Siem Reap Post – Page 1116 – Siem Reap News, Cambodia News

ខេត្តកំពង់ចាម៖គួរឲ្យសង្វេកណាស់ ក្មេងប្រុស២នាក់ បងប្អូនបង្កើត ត្រូវបានលង់ទឹកស្លាប់ ខណៈដែលពួកគេ បាននាំគ្នាចុះលេងទឹក នៅចំណុចរណ្តៅដី ទេីបតែជីកថ្មី ១កន្លែង។

ហេតុការណ៍បានកើតឡើង នៅវេលាម៉ោង៦និង៣០នាទីល្ងាច ថ្ងៃទី១៧ ខែមករា ឆ្នាំ២០២១ មានចំងាយពីផ្ទះខាងជើងភូមិ ប្រមាណជា២០០ម៉ែត្រ ស្ថិតនៅក្នុងភូមិព្រែកក្របៅ ឃុំព្រែកក្របៅ ស្រុកកងមាស ខេត្តកំពង់ចាម។

អាជ្ញាធរស្រុកកងមាស បានឲ្យដឹងថា ជនរងគ្រោះ ១ឈ្មោះ សុខ លឹមហេង អាយុ ៧ឆ្នាំ និង២ឈ្មោះ សុខ ម៉េងហុង អាយុ០៦ឆ្នាំ ។ អ្នកទាំងពីរ រស់នៅជាមួយជីតា ឈ្មោះ ទេស ឈុន អាយុ៨០ឆ្នាំ នៅភូមិឃុំ ខាងលើ។

ប្រភពបានបញ្ជាក់ដែរថាក្មេងទាំង២នាក់ មានឪពុក ឈ្មោះបូ សុខ អាយុ ៣២ឆ្នាំ និងម្ដាយ ឈ្មោះ ឈុន សម្ផស្ស អាយុ ៣៥ឆ្នាំ សព្វថ្ងៃ ទាំងពីរនាក់ ទៅធ្វើជាពលករ នៅប្រទេសជប៉ុន ដូចគ្នា។

ដោយឡែក ក្រោយពីគណ:កម្មការពិនិត្យសាកសព ឃើញថា ទាំងពីរនាក់បងប្អូន ពិតជាបានស្លាប់ ដោយសារលង់ទឹកមែន៕SRP

ខេត្តឧត្ដរមានជ័យ៖មានការរិះគន់ថាលោកអនុសេនីយ៍ឯក ម៉ា រដ្ឋា មន្រ្ដីនគរបាលប្រឆាំងបទល្មើស សេដ្ឋកិច្ច ក្រសួងមហាផ្ទៃ ប្រចាំខេត្ដរឧត្ដរមានជ័យ ដែលមានតួនាទីបេសកកម្ម គណ:កម្មការថ្នាក់ជាតិទប់ស្កាត់និងការពារធនធានធម្មជាតិ ល្បីថាឃុបឃិតជាមួយនិងមេឈ្មួញរកស៊ីបទល្មើសព្រៃឈើ ជាច្រើននាក់ នៅខេត្តឧត្តរមានជ័យ។

ប្រភពបានរាយការណ៍ថា នៅវេលាម៉ោង៥ទៀបភ្លឺថ្ងៃទី១៦ ខែមករា ឆ្នាំ២០២១ លោកអនុសេនីយ៍ឯកម៉ា រដ្ឋា បានបើករថយន្តផ្ទាល់ខ្លួន ម៉ាកកូរ៉ូឡាពណ៌ខ្មៅ ភព ៤៣៥១ បណ្ដើរ រថយន្ដសាំយ៉ុងពណ៌លឿង ពាក់ស្លាកលេខ ២M២៣៤២ ម្ចាស់ឈ្មោះ ចន្ថា ដឹកឈើប្រណិតពេញព្រៀប ចេញពីស្រុកត្រពាំងប្រាសាទ ទៅខេត្តបន្ទាយមានជ័យ ដោយមិនបានបង្ក្រាបនោះទេ។

សេចក្ដីរាយការណ៍ បានបន្ថែមថា លោកអនុសេនីយ៍ឯកម៉ា រដ្ឋា មិនត្រឹមតែមិនបង្ក្រាបបទល្មើសឈើ ប៉ុន្តែគេសង្ស័យថាជាអ្នករត់ការនិងជួយមើលផ្លូវ ឲ្យក្រុមឈ្មួញឈើផងដែរ។

ជុំវិញការរិះគន់ នេះ បណ្ដាញសៀមរាបប៉ុស្ដិ៍ នៅមិនទាន់ទទួលបានការ បំភ្លឺពីលោក អនុសេនីយ៍ ឯកម៉ា រដ្ឋា នៅឡើយទេ ដោយមិនមនលេខទូសព្ទ័ទំនាក់ទំនង។

សូមបញ្ជាក់ថានៅស្រុកត្រពាំងប្រាសាទនិងស្រុកអន្លង់វែង បទល្មើសព្រៃឈើ បានកើតយ៉ាងអាណាធិបតេយ្យ បើទោះបីមានសមត្ថកិច្ចជាច្រើនស្ថាប័ន បានដាក់ស្នាក់ការ តាមបណ្តាសង្កាត់ ដើម្បីបង្ក្រាប យ៉ាងណាក៏ដោយ៕SRP

ខេត្តកំពង់ធំ៖ក្មេងស្រីម្នាក់ មានអាយុទើបតែ៨ឆ្នាំ ប៉ុណ្ណោះ បាន ចងក សម្លាប់ខ្លួន ព្រោះតែខឹងរឿងដណ្តើមទូរស័ព្ទគ្នាលេង។

ហេតុការណ៍បានកើតឡើង នៅព្រឹក ថ្ងៃទី១៧ ខែមករា ម្សិលមិញ ស្ថិតនៅភូមិលាបទង ឃុំទ្រា ស្រុកស្ទោង ខេត្តកំពង់ធំ។

សមត្ថកិច្ចបានឲ្យដឹងថា ជនរងគ្រោះ មានឈ្មោះ ពីន សួស្តី រស់នៅស្ថិតនៅភូមិលាបទង ឃុំទ្រា ស្រុកស្ទោង ខេត្តកំពង់ធំ។

យោងតាមការបំភ្លឺពីឈ្មោះ មាស រ៉ុម ភេទស្រី អាយុ៥៨ឆ្នាំ ត្រូវជាជីដូនបង្កើត របស់កុមារី បានប្រាប់ថា៖ នៅមុនកើតហេតុ គាត់ឃើញចៅៗគាត់លេងជាមួយគ្នា។ ចំណែកគាត់ក៏ទៅដាំស្លរនៅខាងមុខផ្ទះ ពេលនោះចៅឈ្មោះពីន សួស្តី និងឈ្មោះ ធី ថេន បានដណ្តើមទូរសព្ទ័គ្នាលេង គាត់ក៏ប្រាប់ថា ចែកគ្នាមើលម្តងម្នាក់ទៅ។
ពេលគាត់ធ្វើម្ហូបឆ្អិន ក៏អោយចៅ ស៊ីពេជ្រ ទៅហៅចៅស្រី សួស្តី មកហូបបាយ ស្រាប់តែចៅពេជ្រប្រាប់ថា សួស្តី ចងក សម្លាប់ខ្លូនស្លាប់បាត់ហើយ។ គាត់ឮដូច្នេះក៏ស្ទុះទៅមើលឃើញចៅចងក និងស្នួហាលខោអាវស្លាប់តែម្ដង។

បើតាមការបញ្ជាក់ពីឈ្មោះ ធី ថេន ភេទប្រុសអាយុ១១ ឆ្នាំបាននិយាយថា៖នៅម៉ោងប្រហែល១១ព្រឹក គេនៅលេងជាមួយបងប្អូននៅក្នុងផ្ទះ ហើយលោកយាយ របស់គេបាននិយាយទូរស័ព្ទ នៅពេលលោកយាយនិយាយចប់ គាត់បានអោយទូរស័ព្ទ ទៅឈ្មោះសួស្តី ហើយរូបគេក៏បានកញ្ឆក់ យកទូរស័ព្ទ ពីឈ្មោះសួស្តី ទៅមើល សួស្តី ខឹងក៏ស្រែកយំ ហើយរត់ទៅក្រោយផ្ទះ ចូលក្នុងបន្ទប់បិទទ្វារ មួយសន្ទុះក្រោយមកឈ្មោះ ស៊ីពេជ្រ ដើររកឈ្មោះ សួស្តី ហូបបាយ ខ្លួនប្រាប់ថា សួស្តី ខឹងនិងខ្លួន នៅក្នុងបន្ទប់ខាងក្រោយ ឈ្មោះស៊ីពេជ្រ បានរត់ទៅមើល ឃើញឈ្មោះសួស្តី ចងកនិងក្រម៉ា ភ្ជាប់និងស្នួហាលខោអាវ ស្លាប់់បាត់ទៅហើយ។

ជុំវិញករណីនេះ សូមកុមារា កុមារី ដែលនិយមលេងទូរស័ព្ទ សូមកុំយកគំរូតាមជនរងគ្រោះនេះអី មិនមែនជាការល្អនោះទេ គួរតែខិតខំរៀនសូត្រឲ្យបានច្រើន៕SRP