Siem Reap Post – Page 1079 – Siem Reap News, Cambodia News

្នំពេញ៖សម្តេចតេជោហ៊ុន សែន នាយករដ្ឋមន្ត្រីនៅថ្ងៃនេះ បានអំពាវនាវមឲ្យប្រជាពលរដ្ឋមានការប្រុងប្រយ័ត្ន ការចម្អិនម្ហូបអាហារ ដុតក្រដាស់សែន ធូប និងទៀន… ដើម្បីចៀសវាង មានអគ្គីភ័យ។

យោងតាមទំព័រហ្វេសប៊ុកផ្លូវការ របស់សម្ដេចតេជោ បានឲ្យដឹងថា «ជូនពរថ្ងៃចូលឆ្នាំចិន
Gong Xi Fa Cai 2021»។

សម្ដេចតេជោបានបន្តថា៖ ខ្ញុំ និងភរិយា សូមចូលរួមអបអរសាទរក្នុងថ្ងៃសែនចូលឆ្នាំចិនថ្ងៃនេះ។ សូមបងប្អូនមានការ ប្រុងប្រយ័ត្នខ្ពស់ ចំពោះការចម្អិនម្ហូបអាហារ ដុតក្រដាស់សែន ធូប និងទៀន… ដើម្បីចៀសវាងកុំឲ្យមានអគ្គីភ័យកើតឡើង ដោយការធ្វេសប្រហែស ណាមួយដែលធ្វើឲ្យរំខានក្នុងថ្ងៃចូលឆ្នាំ។ សូមចូលរួមទប់ស្កាត់ការពារការចម្លងជម្ងឺកូវីដ១៩ ទាំងអស់គ្នា តាមរយៈការអនុវត្តតាមការណែនាំរបស់ក្រសូងសុខាភិបាល។

ក្នុងថ្ងៃនេះ ក៏មានបងប្អូនមួយចំនួនធ្វើដំណើរទៅកាន់បណ្តាខេត្តផ្សេងៗផងដែរ។ សូមបើកបរគោរពច្បាប់ចរាចរណ៍ កុំបើកប្រជែងយកលឿនតែខ្លួនឯង កុំផឹកគ្រឿងស្រវឹង ក្នុងពេលបើកបរ ត្រូវមានការយោគយល់គ្នា និងប្រុងប្រយ័ត្នខ្ពស់ជានិច្ច ទោះបីបើកបរជិតឬឆ្ងាយ ដើម្បីសុវត្ថិភាពក្នុងថ្ងៃចូលឆ្នាំទាំងអស់គ្នា។

ខ្ញុំ និងភរិយា សូមជូនពរបងប្អូនជនរួមជាតិជួបតែសំណាងល្អ ជោគជ័យ និងហេងហេងគ្រប់ៗគ្នាចាប់ពីក្នុងថ្ងៃចូលឆ្នាំចិន ២០២១ នេះតទៅ៕SRP

ខេត្តសៀមរាប៖អាជ្ញាធរបានបេីកកិច្ចប្រជុំពិភាក្សាលេីរបាយការណ៍ វាយតម្លៃហេតុប៉ះពាល់បរិស្ថាន និងសង្គមដំបូង (IESIA)សម្រាប់គម្រោងកែលម្អស្ទឹងសៀមរាប ជំហាន២ នៅខេត្តសៀមរាប របស់ក្រសួងសាធារណការ និងដឹកជញ្ជូន។

កិច្ចប្រជុំនេះធ្វើនៅរដ្ឋបាលខេត្តសៀមរាប
នាថ្ងៃទី១០ ខែកុម្ភៈ ម្សិលមិញ លោកង៉ាន់ ភិរុណ អភិបាលរងខេត្ត ដោយមានការចូលរួមពី មន្ត្រីជំនាញពាក់ព័ន្ធជាច្រើនរូបផងដែរ។

បើតាមធរខេត្តបានបញ្ជាក់ថា កិច្ចប្រជុំបានឯកភាព នូវចំណុចមួយចំនួនដូចខាងក្រោម៖ ១-ម្ចាស់គម្រោងត្រូវរៀបចំដាំស្តារដើមឈើសងខាងស្ទឹងសៀមរាបឡើងវិញ ក្រោយពីបញ្ចប់គម្រោងកែលម្អស្ទឹងសៀមរាប។ ២-ត្រូវរៀបចំធ្វើផ្លូវសងខាងស្ទឹងសម្រាប់ទុកជាចំណត ផ្លូវថ្មើជើង ផ្លូវជិះកង់ និងផ្លូវសម្រាប់ជនពិការ។ ៣-ត្រូវរៀបចំប្រព័ន្ធលូរទឹកកខ្វក់ និងប្រព័ន្ធលូរទឹកភ្លៀង កុំឱ្យហូរចូលក្នុងស្ទឹងសៀមរាប ឱ្យបានត្រឹមត្រូវតាមលក្ខណៈបច្ចេកទេស។ ៤-មន្ទីរសាធារណការ និងដឹកជញ្ជូនខេត្ត ត្រូវសហការ ជាមួយ មន្ទីរសុរិយោដីខេត្ត ដើម្បីរៀបចំ ប្លង់មេ ឱ្យបានត្រឹមត្រូវ តាមការ គម្រោងស្តារស្ទឹងសៀមរាប របស់រាជរដ្ឋាភិបាល៕SRP

ខេត្តសៀមរាប៖ក្រុមការងារសហគមន៍ នៃអាជ្ញាធរជាតិអប្សរា នៅថ្ងៃពុធ ទី១០ ខែកុម្ភៈ ម្សិលមិញ បានអនុញ្ញាត ឲ្យពលរដ្ឋ រស់នៅក្នុងតំបន់ឧទ្យានអង្គរ បានជួសជុលផ្ទះ ចំនួន១៤ខ្នង។

ការអនុញ្ញាតនេះ បន្ទាប់ពីក្រុមជំនាញរបស់អាជ្ញាធរជាតិអប្សរា ការសហការ ជាមួយអាជ្ញាធរមូលដ្ឋានចុះពិនិត្យ និងដោះស្រាយ សំណើសុំជួសជុល ផ្ទះរបស់ប្រជាពលរដ្ឋ។

យោងតាមមន្ត្រីអាជ្ញាធរជាតិអប្សរាបានឲ្យដឹងថា
កិច្ចការនេះចែកជាពីរគោលដៅ
ទី១ ក្រុមការងារប្រចាំស្រុកពួក បានពិនិត្យនិងដោះស្រាយ ស្ថិតក្នុងភូមិគោកស្នូល ភូមិត្រមេង ភូមិស្វាយ ឃុំខ្នាត ដោយបានអនុញ្ញាតជូនចំនួន៩សំណើ។

ទី២ ក្រុមការងារប្រចាំក្រុងសៀមរាប ដឹកនាំដោយ លោក ឡុងកុសល អ្នកនាំពាក្យអាជ្ញាធរជាតិអប្សរា បានពិនិត្យ និងដោះស្រាយចំនួន ១០សំណើ ស្ថិតក្នុងភូមិទក្សិណត្បូង ភូមិនគរក្រៅ សង្កាត់គោកចក ដោយអនុញ្ញាតជូនចំនួន៥សំណើ។

សូមជម្រាបថារាល់ការស្នើសុំច្បាប់ជួសជុល គឺពុំមានការបង់ប្រាក់នោះទេ៕SRP

ខេត្តសៀមរាប៖ “ប្រសិនបើអ្នកចង់បានផលឆាប់ ជាមួយគ្នារយៈពេលខ្លី សូមចាប់ការងារណាដែលធ្វើតែឯងបាន ប៉ុន្តែ ប្រសិនបើអ្នកគិតអំពីរយៈពេលយូរអង្វែង ជាមួយនឹងឱកាសរៀនជាច្រើន អំពីគ្នាទៅវិញទៅមក និងទំហំផ្ដល់ផលប្រយោជន៍ធំ សូមបង្កើត ការងារជាក្រុម នៅក្នុងប្រព័ន្ធ”

ជាបឋម នៅក្នុងអត្ថបទនេះសូមឱ្យមិត្តអ្នកអាន ជាពិសេសសហគ្រិន គិតនិងពិចារណា អំពីតម្លៃ នៃការធ្វើការរួមគ្នា ជាក្រុម ឬ ជាសហគមន៍ និង រក្សាកិច្ចសហប្រតិបត្តិការ ចេញពីបុគ្គល ស្ថាប័នតូច រឿងស្ថាប័នធំ ដែលស្ថិតក្នុងស្ថានការណ៍លំបាកនៃនៃវិបត្តិសេដ្ឋកិច្ចឬហានិភ័យផ្សេងៗ។

នេះគឺជាឧទាហរណ៍មួយ នៃរឿងនិទាន របស់ប្រទេសលោកខាងលិច។
“រដូវធ្លាក់ព្រិលនិង សត្វកាំប្រម៉ា”

សត្វកាំប្រម៉ា ជាធម្មតាពួកគេមានទម្លាប់រស់នៅដាច់ចេញពីគ្នាពីព្រោះដោយសារតែបន្លានៅជាប់ខ្លួនរបស់ពួកគេធ្វើឲ្យមុតគ្នាទៅវិញទៅមកប៉ុន្តែ គ្រាមួយដោយសារតែអាកាសធាតុប្រែប្រួល មានការធ្លាក់ព្រិលទឹកកក ខុសរដូវកាល ដែលធ្វើឱ្យសត្វកាំប្រម៉ាទាំងអស់ នៅក្នុងតំបន់ ទទួលរងការឈឺចាប់ដោយសារតែភាពត្រជាក់ខ្លាំង មិនត្រឹមតែប៉ុណ្ណោះពួកគេមិនបានរៀបចំទុកជាមុនចំពោះអ្វីៗ ដែលកំពុងកើតឡើង បែបអាក្រក់នោះឡើយ ពោលគឺគ្រាដូចសម័យ Covid 19 ដូច្នោះដែរ។
ដោយ សាតែការស្លាប់ជាបន្តបន្ទាប់ពីព្រោះអាកាសធាតុត្រជាក់នៅតែបន្ត សត្វកាំប្រម៉ាដែលនៅសេសសល់បានយល់ឃើញថា ” ពួកគេអាចរស់រៀនមានជីវិតប្រសិនបើពួកគេនៅផ្ដុំគ្នា ដើម្បីឲ្យមាន កុំដៅចេញពីក្នុងខ្លួនរបស់ពួកគេម្នាក់ៗ អាច ជា ឡកកំដៅ មួយសម្រាប់ កម្ដៅពួកគេម្នាក់ ប៉ុន្តែការលំបាកនោះគឺថា នៅពេលដែលពួកគេនៅកៀកជាប់គ្នា ពួកគេនឹងមុត ស្លាបបន្លា ដែលនៅជាប់ខ្លួនរបស់ពួកគេទៅវិញទៅមក តែទោះជាយ៉ាងណាក៏ដោយក្រុមសត្វកាំប្រម៉ាដែលនៅសល់ពីការស្លាប់បានតស៊ូនៅផ្ដុំគ្នា ដោយការមុតបន្លាប្រសើរជាងស្លាប់។

អត្ថន័យរៀបរាប់ខាងលើនោះបានបញ្ជាក់ឲ្យឃើញថា “ក្នុងគ្រាលំបាក ឬ ក្នុងគ្រាដែលមានវិបត្តិសេដ្ឋកិច្ច ឬវិបត្តិអ្វីមួយ ” ការធ្វើការតែឯងលំបាកហើយមិនបានវែងឆ្ងាយឡើយ ប៉ុន្តែប្រសិនបើយើងធ្វើការរួមគ្នា អ្វីទាំងអស់តែងតែប្រសើរឡើង”

ភាពជាក់ស្ដែង ចំពោះម្ចាស់អាជីវកម្មនៅក្នុងគ្រាលំបាកដោយសារតែវិបត្តិពិភពលោក នៃ Covid 19 ” បានកំពុងរីករាលដាល បែបនេះ: ចំនួនអតិថិជននិងចំនួននៃប្រាក់ចំណូលបានធ្លាក់ចុះ ជាសញ្ញាមួយឱ្យអ្នករៀនបត់បែន បំផុសឲ្យមានការជួបជាមួយ អ្នកដែលជាប់ពាក់ព័ន្ធជាមួយនឹងអាជីវកម្ម ដើម្បីស្វែងរកនូវតុល្យភាពនៃសភាពជាក់ស្ដែង ជាពិសេសនោះ ការថ្លឹងថ្លែងដើម្បីរក្សាកម្លាំងធនធានមនុស្ស តាមរយៈនៃការជួបនិងការចរចា សូមចងចាំថា: ” ការចរចារតែងតែនាំមកនូវគ្រាប់ ពូជ នៃការពិចារណា ដើម្បីឲ្យបានផលប្រយោជន៍ទាំងសងខាង ”
ការងារជាក្រុម ផ្ដល់ផលប្រយោជន៍ដូចខាងក្រោម:
១ : បង្កើន ការច្នៃប្រឌិត និងបង្កើន ការរៀន អំពីការងារ.
២ : នាំឲ្យបុគ្គលម្នាក់ៗ កសាង ទេពកុសល ជំនាញ ជាពិសេសម្ចាស់អាជីវកម្ម បង្កើនគុណភាពជំនាញចាត់ចែងធនធានមនុស្ស សូមចងចាំថា ” ទ្រព្យពិតប្រាករបស់ម្ចាស់អាជីវកម្មគឺធនធានមនុស្ស “។
៣ : ពង្រីកទំហំនៃភាពជឿជាក់ទំនាក់ទំនង និង ការជឿជាក់ក្នុងបុគ្គលនីមួយៗជាមួយនឹងទេពកុសល និងជំនាញរបស់ខ្លួននោះ នាំឲ្យមាននៅការជឿទុកចិត្តជាសាធារណៈ ” ទំហំនៃជំនឿជឿជាក់ចេញពីសាធារណជន អាស្រ័យទៅលើទំហំនៃជំនឿ ជឿជាក់ ខាងក្នុងអង្គភាពដែលចេញពីបុគ្គលម្នាក់ៗ “។
៤ .លុបបំបាត់នៅភាពសង្ស័យ:
នៅក្នុងការធ្វើអាជីវកម្ម ភាពសង្ស័យទៅលើបុគ្គល រឿងសង្ស័យស្ថានការណ៍អាក្រក់កើតឡើងនៅពេលខាងមុខ គឺមិនបានធ្វើឱ្យអាជីវកម្មរីកចម្រើនបានឡើយដូច្នេះហើយការធ្វើការជាក្រុម មានការបង្ហាញទឹកតាងអំពីស្នាដៃ ការងារបុគ្គលម្នាក់ត្រូវបំពេញប្រចាំថ្ងៃ ។
៥: មានដំណោះស្រាយចំពោះជម្លោះ
នៅក្នុងកាលដែលធ្វើការជាក្រុមបានជួយឲ្យបុគ្គលម្នាក់ៗមានដំណោះស្រាយជាមួយនឹងជម្លោះផ្សេងពីព្រោះការងារជាក្រុមជាទីកន្លែងដែលបុគ្គលម្នាក់យកបញ្ហាមកដាក់លើតុរួមគ្នាដើម្បីរៀនដើម្បីចែករំលែកការងារដែលពួកគេម្នាក់បានជួប។ការបើកចំហរមិនបិទបាំងចំពោះគ្នាទៅវិញទៅមកគឺជាកូនសោដ៏ធំដើម្បីដោះស្រាយជម្លោះដើម្បីដោះស្រាយជម្លោះ។
ស្ថាបនិកក្រុមហ៊ុន ផា ផា យ៉ា PAPAYA NEXT STEP CO,.LTD
* PAPAYA REAL ESTATE ( គម្រោងអភិវឌ្ឍន៍អចលនទ្រព្យ)
* PAPAYA HOMESTAY ( គម្រោងលើវិស័យទេសចរណ៍)
* PAPAYA GARDEN ( គម្រោងលើវិស័យកសិកម្មនិងចែកចាយអាហារ)