សម្ដេច ហ៊ុន សែន ស្នើអ្នកឧកញ៉ាឡេង ណាវ៉ាត្រា ដកបេក្ខភាពចេញសិន ទុកលទ្ធភាពឱ្យ ឬមួយអ្នកនាង ចន ច័ន្ធលក្ខិណា បន្ត ឬមួយរកបេក្ខភាពផ្សេងធ្វើប្រធានសមាគមសិន

ភ្នំពេញ៖សម្ដេចតេជោហ៊ុន សែន នៅមុននេះបន្តិចបានស្នើអ្នកឧកញ៉ា ឡេង ណាវ៉ាត្រា ដកបេក្ខភាពចេញសិន ទុកលទ្ធភាពឱ្យ ឬមួយអ្នកនាង ចន ច័ន្ធលក្ខិណា បន្តឬមួយរកបេក្ខភាពផ្សេងធ្វើប្រធានសមាគមសិន។

តាមរយៈ page facebook ផ្លូវការរបស់សម្ដេចតេជោហ៊ុន សែន នៅយប់ថ្ងៃទី 20 ខែកុម្ភៈឆ្នាំ 2024 នេះ បានសរសេរថា៖

បន្ទាប់ពីបានអានយោបល់របស់បងប្អូនលើការដាក់បេក្ខជនអ្នកឧកញ៉ាឡេង ណាវ៉ាត្រា ជាប្រធានសមាគម
សិល្បៈ ខ្ញុំសូមបញ្ជាក់និងលើកជាគំនិត
មួយចំនួនដូចខាងក្រោម៖
១.ខ្ញុំបញ្ចេញមតិផ្ទាល់ក្នុងនាមជាពលរដ្ឋម្នាក់ដែលពុំមានសិទ្ធិបោះឆ្នោតរើសប្រធានសមាគមនោះ
ទេ។
២.សន្លឹកឆ្នោតស្ថិតនៅលើដៃរបស់
សិល្បករសិល្បការីនីដែលមានសិទ្ធិ
បោះឆ្នោតឯណោះវិញទេ។
៣.រវាងសិល្បៈនិងជំនួញមិនគួរផ្សាភ្ជាប់គ្នាទេ។ ខ្ញុំដឹងពីការយឺតយ៉ាវរបស់
ក្រុមហ៊ុនក្នុងការប្រគល់ផ្ទះដោយសារ
កប់ទុនលើដីចំនួនច្រើន តែក្រុមហ៊ុន
មិនទាន់ក្ស័យធនរហូតមិនអាចមកធ្វើ
ប្រធានសមាគមនិងជួយដល់សិល្បៈបានដែរ។
៤.មិនតម្រូវថាទាល់តែចេះសិល្បៈទើបធ្វើប្រធានសមាគមសិល្បៈបាន
នោះទេ។ ដូចគ្នានេះដែរ រដ្ឋមន្ត្រីក្រសួង
វប្បធម៍យើងមិនមែនជាអ្នកសិល្បៈទេ
តែគាត់អាចគ្រប់គ្រងបានលើគ្រប់ផ្នែក។ នៅប្រទេសថៃពេលនេះរដ្ឋមន្ត្រីក្រសួងការពារជាតិមិនមែនជាទាហាន
ទេ គឺជាជនស៊ីវិលសុទ្ធសាធ តែគាត់អាចគ្រប់គ្រងទាហានបាន។ ប្រទេសមួយចំនួនរដ្ឋមន្ត្រីក្រសួងសុខាភិបាល
មិនមែនជាវេជ្ជបណ្ឌិតឬគ្រូពេទ្យទេ
តែគេគ្រប់គ្រងលើវិស័យសុខាភិបាលបាន។
ដើម្បីងាយស្រួល ខ្ញុំស្នើអ្នកឧកញ៉ាឡេង ណាវ៉ាត្រា ដកបេក្ខភាពចេញសិន ទុកលទ្ធភាពឱ្យ ឬមួយអ្នកនាង
ចន ច័ន្ធលក្ខិណា បន្ត ឬមួយរកបេក្ខភាព
ផ្សេងធ្វើប្រធានសមាគមសិន។
គំនិតរបស់របស់ខ្ញុំមិនចង់ឃើញការ
លំបាករបស់សមាគមក្នុងការស្វែងរក
ថវិកាជួយសិល្បករសិល្បការិនីជួបការលំបាក។
ឧកញ៉ា ហេង ឡុង និងអ្នកនាងចន
ចន្ធ័លក្ខិណា បានប្រឹងប្រែងជាមួយខ្ញុំប៉ុន្មានឆ្នាំមកនេះអស់ថវិកាច្រើនដើម្បីជួយសិល្បករសិល្បការិនីដែល
ជួបការលំបាក។ខ្ញុំសង្ឃឹមថាសមាគមនឹងរកបានប្រធានល្អមានលទ្ធភាពជួយសិល្បករសិល្បការិនីបាន។សម្រាប់ឧកញ៉ា ឡេង ណាវ៉ាត្រា រង់ចាំពេលក្រោយក៏មិនយឺតពេលដែរ។

សូមជម្រាបថា នៅថ្ងៃមិញនេះ សម្ដេចហ៊ុន សែន បានសរសេរសារមួយ ក្រោយឃើញអ្នកឧកញ៉ា​ ឡេង

ណាវ៉ាត្រាបង្ហាញពីបំណងចង់ឈរ
ឈ្មោះជាប្រធានសមាគមសិល្បៈ
រួចមកខ្ញុំមានអារម្មណ៍កក់ក្តៅសម្រាប់
អនាគតសមាគមមួយនេះ។

សម្ដេចហ៊ុន សែន បានសរសេរថា៖
បន្ទាប់ពីបានឃើញអ្នកឧកញ៉ា​ ឡេង
ណាវ៉ាត្រា បង្ហាញពីបំណងចង់ឈរ
ឈ្មោះជាប្រធានសមាគមសិល្បៈ
រួចមកខ្ញុំមានអារម្មណ៍កក់ក្តៅសម្រាប់
អនាគតសមាគមមួយនេះ។
កន្លងមកក៏ដូចជាបច្ចុប្បន្នខ្ញុំក៏បានរួម
ចំណែកជួយដល់សិល្បករសិល្បការីនីដែលជួបការលំបាកតាមរយៈសមាគមផងនិងតាមបុគ្គលផងខ្ញុំគិតថាបញ្ហាថវិកាទ្រទ្រង់សមាគមដើម្បីជួយ
ដោះស្រាយការលំបាករបស់សមាគម
នៅតែជាបញ្ហាប្រឈមធំ។
ដូចនេះប្រសិនបានអ្នកឧកញ៉ា
ឡេង ណាវ៉ាត្រា​ ជាប្រធានសមាគម
យើងពិតជាដោះស្រាយបានមួយផ្នែក
ធំរាប់ទាំងស្នាក់ការធ្វើការរបស់សមាគមផង។
ខ្ញុំមិនជ្រៀតជ្រែតលើការបោះឆ្នោត
រើសប្រធានសមាគមទេតែដោយសារយើងត្រូវការសិល្បៈដែល
មានការសាមគ្គីភាពនិងរីកចម្រើនទៅ
មុខទើបខ្ញុំផ្តល់ការគាំទ្របែបនេះ៕

ខេត្តសៀមរាប៖ក្នុងកិច្ចប្រជុំត្រួតពិនិត្យ​ រៀបចំសោភ័ណ​ និងសណ្តាប់ធ្នាប់សាធារណៈក្នុងតំបន់ផាប់ស្ទ្រីត បានសម្រេចណែនាំដល់ម្ចាស់ភោជនីយដ្ឋាន នៅតំបន់ផាប់ស្ទ្រីតទាំងអស់ពេលព្រឹក សូមរៀបចំទុកដាក់សម្ភារដោយត្រូវរក្សាចិញ្ចេីមផ្លូវសម្រាប់ភ្ញៀវថ្មេីជេីង។

-ណែនាំដល់ម្ចាស់ភោជនីយដ្ឋាន​ ឬក្រុមហ៊ុនដែលបានការអនុវត្តឱ្យតុបតែងភ្លេីងកាត់ទទឹងផ្លូវត្រូវពិនិត្យលក្ខណៈបច្ចេកទេសឱ្យបានត្រឹមត្រូវ​ និងល្អិតល្អន់ជៀសវាងមានគ្រោះថ្នាក់ជាយថាហេតុដល់ភ្ញៀវ។
-ត្រូវកំណត់រយៈពេល​ នៃការតុបតែងភ្លេីងលម្អនៅតំបន់ផាប់ស្ទ្រីត។

កិច្ចប្រជុំនៅថ្ងៃទី២០​ ខែកុម្ភៈ​ ឆ្នាំ២០២៤​ នៅក្លឹបកម្សាន្តមនុស្សពេញវ័យ Cheer Club ក្រោមវត្តលោក​ នាក់​ ណេរ៉ុន​ អភិបាលរងខេត្តតំណាងលោកប្រាក់​ សោភ័ណ​ អភិបាល​ និងសណ្តាប់ធ្នាប់សាធារណៈក្នុងតំបន់ផាប់ស្ទ្រីតដោយមានការចូលរួមពីលោក​ នាយករដ្ឋបាល​ តំណាងមន្ទីរ​ អង្គភាព​ ទីចាត់ការ​ និងក្រុងសៀមរាប៕

សម្ដេចធិបតីហ៊ុន ម៉ាណែត បានព្រមានប្រាប់មន្ត្រីគ្រប់ក្រសួងស្ថាប័ន ទាំងអស់ពាក់ព័ន្ធគ្រឿងញៀន ត្រូវបញ្ចប់មុខតំណែង និងបណ្តេញចេញពីក្របខ័ណ្ឌដោយគ្មានការលើកលែង។

នេះបើតាមបទបញ្ជា ស្តីពី “ការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ”។

រាជរដ្ឋាភិបាលមានភាពចាំបាច់ក្នុងការដាក់ចេញនូវវិធានការដ៏ម៉ឺងម៉ាត់តាមរយៈបទបញ្ជាដាច់ខាត ដូចខាងក្រោម៖
១, គ្រប់ក្រសួង ស្ថាប័ន និងរដ្ឋបាលថ្នាក់ក្រោមជាតិ ត្រូវបង្កើនការត្រួតពិនិត្យជាប្រចាំចំពោះមន្ត្រីរាជការស៊ីវិល មន្ត្រីនគរបាលជាតិ និងយោធិន ព្រមទាំងមន្ត្រីជាប់កិច្ចសន្យាដែលស្ថិតក្រោមឱវាទរបស់ខ្លួនលើការប្រើប្រាស់គ្រឿងញៀនខុសច្បាប់ ឬមានការពាក់ព័ន្ធនឹងគ្រឿងញៀនខុសច្បាប់។
២, គ្រប់ក្រសួង ស្ថាប័ន និងរដ្ឋបាលថ្នាក់ក្រោមជាតិ ត្រូវចាត់វិធានការបញ្ចប់មុខតំណែង និងបណ្តេញចេញពីក្របខ័ណ្ឌដោយគ្មានការលើកលែង ចំពោះមន្ត្រីរាជការស៊ីវិល មន្ត្រីនគរបាលជាតិ និងយោធិន ព្រមទាំងមន្ត្រីជាប់កិច្ចសន្យាណាដែលត្រូវបានរកឃើញថាមានការប្រើប្រាស់គ្រឿងញៀនខុសច្បាប់ ឬមានការពាក់ព័ន្ធនឹងគ្រឿងញៀនខុសច្បាប់។
៣, ការអនុវត្តទណ្ឌកម្មខាងវិន័យនេះ ពុំរារាំងដល់ការអនុវត្តទណ្ឌកម្មព្រហ្មទណ្ឌដោយអនុលោមតាមច្បាប់ និងបទប្បញ្ញត្តិជាធរមានឡើយ៕

ខេត្តសៀមរាប៖កម្មករម្នាក់បានស្លាប់ដោយសារបាក់ដីសង្កត់ពីលើនិងពីរនាក់ទៀតបានរួចផុតពីសេចក្ដីស្លាប់។

ហេតុការណ៍បានកើតឡើង វេលាម៉ោង៩និង១០នាទីថ្ងៃទី២០ ខែកុម្ភៈ ឆ្នាំ២០២៤ ត្រង់ចំណុចប្លុកZ.៦២២៩ ស្តិតក្នុងភូមិតានី (ភូមិអភិវឌ្ឍន៍) ឃុំរុនតាឯក ស្រុកបន្ទាយស្រី។

សមត្ថកិច្ចខេត្តសៀមរាប បានថ្លែងប្រាប់អង្គភាពសៀមរាប ប៉ុស្តិ៍ នៅរសៀលថ្ងៃអង្គារនេះថា ករណីនេះ (បាក់ដីសង្កត់កម្មករ) នេះខណ:កម្មករកំពុងចុះបំពេញការងារ ជីកដាក់លូត្រង់ចំណុចខាងលើ។

សមត្ថកិច្ចបានថ្លែងបន្តថា ជនរងគ្រោះ ឈ្មោះ ជួង សត្យា ភេទប្រុសអាយុ២៦ឆ្នាំ (មុខរបរកម្មករកងវិស្វកម្ម សាងសង់រចនាសម្ព័ន្ធតំបន់អភិវឌ្ឍន៍រុនតាឯក) រស់នៅភូមិ ឃុំ កើតហេតុខាងលើ បានស្លាប់ពេលបញ្ជូន មកសង្គ្រោះ នៅមណ្ឌលសុខភាពរុនតាឯក)។

បើតាមសមត្ថកិច្ច ឧបទ្ទវហេតុ នេះមូលហេតុ :ជនរងគ្រោះ និងកម្មករចំនួន២នាក់ទៀត បានចុះជីកដី ដើម្បីដាក់ប្រព័ន្ធលូ ស្រាប់តែបាក់ដីសង្កត់ពីលើតែម្ដង។ ចំណែកចំនួន២នាក់ទៀត បានក្រោកស្ទុះឡើងមកលើផុត នៅសល់តែជនរងគ្រោះម្នាក់ឯងតែប៉ុណ្ណោះ។

បច្ចុប្បន្នសាកសព សមត្ថកិច្ចបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធាន គណៈកម្មការគ្រប់គ្រងល្បែងពាណិជ្ជកម្មកម្ពុជា បានចេញសេចក្តីណែនាំ ស្តីពីការពង្រឹងការគ្រប់គ្រងប្រតិបត្តិការល្បែងផ្សងសំណាងនៅក្នុងព្រះរាជាណាចក្រកម្ពុជា៕

ខេត្តសៀមរាប៖លំនៅឋានរបស់ពលរដ្ឋមួយខ្នងត្រូវបានអគ្គិភ័យលេបត្របាក់ទាំងស្រុង។

ហេតុការណ៍បានកើតឡើង ថ្ងៃទី 19 ខែកុម្ភៈឆ្នាំ 2024 វេលាម៉ោង 9:30 នាទី ស្ថិតនៅភូមិជប់សោម ឃុំវ៉ារីនស្រុកវ៉ារិន ខេត្តសៀមរាប។

សមត្ថកិច្ចស្រុកវ៉ារិនបានប្រាប់ថា ករណីនេះម្ចាស់ផ្ទះ
ឈ្មោះ ថៃ នី ភេទប្រុសអាយុ 60 ឆ្នាំទីលំនៅភូមិជប់សោម ឃុំវ៉ារីន ស្រុកវ៉ារិន ខេត្តសៀមរាប។

សមត្ថកិច្ចបានបន្តថា ផ្ទះដែលរងការខូចខាតមានទំហំ9×6ម៉ែត្រ ប្រក់ ស័ង្កសី ធ្វើអំពីឈើ សម្ភារៈខូចខាត រួមមាន៖ សូឡាមួយគ្រឿង អាគុយពីរ ម៉ាស៊ីនបាញ់ថ្នាំ 2 គ្រឿង។ ឈើគ្រឿងផ្ទះចំនួន 2 គូប ម៉ូតូម៉ាកគុប០1គ្រឿង សម្ភារៈប្រើប្រាស់ខូចខាតទាំងស្រុង៕

ខេត្តសៀមរាប៖លោកតាវ័យជាង៦០ឆ្នាំម្នាក់ត្រូវបានគោរបស់ខ្លួនបានជល់បណ្ដាលឲ្យស្លាប់។

ហេតុការណ៍បានកើតឡើង ថ្ងៃចន្ទ ម្សិលមិញ ភូមិត្រាចជ្រុំ ឃុំអំពិល ស្រុកប្រាសាទបាគង ខេត្តសៀមរាប។

សមត្ថកិច្ចបានប្រាប់ថាជនរងគ្រោះ ឈ្មោះ គុយ ប៉ោយ ភេទប្រុស អាយុ៦៤ឆ្នាំ រស់នៅភូមិត្រាចជ្រុំ ឃុំអំពិល ស្រុកប្រាសាទបាគង ខេត្តសៀមរាប៕

ខេត្តសៀមរាប៖តាមចម្លើយសារភាពរបស់ជនសង្ស័យ ទាំង៥នាក់ បានឆ្លើយសារភាពថា: ពួកខ្លួនពិតជាបានធ្វើសកម្មភាព នេះពិតប្រាកដមែន កន្លងមកកាលពីអំឡុង ខែតុលា ឆ្នាំ ២០២៣ ដោយធ្លាប់ មានទំនាស់និងគ្នា ជនរងគ្រោះ បាននាំគ្នាមកកាប់ពួកខ្លួនដល់បន្ទប់ ទើបមានគំនុំ លុះរហូតដល់វេលាម៉ោង ០៣និង០០នាទី យប់ឈានចូលថ្ងៃទី១៨.០២.២០២៤ ពួកខ្លួនបានឃើញជនរងគ្រោះ កំពុងជិះម៉ូតូឌុបគ្នាម្តុំ pub street ទើបពួកខ្លួនបាននាំគ្នាជិះម៉ូតូទៅយកដាវ ០១ដើម ដែលលាក់ទុកនៅតាមផ្លូវលំ ជិតក្លឹបអារីណា កែងផ្សារញ៉ែរ ហើយក៏នាំគ្នាជិះត្រឡប់មករកក្រុមជនរងគ្រោះវិញ ដើម្បីសងសឹក ពេលមកដល់ pub street ក៏ឃើញជនរងគ្រោះកំពុងជិះម៉ូតូ ០១គ្រឿង ម៉ាក scoopy ពណ៌ស ជិះគ្នា ០២នាក់ ពួកខ្លួនបានជិះម៉ូតូដេញតាមពីក្រោយ មកដល់ចំណុចខាងកើត រង្វង់មូលវត្តដំណាក់ ចម្ងាយប្រហែល ១០០ ម៉ែត្រ ពួកខ្លួនបានធ្វើសកម្មភាព យកដាវ កាប់ទៅលើជនរងគ្រោះ ចំដៃឆ្វេងមួយកាំបិត បណ្តាលឲ្យម៉ូតូជនរងគ្រោះ រ៉េចង្កូតទៅបុកនិងបង្គោលភ្លើង ( ដោយឈ្មោះ មួន គិមឡុង ជាអ្នកធ្វើសកម្មភាពកាប់ ហើយ ឈ្មោះ ហួត សុបញ្ញារិទ្ធ ជាអ្នកឌុប ចំណែកបក្សពួក ០៣នាក់ ទៀតជិះតាមពីក្រោយ ) ក្រោយពេលធ្វើសកម្មភាពហើយ ពួកខ្លួនបាននាំគ្នាយកកាំបិតទៅទុកលាក់នៅផ្ទះរបស់ ឈ្មោះ ហួត សុបញ្ញារិទ្ធ បន្ទាប់មកក៏បែកផ្លូវគ្នាទៅផ្ទះរៀងខ្លួន។

សមត្ថកិច្ចបានប្រាប់ថា ជនសង្ស័យ
១. ឈ្មោះ ហួត សុបញ្ញារិទ្ធ ភេទប្រុស អាយុ ១៤ឆ្នាំ ( ឆ្នាំកំណើតថ្ងៃទី០៥. ០១. ២០១០ ) មុខរបរ សិស្ស បច្ចុប្បន្ននៅភូមិវិហារចិន សង្កាត់ស្វាយដង្គំ ក្រុងសៀមរាប។
២.ឈ្មោះ មួន គិមឡុង ភេទប្រុស អាយុ ១៦ឆ្នាំ មុខរបរ គ្មាន បច្ចុប្បន្ននៅភូមិតានី សង្កាត់រុនតាឯក ក្រុងរុនតាឯកតេជោសែន ជ័យ ខេត្តសៀមរាប ។
៣.ឈ្មោះ ត្រា ឧត្តម ភេទប្រុស អាយុ ១៦ឆ្នាំ មុខរបរ គ្មាន បច្ចុប្បន្ននៅភូមិគ្រួស សង្កាត់ស្វាយដង្គំ ក្រុង.ខេត្តសៀមរាប។
៤.ឈ្មោះ ដែន សុវណ្ណបញ្ញា ភេទប្រុស អាយុ ១៥ឆ្នាំ មុខរបរ គ្មាន បច្ចុប្បន្ននៅភូមិវាល សង្កាត់គោកចក ក្រុង.ខេត្តសៀមរាប។
៥.ឈ្មោះ ហុក ដុលា ភេទប្រុស អាយុ ១៧ឆ្នាំ មុខរបរ គ្មាន បច្ចុប្បន្ននៅភូមិទ្រាំង សង្កាត់ស្លក្រាម ក្រុង.ខេត្តសៀមរាប។

សមត្ថកិច្ចបន្តថាការឃាត់ខ្លួនជនសង្ស័យទាំង ៥នាក់ នៅថ្ងៃម្សិលមិញ ករណី: ហិង្សាដោយចេត នាមានស្ថានទម្ងន់ទោស កាលពីវេលាម៉ោង ០៣និង ៣០នាទី យប់ឈានចូលថ្ងៃទី ១៨.០២.២០២៤ ត្រង់ចំណុចខាង ជើងរង្វង់មូលវត្តដំណាក់ ស្ថិតក្នុងភូមិវត្តដំណាក់ សង្កាត់សាលាកំរើក ក្រុងសៀមរាប។
ជនរងគ្រោះចំនួន ០២នាក់ :
១.ឈ្មោះ គង់ លីអាន ភេទ ប្រុស អាយុ ១៧ឆ្នាំ មុខរបរ សិស្ស ទីលំនៅបច្ចុប្បន្នភូមិមណ្ឌលបី សង្កាត់ស្លក្រាម ក្រុង.ខេត្តសៀម រាប ( ស្លាប់ដោយសារជនសង្ស័យ កាប់ត្រូវហើយរ៉េចង្កូតម៉ូតូទៅបុកបង្គោលភ្លើង ) ។
២.ឈ្មោះ ស៊ូ សុវណ្ណត្រា ភេទប្រុស អាយុ ១៧ឆ្នាំ មុខរបរ សិស្ស ទីលំនៅបច្ចុប្បន្នភូមិមណ្ឌល៣ សង្កាត់ស្លក្រាម ក្រុង.ខេត្តសៀមរាប ( រងរបួសក្រោមភ្នែកខាងឆ្វេង ១កន្លែង,លើខ្នងដៃខាងឆ្វេងចំនួន ១កន្លែង) ។

ករណីសមត្ថកិច្ចបានបានធ្វើតេស្ត រកសារធាតុញៀន លើជនសង្ស័យទាំង ០៥នាក់ ជាលទ្ធ ផល ( អវិជ្ជមានទាំង ០៥នាក់ )។ វត្ថុតាងដកហូតបាន :ដាវ ០១ដើម និងម៉ូតូជិះធ្វើសកម្មភាព ចំនួន៣គ្រឿង៕

ខេត្តសៀមរាប៖ក្មេងប្រុសម្នាក់ត្រូវបានសមត្ថកិច្ចអះអាងថា បានលង់ទឹកស្រះស្លាប់។

ហេតុការណ៍បានកើតឡើង នៅថ្ងៃចន្ទ ទី១៩ ខែ កុម្ភ: ឆ្នាំ២០២៤ ស្ថិតនៅភូមិព្រៃគុយ ឃុំអំពិល ស្រុកប្រាសាទបាគង ខេត្តសៀមរាប។

សមត្ថកិច្ចបានប្រាប់ថា ជនរងគ្រោះ ឈ្មោះ វាសនា វិសាល ភេទប្រុសអាយុ ៧ឆ្នាំ បាន
លង់ទឹកស្រះស្លាប់ នៅខាងក្រោយផ្ទះ ដោយបានបាត់ខ្លួនប្រហែលជាម៉ោង ០៩:០០ នាទីព្រឹក ហើយត្រូវបានរកសពឃើញនៅវេលាម៉ោង ១០:៣០នាទីព្រឹកនេះ៕

ខេត្តសៀមរាប៖ជនបរទេសមួយរូបបានស្លាប់ សមត្ថកិច្ចបានអះអាងថាស្លាប់ដោយសារ ស្ទះសសៃឈាមបេះដូង។

ហេតុការណ៍បានកើតឡើង នៅវេលាម៉ោង១៣ និង៣០នាទី​ ថ្ងៃទី​១៧​ ខែកុម្ភៈ​ ឆ្នាំ​២០២៤
នៅចំណុខាងមុខប្រាសាទអង្គរវត្ត ស្ថិតនៅភូមិត្រពាំងសេះ សង្កាត់គោកចក ក្រុងសៀមរាប។

សមត្ថកិច្ចបានប្រាប់ថា ជនរងគ្រោះបាន
ដើរដួលបណ្តាលឲ្យស្លាប់តែម្ដង។ ជនរងគ្រោះ ឈ្មោះ DROZDZ JACEK WOJCIECH ភេទប្រុស អាយុ ៥៤ឆ្នាំ ជនជាតិប៉ូឡូញ កាន់លិខិតឆ្លងដែនលេខEK5085530 ជាភ្ញៀវទេសចរណ៍ ស្នាក់នៅសណ្ឋាគារ Amber Angkor Villa Hotel &Spa នៅភូមិវត្តបូព៌ សង្កាត់សាលាកំរើក ក្រុងសៀមរាប។

តាមការស្រាវជ្រាវ របស់សមត្ថកិច្ចជំនាញនិងគ្រូពេទ្យអមតុលាការ បានសន្និដ្ឋានថា ស្លាប់ដោយសារ ស្ទះសសៃឈាមបេះដូង។

សាកសព ត្រូវបានបញ្ជូនទៅតម្កល់ទុក នៅវត្តស្ទឹងមានជ័យ រាជធានីភ្នំពេញ រង់ចាំការសម្រេចពីស្ថានទូត និងក្រុមគ្រួសារ៕

ខេត្តសៀមរាប៖កម្លាំងការិយាល័យព្រហ្មទណ្ឌកំរិតធ្ងន់ នៃស្នងការដ្ឋានខេត្តសៀមរាវ បានចាប់ខ្លួនជនសង្ស័យចំនួន ០២នាក់ មានឈ្មោះដូចខាងក្រោម ៖

១. ឈ្មោះ ហួត សុបញ្ញារិទ្ធ ភេទប្រុស អាយុ ១៤ឆ្នាំ ( ឆ្នាំកំណើតថ្ងៃទី០៥. ០១.២០១០ ) មុខរបរ សិស្ស ទីលំនៅបច្ចុប្បន្ន ភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប។

២.ឈ្មោះ មួន គិមឡុង ភេទប្រុស អាយុ ១៦ឆ្នាំ មុខរបរ គ្មាន ទីលំនៅបច្ចុប្បន្ន ភូមិតានី សង្កាត់រុនងាឯក ក្រុងរុនតាឯកតេជោសែន ខេត្តសៀមរាប។

សមត្ថកិច្ចបានឲ្យដឹងថា ករណី ហឹង្សាដោយចេតនាមានស្ថានទម្ងន់ទោស បណ្តាលឲ្យមរណ:ភាព មូលហេតុ: តាមចម្លើយសារភាព របស់ជនសង្ស័យទាំង០២នាក់ បានឆ្លើយសារភាពថា ពួកគេពិតជាបានធ្វើសកម្មភាពនេះ ពិតប្រាកដមែនដោយបានធ្វើសកម្មភាព កាប់ទៅលើជនរងគ្រោះ មូលហេតុដោយសារគំនុំ ធ្លាប់មានទំនាស់និងគ្នា។

ជនរងគ្រោះចំនួន២នាក់៖ ១.ឈ្មោះ គង់ លីអាន ភេទ ប្រុស អាយុ ១៧ឆ្នាំ មុខរបរ សិស្ស ទីកន្លែងកំណើតភូមិទំនប់ សង្កាត់ទំនប់ទឹក ខ័ណ្ឌចំការមន រាជធានីភ្នំពេញុ។ ទីលំនៅបច្ចុប្បន្ន: ភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប (ស្លាប់ដោយសារជនសង្ស័យ កាប់ត្រូវហើយរេចង្កូតម៉ូតូទៅបុកបង្គោលភ្លើង )។

២.ឈ្មោះ ស៊ូ សុវណ្ណត្រា ភេទប្រុស អាយុ ១៧ឆ្នាំ មុខរបរ សិស្សបរិញ្ញាបត្រឆ្នាំទី១ ទីកន្លែងកំណើតភូមិស្រះឈូក ឃុំកំពង់ប្រណាក់ ស្រុកត្បែងមានជ័យ ខេត្រព្រះវិហារ
.ទីលំនៅបច្ចុប្បន្ន:ភូមិមណ្ឌល៣ សង្កាត់ស្លក្រាម ក្រុង.ខេត្តសៀមរាប ( រងរបួស÷ មុខខាង ចំណុចក្រោមភ្នែកខាងស្តាំ (ចំនួន ១កន្លែង), លើខ្នងដៃខាងស្តាំ (ចំនួន ១កន្លែង) ។

បច្ចុប្បន្ន: ជនសង្ស័យត្រូវបានកម្លាំងការិយាល័យព្រហ្មទណ្ឌកំរិតធ្ងន់ អនុវត្តន៍តាមនិតិវិធី។ ចំណែក ជនរងគ្រោះ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប។ ឯសពជនរងគ្រោះ ប្រគល់អោយក្រុមគ្រួសារយកទៅធ្វើបុណ្យតាមប្រពៃណី។

សូមជម្រាបថា ហេតុការណ៍នៅវេលាម៉ោង០៣ ឈានចូលថ្ងៃទី១៨ ខែកុម្ភៈ ឆ្នាំ២០២៤ ជនសង្ស័យ ជិះម៉ូតូដេញតាមកាប់ពីក្រោយដោយប្រើដាវដេញកាប់ ) នៅត្រង់ចំណុច ខាងកើតរង្វង់មូលវត្តដំណាក់ ជិតគុទាវចែមពរ ស្ថិតក្នុងភូមិវត្តដំណាក់ សង្កាត់សាលាកំរើក ក្រុងសៀមរាប ខេត្តសៀមរាប៕