ខេត្តសៀមរាប៖បុរសម្នាក់ត្រូវបានកម្លាំងនគរបាលខេត្តសៀមរាបឃាត់ខ្លួន ពាក់ព័ន្ធករណី អំពើលួចមានស្ថានទម្ងន់ទោស (ប្រើអំពើហិង្សា ) និងប្រើប្រាស់សារធាតុញៀន។

លោកវរសេនីយ៍ឯក ណុប សារ៉ាក់ ស្នងការរងខេត្តសៀមរាប ទទួលការិយាល័យព្រហ្មទណ្ឌកម្រិតធ្ងន់ បានឲ្យដឹងថា ជនសង្ស័យ មានឈ្មោះ នឿន សម្បត្តិ អាយុ ២៨ឆ្នាំ មុខរបរគ្មាន បច្ចុប្បន្ន រស់នៅភូមិសំបួរ សង្កាត់សំបួរ ក្រុងសៀមរាប ត្រូវបានឃាត់ខ្លួននៅវេលាម៉ោង ២១ថ្ងៃទី ទី ០២ ខែកុម្ភៈ ឆ្នាំ ២០២១ ក្រោយធ្វើសកម្មភាព បានរយៈពេល ប៉ុន្មានម៉ោងប៉ុណ្ណោះ។

ចំណែក ជនរងគ្រោះ ឈ្មោះ អុក ស្រីដែន ភេទស្រី អាយុ២១ឆ្នាំ មុខរបរនិស្សិត បច្ចុប្បន្ន រស់នៅ ភូមិសង្កាត់ ខាងលើ។

លោកវរសេនីយ៍ឯក ណុប សារ៉ាក់ ស្នងការរងខេត្តសៀមរាប បន្តថាកាលពីវេលាម៉ោង១៥ និង ២០នាទីថ្ងៃទី ០២ ខែកុម្ភៈ ឆ្នាំ ២០២១ ត្រង់ចំណុចភូមិកន្ត្រក សង្កាត់ស្វាយដង្គុំ ក្រុងសៀមរាប ខណៈពេល ជនរងគ្រោះ កំពុងនៅក្នុងផ្ទះម្នាក់ឯង ជនសង្ស័យ បានផ្លោះរបង ចូលក្នុងផ្ទះ ហើយធ្វើសកម្មភាព វាយទៅលើ ជនរងគ្រោះ ជាច្រើនដៃ និងចាប់ច្របាច់កបណ្ដាល ឱ្យជនរងគ្រោះ ដួលសន្លប់ ហើយក៏
លួចយកទូរស័ព្ទ រចំនួន ២គ្រឿងម៉ាក oppo ពណ៌ខ្មៅ ០១គ្រឿង និងម៉ាក vivo ពណ៌ខៀវ ០១គ្រឿង និងប្រាក់ខ្មែរ៨មុឺនរៀល។

ជនសង្ស័យ បានសារភាពថា ពិតជាបានធ្វើសកម្មភាព ពិតប្រាកដមែន។

ករណីនេះដកហូតវត្ថុតាង៖ ទូរស័ព្ទ០១គ្រឿង ម៉ាក oppo ពណ៌ខ្មៅ ដែលជារបស់ ជនរងគ្រោះ និងកង់១ ដែលជារបស់ជនសង្ស័យ ជិះទៅធ្វើសកម្មភាព។

សូមជម្រាបថា ប្រតិបត្តិការនេះ ធ្វើឡើងដោយកម្លាំងការិយាល័យ នគរបាល ព្រហ្មទណ្ឌកំរិតធ្ងន់ សហការ ជាមួយ ក្រុងនិងប៉ុស្តិ៍ ដឹកនាំដោយវរសេនីយ៍ទោ សុខ ម៉េងអ៊ាង នាយការិយាល័យ នគរបាល ព្រហ្មទណ្ឌកំរិតធ្ងន់ នៃស្នងការនគរបាលខេត្តសៀមរាប៕SRP

ខេត្តព្រះវិហារ៖ទីតាំងគ្រឿងសង្ហារឹម ស្តុបទុក លក់បន្តដោយ មិនមានច្បាប់ អនុញាតពីរដ្ឋបាលព្រៃឈើ ជាច្រើនគ្រឿងសុទ្ធសឹងតែជាប្រភេទឈើប្រណិត បេង ,ធ្នង់ នឹងនាងនួន ត្រូវបានសមត្ថកិច្ចខេត្តព្រះវិហារចុះបង្ក្រាប។

ហេតុកាណ៍ធ្វើនៅរសៀលថ្ងៃទី០២/កុម្ភៈ ឆ្នាំ២០២១ នៅខាងកើតរង្វងមូលស្រអែម ស្ថិតក្នុង ភូមិស្រអែម ឃុំស្រអែម ស្រុកជាំក្សាន្ត។

យោងតាមប្រភពបានដឹងថា ការចុះបង្រ្កាបនេះដែរដោយ មានការចង្អុលបង្ហាញ ពីលោក ទីសុវិនថាល់ ព្រះរាជាអាជ្ញា អមសាលាដំបូងខេត្តព្រះវិហារ នឹងដឹកនាំផ្ទាល់ដោយ លោក វុធសាវី ព្រះរាអាជ្ញារង។

លោក វុធ ដាវី បានប្រាប់អ្នកសារព័ត៌មានថាគ្រឿងទាំងនោះ ត្រូវរឹបអូស យកទៅរក្សាទុកនៅផ្នែករដ្ឋព្រៃឈើ នឹងរងចាំសរុបផទ្ធផលនៅពេលក្រោយ៕SRP

ខេត្តសៀមរាប៖ស្ត្រីម្នាក់ត្រូវបានកម្លាំងនគរបាលខេត្តសៀមរាបធ្វើការចាប់ខ្លួន ដោយអនុវត្តតាមដីកាតុលាការ។

ការចាប់ខ្លួននេះ ធ្វើឡើង នៅវេលាម៉ោង​១១ និង០០នាទីថ្ងៃទី០២​ ខែកុម្ភៈ​ ឆ្នាំ២០២១​ នៅចំណុចផ្លូវលំ​ ជិតផ្សារញ៉ែ​ ស្ថិតក្នុងភូមិតាភុល​ សង្កាត់ស្វាយដង្គំ​ ក្រុងសៀមរាប ដោយ កម្លាំងនគរបាលព្រហ្មទណ្ឌកម្រិតធ្ងន់ ដឹកនាំបដោយលោកវរសេនីយ៍ទោ សុខ ម៉េងអ៊ាង។

មន្ត្រីនគរបាលបានឲ្យដឹងថា ការអនុវត្តដីកាជម្រះបង្គាប់ឱ្យចាប់ខ្លួនលេខ៥៣៦ លេីពិរុទ្ឋជនឈ្មោះ​ ស៊ុំ​ លក្ខិណា​ ហៅ​ ល័ក្ខ​ ភេទស្រី​ អាយុ៣៨ឆ្នាំ​ ពាក់ព័ន្ឋនិងករណីរំលោភលើទំនុកចិត្ត ប្រព្រឹត្តកាលឆ្នាំ២០១៩។

មន្ត្រីនគរបាលបានបញ្ជាក់ថា នៅរសៀលថ្ងៃនេះ សមត្ថកិច្ច បានបញ្ជូន ពិរុទ្ឋជន ខាងលើ ទៅសាលាដំបូង អនុវត្ត តាមអំណាចសាលក្រម ធ្វើការផ្ដន្ទាទោសចំនួន០២ឆ្នាំ នឹងបានបញ្ជូន ទៅពន្ធនាគារខេត្តសៀមរាប ដើម្បីអនុវត្តទោសតាមចៅក្រមជម្រះបានកំណត់ផងដែរ៕SRP

ខេត្តសៀមរាប៖កម្លាំងរដ្ឋបាលព្រៃឈើខណ្ឌសៀមរាប បានបង្ក្រាបរថយន្តសាំយ៉ុងដឹកឈើមួយគ្រឿង។

ហេតុការណ៍បង្ក្រាបនេះ ធ្វើឡើងនៅរសៀលម៉ោង ២ ថ្ងៃទី០២ ខែកុម្ភៈឆ្នាំ ២០២១ ស្ថិតនៅភូមិចុងកៅស៊ូ សង្កាត់ស្លក្រាម ក្រុងសៀមរាប។

លោក ម៉ុង ប៊ុនលីម នាយខណ្ឌរដ្ឋបាលព្រៃឈើសៀមរាបបានថ្លែងថា រថយន្តដឹកឈើនេះ ពណ៌ប្រផេះ ពាក់ស្លាកលេខ ភ្នំពេញ ២AC១១០៧ ដឹកឈើប្រភេទលេខ២ ដោយបានដឹកជញ្ជូនពី ខេត្តព្រះវិហារមក។
ទោះជាយ៉ាងណា លោកបានបញ្ជាក់ថា នៅមិនទាន់ធ្វើការ វាស់វែង ដឹងអំពីចំនួនបរិមាណឈើនៅឡើយ៕SRP

ខេត្តសៀមរាប៖បុរសម្នាក់បានស្លាប់ភ្លាមៗ ខណៈកំពុងបើកម៉ូតូ ត្រូវបានរថយន្តមួយគ្រឿងបុកចំពេញទំហឹង។

ហេតុការណ៍បានកើតឡើងវេលាម៉ោង០២និង៤០នាទីរសៀល ថ្ងៃទី០២ ខែកុម្ភ: ឆ្នាំ២០២១ នៅលេីផ្លូវជាតិលេខ០៦ចំំណុចភូមិយាង ឃុំឫស្សីលក ស្រុកជីក្រែង។

សមត្ថកិច្ចស្រុកជីក្រែង បានឲ្យដឹងថា គ្រោះថ្នាក់ចរាចរណ៍នេះ រវាងរថយន្តមិនស្គាល់ម៉ាក និងអ្នកបេីកម៉ូតូម៉ាក C1១២៥ពណ៌ខ្មៅ ពាក់ស្លាកលេខ សៀមរាប ១R៨៨៩៦ ទិសដៅស្របគ្នា (ពីលិច ទៅកេីត)។

សមត្ថកិច្ចបានបន្តថា ជនរងគ្រោះ មានឈ្មោះ អេង ណាក់ អាយុ៣៣ឆ្នាំ រស់នៅភូមិចក ឃុំឬស្សីលក ស្រុកជីក្រែង។ ចំណែកអ្នកបេីកបររថយន្ត បានបើកគេចខ្លួនបាត់ សមត្ថកិច្ច កំពុងស្រាវជ្រាវ។ ដោយឡែកម៉ូតូ បានយកទៅរក្សាទុក នៅប៉ុស្តិ៍នគរបាលរដ្ឋបាល ឃុំឬស្សីលក៕SRP

ខេត្តសៀមរាប៖លោកម៉ុង ប៊ុនលីម នាយខណ្ឌរដ្ឋបាលព្រៃឈើសៀមរាប បានឲ្យដឹងថាផ្នែករដ្ឌបាលព្រៃឈើបន្ទាយស្រី បានសហកា ជាមួយ មន្ត្រីខណ្ឌរបាលព្រៃឈើសៀមរាប បានចាប់រថយន្ត១គ្រឿងម៉ាកនីសាន់navaraពាក់ស្លាកលេខ  ខេមរភូមិន្ទ០២ ២.៦៥៩៥ពណ៌ត្រេអ៊ី ដែលបានដឹកឈើប្រភេទប្រណិត (ធ្នង់)ចំនួន១២ដុំស្មើនឹង០.៤៣៩ម៉ែត្រត្រីគុណ ដោយគ្មានលិខិតអនុញ្ញាត។

ការបង្ក្រាបធ្វើឡើង នៅវេលាម៉ោងជាង១០យប់ថ្ងៃទី០១ ខែកុម្ភ: ឆ្នាំ ២០២១ នេះ ស្ថិតនៅភូមិមណ្ឌល៣ សង្កាត់ស្លក្រាម ក្រុងសៀមរាប  ខេត្តសៀមរាប។

លោកម៉ុង ប៊ុនលីម បន្តថាវត្ថុតាង ត្រូវបានយកទៅរក្សាទុក នៅទីស្នាក់កាផ្នែករដ្ឋបាលព្រៃឈើបន្ទាយស្រី ដើម្បីអនុវត្តតាមផ្លូវច្បាប់៕SRP

ភ្នំពេញ៖លោកនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការ​នគរបាលជាតិ​ ចេញ​សេចក្ដី​ណែនាំ​ ស្តី​ពី​កិច្ច​ការ​ពារសន្តិសុខ​ សណ្ដាប់​ធ្នាប់​សាធារណៈ​ សុវត្ថិភាព​សង្គម​ ក្នុង​ឱកាស​បុណ្យ​ចូល​ឆ្នាំ​ថ្មី​ប្រពៃណី​របស់​ប្រជាជន​ចិន​ និង​វៀតណាម​៕SRP

ខេត្តសៀមរាប៖អភិបាលរងខណ្ឌ៧មករា លោកហៀក ចាន់លាង ដែលប្រពន្ធប្តឹងពីបទអំពីផិតនោះ ត្រូវបានតុលាការ សម្រេចផ្តន្ទាទោស ដាក់ពន្ធនាគារ រយៈពេល៦ខែ ប៉ុន្តែទោសនេះត្រូវបានព្យួរ ពោលលោកអភិបាលរងខណ្ឌ អាចមានសេរីភាពធម្មតា។

សវនាការជំនុំជម្រះផ្ទាល់នេះ បានធ្វើឡើងនៅរសៀលថ្ងៃទី ១ ខែកុម្ភៈ ឆ្នាំ ២០២១ ម្សិលមិញដោយមានលោកឆៃ វីរៈ ជាចៅក្រមជំនុំជម្រះ និងលោកជួន សុបញ្ញា ព្រះរាជ្ញអាជ្ញារង ជាតំណាងអយ្យការ។

សវនាការនេះធ្វើឡើងតាមកំណត់ហេតុបង្ហាញខ្លួនភ្លាម របស់តំណាងអយ្យការ អមសាលាដំបូង ខេត្តសៀមរាប ដែលចោទប្រកាន់ លោក ហៀក ចាន់លាង ពីបទ អំពើផិត តាមមាត្រា ៧ និង មាត្រា ១០ នៃច្បាប់ ស្តីពី ឯកពន្ធភាព។

បើយោងតាម ប្រភពព័ត៌មានបានឲ្យដឹងថា នៅវេលា ម៉ោង ២៣និង៣០នាទី ថ្ងៃទី៣០
ខែមករា ឆ្នាំ២០២១ កម្លាំងការិយាល័យ ប្រឆាំង ការជួញដូរមនុស្ស និង ការពារ អនីតិជនខេត្តសៀមរាប បានចុះដល់ បន្ទប់ខុនដូមួយកន្លែង ស្ថិតនៅភូមិគ្រួស សង្កាត់ស្វាយដង្គំ
ក្រុងសៀមរាប ខេត្តសៀមរាប។
ខណៈពេលនោះ កម្លាំងជំនាញ បានឃើញ ឈ្មោះ ហេង បូឡែន ភេទស្រី អាយុ២៥ ឆ្នាំ រស់នៅ សង្កាត់បឹងទំពុន ខណ្ឌមានជ័យ រាជធានី ភ្នំពេញ និងលោក ហៀក ចាន់ លាង អាយុ៤២ ឆ្នាំ ជាអភិបាលរងខណ្ឌ៧មករា កំពុងនៅក្នុង បន្ទប់ ជាមួយគ្នា។

ដោយមាន ការសម្របសម្រួល នីតិវិធី ពី លោក ព្រះរាជអាជ្ញា អមសាលាដំបូង ខេត្តសៀមរាប , កម្លាំង កងរាជអាវុធហត្ថ ខេត្តសៀមរាប បានធ្វើការ នាំខ្លួនបុរស និង ស្ត្រីទាំង ២នាក់នេះ មក ការិយាល័យ ជំនាញ ដើម្បីសាកសួរ ពាក់ព័ន្ធ អំពើផិតក្បត់។
ក្រោយមកដោយមានការឯកភាព លោក ព្រះរាជអាជ្ញា អមសាលាដំបូង ខេត្តសៀមរាប សមត្ថកិច្ច សម្រេចធ្វើការឃាត់ខ្លួន លោក ហៀក ចាន់ លាង កសាងសំណុំរឿង បញ្ជូនមក អយ្យការ អមសាលាដំបូងខេត្តសៀមរាប។ ចំណែក ឈ្មោះ ហេង បូឡែន ត្រូវបានអនុញ្ញាតឲ្យត្រឡប់ទៅផ្ទះវិញ។

សមត្ថកិច្ចអះអាងថា ការឈានដល់ ការបង្ក្រាបនេះ ដោយសារ តែមានពាក្យបណ្តឹង ពី ជនរងគ្រោះ ឈ្មោះ ជ ករណ ភេទ ស្រីអាយុ ៤១ ឆ្នាំ មុខរបរមន្ត្រីរាជការ មានទីលំនៅ ភូមិ បឹងឈូក សង្កាត់និរោធ ខណ្ឌច្បារអំពៅ ត្រូវជាប្រពន្ធ ស្របច្បាប់ របស់លោក ហៀក ចាន់ លាង៕SRP

ខេត្តសៀមរាប៖សមត្ថកិច្ចស្រុកសូទ្រនិគម បានរាយការណ៍នៅព្រឹកនេះថា ក្មេងចំនួន២ នាក់ បានលង់ទឹកស្លាប់នៅថ្ងៃម្សិលមិញ។

ហេតុការណ៍បានកើតឡើងនៅវេលាម៉ោង១៦និង៤៥នាទី ថ្ងៃទី០១ ខែកុម្ភ: ឆ្នាំ២០២១ នៅចំណុចត្រពាំងកក់ ស្ថិតក្នុងភូមិបត់ដង្កោរ ឃុំរោង ស្រុកសូទ្រនិគម ខេត្តសៀមរាប ខាងលិចភូមិចំងាយ១០០០ម៉ែត្រ។

សមត្ថកិច្ចបានបន្តថាជនរងគ្រោះ
១/ឈ្មោះធឿន លីឡងសឿ ភេទប្រុស អាយុ០៩ឆ្នាំ។
២/ឈ្មោះសៀ សុភា ភេទប្រុស អាយុ០៧ឆ្នាំ។
ក្មេងទាំងពីរ រស់នៅ ភូមិបត់ដង្កោរ ឃុំរោង ស្រុកសូទ្រនិគម ខេត្តសៀមរាប។បើតាមសមត្ថកិច្ចថា មូលហេតុ ជនរងគ្រោះ ទាំង០២ ទៅចាប់ក្ដាមខ្យង នៅក្នុងត្រពាំងខាងលើ៕SRP

ខេត្តសៀមរាប៖បុរសម្នាក់ បើកម៉ូតូត្រូវបានរថយន្តបុកចំពេញទំហឹង បណ្ដាលឲ្យស្លាប់ពេលបញ្ជូនទៅដល់មន្ទីរពេទ្យ។

ហេតុការណ៍បានកើតឡើង វេលាម៉ោង០០និង៣០នាទី ថ្ងៃទី០២ ខែកុម្ភ: ឆ្នាំ២០២១ លើផ្លូវជាតិលេខ៦ នៅចំណុចភូមិថ្នល់ចែក ឃុំកៀនសង្កែ ស្រុកសូទ្រនិគម ខេត្តសៀមរាប។

សមត្ថកិច្ចបានឲ្យដឹងថា គ្រោះថ្នាក់ចរាចរណ៍ នេះ បង្កដោយរថយន្ត មិនស្គាល់ម៉ាក(បើករត់បាត់) បានបុក ម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខសៀមរាប ១Q៥៩២៥។

ទោះយ៉ាងណា ជនរងគ្រោះ មិនត្រូវបានស្គាល់ឈ្មោះនៅឡើយ។ ករណីនេះ ម៉ូតូ នគរបាលយក ទៅរក្សាទុក នៅអធិការ។ ចំណែក សាសព តម្កល់ទុក នៅមន្ទីរពេទ្យបង្អែកស្រុក៕SRP

ខេត្តសៀមរាប៖បណ្ដាញសៀមរាបប៉ុស្ដិ៍ សូមណែនាំ ជាមួយ ក្រុមហ៊ុនដឹកជញ្ជូន អ្នកដំណើរមួយ ដែលបង្កើតឡើងដោយទឹកចិត្តស្រលាញ់ របស់កូនខ្មែរយើងមានឈ្មោះថា អង្គរ អ៊ី ប៊ុកឃីង (Angkor e-Booking)។
👉 ដើម្បីបានការបញ្ចុះតម្លៃ ជូនចំពោះគ្រប់សាធារណ:ជន និង អតិថិជនរបស់ សៀមរាបប៉ុស្តិ៍ ទាំងអស់ ដោយគ្រាន់តែចុច ទៅលើផ្ទាំងពាណិជ្ជកម្ម របស់ក្រុមហ៊ុនអង្គរ អ៊ី ប៊ុក ឃីង លោកអ្នកនិងចូលទៅដល់ក្នុង ប្រអប់សារផេកផ្លូវការណ៍ របស់ក្រុមហ៊ុន ដោយលោកអ្នកចុចលើពាក្យ យល់ព្រម លោកអ្នកនឹងទទួលបានកាតបញ្ចុះតម្លៃ ១០% ភ្លាមៗ។ ដើម្បីទិញបាននូវការបញ្ចុះតម្លៃនេះ លោកអ្នកគ្រាន់តែបង្ហាញកាត បញ្ចុះតម្លៃនៅក្នុងប្រអប់សារ នោះ ទៅកាន់បុគ្គលិកផ្នែកលក់ លោកអ្នកនិងទទួលបានការបញ្ចុះតម្លៃ ១០% ភ្លាមៗផងដែរ។ សម្រាប់ការកក់សំបុត្រ និងព័ត៌មានបន្ថែម សូមទំនាក់ទំនង់មកកាន់លេខ៖ 086 500 500 សូមអគុណ។

សូមជម្រាបថា ក្រុមហ៊ុនដឹកអ្នកដំណើរអង្គរ អ៊ី ប៊ុកឃីងអិចប្រេស បានចុះកិច្ចព្រមព្រៀង ផ្សព្វផ្សាយ ផ្សាយពាណិជ្ជកម្ម ជាមួយគេហទំព័រសៀមរាបប៉ុស្ដិ៍ ។

ការកិច្ចចុះព្រមព្រៀងនេះ ធ្វើឡើងនាព្រឹក ថ្ងៃទី០១ ខែកុម្ភ: ឆ្នាំ២០២១ នៅទីស្នាក់ការ របស់ក្រុមហ៊ុនដឹកអ្នកដំណើរអង្គរ អ៊ី ប៊ុកឃីងអិចប្រេស ក្រោមវត្តមាន លោក ហន សីហា តំណាងក្រុមហ៊ុនដឹកអ្នកដំណើរអង្គរ អ៊ី ប៊ុកឃីងអិចប្រេស នឹង លោក ប៊ុត វិចិត្រ តំណាងអង្គភាពគេហទំព័រសៀមរាបប៉ុស្ដិ៍ ដោយមានការចូលរួមពីបុគ្គលិក របស់តំណាងអង្គភាពទាំងពីរផងដែរ។

ក្រុមហ៊ុន អង្គរ អ៊ី ប៊ុកឃីង បានបង្ហាញថា ក្រុមហ៊ុន កំពុងបម្រើ សេវាកម្ម ដឹកអ្នកដំណើរ ពីភ្នំពេញឆ្ពោះ ទៅសៀមរាប និងពីសៀមរាប ទៅភ្នំពេញ ហើយជាក្រុមហ៊ុនឈានមុខគេបង្អស់នៅកម្ពុជាផ្នែកសេវាកម្ម និងបច្ចេកវិទ្យា។

ក្រុមហ៊ុន អង្គរ អ៊ី ប៊ុកឃីងបន្ថែមថា៖ ក្នុងរយ:ពេលមួយឆ្នាំមកនេះ App Angkor e-Booking មានអតិថិជនកំពុងប្រើប្រាស់រហូតដល់ទៅជិត ១៥០,០០០នាក់ ។

អង្គរអ៊ីប៊ុកឃីង (Angkor e-Booking)គឺជាក្រុមហ៊ុនដឹងជញ្ជូនអ្នកដំណើរ ដែលមានអាយុកាលតែ១ឆ្នាំ ក្តី ប៉ុន្តែក្រុមហ៊ុនចំណូលថ្មីមួយនេះ មានឈ្មោះ បោះសម្លេងខ្លាំង ប្រចាំនៅខេត្តសៀមរាប តែម្តង ព្រោះអង្គរអ៊ីប៊ុកឃីង (Angkor e-Booking) មានប្រតិបត្តិការណ៍ ផ្តោតតែលើការដឹកជញ្ជូនភ្ញៀវ ពីសៀមរាបទៅភ្នំពេញ និងពីភ្នំពេញទៅខេត្តសៀមរាបតែប៉ុណ្ណោះ។

ដោយឡែក អ្នកបើកបរសុទ្ធតែមានបទពិសោធន៍ ឆ្លងកាត់ ការប្រឡងតេស្ត សមត្ថភាព នៃការបើកបរ និងវិជ្ជាជីវៈ ជាពិសេសមានសុជីវធម៌ល្អ។ បើនិយាយពីសេវាកម្មវិញអេមតែម្តង លោកអ្នកមិនបាច់ឈឺក្បាលរឿងទូរស័ព្ទអស់ថ្ម ឫសេវាទូរស័ព្ទអត់ដើរអីទេ ព្រោះចូលដល់ក្នុងឡានធ្វើដំណើរភ្លាមមានបម្រើជូនដូចជា៖

១. Power Bank និង WiFi ល្បឿនលឿនប្រើប្រាស់ពេលធ្វើដំណើរ។

២. ឡានមានទូទឹកកក អគ្គីសនី ដែលនឹងបម្រើភេសជ្ជៈ ទឹកត្រជាក់ និងកន្សែងត្រជាក់។

៣. ក្រុមហ៊ុនមានសេវាដឹកអតិថិជន ដល់ផ្ទះដោយមិនគិតថ្លៃ។

៤. ឡានថ្មីស្រឡាងផ្តល់ផាសុខភាពដល់អតិថិជន។

៥. ជាពិសេស រាល់ការធ្វើដំណើរ ជាមួយអង្គរអ៊ីប៊ុកឃីង (Angkor e-Booking) អតិថិជននឹងទទួលបាន កញ្ចប់ធារារ៉ាប់រង ជាមួយនឹងក្រុមហ៊ុនដែលមានទឹកប្រាក់ចំនួន១០,០០០ដុល្លារ ក្នុងកំឡុងពេលធ្វើដំណើរទៀតផង។

ដោយមើលឃើញ ពីបច្ចេកវិទ្យា កាន់តែរីកចម្រើនអង្គរអ៊ីប៊ុកឃីង (Angkor e-Booking) បច្ចុប្បន្នបានបង្កើត ហើយក៏កំពុងដាក់ឲ្យប្រើប្រាស់នូវកម្មវិធីទូរស័ព្ធ របស់ខ្លួនដែលមានឈ្មោះថា Angkor e-Booking App ដែលមានសម្រាប់អ្នកប្រើប្រាស់ប្រភេទ Android និង IOS ដើម្បីឲ្យអតិថិជន កាន់តែមានភាពងាយស្រួល និងរហ័សទាន់ចិត្ត ដោយគ្រាន់តែចុចស្វែង រកម៉ោងនៃការចេញដំណើរ ដែលមានស្រាប់នៅក្នុងនោះ ហើយធ្វើការទូទាត់ប្រាក់តាមPi Pay និងកាតធនាគារ ឫមួយក៏អតិថិជន គ្រាន់តែធ្វើការ ទំនាក់ទំនងទៅកាន់បុគ្គលិក ផ្នែកសេវាកម្ម រួចធ្វើការកក់សំបុត្រ ដោយពុំទាន់បង់ប្រាក់ ជាមុនក៏បាន។

បច្ចុប្បន្នអង្គរអ៊ីប៊ុកឃីង (Angkor e-Booking)មានទីស្នាក់ការរបស់ខ្លួនផ្ទាល់៣ទីតាំងគឺ៖

១. ទីស្នាក់ការកណ្តាលនៅខេត្តសៀមរាប៖ ស្របតាមផ្លូវជាតិលេខ០៦ ភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។

២. ទីស្នាក់ការនៅភ្នំពេញ៖ ផ្ទះលេខ១៤៣E0, វិថីព្រះស៊ីសុវត្ថិ, ខណ្ឌដូនពេញ, រាជធានីភ្នំពេញ។

៣. ទីស្នាក់ការនៅសៀមរាប៖ ក្នុងបុរីសៀងណាំ០៦, ភូមិខ្នារ, សង្កាត់ជ្រាវ, ក្រុងសៀមរាប, ខេត្តសៀមរាប។

ដើម្បីសាកសួរព័ត៌មានបន្ថែមលោកអ្នកអាចទំនាក់ទំនងទៅកាន់លេខ៖ ០៨៦ ៥០០ ៥០០។

ទាញយកAngkor eBooking App ៖ http://www.angkorebooking.com/mobile/download.php