ខេត្តរតនគិរី៖ កូនឈើចម្រុះចំនួន៦៤០ដើម ត្រូវបានដាំ នៅបរិវេណវត្តភ្នំបេង ស្ថិតនៅភូមិ២ សង្កាត់ កាចាញ ក្រុងបានលុង ខេត្តរតនគិរី នៅព្រឹកមិញនេះដើម្បីអបអរសាទពិធីបុណ្យរុក្ខទិវា៩កក្កដាឆ្នាំ២០២០នេះ។

ការដាំនេះដឹកនាំដោយលោក ប៊ូ ឡាំ អ្នកតំណាងរាស្ត្រ មណ្ឌលរតនគិរី និងលោកជំទាវ ព្រមទាំងមន្ត្រីរាជការ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋទាំង៤ភូមិក្នុងសង្កាត់ កាចាញ៕SRP

ខេត្តកំពង់ចាម៖លោក​អ៊ុន ចាន់ដា អភិបាលខេត្ដ​កំពង់ចាម​ បានចាត់ទុកថា ការដាំដើមឈើឲ្យបានច្រើន គឺជាផ្នែកមួយ នៃការកាត់បន្ថយ នៃការបម្រែបម្រួលអាកាសធាតុ ក៏ព្រោះតែព្រៃឈើមួយចំនួន ត្រូវបានរិចរឹល ដោយសារការកាប់បំផ្លាញ របស់មនុស្ស ។ លើសពីនេះទៀតនោះ ព្រឹត្តិការណ៍នេះ ក៏បានរួមចំណែកក្រើនរំលឹក ឲ្យមានការចូលរួមពីគ្រប់សមាសភាគ ទាំងប្រជាពលរដ្ឋ និងសិស្សានុសិស្ស ជាយុវជនជំនាន់ក្រោយៗ ឲ្យចេះស្រឡាញ់ដើមឈើ ពីព្រោះថា នៅក្នុងព្រះរាជាណាចក្រកម្ពុជារបស់យើង មានដើមឈើច្រើនប្រភេទ ដែលទាមទារឲ្យយើងទាំងអស់គ្នា ត្រូវតែចូលរួមថែរក្សាអភិរក្ស ។ ក្រៅពីនោះ ដើមឈើ ដែលយើងបានដាំនាថ្ងៃនេះ ជាផ្នែកមួយ ក្នុងការរួមចំណែកលើកកម្ពស់នូវសោភ័ណ្ឌភាពក្រុង ជាពិសេស វាក៏ជាទីម្លប់ សម្រាប់មនុស្សទូទៅ បានជ្រកកោន នាពេលអនាគត។
ជាមួយ​គ្នា​នោះ​ លោក​​អភិបាលខេត្ត​ ក៏​បាន​អំពាវនាវឲ្យប្រជាពលរដ្ឋក្នុងខេត្កកំពង់ចាម ចូលរួមថែរក្សាបរិស្ថាន និងដាំដើមឈើឲ្យបានគ្រប់ៗគ្នា ហើយ​ត្រូវស្រឡាញ់​ និងអភិរក្សធនធានធម្មជាតិ​ព្រៃឈើ​ សម្រាប់មនុស្សជាតិគ្រប់ជំនាន់ផងដែរ។
សូមបញ្ជាក់ថាអាជ្ញាធរខេត្តកំពង់ចាម នៅព្រឹកមិញ​ លោក​ ​ខ្លូត​ ផន​ ប្រធាន​ក្រុមប្រឹក្សា​ខេត្ត​ លោក​ អ៊ុន ចាន់ដា​ អភិបាលខេត្តកំពង់ចា​មមន្ត្រីរាជការ មន្ទីរ អង្គភាព​ពាក់ព័ន្ធ​ជុំវិញខេត្ត​ និងអាជ្ញាធរមូលដ្ឋាន​ ដាំកូនឈើ ព្រះរាជទាន ដោយព្រះករុណាព្រះបាទ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា នៅសួនច្បារ មុខមន្ទីរវប្បធម៌ និងវិចិត្រសិល្បៈខេត្ត៕SRP

ភ្នំពេញ៖យ៉ាងហោចណាស់រណាយន្តសរុប២.៣៦៩គ្រឿង ត្រូវបានរឹបអូស ក្នុងបទល្មើសព្រៃឈើក្នុងរយៈពេល៦ខែ ឆ្នាំ២០២០នេះ ខណៈការដោះអន្ទាក់ចាប់សត្វព្រៃនៅតំបន់ការពារធម្មជាតិក្នុងរយៈពេលដូចគ្នានេះ មានសរុបចំនួន ២០.១៧៩អន្ទាក់ បូករួមទាំងបានដកហូតកាំភ្លើងកែច្នៃដើម្បីបាញ់សត្វព្រៃរាប់រយដើម។

លោក នេត្រ ភក្ត្រា រដ្ឋលេខាធិការ និងអ្នកមន្ត្រីនាំពាក្យក្រសួងបរិស្ថាន អះអាងថា ចំនួនបទល្មើសរណាយន្ត មានការថយចុះច្រើន បើធៀបនឹង រយៈពេលដូចគ្នាកាលពីឆ្នាំ២០១៩ ដែលសរុបមានជាង៣.៤០០គ្រឿង។
លោក មានប្រសាសន៍ថា ការរឹបអូសមានការកើនឡើងនេះ បង្ហាញពីប្រសិទ្ធភាពនៃការអនុវត្តច្បាប់របស់មន្ត្រីឧទ្យានុរក្សនៃក្រសួងបរិស្ថាននិងមន្ត្រីនៃអង្គការដៃគរួមនឹងសហគមន៍តំបន់ការពារធម្មជាតិ។

ថ្លែងប្រាប់អ្នកសារព័ត៌មានក្នុងឱកាសចុះបំពេញទស្សនកិច្ចស្នាក់ការល្បាត និងទប់ស្កាត់ការកាប់ឈើ និងការបរបាញ់សត្វព្រៃខុសច្បាប់របស់មន្ត្រីអង្គការសម្ព័ន្ធមិត្ដសត្វព្រៃ នៅស្រុកស្រែអំបិល ខេត្តកោះកុង ព្រឹកថ្ងៃទី៩ ខែកក្កដានេះ លោក បានបញ្ជាក់ថា បទល្មើសភាគច្រើនពាក់ព័ន្ធនឹងការទន្ទ្រានកាន់កាប់ដីព្រៃដោយខុសច្បាប់ បទល្មើសលួចកាប់ឈើ និងបទល្មើសធនធានធម្មជាតិផ្សេងទៀត។ លោកបន្តថា មនុស្សដែលពាក់ព័ន្ធនឹងបទល្មើសកាប់ បំផ្លាញព្រៃឈើ ក៏ដូចជាបរបាញ់ និងជួញដូរសត្វព្រៃ ត្រូវបានចងក្រងសំណុំរឿងបញ្ជូនទៅតុលាការ ដើម្បីជំនុំជម្រះក្តីតាមនីតិវិធី និងបានធ្វើការផាកពិន័យអន្តរកាល ព្រមទាំងធ្វើការអប់រំនិងធ្វើកិច្ចសន្យាបញ្ឈប់ប្រព្រឹត្ត បទល្មើសបំពានធនធានធម្មជាតិបន្តទៀត។

លោក អេដាដ លេហ្ទឺរ (Eduard Lefter)មន្ត្រីគ្រប់គ្រងផ្នែកច្បាប់នៃអង្គការសម្ព័ន្ធមិត្តសត្វព្រៃ បានបង្ហាញជំហរជាមួយរាជរដ្ឋាភិបាលកម្ពុជា ពិសេសក្រសួងបរិស្ថានក្នុងកិច្ចគាំពារធនធានធម្មជាតិក្នុងប្រទេសកម្ពុជាកុំឱ្យមានការបាត់បង់បន្តទៀត។
លោកថ្លែងថា អង្គការសម្ព័ន្ធមិត្ដសត្វព្រៃបាននឹងកំពុងធ្វើការរួមគ្នាជាមួយរាជរដ្ឋាភិបាលកម្ពុជាចាប់តាំងពីឆ្នាំ២០០១មក ដោយបានផ្ដល់ជំនួយបច្ចេកទេស ដើម្បីពង្រឹងតំបន់ការពារធម្មជាតិ កែលម្អជីវភាពរស់នៅដែលអាស្រ័យលើព្រៃឈើ សង្គ្រោះសត្វព្រៃពីព្រាននិងពីការជួញដូរ និងការពារតំបន់ជួរភ្នំក្រវាញ ដែលជាព្រៃឈើទីជម្រាលប្រភព ទឹក ប្រភពជីវចម្រុះ និងជាទ្រព្យធនសេដ្ឋកិច្ចធំជាងគេរបស់ប្រទេសកម្ពុជា៕SRP

ខេត្តសៀមរាប៖អាជ្ញាធរព្រមាន ម្ចាស់ផែកនិងគណនី បើមិនបញ្ឈប់ យកនិមិត្តសញ្ញា របស់រដ្ឋបាលខេត្តសៀមរាប ទៅប្រើប្រាស់ដោយគ្មានការអនុញ្ញាត។
បើតាមអាជ្ញាធរខេត្តសៀមរាបបានឲ្យដឹងថារដ្ឋបាលខេត្តសៀមរាប សូមណែនាំដល់ម្ចាស់គណនី និងផេកមួយចំនួនឲ្យបញ្ឈប់យកនិមិត្តសញ្ញារបស់រដ្ឋបាលខេត្តទៅប្រើប្រាស់ដោយគ្មានការអនុញ្ញាត។

រយៈពេលប៉ុន្មានថ្ងៃនេះ រដ្ឋបាលខេត្តសង្កេតឃើញថាមានគណនី និងផេកហ្វេសបុកមួយចំនួនបានយកនិមិត្តសញ្ញារបស់រដ្ឋបាលខេត្តសៀមរាបទៅប្រើប្រាស់។

ដើម្បីចៀសវាងការភាន់ច្រឡំពីសំណាក់សាធារណជន រដ្ឋបាលសូមណែនាំដល់ម្ចាស់គណនី និងផេកដែលបានយកនិមិត្តសញ្ញារបស់រដ្ឋបាលខេត្តសៀមរាប ទៅប្រើប្រាស់ ឬមានបំណងយកទៅប្រើប្រាស់ សូមបញ្ឈប់ជាបន្ទាន់។

ក្នុងករណីនៅបន្តទៅប្រើប្រាស់បន្តទៀត រដ្ឋបាលខេត្តនឹងចាត់វិធានការជាផ្លូវការ និងសង្ឃឹមម្ចាស់ផែក និងគណនីទាំងនេះ អនុវត្តតាមការជូនដំណឹងនេះ។

ជាមួយគ្នានេះ រដ្ឋបាលខេត្តសូមជម្រាបជូនសាធារណជនថា រដ្ឋបាលខេត្ត មានគណនី និងផេកផ្លូវការដែលមានឈ្មោះដូចខាងក្រោម៖
ផេកខេត្ត ៖ រដ្ឋបាលខេត្តសៀមរាប/siem reap provincial hall
គណនីខេត្ត ៖ រដ្ឋបាល ខេត្តសៀមរាប

ភ្នំពេញ៖ មន្ត្រីរបស់ការិយាល័យគយ និងរដ្ឋាករបុសមន កំពុងត្រូវបានរងការរិះគន់ថាតម្រូវឲ្យក្រុមអាជីវកររកស៊ីដឹកទំនិញ
លក្ខណ:គ្រួសារបង់លុយតាមរបៀបពុករលួយដោយមិនមានចេញវិក្កយបត្រអ្វីទាំងអស់។

យោងតាមប្រភពពីអាជីវកររកស៊ីដឹកទំនិញតាមម៉ូតូ តាមរ៉ឺម៉កម៉ូតូ និងតាមត្រាក់ទ័រ នាំគ្នារអ៊ូរទាំប្រាប់អ្នកព័ត៌មានថា មានមនុស្សឈរ នៅមុខរបងការិយាល័យគយ និងរដ្ឋាករបុសមនស្ទាក់បង់ប្រាក់ក្នុងមួយម៉ូតូមួយម៉ឺនរៀល, មួយរ៉ឺម៉កម៉ូតូ០៤ម៉ឺនរៀល ទៅ៨០ម៉ឺនរៀល តាមរ៉ឺម៉កវែងខ្លី និងតាមមុខទំនិញ តាមត្រាក់ទ័រគេយក១០ម៉ឺនរៀល ក៏ប៉ុន្តែពុំមានសរសេរវិក័យបត្រ័ ឬវីញ៉ែតបង់ពន្ធទេ គ្រាន់តែដើរមើលមុខទំនិញហើយទាលុយតែម្តង។

ការបែកធ្លាយករណីមនុស្សឈរទាលុយអ្នកដឹកទំនិញនេះកើតឡើង នាព្រឹក ថ្ងៃទី០៧ ខែកក្កដា ឆ្នាំ២០២០ នៅជិតច្រកទ្វាព្រំដែនទ្វេភាគីបុសមន ឃុំបុសមនស្រុករំដួល ខេត្តស្វាយរៀង។ ពាក់ព័ន្ធករណីខាងលើនេះបណ្ដាញសារព័ត៌មាន សៀមរាបប៉ុស្តិ៍ នៅមិនទាន់ទទួលបានការបំភ្លឺពី លោក ឃុត សាលីន ប្រធានការិយាល័យគយ និងរដ្ឋាករបុសមន បាននៅឡើយទេនារសៀលថ្ងៃទី០៨កក្កដានេះ។
ប៉ុន្តែក្រោយបែកធ្លាយព័ត៌មាននេះក៏មានស្រ្តីម្នាក់ស្លៀកសំលៀកបំពាក់ស៊ីវិលបានមកប្រាប់ថា មេមិនអាចឲ្យចូលជួបសម្ភាសន៍បានទេ បើអ្នកសារព័ត៌មានគ្មានលិខិតបញ្ជាបេសកកម្មសុំជួបសម្ភាសន៍។

អ្នកសារព័ត៌មានក៏បានសួរទៅស្ត្រីនោះដែរថាពួកខ្ញុំចង់សម្ភាសន៍អំពីករណីក្រុមអាជីវករដឹកទំនិញតាមម៉ូតូ តាមម៉ូតូរ៉ឺម៉ក និងតាមត្រាក់ទ័រ ពួកគាត់រអ៊ូរទាំថា មានមនុស្សស្លៀកពាក់គ្មានឯកសណ្ឋានឈនៅខាងមុខការិយាល័យគយ និងរដ្ឋាករបុសមន ទារលុយពួកគេដែលដឹកអីវ៉ាន់បន្តិចបន្តួចតាមម៉ូតូ ក្នុង០១ម៉ូតូ០១ម៉ឺនរៀល ក្នុង០១រ៉ឺម៉កម៉ូតូ ០៤ម៉ឺនរៀល បើរ៉ឺម៉កម៉ូតូណាវែងដឹកមុខទំនិញចាប់ហួយ ឬតុ ទូ កៅអីជ័រ ពួក ដែកក្រឡាក្រួច ក្តាបកេ។ល។ ក្នុងមួយរ៉ឺម៉កចាប់ពី០៨ម៉ឺនរៀលទៅ១០ម៉ឺនរៀល បើដឹកតាមត្រាក់ទ័រមួយគ្រឿង១០ម៉ឺនរៀល និយាយទៅគឺគេមើលតាមមុខទំនិញ ដោយគ្មានសរសេវិក័យបត្រ័បង់ប្រាក់ទេ។ ដោយស្រ្តីម្នាក់ដែលមកជួបអ្នកសារព័ត៌មាននោះអះអាងថារូបគាត់ជាមន្ត្រីគយ ហើយចំពោះមានអ្នកឈយកលុយនៅមុខការិយាល័យគយនិងរដ្ឋាករបុសមន នោះក៏ជាមន្ត្រីគយដែរ គ្រាន់តែមិនបានពាក់សំលៀកបំពាក់ជាឯកសណ្ឋាន ហើយលុយកាក់បន្តិចបន្តួចពីអ្នកដឹកទំនិញតាមម៉ូតូ ឬតាមរ៉ឺម៉កនោះ គឺគេបង់ឲ្យគ្រាន់ថ្លៃបាយថ្លៃកាហ្វេ ធម្មតាប៉ុណ្ណោះ បើទំនិញដឹកតាមរថយន្តទើបមានវិក័យបត្រ័រាយមុខទំនិញបង់តាមបារ៉ែមគយ ហើយក៏មិនមិនអាចជម្រាបជូនអ្នកយកព័ត៌មានបានទេនេះជាជំនាញរបស់ស្ថាបន័។

ក្រុមអាជីវករបន្តថាបើទោះបីពួកគាត់រកស៊ីដឹកទំនិញបានបង់ពន្ធនៅតាមច្រកព្រំដែនរួចហើយ យ៉ាងណាក៏ដោយក៏មកដល់មុខការិយាល័យគយ និងរដ្ឋាករបុសមន ចៀសមិនផុតពីការបង់លុយបន្ថែមទេឲ្យមន្ត្រីគយ និងរដ្ឋាករបុសមន នោះទេ នេះអាចចាត់ទុកជារបៀបពុករលួយ៕SRP

ខេត្តកំពង់ឆ្នាំង៖ លោក ជួប ចំរើន ត្រូវបានប្រកាសតែងតាំងជាប្រធានសាខាគយនិងរដ្ឋាករខេត្តកំពង់ឆ្នាំង ជំនួស លោក ហ៊ាល ទូច ដែលត្រូវចូលនិវត្តន៍នៅរសៀលថ្ងៃទី០៨ខែកក្កដាម្សិលមិញក្នុងសាលប្រជុំសាលាខេត្តកំពង់ឆ្នាំង ក្រោមវត្តមានលោក នួន ច័ន្ទរិទ្ធ អគ្គនាយករង នៃអគ្គនាយកដ្ឋានគយ និងរដ្ឋករកម្ពុជា តំណាង លោក គុណ ញឹម ប្រតិភូរាជរដ្ឋាភិបាល ទទួលបន្ទុកអគ្គនាយក នៃអគ្គនាយកដ្ឋានគយ និងរដ្ឋករកម្ពុជា លោក ឡុង ឈុនឡៃ ប្រធានក្រុមប្រឹក្សាខេត្ត និងលោក ឈួរ ច័ន្ទឌឿន អភិបាលខេត្តកំពង់ឆ្នាំង៕SRP

ខេត្តសៀមរាប៖លោកទៀ សីហាអភិបាលខេត្តសៀមរាប បានឲ្យដឹងថាចំពោះការរុនរានទន្ទ្រានយកដីរបស់រដ្ឋ ដើម្បីវាតយកដីធ្វើកម្មសិទ្ធិ អាជ្ញាធរក្រុង ស្រុក ឃុំ សង្កាត់ និងអ្នកពាក់ព័ន្ធផ្សេងៗទៀតត្រូវធ្វើការទប់ស្កាត់ឱ្យខានតែបាន ដោយពុំអនុញ្ញាតឱ្យមានការកាប់ទន្ទ្រានវាតយកដីរដ្ឋនោះឡើយ។ អភិបាលខេត្តបន្តថាមេឃុំ ចៅសង្កាត់ត្រូវបញ្ឈប់ជាបន្ទាន់ចំពោះការហត្ថលេខាលើការទិញ លក់ដីរបស់រដ្ឋផងដែរ។
លោកបញ្ជាក់បែបនេះនៅសៀលថ្ងៃទី០៨ ខែកក្កដាម្សិលមិញក្នុងកិច្ចប្រជុំសាមញ្ញលើកទី១៤ របស់ក្រុមប្រឹក្សាខេត្ត អាណត្តិទី៣ ក្រោមវត្តមានលោកអ៉ឹង ហឿន ប្រធានក្រុមប្រឹក្សាខេត្ត។
អភិបាលខេត្តបានបញ្ជាក់ផងដែរថា អំពីការអនុវត្ត ការទប់ស្កាត់ជំងឺកូវីដ-១៩ ដោយអនុវត្តជាប្រចាំនូវការណែនាំរបស់រាជរដ្ឋាភិបាល និងក្រសួងសុខាភិបាល។ ជាមួយគ្នានេះ លោកក៏បានសង្កត់ធ្ងន់ចំពោះមន្ទីរ និងអ្នកពាក់ព័ន្ធក្នុងការចុះបញ្ជីអត្តសញ្ញាណកម្មជូនគ្រួសារ ដោយត្រូវចុះបញ្ជីឱ្យបានត្រឹមត្រូវ និងដល់គ្រួសារក្រីក្រពិតប្រាកដ ដោយពុំឱ្យមានការចុះបញ្ជីជូនតែក្រុមគ្រួសាររបស់ខ្លួននោះទេ ធ្វើយ៉ាងឱ្យផលប្រយោជន៍នេះបានទៅដល់ប្រជាពលរដ្ឋក្រីក្រពិតប្រាកដ។
សូមបញ្ជាក់ថាកិច្ចប្រជុំសាមញ្ញលើកទី១៣នេះ មានរបៀបវារៈចំនួន០៣ ដែលត្រូវដាក់ជូនក្រុមប្រឹក្សាពិនិត្យ ពិភាក្សា និងអនុម័ត ជាមួយនឹងរបៀបវារៈទាំងនេះ ឯកឧត្តម លោកជំទាវសមាជិកក្រុមប្រឹក្សាខេត្តក៏បានលើកឡើងដោយផ្តោតទៅលើបញ្ហាការអនុវត្តច្បាប់ចរាចរណ៍ សភាពការកូវីដ-១៩ ការស្តារស្ទឹងសៀមរាប ហេដ្ឋារចនាសម្ព័ន្ធ ការផ្សព្វផ្សាយព័ត៌មាន ការដឹកជញ្ជូនដី ខ្សាច់ ថ្មផងដែរ៕SRP

ខេត្តសៀមរាប៖ គ្រោះថ្នាក់ចរាចរណ៍នៅស្រុកពួកបណ្ដាលឲ្យស្លាប់ម្នាក់និងរបួស ០៣នាក់។

ហេតុការណ៍បានកើតឡើងនៅថ្ងៃពុធ ទី០៨ខែកក្កដា ឆ្នាំ២០២០វេលាម៉ោង១៨និង៣០នាទីចំណុចផ្លូវបំបែកចូលភូមិអំពិល លើផ្លូវលំក្រាលកៅស៊ូក្នុងភូមិអំពិល ឃុំសំរោងយា ស្រុកពួក ខេត្តសៀមរាប។

សមត្ថកិច្ចបានដឹងថាករណីនេះរវាងម៉ូតូបុកម៉ូតូ ដោយម៉ូតូម៉ាកស្គុបពី ពណ៌ស គ្មានពាក់ផ្លាកលេខបើកបរដោយឈ្មោះរឹត ម៉ាត់លី ភេទប្រុស អាយុ២៥ ឆ្នាំនៅភូមិថ្មី ឃុំកែវពណ៌ ស្រុកពួក ខេត្តសៀមរាប បើកបរទិសដៅពីត្បូងទៅជើងបានបុកជាមួយម៉ូតូម៉ាកហុងដា ឌ្រីមផលិតឆ្នាំ២០០៧ ពាក់ផ្លាកលេខ សៀមរាប1A1217 បើកបរដោយឈ្មោះ អឹម រ៉ានី ភេទស្រី អាយ៤៣ឆ្នាំនៅភូមិថ្នល់ សង្កាត់ស្រង៉ែ ក្រុងសៀមរាប ខេត្តសៀមរាប ដឹកឈ្មោះ ពិសិទ្ធិ សុវណ្ណារី ភេទស្រី អាយុ១៦ឆ្នាំ និងឈ្មោះ កុសល់ សុវិសុត ភេទប្រុស អាយុ៣ឆ្នាំនៅភូមិជាមួយគ្នា បើកបរទិសដៅពីត្បូងទៅជើងហើយបត់ឆ្វេង បុកហើយម៉ូតូម៉ាកហុងដាឌ្រីមបានដួលទៅលើទ្រូងផ្លូវ ហើយម៉ូតូម៉ាកស្គុបពីក៏បានជ្រុលទៅបុក ម៉ូតូម៉ាកវេវអាល់ហ្វា ពណ៌ខ្មៅ គ្មានផ្លាកលេខបើកបរដោយជនមិនស្គាល់អត្តសញ្ញាណ(រត់គេចខ្លួន)បើកបរទិសដៅពីជើងទៅត្បូង។

សមត្ថកិច្ចបន្តថាករណីនេះបណ្តាលអោយស្លាប់មនុស្សម្នាក់ឈ្មោះរឹត ម៉ាត់លី ពេលបញ្ចូនទៅដល់មន្ទីពេទ្យបង្អែកពួកនិងរបួស០៣នាក់

1/ឈ្មោះ អឹម រ៉ានី(មធ្យម)

2/ឈ្មោះពិសិទ្ធសុវណ្ណារី (ស្រាល)

៣/ឈ្មោះកុសល់ សុវិសុត (ស្រាល) និងខូចខាតម៉ូតូ០3គ្រឿងស្រាល។

បើតាមសមត្ថកិច្ចមូលហេតុម៉ូតូម៉ាកហុងដាឌ្រីមីបត់ឆ្វេងខ្វះការប្រុងប្រយ័ត្ន ម៉ូតូម៉ាកស្កុបពីបើកបរក្នុងល្បឿនលឿន។
ក្រោយពេលកើតហេតុកំលាំងផ្នែកជំនាញបានចុះទៅកន្លែងកើតហេតុ សង្គ្រោះជនរងគ្រោះនិងប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី។ចំណែកវត្ថុតាងយកមករក្សាទុកនៅអធិការដ្ឋាននគរបាលស្រុកពួកដើម្បីបន្តនិតិវិធី៕SRP

ខេត្តកំពង់ចាម​​៖លោក​​​ ស៊ីម​ គង់​ អភិបាល​ស្រុក​ស្រីសន្ធរ​​ នាព្រឹក​ថ្ងៃ​ទី​៩ ខែកក្កដា​​ ឆ្នាំ​២០២០នេះ​ បាន​អញ្ជើញ​ចូលរួម​ក្នុង​​ការដាក់​ដេញ​ថ្លៃ​គម្រោង​មូលនិធិ​ឃុំ​-សង្កាត់​ ​ឆ្នាំ​២០២០​ របស់​គណៈកម្មការ​ជាតិ​សម្រាប់​ការអភិវឌ្ឍន៍​តាម​បែប​ប្រជាធិបតេយ្យ​នៅ​ថ្នាក់​ក្រោម​ជាតិ​​​ ​ចំនួន៥គម្រោង​​ ស្មើ​នឹង​៥ឃុំ​ ដែល​បាន​ធ្វេី​ឡើង​​​នៅ​សាលា​ស្រុក​ស្រីសន្ធរ​​​​​​​​​ ក្រោម​វត្តមានលោក​ ​ឡី​ មិច​ នាយក​រង​រដ្ឋបាល​សាលា​ខេត្ត​កំពង់ចាម​​ លោក​ ប្រាក់​ ទិត្យ​ នាយក​ទីចាត់ការ​ផែនការ​និង​វិនិយោគ​ខេត្ត ដោយ​មាន​ការ​ចូលរួម​ពី​ អភិបាល​រង​ស្រុក​ គណៈកម្មការ​ម្ចាស់​លទ្ធកម្ម​ និង​មន្ត្រី​ពាក់ព័ន្ធ​ រួម​នឹង​តំណាង​ក្រុម​ហ៊ុន​ អ្នក​ទទួល​ការ​ ជា​ច្រើន​រូប​ផង​ដែរ​។

ឆ្លៀត​ក្នុង​ឱកាស​នោះ​ដែរ​ អភិបាល​ស្រុក​ស្រីសន្ធរ​ បាន​ធ្វេី​ការ​សំណូមពរ​ដល់​តំណាង​ក្រុម​ហ៊ុន​​ទាំង​អស់​ ឲ្យ​គោរព​តាម​ក្រមសីលធម៌​ផ្ទៃក្នុង​របស់​អ្នក​ទទួល​ការ​ និង​កុំ​ឲ្យ​មាន​ការ​ឃុបឃិត​គ្នា​ប្រព្រឹត្ត​អំពេី​ពុករលួយ​​ ដោយឡែក​អ្នក​ដែលឈ្នះក្នុងការដេញថ្លៃត្រូវគោរព​ឲ្យ​បានត្រឹមត្រូវ ទៅតាម​បទដ្ឋាន​លក្ខខណ្ឌបច្ចេកទេស និងរយៈពេលកំណត់ នៃកិច្ចសន្យាផងដែរ។

នាយក​រង​រដ្ឋបាល​សាលា​ខេត្ត​កំពង់ចាម​ បាន​ថ្លែង​អំណរគុណ​ដល់​អាជ្ញាធរ​ស្រុក​ស្រីសន្ធរ​ ដែល​បាន​រៀបចំ​នីតិវិធី​នៃ​ការ​ដេញ​ថ្លៃ​នេះ​ ឲ្យ​មាន​សណ្ដាប់​ធ្នាប់​ និង​របៀបរៀបរយ​ល្អ​ ព្រមទាំង​បាន​សំណូមពរ​ដល់​អ្នក​ទទួល​ការ​ ឲ្យ​សហការ​ជាមួយ​អាជ្ញាធរ​ ដេីម្បី​លុបបំបាត់នូវ​ភាព​អនាធិបតេយ្យ​ ដែល​បង្ក​ឡើង​ដោយ​ក្រុម​ឆ្លៀត​ឱកាស​មួយ​ចំនួន​ទៀត​ផង។

គួរ​បញ្ជាក់​ផង​ដែរ​ថា​ គម្រោង​ដែល​បាន​ដាក់​ឲ្យ​ដេញ​ថ្លៃ​ខាង​លើ​នេះ​ គឺមាន​ផ្លូវ​ចំនួន​៥ខ្សែ​​ ដែល​ត្រូវ​ស្ថាបនា​​ ជូន​ប្រជាពលរដ្ឋ​​ប្រើប្រាស់​ ក្នុង​នោះ​មាន​ ១-ឃុំកោះ​អណ្តែត​ សាងសង់ផ្លូវបេតុងអាមេ ប្រវែង ០.៤០០ គ.ម ទទឹង៤.៥ម៉ែត្រ កម្រាស់០.១៥ម៉ែត្រ នៅភូមិក្រូចសើច​ ។
២-ឃុំ​ជីបាល​ សាងសង់ផ្លូវបេតុងអាមេ ប្រវែង០.២២៥ គ.ម ទទឹង៥ម នៅភូមិខ្យោង​។
៣-ឃុំ​ព្រែកពោធិ​ សាងសង់ផ្លូវបេតុងអាមេ ប្រវែង ០.៥២៨គ.ម ទទឹង៥ម នៅភូមិថ្នដារ​។
៤-ឃុំ​ព្រែក​រំដេង​ សាងសង់ផ្លូវបេតុងអាមេ ប្រវែង០.៤៣០គ.ម ទទឹង៤ម នៅភូមិព្រែករំដេង​ ។ និង​៥-ឃុំ​ឬស្សី​ស្រុក​ សាងសង់ផ្លូវបេតុងអាមេ ប្រវែង០.៤០០ គ.ម ទទឹង៤.៥ម នៅភូមិឬស្សីស្រុក៕SRP

ខេត្តសៀមរាប៖ សមត្ថកិច្ចស្រុកក្រឡាញ់បានឲ្យដឹងថារថយន្តដឹកមេន(បូជាសព) ក្រឡាប់នៅស្រុកក្រឡាញ់ ថ្ងៃទី ០៩ខែកក្កដា២០២០ នេះ វេលាម៉ោង ៧និង៣០នាទី។

ហេតុការណ៍បានកើតឡើងនៅលើ ផ្លូវ ជាតិលេខ៦៨ ត្រង់ចំណុចព្រំប្រទល់ឃុំចន្លាស់ដៃ និងឃុំសែនសុខស្ថិតក្នុងភូមិដូនកាយឃុំចន្លាស់ដៃ ស្រុកក្រឡាញ់ ខេត្តសៀមរាប។

សមត្ថកិច្ចបានបន្តថារថយន្តជួបគ្រោះថ្នាក់ចរាចរណ៍នេះម៉ាក កូរ៉េ១តោនកន្លះមួយគ្រឿង ពណ៌ស ដឹក ន(បូជាសព)ពាក់ផ្លាកលេខ សៀមរាប 2A.4972 បើកបរដោយឈ្មោះ ញឹម សារ៉េន ភេទប្រុសអាយុ៤៣ ឆ្នាំ រស់នៅភូមិត្រស់ ឃុំអូរតាគី ស្រុកថ្មគោល ខេត្តបាត់ដំបង ក្នុងទិសដៅពីជើងទៅទិសខាងត្បូង បានដាច់កង់ខាងក្រោយម្ខាងក្រឡាប់ខ្លួនឯង។

ករណីនេះអ្នករួមដំណើរជាមួយ៣នាក់
១.ឈ្មោះ ណែ រើន ភេទ ប្រុស អា៤៧ឆ្នាំ
២.ឈ្មោះ លួម កង់លី ភេទ ប្រុស អាយុ២៧ឆ្នាំ(របួសស្រាល)
៣.ឈ្មោះ វឿន វឿត ភេទ ប្រុស អាយុ៤២ ឆ្នាំ រស់នៅ ភូមិ ឃុំ ជាមួយគ្នា(របួសស្រាល)៕SRP

ភ្នំពេញ៖សម្ដេចតេជោហ៊ុន សែន នាយករដ្ឋមន្ត្រី បានអំពាវនាវ សូមបងប្អូនប្រជាពលរដ្ឋខ្មែរទូទាំងចូលរួមស្រឡាញ់ថែរក្សាការពារព្រៃឈើ នឹងចូលរួមដាំដុះ កូនឈើថែរក្សាការពារបរិស្ថានធម្មជាតិឲ្យបានគង់វង្សនៅគ្រប់ទីកន្លែង ដើម្បីជាប្រយោជន៍ ដល់ការរស់នៅរបស់ខ្លូនយើងផង សហគមន៍យើងផង និងជីវិតសត្វព្រៃគ្រប់ប្រភេទផង ព្រមទាំងប្រព័ន្ធជីវៈចម្រុះជាច្រើនផងដែដែលជាសម្បត្តិរបស់មនុស្សជាតិនៅគ្រប់ជំនាន់។
សូមបញ្ជាក់ថាថ្ងៃនេះកម្ពុជាអបអរសាទរបុណ្យ «រុក្ខទិវា» ០៩ កក្កដា ឆ្នាំ២០២០។
បើតាមសម្ដេចតេជោហ៊ុន សែន បញ្ជាក់ថាបុណ្យ«រុក្ខទិវា»ត្រូវបានបង្កើតឡើងនៅក្នុងឆ្នាំ ១៩៥២ ក្រោមព្រះរាជកិច្ចដឹកនាំរបស់ ព្រះបរមរតនកោដ ព្រះមហាវីរក្សត្រ ព្រះករុណា ព្រះបាទសម្តេចព្រះ នរោត្តម សីហនុ ក្នុងគោលបំណងបំផុសចលនាដាំដើមឈើឡើងវិញ និងអោយប្រជាពលរដ្ឋចូលរួមថែរក្សាសម្បត្ដិព្រៃឈើ ជាពិសេស ដើម្បីបណ្តុះគំនិតថែរក្សា ការពារ និងគំនិតស្រលាញ់ព្រៃឈើ និងបរិស្ថានធម្មជាតិរបស់ប្រទេស៕SRP

ខេត្តសៀមរាប៖ជនជាតិបរទេសម្នាក់ បានស្លាប់ក្នុងបន្ទប់ជួល នៅវេលាម៉ោង ១៣និង៣០នាទីថ្ងៃទី០៨ ខែកក្កដា ឆ្នាំ២០២០នេះ។
ហេតុការណ៍បានកើតឡើង នៅភូមិវត្តស្វាយ សង្កាត់សាលាកំរើក ក្រុងសៀមរាប។
សមត្ថកិច្ចជនរងគ្រោះ ឈ្មោះMARET KENNETH RANDY ភេទ ប្រុស កើតថ្ងៃទី ២៤-០៧-១៩៥៦ ជនជាតិ អាមេរិក កាន់លិខិតឆ្លងដែនលេខ៦៤២៥០៨២៣៣ ជាភ្ញៀវទេសចរណ៍ ស្នាក់នៅបន្ទប់ជួលកើតហេតុខាងលើ។
ផ្អែកតាមការស្រាវជ្រាវរបស់សមត្ថកិច្ចជំនាញនិងលោកវេជ្ជបណ្ឌិត អុិត ឆបឆរ័ត្ន គ្រូពេទ្យអមតុលាការ បានសន្និដ្ឋានថា៖ជនរងគ្រោះបានស្លាប់ដោយសារ សំពាធឈាមឡើងខ្ពស់បណ្តាលឲ្យដាច់សរសៃឈាមខួរក្បាល។
សាកសពរៀបចំបញ្ជូនទៅតម្កល់ទុកបណ្តោះអាសន្ននៅវត្តទឹកថ្លា រាជធានីភ្នំពេញ ដើម្បីរង់ចាំការសម្រេចពីក្រុមគ្រួសារនិងស្ថានទូត៕SRP