ខេត្តសៀមរាប៖សាលាវេសហ្គេតអន្តរជាតិខេត្តសៀមរាប នៅថ្ងៃទី០៨ ខែកក្កដា ឆ្នាំ២០២៣ បានបើកបង្ហាញការតាំងពិព័រណ៍អប់រំនៃស្នាដៃសិស្ស ប្រចាំឆ្នាំសិក្សា២០២២-២០២៣ ដោយមានការអញ្ជើញចូលរួមពីសំណាក់ លោកស្រី ម៉ននី រង្ស៊ី អភិបាលរងខេត្តសៀមរាប និងលោក លោកស្រីតំណាង ប្រធានមន្ទីរ អង្គភាព អង្គការ ព្រមទាំងភ្ញៀវកិត្តិយសជាតិ និងអន្តរជាតិ និង មាតាបិតាអ្នកអាណាព្យាបាលសិស្សជាច្រើននាក់បានចូលរួមផងដែរ។
លោក រ័ត្ន រស្មី នាយកសាលាវេសហ្គេតអន្តរជាតិសៀមរាប បានមានប្រសាសន៍ថា ដោយមើលឃើញនូវតម្រូវការជាក់ស្តែង ដែលសិស្សានុសិស្ស ត្រូវសិក្សាទ្រឹស្តី ភ្ជាប់ជាមួយនិងការអនុវត្តន៍ជាក់ស្តែងនោះ ទើបគណៈគ្រប់គ្រងសាលា បានផ្តួចផ្តើមគំនិតជាមួយលោកគ្រូ អ្នកគ្រូ បានដឹកនាំរៀបចំ និងបំផុសអោយសិស្សានុសិស្ស បានបង្កើតកម្មវិធីនេះឡើងជារៀងរាល់ឆ្នាំ ដោយមានទាំង ផ្នែកវិទ្យាសាស្ត្រ ផ្នែកសង្គមសាស្ត្រ ផ្នែកអក្សរសាស្ត្រ ភូមិសាស្ត្រ និងប្រវត្តិសាស្ត្រ ផ្នែកសិល្បះ និងផ្នែកជា ចើនទៀត ដោយមានចំនួនសរុបប្រមាណជិត៥០ក្រុម ដែលមានការឆ្នៃនូវគំនិតឆ្នៃប្រឌិតថ្មី និងប្លែកផងដែរ។
លោក រ័ត្ន រស្មី បានមានប្រសាសន៍បញ្ជាក់បន្ថែមថាពិធីពិព័រណ៍ស្នាដៃសិស្សនេះ ពិតជាបានបង្ហាញអត្ថន័យ និងអត្ថរសខ្លាំងណាស់ សម្រាប់ ប្អូនៗ ជាពិសេសគឺបង្ហាញពីការសាមគ្គីគ្នាជាធ្លុងមួយ ធ្វើការជាក្រុម និងគំនិតស្រាវជ្រាវឆ្នៃប្រឌិតដើម្បីបង្កើតបានជារូបភាពតាមគំរោងរបស់ក្រុមពួកគេ។
សាលាក៏បានរៀបចំត្រៀមផ្ដល់រង្វាន់និងលិខិតសសើរដល់ក្រុមសិស្ស ជ័យលាភី ដែលនឹងត្រូវបានជ្រើសរើស ដែលមានគំនិតនិងស្នាដៃក្នុងការបង្កើតគំរោង និមួយៗ ដោយមានគណះកម្មការវាយតំលៃ។ ហើយចំពោះការវាយតំលៃពិន្ទុនឹងត្រូវយកពីការអោយពិន្ទុពីមហាជនដែលចូលទស្សនា បូកបញ្ចូលជាមួយគណះកម្មការវាយតំលៃផងដែរ។
លោកស្រី ម៉ននី រង្ស៊ី អភិបាលរងខេត្តសៀមរាប បានមានប្រសាសន៍ថា ការរីកចម្រើនលើវិស័យអប់រំ និងវិស័យផ្សេងៗទៀត ក្នុងខេត្តសៀមរាប ក៏ដូចជាទូទាំងប្រទេស គឺផ្តើមចេញពីឆន្ទះដ៏មោះមុតរបស់រាជរដ្ឋាភិបាល និងការដឹកនាំដ៏ឈ្លាសវៃប្រកបដោយគតិបណ្ឌិតរបស់ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុង ការកសាងមាតុភូមិឱ្យមានសុខសន្តិភាព និងការអភិវឌ្ឍប្រកបដោយភាពរីកចម្រើន ថ្កុំថ្កើងរុងរឿង។
លោកស្រី ម៉ននី រង្ស៊ី បានបន្តថាការងារអប់រំ គឺជាគន្លឹះមួយយ៉ាងសំខាន់បំផុត ក្នុងការកសាងធនធានមនុស្ស ដែលខេត្តសៀមរាប ទំាងមូល ត្រូវតែចូលរួម វិនិយោគឱ្យបានខ្លាំងក្លា និងទាមទារជាចាំបាច់ និងបន្ទាន់បំផុត នូវការចូលរួមពី គ្រប់មជ្ឈដ្ឋានជាតិ និងអន្តជាតិ ទំាងក្នុងកម្រិតថ្នាក់ជាតិ ថ្នាក់ក្រោមជាតិ និងដៃ គូរអភិវឌ្ឍ ដើម្បីជួយឱ្យ គោលដៅ នៃការអប់រំ នេះសម្រេចបានជោគជ័យ។
ក្នុងនោះដែរ ការបណ្តុះ បណ្តាលធនធានមនុស្ស គឺផ្តើមចេញពីការកសាងសមត្ថភាព និងអប់រំសីលធម៌ រស់នៅរបស់សិស្ស និស្សិត ទាំងបញ្ញាស្មារតី កាយសម្បទា មនោសញេ្ចតនា និងបំណិនជីវិតគ្រប់បែបយ៉ាង ដែលជាឱកាសដ៏ល្អបំផុត សម្រាប់អភិវឌ្ឍប្រទេសជាតិនាថ្ងៃអនាគត នៅក្នុងបរិបទសម័យឌីជីថល។
ក្នុងនាមអាជ្ញាធរខេត្ត លោកស្រី ម៉ននី រង្ស៉ី បានថ្លែងគាំទ្រចំពោះកម្មវិធីសាលាវេសហ្គេតអន្តរជាតិខេត្តសៀមរាប ដែលតែងតែប្រារព្ធកម្មវិធីពិព័រណ៍អប់រំស្នារដៃសិស្ស ដើម្បីផ្តល់ឱកាស ដល់ សិស្សានុសិស្សបានបង្ហាញនូវស្នារដៃទេពកោសល្យ និងគំនិតឆ្នៃប្រឌិតប្លែកៗ ដែលទាក់ទងទៅនិងមុខ វិជ្ជាពួកគេបានសិក្សាកន្លងមក។
លោកស្រី ម៉ននី រង្ស៉ី ក៏បានធ្វើការកោតសរសើរចំពោះស្នាដៃក្មួយៗសិស្សនុសិស្សជា ពិសេសក្មួយៗតូចៗ ដែលបានព្យាយាមសហការគ្នានៅក្នុងស្រាវជ្រាវ និងស្វែងរកនូវគំនិតឆ្នៃប្រឌិត ក្នុងបង្កើតឧបករណ៍ និងសម្ភារៈប្រើប្រាស់ ជាច្រើនថ្មី ហើយមានសភាពប្លែកផងដែរ។
លោកស្រីអភិបាលរងខេត្តសៀមរាបក៏បានមានប្រសាសន៍ថ្លែងអំណរគុណដល់ លោកនាយក លោកគ្រូ អ្នកគ្រូព្រមទាំងគណៈគ្រប់គ្រងសាលាវេសហ្គេតអន្តរជាតិខេត្តសៀមរាប ទាំងអស់ ដែលបានរួមចំណែកយ៉ាងធំធេងក្នុងការអភិវឌ្ឍវិស័យអប់រំក្នុងខេត្តសៀមរាប ឲ្យមានការរីកចម្រើន និងមានស្តង់ដារមួយល្អគួរជាទីមោទនៈ។
លោកស្រីក៏បានផ្តាំផ្ញើរដល់ លោកគ្រូ អ្នកគ្រូ សិស្សានុសិស្ស និង មាតាបិតា អណាព្យាបាល សិស្សទាំងអស់ ត្រូវប្រឹងប្រែងឲ្យអស់កម្លាំងកាយចិត្តខិតខំគាំទ្រ និងបំពេញការងារស្របតាមតួនាទី និង ភារកិច្ច ធ្វើយ៉ាងណាឲ្យការងារអប់រំដល់សិស្សានុសិស្សមានគុណភាពល្អ សំដៅដល់ចរិភាពឲ្យបានល្អ សំដៅធានានូវគុណភាពស្តង់ដារខ្ពស់មានចីរភាព ប្រសិទ្ធភាព និង មានឧត្តមភាព ប្រកួត ប្រជែងនៅ ក្នុងតំបន់ និងពិភពលោកផងដែរ៕
ភ្នំពេញ៖សម្ដេចនាយករដ្ឋមន្ត្រីហ៊ុន សែន នៅព្រឹកថ្ងៃព្រហស្បតិ៍នេះ បានបញ្ជាក់សារជាថ្មីតាមប្រព័ន្ធតេឡេក្រាមថា៖ ល្ងាចម្សិលម៉ិញ ខ្ញុំបានបង្ហោះសារមួយដែលមានន័យថា ការដែលលោក Pita មិនបានជាប់ឆ្នោតជានាយករដ្ឋមន្ត្រីថៃ វាជាបរាជ័យរបស់ក្រុមប្រឆាំងជ្រុលនិយមនៅកម្ពុជា ដោយហេតុថាក្រុមនេះបាន ប្រើប្រាស់ឈ្មោះលោក Pita និងគណបក្សរបស់លោកធ្វើការឃោសនាថា ក្រោយលោក Pita កាន់ដំណែងជានាយករដ្ឋមន្ត្រី ហើយពួកគេនិងធ្វើសកម្មភាពចេញពីទឹកដីថៃ រហូតអ្នកវិភាគតាមវិទ្យុបរទេសនិយាយភាសារខ្មែរ លើកឡើងថា មេដឹកនាំក្រុមជ្រលនិយម នឹងមកកម្ពុជាតាមទឹកដីថៃ។ ក្រុមនេះបានប្រើប្រាស់ឈ្មោះលោក Pita ជិត២ខែមកហើយតាំងពីលោកឈ្នះឆ្នោតមកម្ល៉េះ។
