ខេត្តសៀមរាប៖ក្មេងប្រុសមានអាយុទើបតែ០៤ឆ្នាំ ត្រូវបានខ្សែភ្លើងឆក់ បណ្ដាលឲ្យស្លាប់យ៉ាងអាណោចអាធ័ម។ហេតុការណ៍បានកើឡើងនៅវេលាម៉ោងប្រហែល០៩ព្រឹកថ្ងៃទី១៧ខែកក្កដាឆ្នាំ២០២០ចំណុចផ្ទះការ៉ាស់សាំងស្ថិតក្នុងក្រុមទី២ភូមិចំបក់ហែ ឃុំពួក ស្រុកពួក ខេត្តសៀមរាប។

សមមត្ថកិច្ចបានឲ្យដឹងថាជនរងគ្រោះឈ្មោះ ប៉េង សារ:នាត ភេទប្រុសអាយុ៤ឆ្នាំ (ក្នុងបន្ទុក),ឪពុកឈ្មោះ ប៉ាត មករា អាយុ៤០ឆ្នាំ មុខរបរលក់សាំង, ម្ដាយឈ្មោះ លាង សាវិញ អាយុ២៩ឆ្នាំ មុខរបរគ្រូបង្រៀន រស់នៅ ភូមិ-ឃុំកើតហេតុ។

សមត្ថកិច្ចបានបន្តថាក្រោយទទួលសេចក្ដីរាយការណ៍ នគរបាលផ្នែកបច្ចេកទេសស្រុក និងនគរបាលប៉ុស្តិ៍ បានចុះស្រាវជ្រាវ ពិនិត្យដល់កន្លែងកើតហេតុចំណុចឆក់)ជាតុដែកសម្រាប់ដាក់ប្រេងម៉ាស៊ីនលក់,កំពស់២ម៉ែត្រ,និងមានខ្សែភ្លើងត.ជាប់អំពូលម៉ែត្រចំនួន២អំពូល(អំពូលមូល១,អំពូលមែត្រវែង១)។ សមត្ថកិច្ចពិនិត្យឃើញសង្ស័យចំណុចខ្សែភ្លើងត.ភ្ជាប់អំពូលវែងមានកូដរលាត់ស្រោម.ខ្លោចជាប់តុដែក។

ការពិនិត្យសពជនរងគ្រោះឃើញមានផ្នែកអវយ:វមានស្លាកស្នាមរលាកចំណុចកដៃឆ្វេង១កន្លែង,រលាកកន្លាក់ដៃឆ្វេង១កន្លែង, រលាកដើមដៃស្មាខាងស្ដាំ១កន្លែង,ផ្នែកក្បាល: គ្មានស្លាកស្នាម។

តាមការបំភ្លឺរបស់ឈ្មោះប៉ាត មករា ជាឪពុកជនរងគ្រោះបានឲ្យដឹងថានៅល្ងាចថ្ងៃទី១៦ខែកក្កដាឆ្នាំ២០២០រូបគាត់បានចាប់អំពូលដែលដាក់ជាប់និងតុដែក(តុដែកឆក់)ពេលនោះគាត់សង្ស័យមានការចំលងឆក់ពីខ្សែភ្លើង,តែរូបគាត់បានដកតែឌុយខ្សែភ្លើងអំពូលមូលមួយតែប៉ុណ្ណោះ,ឯខ្សែអំពូលភ្លើងមួយទៀតជាប់តុដែកដែរ(អំពូល២) មិនបានដកខ្សែភ្លើងទេ។

ជាក់ស្ដែងនៅព្រឹកកើតហេតុគាត់បានចេញពីផ្ទះ ​ចំណែកប្រពន្ធនៅផ្ទះមើលកូនប្រុស២នាក់ លុះក្រោយមកស្រាប់តែប្រពន្ធគាត់តេទូរស័ព្ទប្រាប់ថាកូនប្រុសបង(សព)ត្រូវខ្សែភ្លើងឆក់ចំណុចតុដែកដាក់ប្រេងម៉ាស៊ីន។រូបគាត់បានទៅទាន់កូននៅមន្ទីរពេទ្យបង្អែកពួក ខណ:បន្តជូនសង្គ្រោះទៅមន្ទីរពេទ្យបង្អែកខេត្ត ពេលទៅដល់ពេទ្យខេត្តគ្រូពេទ្យពិនិត្យនិងប្រាប់ថា កូនគាត់ផុតដង្ហើមស្លាប់បាត់ទៅហើយ ក៏បានជូនកូនមកផ្ទះវិញ។

ការសន្និដ្ឋានឪពុកម្ដាយសពថាពិតជាស្លាប់ដោយខ្លួនឯងមូលហេតុ ការធ្វេសប្រហែសលើការត.ភ្ជាប់ប្រព័ន្ធខ្សែភ្លើងក្នុងផ្ទះ។សមត្ថកិច្ចសន្និដ្ឋានថាហេតុការណ៍ខ្សែភ្លើងឆក់បណ្ដាលឲ្យស្លាប់ពុំពាក់ព័ន្ធបទឃាតកម្ម។សពរងគ្រោះប្រគល់ជូនឪពុក.ម្ដាយធ្វើបុណ្យតាមប្រពៃណី៕SRP

ខេត្តសៀមរាប៖សមត្ថកិច្ចបានឲ្យដឹងថាបុរសម្នាក់ រអិលជេីងធ្លាក់ចូល ទឹកស្រះ បណ្តាលឲ្យលង់ស្លាប់។

ហេតុការណ៍បានកើតឡើងនៅល្ងាចថ្ងៃទី១៦ខែកក្កដម្សិលមិញនៅភូមិទ័ពសៀម ឃុំគោកធ្លកក្រោម ស្រុកជីក្រែង ខេត្តសៀមរាប។ ជនរងគ្រោះកាន់ កោន អាយុ៤៤ឆ្នាំbមានទីលំនៅភូមិ ឃុំកេីតហេតុខាងលេី។

បើតាមសមត្ថកិច្វបញ្ជាក់ថាមូលហេតុតាមការបំភ្លឺអ្នករស់នៅ
ជិតខាង និងមានការធ្វេី កោសល្យពិច័យ  របស់សមត្ថកិច្ចជំនាញ« ជនរងគ្រោះ បានរអិលជេីងធ្លាក់ចូលទឹកស្រះ»បណ្តាលឲ្យ លង់ទឹកស្លាប់ប្រាកដមែន៕SRP

ខេត្តសៀមរាប៖មន្ត្រីអាជ្ញាធរជាតិអប្សរា បានប្រកាសចាត់វិធានការតាមផ្លូវច្បាប់ ចំពោះបុគ្គលមួយរូប ដែលបានប្រកាសលក់ដីក្នុងតំបន់រមណីយដ្ឋានតាម Facebook ប្រសិនបើមិនបញ្ឈប់សកម្មភាពរបស់ខ្លួន។

តាមរយ:Pageផ្លូវការ របស់អាជ្ញាធរជាតិអប្សរា ដែលបានបង្ហោះកាលពីថ្ងៃទី១៥ខែកក្កដា បញ្ជាក់ថា ដើម្បីអនុវត្តគោលការណ៍ច្បាប់ក្នុងកិច្ចការអភិរក្ស និងអភិវឌ្ឍន៍រមណីយដ្ឋានអង្គរ ប្រកបដោយចីរភាព អាជ្ញាធរជាតិអប្សរាសូមធ្វើការអំពាវនាវដល់បុគ្គល ដែលមានគណនីហ្វេសប៊ុក Choch Choub និងបុគ្គលផ្សេងទៀត ដែលកំពុងតែប្រកាសលក់ដីធ្លីក្នុងតំបន់រមណីយដ្ឋានអង្គរ តាមប្រព័ន្ធទំនាក់ទំនងសង្គម ឲ្យបញ្ឈប់នូវសកម្មភាពរបស់ខ្លួនជាបន្ទាន់។

ក្នុងករណី មិនព្រមបញ្ឈប់សកម្មភាពនេះទេ អាជ្ញាធរជាតិអប្សរានឹងចាត់វិធានការទៅតាមផ្លូវច្បាប់ជាធរមាន។  ម្យ៉ាងទៀត ដេីម្បីបង្ការការខូចខាតផលប្រយោជន៍របស់សាធារណជន ដែលកេីតឡេីងពីការទិញដីធ្លីក្នុងតំបន់រមណីយដ្ឋានអង្គរ អាជ្ញាធរជាតិអប្សរាក៏សូមអំពាវនាវផងដែរ ដល់សាធារណជនដែលមានបំណងទិញដីធ្លីក្នុងតំបន់នេះ សូមកុំទិញឱ្យសោះ និងសូមធ្វើការទំនាក់ទំនងមកកាន់អាជ្ញាធរជាតិអប្សរា បេីមានចម្ងល់ទាំងឡាយណាពាក់ព័ន្ធនឹងការគ្រប់គ្រងដីធ្លីក្នុងតំបន់រមណីយដ្ឋានអង្គរតាមលេខទូរសព្ទ ០៩២ ៨៩ ៩៩ ៦៦។

បើតាមPageអាជ្ញាធរបញ្ជាក់ថា ដីធ្លីក្នុងតំបន់រមណីយ ដ្ឋានអង្គរ គឺជាតំបន់មានស្ថានីយបុរាណវត្ថុសំខាន់ៗដែលត្រូវការកិច្ចការពារ កម្រិតខ្ពស់បំផុត (តំបន់១) និងជាតំបន់សម្បូរសំណល់បុរាណវត្ថុ ដែលត្រូវការពារទប់ទល់នឹងការប្រេីប្រាស់ដីធ្លីផ្តេសផ្តាសនិងការអភិវឌ្ឍន៍មិនសមស្រប(តំបន់២)។ ការលក់ទិញដីធ្លីក្នុងតំបន់នេះ គឺផ្ទុយនឹងច្បាប់ដែលមានចែងក្នុងព្រះរាជក្រឹត្យលេខ០០១ ន.ស ចុះថ្ងៃទី២៨ ខែឧសភា ឆ្នាំ១៩៩៤ ស្តីពីការកំណត់ និងការចាត់ចែងគ្រប់គ្រងតំបន់សៀមរាបអង្គរ និងសេចក្តីសម្រេចលេខ៧០ សសរ ចុះថ្ងៃទី១៦ ខែវិច្ឆិកា ឆ្នាំ២០០៤ របស់រាជរដ្ឋាភិបាល ស្តីពីការកំណត់បទដ្ឋាននៃការប្រើប្រាស់ដីធ្លីនៅតំបន់១ និងតំបន់២៕SRP

ខេត្តកំពង់ចាម៖ព្រះសីលសំវរ ប៊ត តាំងឆេង ព្រះនាគមុនីមេគណខេត្តកំពង់ចាម បានដឹកនាំព្រះមន្ត្រីសង្ឃជាសហការីគណ ព្រះអនុគណ និងសហការីអនុគណ នាំយកជំនួយ ប្រគល់ជូន សាខាកាកបាទក្រហមកម្ពុជា ខេត្តកំពង់ចាម ដើម្បីប្រើប្រាស់ក្នុងបុព្វហេតុនៃកិច្ចការមនុស្សធម៌​ ដែល​បាន​ធ្វើ​ឡើង​នាល្ងាច​ថ្ងៃ​ទី​១៦​ ខែកក្កដា​ ឆ្នាំ​២០២០​ នៅ​សាលា​ខេត្ត​កំពង់ចាម​ ក្រោម​វត្តមាន​លោក​ អ៊ុន​ ចាន់ដា​ អភិបាលខេត្ត​​ និង​ជាប្រធាន​គណៈកម្មាធិការ​សាខា​កាកបាទក្រហម​កម្ពុជា​ខេត្ត​កំពង់ចាម​ ព្រមទាំង​ថ្នាក់ដឹកនាំ​សាខាកាកបាទក្រហម​ខេត្ត​ជា​ច្រើន​រូប​ផង​ដែរ​ ។

គួរ​បញ្ជាក់​ផង​ដែរ​ថា​ អំណោយដែល​ព្រះនាគមុនីមេគណខេត្តកំពង់ចាម និង​ព្រះមន្ត្រីសង្ឃ​ បាន​ប្រគល់​ជូន​នាឱកាស​នោះ​ រួមមាន ៖- អង្ករ១១០បេ​ – បន្លុង១០០​ – និង​ថវិកាចំនួន ៦,០០០,០០០ រៀល ផង​ដែរ​។

ជាមួយគ្នា​នោះ​ លោក អ៊ុន ចាន់ដា ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ចាម ក៏បានថ្លែងអំណរព្រះគុណដល់ព្រះមេគណ និង ព្រះមន្ត្រីសង្ឃគ្រប់អង្គ និងបានចាត់ទុកថា នេះជាព្រះកាយវិការដ៏គំរូ សម្រាប់ព្រះសង្ឃ និង ពុទ្ធបរិស័ទ ។ ដោយ​បច្ចុប្បន្ន​នេះ​ ទឹក​ទន្លេ​មេគង្គ​នៅ​ក្នុង​ខេត្តកំពង់ចាម​ ចាប់ផ្ដើម​ហក់​ឡើង​ជា​បណ្ដើរៗ​ហើយ​ ដែល​ប្រការ​នេះ​ថ្នាក់ដឹកនាំ​ខេត្ត​ក៏បាន​ត្រៀម​លក្ខណៈ​ជា​ស្រេច​ ដើម្បី​ជួយ​សង្គ្រោះ​ដល់​ពលរដ្ឋ​ដែល​រងផលប៉ះពាល់ ដោយគ្រោះធម្មជាតិ ។
គួរ​រំលឹក​ផង​ដែរ​ថា​ ស្ថានភាពកម្ពស់ទឹកទន្លេ​មេគង្គ​ក្នុងឆ្នាំ​២០១៩​ ខេត្តកំពង់ចាម​ទទួលរងផលប៉ះពាល់​ចំនួន០៩ក្រុង-ស្រុក​ ស្មើនឹង៤៧ឃុំ-សង្កាត់​ បណ្តាលឲ្យ​ប៉ះពាល់​ ២៧,៨៣៣គ្រួសារ​ ស្លាប់​មនុស្ស​ចំនួន១០នាក់​ លិចផ្ទះចំនួន២២,១៣៤ខ្នង​ សាលារៀន៦៨កន្លែង វត្តចំនួន៥៨កន្លែង វិហារ​ឥស្លាម​០៧ន្លែង និង​មណ្ឌលសុខភាព០៥កន្លែង​ ជម្លៀសប្រជាពលរដ្ឋចំនួន៤,១៧៨គ្រួសារ​ និងសត្វ​គោចំនួន៩,៥២០ក្បាល​ ទៅកាន់ទួលសុវត្ថិភាព​ ផង​ដែរ​៕SRP

ខេត្តសៀមរាប៖ លោក ង៉ាន់ ភិរុណ អភិបាលរងខេត្តថ្លែងថាដើម្បីសម្រចបាននូវទស្សនវិស័យឆ្នាំ២០២៥ ប្រជាពលរដ្ឋគ្រប់រូបនៅសហគមន៍ជនបទ ត្រូវមានការផ្គត់ផ្គង់ទឹកស្អាត និងអនាម័យគ្រប់គ្រាន់។ លោកថាខេត្តសៀមរាបត្រូវការកំណើនផ្នែកទឹកស្អាតអនាម័យក្នុងរង្វង់យ៉ាងតិច ៥%-៦% ក្នុងមួយឆ្នាំ។ ដូចនេះ ត្រូវយកចិត្តទុកដាក់ក្នុងការអនុវត្ត ក៏ដូចជាការផ្សព្វផ្សាយបន្តដល់អ្នកពាក់ពន្ធ័នានា ធ្វើយ៉ាងណាជួយបញ្ជ្រាប ផែនការផ្គត់ផ្គង់ទឹកស្អាត និងអនាម័យទៅក្នុងផែនការអភិវឌ្ឍន៍ ក្រុង ស្រុក ឃុំ សង្កាត់ និងត្រូវលើកជាគម្រោងអាទិភាពក្នុងមូលដ្ឋានរបស់ខ្លួន។
លោក ង៉ាន់ ភិរុណ បន្តថាកិច្ចប្រជុំនេះ ជាការពង្រឹងតួនាទី ភារកិច្ចរបស់ក្រុមការងារបច្ចេកទេសផ្គត់ផ្គង់ទឹកស្អាត និង អនាម័យជនបទ ព្រមទាំងធ្វើការបូកសរុបការងារឆមាសទី១ ឆ្នាំ២០២០ និង ពិនិត្យវឌ្ឍនភាពក្នុងការអនុវត្តសកម្មភាពរបស់មន្ទីរ និង អង្គការដៃគូ និងធ្វើការចែករំលែកបទពិសោធន៍នានាពាក់ព័ន្ធ និង បញ្ហាប្រឈម និង ដំណោះស្រាយក្នុងការអនុវត្តការងារ និង ធ្វើការពង្រឹងចំណងទំនាក់ទំនងឲ្យកាន់តែប្រសើរឡើង រវាងស្ថាប័ន អង្គការ សហគមន៍ដែលពាក់ព័ន្ធ។ ការផ្គត់ផ្គង់ទឹកស្អាត និងការលើកកម្ពស់អនាម័យនៅជនបទ គឺជាផ្នែកមួយយ៉ាងសំខាន់ ដែលមិនអាចខ្វះបាន ក្នុងការធ្វើឲ្យប្រសើរឡើងនូវកម្រិតជីវភាព នៃការរស់នៅរបស់ប្រជាពល រដ្ឋ ស្របទៅតាមគោលនយោបាយកាត់បន្ថយភាពក្រីក្រ របស់រាជរដ្ឋាភិបាលកម្ពុជា។

ដោយបានយល់ច្បាស់ពីផលប៉ះពាល់អវិជ្ជមាន នៃកង្វះខាតការផ្គត់ផ្គង់ទឹកស្អាត និង ការលើកកម្ពស់អនាម័យល្អនៅជនបទ រាជរដ្ឋាភិបាល ក៏ដូចជាបណ្តាដៃគូរអភិវឌ្ឍន៍ អង្គការជាតិ និងអន្តរជាតិនានា បានយកចិត្តទុកដាក់ខ្ពស់ក្នុងការរិះរកនូវយុទ្ធសាស្ត្រគន្លឹះផ្សេងៗ ដើម្បីវិភាគអំពីលទ្ធភាព នៃប្រភពធនធានធ្វើយ៉ាងណាសម្រេចឲ្យបាននូវគោលដៅឆ្នាំ២០២៣ សម្រេចឲ្យបាន ៩០% នូវអត្រាផ្គត់ផ្គង់ទឹកស្អាត និង អត្រាគ្របដណ្តប់អនាម័យឲ្យបាន៩០% ហើយលើសពីនេះទៅទៀតគឺ ការសម្រេចឲ្យខានតែបាននូវទស្សនវិស័យរបស់រាជរដ្ឋាភិបាល “នៅឆ្នាំ២០២៥ ប្រជាពលរដ្ឋគ្រប់រូបនៅសហគមន៍ជនបទ ត្រូវមានការផ្គត់ផ្គង់ទឹកស្អាត និងអនាម័យគ្រប់គ្រាន់ ព្រមទាំងរស់នៅក្នុងបរិស្ថាន ដែលមានអនាម័យប្រកបដោយនិរន្តរភាព”។

លោកថ្លែងយ៉ាងដូច្នោះ នៅថ្ងៃទី១៥ ខែកក្កដា ឆ្នាំ២០២០នេះ នៅមន្ទីរអភិវឌ្ឍន៍ជនបទខេត្តសៀមរាប ក្នុងកិច្ចប្រជុំត្រួតពិនិត្យលើ វឌ្ឍនភាពនានា ក្នុងការអនុវត្តផែនការសកម្មភាព ស្តីពី ការផ្គត់ផ្គង់ទឹកសម្អាត និង អនាម័យជនបទ ឆ្នាំ២០២០-២០២៣។

សូមបញ្ជាក់ថាក្នុងឆមាសទី១ឆ្នាំ២០២០នេះ ការផ្តល់សេវាផ្គត់ផ្គង់ទឹកស្អាតកម្រិតមូលដ្ឋានមាន ៧៣,៩០% ,សេវាអនាម័យ ៧៤,៦០% និង ភូមិបញ្ឈប់ បន្ទោរបង់ពាសវាលពាសកាល ចំនួន ១៦៩ភូមិ ក្នុងឃុំចំនួន៥ ។ ក្នុងនោះដែរសាងសង់អណ្តូងអាហ្វ្រិដេវ ថវិកាមន្ទីរបាន១៤អណ្តូង និង អណ្តូងអាហ្រ្វីដេវជំនួយរបស់សាធារណរដ្ឋប្រជាមានិតចិន ចំនួន១០០អណ្តូង និង ជីកស្រះសហគមន៍បាន ៧ស្រះ ដោយរៀបថ្មភ្នំ បានចំនួន៤ស្រះ ព្រមទាំងសាងសង់បង្គន់អនាម័យបាន ២០០បង្គន់ផងដែរ៕SRP

ខេត្តកំពង់ចាម​​​​៖គម្រោង​មូលនិធិ​ឃុំ​-សង្កាត់​ ​ឆ្នាំ​២០២០​ របស់​គណៈកម្មការ​ជាតិ​សម្រាប់​ការអភិវឌ្ឍន៍​តាម​បែប​ប្រជាធិបតេយ្យ​នៅ​ថ្នាក់​ក្រោម​ជាតិ​​ ត្រូវ​បាន​ដាក់​ឲ្យ​ដំណើរ​ការ​​​ដេញ​ថ្លៃ​ ​ចំនួន៣គម្រោង​​​ នា​​ព្រឹក​ថ្ងៃ​ទី​១៦​ ខែកក្កដា​​ ឆ្នាំ​២០២០​ នៅ​សាលា​ស្រុក​ស្រីសន្ធរ​​​​​​​ ក្រោម​វត្តមាន​ លោក​ ឡី​ មិច​ នាយក​រង​រដ្ឋបាល​សាលា​ខេត្ត​កំពង់ចាម​ និង​លោក​ បេត​ រ៉េងឃីម​ អភិបាល​រង​ស្រុក​ស្រីសន្ធរ​ ដោយ​មាន​ការ​ចូលរួម​ពី​​​ គណៈកម្មការ​ម្ចាស់​លទ្ធកម្ម​ និង​តំណាង​ក្រុម​ហ៊ុន​ អ្នក​ទទួល​ការ​ ជា​ច្រើន​រូប​ផង​ដែរ​។​
ក្នុង​នាម​អាជ្ញាធរ​ខេត្ត​ លោក​ ​ឡី​ មិច​​ បាន​ថ្លែង​អំណរគុណ​ដល់​អាជ្ញាធរ​ស្រុក​ស្រីសន្ធរ​​​ ដែល​បាន​រៀបចំ​នីតិវិធី​នៃ​ការ​ដេញ​ថ្លៃ​នេះ​ ឲ្យ​មាន​សណ្ដាប់​ធ្នាប់​ របៀបរៀបរយ​ល្អ​ ព្រមទាំង​បាន​សំណូមពរ​ដល់​តំណាង​ក្រុម​ហ៊ុន​​ ឲ្យ​គោរព​តាម​ក្រមសីលធម៌​របស់​អ្នក​ទទួល​ការ​ និង​ចូលរួម​​សហការ​ជាមួយ​អាជ្ញាធរ​ ដេីម្បី​លុបបំបាត់នូវ​ភាព​អនាធិបតេយ្យ​ ដែល​បង្ក​ឡើង​ដោយ​ក្រុម​ឆ្លៀត​ឱកាស​មួយ​ចំនួន​ផងដែរ​។

ជាមួយគ្នា​នោះ​ លោក​ បេត​ រ៉េងឃីម​ អភិបាល​រង​ស្រុក​ស្រីសន្ធរ​ ក៏បាន​ធ្វើ​ការ​សំណូមពរ​ដល់​ ​ក្រុម​អ្នក​ទទួល​ការ​ ដែល​បាន​ធ្វើ​ការ​ប្រកួតប្រជែង​ដេញ​ថ្លៃ​បាន​គម្រោងនេះ​ គឺសូម​ឲ្យ​ការអនុវត្ត​គម្រោង​ធ្វើ​យ៉ាងណា​ ​ត្រូវ​ឲ្យ​​មាន​តម្លាភាព​ ហេីយ​ធ្វើ​ការ​សាងសង់​ឲ្យ​ត្រូវ​តាម​បទដ្ឋាន​លក្ខណៈ​បច្ចេកទេស​ ប្រយោជន៍​ដល់​ការ​ប្រើប្រាស់​ ​ដោយ​គម្រោង​ដែល​បាន​ដាក់​ឲ្យ​ដេញ​ថ្លៃ​នេះ​ គឺមាន​ផ្លូវ​ចំនួន​៣ខ្សែ​​ ដែល​ត្រូវ​ស្ថាបនា​​ ជូន​ប្រជាពលរដ្ឋ​​ប្រើប្រាស់​ ក្នុង​នោះ​មាន​ ១-ឃុំទងត្រឡាច​ សាងសង់ផ្លូវបេតុងអាមេ ប្រវែង០.៤៣០ គ.ម ទទឹង៣ម កម្រាស់០.១៥ម នៅភូមិទងត្រឡាច​ ។
២-ឃុំ​ព្រែក​ដំបូក​ សាងសង់ផ្លូវបេតុងអាមេ ប្រវែង០.៥៧០ គ.ម ទទឹង៤ម នៅភូមិស្វាយម៉ូ​ ។
៣-ឃុំ​ស្វាយ​ខ្សាច់​ភ្នំ​ សាងសង់ផ្លូវបេតុងអាមេ ប្រវែង០.២៩០ គ.ម ទទឹង៦ម នៅភូមិស្វាយត្បូង៕SRP

ខេត្តសៀមរាប៖ សមត្ថកិច្ចបានឲ្យដឹងថាបុរសម្នាក់បាន ចងក សម្លាប់ខ្លួនបង្កឲ្យមានការភ្ញាក់ផ្អើល។

ហេតុការណ៍បានកើតឡើងនៅម៉ោង០៩ព្រឹកថ្ងៃព្រហស្បតិ៍ទី១៦ខែកក្កដា ឆ្នាំ២០២០ ស្ថិតនៅចំណុចក្នុងបន្ទប់ទឹក(បង្គន់) ក្រុមទី០៥ ភូមិបឹងដូនប៉ា សង្កាត់ស្លក្រាម ក្រុងសៀមរាប។

ជនរងគ្រោះឈ្មោះ ពេជ ភក្ដី ភេទប្រុស អាយុ៣៤ឆ្នាំ មុខរបរនៅផ្ទះ មានទីលំនៅភូមិបឹងដូនប៉ា សង្កាត់ស្លក្រាម ក្រុងសៀមរាប។
សមត្ថកិច្ចបានឲ្យដឹងថាក្រោយពិនិត្យសាកសពឃើញថា

– ផ្នែកក្បាល ពុំមានស្លាកស្នាមអ្វីទេ
– ផ្នែកក មានស្នាមរិតកប្រវែង25 សង់ទីម៉ែ្រត
-ផ្នែកដងខ្លួនពុំមានស្លាកស្នាមអ្វីទេ
-ផ្នែកដៃ ពុំមានស្លាកស្នាមអ្វីទេ ។
-ជនរងគ្រោះបានយកខ្សែក្រណាត់វាងនូន ពណ៌ឈាមជ្រូកលាយផ្កា មានប្រវែង១.៥០ម៉ែត្រ ទៅចងនឹងធ្នឹមផ្ទះក្នុងបន្ទប់ទឹក មានកម្ពស់ ១.៦៥ម៉ែត្រ។

សូមបញ្ជាក់ សពជនរងគ្រោះត្រូវបានក្រុមគ្រួសារ កាត់ខ្សែទម្លាក់មុនសមត្ថកិច្ចទៅដល់កន្លែងកើតហេតុ។ តាមការសាកសួរបំភ្លឺពីម្តាយបង្កើតជនរងគ្រោះបានអោយយើងដឹងថា ជនរងគ្រោះ កន្លងមកធ្លាប់មានជំងឺរាំរ៉ៃ (ជំងឺក្រពះពោះវៀន) ជាង១០ឆ្នាំមកហើយ រហូតមកដល់ព្រឹកមិញជនរងគ្រោះបានអោយម្តាយដាំបបរស អោយហូប ក្រោយពីហូបបបរសរួច ជនរងគ្រោះក៏ដើរចូលទៅក្នុងផ្ទះ លុះមកដល់ម៉ោង០៩.០០នាទី ថ្ងៃខែឆ្នាំដដែល ស្រាប់តែម្តាយបង្កើតរបស់ជនរងគ្រោះ ដើរចូលទៅក្នុងផ្ទះបំរុងនឹងចូលបន្ទប់ទឹកក្នុងផ្ទះ រួចបើកទ្វារបន្ទប់ទឹក ក៏ឃើញកូនរបស់គាត់ បានចងកស្លាប់បាត់ទៅហើយ។

តាមសន្និដ្ឋាន សាកសពជនរងគ្រោះស្លាប់ដោយសារ(ចងក)ធ្វើអត្តឃាត ប្រាកដមែនបានប្រគល់ជូនក្រុមគ្រួសារ យកទៅធ្វេីបុណ្យតាមប្រពៃណី៕SRP

ភ្នំពេញ៖ក្រុមមន្ត្រីជាន់ខ្ពស់ នៃរដ្ឋបាលព្រៃឈើ ក្រសួងកសិកម្មចំនួន០៨រូប
បានចុះពង្រឹងការអនុវត្តច្បាប់ ពិនិត្យស្រាវជ្រាវ និងផ្ទៀងផ្ទាត់ព័ត៌មានបទល្មើសព្រៃឈើនៅក្នុងក្រុមហ៊ុន សៀ ម៉ុន (ខេមបូឌា) អេហ្គ្រីខលឈ័រ ខមប្រេអេនស៊ីវ.ឌីវេឡុបម៉ិន ឯ.ក
ដែលមានទីតាំងស្ថិតក្នុងខេត្តស្ទឹងត្រែង ក្រោយបែកធ្លាយភាពមិនប្រក្រតីតាមបណ្ដាញសារព័ត៌មានថា ក្រុមហ៊ុន សៀម៉ុន បានបង្វែរឈើឲ្យស្របច្បាប់។
នេះបើយោងលិខិតបញ្ជាបេសកកម្មលេខ៣៧៩ រ ព.នរផ.ប ចុះថ្ងៃទី១៣ ខែកក្តដា ឆ្នាំ២០២០ របស់រដ្ឋបាលព្រៃឈើ ដែលមានចុះហត្ថលេខាដោយ លោកបណ្ឌិត កែវ អូម៉ាលីស្ស ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលព្រៃឈើ។
សូមរំលឹកថាការចាត់តាំងមន្ត្រីរដ្ខបាលព្រៃឈើឲ្យចុះទៅស្រាវជ្រាវបទល្មើសក្នុងក្រុមហ៊ុនសៀ ម៉ុន បន្ទាប់ពីមានបណ្តាញព័ត៌មានជាច្រើនបានធ្វើការផ្សព្វផ្សាយថា មានការសង្ស័យមានឈ្មួញឈើដែលមានងារជាឧកញ៉ាម្នាក់ បានកាប់ឈើពីខាងក្រៅក្រុមហ៊ុនរួចដឹកជញ្ជូនចូលក្នុងដីក្រុមហ៊ុន សៀ ម៉ុន ទីតាំងស្ថិតក្នុង ឃុំព្រែកមាស ស្រុកសៀមប៉ាង ខេត្តស្ទឹងត្រែង ឲ្យក្លាយជាឈើស្របនិងច្បាប់។
ពាក់ព័ន្ធទៅនឹងបណ្ដាញសារព័ត៌មានបានផ្សព្វផ្សាយពីភាពមិនប្រក្រតីរបស់ក្រុមហ៊ុន សៀ ម៉ុន កាលពីថ្ងៃទី១០ ខែកក្កដា ឆ្នាំ២០២០ ក្រុមហ៊ុន សៀ ម៉ុន បានចេញលិខិតបំភ្លឺ តាមរយៈលោកមេធាវី ហេង សុទ្ធារ៉ា ដោយបានធ្វើការបដិសេធ និងបញ្ជាក់ថា ក្រុមហ៊ុនមិនបានប្រព្រឹត្តដូចការចោទប្រកាន់នេះទេ គឺក្រុមហ៊ុនបានអនុវត្តយ៉ាងខ្ជាប់ខ្ជួន តាមលិខិតអនុញ្ញាតលេខ ៤៥១ សជណ.កស ចុះថ្ងៃទី០៨ខែមិថុនា ឆ្នាំ២០១៧ របស់ទីស្តីការគណៈរដ្ឋមន្ត្រី និងលិខិតលេខ ៥០៦៩ សកស ចុះថ្ងៃទី២៥ ខែឧសភា ឆ្នាំ២០១៨ របស់ក្រសួងកសិកម្ម រុក្ខាប្រមាញ់ និងនេសាទ ដោយឈូសឆាយសំអាតដីប្រមូលផលឈើ និងអនុផលព្រៃឈើ តែក្នុងតំបន់១ និងតំបន់៦B នៃស្ថានីយដាំឈើសៀមប៉ាងតែប៉ុណ្ណោះ ដើម្បីរៀបចំសម្រាប់ដាំដើមឈើឡើងវិញ តាមផែនការរបស់ក្រុមហ៊ុន។
ជុំវិញមន្ត្រីរដ្ឋបាលព្រៃឈើចុះទៅស្រាវជ្រាវរកបទល្មើសក្នុងក្រុមហ៊ុនសៀ ម៉ុន នៅមិនទាន់ដឹងថាលទ្ធផលនៃការចុះពង្រឹងការអនុវត្តច្បាប់ ពិនិត្យស្រាវជ្រាវ និងផ្ទៀងផ្ទាត់ព័ត៌មានបទល្មើសព្រៃឈើនៅក្រុមហ៊ុន សៀ ម៉ុន ចាប់ពីថ្ងៃទី១៤ រហូតដល់ថ្ងៃទី២៤ ខែកក្កដា ឆ្នាំ២០២០ នឹងទទួលបានលទ្ធផលយ៉ាងណានោះឡើយ៕SRP

ភ្នំពេញ៖ក្រុមមន្ត្រីជាន់ខ្ពស់ នៃរដ្ឋបាលព្រៃឈើ ក្រសួងកសិកម្មចំនួន០៨រូបបានចុះពង្រឹងការអនុវត្តច្បាប់ ពិនិត្យស្រាវជ្រាវ និងផ្ទៀងផ្ទាត់ព័ត៌មានបទល្មើសព្រៃឈើនៅក្នុងក្រុមហ៊ុន សៀ ម៉ុន (ខេមបូឌា) អេហ្គ្រីខលឈ័រ ខមប្រេអេនស៊ីវ.ឌីវេឡុបម៉ិន ឯ.ក ដែលមានទីតាំងស្ថិតក្នុងខេត្តស្ទឹងត្រែង ក្រោយបែកធ្លាយភាពមិនប្រក្រតីតាមបណ្ដាញសារព័ត៌មានថា ក្រុមហ៊ុន សៀម៉ុន បានបង្វែរឈើឲ្យស្របច្បាប់។

នេះបើយោងលិខិតបញ្ជាបេសកកម្មលេខ៣៧៩ រ ព.នរផ.ប ចុះថ្ងៃទី១៣ ខែកក្តដា ឆ្នាំ២០២០ របស់រដ្ឋបាលព្រៃឈើ ដែលមានចុះហត្ថលេខាដោយ លោកបណ្ឌិត កែវ អូម៉ាលីស្ស ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលព្រៃឈើ។
ការចាត់តាំងមន្ត្រីរដ្ខបាលព្រៃឈើឲ្យចុះទៅស្រាវជ្រាវបទល្មើសក្នុងក្រុមហ៊ុនសៀ ម៉ុន បន្ទាប់ពីមានបណ្តាញព័ត៌មានជាច្រើនបានធ្វើការផ្សព្វផ្សាយថា មានការសង្ស័យមានឈ្មួញឈើដែលមានងារជាឧកញ៉ាម្នាក់ បានកាប់ឈើពីខាងក្រៅក្រុមហ៊ុនរួចដឹកជញ្ជូនចូលក្នុងដីក្រុមហ៊ុន សៀ ម៉ុន ទីតាំងស្ថិតក្នុង ឃុំព្រែកមាស ស្រុកសៀមប៉ាង ខេត្តស្ទឹងត្រែង ឲ្យក្លាយជាឈើស្របនិងច្បាប់។
ពាក់ព័ន្ធទៅនឹងបណ្ដាញសារព័ត៌មានបានផ្សព្វផ្សាយពីភាពមិនប្រក្រតីរបស់ក្រុមហ៊ុន សៀ ម៉ុន កាលពីថ្ងៃទី១០ ខែកក្កដា ឆ្នាំ២០២០ ក្រុមហ៊ុន សៀ ម៉ុន បានចេញលិខិតបំភ្លឺ តាមរយៈលោកមេធាវី ហេង សុទ្ធារ៉ា ដោយបានធ្វើការបដិសេធ និងបញ្ជាក់ថា ក្រុមហ៊ុនមិនបានប្រព្រឹត្តដូចការចោទប្រកាន់នេះទេ គឺក្រុមហ៊ុនបានអនុវត្តយ៉ាងខ្ជាប់ខ្ជួន តាមលិខិតអនុញ្ញាតលេខ ៤៥១ សជណ.កស ចុះថ្ងៃទី០៨ខែមិថុនា ឆ្នាំ២០១៧ របស់ទីស្តីការគណៈរដ្ឋមន្ត្រី និងលិខិតលេខ ៥០៦៩ សកស ចុះថ្ងៃទី២៥ ខែឧសភា ឆ្នាំ២០១៨ របស់ក្រសួងកសិកម្ម រុក្ខាប្រមាញ់ និងនេសាទ ដោយឈូសឆាយសំអាតដីប្រមូលផលឈើ និងអនុផលព្រៃឈើ តែក្នុងតំបន់១ និងតំបន់៦B នៃស្ថានីយដាំឈើសៀមប៉ាងតែប៉ុណ្ណោះ ដើម្បីរៀបចំសម្រាប់ដាំដើមឈើឡើងវិញ តាមផែនការរបស់ក្រុមហ៊ុន។
ជុំវិញមន្ត្រីរដ្ឋបាលព្រៃឈើចុះទៅស្រាវជ្រាវរកបទល្មើសក្នុងក្រុមហ៊ុនសៀ ម៉ុន នៅមិនទាន់ដឹងថាលទ្ធផលនៃការចុះពង្រឹងការអនុវត្តច្បាប់ ពិនិត្យស្រាវជ្រាវ និងផ្ទៀងផ្ទាត់ព័ត៌មានបទល្មើសព្រៃឈើនៅក្រុមហ៊ុន សៀ ម៉ុន ចាប់ពីថ្ងៃទី១៤ រហូតដល់ថ្ងៃទី២៤ ខែកក្កដា ឆ្នាំ២០២០ នឹងទទួលបានលទ្ធផលយ៉ាងណានោះឡើយ៕SRP

ខេត្តបន្ទាយមានជ័យ៖អភិបាលរងខេត្តបន្ទាយមានជ័យ​ លោក ង៉ោ ម៉េងជ្រួន បានប្រាប់​ឱ្យដឹងថា ដោយមាន ការព្រមព្រៀងគ្នាភាគីថៃ បានអនុញ្ញាតឱ្យអាជីវករខ្មែរបើករថយន្តចូលទៅដឹកទំនិញចំនួន៥០គ្រឿង ចាប់ពីថ្ងៃទី១៥ ខែកកដ្កា ឆ្នាំ២០២០ ហើយក្នុងរថយន្ត១គ្រឿង មានមនុស្ស តែ២នាក់ ក្នុងនោះមានអ្នកបើកបររថយន្តម្នាក់ និងអ្នករួមដំណើរម្នាក់។

លោក ង៉ោ ម៉េងជ្រូន បានឱ្យដឹងទៀតថា អ្នកបើកបររថយន្ត និងអ្នករួមដំណើរសូម អនុវត្តន៍តាមច្បាប់ឆ្លងដែន ពោលគឺត្រូវតែបង្ហាញនូវរាល់ឯកសារចេញ និងចូលប្រទេស រហូតទាល់ តែបានធ្វើលិខិតបញ្ជាក់ពីទំនិញ និងបញ្ជាក់ពីកន្លែងចំណត និងទីតាំងបញ្ជូន ទំនិញឱ្យបានជាក់លាក់។

លោកបានបញ្ជាក់ថា ចំពោះអ្នកធ្វើដំណើរចូលមកដឹកទំនិញត្រូវមានអ្នកបើកម្នាក់ និងអ្នករួមដំណើរម្នាក់ ហើយត្រូវអនុវត្តន៍តាមការណែនាំរបស់ក្រសួងសុខាភិបាល ដោយរួមមាន ត្រូវតែពាក់ម៉ាស់ឱ្យបានជាប្រចាំ វាស់កំដៅសិនទើបអនុញ្ញាតឱ្យធ្វើដំណើរឆ្លង​​កាត់។ រាយនាមអ្នកបើកយានយន្ត លិខិតបញ្ជាក់ពីការបញ្ជូនទំនិញ ឯកសារឆ្លងដែន មានលិខិតឆ្លងដែនប័ណ្ណព្រំដែន និងប័ណ្ណឆ្លងដែនបណ្ណោះអាសន្ន។

លោក ង៉ោ ម៉េងជ្រួន បន្តថា រថយន្តទាំង៥០គ្រឿងនោះត្រូវគោរពតាម ពេល វេលាដែលត្រូវឆ្លងកាត់ ចាប់ពីម៉ោង ៨ព្រឹក ហើយធ្វើដំណើរត្រឡប់មកវិញនៅ វេលា ម៉ោង១ថ្ងៃត្រង់ ក្នុងមួយថ្ងៃជាកំហិត យានយន្តចេញចូលមិនលើសពី៥០គ្រឿង ជាដាច់ខាត។

ចំពោះប្រជាជនកម្ពុជាដែលចូលមកដឹកទំនិញក្នុងមួយថ្ងៃៗសូមចូលតាមផ្លូវដែលបានកំណត់ជូននិងអនុញ្ញាតឱ្យស្ថិតក្នុងបរិ​វេនរបស់ខ្លួនប៉ុណ្ណោះ ព្រមទាំងមានការកំណត់ ពេលវេលាជាក់លាក់ សម្រាប់ដឹកជញ្ជូនទំនិញឱ្យទាន់តាមពេលវេលាកំណត់។

លោកបន្តទៀតថា ចំពោះម្ចាស់តូបទំនិញ មុននឹងធ្វើដំណើរត្រឡប់ទៅ វិញសូមពិនិត្យ និងបិទប្រព័ន្ធភ្លើងឱ្យបានត្រឹមត្រូវ មុននឹងចាកចេញខ្លាចមានអគ្គិភ័យឆាបឆេះ ប្រសិនបើមាន ការល្មើសនឹងច្បាប់ ឬបទបញ្ជាភ្នាក់ងារប្រតិបត្តិមានតួនាទីប្រចាំការ និងធ្វើការបញ្ឈប់ សកម្មភាពនេះភ្លាមៗ៕SRP

ខេត្តស្វាយរៀង៖ សាខាការពារអ្នកប្រើប្រាស់ការប្រកួតប្រជែងនិងបង្ក្រាបការក្លែងបន្លំ (កាំកុងត្រូល)បានចុះពិនិត្យគ្រឿងឧបភោគបរិភោគនៅផ្សារវាលយន្តក្រុងស្វាយរៀង បានរកឃើញត្រីងៀតនិងពពុះសណ្ដែកមានសារធាតុគីមីសរុប៦៥kg។

លោក ផឹង និល ប្រធានសាខាការពារអ្នកប្រើប្រាស់ហៅកាត់ (ក ប ប)បានថ្លែងថាក្រោយពីបានចុះត្រួតពិនិត្យជាបឋមនៅក្នុងផ្សារវាលយន្តក្រុងស្វាយរៀងបានរកឃើញត្រីងៀតបបែលចំនួន ៣០គីឡូក្រាមនិងពពុះសណ្ដែក៣៥ គីឡូក្រាមមានសារធាតុគីមី ម្ទេសដៃនាងនិងជីរណាមានជាតិថ្នាំពុល ត្រូវបានមន្ត្រីកាំកុងត្រូលធ្វើការដកហូតយកទៅកម្ទេចចោល។

លោកបានបន្តថា ការចុះត្រួតពិនិត្យនៅព្រឹកថ្ងៃទី១៥ ខែកក្កដាឆ្នាំ ២០២០នេះមន្ត្រីសាខាបានសហការជាមួយមន្ទីរពាណិជ្ជកម្មខេត្តបានត្រួតពិនិត្យទៅលើគ្រឿងឧបភោគបរិភោគជាច្រើនគំរូហើយបានរកឃើញសារធាតុគីមីដូចបានរៀបរាប់ខាងលើសរុបចំនួន៦៥ គីឡូក្រាមហើយក៏បានឱ្យម្ចាស់អាជីវករលក់របស់របរមានសារធាតុគីមីនោះធ្វើកិច្ចសន្យានិងផ្ដិតមេដៃកុំឲ្យមានលក់នៅថ្ងៃក្រោយទៀត។

លោកក៏បានបញ្ជាក់ថាក្រោយពីបានធ្វើការត្រួតពិនិត្យទៅលើគ្រឿងឧបភោគបរិភោគមួយចំនួនហើយមានសារធាតុគីមី មន្ត្រីជំនាញបានសុំគោលការណ៍ទៅក្រសួងនិងមន្ទីរដែលពាក់ព័ន្ធនៅតាមច្រកទ្វារព្រំដែនដើម្បីត្រួតពិនិត្យទំនិញដែលចេញចូលនៅតាមច្រកនៅក្នុងខេត្តស្វាយរៀងដើម្បីត្រួតពិនិត្យទៅលើការក្លែងបន្លំការដាក់សារធាតុគីមីនៅក្នុងគ្រឿងឧបភោគបរិភោគដែលធ្វើឲ្យប៉ះពាល់ដល់អ្នកប្រើប្រាស់ជាប្រចាំ។
ដោយឡែកប្រជាពលរដ្ឋនៅជុំវិញផ្សារវាយន្តក្រោយពីមន្ត្រី កបប.បានពិនិត្យទៅលើគ្រឿងឧបភោគបរិភោគ បានរកឃើញមានសារធាតុគីមី ពួកគាត់ សំណូមពរអោយខាងមន្ត្រី កបប ចុះពិនិត្យឱ្យបានញឹកញាប់ ព្រោះអ្នកលក់និងអ្នកទិញពុំដឹងថារបស់អ្វីមួយមានសារធាតុគីមីនោះទេ។
ពលរដ្ឋបានថ្លែងអំណរសាទរដល់មន្ត្រីកកបដែលបានចុះត្រួតពិនិត្យនិងធ្វើការផ្សព្វផ្សាយឲ្យបងប្អូនប្រជាពលរដ្ឋយល់ដឹងអំពីបញ្ហាប៉ះពាល់ដល់សុខភាព៕SRP

ខេត្តកំពង់ចាម៖រដ្ឋមន្ត្រី​ក្រសួង​ព័ត៌មាន​ លោក​​ ខៀវ កាញារីទ្ធ​ បានអញ្ជើញចូលរួមប្រកាសតែងតាំងលោកស្រី សម​ ផល្លា​ ជាប្រធានមន្ទីរព័ត៌មាន​ខេត្តកំពង់ចាម​ថ្មី ជំនួសលោក ជា​ ក្រូច​ ដែលត្រូវចូលនិវត្តន៍។

ពិធី​នេះ​ត្រូវ​បាន​ធ្វើ​ឡើង​នាព្រឹក​ថ្ងៃ​ទី​១៥​ ខែកក្កដា​ ឆ្នាំ​២០២០​ នៅ​សាលា​ខេត្ត​កំពង់ចាម​ និងក្រោមវត្តមានលោក​​ ខ្លូត​ ផន​ ប្រធាន​ក្រុមប្រឹក្សា​ខេត្ត​ និង​លោក​​ អ៊ុន​ ចាន់ដា​ អភិបាលខេត្តកំពង់ចាម
និង​ចូល​រួម​ពី​​ប្រតិភូ​ក្រសួង​ព័ត៌មាន​ ​ថ្នាក់ដឹកនាំ​​មន្ទីរ​ព័ត៌មាន​ ព្រមទាំង​ថ្នាក់ដឹកនាំ​មន្ទីរអង្គភាព​ពាក់ព័ន្ធ​ជុំវិញខេត្ត​ និង​អ្នក​សារព័ត៌មាន​ជា​ច្រើន​រូប​ផង​ដែរ​ ។

លោកស្រី សម​ ផល្លា​ ប្រធានមន្ទីរ​ព័ត៌មាន​ថ្មី​ បានឡើងប្តេជ្ញាចិត្តថា ខិតខំពង្រឹងសាមគ្គីភាពផ្ទៃក្នុង ឲ្យបានល្អនៅក្នុងមន្ទីរ និងបណ្តាការិយាល័យ អង្គភាព​ពាក់ព័ន្ធ​ជុំវិញខេត្ត កងកម្លាំងប្រដាប់អាវុធអាជ្ញាធរមូលដ្ឋាន ពិសេសអាជ្ញាធរខេត្ត ដោយឈរលើមូលដ្ឋានគោរពតាមបទដ្ឋាននានា និងច្បាប់របស់រដ្ឋ ការពាររដ្ឋធម្មនុញ្ញនៃ​ព្រះរាជាណាចក្រ​កម្ពុជា។

ថ្លែង​ក្នុង​ឱកាសនោះ​ដែរ​ លោក​​ ខៀវ កាញារីទ្ធ បានផ្ដាំផ្ញើដល់ប្រធាន​មន្ទីរ​ព័ត៌មាន​ថ្មី​ ឲ្យ​ធ្វើ​ការ​ដឹកនាំ​ប្រកប​ដោយ​ភាព​យុត្តិធម៌​​ និង​​ត្រូវ​មាន​ការ​​ប្រជុំ​ជា​រៀងរាល់​ព្រឹក​ ដើម្បី​ប្រមូល​រាល់​ទិន្នន័យ​ សកម្មភាព​ និង​ហេតុការណ៍​ផ្សេង​ៗ​ ដេីម្បី​រាយការណ៍​ទៅ​ដល់​ថ្នាក់ដឹកនាំ​ និង​ធ្វើ​ការ​ផ្សព្វផ្សាយ​​ទៅ​ដល់​មហាជន​ផង​ដែរ​ ។

ជាមួយគ្នា​នោះ​ លោក​​ អ៊ុន​ ចាន់ដា​ ក៏បាន​ណែនាំ​ដល់​ប្រធាន​មន្ទីរ​ថ្មី​ ឲ្យ​មាន​ការ​ខិតខំ​ពង្រឹង​សមត្ថភាព​ វិវត្តន៍​តាម​សម័យ​កាល​ជឿនលឿន​​ ហើយ​ទាមទារ​ឲ្យ​មាន​ការ​តាំងចិត្ត​មុតមាំ​ ក្នុង​ការ​ដឹកនាំ​មន្ត្រី​ក្រោម​ឱវាទ​ ជាពិសេស​ត្រូវ​ខិតខំ​គ្រប់គ្រងនិង​តាមដាន​​ព័ត៌មាន​ ដេីម្បី​ធ្វើ​ការ​​ប្រឆាំង​រាល់​ព័ត៌មាន​ក្លែងក្លាយ​ ហើយ​ត្រូវ​ខិតខំ​ផលិត​ព័ត៌មាន​បទ​យកការណ៍​ ដេីម្បី​ធ្វើ​ការ​ផ្សព្វផ្សាយ​ផងដែរ​៕​SRP