ខេត្តសៀមរាប៖សេចក្ដីរាយការណ៍បានឲ្យដឹងថា យ៉ាងហោចណាស់មនុស្សពីរ នាក់បានស្លាប់ភ្លាមៗ និងម្នាក់ទៀតរងរបួសធ្ងន់ ដោយសារគ្រោះថ្នាក់ចរាចរណ៍។
ហេតុការណ៍បានកើតឡើងនៅវេលាម៉ោង០៥ល្ងាចថ្ងៃទី១០ខែមេសាឆ្នាំ២០២០នេះ ត្រង់ចំណុចមុខវត្តចន្ទគីរី ស្ថិតនៅភូមិគោកកណ្ដាល ឃុំល្វាក្រាំង ស្រុកវ៉ារិន ខេត្តសៀមរាប។ ដោយភាគ្គីទាំងពីរបើកបរបញ្ច្រាស់ទិសគ្នា រវាងម៉ូតូនិងគោយន្តកន្ត្រៃ។
តាមសេចក្ដីរាយការណ៍បានឲ្យដឹងថា
ម៉ូតូម៉ាកហុងដាសេរី២០២០ពណ៌ខ្មៅ ពាក់ស្លាកលេខ សៀមរាប ១AH:៦៩៨១។
ករណីនេះបណ្ដាលឱ្យមនុស្ស០២នាក់ស្លាប់នៅនឹងកន្លែងកើតហេតុនិងរងរបួស របួសធ្ងន់មួយនាក់(បាក់ជើងខាងឆ្វេង)។
ជនរងគ្រោះទី០១ឈ្មោះសិក ណេត ភេទប្រុសអាយុ១៨ឆ្នាំ រស់នៅភូមិស្រែ
សមុទ្រ ឃុំស្រែណូយស្រុកវ៉ារិនខេត្តសៀមរាប(របួសធ្ងន់)បញ្ជូនទៅមណ្ឌលសុខភាពល្វាក្រាំង។
ទី០២ឈ្មោះ សឿយ សាល ភេទប្រុស អាយុ១៧ឆ្នាំ ភូមិស្រែសមុទ្រ ឃុំ ស្រែណូយ ស្រុកវ៉ារិន ខេត្តសៀមរាប (ស្លាប់)។
ទី០៣ឈ្មោះ ទីង តូឡូ ភេទប្រុស អាយុ ១៦ឆ្នាំ រស់នៅភូមិស្រែសមុទ្រ ឃុំស្រែណូយ ស្រុកវ៉ារិនខេត្តសៀមរាប (ស្លាប់)។
ចំណែកភាគ្គីម្ខាងទៀតអ្នកបើកគោយន្តកន្ត្រៃឈ្មោះ ឡាយ និមល ភេទប្រុស អាយុ២៤ឆ្នាំ ស្រុកកំណើត ភូមិបល្ល័ង្គ ឃុំព្រៃជ្រូក ស្រុកពួក ខេត្តសៀមរាប(គ្មានរបួស)។
ក្រោយកើតហេតុសមត្ថកិច្ចនាំយកម៉ូតូនិងគោយន្តកន្ត្រៃទៅរក្សាទុកនៅនគរបាលប៉ុស្តិ៍ល្វាក្រាំង ដើម្បីបន្តនីតិវិធី។ដោយឡែកសាកសពជនរងគ្រោះ គ្រួសារយកទៅធ្វើបុណ្យតាមប្រពៃណី។
ទោះយ៉ាងណាជុំវិញករណីនេះ សមត្ថកិច្ច នៅមិនទាន់បញ្ជាក់ពីមូលហេតុនៅឡើយទេ៕SRP

ខេត្តសៀមរាប៖នៅទីបំផុត ពលរដ្ឋខ្មែរជាង៤០នាក់ វិលត្រឡប់ មកពីក្រៅប្រទេស បានមកដល់ អគារសាលាគរុកោសល្យនិងវិក្រិតការខេត្តសៀមរាប ដើម្បីដាក់ខ្លួន ឲ្យនៅដាច់ដោយ ឡែករយៈពេល១៤ថ្ងៃ។
រដ្ឋបាលខេត្តបានឲ្យដឹងថានៅរសៀលថ្ងៃទី១០ខែមេសា ឆ្នាំ២០២០នេះលោក ទៀ សីហា អភិបាលខេត្តបានដឹកនាំក្រុមការងារគណៈកម្មការប្រយុទ្ធប្រឆាំងនឹងជំងឺកូវីដ១៩ចុះពិនិត្យមើលស្ថានភាពទីតាំងអគារនៅសាលាគរុកោសល្យនិងវិក្រិតការខេត្ត សម្រាប់ការស្នាក់នៅបណ្តោះអាសន្ននៃការវិលត្រឡប់របស់បងប្អូនប្រជាពលរដ្ឋខ្មែរ មកពីក្រៅប្រទេស ចំនួនជាង៤២នាក់ មកពីច្រកអូស្មាច់ ក្រុងសំរោង និងច្រកជាំស្រង៉ាម ស្រុកអន្លង់វែង ខេត្តឧត្តរមានជ័យ និង ច្រកប៉ោយប៉ែត ខេត្តបន្ទាយមានជ័យ គិតត្រឹមម៉ោង ១៧៖០០នាទី។

ការស្នាក់នៅបណ្តោះអាសន្ននេះ គឺដើម្បីតាមដាន ត្រួតពិនិត្យពីសុខភាព ពីសំណាក់ក្រុមគ្រូពេទ្យជំនាញនៃមន្ទីរសុខាភិបាលខេត្ត និងស្តាប់ការណែនាំពីការដាក់ខ្លួនឲ្យនៅដាច់ដោយឡែករយៈពេល ១៤ថ្ងៃ ឲ្យប្រកាន់ខ្ជាប់នូវវិធានអនាម័យ និង ការសម្លាប់មេរោគជាប្រចាំ បើមានរោគសញ្ញាអ្វីកើតឡើងត្រូវរាយការណ៍ជាបន្ទាន់ ។ ក្នុងករណីមានរោគសញ្ញាសង្ស័យ មន្ត្រីជំនាញនឹងយកសំណាកទៅពិនិត្យ តែក្នុងករណីគ្មានរោគសញ្ញាអ្នកចំណូលស្រុកមកពីក្រៅប្រទេសទាំងនោះ នឹងត្រូវដឹកជញ្ជូនទៅរក្សានៅដាច់ដោយឡែករយៈពេល១៤ថ្ងៃនៅទីតាំងដែលបានរៀបចំនៅតាមមូលដ្ឋានក្រុង ស្រុក ឃុំ សង្កាត់ (នៅមណ្ឌលចត្តាឡីស័កដែលអាជ្ញាធរបានកំណត់) ដោយមិនទាន់អនុញ្ញាតឲ្យទៅកាន់លំនៅឋាននោះឡើយ។
លោក វេជ្ជបណ្ឌិត ក្រុស សារ៉ាត់ ប្រធានមន្ទីរសុខាភិបាលខេត្តបានសំណូមពរសូមឲ្យបងប្អូនប្រជាពលរដ្ឋទាំងអស់ ចូលរួមអនុវត្តឲ្យបានត្រឹមត្រូវ និងខ្ជាប់ខ្ជួន តាមគោលការណ៍របស់រាជរដ្ឋាភិបាល និងក្រសួងសុខាភិបាល ក្នុងការទប់ស្កាត់ការរាតត្បាតជម្ងឺកូវីដ១៩ ដើម្បីសុវត្ថិភាពខ្លួនយើង គ្រួសារយើង សហគមន៍ និងសង្គមជាតិយើងទាំងអស់គ្នា។
នាឱកាសនោះដែរលោក ទៀ សីហា អភិបាលខេត្តបានជម្រុញដល់មន្ត្រីសុខាភិបាលនិងសមត្ថកិច្ចពាក់ព័ន្ឋ យកចិត្តទុកដាក់ពិនិត្យតាមដានសុខភាពពួកគាត់ឲ្យបានហ្មត់ចត់ និងមិនត្រូវអនុញ្ញាតឲ្យចេញក្រៅបរិវេណដែលបានហាមនោះទេ បើគ្មានការអនុញ្ញាតពីមន្ត្រីចត្តាឡីស័កប្រចាំការនៅទីនោះ។
ដូច្នេះយើងត្រូវរួមសាមគ្គីគ្នា ក្នុងការប្រយុទ្ធប្រឆាំង នឹង ជម្ងឺកូវិដ១៩ គឺត្រូវ អនុវត្តឲ្យបានជាប្រចាំនូវគ្រប់វិនាទីនៃសេចក្តីណែនាំរបស់ក្រសួងសុខាភិបាល នោះប្រទេសជាតិយើងឆ្លងផុតពីជម្ងឺកូវិដ ១៩នេះគ្រប់ៗគ្នា៕SRP

ខេត្តសៀមរាប៖បុរសម្នាក់ បានចងកសម្លាប់ខ្លួន នៅស្រុកជីក្រែង។
ហេតុការណ៍បានកើតឡើងនៅវេលាម៉ោង០៥និង៣០នាទីល្ងាចមិញ ថ្ងៃទី១០ខែមេសាឆ្នាំ២០២០ ដោយខ្លួនឯង នៅខាងក្រោយផ្ទះចំងាយប្រហែល ៤០០ម៉ែត្រនៅចំណុច ភូមិខ្វាវ ឃំុខ្វាវ ស្រុកជីក្រែង។
បើតាមសមត្ថកិច្ចជនរងគ្រោះ ឈ្មោះ ហ៊ាន ហ៊ត ភេទប្រុសអាយុ២៨ឆ្នាំរស់នៅភូមិព្រះត្រពាំង ឃំុដំដែកស្រុកសូទ្រនិគម ខេត្តសៀមរាប។
តាមការបំភ្លឺ របស់អ្នករស់នៅជិតខាង ជនរងគ្រោះផឹកស្រារៀងរាល់ថ្ងៃ វង្វេងដេីរ ទៅចងកធ្វើអត្តឃាតបណ្តាលអោយស្លាប់តែម្ដង៕SRP

ខេត្តសៀមរាប៖រដ្ឋបាលខេត្តនៅរសៀលថ្ងៃនេះ បានប្រកាសសេចក្តីណែនាំស្តីពីការដាក់ឱ្យនៅដាច់ដោយឡែករយៈពេល ១៤ថ្ងៃសម្រាប់បងប្អូនដែលធ្វើដំណើរចូល ឬឆ្លងកាត់ខេត្តសៀមរាប។ ព័ត៌មានលម្អិតសូមអានខ្លឹមសារកនុងសេចក្តីណែនាំដូចខាងក្រោម​៖SRP

ភ្នំពេញ៖សេចក្ដីអំពាវនាវ របស់ សហភាពសហព័ន្ធ អ្នកសារព័ត៌មានកម្ពុជា សូមរួមគ្នាផ្សព្វផ្សាយ ដើម្បីលើកកម្ពស់
សិទ្ឋិរស់រានមានជីវិត។ នេះបើយោងតាមសេចក្ដីប្រកាសរបស់សហភាពសហព័ន្ធ អ្នកសារព័ត៌មានកម្ពុជា៕SRP

ភ្នំពេញ៖រាជរដ្ឋាភិបាល ប្រកាសថា ការធ្វើដំណើរពីស្រុកមួយ ទៅស្រុកមួយ បានក្នុងខេត្តតែមួយ។នេះបើយោងតាមសេចក្ដីសម្រេចរបស់រាជរដ្ឋាភិបាល ស្ដីពីការកែសម្រួលបទបញ្ជាលេខ ០២ ប.ប ចុះថ្ងៃទី០៩ ខែមេសា ឆ្នាំ២០២០ ស្ដីពីការដាក់កំហិតលើការធ្វើដំណើរក្នុងប្រទេស ក្នុងគោលដៅបង្ការ និង ទប់ស្កាត់ ការរាតត្បាតនៃជំងឺកូវីដ-១៩  ចុះហត្ថលេខា ដោយសម្តេចតេជោ ហ៊ុនសែន នាយករដ្ឋមន្ត្រី នៅថ្ងៃនេះ៕SRP

ភ្នំពេញ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានៅព្រឹកថ្ងៃទី១០ ខែមេសា ឆ្នាំ២០២០នេះ កំពុងអញ្ជើញចូលរួមកិច្ចប្រជុំ សភា ដើម្បីពិភាក្សា និងអនុម័តលើ «សេចក្តីព្រាងច្បាប់ ស្តីពីការគ្រងប្រទេសជាតិ ស្ថិតក្នុងភាពអាសន្ន»។

កិច្ចប្រជុំរដ្ឋសភានាព្រឹកថ្ងៃនេះ នឹងដឹកនាំដោយសម្តេចពញាចក្រី ហេង សំរិន ប្រធានរដ្ឋសភា។ សម្តេចតេជោ ហ៊ុន សែន នាយករដ្ឋមន្ត្រីកម្ពុជា ព្រមទាំងមានការចូលរួមពីឯកឧត្តម កើត រិទ្ធ រដ្ឋមន្ត្រីថ្មីនៃក្រសួងយុត្តិធម៌ ដែលនឹងដឹកនាំមន្ត្រីរបស់ខ្លួន ដើម្បីការពារសេចក្តីព្រាងច្បាប់មួយនេះនៅចំពោះមុខសមាជិក សមាជិការដ្ឋសភាផងដែរ៕SRP

ខេត្តកំពង់ចាម ៖ បន្ទាប់ ពី បេីក កិច្ច ប្រជុំ បន្ទាន់ ជាមួយ ថ្នាក់ដឹកនាំ មន្ត្រី ពាក់ព័ន្ធ និង កងកម្លំាង ប្រដាប់ អាវុធ ដេីម្បី អនុវត្ត តាម បទ បញ្ជា របស់ រាជរដ្ឋាភិបាល ស្តីពី ការដាក់កំហិត លើការធ្វើដំណេីរ ក្នុងប្រទេស ក្នុង គោលបំណង បង្ការ និងទប់ស្កាត់ការរាតត្បាតនៃជំងឺកូវីដ១៩ នា អាធ្រាត ឈាន ចូល ថ្ងៃ ទី ១០ ខែមេសា ឆ្នាំ ២០២០នេះ លោក អ៊ុន ចាន់ដា អភិបាលខេត្តកំពង់ចាម អមដំណើរ ដោយ ថ្នាក់ដឹកនាំ មន្ត្រី ពាក់ព័ន្ធ និង អជ្ញាធរ មូលដ្ឋាន ចុះ ពិនិត្យ កងកម្លាំង ប្រចាំ គោលដៅ សំខាន់ៗ ក្នុង ការ អនុវត្ត តាម បទ បញ្ជា របស់ រាជរដ្ឋាភិបាល ស្តីពី ការដាក់កំហិត លើការធ្វើដំណេីរ ក្នុងប្រទេស ដើម្បី បង្ការ និងទប់ស្កាត់ការរាតត្បាតនៃជំងឺកូវីដ១៩ ដែល បាន អនុវត្ត ចាប់ ពី ម៉ោង ២៤:០០ ថ្ងៃទី៩ ខែមេសា រហូតដល់ម៉ោង២៤:០០នាទី ថ្ងៃទី១៦ ខែមេសា ឆ្នាំ២០២០។

ឆ្លៀត ក្នុង ឱកាស នោះ លោក អ៊ុន ចាន់ដា អភិបាលខេត្តកំពង់ចាម បាន ធ្វើ ការ ផ្តាំផ្ញេី ដល់ កង កម្លាំង ទាំង អស់ ត្រូវ យកចិតទុកដាក់ ក្នុង ការ អនុវត្តតាម បទ បញ្ជា របស់ សម្តេច តេជោ ហ៊ុន សែន ប្រមុខ រាជរដ្ឋាភិបាល កម្ពុជា ឲ្យ បាន ម៉ឺងម៉ាត់ បំផុត និងមានប្រសិទ្ធភាពខ្ពស់ ផងដែរ ។
គួរ បញ្ជាក់ ផង ដែរថា ការ ចុះពិនិត្យកម្លាំងចេញតាមគោលដៅ នា ឱកាស នោះ ត្រូវ បាន ធ្វើឡើង នៅ តាម បណ្ដា គោលដៅ សំខាន់ៗ មួយ ចំនួន មាន ដូចជា គោលដៅ ផ្លូវព្រែកក្តាម ជាប់ ព្រំប្រទល់ រវាង ខេត្តកំពង់ចាម -ខេត្តកណ្តាល គោលដៅស្ពានទី២៥ ជាប់ព្រំប្រទល់ រវាង ខេត្តកំពង់ចាម – ខេត្តកណ្តាល និង ស្ពាន គីហ្សូណា ជាប់ ព្រំប្រទល់ រវាងខេត្ត កំពង់ចាម -ខេត្ត ត្បូងឃ្មុំ ព្រមទាំង គោលដៅ មួយ ចំនួនផងដែរ ៕SRP

ខេត្តសៀមរាប៖សេចក្ដីរាយការណ៍បានឲ្យដឹងថាវេលាម៉ោង១១និង៣០នាទីយបថ្ងៃទី០៩ខែមេសា ឆ្នាំ២០២០មានករណីគ្រោះថ្នាក់
ចរាចរណ៍ នៅលើផ្លូវជាតិលេខ៦៨ ចន្លោះ
បង្គោលគីឡូម៉ែត្រលេខ២៨-២៩.ចំណុច
មុខផ្ទះប្រជាពលរដ្ឋឈ្មោះខូយ ផាន់នី
ភូមិខ្វែក ឃុំមោង ស្រុកស្រីស្នំ។
ដោយរវាងរថយន្ត និងគោយន្កកន្ត្រៃស្របទិសពីជើងទៅត្បូង (រថយន្តបុកគោយន្កកន្ត្រៃដឹកឈើ ពីក្រោយ)។
រថយន្តម៉ាក.TOYOTA បាឡែនពណ៌
ខ្មៅ ស៊េរី២០០២ពាក់ស្លាលលេខ.រដ្ខ៥៧.២-០២៩៥0បើកបរដោយឈ្មោះ សុខ គង់ភេទប្រុសអាយុ២៣ឆ្នាំ មុខរបរ ជាងជួសជុលរថយន្ត នៅភូមិតាភុល សង្កាត់ស្វាដង្គំ ក្រុងសៀមរាប(គ្មានរបួស)
១/-អ្នករួមដំណើរឈ្មោះធិប ស្រីពៅ អាយុ
២០ឆ្នាំ មុខរបរ សិស្ស (គ្មានរបួស) នៅ
ភូមិខ្នារថ្មី សង្កាត់ជ្រាវ ក្រុងសៀមរាប។
២/-អ្នករួមដំណើរឈ្មោះធិប រស្មី ភេទស្រី
អាយុ២២មុខរបរ មេផ្ទះ នៅភូមិ-សង្កាត់
ជាមួយគ្នា របួសធ្ងន់។
៣/-អ្នករួមដំណើរឈ្មោះ សុិន ដេវីដ ភេទ
ប្រុស អាយុ២១ឆ្នាំ មុខរបរ(រត់តុ)នៅភូមិ
សង្កាត់ជាមួយគ្នា (របួសធ្ងន់)។
៤/-អ្នករួមដំណើរឈ្មោះសោម សារ៉ាវុធ
ភេទប្រុសអាយុ៣២ឆ្នាំ មុខរបរ បើកបរ
រថយន្តដឹកអ្នកដំណើរ នៅភូមិសាលា
កម្រើក សង្កាត់សាលាកម្រើក ក្រុង
សៀមរាប (របួសធ្ងន់) អ្នករងរបួសទាំង
អស់បញ្ជូនទៅព្យាបាលនៅមន្ទីរពេទ្យខេត្តសៀមរាប។
សេចក្ដីរាយការណ៍បន្តថាគោយន្តកន្ត្រៃ ម៉ាក. KUBOTA ពណ៌ក្រហម អ្នកបើកបរមិនស្គាល់អត្តសញ្ញាណ បុកប៉ះរួចចុះរត់គេចខ្លួនបាត់។ករណីនេះ
រងការខូចខាត.រថយន្ត០១គ្រឿង(ធ្ងន់)
គោយន្កកន្ត្រៃ១គ្រឿង(ស្រាល)៕SRP

ខេត្តកំពង់ចាម៖:លោក​​អ៊ុន​ ចាន់ដា​ អភិបាល​ខេត្តកំពង់ចាម​ និង​លោក​​ខ្លូត​ ផន​ ប្រធាន​ក្រុម​ក្រុមប្រឹក្សា​ខេត្ត​ នាល្ងាច​ថ្ងៃ​ទី​៩​ ខែមេសា​ឆ្នាំ​២០២០នេះ​ បាន​ដឹកនាំ​កិច្ច​ប្រជុំ​បន្ទាន់​ ​ជាមួយ​ថ្នាក់ដឹកនាំ​ មន្ត្រី​ពាក់ព័ន្ធ​ និង​កងកម្លំាង​ប្រដាប់​អាវុធ​​​ ដេីម្បី​អនុវត្ត​តាម​បទ​បញ្ជា​ របស់​រាជរដ្ឋាភិបាល​ ស្តីពី​ការដាក់កំហិត​ លើការធ្វើដំណេីរ​ក្នុងប្រទេស​ ក្នុង​គោលដៅបង្ការ​ និងទប់ស្កាត់ការរាតត្បាតនៃជំងឺកូវីដ១៩​ ។

គួរបញ្ជាក់ថា សម្ដេចតេជោ ហ៊ុន សែន បានដាក់ចេញបទបញ្ជាឲ្យអាជ្ញាធរ និងសមត្ថកិច្ចគ្រប់ជាន់ថ្នាក់​ បិទ​ការធ្វើ​ដំណើរ​ ឆ្លងកាត់ពីស្រុក​មួយ​ ​ទៅ​ស្រុក​មួយ​ និងការធ្វើដំណើរឆ្លងកាត់​ ពី​ខេត្ត​មួយ​ ទៅ​ខេត្ត​មួយ​ទៀត​ ដែល​ត្រូវ​អនុវត្ត​​ចាប់​ពី​ម៉ោង​២៤:០០ ថ្ងៃទី៩​ ​ខែមេសា​នេះ​ រហូតដល់ម៉ោង២៤:០០ ថ្ងៃទី១៦​ ខែមេសា​ ឆ្នាំ២០២០ ។
១.ហាមឃាត់ការធ្វើដំណើរ​ នៅផ្ទៃ​ក្នុង​ប្រទេស​ រួមមានការធ្វើដំណើរឆ្លងកាត់ចេញ​ ចូល​រាជធានី​ភ្នំពេញ (ដោយមិនប៉ះពាល់ដល់ការធ្វើដំណើរផ្ទៃ​ក្នុង​រាជធានី​ភ្នំពេញ​នោះទេ​) ការធ្វើ​ដំណើរ​ ឆ្លងកាត់ពីស្រុក​មួយ​ទៅ​ស្រុក​មួយ​ និងការធ្វើដំណើរឆ្លងកាត់ពី​ខេត្ត​មួយ​ ទៅ​ខេត្ត​មួយ​ទៀត​។
២. ការហាមឃាត់នេះ ត្រូវបានលើកលែងចំពោះ៖ ការ​ដឹក​ជញ្ជូន​ទំនិញ​គ្រប់​ប្រភេទ​ ​ទាំងតាមផ្លូវគោក​ ផ្លូវ​ទឹក​ និង​ផ្លូវ​ដែក​ រថយន្ត និងមធ្យោបាយធ្វើដំណើររបស់មន្ត្រី​រាជការ​ស៊ីវិល​គ្រប់​ស្ថាប័ន​រដ្ឋ​ ទាំងថ្នាក់ជាតិ និងថ្នាក់ក្រោមជាតិ ក្នុងគោលដៅបំពេញ​ការងារ​ប្រចាំ​ថ្ងៃ​ ដែលម្ចាស់យានយន្ត​ត្រូវ​បង្ហាញដល់កងកម្លាំងមានសមត្ថកិច្ចត្រួតពិនិត្យ​ នូវ​អត្តសញ្ញាណប័ណ្ណ​ការ​ងារ​របស់​ខ្លួន​ រថយន្ត​ និង​មធ្យោបាយ​ធ្វើ​ដំណើរ​ របស់កងកម្លាំង​ប្រដាប់​អាវុធ​គ្រប់​ប្រភេទ​ ក្នុង​គោលដៅ​បំពេញ​ភារកិច្ច​របស់​ខ្លួន។ ​ រថយន្តសង្គ្រោះបន្ទាន់​របស់​មន្ទីរពេទ្រ​រដ្ឋ​ និងឯកជន​ រថយន្តពន្លត់​អគ្គីភ័យ​ រថយន្ត​បម្រើ​សេវា​ដឹក​ជញ្ជូន​សំរាម​ ​និង​កាកសំណល់​ ការ​ដឹក​ជញ្ជូន​កម្មករ​ទៅ​កាន់​ទីកន្លែង​ការ​ងារ​ នៅ​តាម​រោងចក្រ​ សហគ្រាស​ដែល​ត្រូវ​មាន​ប័ណ្ណ​អនុញ្ញាត​ ចេញ​ដោយ​ក្រសួង​ការ​ងារ​ និង​បណ្ដុះ​បណ្ដាល​វិជ្ជាជីវៈ​ ការធ្វើដំណើររបស់ប្រជាពលរដ្ឋ​ទៅ​កាន់​មន្ទីរពេទ្យ​ ឬមណ្ឌលសុខភាព​ ដែលនៅជិតបំផុត ដើម្បីទទួលបាននូវសេវា​សុខភាព​ចាំបាច់​ និងបន្ទាន់​ ដោយកំណត់ចំនួន​មនុស្ស​ មិនឲ្យលេីសពី៤ នាក់ សម្រាប់ករណី​និមួយៗ​ ។
៣. បទបញ្ជានេះមានប្រសិទ្ធភាព​អនុវត្ត​ចាប់​ពី​ម៉ោង​ ២៤:០០ ថ្ងៃទី៩​ខែមេសា​នេះ​រហូតដល់ម៉ោង២៤:០០ ថ្ងៃទី១៦​ ខែមេសា​ ឆ្នាំ២០២០ គ្រប់ក្រសួង-ស្ថាប័ន​ និងអាជ្ញាធរ​ ដែលមានសមត្ថកិច្ច​ពាក់ព័ន្ធ​ ត្រូវ​អនុវត្ត​បទ​បញ្ជានេះ​ឲ្យ​បាន​ម៉ឺងម៉ាត់​បំផុត និងមានប្រសិទ្ធភាពខ្ពស់​៕ SRP

ខេត្តសៀមរាប៖ឈើសុក្រមនិងផ្ចឹកចំនួន២០,៩០៥ម៉ែត្រគូប ត្រូវបានមន្ត្រីចម្រុះខេត្តសៀមរាប សម្រេចរឹបអូសក្នុងទីតាំងស្តុកមួយកន្លែងយកទៅរក្សាទុកនៅផ្នែករដ្ឋបាលព្រៃឈើបន្ទាយស្រី ដើម្បីអនុវត្តតាមច្បាប់រដ្ឋបាលព្រៃឈើ។
ការរឹបអូសនេះ ធ្វើឡើងនៅព្រឹកមិញនេះដោយរដ្ឋបាលព្រៃឈើសៀមរាបនិងនគរបាលប្រឆាំងបទល្មើសសេដ្ឋកិច្ចខេត្តសៀមរាប ដែលដឹកនាំបញ្ជាដោយ លោក សំរិទ្ធ សុខុន ព្រះរាជអាជ្ញារងអមសាលាដំបូងខេត្តសៀមរាប។
ទីតាំងស្តុកឈើនេះស្ថិតនៅ ឆ្នាំ២០២០ ក្នុងភូមិត្រពាំងត្រែងសង្កាត់សាលាកំរើក ក្រុង/ខេត្តសៀមរាប៕SRP

ខេត្តកំពង់ចាម៖អភិបាលខេត្តកំពង់ចាមលោក អ៊ុនចាន់ដាបានអះអាងថាទោះបីជាយ៉ាងណា ជំងឺកូវីដ១៩ មិនបានធ្វើឲ្យប៉ះពាល់រាំងស្ទះដល់ ដំណើរការអភិវឌ្ឍន៍ របស់ខេត្តនោះឡើយជាក់ស្ដែងការសាងសង់ស្ពានគៀនជ្រៃត្រូវបានសម្រេច មុនផែនការកំណត់តែជាង៤ខែជាមួយគ្នានោះ គម្រោងសាងសង់ខឿនច្រាំងទន្លេប្រវែង១៨៥ម៉ែត្រក្នុងក្រុងកំពង់ចាម ត្រូវត្រូវបានរៀបចំបុកគ្រឹះស្ថាបនាផងដែរ។

ការថ្លែងយ៉ាងដូច្នេះក្នុងកិច្ចប្រជុំសាមញ្ញលេីកទី ១១របស់ក្រុមប្រឹក្សាខេត្តកំពង់ចាមនាព្រឹកថ្ងៃទី៩ ខែមេសាឆ្នាំ២០២០ក្រោមវត្តមានលោក ខ្លូត ផន ប្រធានក្រុមក្រុមប្រឹក្សាខេត្ត ដោយមានការ អញ្ជើញចូលរួមពីលោកលោកស្រី សមាជិកក្រុម ប្រឹក្សាខេត្តអភិបាលរងខេត្តនិងថ្នាក់ដឹកនាំមន្ទីរអង្គភាពពាក់ព័ន្ធជុំវិញខេត្ត។

ថ្លែងក្នុងពិធីនោះដែរលោកអ៊ុន ចាន់ដា អភិបាលខេត្តកំពង់ចាម បានលើកឡើងថានៅទូទាំងខេត្ត កំពង់ចាម មានអ្នកផ្ទុកជំងឺកូវីដ១៩សរុបចំនួន ១៦នាក់សុទ្ធសឹងតែជាភ្ញៀវបរទេសហើយត្រូវ បានព្យាបាលជាសះស្បើយចំនួន៧នាក់ជាបន្តបន្ទាប់ក្នុងនោះភ្ញៀវទេសចរនិងបុគ្គលិកលេីនាវា Viking Cruise Journey បន្ទាប់ពីនៅដាច់ ដោយឡែករយៈពេល១៤ថ្ងៃ២ដងហើយត្រូវបានធ្វើតេស្តដោយគ្មានផ្ទុកជំងឺកូវីដ១៩ទេនោះ ត្រូវ បានអនុញ្ញាតឲ្យចាកចេញ ពីសណ្ឋាគារមេគង្គ ត្រឡប់ទៅស្រុកកំណើតវិញដូច្នេះសម្រាប់ប្រជាពលរដ្ឋក្នុងខេត្តកំពង់ចាម ហាក់ដូចជាមានការ ធូស្បេីយក្នុងអារម្មណ៍ ព្រមទាំងចេញដេីរធ្វើការ ហាត់ប្រាណ នៅទីសាធារណៈនិងប្រកបមុខរបរ លក់ដូរឡើងវិញផងដែរ។
លោកអភិបាលខេត្តបានបន្តថាទោះជាយ៉ាងណា យើងមិនត្រូវភ្លេចខ្លួនធ្វេសប្រហែសនោះឡេីយគឺ យេីងត្រូវបន្តការផ្សព្វផ្សាយ សារអប់រំដល់បងប្អូន ប្រជាពលរដ្ឋនិងណែនាំដល់ពលករដែលទើបតែ ត្រឡប់មកពីក្រៅប្រទេសវិញ ឲ្យពួកគាត់អនុវត្ត តាមសេចក្ដីណែនាំ របស់ក្រសួងសុខាភិបាលឲ្យនៅដាច់ដោយ ឡែករយៈពេល១៤ថ្ងៃដេីម្បីធ្វើការ ពិនិត្យតាមដានសុខភាពព្រមទាំងមានការផ្គត់ផ្គង់ ជាស្បៀងអាហារសម្រាប់ប្រជាពលរដ្ឋដែលមាន ការខ្វះខាតក្នុងជីវភាព។
ជាមួយគ្នានោះលោកអភិបាលខេត្តក៏បានជម្រុញ ដល់មន្ទីរកសិកម្មរុក្ខាប្រមាញ់និងនេសាទខេត្ត កំពង់ចាមឲ្យធ្វើការសិក្សាក្នុងការផ្គត់ផ្គង់គ្រាប់ពូជ លេីដីទំនេររបស់ប្រជាពលរដ្ឋ ព្រមទាំងយកចិត្ត ទុកដាក់លើការចិញ្ចឹមសត្វរបស់បងប្អូនប្រជាពលរដ្ឋផងដែរ៕SRP