ខេត្តត្បូងឃ្មុំ៖លោក ជាម ច័ន្ទសោភ័ណ បានមានប្រសាសន៍លើកឡើង ពីការយកចិត្តទុកដាក់ខ្ពស់ របស់ សម្ដេចតេជោ ហ៊ុន សែន ប្រមុខដឹកនាំប្រទេស ដោយសម្ដេចតែងតែគិតគូរ ពីសុខទុក្ខប្រជាពលរដ្ឋ ជានិច្ច គ្រប់កាលៈទេសៈ ទីណាបងប្អូនប្រជាពលរដ្ឋមានការលំបាក ទីនោះគឺមានសម្ដេចតេជោ ក៏ដូចជាថ្នាក់ដឹកនាំកំពូលៗជាច្រើនរូបទៀត បានចុះជួយជាប់ជានិច្ច។

អភិបាលខេត្ត បានគូបញ្ជាក់ថា អំណោយជាអង្ករ នាំមកផ្ដល់ជូននាពេលនេះ សម្ដេចតេជោ ហ៊ុន សែន ចាត់អោយរដ្ឋបាលខេត្ត នាំយក អង្ករ ទាំងនេះ មកចែកជូនដល់បងប្អូនយើង ដើម្បីជួយសម្រួលជីវភាព និងតម្រូវការក្នុងគ្រួសារដែលកំពុងជួបការលំបាក។

លោកជាម ច័ន្ទសោភ័ណ បានក្រើនរំលឹក ដល់អាជ្ញាធរមូលដ្ឋាន ក៏ដូចជាកងកម្លាំងមានសមត្ថកិច្ច ត្រូវបន្តសហការគ្នា ដោះស្រាយបញ្ញានានា ដែលជាទុកលំបាករបស់បងប្អូនប្រជាពលរដ្ឋ ជាពិសេសអនុវត្តនៅគោលនយោបាយ ភូមិ-ឃុំ/សង្កាត់ មានសុវត្ថិភាព របស់រាជរដ្ឋាភិបាលកម្ពុជា ទៅបានដាក់ចេញ នឹងត្រូវលុបបំបាត់បង្ក្រាបរាល់ការប្រព្រឹត្តបទល្មើសផ្សេងៗ ចោរលួច ចោរប្លន់ ល្បែងស៊ីសងគ្រប់ប្រភេទ ធ្វើឲ្យភូមិ-ឃុំ/សង្កាត់ ប្រែក្លាយជា ភូមិ-ឃុំ/សង្កាត់ ស ស្អាត ធានាបានសន្តិសុខ សុវត្ថិភាព ជូនដល់បងប្អូនប្រជាពលរដ្ឋ។

អភិបាលខេត្ត​ត្បូងឃ្មុំ​ ក៏បានអំពាវនាវ ដល់បងប្អូនប្រជាពលរដ្ឋនៅក្នុងក្រុងសួង ទាំងមូល ជាពិសេសរវាងភាគីពាក់ព័ន្ធ សហការ ចូលរួមចលនាប្រឡងប្រណាំងទីក្រុងស្អាត សំអាតសំរាមតាមបណ្ដាសួន និងដងផ្លូវនានា ក្នុងការបំពេញតាមសូចនាករ និងការវាយតម្លៃដាក់ពិន្ទុ របស់គណៈកម្មាធិការជាតិវាយតម្លៃទីក្រុងស្អាត (គ.ជ.វ.ទ) ដើម្បីក្រុងសួងយើង ទទួលបានជ័យលាភី ផ្ការំដួល ៣ទង​ ផងដែរ​។

លោកលើកឡើងយ៉ាងដូច្នេះ ក្នុងឱកាសនាំយកអំណោយម្តេចតេជោ ហ៊ុន សែន ជាអង្ករ២០តោន​ ចែកជូនពលរដ្ឋជួបការលំបាកចំនួន៤០០គ្រួសារ​ នៅក្រុងសួង នៅថ្ងៃទី៣០ ខែតុលា ឆ្នាំ ២០២២៕SRP

ខេត្តកំពង់ចាម៖លោកយឹម ឆៃលី ប្រធានក្រុមប្រឹក្សាស្តា អភិវឌ្ឍន៍វិស័យកសិកម្ម និងជនបទ និងជាប្រធានក្រុមការងារចុះជួយខេត្តកំពង់ចាម បានថ្លែងថា រាជរដ្ឋាភិបាល បានប្តេជ្ញាចិត្តថា នឹងមិនទុកឲ្យប្រជាពលរដ្ឋណាម្នាក់ស្លាប់ ដោយការអត់អាហារឡើយ។

លោកបានបន្ដទៀតថា ក្នុងនាមរាជរដ្ឋាភិបាលកម្ពុជា សូមចូលរួមសោកស្ដាយ ចំពោះ ការខាតបង់ទ្រព្យសម្បត្ដិ របស់បងប្អូន ក្នុងស្រុកបាធាយ ក៏ដូចជាស្រុកដទៃទៀត ក្នុងខេត្តកំពង់ចាម ដោយសារទឹកជំនន់នេះ។

លោកបានបញ្ជាក់ថា ទឹកជំនន់ពេលបានកើតមានជាច្រើនប្រទេស លើពិភពលោក។ ដោយឡែក នៅប្រទេសកម្ពុជា ទឹកជំនន់កើតឡើងពីទឹកភ្លៀងផង និងជំនន់ទន្លេមេគង្គផងដែរ។ ដូចនេះ ដើម្បី សម្រាលការលំបាករបស់ប្រជាពលរដ្ឋ ដែលរងគ្រោះដោយទឹកជំនន់ រាជរដ្ឋាភិបាល តែងផ្តល់អំណោយសង្គ្រោះបន្ទាន់ និងផ្តល់ពូជស្រូវ ដល់ប្រជាកសិករ ដើម្បី ស្តារការដាំដុះឡើងវិញ នៅពេលទឹកស្រក។

លោកបន្ថែមថា សម្តេចតេជោ ហ៊ុន សែន គីជាបិតាសន្តិភាពនៅកម្ពុជា ជាស្នូល នៃការបង្រួបប្រួមជាតិ ជាស្នូលនៃការកសាង និងអភិវឌ្ឍជាតិ ជាជើងឯកក្នុងការប្រយុទ្ធនឹងជម្ងឺកូវីដ ១៩ តាមរយៈ យុទ្ធសាស្ត្រស្រោចវ៉ាក់សាំង នៅគ្រប់តំបន់ទូទាំងប្រទេស។ ហើយឆ្នាំនេះ កម្ពុជា ធ្វើជាប្រធានអាស៊ាន ដឹកនាំកិច្ចប្រជុំអន្តរជាតិធំៗ ប្រកបដោយជោគជ័យ ដែលបានផ្តល់នូវកិត្តិនាម កិត្តិស័ព្ទ ដ៏ប្រពៃ សម្រាប់ប្រជាជាតិខ្មែរ ដែលជាប្រភព ដ៏រឹងមាំ ក្នុងការពារ និងអភិវឌ្ឍជាតិ លើគ្រប់វិស័យ។

លោកយឹម ឆៃលី ក៏បាននាំមកនូវការសាកសួរសុខទុក្ខ ពីសំណាក់សម្តេចតេជោនាយករដ្ឋមន្ត្រី និងសម្តេចកិត្តិព្រឺទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលសម្តេចទាំងទ្វេតែងតែគិតគូ អំពីសុខទុក្ខ របស់បងប្អូនប្រជាពលរដ្ឋ ទូទាំងប្រទេស ជាពិសេស ក្នុងស្ថានភាពដែលបងប្អូន បាននឹងកំពុងរងផលប៉ះពាល់ ដោយសារគ្រោះទឹកជំនន់ ដោយមិនប្រកាន់ពូជសាសន៍ ពណ៌សម្បុរ និងនិន្នាការនយោបាយអ្វីទ្បើយ។

លោកយឹម ឆៃលី មានប្រសាសន៍យ៉ាងដូច្នេះ នៅក្នុងឱកាស នាំយក​ពូជ​ស្រូវ​របស់​រាជរដ្ឋាភិបាល​ជាង៥០០តោន ចែក​ជូន​ពលរដ្ឋ​ នៅ​ស្រុកបាធាយ​ ព្រៃឈរ​ និង​ស្រុកជេីងព្រៃ​៕SRP

អញ្ជើញផ្តល់ស្រូវពូជ និងស្បៀងអាហារ ជូនកសិករជាង៦ពាន់គ្រួសារ នៅខេត្តព្រៃវែង នៅថ្ងៃអាទិត្យ នេះ សម្តេចតេជោ ហ៊ុន សែន បានមានប្រសាសន៍ថា មិនមែនជារឿងតូចតាចទេ សម្រាប់កម្ពុជា ពលរដ្ឋមានត្រឹមជាង ១៦លាននាក់ តែពលរដ្ឋស្លាប់ជាង៣ពាន់នាក់ ក្នុងរយៈពេលខ្លី ដោយតែជំងឺកូវីដ-១៩ ទាំងនេះដោយសារតែវិធានការ ដ៏មានប្រសិទ្ធភាព នៃការចាក់ស្រោចវ៉ាក់សាំង ដល់ប្រជាពលរដ្ឋ បានទាន់ពេលវេលា។ សម្តេចតេជោបានថ្លែងថា សល់តែពីរថ្ងៃទៀតទេ គឺដល់ខួបមួយឆ្នាំ ដែលកម្ពុជា បានបើកសេដ្ឋកិច្ចឡើងវិញ បន្ទាប់ពីវិបត្តិជំងឺកូវីដ-១៩៕SRP

ខេត្តសៀមរាប៖យ៉ាងហោចណាស់មនុស្សជំនួន ៤ នាក់ កំពុងដើរ ត្រូវបានរថយន្តបុកចំពេញទំហឹងបណ្ដាលឱ្យស្លាប់។

ហេតុការណ៍នេះនៅថ្ងៃសុក្រ ទី28 ខែតុលា ឆ្នាំ2022 វេលាម៉ោង20និង10នាទី លើផ្លូវកាលកៅស៊ូ ពីឃុំសសរស្តម្ភ ទៅស្រុកអង្គជុំ ចំណុចភូមិចុងថ្នល់ ឃុំយាង ស្រុកពួក ខេត្តសៀមរាប។

របាយការណ៍របស់សមត្ថកិច្ចជំនាញបានឲ្យទីភ្នាក់ងារសារព័ត៌មានសៀមនៅប៉ុស្តិ៍ tv online ថាករណីគ្រោះថ្នាក់ចរាចរណ៍នេះ រថយន្តតូយ៉ូតា តាកូម៉ា ព៌ណទឹកប្រាក់ ពាក់ផ្លាកលេខភ្នំពេញ 2AR-8494 បើកបរដោយ ឈ្មោះស៊ាន កុសល់ ភេទប្រុស អាយុ41ឆ្នាំនៅភូមិចំបក់ហែរ ឃុំពួក ស្រុកពួក ខេត្តសៀមរាប បើកបរទិសដៅពីជើង ទៅត្បូងបានបុកមនុស្សដើរ03នាក់ ដែលដើរទិសដៅពីជើង ទៅត្បូង។

1/ឈ្មោះសោម អ៊ាង ភេទស្រី អាយុ31ឆ្នាំនៅភូមិចុងថ្លល់ ឃាង ស្រុកពួក ខេត្តសៀមរាប។

2/ឈ្មោះឈ្មោះឆេង វ៉ាន់ឌី ភេទប្រុស អាយុ4ឆ្នាំជាកូនរបស់ឈ្មោះសោម អ៊ាង។

3/ឈ្មោះរឹទ្ធ ផល្លា ភេទស្រី អាយុ17ឆ្នៅភូមិជាមួយគ្នា
និងបុកមនុស្សដើរដឹកកង់01នាក់ ឈ្មោះឆេង ឧត្តម ភេទប្រុស អាយុ9ឆ្នាំ ជាកូនរបស់ឈ្មោះ សោម អ៊ាង ដើរដឹកកង់ពណ៌ក្រហម។

របាយការណ៍បានបន្តថា ករណីនេះបណ្តាលអោយ
ស្លាប់មនុស្ស4នាក់៖ 1/ឈ្មោះ សោម អ៊ាង 1៊2/ឈ្មោះឆេង វ៉ាន់ឌី 3/ឈ្នះឆេង ឧត្តម 4/ឈ្មោះរឹទ្ធ ផល្លា។ ខូចខាតកង់ធ្ងន់ និងរថយន្តស្រាល។

របាយការណ៍បានបញ្ជាក់ថា មូលហេតុ អ្នកបើកបររថយន្តបើកបរ ក្នុងល្បឿនលឿន និងមានជាតិស្រវឹង។

ក្រោយពេលកើតហេតុកម្លាំងផ្នែកជំនាញ សហការជាមួយកម្លាំងប៉ុស្តិ៍ នគរបាលរដ្ឋបាលយាង ចុះទៅវាស់វែង ប្រគល់សាកសព ជូនក្រុមគ្រួសារយកទៅធ្វើបុណ្យតាមប្រពៃណី។ ឯវត្ថុតាងមកទុកនៅអង្កភាពដើម្បីចាត់ការតាមនិតិវិធី។ ចំណែកអ្នកបើកបររថយន្ត បង្កត្រូវបានឃាត់ខ្លួន៕SRP

ខេត្តកំពង់ធំ៖សម្តេចតេជោ ហ៊ុន សែន បានថ្លែងអំណរគុណ ប្រជាពលរដ្ឋទាំងអស់ ដែលបានបោះឆ្នោតគាំទ្រ គណបក្សប្រជាជន ក្នុងពេលបោះឆ្នោតក្រុមប្រឹក្សាឃុំ-សង្កាត់ ហើយសម្តេចសង្ឃឹមថា បងប្អូនប្រជាពលរដ្ឋ នឹងបន្តបោះឆ្នោតជូនបក្សប្រជាជនកម្ពុជា ជាបន្តទៀតនៅឆ្នាំ២០២៣ខាងមុខ។

សម្តេចតេជោបានមានប្រសាសន៍ថា មន្ត្រីរបស់គណបក្សប្រជាជនកម្ពុជា តែងតែនៅជាប់ជាមួយប្រជាពលរដ្ឋជានិច្ច ជាពិសេសរាល់ពេលដែលពលរដ្ឋមានទុក្ខលំបាក។

សម្តេចតេជោនាយករដ្ឋមន្ត្រី ក៏បានកោតសរសើរ និងវាយតម្លៃខ្ពស់ចំពោះអាជ្ញាធរពាក់ព័ន្ធទាំងអស់ ដែលបានរួមគ្នា ដោះស្រាយបញ្ហារបស់ ប្រជាពលរដ្ឋ ពេលទឹកជំនន់ផងដែរ។

សម្តេចតេជោ ហ៊ុន សែន មានប្រសាសន៍យ៉ាងដូច្នេះ ក្នុងឱកាស អញ្ជើញផ្តល់ស្រូវពូជ និងស្បៀងអាហារ ជូនកសិករជិត៧ពាន់គ្រួសារ នៅខេត្តកំពង់ធំ ថ្ងៃសៅរ៍ នេះ៕SRP

ខេត្តបាត់ដំបង៖ក្នុងឱកាស ដឹកនាំកិច្ចប្រជុំបូកសរុបត្រួតពិនិត្យការងារប្រចាំខែ និងលើកទិសដៅការងារចាំបាច់មួយចំនួន នៅរសៀលថ្ងៃព្រហស្បតិ៍ ថ្ងៃទី២៧ ខែតុលា ឆ្នាំ២០២២ លោក សុខ លូ អភិបាលខេត្តបាត់ដំបង បានលើកឡើងថា បញ្ហាគ្រឿងញៀន និងបញ្ហាល្បែងស៊ីសង ត្រូវតែបន្តខិតខំបង្រ្កាបឱ្យបាន មានប្រសិទ្ធិភាព ដើម្បីធានាថា នៅក្នុងមូលដ្ឋានរបស់ខ្លួនមិនមានបញ្ហាការជួញដូរគ្រឿងញៀន ការប្រើប្រាស់គ្រឿងញៀនផ្សេងៗ នៅក្នុងភូមិសាស្រ្ដរបស់ខ្លួន និងត្រូវធានាថា មិនមាន ករណីល្បែងស៊ីសងខុសច្បាប់ ព្រោះថាទង្វើទាំងអស់នេះ គឺជាទង្វើមួយដែលធ្វើឱ្យនៅតាមភូមិ ឃុំ សង្កាត់ មានភាពអសន្ដិសុខ បង្កភាពភ័យខ្លាច ដល់ប្រជាពលរដ្ឋក្នុងការរស់នៅ។

នៅក្នុងកិច្ចប្រជុំលោក សុខ លូ ក៏បានធ្វើការបន្តណែនាំដល់អភិបាលក្រុង ស្រុក មន្ទីរ អង្គភាពជុំវិញខេត្ត គួរតែមានអ្នកនាំពាក្យ នៅតាមអង្គភាពសាមី ដើម្បីធ្វើការទប់ស្កាត់ បញ្ហាការ ផ្សព្វផ្សាយបំពុលពីសំណាក់ជន មួយចំនួន ដោយត្រូវធ្វើការឆ្លើយតបភ្លាមៗ ចំពោះព័ត៌មានបំពុលទាំងនោះ ហើយត្រូវគ្រប់គ្រង អ្នកសារព័ត៌មាន ដែលមានអាជ្ញាប័ណ្ណ និងគ្មានអាជ្ញាប័ណ្ណ ត្រូវឧស្សាហ៍ ជួបសំណេះសំណាលជាមួយក្រុមអ្នកសារព័ត៌មាន ទាំងនោះ ដោយធ្វើការបង្ហាញពីច្បាប់ ឬសុជីវធម៌ ឬវិជ្ជាជីវៈរបស់អ្នកសារព័ត៌មាន ដើម្បីលុបបំបាត់ការផ្សព្វផ្សាយលក្ខណៈបំពុលសង្គម ធ្វើឱ្យសង្គម មានភាពរញ៉េរញ៉ៃ ផងដែរ។

លោក សុខ លូ ក៏បានមានប្រសាសន៍ណែនាំដល់អភិបាលក្រុងស្រុកទាំង១៤ ក៏ដូចជាមន្ទីរអង្គភាពជុំវិញខេត្ត ត្រូវបន្តខិតខំប្រឹងប្រែង បំពេញតួនាទីភារកិច្ចរបស់ខ្លួន ឱ្យកាន់តែល្អប្រសើរ ជាលំដាប់ ក្នុងន័យដើម្បីបម្រើ ផលប្រយោជន៍ដល់ប្រជាពលរដ្ឋផងដែរ៕SRP

ភ្នំពេញ៖នគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយនគរបាលខេត្តកោះកុង បានឃាត់ខ្លួនមន្រ្តីយោធាម្នាក់ តាមពាក្យបណ្តឹងរបស់លោកជំទាវ ហ៊ុន ស៊ីណាត ក្រោយយកឈ្មោះ លោកជំទាវ ទៅឆបោកយកប្រាក់ពីប្រជាពលរដ្ឋ ក្នុងភូមិសាស្ដ្រ ឃុំអណ្ដូងទឹក ស្រុកបូទុមសាគរ ខេត្តកោះកុង។

ការឃាត់ខ្លួននេះ បានធ្វើឡើង នៅថ្ងៃទី២៧ ខែតុលា ឆ្នាំ២០២២ នៅខណ្ឌកំបូល រាជធានីភ្នំពេញ។

តាមដីកាបង្គាប់ឲ្យចាប់ខ្លួន របស់សាលាដំបូងខេត្តកោះកុង បានឲ្យដឹងថា បុរសដែលត្រូវឃាត់ខ្លួននេះ ឈ្មោះ ម៉ៅ អ៊ូច ឬឈ្មោះ ម៉ៅ អ៊ុច ភេទប្រុស អាយុ៤២ឆ្នាំ (ទាហានការពារនៅព្រំដែនជើងគៅក ប្រចាំខេត្ដកោះកុង នៅវរៈ៣០៣) មានទីលំនៅបច្ចុប្បន្ន ស្រុកមណ្ឌល ខេត្តកោះកុង។

ឃាត់ខ្លួននេះដោយសារឈ្មោះ ម៉ៅ អ៊ុច បានយកឈ្មោះ លោកស្រី ហ៊ុន ស៊ីណាត ដើម្បីឆបោកយកប្រាក់ពីប្រជាពលរដ្ឋ ក្នុងភូមិសាស្ដ្រឃុំអណ្ដូងទឹក ស្រុកបូទុមសាគរ ខេត្តកោះកុង ដោយរូបគេ បានអះអាងជាមួយប្រជាពលរដ្ឋថា យកប្រាក់នេះមកជូនលោកស្រី ហ៊ុន ស៊ីណាត ដើម្បីឲ្យស្នើសុំកាត់ឆ្វៀលដី នៅក្នុងស្រុកបូទុមសាគរ ខេត្តកោះកុង៕SRP

ខេត្តសៀមរាប៖សិស្សសាលា ចំនួនពីរនាក់ត្រូវបានរថយន្តដឹកដីមួយគ្រឿងបុកចំពេញទំហឹងបណ្ដាលឱ្យស្លាប់ម្នាក់របួសធ្ងន់ម្នាក់។

ហេតុការណ៍បានកាត់ឡើង នៅវេលាម៉ោង ១៦ និង ៣០នាទីថ្ងៃទី ២៥ ខែតុលា ឆ្នាំ២០២២ ត្រង់ចំណុចស្តុប សម្ដេចជាសុីម លើផ្លូវសម្ដេចជាសុីម ភូមិជន្លង់ សង្កាត់សាលាកំរើក ក្រុងសៀមរាម។

របាយការណ៍ របស់ការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប បានឱ្យដឹងថា ករណីគ្រោះថ្នាក់ចរាចរណ៍នេះ រវាង រថយន្ត នឹង ម៉ូតូ។ រថយន្តម៉ាក HYUNDAI ពណ៌ស ពាក់ស្លាកលេខ សៀមរាប3 A 3068 អ្នកបើកបរ មិនស្គាល់អត្តសញ្ញាណ ទិសដៅ ពីកើត បត់ឆ្វេងទៅត្បូងបុកជាមួយម៉ូតូម៉ាកហុងដា C 125 ខ្មៅ ផ្លាកលេខសៀមរាប 1AE 2230 បើកបរដោយឈ្មោះ ឡេង ប៊ុនគៀង ភេទ ប្រុសអាយុ19 បណ្ដាលឱ្យរបួសធ្ងន់អ្នករួមដំណើរឈ្មោះឡេង លីស្រ៑ាង ភេទប្រុសអាយុ 17ឆ្នាំ (ស្លាប់នៅពេលបញ្ជូនទៅដល់មន្ទីរពេទ្យ)។ អ្នកទាំងពីរ ជាសិស្សរៀននៅវិទ្យាល័យអង្គរ និងមានទីលំនៅភូមិខ្នាសង្កាត់ជ្រាវ ក្រុងខេត្តសៀមរាប ទិសដៅពីលិចទៅកើត។

របាយការណ៍បានបន្តថាគ្រោះថ្នាក់នេះ តាមការសាវជ្រាវបឋម របស់សមត្ថកិច្ច មូលហេតុរថយន្តបត់ឆ្វេងខ្វះការប្រុងប្រយ័ត្ន។ ករណីនេះកំលាំងជំនាញ កំពុងស្រាវជ្រាវនិងកសាងសំណុំរឿងតាមនិតិវិធីបញ្ជូនទៅតុលាការ។ ចំណែករថយន្ត និងម៉ូតូ បានយកមករក្សាទុកនៅការិយាល័យចរាចរណ៍ដើម្បីរង់ចាំការដោះស្រាយ៕SRP

ក្នុងឱកាសអញ្ជើញផ្តល់ស្រូវពូជ និងស្បៀងអាហារ ជូនកសិករជាង៣ពាន់គ្រួសារ នៅខេត្តកំពង់ឆ្នាំង នៅថ្ងៃពុធនេះ សម្តេចតេជោ ហ៊ុន សែន បានមានប្រសាសន៍ថា នៅថ្ងៃម្សិលមិញ កម្ពុជាមិនមានការឆ្លងជំងឺកូវីដ-១៩ថ្មីនោះទេ។ នេះជាថ្ងៃទី៦ហើយ ដែលកម្ពុជាមិនមានការឆ្លងជំងឺកូវីដ-១៩ ករណីថ្មីទេ សូម្បីតែម្នាក់។

សម្តេចតេជោនាយករដ្ឋមន្ត្រីបានមានប្រសាសន៍ថា នៅសល់តែប៉ុន្មានថ្ងៃទៀតប៉ុណ្ណោះ ដល់គម្រប់៣ឆ្នាំនៃការឆ្លងជំងឺកូវីដ-១៩ នៅកម្ពុជា។

សម្តេចតេជោ បានមានប្រសាសន៍ថា ភាពជោគជ័យលើការប្រយុទ្ធប្រឆាំងនឹងជំងឺកូវីដ-១៩នេះ មិនមែនពឹងតែលើកិច្ចប្រឹងប្រែងរបស់រាជរដ្ឋាភិបាលប៉ុណ្ណោះទេ តែក៏មានការចូលរួមយ៉ាងសស្រាក់សស្រាំពីប្រជាពលរដ្ឋកម្ពជាយើងផងដែរ។

សម្តេចតេជោនៅតែបន្តអំពាវនាវប្រជាពលរដ្ឋបន្តចូលរួមទប់ស្កាត់ការឆ្លងរាលដាលជំងឺកូវីដ-១៩ជាបន្តទៀត តាមរយៈការអនុវត្តន៍វិធានការនានា ជាពិសេសការចាក់វ៉ាក់សាំង៕SRP

ខេត្តសៀមរាប៖មនុស្សចំនួន១១៦នាក់ នៅខេត្តសៀមរាប បានស្លាប់ និងរបួសធ្ងន់ស្រាលជាង១០០នាក់ ដោយសារគ្រោះថ្នាក់ចរាចណ៍ ត្រឹមតែ រយ:ពេល៩ខែប៉ុណ្ណោះ។

យោងតាមរបាយការណ៍ គ្រោះថា្នក់ចរាចរណ៍របស់ការិយាល័យនគរបាលចរណ៍ផ្លូវគោកខេត្តសៀមរាបបានឲ្យដឹងថា ករណីគ្រោះថ្នាក់ចរាចណ៍រយ:ពេល ៩ខែ ក្នុងឆ្នាំ២០២២ កើតមាន១២៤លើក កើនឡើង៨៥លើកក្នុងរយៈពេល ៩ខែបើធៀបនិងរយៈពេលដូចគ្នាក្នុងឆ្នាំ២០២១ ដែលមានត្រឹមតែ ៣៩លើកតែប៉ុណ្ណោះ។

ករណីនេះបណ្ដាលឲ្យមនុស្សចំនួន១១៦នាក់ បានស្លាប់ និងរបួសធ្ងន់ស្រាលជាង១០០នាក់។ចំណែកការផាក ពិន័យប្រមាណជិត៦០០០គ្រឿង។

របាយការណ៍បង្ហាញថា មូលហេតុដែល បណ្តាលអោយមានគ្រោះថ្នាក់កើតឡើង ភាគច្រើន គឺបណ្តាលមកពីការបើកបរលើសល្បឿនកំណត់,មិនប្រកាន់ស្តាំ,ជែងក្នុងស្ថានភាពគ្រោះថ្នាក់,បត់ឆ្វេង ស្តាំខ្វះការប្រុងប្រយ័ត្ននិងបើកបរក្នុងស្ថានភាពស្រវឹងជាដើម។

អនុគណៈកម្មការសុវត្ថិភាពចរាចរណ៍ផ្លូវគោកខេត្តសៀមរាប បានសម្តែងការសោកស្តាយចំពោះករណីគ្រោះថ្នាក់ចរាចរណ៍ ក្នុងខេត្តដែលបណ្តាលឲ្យមនុស្សស្លាប់និងរបួសជាច្រើននាក់ ព្រមទាំងខូចខាតសម្ភារៈយ៉ាងច្រើនផងដែរ។

អនុគណៈកម្មការសុវត្ថិភាពចរាចរណ៍ផ្លូវគោកខេត្ត បានសំណូមពរឲ្យបងប្អូន ប្រជាពលរដ្ឋទាំងអស់មេត្តា បង្កើនការប្រុងប្រយ័ត្ន និងគោរពច្បាប់ចរាចរឲ្យបានខ្ចាប់ខ្ចួន ដើម្បីបញ្ចៀសករណីគ្រោះតទៅទៀត៕SRP

ខេត្តសៀមរាប៖អំពើចោរកម្ម ហាក់បីកំរើកឡើងវិញនូវភូមិសាស្រ្តក្រុងសៀមរាប តែករណីនេះត្រូវបានសមត្ថកិច្ចបង្ក្រាបទាន់ពេលវេលាជាបន្តបន្ទាប់។

ជនសង្ស័យចំនួន ៣ នាក់ត្រូវបាននគរបាលផ្នែកព្រហ្មទណ្ឌ​ នៃអធិការដ្ឋាននគរបាលក្រុងសៀមរាប​ ឃាត់ខ្លួនពាក់ព័ន្ធនិងករណីអំពើលួចមានស្ថានទម្ងន់ទោស ( កាច់សោ​ កម៉ូតូ ) និងហិង្សាដោយចេតនា​។ ការឃាត់ខ្លួននៅថ្ងៃទី១៨ ខែតុលា ឆ្នាំ២០២២។

អធិការនគរបាលក្រុងសៀមរាបបានឲ្យដឹងថា ហេតុការណ៍លួចម៉ូតូបានកើតឡើងនៅថ្ងៃទី១៦ ខែតុលា ឆ្នាំ២០២២ វេលាម៉ោង០៨ព្រឹក នៅចំណុចក្បែរបន្ទប់ជួលក្នុងភូមិវិហារចិន សង្កាត់ស្វាយដង្គំ ក្រុងសៀមរាប។

ជនសង្ស័យឈ្មោះ​ សារឿន សំណាង ហៅជា ហៅរ៉ាន់ សល់ ហៅស្បែក បានធ្វើសកម្មភាពលួចម៉ូតូម៉ាកហុងដាឌ្រីម ស៊េរីឆ្នាំ២០០៨ ពណ៌ខ្មៅ បិទតែមប្រិ៍​ ស៊េរីឆ្នាំ២០២១ របស់ជនរងគ្រោះ រួចគេចខ្លួន។

ជនសង្ស័យបានឆ្លើយសារភាពថា ពិតជាបានលួចម៉ូតូពិតមែន និងបានលួចកាបូបប្រាក់ និងកំព្យូទ័រ របស់ប្រជាពលរដ្ឋ ព្រមទាំងធ្វើសកម្មភាពជាមួយបក្ខពួកឈ្មោះ​ សៀប កុសល់ ហៅតឿ និងឈ្មោះ ភន់ សុផល កាច់កលួចយកម៉ូតូក្នុងក្រុងសៀមរាប និងស្រុកសូទ្រនិគម ក្នុងពេលថ្មីៗនេះផងដែរ។

អធិការក្រុងសៀមរាបបានបន្តថា ករណីនេះសមត្ថកិច្ច
បន្ទាប់មកយើងបាននាំខ្លួនជនសង្ស័យឈ្មោះ ភន់ សុផល និងឈ្មោះសៀប កុសល់ ហៅតឿ មកសាកសួរ៖

ឈ្មោះ​ ភន់ សុផល បានឆ្លើយថា ខ្លួនពិតជាបានលួចកាច់សោ​ កម៉ូតូ ក្នុងក្រុងសៀមរាប ជាមួយបក្ខពួកឈ្មោះ​ សៀប កុសល់ ហៅតឿ និងឈ្មោះសារឿន សំណាង ហៅជា ហៅរាន់ សល់ ហៅស្បែក ចំណែកសោរកែច្នៃគឺរូបខ្លួនទិញពីមនុស្សប្រុសម្នាក់។

ឈ្មោះ​ សៀប កុសល់ ហៅតឿ បានឆ្លើយសារភាពថាៈខ្លួនពិតជាបានចូលរួមកាច់សោកលួចយកម៉ូតូ ដោយខ្ល្លួនជាអ្នកមើលផ្លូវ។​ ករណីនេះវត្ថុតាងដកហូតបានម៉ូតូ១គ្រឿង​។ បច្ចុប្បន្ន​ ជនសង្ស័យត្រូវបាន​បញ្ជូនទៅកាន់សាលាដំបូងខេត្តសៀមរាប​។ ចំណែក បក្សពួកដែលបានរត់គេចខ្លួន​ កម្លាំងកំពុងស្រាវជ្រាវតាមចាប់បន្ត​៕SRP