នៅព្រឹកថ្ងៃ៣រោច ខែពិសាខ ឆ្នាំជូត ទោស័ក ពុទ្ធសករាជ២៥៦៤ ត្រូវនឹងថ្ងៃទី៩ ខែឧសភា ឆ្នាំ ២០២០ ក្នុងពេលស្នាក់នៅស្រុក កំណើតផ្ទាល់នៃសពអ្នកឧកញ៉ាព្រឹទ្ធមហាឧបាសិកា ធម្ម ញ្ញាណ វិវឌ្ឍនា ប៊ុន ស៊ាងលី មាតាបង្កើតរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំង លោកជំទាវ ជាភរិយាថ្នាក់ដឹកមួយចំនួនបានអញ្ជើញរាប់បាត្រ ប្រគេនចង្ហាន់ និងបច្ច័យមួយចំនួនជូនសម្តេចឧត្តមបញ្ញា ដូង ផង់ រួមទាំង ព្រះភិក្ខុ សង្ឃ ចំនួន ៥៧អង្គ ដែលនិមន្តគោចរ បិណ្ឌ បាត្រតាមខ្នងផ្ទះ ក្នុងភូមិ២ ឃុំរកាខ្នុរ ស្រុកក្រូចឆ្មារ ខេត្ត ត្បូងឃ្មុំ។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានឧទ្ទិសកុសលកើតចេញពីទឹកចិត្ត ជ្រះ ថ្លា នេះ ជូនដល់ក្រុមគ្រួសារញាតិការសាច់សារលោហិត ព្រមជាមួយកូននិងចៅ ចៅទួតទាំងអស់បានលើកឧទ្ទិសដល់វិញ្ញាណក្ខន្ធ អ្នកឧកញ៉ាព្រឹទ្ធមហាឧបាសិកាធម្មញ្ញា វិវឌ្ឍនា ដែលបានទទួលមរណភាពដោយរោគជរាពាធ ក្នុង ជន្មាយុ៩៦វស្សា រយះពេល៦ថ្ងៃមកនេះ សូមវិញ្ញាណក្ខន្ធអ្នកឧកញ៉ាព្រឹទ្ធមហាឧបាសិកាធម្ម ញ្ញាណ វិវឌ្ឍនា បានយោងយិតទៅចាប់បដិសន្ធិ ក្នុងឋានបរមសុខសួគ៌ា ពិសេសបានរួចចាកផុតពីទុក្ខ ទោសផងទាំងពួង ចាប់តាំងពីពេលនេះតរៀង ទៅ កុំបីឃ្លាងឃ្លាតឡើយ។

សម្តេច ព្រះឧត្តមបញ្ញា និងភិក្ខុសង្ឍទាំង៥៧អង្គ បានចម្រើនពរជូនដល់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន លោកជំទាវ ជាកូន ចៅ ចៅទួត និង ញាតិមិត្តទាំងអស់ របស់អ្នកឧកញ៉ាព្រឹទ្ធ មហា ឧបាសិកា ធម្មញ្ញាណវិវឌ្ឍនា សូមមានសុខភាពល្អ បរិបូរណ៍ ពូលានុភាពមាំមួន ជន្មាយុយ៉ឺនយូរ បញ្ញាញាណភ្លឺថ្លា ដើម្បីបន្តស្ថិតនៅជាអ្នកដឹកនាំ និងជា ពុទ្ធ សានិកទ្រទ្រង់ព្រះពុទ្ធសាសនាជាយូរអង្វែងតរៀងទៅ និងមួយចំណែកទៀត សម្តេចព្រះឧត្តម បញ្ញា និងព្រះភិក្ខុសង្ឍទាំងអស់ ក៏បានលើកឧទ្ទិសដល់វិញ្ញាក្ខន្ធសពអ្នកឧកញ៉ាព្រឹទ្ធមហា ឧបាសិកា ធម្ម ញ្ញាណវិវឌ្ឍនា ប៊ុន ស៊ាងលី ដែលបានធ្វើកម្ម ករិយាពីលោកយើងនេះ ទៅកាន់លោកខាងមុខ នោះ ហើយ សូមវិញ្ញាណក្ខន្ធអ្នកឧកញ៉ា ព្រឹទ្ធមហា ឧបាសិកាធម្មញ្ញាណវិវឌ្ឍនា បានយោងយិតទៅចាប់ បដិសន្ធិលើសម្បត្តិសួរ និងបានរួចចាកផុតពីទុក្ខទោសផងទាំងពួង ចាប់តាំងតែពីថ្ងៃនេះតរៀងទៅ កុំបីឃ្លាងឃ្លាតដោយប្រការណាមួយចាប់តាំងពី ថ្ងៃតរៀងទៅ។

សូមបញ្ជាក់ថា នៅក្នុងឱកាសនៃិធីសាង ភ្នូសជាព្រះភិក្ខុសង្ឃបំបួសមុខភ្លើងគោរពសងគុណអ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា សាមណេរ​ ហ៊ុន ម៉ាណែត បាននិមន្តបិណ្ឌបាត្រ នៅតាមផ្ទះប្រជាពលរដ្ឋ ក្នុងភូមិ២ ឃុំរការខ្នុរ ស្រុកក្រូចឆ្មារ ខេត្ត ត្បូងឃ្មុំ ដែលជាភូមិកំណើតរបស់ អ្នកឧកញ៉ា ព្រឹទ្ធ មហាឧបាសិកាធម្មញ្ញាណវិវឌ្ឍនា។

ពិធីបួសមុខភ្លើងសងគុណ អ្នកឧកញ៉ាព្រឹទ្ធមហា ឧបាសិកាធម្មញ្ញាណវិវឌ្ឍនាគឺបានប្រតិបត្តិទៅតាមគន្លងនិងវិន័យព្រះពុទ្ឋសាសនា និងប្រពៃណីទំនៀមទម្លាប់ដ៏ល្អផូរផង់របស់ប្រទេសកម្ពុជាយើង៕SRP

ខេត្តព្រះវិហារ៖លោក សំ លាង ទ្រី ប្រធានមន្ទីរ សាធារណការ និងដឹកជញ្ជូនខេត្តព្រះវិហារ បាន ថ្លែងប្រាប់អ្នកសារព័ត៌មានថារង្វង់មូលស្រអែម ដែលកំពុងសាងសង់និងត្រូវបានផ្ដួចផ្ដើមដោយ លោកទេសរដ្ឋមន្ត្រីមាស សុភា លោកសួស យ៉ា រ៉ា អ្នកតំណាងរាស្ត្រមណ្ឌលព្រះវិហារនិងអាជ្ញាធរ ខេត្តព្រះវិហារ ដោយសាងសង់យកលំនាំតាម រចនាប័ទ្ម ប្រាសាទព្រះវិហារនឹងអាចរួចរាល់ សប្ដាហ៍ក្រោយឬយ៉ាងយូរពីរសប្ដាហ៍ទៀត។
លោកសំ លាងទ្រី បានបន្ថែមថាមន្ទីរសាធារណការនិងដឹកជញ្ជូនខេត្តនៅមិនទាន់ទទួលបាន គោលការណ៍រៀបចំពិធីសម្ពោធដាក់ឱ្យដំណើរការ នៅឡើយដោយសារកម្ពុជាកំពុងប្រយុទ្ធនឹងជំងឺ កូវីដ–១៩ ខណៈដំណើរការសាងសង់ជិតរួចរាល់ ១០០%ហើយ។
សូមរម្លឹកផងដែរថាលោកទេសរដ្ឋមន្ត្រី មាស សុភា បានថ្លែង នូវការកោតសរសើរ ដល់អាជ្ញាធរខេត្ត ព្រះវិហារមន្ទីរ អង្គភាពពាក់ព័ន្ធក៏ដូចជាអាជ្ញាធរ មូលដ្ឋាននិងសប្បុរសជននានាដែលបានបរិច្ចាគ ទ្រព្យធននិងថវិកាចូលរួមកសាងសមិទ្ធផលថ្មីនេះ ។ទន្ទឹមនិងនេះលោកក៏បានឧបត្ថម្ភថវិកាលើកទឹកចិត្តនិងធ្វើការណែនាំឲ្យក្រុមជាងសាងសង់ត្រូវ យកចិត្តទុកដាក់ខិតខំធ្វើការដើម្បីធ្វើយ៉ាងណាឲ្យ ដំណើរការសាងសង់រង្វង់មូលស្រអែមនេះបាន រួចរាល់។

រចនាប័ទ្មរង្វង់មូលនេះយកតាមលំនាំសំណង់យកប្រាសាទព្រះវិហារប្រមាណ៧៥%នៃតួប្រាសាទ ទាំងមូល។ ចំពោះខ្ទង់ចំណាយសាងសង់មាន ប្រមាណជាង១០ម៉ឺនដុល្លារសហរដ្ឋអាមេរិក បាន មកពីការចូលរួមរបស់សប្បុរសជនសុទ្ធសាធ ដោយមិនមានការចំណាយថវិការដ្ឋឡើយ។

រង្វង់មូលនេះត្រូវសាងសង់ឡើងដោយមានអង្កត់ផ្ចិត៤០ម៉ែត្រ រូបសំណាក់គោបូរៈ ទី៥នៃប្រាសាទ ព្រះវិហារ ខ្នាត១លើ២៥ស្មើនឹង៧៥% នៃតួ ប្រាសាទព្រះវិហារ ដើមមានរូបនាគ២ហើយនៅ លើរង្វង់មូលនេះក៏នឹងមានការដាំស្មៅផ្កានិង ដើមឈើលម្អយ៉ាងស្រស់ស្អាតផងដែរ។ មន្ទីរ សាធារណការ និងដឹកជញ្ជូនខេត្តព្រះវិហារជា អ្នកទទួលខុសត្រូវក្នុងការសាងសង់ទាំងស្រុង។

សមិទ្ធផលថ្មីនេះបន្ទាប់ពីផ្លូវភ្លោះនិងបុស្បុក លោកតាសួងដែលមានលោកអ៊ុន ចាន់ដា ជា អតីត អភិបាលខេត្តផ្ដួចផ្ដើមនាពេលកន្លងមក។ ការសង់រង្វង់មូលនេះក្នុងគោលបំណងកែលំអ សោភ័ណភាពទីប្រជុំជនមួយនេះឲ្យកាន់តែស្រស់ ស្អាតទាក់ទាញភ្ញៀវទេសចរជាតិ-អន្តរជាតិ ទៅ កម្សាន្តនៅរមណីយដ្ឋាន វប្បធម៌ ប្រវត្តិសាស្ត្រ ប្រាសាទព្រះវិហារកាន់តែច្រើនឡើង។

សូមបញ្ជាក់ថារង្វង់មូលនេះបានធ្វើពិធីបែប សាសនាក្រុងពាលីបញ្ចុះបឋមសិលាសាងសង់ កាលពីរសៀលថ្ងៃទី១១ខែធ្នូឆ្នាំ២០១៨កន្លងមក ក្រោម អធិបតីភាពលោកមាស សុភា ទេសរដ្ឋមន្ត្រី ប្រធានក្រុមការងារថ្នាក់ជាតិចុះជួយខេត្ត ព្រះវិហារ៕SRP

ភ្នំពេញ៖ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃសម្ដេចក្រឡាហោម ស ខេង បានលើកឡើងថាថ្ងៃម្សិលមិញនេះក្នុងនាមជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោកខ្ញុំបានដឹកនាំកិច្ចប្រជុំដ៏សំខាន់មួយស្តីពីការត្រួតពិនិត្យការរឹតបន្តឹងអនុវត្តច្បាប់ចរាចរណ៍ផ្លូវគោកដែលមានរយៈពេលមួយសប្តាហ៍កន្លងមក។

សម្ដេចស ខេង បានបញ្ជាក់ថាលទ្ធផលគួរកត់សម្គាល់ក្នុងរយៈពេលមួយសប្តាហ៍នេះ គឺគ្រោះថ្នាក់ចរាចរណ៍ និងការស្លាប់បាត់បង់ជីវិតដោយគ្រោះថ្នាក់ចរាចរណ៍នេះ មានការថយចុះបើប្រៀបធៀបរយៈពេលមួយសប្តាហ៍ចុងក្រោយមុនមានការរឹតបន្តឹងអនុវត្តច្បាប់ចរាចរណ៍ផ្លូវគោកនេះ។

រដ្ឋមន្ត្រី្មមហាផ្ទៃបានបន្តថាខ្ញុំសូមថ្លែងអំណរគុណដល់បងប្អូនជនរួមជាតិទាំងអស់ដែលបានចូលរួមគោរពអនុវត្តច្បាប់ចរាចរណ៍ផ្លូវគោក និងកងកម្លាំងមានសមត្ថកិច្ច ក៏ដូចជាមន្ត្រីពាក់ព័ន្ធទាំងអស់ ដែលបានអនុវត្តភារកិច្ចរបស់ខ្លួនបានល្អប្រសើរ។ ជាពិសេសខ្ញុំសូមថ្លែងអំណរគុណដ៏ជ្រាលជ្រៅចំពោះបងប្អូនជនរួមជាតិដែលបានផ្ញើសារ និងការបញ្ចេញមតិនៅក្នុងផេកហ្វេសប៊ុករបស់ខ្ញុំផ្ទាល់តែម្តង ដែលសុទ្ធតែជាសារ និងមតិប្រកបដោយខ្លឹមសារចូលរួមស្ថាបនានិងកែលំអរ។

បើតាមការលើកឡើងរបស់សម្ដេចរដ្ឋមន្ត្រីមហាផ្ទៃ ខ្ញុំសូមលើកទឹកចិត្តដល់បងប្អូនជនរួមជាតិបន្តចូលរួមផ្តល់ជាមតិយោបល់ក្នុងន័យស្ថាបនានិងកែលំអរថែមទៀតដើម្បីបន្តការអនុវត្តច្បាប់ចរាចរណ៍ផ្លូវគោកឲ្យកាន់តែល្អប្រសើរឡើងគឺមានន័យថាអត្រាគ្រោះថ្នាក់ចរាចរណ៍នឹងកាន់តែថយចុះ ចំនួនអ្នកស្លាប់កាន់តែតិច សណ្តាប់ធ្នាប់សាធារណៈកាន់តែមានរបៀបរៀបរយល្អប្រសើរ សមជាប្រទេសកម្ពុជា និងប្រជាពលរដ្ឋខ្មែរ ជាប្រជាជាតិស៊ីវិល័យ៕SRP

ខេត្តសៀមរាប៖សមត្ថកិច្ចបានឲ្យដឹងថារថយន្តមួយគ្រឿងត្រូវបានជនមិនស្គាល់មុខលួចដុត ហើយរត់គេចខ្លួនបាត់។ហេតុការណ៍បានកើតឡើងនៅវេលាម៉ោង២២និង០០នាទីថ្ងៃទី០៨ខែឧសភាឆ្នាំ២០២០នៅចំណុចភូមិត្រពាំងសេះ សង្កាត់គោកចក ក្រុងសៀមរាប។

សមត្ថកិច្ចបានបញ្ជាក់ថារថយន្តដែលរងការលួចដុតពីជនសង្ស័យ ម៉ាកស្តារិចពណ៌សស្លាកលេខ ភ្នំពេញ 2J 2544 ម្ចាស់រថយន្ត ឈ្មោះ អ៊ីវ វិត្រាវុធ ភេទប្រុស អាយុ២៥ឆ្នាំ មុខរបរលក់ដូរ ស្នាក់នៅកន្លែងកើតហេតុខាងលើ។ ជុំវិញករណីនេះសមត្ថកិច្ចបានកំពុងតែស្រាវជ្រាវតាមចាប់ជនសង្ស័យមកផ្ដន្ទាទោសតាមផ្លូវច្បាប់ផងដែរ៕SRP

ខេត្តកំពង់ចាម​៖លោក​អ៊ុន ចាន់ដា អភិបាលខេត្តកំពង់ចាម​ រួមដំណើរជាមួយ លោក​ខ្លូត ផន ប្រធានក្រុមប្រឹក្សាព្រមទាំងថ្នាក់ដឹកនាំមន្ត្រីរាជការ ក្រោមឱវាទនៅព្រឹកមិញនេះបានអញ្ជើញនាំយក​ចង្ហាន់​ ទេយ្យទាន និងបច្ច័យ ចំនួន​១០លានរៀល​ ប្រគេនព្រះតេជគុណ​ ហ៊ុន​ ម៉ាណែត​ ដេីម្បីចូលរួមកសាងសមិទិ្ធផលនានា​ លេីកកម្ពស់វិស័យពុទ្ធសាសនា នៅក្នុង​វត្តអម្ពរវ័ន្ត ហៅវត្តស្វាយដំណាក់​ ស្ថិតនៅក្នុងឃុំជីនីក​ ស្រុកក្រូចឆ្មារ​ ខេត្ត​ត្បូងឃ្មុំ​។​

គួរ​រំលឹក​​ផង​ដែរថា​ លោកឧត្តមសេនីយ៍ឯក ហ៊ុន ម៉ាណែត ជាបុត្រច្បងរបស់សម្តេចតេជោ ហ៊ុន សែន កាលពីរសៀលថ្ងៃទី០៥ ខែឧសភា ឆ្នាំ២០២០កន្លងទៅ​ថ្មីៗ​នេះ លោក​ត្រូវ​បាន​ជ្រើសរើស​ឲ្យ​កោរសក់បួសមុខភ្លើង តំណាង​ឲ្យ​គ្រួសារ​នៃ​សព​ ដើម្បីសងគុណ និងឧទ្ទិសកុសលផលបុណ្យជូនវិញ្ញាណក្ខន្ធលោកយាយព្រឹទ្ធមហាឧបាសិកា ធម្មញ្ញាណវិវឌ្ឍនា ប៊ុន ស៊ាងលី ដែលជាមាតាក្មេកសម្តេច​តេជោ ហ៊ុន សែន និង​ជា​មាតាបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន៕SRP

ខេត្តសៀមរាប៖បុរស០២នាក់ត្រូវបានចាប់ខ្លួននៅស្រុកជីក្រែងដោយកម្លាំងអាវុធហត្ថ។
ហេតុការណ៍បានកើតឡើងវេលាម៉ោង ០៩និង៣០នាទី ថ្ងៃទី០៨ខែឧសភានេះនៅចំណុច ភូមិស្តៅ ឃុំអន្លង់សំណរ ស្រុកជីក្រែង ខេត្តសៀមរាប។
ជនសង្ស័យ០១ឈ្មោះ លីញ ប៊ី ភេទប្រុស អាយុ១៨ឆ្នាំ រស់នៅភូមិព្រែកអង្គរថ្មី ឃុំអន្លង់សំណរ ស្រុកជីក្រែង០២- ឈ្មោះ ម៉ន សីហា ភេទប្រុសអាយុ ១៩ឆ្នាំ រស់នៅភូមិត្រពាំងត្រស់ ឃុំអន្លង់សំណរ ស្រុកជីក្រែង។
អាវុធហត្ថស្រុកជីក្រែងថាករណីនេះដកហូតវត្ថុតាងរួមមានម្ស៉ៅគ្រេីមថ្លាពណ៌សរ ចំនួន១៩កញ្ចប់(ធំ១កញ្ចប់តូច ១៨កញ្ចប់)ទូរស័ព្ទដៃ ម៉ាកHUAWEI ចំនួន ០១គ្រឿង។ជនសង្ស័យ និងវត្ថុតាងបានបញ្ជូនទៅការិយាល័យប្រឆាំងគ្រឿងញៀន អាវុធហត្ថខេត្តសៀមរាប បន្តតាមនីតិវិធី៕SRP

ខេត្តសៀមរាប៖ទីតាំងអារឈើខុសច្បាប់មួយកន្លែងត្រូវបានសមត្ថកិច្ចខេត្តសៀមរាបចុះបង្ក្រាប។ហេតហេតុការណ៍បានធ្វើឡើងនៅវេលាម៉ោង០៣រសៀល ថ្ងៃ​ទី​០៨ខែឧសភាឆ្នាំ២០២០នេះ ដោយកម្លាំងអាវុធហត្ថខេត្តសៀមរាប និងដឹក​នាំ​ដោយ​លោក​ វរសេនីយ៍ឯក​ សេង​ វុទ្ធី​ មេ​បញ្ជាការ​រង​សហការ​ជាមួយ​ កម្លាំងអាវុធហត្ថផ្ទៃប្រទេសដឹក​នាំ​ដោយ​លោក​ វរសេនីយ៍ឯក​ ភឿក​ ភារម្យ​ និងលោក​ ម៉ុង​ ប៊ុន​លីម​ នាយ​ខណ្ឌ​រដ្ឋាភិបាល​ព្រៃឈើ​ខេត្ត​សៀមរាប​ សម្របសម្រួល​ដោយ​លោក​ ​ កេីត​ វណ្ណា​រ៉េត​ ព្រះព្រះរាជអាជ្ញាខេត្តសៀមរាប។
ទីតាំងដែលសមត្ថកិច្ចចុះបង្ក្រាបនេះនៅ​ ភូមិ​ខ្នា​ សង្កាត់​ជ្រាវ​ ក្រុង​សៀមរាប​ ខេត្ត​សៀមរាប​។
សមត្ថកិច្ចដឹងថាប្រតិបត្តិការនេះរកឃើញវត្ថុ​តាង​ម៉ាសីុនរ៉ៃចំនួន០២គ្រឿង ឈើប្រភេទលេខ១ចំនួន៣៦ដំុស្មេីនិង ១,៥៧៧ម៉ែត្រគូប បានប្រគល់អោយខណ្ឌរដ្ឌបាលព្រៃឈេីខេត្តសៀមរាបដើម្បីបន្តនិតិវិធី។ទោះយ៉ាងណាសមត្ថកិច្ចមិនទាន់បញ្ជាក់អត្តសញ្ញាណម្ចាស់ទីតាំងអាឈើនៅឡើយទេ៕SRP

ខេត្តសៀមរាប៖លោកទៀ សីហា អភិបាលខេត្ត នៅថ្ងៃទី០៧ខែឧសភាម្សិលមិញបានដឹកនាំក្រុមការងារចុះពិនិត្យមើលការសាងសង់ផ្លូវមួយខែ្សប្រវែង២ ៣៤៥ម៉ែត្រ ឆ្លងកាត់ភូមិចំនួន៣ គឺភូមិកន្ត្រក,គោកក្រសាំង និងភូមិភ្ញាជ័យ នៅក្នុងសង្កាត់ស្វាយដង្គំ។ ក្នុងនោះអភិបាលខេត្តក៏បានពិនិត្យសកម្មភាពក្នុងការរុះរើក្លោងទ្វារ របងសង្ក័សី ដោយស្ម័ត្រចិត្តរបស់ម្ចាស់ដីគម្រោងអភិវឌ្ឍន៍ នៅភូមិកន្ត្រក ផងដែរ។

លោកនួន ពុទ្ធារ៉ា អភិបាលក្រុងសៀមរាប បានឲ្យដឹងថា ផ្លូវមួយខ្សែនេះជាគម្រោងរបស់សាលាក្រុង ដែលបានកំពុងដំណើរការអនុវត្តក្នុងការសាងសង់ផ្លូវ ដែលឆ្លងកាត់ភូមិកន្ត្រក គោកក្រសាំង និង ភូមិភ្ញាជ័យ តភ្ជាប់នឹងផ្លូវវាងក្រុង ក្នុងភូមិគ្រួស ត្រង់ចំណុចជាប់ផ្លូវចូលសាលាសង្កាត់ស្វាយដង្គំ ដែលមានប្រវែង២ពាន់៣៤៥ម៉ែត្រ។

លោកបានបញ្ជាក់ផងដែរថា ក្នុងប្រវែងផ្លូវ២ ៣៤៥ម៉ែត្រនេះ ក៏មានការបរិចាករបស់សប្បុរសជន(ម្ចាស់គម្រោងអភិវឌ្ឍន៍)មានប្រវែង ១ ៣៧០ម៉ែត្រ ដោយបានធ្វើការចាក់ក្រាកកៅស៊ូ DBSTប្រវែង៨៣០ម៉ែត្រទទឹង៧ម៉ែត្រនិងក្រាលគ្រួសក្រហម៥៤០ម៉ែត្រទទឹង១០ម៉ែត្រ និង ដោយមានការពង្រីកផ្លូវទៅតាមទំហំ បានកំណត់របស់គណៈកម្មរដ្ឋបាលក្រុង។

ជាមួយគ្នានេះលោក សូត្រ សុមុន្នី ម្ចាស់ដីគម្រោងអភិវឌ្ឍន៍ គាត់បានយល់ព្រមដោយស្ម័គ្រចិត្តរុះរើរបងស័ង្កសីបណ្ដាយប្រវែង ៦១២ម៉ែត្រ កម្ពស់ ២ម៉ែត្រមុនគេ បន្ទាប់ពីអាជ្ញាធរមូលដ្ឋានបានជូនដំណឹង។

សូមបញ្ជាក់ថាផ្លូវប្រវែង១ពាន់៣៧០ម៉ែត្រនេះ គឺត្រូវបានលោក សូត្រ សុមុន្នី ទិញពីប្រជាពលរដ្ឋ ដើមី្បបើកធ្វើផ្លូវចូលទៅក្នុងតំបន់គម្រោងអភិវឌ្ឍន៍របស់ខ្លួន។ដោយពេលនេះដើមី្បបំពេញតម្រូវការចាំបាច់របស់រដ្ឋ លោកបាន បរិច្ចាកដីផ្លូវនេះ ដាក់ជាសម្បត្តិសាធារណៈវិញ។ លោកទៀ សីហា ក៏បានសម្តែងនូវអំណរគុណចំពោះលោក សូត្រ សុមុន្នី ដែលបានចូលរួមនៅក្នុងសកម្មភាពអភិវឌ្ឍន៍របស់សាលាក្រុងសៀមរាប។ដោយនេះក៏ជាសកម្មភាពគំរូមួយដែលរដ្ឋបាលក្រុង និង អាជ្ញាធរគ្រប់លំដាប់ថ្នាក់ សូមសំដែងការកោតសរសើរ នូវការវិការដ៏សប្បុរសនេះ ក្នុងការចូលរួមអភិវឌ្ឍន៍ជាមួយរាជរដ្ឋាភិបាលសំខាន់ក្នុងកិច្ចអភិវឌ្ឍន៍ទីក្រុងប្រវត្តិសាស្ត្រមួយនេះ។

លោកអភិបាលខេត្តក៏បានសំណូមពរដល់បងប្អូនប្រជាពលរដ្ឋ ប្រើប្រាស់ផ្លូវនិងរស់នៅអមសង្ខាងផ្លូវទាំងអស់ ត្រូវចូលរួមថែរក្សាក្នុងការប្រើប្រាស់ផ្លូវឲ្យបានយូរអង្វែងផងដែរ៕SRP

ខេត្តសៀមរាប៖ស្ត្រីម្នាក់បានចងកសម្លាប់ខ្លួនបង្កឱ្យមានការភ្ញាក់ផ្អើល។
ហេតុការណ៍បានកើតឡើងវេលាម៉ោង០៨ព្រឹកថ្ងៃទី០៨ ខែឧសភា ឆ្នាំ២០២០នេះ នៅចំណុចភូមិដំដែកផ្សារ ឃុំដំដែក ស្រុកសូទ្រនិគម ខេត្តសៀមរាប។
សមត្ថកិច្ចបានដឹងថាជនរងគ្រោះឈ្មោះឆម ម៉ា ភេទស្រី អាយុ៦៤ឆ្នាំ ទីលំនៅភូមិ ឃុំកើតហេតុខាងលើ។បើតាមសមត្ថកិច្ច មូលហេតុ ជនរងគ្រោះ
មានជម្ងឺប្រចាំកាយ។ តាមការពិនិត្យ ធ្វើកោសល្យវិច្ច័យ របស់មន្ត្រីជំនាញ មិនមានស្លាកស្នាមអ្វី ពាក់ព័ន្ធនិងបទល្មើសឡើយ៕SR

ភ្នំពេញ៖សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៅព្រឹកមិញបានអញ្ជើញដឹកនាំកិច្ចប្រជុំអន្តរក្រសួងស្ដីពីការដោះស្រាយការកកស្ទះសំណុំរឿង និងភាពចង្អៀតណែនក្នុងពន្ធនាគារ។

កិច្ចប្រជុំនេះ មានការអញ្ជើញចូលរួមពីឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ ព្រមទាំង ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ និងអគ្គនាយក នៃក្រសួងមហាផ្ទៃ និងក្រសួងយុត្តិធម៌។

អញ្ជើញមានប្រសាសន៍បើកកិច្ចប្រជុំ សម្ដេចក្រឡាហោម មានប្រសាសន៍ថា កិច្ចប្រជុំអន្តរក្រសួងនាថ្ងៃនេះ គឺឆ្លើយតាមសំណើរពីឯកឧត្តមរដ្ឋមន្ត្រីក្រសួងយុត្តិធម៌ ពាក់ព័ន្ធនឹងភាពចង្អៀតណែនក្នុងពន្ធនាគារ និងការកកស្ទះសំណុំរឿង។

សម្ដេចក្រឡាហោមបានបន្តថាក្នុងស្ថានភាពនៃការប្រឈមមុខនឹងវិបត្តិកូវីដ-១៩ ថ្វីដ្បិតថាមានបណ្ដាប្រទេសមួយចំនួនបានសម្រេចដោះលែងអ្នកទោសខ្លះ ប៉ុន្តែនៅកម្ពុជា ស្ថានភាពមិនទាន់ឈានដល់ដំណាក់កាលនេះនៅឡើយទេ។

យុទ្ធនាការដោះស្រាយការកកស្ទះសំណុំរឿង និងភាពចង្អៀតណែនក្នុងពន្ធនាគារគឺជាកិច្ចសំខាន់បំផុតមួយរបស់ក្រសួងមហាផ្ទៃ និងក្រសួងយុត្តិធម៌ ទន្ទឹមនឹងយុទ្ធនាការប្រយុទ្ធប្រឆាំងគ្រឿងញៀនខុសច្បាប់។

ប៉ុន្មានឆ្នាំចុងក្រោយនេះ បទល្មើសគ្រឿងញៀនបានស្ថិតក្នុងភាគរយខ្ពស់ជាងគេ ធៀបនឹងបទល្មើសផ្សេងៗដែលបានបញ្ជូនមកតុលាការ ខណៈបទល្មើសនេះក៏មិនត្រូវបានអនុញ្ញាតឱ្យស្នើសុំលើកលែង និងបន្ធូរបន្ថយទោសដែរ៕SRP

ខេត្តសៀមរាប៖សមត្ថកិច្ចបានរាយការណ៍ថាស្ត្រីម្នាក់បានដេកស្លាប់នៅផ្ទះរបស់ខ្លួនបង្កឲ្យមានការភ្ញាក់ផ្អើល។ហេតុការណ៍បានកើតឡើងនៅវេលាម៉ោង០៨និង៣០នាទីថ្ងៃទី០៨ខែឧសភាឆ្នាំ២០២០នៅចំណុចភូមិប្រាសាទឃុំជប់តាត្រាវ ស្រុកអង្គរធំ ខេត្តសៀមរាប។

សមត្ថកិច្ចបានបញ្ជាក់ថាជនរងគ្រោះឈ្មោះរាំង.អឿនភេទស្រីអាយុ២៧ឆ្នាំ រស់នៅភូមិ ឃុំខាងលើ។ ករណីសមមត្ថកិច្ចបានបន្តថាស្ត្រីដែលបានដេកស្លាប់មូលហេតុ រោគគាពាធ។តាមការពិនិត្យ ធ្វើកោសល្យវច្ច័យ របស់មន្ត្រីជំនាញ ឃើញថាពុំមានស្លាកស្នាមអ្វី ពាក់ព័ន្ធនិងបទល្មើសឡើយ៕SRP

ខេត្តសៀមរាប៖សមត្ថកិច្ចបានរាយការណ៍ថាបុរសម្នាក់បានដេកស្លាប់នៅវេលាម៉ោង១១និង១០នាទីថ្ងៃទី០៨ខែឧសភាឆ្នាំ២០២០។ ហេតុការបានកើតឡើងនៅភូមិអូររូង ឃុំពង្រក្រោម ស្រុកជីក្រែង។ជនរងគ្រោះឈ្មោះ ឃន ឃត់ ភេទប្រុសអាយុ៤២ឆ្នាំ រស់នៅភូមិ ឃុំកើតហេតុខាងលើ។សមត្ថកិច្ចថាតាមការបំភ្លឺរបស់សាច់ញ្ញាតិ ជនរងគ្រោះស្រវឹងស្រាជាប្រចាំ អត់ហូបបាយបណ្តាលអោយខ្យល់គរស្លាប់តែម្ដង៕SRP