាយ
Views 400
Sponsored
Sponsored
Avatar photo
សៀមរាប ប៉ុស្តិ៍
២១ មេសា ២០២០

ខេត្តកំពង់ចាម៖លោកយី វណ្ណៈ អភិបាល ស្រុក កោះសូទិន បានរំលឹកឡើងវិញអំពីប្រវត្តិជូរចត់ ពីអតីតកាល សម័យប៉ុលពត៣ឆ្នាំ៨ខែ២០ថ្ងៃ ដែល ជំនឿសាសនា ទាំងអស់ត្រូវបានបំបិទសិទ្ធសេរីភាព មិនថាព្រះពុទ្ធសាសនាឬឥស្លាមសាសនាឡើយ។
លោកយី វណ្ណ: ថា ដោយនយោបាយឈ្នះៗ របស់សម្តេចតេជោ ហ៊ុន សែន ទើបធ្វើអោយប្រទេសកម្ពុជា ទទួលបានសុខសន្តិភាពនិងការអភិវឌ្ឍឡើងវិញ។ ក្នុងនោះជំនឿសាសនា ក៏រស់ឡើងវិញ ហើយពុកម៉ែបបងប្អូនខ្មែរ-ឥស្លាមក៏អាចគោរព ប្រកាន់ទំនៀមទំលាប់របស់ខ្លួនបានរហូតដល់សព្វថ្ងៃនេះ។  លោកអភិបាលស្រុកក៏បាន អំពាវនាវដល់បងប្អូន ប្រជាពលរដ្ឋទាំងអស់សូម ឲ្យមានការចូលរួមបង្ការទប់ស្កាត់ការរីករាលដាល នៃជំងឺកូវីដ១៩ ដោយផ្តើមចេញពីការថែរក្សាអនាម័យផ្ទាល់ខ្លួន ក្នុងគ្រួសារក៏ដូចជានៅក្នុង សហគមន៍ទាំងមូលពោលគឺ ត្រូវជៀសវាងការជួបជុំគ្នាក្នុងពិធីធំៗនិងត្រូវពាក់ម៉ាស់ នៅទី ប្រជុំជនព្រមទាំង លាងសម្អាតដៃដោយសាប៊ូ អាល់កុល ឬជែលសម្លាប់មេរោគ និងវាស់ស្ទង់ កម្ដៅ ជារៀងរាល់ថ្ងៃ ស្របតាមការណែនាំ របស់ក្រសួងសុខាភិបាល។

លោកយី វណ្ណ: ថ្លែងយ៉ាងដូច្នេះ នៅព្រឹកមិញនេះ នាឱកាសលោកបាន អញ្ជើញចូលរួមចែកកញ្ចប់អាហារស្រាយបួសរ៉ាម៉ាឌន ជូនបងប្អូនប្រជាពលរដ្ឋខ្មែរ-ឥស្លាម ចំនួន២៣៧ គ្រួសារស្ថិតនៅ ក្នុងភូមិទី១៣ឃុំកោះសូទិន ស្រុកកោះសូទិន ខេត្តកំពង់ចាម ដែល ជាអំណោយរបស់សប្បុរសជន នានានៅប្រទេសម៉ាឡេស៊ី។

លោកលី មូសា សមាជិកក្រុមប្រឹក្សាស្រុក កោះសូទិន និងជា អ៊ីម៊ាំ ស្រុកកោះសូទិន បានធ្វេី ការថ្លែងអំណរគុណចំពោះប្រមុខរាជរដ្ឋាភិបាល កម្ពុជាក៏ដូចជាសប្បុរសជននានា ទាំងក្នុងនិងក្រៅ ប្រទេស ដែលតែងតែយកចិត្តទុកដាក់ គិតគូរអំពីសុខទុក្ខ ក្នុងការរស់នៅរបស់បងប្អូន ខ្មែរឥស្លាម ជានិច្ច។ ជាពិសេសនៅក្នុងរដូវបួសខែរ៉ាម៉ាឌននេះផ្ទាល់តែម្តងដែល បានផ្តល់អំណោយជាអង្ករ ០៨គីឡូក្រាមស្ករស០៣គីឡូ ទឹក ដោះគោ០២កំប៉ុង ទឹកស៊ីរ៉ូ០១ដប ប្រេងឆា០១ដប សាគូ០១គីឡូ និងតែ០១កញ្ចប់គិតជាថវិកា អស់ ៤.៥៤០០៛ សម្រាប់ក្នុង០១គ្រួសារ ដែលសរុបរួម អស់ ថវិកាចំនួន១០.៧៥៩.៨០០៛សម្រាប់ចែក ជូនប្រជាពលរដ្ឋចំនួន២៣៧គ្រួសារ៕SRP

Like 195
Comment 0
Share ចែកចាយ
Views 300
Avatar photo
សៀមរាប ប៉ុស្តិ៍
២១ មេសា ២០២០

ភ្នំពេញ៖សម្តេចតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបញ្ជាក់ថារាល់វិនាទី និងជារៀងរាល់ថ្ងៃ សូមបងប្អូនជនរួមជាតិចងចាំនិងយកចិត្តទុកដាក់ខ្ពស់បំផុតចំពោះសុខភាពដែលជាអាយុជីវិតផ្ទាល់របស់បងប្អូន ប្តីប្រពន្ឋ កូនចៅ និងក្រុមគ្រួសារ ក្នុងស្ថានភាពដែលប្រទេសជាតិយើងកំពុងប្រយុទ្ធប្រឆាំងកម្ចាត់ជំងឺឆ្លងកូវីដ ១៩។

សូមយកជាប់តាមខ្លួនរាល់ពេលធ្វេីដំណេីរនូវម៉ាស​ ទឹកអាល់កុល និងជឹលសម្លាប់មេរោគ និងបាក់តេរីផ្សេងៗ។

បងប្អូនត្រូវប្រេីម៉ាសពាក់ការពារគ្រប់ទីកន្លែង និងត្រូវដុសលាងសម្អាតដៃមុនពេលប៉ះពាល់ និងក្រោយពេលប៉ះពាលក់របស់របរ ឬវត្ថុអ្វីមួយនៅតាមទីផ្សារ និងតាមទីធ្លាសាធារណៈដែលយើងមិនដឹងថាតើរបស់របរនិងសម្ភារៈទាំងនោះត្រូវបានប៉ះពាល់ដោយអ្នកមានមេរោគឆ្លងកូវីដ១៩ឬទេ។

យេីងការពារខ្លួនកុំនាំយកមេរោគឆ្លងទៅគេ និងសូមកុំនាំមេរោគពីគេមកយើង និងទៅកាន់ក្រុមគ្រួសារ ហេីយត្រូវមានអនាម័យសុខភាពខ្ពស់ជាប្រចាំ ហើយត្រូវស្តាប់តាមការណែនាំរបស់ក្រសួងសុខាភិបាលជានិច្ច៕SRP

Like 195
Comment 0
Share ចែកចាយ
Views 100
Avatar photo
សៀមរាប ប៉ុស្តិ៍
២១ មេសា ២០២០

ខេត្តសៀមរាប៖ក្រុមចោរប្លន់ប្រដាប់ដោយអាវុធច្នៃចំនួន០៤នាក់ត្រូវបានចាប់ខ្លួន ក្រោយធ្វើសកម្មភាព។
ហេតុការណ៍ចាប់ខ្លួននេះធ្វើឡើងនៅថ្ងៃទី២០ខែមេសាឆ្នាំ២០២០ត្រង់ចំណុចភូមិក្របៅ ឃុំសង្វើយ ស្រុកជីក្រែង ខេត្តសៀមរាប។

លោកឧត្តមសេនីយ៍ត្រីភឹង  ចិន្តារ៉េត ស្នងការរងទទួលផែនកណ្តាលព្រហ្មទណ្ឌនៃស្នងការដ្ឋានខេត្តសៀមរាបបានមានប្រសាសន៍ប្រាប់ថាជនសង្ស័យទាំង០៤នាក់ ពាក់ព័ន្ធករណី ប្លន់ផ្ទះអ្នកលក់ចាបហួយ ត្រង់ចំណុចភូមិក្របៅ ឃុំសង្វើយ ស្រុកជីក្រែងខេត្តសៀមរាប ត្រូវបានចាប់ខ្លួនដោយកម្លាំងនគរបាលស្រុកជីក្រែងនិងនគរបាលព្រហ្មទណ្ឌកម្រិតធ្ងន់នៃស្នងការដ្ឋានខេត្តសៀមរាប។
ជនសង្ស័យទាំងនោះ មានឈ្មោះទី៖០១.ឈ្មោះ សំ សី ហៅម៉ី ភេទប្រុសអាយុ៥២ឆ្នាំ មុខរបរធ្វើស្រែ។
០២.ឈ្មោះ ឡុន ធុង ហៅ ថុង ភេទប្រុសអាយុ១៤ឆ្នាំ មុខរបរសិស្ស។០៣.ឈ្មោះ ឡឹង ប៊ឿប ហៅ ប៊ឿក ភេទប្រុសអាយុ ២២ឆ្នាំមុខរបរ គ្មាន។០៤.ឈ្មោះ សុត សំអុល ភេទប្រុស អាយុ២៥ ឆ្នាំមុខរបរ កម្មករសំណង់។ ជនសង្ស័យទាំង៤នាក់នេះ បច្ចុប្បន្នរស់នៅភូមិក្របៅ ឃុំសង្វើយស្រុកជីក្រែង ខេត្តសៀមរាប។

យោងតាមបណ្តឹង របស់ជនរងគ្រោះ ឈ្មោះ ទុន បឿត ភេទស្រីអាយុ៥១ ឆ្នាំ មុខរបរ លក់ដូរកាលពីថ្ងៃទី១៩ ខែមេសា ឆ្នាំ២០២០។
បើតាមសមត្ថកិច្ចថានៅវេលាម៉ោង៣ និង០០នាទីយប់ ឈានចូលថ្ងៃទី១៩ ខែមេសា ឆ្នាំ២០២០ មានជនសង្ស័យមួយក្រុម មានគ្នា ០៤នាក់ស្លៀកពាក់ខោអាវប៉ារ៉ា ពាក់មួកការពារសុវត្ថិភាពពណ៌ខ្មៅ បានធ្វើសកម្មភាពយកកាំភ្លើងកែច្នៃ (កាំភ្លើងបាញ់ខ្យល់) គោះទ្វារហៅជនរងគ្រោះដើម្បីទិញស្រា នៅពេលជនរងគ្រោះបើកទ្វា ក្រុមជនសង្ស័យ បានយកកាំភ្លើងខ្យល់ ភ្ជង់ទៅលើជនរងគ្រោះ យកប្រាក់ ចំនួន ៥០០ដុល្លារ និងខ្សែកមាសមួយខ្សែទម្ងន់៣ជី។ ក្រោយពេលធ្វើសកម្មភាពហើយ ក្រុមជនសង្ស័យបាននាំគ្នាគេចខ្លួនបាត់។
តាមចម្លើយសារភាពរបស់ជនសង្ស័យទាំង០៤នាក់ ខាងលើបានឆ្លើយសារភាពថា ពួកខ្លួនពិតជាបានធ្វើសកម្មភាព ករណីខាងលើនេះពិតប្រាកដមែន ដោយឈ្មោះ ឡឹង បឿកបានចំណែក១០០ដុល្លារ, ឈ្មោះ សុត សំអុល បានចំណែក១០០ដុល្លារ, ឈ្មោះ ឡុន ធុង ហៅ ថុង បានចំណែក១០០ដុល្លារ,ចំណែកឈ្មោះ សំ សី ហៅ មុី បានចំណែក២០០ដុល្លារ និងខ្សែក១ខ្សែ ប៉ុន្តែឈ្មោះ សំ សី ហៅ មុី ឆ្លើយថា ខ្សែកនោះ នៅពេលជិះម៉ូតូមកវិញ ខ្លូនបានធ្វើជ្រុះបាត់។
ដកហូតវត្ថុតាងបាន: កាំភ្លើងកែច្នៃ ( កាំ ភ្លើងស្នប់ចំនួន ០១ ) , ម៉ូតូជិះធ្វើសកម្មភាពចំនួន ០២គ្រឿង , ខោអាវប៉ារ៉ា ០១កំផ្លេ ជារបស់ឈ្មោះ សំ សី ហៅមុី ពាក់ធ្វើសកម្មភាព។លោកបញ្ជាក់ថានគរបាលជំនាញកំពុងកសាងសំណុំរឿងបញ្ជូនខ្លួនជនសង្ស័យទៅសាលាដំបូងខេត្តសៀមរាប ដើម្បីចាត់ការតាមផ្លូវច្បាប់៕SRP

Like 195
Comment 0
Share ចែកចាយ
Views 11K
Sponsored
Sponsored
Older posts
Newer posts
← Previous Page1 … Page633 Page634 Page635 … Page651 Next →
តាមដានព័ត៌មាន
  • Telegram
  • Facebook
ព័ត៌មានថ្មីៗ
ផ្ដើមចេញពីភ្លើងប្រចណ្ឌ! បាញ់សម្លាប់ថៅកែអង្ករ នឹងបុរសជាប៉ូលិស រួចបាញ់សម្លាប់ខ្លួនតាមក្រោយ ផ្ដើមចេញពីភ្លើងប្រចណ្ឌ! បាញ់សម្លាប់ថៅកែអង្ករ នឹងបុរសជាប៉ូលិស រួចបាញ់សម្លាប់ខ្លួនតាមក្រោយ ចុះផ្សាយថ្ងៃទី ១៦ មីនា ២០២៦
អាជ្ញាធរទន្លេសាបជម្រុញឲ្យមន្ត្រីមូលដ្ឋានកំណត់តំបន់អាទិភាពដើម្បីពន្លឿនការដាំស្ដារព្រៃលិចទឹកឡើងវិញឲ្យទាន់ផែនការឆ្នាំ២០២៦ អាជ្ញាធរទន្លេសាបជម្រុញឲ្យមន្ត្រីមូលដ្ឋានកំណត់តំបន់អាទិភាពដើម្បីពន្លឿនការដាំស្ដារព្រៃលិចទឹកឡើងវិញឲ្យទាន់ផែនការឆ្នាំ២០២៦ ចុះផ្សាយថ្ងៃទី ១៦ មីនា ២០២៦
ឯកឧត្តមសៀង ណាំ៖ ក្នុងនាមជាគ្រឹះស្ថានអប់រំកម្រិតឧត្តមសិក្សាមួយ សាកលវិទ្យាល័យអង្គរយើងតែងតែចូលរួមយ៉ាងសកម្មក្នុងសកម្មភាពអភិវឌ្ឍសង្គមដើម្បីឆ្លើយតបទៅនឹងគោលនយោបាយបញ្ចកោណ ឯកឧត្តមសៀង ណាំ៖ ក្នុងនាមជាគ្រឹះស្ថានអប់រំកម្រិតឧត្តមសិក្សាមួយ សាកលវិទ្យាល័យអង្គរយើងតែងតែចូលរួមយ៉ាងសកម្មក្នុងសកម្មភាពអភិវឌ្ឍសង្គមដើម្បីឆ្លើយតបទៅនឹងគោលនយោបាយបញ្ចកោណ ចុះផ្សាយថ្ងៃទី ១៦ មីនា ២០២៦
ព័ត៌មានអ្នកទស្សនាច្រើន
យ៉ាងហ្នឹងនៅកណ្ដាលក្រុងសៀមរាបតើនាំមកតាមណា យ៉ាងហ្នឹងនៅកណ្ដាលក្រុងសៀមរាបតើនាំមកតាមណា ចុះផ្សាយថ្ងៃទី ១ មីនា ២០២៦
ចូលប្លន់ទូមាសក្នុងផ្សារលើធំថ្មី ត្រូវបានចាប់ខ្លួនភ្លាមៗ ចូលប្លន់ទូមាសក្នុងផ្សារលើធំថ្មី ត្រូវបានចាប់ខ្លួនភ្លាមៗ ចុះផ្សាយថ្ងៃទី ១៦ កុម្ភៈ ២០២៦
អគ្គិភ័យលេបត្របាក់ផ្ទះមួយខ្នងនៅស្រុកពួក គិតជាទឹកប្រាក់ប្រមាណ5 ម៉ឺនដុល្លារ អគ្គិភ័យលេបត្របាក់ផ្ទះមួយខ្នងនៅស្រុកពួក គិតជាទឹកប្រាក់ប្រមាណ5 ម៉ឺនដុល្លារ ចុះផ្សាយថ្ងៃទី ៣ មីនា ២០២៦
ទីស្នាក់ការនិពន្ធ 069382925 Telegram
×