ខេត្តសៀមរាប៖ជាទឹកចិត្តមនុស្សធម៌ដ៏ប្រពៃ របស់ឯកឧត្តម អ្នកឧកញ៉ា បណ្ឌិត សៀង ណាំ អ្នកតំណាងរាស្ត្រមណ្ឌលសៀមរាប ដែលបានជួយឧបត្ថម្ភថវិកា ដល់បុរស ដែលស្លាប់ក្នុងហេតុការណ៍គ្រោះថ្នាក់ចរាចរណ៍។

ហេតុការណ៍គ្រោះថ្នាក់ចរាចរណ៍នេះ នៅរសៀលម៉ោង៣ ថ្ងៃទី២៧​ ខែមីនា​ ឆ្នាំ២០២៣​ នៅកំណត់ផ្លូវកៅស៊ូ​ ពីវត្តចក​ ទៅផ្សារក្របីរៀល​ ​ស្ថិតនៅក្នុង​សង្កាត់ស្រង៉ែ​ ក្រុងសៀមរាប​។

ជនរងរងគ្រោះ ឈ្មោះជួង​ សុគន្ធ​ ភេទប្រុសអាយុ២៩ឆ្នាំ​ មុខរបរុញរទេះលក់ម្ជួរ​ បានបាត់បង់ជីវិត​នៅកន្លែងកេីតហេតុ​។

ឯកឧត្តម អ្នកឧកញ៉ា បណ្ឌិត សៀង ណាំ បានលើកឡើងថា ខ្ញុំបាទ​ បានជួប​ និងឃេីញគ្រោះថ្នាក់ចរាចរណ៍មួយ រវាងអ្នករុញរទេះលក់ម្ជួរ​ ដោយម៉ូតម៉ាកហុងដា​ C125 ពណ៌ខ្មៅ​ បានបេីកបុកពីក្រោយ​អ្នករុញរទេះលក់ម្ជួរ​​ នៅកំណត់ផ្លូវកៅស៊ូ​ ពីវត្តចក​ ទៅផ្សារក្របីរៀល​ ។ ចំណែកអ្នកជិះម៉ូតូ​ក៏រងរបួសធ្ងន់ធ្ងរផងដែរ​។

ឯកឧត្តម អ្នកឧកញ៉ា បណ្ឌិត សៀង ណាំ បន្តថា ដោយជនរងគ្រោះ​ ទីទ័លក្រ​ ជីវភាពខ្វះខាត​ គ្មានសាច់ញាតិ មានតែពីរនាក់ប្តីប្រពន្ធ​ និងកូន​តូចមួយ​ ខ្ញុំបាទ បានចាត់ចែង រថយន្តពេទ្យដឹកសព​ យកទៅវត្ត​ ដេីម្បីរៀបចំធ្វេីបុណ្យតាមប្រពៃណីព្រះពុទ្ធសាសនា​។

ខ្ញុំបាទបានចូលរួមបច្ច័យចំនួន៥០០ដុល្លា​។ សូមអោយវិញ្ញាណក្ខន្ធ​ ក្មួយបានទៅកាន់សុគតិភព​កុំបីឃ្លៀងឃ្លាតឡេីយ៕SRP

ខេត្តកំពង់ចាម៖បើតាម លោក វ៉ា ចំរើន ក្រុមប្រឹក្សាឃុំដងក្តា បានប្រាប់ឲ្យដឹងថា លោកបណ្ឌិត ហ៊ុន ម៉ាណែត នឹងអញ្ជើញ ជាគណៈអធិបតី នៅថ្ងៃទី១០ ខែមេសា ខាងមុខនេះ ដើម្បីសម្ពោធសមិទ្ធផលមួយចំនួន មានដូចជា អគាររង់ចាំនៅមណ្ឌលសុខភាពដងក្តា , ផ្ទះគ្រូបង្រៀន , និងបើកការដ្ឋានសាងសង់ផ្លូវបេតុងប្រវែង ៣.០០០ ម៉ែត្រ ដែលឆ្លងកាត់ភូមិសូទិចកើត សូទិចកណ្ដាល និងសូទិចលិច ស្ថិតនៅក្នុងឃុំដងក្តា។

សូមជម្រាបថានៅថ្ងៃចន្ទនេះលោក អ៊ុន​ ចាន់ដា​ អភិបាលខេត្តកំពង់ចាម បានដឹកនាំក្រុមការងារចុះពិនិត្យទីតាំងដើម្បី​ត្រៀមរៀបចំសម្ពោធសមិទ្ធផលមួយចំនួន និងបើកការដ្ឋានសាងសង់ផ្លូវបេតុងប្រវែង ៣.០០០ ម៉ែត្រ ស្ថិតនៅក្នុងឃុំដងក្តា ស្រុកស្ទឹងត្រង់៕SRP

ខេត្តសៀមរាប៖១)កម្មវិធីល្បែងប្រជាប្រិយ៖ គឺជាកម្មវីធីមួយនៃព្រឹត្តិការណ៍អង្គរសង្ក្រាន្ដដែលរៀបចំឡើងក្នុងគោលបំណងដើម្បីចូលរួមថែរក្សា និងលើកតម្កើងកេរតំណែលទំនៀមទម្លាប់ប្រពៃណី ព្រមទាំងធ្វើការផ្សព្វផ្សាយបន្តដល់ភ្ញៀវជាតិ និងអន្តរជាតិឱ្យយល់ដឹងអំពីក្បួនច្បាប់ និងខ្លឹមសារនៃល្បែងប្រជាប្រិយនីមួយៗ ដែលបានបន្សល់ទុកពីបុព្វបុរសខ្មែរជំនាន់មុន។

កម្មវិធីនេះ នឹងលើកយកនូវល្បែង ប្រជាប្រិយខ្មែរជាច្រើនរួមមាន៖ ឡើងសសរខ្លាញ់ ដណ្តើមស្លឹកឈើ លាក់មាន់ វាយក្អម វាយកូនកែ រាវបង្កង ខ្លាស៊ីគោ លោតបាវ ស៊ីឌួង បោះអង្គញ់ ខ្សឹប ចងជើងរួមមិត្ត ចោលឈូង ចាប់កូនខ្លែង លាក់កន្សែង ស្វាដណ្តើមទី ទាញព្រ័ត្រ សុកកូ ឡាបុងៗ ស្បែកជើងរួមមិត្ត មឹកឈូក មួយកាំពីរកាំ ទំពាំងឫស្សី ត្រេសីដក់ បាយខុម លោតអន្ទាក់ ស្ដេចចង់ និងរែក មក លេងកម្សាន្ត ដើម្បីបង្កភាពសប្បាយរីករាយ រឹតចំណងមិត្តភាព និងសាមគ្គីភាព។ កម្មវីធីល្បែងប្រជាប្រិយមានទីតាំងស្ថិត នៅតំបន់មុខប្រាសាទអង្គរវត្តក្នុងបរិវេណប៉ុស្តិ៍បូលីសបេតិកភណ្ឌចាស់។

២) កម្មវិធីតោះលេងទឹក៖ កម្មវិធីតោះតោះ លេងទឹក នឹងត្រូវរៀបចំឡើងក្នុងគោលបំណងបង្ហាញពីល្បែងកម្សាន្ត ដែលប្រជាជនខ្មែរនិយមលេងតៗគ្នា និង ល្បែងថ្មីៗដែលកំពុងពេញនិយមក្នុងពេលបច្ចុប្បន្ន ព្រមទាំងបំផុសស្មារតី និងបង្កើនការចូលរួមលេងកម្សាន្តល្បែងដែលមានសាមគ្គីទាក់ទងនឹងទឹក។ មិនត្រឹមតែប៉ុណ្ណោះ តោះតោះលេងទឹក នឹងមានការរៀបចំទីតាំងសម្រាប់ក្មេងៗលេងកម្សាន្ត កម្មវិធីប្រកួតម៉ារ៉ាតុង និងកម្មវិធីជិះកង់ធ្លាក់ទឹកផងដែរ។ កាន់តែពិសេសជាងនេះ យើងនឹងមានវង់តន្រ្តីស្គរដៃរបស់ក្រុមយុវជនស្ម័គ្រចិត្ត ដើម្បីបង្កបរិយាកាសឲ្យកាន់តែមានភាពអ៊ូអរ និង សប្បាយរីករាយក្រោយការលេងល្បែងកម្សាន្ត។ តោះតោះ លេងទឹកមានទីតាំងនៅបរិវេណត្រពាំងសេសមុខប្រាសាទអង្គរវត្ត។

៣.កម្មវិធីភូមិបេតិកភណ្ឌវប្បធម៌
កម្មវិធីភូមិបេតិកភណ្ឌវប្បធម៌៖ ជាកម្មវិធីមួយនៃព្រឹត្តិការណ៍អង្គរសង្ក្រាន្ដ ដែលផ្ដល់ឱកាសជូនភ្ញៀវជាតិ និងអន្តរជាតិបានស្វែងយល់តែច្បាស់ អំពីសម្បត្តិបេតិកភណ្ឌរបស់ខ្មែរ ដែលបានចុះក្នុងបញ្ជីសម្បត្តិបេតិកភណ្ឌពិភពលោកដូចជា ប្រាសាទអង្គរវត្ត ប្រាសាទព្រះវិហារ និងតំបន់ប្រាសាទសម្បូរព្រៃគុក ក៏ដូចជាសម្បត្តិបេតិកភណ្ឌវប្បធម៌អរូបីនៃមនុស្សជាតិដូចជារបាំព្រះរាជទ្រព្យ ល្ខោន ស្រមោលស្បែកធំ ល្បែងទាញព្រ័ត្រ និងចាប៉ីដងវែង។ ក្រៅពីនេះ ក៏មានការលេងល្បែងប្រជាប្រិយ និងវង់តន្ត្រីសម្រាប់រាំ កម្សាន្តផងដែរ។ កម្មវិធីនេះក៏មានគោលបំណងរំលេចនូវដំណឹងដឹងពីការសាងសង់ប្រាសាទបុរាណ និងការងារបច្ចេកទេស ជាច្រើនលើការការពារ និងអភិរក្សសម្បត្តិបេតិកភណ្ឌរបស់មន្ត្រីជំនាញផងដែរ។ កម្មវិធីភូមិបេតិកភណ្ឌវប្បធម៌មានទីតាំង នៅមាត់កសិណអង្គរខាងជើង។

៤. កម្មវិធីពិព័រណ៍ពាណិជ្ជកម្ម៖ កម្មវិធីនេះមានគោលបំណងជាចម្បង ដើម្បីបង្ហាញពីសក្តានុពលនៃផលិតផលជាច្រើន ក៏ដូចជាផលិតផលកម្ពុជាទូទាំងប្រទេស និងបង្ហាញភ្ញៀវជាតិ និងអន្តរជាតិអំពីសក្ដានុពលសេដ្ឋកិច្ច ពាណិជ្ជកម្ម និងប្រភេទផលិតផលកម្ពុជា ក៏ដូចជាការលើកកម្ពស់ ចលនាទិញផលិតផលខ្មែរ។

តាមរយៈការផ្តល់ឱកាសដល់ពាណិជ្ជករ សហគ្រិន និងពាណិជ្ជករបានចូលរួមក្នុងការតាំងពិព័រណ៍ ដើម្បីផ្សព្វផ្សាយ និងផ្សព្វផ្សាយផលិតផលគុណភាព និងសុវត្ថិភាព ឱ្យមានការទទួលស្គាល់កាន់តែទូលំទូលាយ។ លើសពីនេះ បន្ថែមពីលើការតាំងពិព័រណ៌ផលិតផលទូទៅ កម្មវិធីនេះ នឹងចូលរួមចំណែកក្នុងការបង្ហាញពីអត្តសញ្ញាណវប្បធម៌ជាតិ និងគាំទ្រដល់ការផ្សព្វផ្សាយផលិតផលសិប្បកម្មខ្មែរប្រកបដោយភាពច្នៃប្រឌិត ឱ្យកាន់តែមានប្រជាប្រិយភាពនៅទូទាំងតំបន់ និងពិភពលោក ជាពិសេសជំរុញការអភិវឌ្ឍន៍អាជីវកម្ម។

សហគ្រាសធុនតូច និងមធ្យម រួមទាំងវិស័យពាណិជ្ជកម្ម មានគោលបំណងរួមចំណែកដល់កំណើនសេដ្ឋកិច្ច ដោយបង្កើតការងារ និងប្រាក់ចំណូលជូនប្រជាពលរដ្ឋ តាមរយៈការលក់ផលិតផល និងសេវាកម្ម។ ផលិតផលដែលនឹងត្រូវដាក់តាំងបង្ហាញរួមមាន៖ សម្លៀកបំពាក់ របស់ប្រើប្រាស់ប្រចាំថ្ងៃ គ្រឿងអេឡិចត្រូនិច សិប្បកម្ម សូត្រខ្មែរ ប៉ាក់ សិប្បកម្មផ្តៅ សិប្បកម្មសូត្រខ្មែរ ប៉ាក់ សិប្បកម្ម គ្រឿងអលង្ការ អាហារ និងផលិតផលខ្មែរផ្សេងៗទៀត។ ពិព័រណ៍ពាណិជ្ជកម្មនេះមានទីតាំងនៅសួនច្បារមុខព្រះបរមរាជវាំង៕SRP

ខេត្តសៀមរាប៖លោកទៀ សីហា បានលើកពីសមិទ្ធផលសំខាន់ៗ មួយចំនួនរបស់ខេត្តសៀមរាវ ដែលបានរួមគ្នា ខិតខំពុះពារ សម្រេចបានកន្លងមក ដោយរក្សាបាននូវសន្ដិសុខ និងសណ្ដាប់ ធ្នាប់សង្គមបានល្អប្រសើរ។ ក្នុងនោះការអនុវត្ដគោលនយោបាយភូមិ ឃុំ សង្កាត់ មានសុវត្ថិភាព ដែលបានរួមចំណែកជាមួយនឹងរាជរដ្ឋាភិបាលកម្ពុជា សម្រាប់ការអភិវឌ្ឍ និងការវិនិយោគ ព្រមទាំងសម្រាប់សុវត្ថិភាពរបស់សាធារណជនទូទៅ ឲ្យទទួលបាននូវភាពកក់ក្ដៅ ក្នុងជីវភាព សង្គម វប្បធម៌ សេដ្ឋកិច្ច នៅគ្រប់មជ្ឈដ្ឋានរបស់ថ្នាក់ដឹកនាំទូទាំងខេត្ដ ព្រមទាំងភ្ញៀវទេសចរ គណៈប្រតិភូជាតិ និងអន្ដរជាតិ ដែលអញ្ជើញមកទស្សនា ឬចូលរួមក្នុងកិច្ចប្រជុំនានា ជាពិសេសកិច្ចប្រជុំរដ្ឋមន្ត្រីការពារជាតិអាស៊ាន-បូក លើកទី៩ ដែលខេត្តសៀមរាបធ្វើជាម្ចាស់ផ្ទះផងដែរ។

ក្នុងបើកសន្និបាតបូកសរុបលទ្ធផលការងារប្រចាំឆ្នាំ២០២២ និង ទិសដៅអនុវត្តបន្តឆ្នាំ២០២៣ របស់រដ្ឋបាលខេត្តសៀមរាប នៅថ្ងៃចន្ទនេះ លោក ទៀ សីហា ក៏បានសម្ដែងនូវការកោតសរសើរ ចំពោះថ្នាក់ដឹកនាំ មន្ត្រីរាជការ និងកងកម្លាំងប្រដាប់អាវុធទាំងអស់ ដែលបានអនុវត្តការងារយ៉ាងសកម្ម នូវកម្មវិធីនយោបាយរបស់រាជរដ្ឋាភិបាល និង ទិសដៅភារកិច្ចរបស់ក្រសួង ស្ថាប័នពាក់ព័ន្ធ ព្រមទាំងសេចក្ដីណែនាំ ដីកាផ្សេងៗ របស់រដ្ឋបាល ខេត្ដ ប្រកប ដោយជោគជ័យ គួរជាទីមោទកភាព ហើយអង្គសន្និបាតនាពេលនេះ គឺជាឱកាសសម្រាប់យើងធ្វើការរួមគ្នាវាយតម្លៃ អំពីលទ្ធផលការងារដែលសម្រេចបាន ក្នុងឆ្នាំ២០២២ សំខាន់លើបទពិសោធន៍ និងបញ្ហាប្រឈមដែលនៅសេសសល់ ដែលយើងនឹងរួមគ្នាធ្វើការកំណត់ទិសដៅ ក្នុងឆ្នាំ២០២៣ ដើម្បីបន្តអនុវត្តកម្មវិធីកំណែទម្រង់នានា និងទិសដៅឲ្យកាន់តែមានប្រសិទ្ធភាពថែមទៀត។

អភិបាលខេត្ត បានលើកឡើងថា បន្ទាប់ពីរដ្ឋាភិបាលកម្ពុជាក្រោមការដឹកនាំដ៏ឈ្លាសវៃ របស់ សម្តេចតេជោ ហ៊ុន សែន បានដាក់ចេញឲ្យធ្វើយុទ្ធនាការ ចាក់ស្រោចវ៉ាក់សាំង នៅទូទាំងប្រទេសរួចមក បានធ្វើឲ្យស្ថានភាពនៃការឆ្លងជំងឺកូវីដ-១៩ មានការថយចុះ។

លោកបន្តថាសម្ដេចតេជោ ក៏បានសម្រេចបើកដំណើរការជាប្រក្រតីភាពឡើងវិញ នៅទូទាំងប្រទេសនាអំឡុងខែវិច្ឆិកា ឆ្នាំ២០២១ ហើយរហូតមកដល់បច្ចុប្បន្ននេះ បើទោះបីការរីករាលដាលជំងឺកូវីដ-១៩ នៅទូទាំងប្រទេសមានការថយចុះក៏ពិតមែន តែចាក់វ៉ាក់សាំងការពារជំងឺកូវីដ-១៩ នៅតែដំណើរការជាប្រក្រតីប្រកបដោយប្រសិទ្ធភាព ក្នុងនោះរដ្ឋបាលខេត្តសៀមរាប នៅតែបន្តយកចិត្តទុកដាក់លើការផ្សព្វផ្សាយ យុទ្ធនាការចាក់វ៉ាក់សាំង និង អំពាវនាវដល់ប្រជាពលរដ្ឋ មកចាក់ដូសជំរុញបន្ថែមទៀត ផងដែរ។

លោក ទៀ សីហា បានបញ្ជាក់ថា ពាក់ព័ន្ធទៅនឹងសោភ័ណភាព ក្រុងសៀមរាប យើងអាចវាយតម្លៃថា ហេដ្ឋារចនាសម្ព័ន្ធនានា ការកែលម្អស្ទឹងសៀមរាប និង ផ្លូវថ្នល់ត្រូវបានរៀបចំល្អ ពិសេសផ្លូវក្នុងក្រុង ត្រូវបានកែលម្អ និងស្ដារឡើងវិញជាបណ្តើរៗ ជាក់ស្តែងផ្លូវ ៣៨ខ្សែ និងចំណតរថយន្ត នៅតាមបណ្តោយផ្លូវជាតិលេខ៦ រហូតដល់ខាងកើត ក្រុងសៀមរាប ដែលជាអំណោយដ៏ថ្លៃថ្លា របស់ សម្តេចតេជោនាយករដ្ឋមន្ត្រីហ៊ុន សែន បានធ្វើឲ្យសមិទ្ធផល ទាំងនេះ បម្រើឲ្យការធ្វើចរាចរណ៍ និង ការដឹកជញ្ជូន ក៏ដូចជាការលើកកម្ពស់សោភ័ណភាពក្រុង ព្រមទាំងបានពង្រឹងនូវសណ្តាប់ធ្នាប់ និងសុខសុវត្ថិភាពជូនសាធារណ ជន កាន់តែប្រសើរឡើង និង ធ្វើឲ្យខេត្តសៀមរាប ទទួលបាននូវគោល នយោបាយ ភូមិ ឃុំ សង្កាត់ មានសុវត្ថិភាពលេខ១ មាន ៦៧ឃុំ-សង្កាត់ និងពានរង្វាន់ទីក្រុងស្អាតផ្ការំដួល៣ទង។

លោកបានបញ្ជាក់បន្ថែមថា ក្រៅពីសមិទ្ធផលខាងលើនេះ នៅមានសមិទ្ធផល ជាច្រើនទៀត ដែលរដ្ឋបាលខេត្ត សម្រេចបានក្នុងឆ្នាំ២០២២ កន្លងមកនេះ ជាពិសេស ការរៀបចំតំបន់អភិវឌ្ឍន៍ភូមិធម្មជាតិរុនតាឯក ស្រុកបន្ទាយស្រី និង តំបន់ពាក់ស្នែង ស្រុកអង្គរធំ ជូនប្រជាពលរដ្ឋ ដែលស្ម័គ្រចិត្តរុះរើលំនៅដ្ឋាននៅរមណីដ្ឋានអង្គរ ក្រោមគោលនយោបាយ របស់រាជ រដ្ឋាភិបាល ក្នុងការបញ្ជៀសការដកចេញសម្បតិ្តបេតិកភណ្ឌជាតិ ចេញពីបញ្ជីសម្បតិ្តបេតិកភណ្ឌពិភពលោក របស់អង្គការយូនីស្កូ ព្រមទាំងការងារកាត់ឆ្វៀលដី ជូនបងប្អូនប្រជាពលរដ្ឋ ដែលកំពុងរស់នៅក្នុងតំបន់៣ នៃបឹងទន្លេសាបទៀតផង។

អភិបាលខេត្តបានបន្ថែមថា ដើមឆ្នាំ២០២៣ នេះរដ្ឋបាលខេត្ត បានសហការ ជាមួយ គណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ និងប៉ារ៉ាហ្គេម ដោយបានរៀបចំពិធីព្រះរាជទានព្រះអគ្គិជ័យកីឡា នៅមុខក្តារបែនប្រាសាទអង្គរវត្ត ក្រោមព្រះរាជាធិបតីភាពដ៏ខ្ពង់ខ្ពស់ ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ព្រមទាំងមានការអមព្រះរាជដំណើរដោយ សម្តេចតេជោ ហ៊ុន សែន និងថ្នាក់ដឹកនាំកម្ពុជាជាច្រើនរូប ផងដែរ៕SRP

ខេត្តសៀមរាប៖ថៅកែលក់គ្រឿងសំណង់ម្នាក់ បើកឡានធ្លាក់អូរ បណ្ដាលឲ្យស្លាប់នៅកន្លែង។

ហេតុការណ៍បានកើតឡើង នៅយប់ ថ្ងៃទី២៦ខែមីនា ឆ្នាំ២០២៣ ស្ថិតនៅភូមិត្រពាំងភ្លោះ ឃុំពង្រលើ ស្រុកជីក្រែង ខេត្តសៀមរាបនៅត្រង់ចំណុចអូររមាស បង្កឡើងដោយខ្លួនឯង។

ប្រភពបានឲ្យដឹងថា ជនរងគ្រោះ ឈ្មោះតុងអាង រស់នៅភូមិខ្វាវ ឃុំខ្វាវ ស្រុកជីក្រែង ខេត្តសៀមាប មុខរបរលក់គ្រឿងសំណង់។

បើយោងតាមប្រភពប្រជាពលរដ្ឋ នៅក្បែនោះបានអោយដឺងថា ជនរងគ្រោះ ធ្វើដំណើពីត្បូងឆ្ពោះទៅភូមិខ្វាវ ដោយបើបរក្នុងល្បឿនលឿនបាត់បង់ម្ចាស់ការ ក៏ជ្រុលចង្កូតធ្លាក់ទឹកអូររមាសតែម្តង។ ករណីនេះសមត្ថកិច្ចចុះទៅដល់កន្លែងកើតហេតុនិងបានប្រគល់សាកសពឲ្យក្រុមគ្រូសារ ទទួលយកទៅធ្វើបុណ្យ៕SRP

លោកហង់ ជួន ណារ៉ុន​ បាន​ថ្លែងថា​ ក្នុងរយៈប៉ុន្មានឆ្នាំចុងក្រោយនេះ នៅក្នុងមូលដ្ឋានស្រុក បានធ្វើការប្រែក្លាយ ហេដ្ឋារចនាសម្ព័ន្ធជនបទ ពីផ្លូវដី ទៅ​ជា​ផ្លូវបេតុង និងផ្លូវកៅស៊ូ ពីស្ពានឈើ ទៅ​ជា​ស្ពានដែក និងស្ពានបេតុង​ ហេីយ​ថ្ងៃ​នេះ​ទៀត​ ​យើង​ក៏​ទទួល​បាន​សមិទ្ធផល​ថ្មី​បន្ថែម​ទៀត​ គឺ​អគារ​មណ្ឌល​សុខភាព​ ១ខ្នង​ ដែល​ជា​អំណោយ​ដ៏ថ្លៃថ្លា​ររបស់សម្តេចហ៊ុន​ សែន​ តាម​រយៈ​ ក្រសួង​សុខាភិបាល​។

លោកហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា​ និង​ជា​ប្រធាន​ក្រុម​ការងារ​ចុះ​ជួយ​ស្រុក​កងមាស​ ក៏បាន​អំពាវនាវ​ដល់​បងប្អូន​ប្រជាពលរដ្ឋ​ទាំងអស់​ ឱ្យ​ត្រៀមខ្លួន​ទៅ​បោះឆ្នោត​ជ្រើស​តាំង​តំណាង​រាស្ត្រ​ នីតិកាល​ទី​៧​ នៅ​ថ្ងៃទី​២៣​ ខែកក្កដា​ ឆ្នាំ​២០២៣​ ខាងមុខ​នេះ​ ឱ្យ​បាន​គ្រប់​ៗ​គ្នា​។

លោកថ្លែង​យ៉ាង​ដូច្នេះ​ក្នុង​ពិធី​បញ្ចុះ​បថមសិលា​សាងសង់​មណ្ឌល​សុខភាព​ថ្មី​ ស្ថិត​ក្នុង​ឃុំ​ព្រែក​ក្របៅ​ ស្រុក​កងមាស​ ខេត្តកំពង់ចាម​ នៅថ្ងៃសៅរ៍នេះ។

រដ្ឋមន្ត្រី​ក្រសួង​អប់រំយុវជន​ និង​កីឡា​ បាន​ថ្លែង​ថា​ ដោយសារ​ប្រទេស​ជាតិ​យើង​មានសុខសន្តិភាព ស្ថេរភាពនយោបាយ និង​មាន​ការ​អភិវឌ្ឍ​រីកចម្រើន​លើ​គ្រប់​វិស័យ​ ធ្វើ​ឱ្យ​គម្លាតជីវភាព​រស់នៅ​របស់ប្រជា​ពលរដ្ឋ​ នៅជនបទ និងទីក្រុងកាន់តែខិតជិតគ្នា​ និង​នាំឆ្ពោះ​ទៅរកកំណើនសេដ្ឋកិច្ចខ្ពស់​។ ជាក់ស្ដែង​ភាព​រីកចម្រើន​ និង​មានសន្តិសុខល្អ បានផ្ដល់​ឱ្យ​អាជ្ញាធរមានលទ្ធភាព ក្នុងការស្តារ​ និងកសាង ទទួលបានសមិទ្ធផលថ្មីៗជាច្រើន ដូចជាប្រព័ន្ធធារាសាស្ត្រ ទំនប់ ប្រឡាយ​ ស្រោចស្រពតូច ធំ បណ្តាញអគ្គីសនី បណ្តាញទឹកស្អាត សាលារៀន និង​វត្តអារ៉ាម​ជាដើម​។

បើ​តាម​លោក​ ភោគ​ សាវុធ​ អភិបាល​ស្រុក​កងមាស​ បាន​ឱ្យ​ដឹង​ថា​ សម្រាប់ថ្ងៃនេះគឺជាការចាប់ផ្តើម ដែលអជ្ញាធរ​មូលដ្ឋាន​ និងប្រជាពលរដ្ឋ​ក្នុង​ឃុំព្រែកក្របៅ ទទួលបានមណ្ឌល សុខភាពថ្មី នៅពេលខាង​មុខ​ ជំនួស​ឱ្យ​អគារមណ្ឌលសុខភាពចាស់ ដែលមានសភាពទ្រុឌទ្រោម ហើយ​ទីតាំងចាក់ដីសាងសង់មណ្ឌលសុខភាព​នេះ​ មានទំហំ៣០​ម៉ែត្រ​ គុណ​នឹង​៦០ម៉ែត្រ ស្ថិតក្នុងស្ថានភាពគ្រលុកជម្រៅ៥ម៉ែត្រ ដោយប្រើប្រាស់អាចម៍ដី​ និង​កំទេច​ថ្ម​ភ្នំ​ ចំនួន ១៥៣៦ឡាន ដោយ​ប្រើប្រាស់​អស់​ថវិកា​សរុប​ចំនួន ៦៥,០២០,០០០រៀល​។

លោក​អភិបាល​ស្រុក​កងមាស​ បាន​បញ្ជាក់​ថា​ ថវិកាចាក់អាចម៍ដីបំពេញទីតាំងសម្រាប់សាងសង់មណ្ឌលសុខភាពនេះ គឺ​បានមកពីការជួយគាំទ្ររបស់ក្រុមការងារថ្នាក់ជាតិ អាជ្ញាធរស្រុក ការិយាល័យសុខាភិបាលស្រុក អាជ្ញាធរភូមិ ឃុំ លោកគ្រូ អ្នកគ្រូ សិស្សានុសិស្ស សប្បុរសជនក្នុង​ និងក្រៅប្រទេស និង​បងប្អូន​ប្រជាពលរដ្ឋក្នុងមូលដ្ឋាន​ ទៅតាមការអំពាវនាវ របស់អាជ្ញាធរឃុំ។

លោកហង់ជួន ណារ៉ុន ក៏បាន​ចូលរួម​ឧបត្ថម្ភ​ជា​ថវិកា​ដល់​អាជ្ញាធរ​ឃុំ​ព្រែក​ក្របៅ​ ដែល​នៅ​ខ្វះ​កំពុង​ជំពាក់​ក្រុមហ៊ុន​ដឹក​ដី​ ចំនួន​១៤លាន​រៀល​។ លោកក៏​បាន​អញ្ជើញ​ជួបសំណេះ សំណាល ជាមួយបុគ្គលិកអប់រំ លោកគ្រូ អ្នកគ្រូ ក្នុង​ឃុំព្រែកក្របៅ​ ព្រមទាំង​បាន​ប្រគល់សម្ភារៈ (កាតាប ប៊ិច និងសៀវភៅ) ជូនបុគ្គលិកអប់រំ លោកគ្រូ អ្នកគ្រូ​ផងដែរ​៕SRP

ក្រសួងកសិកម្មរុក្ខាប្រមាញ់និងនេសាទ បានបញ្ជាក់ថា៖ ស្រូវនាងអំ ជាពូជបុរាណដែលទំនងកើតពីមួរដែលដុះក្រោយពីប្រមូលផលស្រូវចម្ការរួច បានប្រមូលទុកពូជដោយ លោកយាយម្នាក់ឈ្មោះ អំ នៅកំឡុងទសវត្សទី៨០ ក្នុងខេត្តក្រចេះ។ អង្ករនាងអំ មានខ្លិនក្រអូបប្រហើរ និងមានរស់ជាតិឆ្ងាញ់ក្រអួន ហើយមានទម្ងន់ធ្ងន់ជាងអង្ករនានា (ក្រសួងកសិកម្ម រុក្ខាប្រមាញ់ និងនេសាទ, ២០១៨)។

បើយោងតាមសម្តីលោកស្រី ឈឺន សុភាសី ម្ចាស់ហាងអង្ករស្រីមុំ៩៩ (Srey Mom99) កំពុងដាំដុះផ្ទាល់លើផ្ទៃដីជាង ២០០ហិកតា បានឱ្យដឹងថា ពូជស្រូវនេះអាចធ្វើបានតែម្តងគត់ក្នុងមួយឆ្នាំនៅរដូវវស្សា ហើយប្រមូលផលនៅចន្លោះពាក់កណ្តាលខែវិច្ឆិកា។

ក្រោយពីបានផ្សព្វផ្សាយនិងចែកចាយពូជនាងអំ អំឡុង១០ឆ្នាំក្រោយពីបានរកឃើញពូជនេះ ស្រូវនាងអំត្រូវបានដាំដុះដោយកសិករក្នុងខេត្ត និងបានចែកចាយទៅខេត្តដទៃទៀតផងដែរ។ ស្រូវនាងអំនេះក៏ត្រូវបានយកចិត្តទុកដាក់ដោយរដ្ឋាភិបាលផងដែរ និងនាំយកទៅពិសោធន៍និងបន្សុទ្ធពូជដោយស្ថានីយ៍ពិសោធន៍កសិកម្មព្រៃផ្តៅ នៃអគ្គនាយកដ្ឋានកសិកម្មនៅឆ្នាំ២០១៩ (របាយការណ៍សកម្មភាពអនុវត្តការងារប្រចាំឆមាសទី១ ឆ្នាំ២០១៩)។ លើសពីនេះ ពូជស្រូវនាំងអំ ត្រូវបានណែនាំឱ្យដាំដុះដោយ លោកឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា និងជាអ្នកជំនួញស្រូវអង្ករល្បីឈ្មោះម្នាក់នៅកម្ពុជា ថាជាពូជស្រូវប្រណិត កំពុងមានទីផ្សារល្អ ងាយស្រួលថែទាំ និងទទួលបានទិន្នផលខ្ពស់។

បច្ចុប្បន្នស្រូវនាងអំ ត្រូវបានធ្វើការដាំដុះច្រើននៅក្នុងខេត្តព្រះវិហារ កសិករបានធ្វើកសិកម្មតាមកិច្ចសន្យាដោយផលិតស្រូវសរីរាង្គស្រូវស (ស្រូវនាងអំ និងនាងអុក) ផ្គត់ផ្គង់ទៅឱ្យក្រុមហ៊ុនចំនួន ០៣ គឺក្រុមហ៊ុន អេម រុរ៉ាយិ៍ (AMRU RICE) ក្រុមហ៊ុនស៊ិកនេឈ័រអហ្វអេស៊ា (SIGNATURE OF ASIA) និងក្រុមហ៊ុនហ្គោលឌិនរ៉ាយ (GOLDEN RICE) សរុបចំនួន ៦,៧៥៣,១៩០គីឡូក្រាម ក្នុងតម្លៃស្រូវសើមចន្លោះពី ៩៦០រៀល ទៅ ១១០០រៀល ក្នុងមួយគីឡូក្រាម (CEN, 2021)៕SRP

នៅទីបញ្ជាការកងទ័ពជើងគោក នៃកងយោធពលខេមរភូមិន្ទ ឯកឧត្តម នាយឧត្តមសេនីយ៍ ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក នៅរសៀលថ្ងៃទី២៤ ខែមីនា ឆ្នាំ២០២៣ បានទទួលជួបសំណេះសំណាល និងពិភាក្សាការងារតាមទូរស័ព្ទជាមួយនឹង ឯកឧត្តម នាយឧត្តមសេនីយ៍ យុស៊ីដា យុស៊ីហ៊ីដេ (YOSHIDA Yoshihide) មេបញ្ជាការកងស្វ័យការពារជើងគោកជប៉ុន ដោយជំនួបតាមទូរស័ព្ទនេះត្រូវបានធ្វើឡើងតាមសំណើរបស់ នាយឧត្តមសេនីយ៍ យុស៊ីដា យុស៊ីហ៊ីដេ នៅក្រោយដំណើរទស្សនកិច្ចផ្លូវការរបស់រូបលោកនៅព្រះរាជាណាចក្រកម្ពុជា កាលពីពាក់កណ្តាលខែកុម្ភៈ កន្លងទៅថ្មីៗនេះ។

ក្នុងជំនួបនេះ សមភាគីទាំងពីរបានរំឭកឡើងវិញប្រកបដោយការពេញចិត្តចំពោះវឌ្ឍនភាពរីកចម្រើនគួរទីមោទនៈនៃទំនាក់ទំនងក្នុងកម្រិតកងទ័ពជើងគោកក្នុងរយៈកាលកន្លងមកនេះ ជាពិសេសការសម្រេចបាននូវការចុះហត្ថលេខាលើឯកសារលក្ខខណ្ឌ ស្តីពីកិច្ចសហប្រតិបត្តិការ (TOR) រវាងកងទ័ពជើងគោកនៃកងយោធពលខេមរភូមិន្ទ និងកងស្វ័យការពារជើងគោកជប៉ុន កាលពីថ្ងៃទី១៥ ខែកុម្ភៈ ឆ្នាំ២០២៣ ដែលនេះគឺជាសមិទ្ធផលកេរដំណែលរវាងមេបញ្ជាការកងទ័ពជើងគោកទាំងពីរ ក្នុងការចាប់ផ្តើមផ្សារភ្ជាប់ទំនាក់ទំនងជាប្រវត្តិសាស្ត្រតាមរយៈយន្តកាអចិន្ត្រៃយ៍មួយនេះសម្រាប់អ្នកបន្តវេនខាងមុខទៀត ស្របពេលដែល នាយឧត្តមសេនីយ៍ យុស៊ីដា យុស៊ីហ៊ីដេ បានជម្រាបជូន នាយឧត្តមសេនីយ៍ ហ៊ុន ម៉ាណែត ថា រូបលោកនឹងត្រូវកាន់មុខតំណែងថ្មីជា អគ្គមេបញ្ជាការកងស្វ័យការពារជប៉ុន ក្នុងពេលឆាប់ៗខាងមុខនេះ។

នាយឧត្តមសេនីយ៍ យុស៊ីដា យុស៊ីហ៊ីដេ ក៏បានឆ្លៀតឱកាសសម្តែងនូវការអបអរសាទរចំពោះ ឯកឧត្តម ហ៊ុន ម៉ាណែត ដែលត្រូវបានព្រះមហាក្សត្រនៃព្រះរាជាណាចក្រកម្ពុជា ត្រាស់ដំទ្បើងឋានន្តរសកិ្តជា “នាយឧត្តមសេនីយ៍” ដែលពិតជាស័ក្តិសមនឹងស្នាដៃ និងសមិទ្ធផលចូលរួមចំណែកនៅក្នុងការដឹកនាំពង្រឹងកងយោធពលខេមរភូមិន្ទ។

នាយឧត្តមសេនីយ៍ ហ៊ុន ម៉ាណែត ក៏បានថ្លែងអំណរគុណចំពោះមេបញ្ជាការកងស្វ័យការពារជើងគោកជប៉ុន ដែលតែងបានផ្តល់តម្លៃ និងសារៈសំខាន់ប្រកបដោយមនោសញ្ចេតនាស្និទ្ធស្នាល ចំពោះចំណងមិត្តភាព សាមគ្គីភាព និងទំនាក់ទំនងរវាងកងទ័ពជើងគោកនៃប្រទេសទាំងពីរ ជាពិសេសការប្តេជ្ញាចិត្តរបស់ភាគីមិត្តជប៉ុនក្នុងការពង្រឹង និងពង្រីកកិច្ចសហប្រតិបត្តិការក្នុងវិស័យបោសម្អាតមីន, ប្រតិបត្តិការជួយសង្គ្រោះគ្រោះមហន្តរាយ និងការបណ្តុះបណ្តាលធនធានមនុស្ស។

សមភាគីទាំងពីរ បានឯកភាពគ្នាបន្តគាំទ្រ និងជំរុញកិច្ចសហប្រតិបត្តិការក្នុងកម្រិតកងទ័ពជើងគោក ឱ្យកាន់តែសកម្ម និងរឹងមាំបន្ថែមទៀត តាមរយៈការប្រឹងប្រែងយកចិត្តទុកដាក់អនុវត្តខ្លឹមសារនៃ TOR ដែលត្រូវបានចុះហត្ថលេខារួចឱ្យមានប្រសិទ្ធភាព និងប្រសិទ្ធផលខ្ពស់ រួមនឹងការបន្តគាំទ្រគ្នាទៅវិញទៅមកក្នុងក្របខ័ណ្ឌតំបន់ ដើម្បីលើកកម្ពស់សន្តិភាព ស្ថិរភាព និងការអភិវឌ្ឍប្រកបដោយបរិយាបន្ន៕SRP

ស្ត្រីជាឃាតករត្រូវបានសមត្ថកិច្ចខេត្តកំពង់ធំឃាត់ខ្លួន ពាក់ព័ន្ធអំពើឃាតកម្ម។ ការឃាត់ខ្លួនធ្វើឡើង ដល់ថ្ងៃទី២៣ ខែមីនា ឆ្នាំ២០២៣។

ជនសង្ស័យឈ្មោះ លាវ លុយ ភេទស្រី អាយុ៤៣ឆ្នាំរស់នៅភូមិដងផ្តៀក ឃុំដូង ស្រុកប្រាសាទបល្ល័ង្ក គឺជាប្រពន្ធជនរងគ្រោះឈ្មោះ យុន សារៀង។

គួររំលឹកថាករណីឃាតកម្មនេះបានកើតឡើងកាលពីយប់ថ្ងៃទី០៧ ខែមីនា ឆ្នាំ២០២៣ ខណៈជនរងគ្រោះជាប្តីកំពុងតែដេកលង់លក់នៅលើគ្រែក្រោមផ្ទះ។

សមត្ថកិច្ចបានប្រាប់ថាបន្ទាប់ពីឃាត់ខ្លួនបានជនសង្ស័យបានសារភាពថា តាំងពីរៀបការនិងគ្នាមករូបគាត់នឹងប្តីដែលគាត់សម្លាប់នោះមានកូនចំនួនពីរនាក់ជាចំណងដៃ ប្រុសម្នាក់ និងស្រីម្នាក់ តែពួកកូនៗរបស់គាត់បាននាំគ្នាទៅរកការងារធ្វើនៅឯទីក្រុងភ្នំពេញអស់ហើយ នៅសល់តែពួកគាត់ពីនាក់ប្តីប្រពន្ធនោះទេ។

ចំណែកមូលហេតុដែលបង្ខំចិត្តរបស់គាត់ ឲ្យដាច់ចិត្តហ៊ានសម្លាប់ប្តីគាត់នេះ ក៏ដោយសារតែអស់រយៈពេលប្រហែលជាបីឆ្នាំមកហើយ ដែលប្តីរបស់គាត់បែកគំនិតមានស្រីផ្សេង ហើយតែងតែរករឿងឈ្លោះប្រកែក និងវាយដំច្រំធាក់មកលើរូបគាត់ជាប្រពន្ធស្ទើគ្មានលស់ថ្ងៃនោះទេ ឯរឿងលុយកាត់វិញនោះ ចាប់តាំងពីប្តីមានស្រីមក ប្តីមិនដែលឲ្យលុយកាក់ដល់រូបគាត់ជាប្រពន្ធយកមកចាយវាយឬក៏ទិញម្ហូបអាហារនោះដែរ គឺប្តីរបស់គាត់មើលនិងចាំចាប់តែកំហុសរបស់គាត់ជានិច្ច គាត់ធ្វើអ្វីក៏ខុស មិនដែលត្រូវចិត្តប្តីនោះទេ ធ្វើឲ្យជីវិតក្នុងគ្រួសារប្តីប្រពន្ធជួបតែរឿងក្តៅក្រហាយ រូបគាត់ជាប្រពន្ធដេកឱបទុក្ខរងតែទឹកភ្នែកទាំងថ្ងៃទាំងយប់ រួមជាមួយនឹងជេប្រមាថមើលងាយនិងវាយដំ ទើបធ្វើឲ្យគាត់ដាច់ចិត្តសម្លាប់ នៅពេលដែលឱកាសល្អមកដល់ ពេលឃើញប្តីរបស់គាត់មកពីរកស្រីវិញ ហើយប្រាស់ខ្លួនដេកនៅលើគ្រែក្រោមផ្ទះនោះ គាត់ក៏យកកាំបិតមកកាប់ផ្តាច់បំពុងករប្តីរបស់គាត់ដាច់ខ្យល់ស្លាប់ភ្មាមៗមួយរំពេច ហើយរូបគាត់ក៏រត់គេចខ្លួនបានមួយរយៈ ទើបសមត្ថកិច្ចចាប់ខ្លួនបាន។

ករណីនេះកសាងសំណុំរឿងបញ្ជូនខ្លួនទៅកាន់ពន្ធធនាគរខេត្តនៅល្ងាចថ្ងៃទី២៤ ខែមីនា នេះទៅតាមអំណាចនៃតុលាការខេត្តកំពង់ធំ៕SRP

អង្គរសង្ក្រាន្ត ( FUN RUN AND CYCLING) គឺជាព្រឹត្តិការណ៍មុនអង្គរសង្ក្រាន្ត ដើម្បីផ្សព្វផ្សាយ និងអបអរសាទរការមកដល់នៃពិធីជួបជុំគ្រួសារខ្មែរនៅព្រឹត្តិការណ៍អង្គរសង្រ្កាន្ត ខេត្តសៀមរាប។ ព្រឹត្តិការណ៍រត់ និងជិះកង់នេះ គឺជាព្រឹត្តិការណ៍ដំបូងដែលរៀបចំដោយសហភាពសហព័ន្ធយុវជនកម្ពុជា សហការជាមួយសហព័ន្ធកីឡាអត្តពលកម្មកម្ពុជាដើម្បីផ្តល់ឱកាសដល់ប្រជាពលរដ្ឋខ្មែរដែលស្រលាញ់កីឡាបានបញ្ចេញសមត្ថភាព សមត្ថភាពបច្ចេកទេស និងការបណ្តុះបណ្តាល ដើម្បីទទួលបានបទពិសោធន៍ និងបង្ហាញពីសមត្ថភាពរបស់កម្ពុជា ក្នុងការត្រៀមខ្លួនការប្រកួតនាពេលខាងមុខ។

កម្មវិធីនេះ មានគោលបំណងសំខាន់គឺ ដើម្បីអបអរសាទរការឈានមកដល់ព្រឹត្តិការណ៍អង្គរសង្ក្រាន្ដ និងការប្រកួតកីឡា ស៊ីហ្គេមលើកទី៣២ #32ndSEAGames និងអាស៊ានប៉ារ៉ាហ្គេមលើកទី១២ #12ASEANparagames ។ កម្មវិធីរត់ និងប្រណាំងកង់នេះ នឹងប្រព្រឹត្តទៅនៅថ្ងៃទី០៨ ខែមេសា (សម្រាប់ការរត់) និងថ្ងៃទី០៩ ខែមេសា (សម្រាប់ការជិះកង់) នៅក្នុងបរិវេណឧទ្យានអង្គរ ខេត្តសៀមរាប។

សូមជម្រាបជូនថា ព្រឹត្តិការណ៍ប្រណាំងកង់ និងរត់ម៉ារ៉ាតុងនេះ រៀបចំឡើងក្នុងគោលបំណង៖ ជាកម្មវិធីមុនព្រឹត្តិការណ៍ ដើម្បីផ្សព្វផ្សាយអង្គរសង្ក្រាន្តដល់សាធារណជន ប្រារព្ធពិធីចូលឆ្នាំខ្មែរ និងជួបជុំគ្រួសារខ្មែរ បំផុសឲ្យប្រជាពលរដ្ឋចូលរួមលេងកីឡា តាមការអំពាវនាវដ៏ខ្ពង់ខ្ពស់របស់សម្តេច អគ្គមហាសេនាបតី តេជោនាយករដ្ឋមន្ត្រីនៃព្រះរាជាណាចក្រកម្ពុជា ផ្តល់ឱកាសដល់អត្តពលិកក្នុងការបង្ហាញពីទេពកោសល្យនិងសមត្ថភាពបច្ចេកទេសរបស់ពួកគេ លើកកម្ពស់ និងលើកស្ទួយអត្តពលិកកម្ពុជាយើងឱ្យកាន់តែមានសក្ដានុពល និងត្រៀមខ្លួនជាស្រេចសម្រាប់កម្ពុជាយើងក្នុងការធ្វើជាម្ចាស់ផ្ទះស៊ីហ្គេមនិងលើកកម្ពស់កិត្យានុភាព និងបង្កើនចំនួនភ្ញៀវទេសចរមកកាន់ខេត្តសៀមរាបផងដែរ។

អ្នកចូលរួមអាចទិញសំបុត្រនិងអាវឥឡូវនេះ៖
https://wonderpass.asia/event
🎟 តម្លៃសំបុត្រ៖ ២០.០០០៛ (សម្រាប់មួយថ្ងៃ)
👕 តម្លៃអាវយឺត៖ ២០.០០០៛
សម្រាប់ព័ត៌មានបន្ថែម សូមទាក់ទងមក៖
📩 info@live.wonderpass.asia
☎️ 093 457 773
(ឥតគិតថ្លៃ) 1800 21 7277

ថវិកាដែលបានមកពីការទិញសំបុត្រនិងអាវ នឹងត្រូវប្រគល់ជូនមន្ទីរពេទ្យកុមារអង្គរ។

ខេត្តកំពង់ចាម​៖លោកចាន់ អ៊ាន​ រដ្ឋលេខាធិការក្រសួងមហាផ្ទៃ បាន​ផ្តាំផ្ញេី​ដល់​សិស្ស​នគរបាល​ទាំងអស់​ ត្រូវ​គោរព ក្រមសីលធម៌វិជ្ជាជីវៈ គោរពច្បាប់ និង​មានអត្តចរិកល្អ ដើម្បីក្លាយជាមន្ត្រីនគរបាលគំរូ ក្នុងការបម្រើសេវាសាធារណៈ ជូនប្រជាពលរដ្ឋ បន្ទាប់​ពី​បញ្ចប់ការសិក្សា​ ហើយ​ចេញទៅបំពេញភារកិច្ច នៅតាមអង្គភាពសាមីវិញ​។​

តំណាង​សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ​ បាន​ថ្លែង​យ៉ាង​ដូច្នេះ​ក្នុង​ឱកាស​ចុះពិនិត្យវឌ្ឍនភាពនៃការសាងសង់ហេដ្ឋារចនាសម្ព័ន្ធ និងសំណេះសំណាល សួរសុខទុក្ខ សិស្សនាយនគរបាល​ និងសិស្សនាយនគរបាលរង ជំនាន់ទី១៧ លើកទី១​ នៅសាលានគរបាលជាតិភូមិភាគ២ (ខេត្តកំពង់ចាម) នៅសុក្រនេះ។

លោកចាន់ អ៊ាន​ បានថ្លែងថា​ ក្រោមការយកចិត្តទុកដាក់ ពីថ្នាក់ដឹកនាំក្រសួងមហាផ្ទៃ ជាពិសេសក្រោមកិច្ចដឹកនាំបញ្ជាផ្ទាល់ពី សម្តេចស ខេង បណ្ឌិត្យសភា​ និងសាលានគរបាលភូមិភាគនីមួយៗ បានធ្វើកំណែទម្រង់លើ ការងារសំខាន់ៗ ជាពិសេសការអភិវឌ្ឍន៍ហេដ្ឋារចនាសម្ព័ន្ធ​ និងសម្ភារ:សិក្សា ការពង្រឹងវិន័យ និងការកសាង វប្បធម៌គុណភាព សំដៅលើកកម្ពស់ សមត្ថភាព វិជ្ជាជីវៈ កងកម្លាំងនគរបាល ឱ្យឆ្លើយតបទៅនឹងតម្រូវការអង្គភាពសាមី ព្រមទាំងស្របតាមគោលនយោបាយកំណែទម្រង់ កងកម្លាំងប្រដាប់អាវុធរបស់រាជរដ្ឋាភិបាល ក្រោមការដឹកនាំដ៏ឈ្លាសវៃ របស់សម្តេចហ៊ុន សែន។

រដ្ឋលេខាធិកា​ក្រសួង​មហាផ្ទៃ​ រូបនេះ ក៏បានផ្ដាំផ្ញើដល់បណ្ឌិត្យសភា ត្រូវបន្ត អនុវត្តភារកិច្ចរបស់ខ្លួនឱ្យទទួលបានជោគជ័យថ្មីៗបន្ថែមទៀត​ និងប្រកាន់ខ្ជាប់«វប្បធម៌គុណ» រីឯ​សិស្សនគរបាល គ្រប់រូប ត្រូវ​បន្តយកចិត្តទុកដាក់រៀនសូត្រ ហ្វឹកហាត់ ដោយធ្វើស្វ័យសិក្សាទាំងទ្រឹស្ដី​ និងការអនុវត្តជាក់ស្ដែង ហើយ​ត្រូវ​គោរពវិន័យឱ្យបានខ្ជាប់ខ្ជួន និង​ប្រកាន់ខ្ជាប់នូវទស្សនៈ«រៀនឱ្យចេះ មិនមែនរៀនឱ្យចប់នោះទេ»។

គួរបញ្ជាក់ថា​ នៅមុនពេល​ ជួបសំណេះសំណាល ជាមួយ​សិស្សនគរបាលវគ្គបណ្តុះបណ្តាលកម្រិតបឋមវិជ្ជាជីវៈនគរបាល ជំនាន់ទី១៧ លើកទី១ ចំនួន១៨៧នាក់ ដែល​មកពីបណ្ឌិត្យសភានគរបាលកម្ពុជា ស្នងការដ្ឋាននគរបាលខេត្តកំពង់ចាម ខេត្តត្បូងឃ្មុំ និងខេត្តព្រៃវែង​ គណៈប្រតិភូ បាន​អញ្ជើញ​ត្រួតពិនិត្យ​ វឌ្ឍនភាព​នៃ​ការស្ថាបនា​ និងការសាងសង់ហេដ្ឋារចនាសម្ព័ន្ធនានា ក្នុងនោះមានផ្លូវបេតុង ប្រព័ន្ធលូ អគារស្នាក់នៅ ដែលជាអំណោយរបស់ឯកឧត្តមអភិបាលនៃគណៈអភិបាលខេត្តកំពង់ចាម ខេត្តត្បូងឃ្មុំ និងខេត្តស្វាយរៀង ផងដែរ​៕SRP

លោកឧកញ៉ាបណ្ឌិត ហ៊ុយ ភៀវ ប្រធានសភាពាណិជ្ជកម្មមណ្ឌលខេត្តសៀមរាប ឧត្តរមានជ័យ បានដឹកនាំ លោកអនុប្រធាន លេខាធិការ ហេរញ្ញិក សមាជិកជ្រើសតាំង និងទីប្រឹក្សាចូលជួបសម្តែងការគួរសម និងពិភាក្សាការងារជាមួយ ឯកឧត្តម Lui Zhi Jie អគ្គកុងស៊ុលចិន ប្រចាំខេត្តសៀមរាប។

ការជួបពិភាក្សាការងារនេះធ្វើឡើងនៅ ថ្ងៃព្រហស្បតិ៍ ទី២៣ ខែមីនា ឆ្នាំ២០២៣ នេះ។

នៅក្នុងជំនួបពិភាក្សារវាងសភាពាណិជ្ជកម្មមណ្ឌលខេត្តសៀមរាប ឧត្តរមានជ័យ និងអគ្គកុងស៊ុលចិន ប្រចាំខេត្តសៀមរាបនេះ បានផ្តល់លទ្ធផលវិជ្ជមាន លើវិស័យទេសចរណ៍យ៉ាងខ្លាំងដោយ លោកឧកញ៉ាប្រធាន បានស្នើតាមរយៈ ឯកឧត្តមអគ្គកុងស៊ុល អោយជំរុញប្រជាជនចិន មកលេង ខេត្តសៀមរាប អោយបានកាន់តែច្រើន ជាពិសេសអ្នកវិនិយោគិន អោយមកបណ្តាក់ទុក ឬចាប់ដៃគូអាជីវកម្មជាមួយសហគ្រិន នៅខេត្តសៀមរាប នេះផ្ទាល់តែម្តងផងដែរ៕SRP