ខេត្តសៀមរាប៖អាជ្ញាធរខេត្ត ដឹកនាំដោយលោក នាក់ ណេរ៉ុន អភិបាលរងខេត្ត តំណាងលោក ទៀ សីហា អភិបាលខេត្តនៅថ្ងៃទី១១ ខែមេសា ឆ្នាំ២០២០នេះ បានបន្តចុះពិនិត្យមើលស្ថានភាព និង ទទួលប្រជាពលរដ្ឋខ្មែរដែលបានវិលត្រឡប់មកពីប្រទេសថៃ នៅតាមច្រកមួយចំនួននៃខេត្តឧត្តរមានជ័យ , ខេត្តបន្ទាយមានជ័យ និងខេត្តបាត់ដំបង។ ដោយពួកមានលំនៅដ្ឋានក្នុងខេត្តសៀមរាប ចំនួន៥៤នាក់។
ក្នុងនោះ ៖ តាមច្រកប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មានចំនួន២៥នាក់ ក្នុងនោះស្រីចំនួន១២នាក់ , ច្រកជាំស្រង៉ាំ ស្រុកអន្លង់វែង ខេត្តឧត្តរមានជ័យ ចំនួន០៤នាក់ ក្នុងនោះស្រីចំនួន២នាក់ , ច្រកអូរស្មាច់ ខេត្តឧត្តរមានជ័យ ចំនួន០៨នាក់ ក្នុងនោះស្រីចំនួន៣នាក់ និង តាមច្រកដូង ខេត្តបាត់ដំបង ចំនួន១៧នាក់ ដោយក្រុមការងារបានដឹកជញ្ជូនពួកគាត់ មកខេត្តសៀមរាបវិញ នៅថ្ងៃនេះផងដែរ ។

គួររំលឹកថា កាលពីម៉ោង ១២ អាធ្រាត្រឈានចូលថ្ងៃទី១១ ខែមេសា ឆ្នាំ២០២០នេះ អាជ្ញាធរខេត្តសៀមរាប បានទៅដឹកជញ្ជូនប្រជាពលរដ្ឋទើបត្រឡប់មកពីប្រទេសថៃ ចូលមកខេត្តសៀមរាប នៅតាមច្រកព្រំដែនកម្ពុជា-ថៃ សរុបចំនួន ១២៣នាក់ ក្នុងនោះ ចំនួន ៩៣នាក់ ត្រូវបានដាក់ឲ្យស្នាក់នៅដាច់ដោយឡែក រយៈពេល ១៤ថ្ងៃ នៅសាលាគរុកោសល្យ និងវិក្រឹត្យការខេត្តសៀមរាប និង ចំនួន ៣០ នាក់ទៀត ត្រូវបានអាជ្ញាធរស្រុកចំនួន២ គឺស្រុកពួក និងស្រុកក្រឡាញ់ បាននាំយកទៅមូលដ្ឋានវិញ និងដាក់ឲ្យនៅដោយឡែករយ:ពេល១៤ថ្ងផងដែរ៕SRP

ខេត្តបន្ទាយមានជ័យ៖លោកសេង ទៀង ជំនួយការផ្ទាល់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវនៅរសៀល ថ្ងៃទី១១ ខែមេសា ឆ្នាំ២០២០នេះ អមដំណើរដោយលោក គាត ហ៊ុល អភិបាល ក្រុងប៉ោយប៉ែត បានអញ្ជើញចុះសាកសួរសុខទុក្ខ និងនាំយកអំណោយសប្បុរធម៌ដ៏ថ្លៃថ្លាបំផុតរបស់សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រគល់ជូនគ្រួសារកូនភ្លោះ ០៣នាក់ នៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយបែត ខេត្តបន្ទាយមានជ័យ។

អំណោយរបស់សម្តេចតេជោ និងសម្តេចកិត្តិព្រឹទ្ធបណ្ឌិត ដែលបានប្រគល់ជូននាពេលនេះរួមមាន៖ អង្ករខ្សាយ ចំនួន ២០០គីឡូក្រាម, ស្ករ-ស ០៥គីឡូក្រាម, ទឹកដោះគោម្សៅ ១កេសធំ, សារុង០២, ក្រមា ០២ និងថវិកាចំនួន ៥,០០០,០០០ (ប្រាំលាន) រៀល។ កូនភ្លោះ ៣នាក់ ដែលបានប្រសូត្រនៅក្រុងប៉ោយប៉ែតនេះ បានក្លាយជាចៅៗ របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។
លោកសេង ទៀង បាននាំនូវការផ្តាំផ្ញើសាកសួរសុខទុក្ខ ពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលតែងតែយកចិត្តទុកដាក់គិតគូររយ៉ាងហ្មត់ចត់ចំពោះសុខទុក្ខរបស់បងប្អូនប្រជាពលរដ្ឋ ពិសេសគឺសុខទុក្ខអ្នកដែលសម្រាលបានកូនភ្លោះ៣នាក់។ មិនតែប៉ុណ្ណោះ សម្តេចទាំងទ្វេបានចាត់ទុកកូនភ្លោះ ៣នាក់នេះ ជាចៅរបស់សម្តេចថែមទៀតផង។

ជាមួយគ្នានោះដែរ លោក សេង ទៀង និងលោកជំទាវ ក៏បានណែនាំឱ្យក្រុមគ្រួសារកូនភ្លោះទាំង៣នាក់នេះ ត្រូវថែរក្សាសុខភាពឱ្យបានល្អ និងរក្សាអនាម័យឱ្យបានខ្ជាប់ខ្ជួនជាប្រចាំ។
សូមជម្រាបជូនថា គ្រួសារប្រជាពលរដ្ឋ ដែលសម្រាលបានកូនភ្លោះ៣នោះ មានឪពុកឈ្មោះ ខន យ៉ាន អាយុ ៣៥ឆ្នាំ និងម្ដាយឈ្មោះ ជួប ចិត្ត អាយុ ៣២ឆ្នាំ និងនាមឈ្មោះកូនភ្លោះទាំង ៣នាក់ រួមមាន៖
១-កូនស្រីទី១ ឈ្មោះ កឹម ឡង
២-កូនស្រីទី២ ឈ្មោះ កឹម ឡា
៣-កូនស្រីទី៣ ឈ្មោះ កឹម ឡៃ។

សូមជំរាបថានេះជាគ្រួសារកូនភ្លោះ៣នាក់ លើកទី៣៦០ហើយ នៅទូទាំងប្រទេស ដែលទទួលបានអំណោយយសប្បុរសធម៌របស់សម្ដេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត៕SRP

ខេត្តកំពង់ចាម​៖អភិបាលខេត្តកំពង់ចាម លោក​ ​អ៊ុន​ ចាន់ដា​ រួមដំណេីរ​ជាមួយ​ថ្នាក់​ដឹកនាំ​ មន្ត្រី​រាជការ​ នៃមន្ទីរអង្គភាព​ពាក់ព័ន្ធ​ជុំវិញខេត្ត​ និង​ថ្នាក់ដឹកនាំ​តាម​បណ្ដា​ក្រុង​-ស្រុក​ នារសៀល​ថ្ងៃ​ទី​១១​ ខែខែមេសានេះ បាន​ទទួល​អាវ​អនុស្សាវរីយ៍​​យ៉ាង​ស្រស់​ស្អាត​ មានស្លាក​សញ្ញា​ជា​អក្សរ​ (សាលប្រជុំ សសរ១០០ សម្តេចតេជោ សួនគ្រញូង-នគរបាជ័យ)​។ ជាមួយគ្នានោះ​ អ្នក​សារព័ត៌មាន​ ចំនួន​០៨នាក់​ ក៏បានទទួលអំណោយអាវមានស្លាកអក្សរនេះផងដែរ។ ការទទួលបានអាវនេះនៅផ្ទះគ្រញូង ស្ថិត​នៅ​ក្នុង​ភូមិ​តាណេង​ សង្កាត់​សំបួរ​មាស​ ក្រុង​កំពង់ចាម​។

លោក​ចាន់​ ផល្លី​ អភិបាល​ក្រុង​កំពង់ចាម​ បាន​ឲ្យដឹងថា​ អំណោយ​អាវ​នេះ​ ត្រូវ​បាន​លោក​​ឧបនាយករដ្ឋមន្រ្តី​ យឹម​ ឆៃលី​ ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធានក្រុមការងារថ្នាក់ជាតិចុះជួយមូលដ្ឋានខេត្តកំពង់ចាម​ ផ្តល់​ឲ្យ​ដល់ថ្នាក់ដឹកនាំ​មន្ត្រី​រាជការ​ ជា​អនុស្សាវរីយ៍​ និង​សម្រាប់​ប្រេីប្រាស់​ក្នុង​​យុទ្ធនាការ​ផ្សព្វផ្សាយ​សារ​អប់រំ​បង្ការ​ទប់ស្កាត់​ការ​រីករាលដាល​នៃ​ជំងឺ​កូវីដ​១៩​ ក្នុង​ឱកាស​បុណ្យ​ចូលឆ្នាំ​ថ្មី​ប្រពៃណី​ជាតិ​ខ្មែរ​ និង​សម្រាប់​ពិធី​សម្ពោធ​សាលប្រជុំ​ សសរ​១០០​ នាពេលនាពេលខាងមុខនេះ៕SRP

ខេត្តកំពង់ចាម៖ លោកស៊ឹម ថាវិរះ ប្រធាន មន្ទីរ កសិកម្ម រុក្ខាប្រមាញ់ និង នេសាទ ខេត្ត នៅព្រឹកមិញនេះបានផ្ដល់ជាថវិកាចំនួន៨លានរៀលជូនដល់គណៈកម្មការប្រយុទ្ធនឹងជំងឺកូវីដ១៩ ខេត្តកំពង់ចាម។ ចំណែកលោកឈុន ស្រ៊ា ម្ចាស់សាខាប្រេងឥន្ធនៈតេលា សាខាខេត្ត បានផ្តល់ជំនួយួយ ជាអង្ករ គ្រឿងឧបភោគ បរិភោគ និនិងសម្ភារៈប្រេីប្រាស់មួយចំនួន។

គួរ បញ្ជាក់ ផង ដែរថា មន្ទីរ កសិកម្ម ៨ លានរៀល សាខា ប្រេងឥន្ធនៈ តេលា អង្កចំនួន ៣តោន ម៉ាស់ចំនួន៥០០០
ក្រម៉ាចំនួន៥០០មី ចំនួន៣០កេសធំ នឹងអាលកុលចំនួន៨កាន ស្មើរនឹង២៤០លីត្រ។ ស្ថិតក្នុងឱកាសនោះបន្ទាប់ពីថ្លែងអំណរ គុណ ដល់ម្ចាស់អំណោយ លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការប្រឆាំងជំងឺកូវីដ១៩ ខេត្ត បានលេីកឡើងដែរថា អំណោយដែល មន្ទីរ កសិកម្ម និង សាខាប្រេងឥន្ធនៈតេលា បានប្រគល់ជូននាពេលនេះ គឺជាការរួមចំណែក យ៉ាងសំខាន់ ក្នុងសកម្មភាពនានា ដើម្បីប្រយុទ្ធនឹងជំងឺកូវីដ១៩ ដែលជាការជួយ រំលែកទុក្ខលំបាកការខ្វះខាត របស់ បង ប្អូន ប្រជាពលរដ្ឋផង ជាពិសេសបងប្អូន ពលករដែលទើបតែត្រឡប់មកពី ក្រៅប្រ ទេសវិញ និងក្រុមការងារចុះបំពេញបេស កកម្ម ការពារទប់ស្កាត់ ការរីករាល ដាល នៃវីរុសកូរ៉ូណាផង ខណៈដែលរាជរដ្ឋា ភិបាលកម្ពុជា បាននឹងកំពុងយកចិត្តទុកដាក់ ក្នុងការអំពាវនាវ និងណែនាំដល់គ្រប់ស្ថាប័នរដ្ឋ វិស័យឯកជន អង្គការជាតិ អន្តរជាតិ និង បងប្អូនប្រជាពលរដ្ឋ ដេីម្បី រួមគ្នាប្រយុទ្ធ ទប់ស្កាត់ការរីករាល ដាល នៃវីរុសកូរ៉ូណា(កូវីដ១៩) ដែលជាជំងឺរាតត្បាតលេីសកលលោក ក្នុងពេលបច្ចុប្បន្ន៕SRP

ខេត្តសៀមរាប៖លោកឧត្តមសេនីយ៍ត្រី ហួត សុធី ស្នងការរងខេត្តសៀមរាប
ទទួលផែនការងារសន្តិសុខ នៅថ្ងៃទី ០៩និងទី១០ខែមេសាឆ្នាំ២០២០បានចុះត្រួតពិនិត្យ ទីតាំងឈរជើង របស់កងកម្លាំង នៅព្រំប្រទល់ខេត្តសៀមរាប ជាមួយខេត្តកំពង់ធំនិងខេត្តសៀមរាប ជាមួយខេត្តបន្ទាយមានជ័យ។

ការចុះត្រួតពិនិត្យនេះ គឺអនុវត្តន៍ តាមបទបញ្ជារបស់រាជរដ្ឋាភិបាល ក្នុងការទប់ស្កាត់ ការធ្វើដំណើរ របស់ប្រជាពលរដ្ឋ ពីខេត្តមួយ
មកខេត្តមួយ ក្នុងគោលដៅលើកកម្ពស់ ទប់ស្កាត់ការរីករាលដាលជំងឺកូវី១៩៕