ខេត្តត្បូងឃ្មុំ៖សមត្ថកិច្ចនគរបាលបានឲ្យដឹងថានៅថ្ងៃទី១១ ខែមិថុនា ឆ្នាំ២០២១ វេលាម៉ោង ១៣ និង៣០នាទី ប្រជាពលរដ្ឋប្រទះឃេីញមានសពមនុស្សស្រីមិនស្គាល់អត្តសញ្ញាណ អណ្ដែតទឹកច្រកនៅក្នុងវ៉ាលី នៅចំណុចមាត់ទន្លេក្រោយវិហារឥស្លាមភូមិព្រែកតូច ឃុំជីរោទ៍ទី១ ស្រុកត្បូងឃ្មុំ ខេត្តត្បូងឃ្មុំចំងាយពីវិហារ ២០០ម៉ែត្រ។

យោងតាមរបាយការណ៍បានបង្ហាញថាបន្ទាប់ពីទទួលព័ត៌មានភ្លាម កម្លាំងនគរបាល ស្រុកត្បូងឃ្មុំ និងនគរបាលរដ្ឋបាលជីរោទិ៍ទី១ បានចូលរួមសហការ ជាមួយជំនាញការិយាល័យបច្ចេកទេសវិទ្យាសាស្រ្ត នគរបាលខេត្តត្បូងឃ្មុំ និងដោយមានការចូលរួមពីអាជ្ញាធរមូលដ្ឋាន និងគ្រូពេទ្យមណ្ឌលសុខភាព ឃុំជីរោទិ៍ទី១ បានចុះដល់កន្លែងកើតហេតុ ធ្វើការពិនិត្យ និងស្រាវជ្រាវជាបន្ទាន់។

របាយការណ៍បន្តថាសពមនុស្សស្រីសំបុរស្រអែម អាយុចន្លោះពី៣០ទៅ៥០ឆ្នាំ កម្ពស់
ប្រមាណ១,៥០ម៉ែត្រ ស្លៀកពាក់អាវឈុតពណ៌បៃតងក្រឡាពងជីងចក់ ច្រកក្នុងវ៉ាលីម៉ាកsamsonite ពណ៌ខ្មៅ និងមានវត្ថុតាងជាប់ជាមួយរួមមាន៖
-កាំបិតផ្គាក់ ០១
-អាវដៃខ្លីពណ៌លឿង ០១
-ខោជើងខ្លី ០១ពណ៌ប្រផេះ
-ឯកសារពេទ្យ ០២សន្លឹក
ការពិនិត្យសព៖ សពមានសភាពហើមស្អុយរលួយស្បែក មុខហើមខ្លាំងសំគាល់ភិនភាគមិនបាន លៀន
អណ្តាត និងមានស្លាកស្នាមដូចខាងក្រោម៖
ផ្នែកក្បាល:មានស្លាកស្នាម ០៤កន្លែង៖
១.ដាច់ឆ្អឹងក្បាលពីក្រោយកាត់ទទឹងប្រវែង៦ស.ម
២.ដាច់ឆ្អឹងខាងលើត្រចៀកឆ្វេង ពីលើមកក្រោមប្រវែង៣ស.ម
៣.ជាំចង្កា ទំហំ២ស.មx៣ស.ម
៤.បាក់ឆ្អឹងខ្ទង់ច្រមុះ
+ផ្នែកក: ជាំជុំវិញក មិនបាក់ឆ្អឹងទេ
+ផ្នែកដងខ្លួន:មិនមានស្លាកស្នាមគួរកត់សម្គាល់ឬបាក់ឆ្អឹងអ្វីឡើយ
+ផ្នែកអវៈយវៈ: ដាច់សាច់ដាច់ឆ្អឹងត្រង់គន្លាក់ដៃស្តាំ។
ក្រោយពីពិនិត្យរួច នៅល្ងាចវេលាម៉ោង១៧ និង៣០នាទីថ្ងៃដដែល សមត្ថកិច្ចបានបង្កើតគណៈកម្មការចូលរួមបញ្ចុះសពនៅឯមាត់ច្រាំងទន្លេ ខាងលិចមុខវត្តជីរោទិ៍ ឃុំជីរោទិ៍ទី១ចំងាយ ២ ២០០ម៉ែត្រ។
ករណីនេះកម្លាំងជំនាញនគរបាលកំពុងសហការបន្តការស្រាវជ្រាវតាមនីតិវិធី និងធ្វើការសន្និដ្ឋានថា ជាករណីឃាតកម្ម លើជនរងគ្រោះ ដែលជនល្មើស បានសម្លាប់ជនរងគ្រោះ ដោយកាប់នឹងកាំបិតផ្គាក់នៅទីកន្លែងផ្សេង ញាត់សពជនរងគ្រោះ និងវត្ថុតាងកាំបិតផ្គាក់ដាក់ក្នុងវ៉ាលី រួចដឹកជញ្ជូនមកបោះទម្លាក់ទឹកទន្លេដើម្បីបំបាត់ភស្តុតាងពិតប្រាកដមែន៕SRP

ខេត្តត្បូងឃ្មុំ៖លោកវេង សាខុន ប្រធានក្រុមការងារ រាជរដ្ឋាភិបាល និងជាប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ ស្រុកកំពង់សៀម និងស្រុកជើងព្រៃ ខេត្តកំពង់ចាម បានថ្លែងប្រាប់សមាជិកក្រុមការងារត្រូវតែចុះមូលដ្ឋានឲ្យបានជាប់ជាប្រចាំដើម្បីពិនិត្យ តាមដាន និងទទួលយកនូវរាល់សំណើរបស់ប្រជាពលរដ្ឋ ពិសេសចាស់ជរាគ្មានទីពឹង ស្រ្តីមេមាយមានកូនក្នុងបន្ទុកច្រើន និងគ្រួសារដែលមានសមាជិក ឆ្លងជំងឺកូវីដ-១៩ យកមកគិតគូដោះស្រាយជូនពួកគាត់ឲ្យបានទាន់ពេលវេលា។

លោកថ្លែងយ៉ាងដូច្នោះនៅទីស្នាក់ការគណបក្សប្រជាជនកម្ពុជាស្រុកតំបែរ ខេត្តត្បូងឃ្មុំ នៅព្រឹកថ្ងៃសៅរ៍ ទី១២ ខែមិថុនា ឆ្នាំ២០២១ ក្នុងឱកាសអញ្ជើញដឹកនាំកិច្ច ប្រជុំដើម្បីធ្វើការផ្សព្វផ្សាយសេចក្តីសម្រេចរបស់គណកម្មាធិការកណ្តាលស្តីពីផែនការរួមឆ្ពោះ ទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២។

មានមតិសំណេះសំណាល នាឱកាសនេះ លោកបានពាំនាំនូវការផ្តាំផ្ញើសាកសួរសុខ ទុក្ខរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី សម្តេចកិត្តិព្រឹត្តបណ្ឌិតប៊ុន រ៉ានីហ៊ុន សែន មកជូនបងប្អូនទូទាំងស្រុកតំបែរ និងជូនពរឲ្យបងប្អូនជួបតែពុទ្ធពរទាំង ៤ប្រការ ជាពិសេសចៀសចេញឲ្យឆ្ងាយពីជំងឺឆ្លងកូវីដ-១៩ គ្រប់ៗក្រុមគ្រួសារ។

លោកក៏បានក្រើនរំលឹក និងលើកយកមកបង្ហាញជូនសមាជិក សមាជិកាអំពីចំណុចខ្លាំង ត្រូវរក្សាទុក និងត្រូវប្រតិបត្តិឲ្យកាន់តែល្អប្រសើរជាបន្តបន្ទាប់ស្របតាមស្ថានការជាក់ស្តែង និងភាពចាំបាច់ដោយឡែកចំណុចខ្សោយវិញ ត្រូវសិក្សាស្វែងយល់ឲ្យបានស៊ីជម្រៅ ពិនិត្យ និងកែលម្អឲ្យបាន ល្អប្រសើរ។ ចំពោះផែនការសកម្មភាពដែលត្រូវអនុវត្តដើម្បីឈានទៅសម្រេចឲ្យបានជោគជ័យ នាឆ្នាំ២០២២ លោកបានដកស្រង់ ពន្យល់ និងណែនាំចង្អុលបង្ហាញបន្ថែមនូវចំណុចសំខាន់ៗមួយចំនួនដែលដកស្រង់ចេញពីសេចក្តីសម្រេចស្តីពី “ផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២” ជូនដល់សមាជិក សមាជិកា បានយល់ជ្រួតជ្រាប ច្បាស់លាស់ និងស៊ីជម្រៅដើម្បីយកទៅអនុវត្តឲ្យទទួលបានប្រសិទ្ធភាព និងប្រសិទ្ធផល ឈានទៅសម្រេចតាមផែនការដែលបានគ្រោងទុកសម្រាប់អាណត្តិទី៥។

លោកក៏រំលឹកជូនសមាជិក សមាជិកា និងជាពិសេស ពលរដ្ឋទូទាំងស្រុក ត្រូវយកចិត្តទុកដាក់ប្រកាន់ខ្ជាប់នូវគោលការណ៍ ៣ការពារ និង ៣កុំ។ ក្នុងឱកាសនេះលោកក៏បានជួយឧបត្ថម្ភថវិកាមួយចំនួនដែលបានមកពីសមាជិកក្រុមការងារ និងថវិការបស់លោកផ្ទាល់ជូនអាជ្ញាធរស្រុកយកទៅទុកប្រើប្រាស់សម្រាប់វិធានការការពារជំងឺឆ្លង កូវីដ-១៩ និងការធ្វើចត្តាឡីស័កផងដែរ៕SRP

ភ្នំពេញ៖ក្រសួងប្រៃសណីយ៍ ចេញសេចក្តីជូនដំណឹង ស្តីពីការដាក់ឱ្យដំណើរការសាកល្បងកម្មវិធីបំប្លែងសំឡេងភាសាខ្មែរ ទៅជាអត្ថបទ។នេះបើយោងតាមសេចក្ដីជូនដំណឹងរបស់ក្រសួងប្រៃសណីយ៍និងទូរគមនាគមន៍ ដែលបានចុះថ្ងៃទី ១១ ខែមិថុនា ឆ្នាំ២០២១៕SRP

ភ្នំពេញ៖រាជរដ្ឋាភិបាលកម្ពុជានឹងទទួលបានវ៉ាក់សាំងប្រយុទ្ធប្រឆាំងជំងឺកូវីដ១៩ របស់ក្រុមហ៊ុននៃប្រទេសចិន ចំនួន ១លានដូស បន្ថែមទៀត ហើយដឹកមកដល់ប្រទេសកម្ពុជា នៅរសៀលថ្ងៃទី ១២ ខែមិថុនា ឆ្នាំ២០២១ នេះសម្រាប់ទុកចាក់ជូនប្រជាពលរដ្ឋ។

សូមជម្រាបថា វ៉ាក់សាំង១លានដូស ដែលបានដឹកមកដល់កម្ពុជានៅថ្ងៃនេះ គឺជាវ៉ាក់សាំងជើងទី៧ហើយ ដែលរាជរដ្ឋាភិបាលកម្ពុជា បានបញ្ជាទិញពីក្រុមហ៊ុនស៊ីណូវ៉ាក់ ខណៈជើងទី១ មានចំនួន ១.៥លានដូស ត្រូវបានដឹកមកដល់កម្ពុជា កាលពីថ្ងៃទី២៦ ខែមីនា, ជើងទី២ មានចំនួន ៥០ម៉ឺនដូស ដឹកមកដល់កម្ពុជានៅថ្ងៃទី១៧ ខែមេសា និងជើងទី៣ មានចំនួន ៥០ម៉ឺនដូស ដឹកមកដល់កម្ពុជា ថ្ងៃទី១១ ខែឧសភា និងជើងទី៤ មានចំនួន ៥០ម៉ឺនដូស ដឹកមកដល់ថ្ងៃទី១៦ ខែឧសភា និងជើងទី៥ មានចំនួន ១លានដូស ដឹកមកដល់កម្ពុជាកាលពីថ្ងៃទី២៣ ខែឧសភា និងជើងទី៦ ដឹកមកកម្ពុជាចំនួន ១លានដូស នៅថ្ងៃទី ៨ ខែមិថុនា។

សូមបញ្ជាក់ថា សម្តេចតេជោ ហ៊ុន សែន បានដាក់ចេញយុទ្ធសាស្ត្រ ចាក់វ៉ាក់សាំងនេះ ឱ្យបានលឿន តាមដែលអាចធ្វើទៅបាន ជូនដល់ប្រជាពលរដ្ឋ របស់ខ្លួន។

ទន្ទឹមនឹងនេះរាជរដ្ឋាភិបាល ស្វះស្វែងរកវ៉ាក់សាំង ហើយបាននាំមកដល់នូវវ៉ាក់សាំងជាបន្តបន្ទាប់សម្រាប់ចាក់ជូនប្រជាពលរដ្ឋ របស់ខ្លួន។ គិតពីត្រឹមថ្ងៃទី០៧ ខែកុម្ភៈ ឆ្នាំ២០២១ មកដល់ថ្ងៃទី២៣ ខែឧសភា ឆ្នាំ២០២១ កម្ពុជាទទួលបានវ៉ាក់សាំងជាង ៦លានដូសរួចហើយ សម្រាប់ចាក់ជូនប្រជាពលរដ្ឋ។

រាជរដ្ឋាភិបាលកម្ពុជា បានដាក់ចេញផែនការចាក់វ៉ាក់សាំងជូនប្រជាពលរដ្ឋ អាយុចាប់ពី ១៨ឆ្នាំឡើង ប្រមាណ១៣លាននាក់ ត្រូវនឹងវ៉ាក់សាំងប្រមាណ ២៦លានដូស។ នៅក្នុងខែមិថុនានេះ វ៉ាក់សាំងប្រមាណ ៤.៥លានដូស នឹងដឹកមកដល់ប្រទេសកម្ពុជា ដែលជាការជួយឱ្យកម្ពុជាមានវ៉ាក់សាំងគ្រប់គ្រាន់ សម្រាប់ចាក់ជូនប្រជាពលរដ្ឋ។ កម្ពុជានឹងសម្រេចផែនការចាក់វ៉ាក់សាំង ជូនប្រជាពលរដ្ឋចំនួន ១០លាននាក់ នៅក្នុងឆ្នាំ២០២១នេះ ឬយ៉ាងយូរបំផុតនៅដើមឆ្នាំ២០២២៕SRP

ខេត្តកំពង់ចាម៖រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ លោក វេង សាខុន បានអះអាងថា ខេត្តកំពង់ចាម ជាខេត្តមួយ ដែលប្រជាជនយើងភាគច្រើនបានដឹង និងទទួលស្គាល់ថា ជាខេត្តដែលមានសក្តានុពលក្នុងការដាំដុះដំណាំឧស្សាហកម្ម ប៉ុន្តែនាពេលបច្ចុប្បន្នខេត្តមួយនេះ បាននិងកំពុងក្លាយទៅជាខេត្តមួយដែលបាននិងកំពុងផ្គត់ផ្គង់ត្រីសាច់ចូលក្នុងទីផ្សារកម្ពុជា ប្រមាណពី ២០ ទៅ ៣០ តោន ក្នុងមួយថ្ងៃ បើទោះបីការធ្វើវារីវប្បកម្ម នៅកម្ពុជាជាទូទៅ នៅមានជួបប្រទះនឹងបញ្ហាប្រឈមមួយចំនួន ទាក់ទងទៅនឹងមធ្យោបាយផលិត និងការប្រកួតប្រជែងជាមួយការនាំចូលផលិតផលត្រីរបស់ប្រទេសជិតខាងយ៉ាងណាក៏ដោយ។

នេះបើយោងតាមការបញ្ជាក់របស់លោក វេង សាខុន ដែលបានបង្ហោះនៅលើទំព័រហ្វេសប៊ុកផ្លូវការនៅព្រឹកថ្ងៃទី ១២ ខែមិថុនានេះ។

រដ្ឋមន្ត្រីកសិកម្មបន្តថាជាក់ស្តែង នៅថ្ងៃទី១១ ខែមិថុនា ឆ្នាំ២០២១ នេះបរិមាណផលចាប់ត្រីចិញ្ចឹមតាមស្រះនិងបែនៅខេត្តកំពង់ចាម ដែលវារីវប្បករចាប់លក់មានចំនួនសរុប ៣៤ ៨៤៨ គក្រក្នុងនោះ៖
+ត្រីឆ្តោ = ១៤ ៤៨៤គក្រ
+ត្រីប្រា = ១៧ ៤៣០គក្រ
+ត្រីពោ = ២ ៩៣៤គក្រ ៕SRP

ខេត្តសៀមរាប៖ក្រុមកម្មករធ្វើផ្លូវប្រុសស្រីប្រមាណជាង៧០នាក់ នៅរសៀលថ្ងៃទី ១១ ខែមិថុនានេះ បាននាំគ្នាតវ៉ារឿងអ្នកម៉ៅការពន្យាពេលការបើកប្រាក់ខែ។

សេចក្ដីរាយការណ៍បានឲ្យដឹងថា ក្រុមកម្មករបានទៅប្រមូលផ្តុំគ្នានៅទីតាំងស្នាក់ នៅរបស់អ្នកម៉ៅការ ក្នុងភូមិគោកចក សង្កាត់គោកចក ក្រុងសៀមរាប។ ប៉ុន្តែក្នុងពេលផ្ទុះការតវ៉ាខ្លាំង សមត្ថកិច្ចនគរបាល ក៏បាននាំអ្នកម៉ៅការផ្លូវនោះទៅកាន់សាលាសង្កាត់ បញ្ជៀសការផ្ទុះហិង្សាកុំឲ្យកើតមាន។

ក្រុមកម្មករបាននិយាយថា ពួកគាត់ទាំងជាង៧០ នាក់ជាកម្មករធ្វើផ្លូវបេតុង១ខ្សែក្នុងគំរោង(៣៨)ខ្សែក្នុងសង្កាត់គោកចក ឈ្មោះថាផ្លូវលេខ០៧ ដែលគេនិយមហៅថា ផ្លូវពេទ្យ (រ៉ាក់)។ ពួកគាត់អ្នកខ្លះអត់ទាន់បើកប្រាក់តាំងខែ៣មក ឯខ្លះទៀតតាំងខែ៤មក។ នៅរសៀលថ្ងៃទី១១ ខែមិថុនានេះ អ្នកម៉ៅការសន្យាលើកចុងក្រោយថា បើកប្រាក់ខែអោយ ព្រោះធ្លាប់សន្យាច្រើនដងហើយ។ លុះពេលមកបើក បែជាឆ្លើយថាអត់ទាន់មានលុយ ទើបពួកគាត់តវ៉ាបែបនេះ។

សេចក្ដីរាយការណ៍បានបន្ថែមថា នៅអំឡុងពេល២ម៉ោងក្រោយ ក្រុមកម្មករក៏បាននាំគ្នាត្រឡប់ទៅផ្ទះរៀងៗខ្លួនវិញ បន្ទាប់ពីសមត្ថកិច្ច ប្រាប់ថា ថ្ងៃទី១២ ខែមិថុនា ស្អែកនេះ ម៉ោង៣រសៀលនឹងបើកប្រាក់ខែឲ្យ។ តែក្រុមកម្មករបញ្ជាក់ថា បើថ្ងៃស្អែកទី១២ ខែមិថុនា មិនបើកឲ្យពួកគេទេ ពួកគេនឹងតវ៉ាហើយបិទផ្លូវ។

ទោះជាយ៉ាងណា ឆ្លងកាត់ការសម្របសម្រួល លោកទិត ឌីរ៉ា ចៅ សង្កាត់គោកចក បានឲ្យដឹងថា អ្នកម៉ៅការនេះដាក់កិច្ចសន្យាថា រសៀលថ្ងៃទី១២ ខែមិថុនា ស្អែកនឹងបើកប្រាក់ខែអោយកម្មករ។ តែបើអ្នកម៉ៅការរូបនេះមិនគោរពកិច្ចសន្យា លោកនិងរាយការទៅក្រុង ហើយបន្តនិតិវិធីទៅតាមជាក់ស្តែង។

លោកចៅសង្កាត់បញ្ជាក់ថា តាមការអះអាង អ្នកមៅការនេះ មិនមានប្រាក់បើកឲ្យនោះទេ ព្រោះម៉ៅការខាត តែយ៉ាងណានោះ រងចាំថ្ងៃទី១២ទើបដឹងពីលទ្ធផល៕SRP

ខេត្តព្រៃវែង៖អំពើពុករលួយ របស់មេគយចល័តផ្លូវជាតិលេខ១ លោក ផែន ភឿន ត្រូវបានលាតត្រដាងជាបន្តបន្ទាប់។ ករណីនេះ លោកគុណ ញឹម ប្រតិភូរាជរដ្ឋាភិបាល ទទួលបន្ទុកអគ្គនាយក នៃអគ្គនាយកដ្ឋានគយនិងរដ្ឋករកម្ពុជា មិនត្រូវមើលរំលងនោះឡើយ។

ការបែកធ្លាយនូវអំពើពុករលួយរបស់មេគយចល័តផ្លូវជាតិលេខ១ ដែលមានស្នាក់ការនៅឃុំរំចេក ស្រុកព្រះស្ដេច ខេត្តព្រៃវែង នេះបន្ទាប់ពីបានប្រើអំណាចរបស់ខ្លួនចាប់រថយន្តដឹកផ្លែឈើពីវៀតណាម ទារលុយ២០លានរៀល មិនបានក៏ទុកផ្លែឈើឲ្យរលួចខូចអស់។ ហើយត្រូវបណ្ដាញសារព័ត៌មានក្នុងស្រុកមួយចំនួនបានធ្វើការសព្វផ្សាយត្រដាងផងដែរ។

ជាក់ស្ដែងក្រុមអាជីវករ បានប្រាប់អ្នកសារព័ត៌មាន នៅមុខស្នាក់ការគយចល័តផ្លូវជាតិលេខ១ ដោយនិយាយ ថាគយចល័តខាងលើនេះចាប់រថយន្តដឹកផ្លែឈើ ជំរិតយកលុយ របស់ពួកគាត់ទាំងកំរោល។ ហើយករណីអាជីវករលើកឡើងថាហ៊ានស្បថដាក់ជីវិត ហ៊ានឱ្យក្រឡាប់ឡាន និងរន្ទះបាញ់ស្លាប់តៃហោង ប្រសិនជាពួកខ្លួននិយាយបំភ្លើសខុសការពិត» ប៉ុន្តែករណីនេះ មន្ត្រីគយបដិសេធថា«មិនដឹងនោះទេ»។

ប្រភពពីអាជីវករ រាជធានីភ្នំពេញ បានបញ្ជាក់ថា៖ ខ្លួនដឹកផ្លែ(គូលែន)ពីវៀតណាម ចូលមកខ្មែរ ក្នុង១ជើងដោយប្រើរថយន្តវ៉េអងគឺត្រូវបង់លុយឱ្យគយចល័តផ្លូវជាតិលេខ១ ចំនួន៣០ម៉ឺនរៀលយ៉ាងទៀងទាត់។

ប្រភពបន្តថា រថយន្តគាត់មានក្រដាសបង់ពន្ធពីព្រំដែន ក៏នៅតែបង់លុយចូលហោប៉ាវ គយចល័តចំនួន៣០ម៉ឺនរៀលដដែល គឺរាល់លើកតែម្ដង។ ក្នុងនោះប្រសិនជា មិនមានក្រដាសស្នាមពីព្រំដែនទេ គឺត្រូវបង់លុយចូលហោប៉ាវគយចល័ត ច្រើនណាស់ដល់រាប់លានរៀលក្នុង១ជើងៗ។

អាជីវកររូបនេះបានលើកឡើងទៀតថា រឿងបង់លុយ ចូលហោប៉ាវ មន្ត្រីគយចល័តផ្លូវជាតិលេខ១ បានក្លាយទៅជាទម្លាប់ទៅហើយ សម្រាប់អ្នករកស៊ីដូចពួកខ្លួន គឺគ្មានអាជីវករ ណាម្នាក់គេចផុតឡើយ។ ប៉ុន្តែអ្វីដែលធ្វើឱ្យអ្នកស្រីហួសចិត្តខ្លាំងបំផុតនោះ គឺគយចល័ត តែងតែយកលុយពីអ្នកស្រីរាល់លើកសោះ ចុះហេតុអី? បែរជាចាប់ រថយន្តដឹកផ្លែគូលែន របស់អ្នកស្រី នៅយប់ទី០៨ ខែមិថុនា ២០២១។ ពោលគឺចាប់រថយន្ត ចូលស្នាក់ការ រួចទារលុយចំនួន២០លានរៀល ទើបដោះលែងវិញ។ លុះអ្នកស្រីពុំមានលទ្ធភាពបង់លុយចំនួន២០លានរៀល តាមកំណត់ ជាហេតុនាំឱ្យមន្ត្រីគយចល័តផ្លូវជាតិលេខ១ ទុករថយន្តរួមនិងផ្លែឈើឱ្យ នៅស្អុយក្នុងស្នាក់ការតែម្ដង បណ្ដាលឱ្យខាតទំនិញផ្លែឈើគាត់ អស់ប្រាក់ប្រមាណជា៥ម៉ឺនដុល្លារឯណោះ។

ក្រុមអាជីវករផ្សេងទៀត បានអះអាងថា ជារៀងរាល់លើកពួកខ្លួន តែងតែបង់លុយ ចូលហោប៉ៅមន្ត្រីគយចល័តផ្លូវជាតិលេខ១ យ៉ាងទៀងទាត់ ពោលគឺបង់តាមកំណត់ របស់មន្ត្រីគយ។ ខណៈរាល់ការបង់លុយទាំងនោះ គឺមិនដែលមានក្រដាសស្នាម ឬបង់ពន្ធចូលរដ្ឋអ្វីទេ ជាក់ស្ដែងហុចលុយឱ្យគយផ្ទាល់ដៃ..!តែម្ដង។

បើតាមប្រភពបានបង្ហើបថា សម្រាប់រថយន្តដឹកផ្លែឈើចំណុះ២តោនកន្លះ ក្នុង១ជើងបង់លុយឱ្យគយចល័តចំនួន១០ម៉ឺនរៀលជាកំហិតរថយន្តចំណុះ៥តោន បង់ចំនួន២០ម៉ឺនរៀលជាកំហិត រថយន្តវ៉េអងបង់ចំនួន៣០ម៉ឺនរៀលជាកំហិត។ ជាមួយគ្នានោះ តៃកុងឡាន រួមនិងអាជីវករ បានអះអាងដូចៗគ្នាថា ពួកគាត់ហ៊ានស្បថដាក់ជីវិត ឱ្យក្រឡាប់ឡាន ឬរន្ទះបាញ់ស្លាប់តៃហោង។ប្រសិនជាខ្លួននិយាយបំផ្លើសខុសការពិត ចំពោះការបង់ លុយចូលហោប៉ាវ មន្ត្រីគយចល័តផ្លូវជាតិលេខ១។

ឆ្លើយតបនិងការលើកឡើង របស់អាជីវក លោក ផែន ភឿន ប្រធានគយចល័តផ្លូវជាតិលេខ១ បានប្រាប់អ្នកសារព័ត៌មានថ្លែងថារថយន្តដែលចាប់នៅក្នុងស្នាក់ការនោះ គឺមកពីមិនបានបង់ពន្ធ។ ចំពោះសំណួររឿងយកលុយ៣០ម៉ឺនរៀលក្នុង១ឡាន.? លោក ផែន ភឿន បានបដិសេធថា មិនដឹងនោះទេ!។ ដោយឡែក លោក នី គឹមហួរ មន្ត្រីគយចល័តផ្លូវជាតិលេខ១ ដែលនៅប្រចាំការ បានបដិសេធមិនបកស្រាយឡើយ ចំពោះរឿងលុយ៣០ម៉ឺនរៀលក្នុង១ឡាន?។

ទោះជាយ៉ាងណាក៏ដោយ ក្នុងមួយថ្ងៃៗមានរថយន្តរាប់សិបគ្រឿង បានដឹកទំនិញពីវៀតណាម ចូលមកខ្មែរ ទាំងយប់ទាំងថ្ងៃ ដោយឆ្លងកាត់ផ្លូវជាតិលេខ១ នឹងតែងតែឈប់នៅមុខស្នាក់ការ ចូលបង់លុយ ជូនគយចល័តផ្លូវជាតិលេខ១ ជាប្រចាំមិនដែលខាន ជាហេតុនាំឱ្យលោក ផែន ភឿន ប្រមូលលុយបានរាប់សិបលានរៀលក្នុង១ថ្ងៃៗ ជាថ្នូរនិងមិនបង្ក្រាប បទល្មើសរត់ពន្ធ ឬផាកពិន័យចូលរដ្ឋនោះឡើយ៕SRP

ខេត្តសៀមរាប៖លោក សឿន តុលា ស្ថាបនិកក្រុមហ៊ុន ផា ផា យ៉ា បាននិពន្ធនូវអត្ថបទមួយដែលមានចំណងជើងថា «ភាពប្រថុយប្រថាន»។

លោក សឿន តុលា បានសរសេរថា៖ ” មានការប្រថុយ ទើបមានការរីកចម្រើន”
ជាទូទៅ គ្មាននរណាម្នាក់ ដឹងថា ជីវិតយើងយ៉ាងណាទេក្នុងពេលអនាគត ពីព្រោះ អនាគត គឺជាអាថ៌កំបាំង សម្រាប់យើងគ្រប់គ្នា នៅទីនេះ ការសម្រេចចិត្ត ដាក់គោលដៅ ហ៊ានចាប់ យក ការដាក់វិន័យក្នុងខ្លួន ដើម្បីឲ្យចេញផុត ពីទម្លាប់ធម្មតា ផ្លាស់ប្ដូរមកវិញ នៅទម្លាប់ថ្មីដែលត្រូវធ្វើជាប្រចាំ ដើម្បីនាំរូបយើង ឲ្យទៅដល់កន្លែងដែលយើងចង់ទៅ ។

យ៉ាងណាមិញ សម្រាប់អាជីវកម្ម ប្រសិនបើយើង ធ្វើរឿងដដែលៗ ហើយគ្មានការប្រថុយបន្ថែម ដើម្បីរៀន បង្កើនសមត្ថភាព នៃប្រភពប្រាក់ចំណូល និងបង្កើនប្រាក់ចំណេញនោះទេ អាជីវកម្មប្រាកដណាស់ និងត្រូវបានបិទទ្វារនៅថ្ងៃណាមួយ ” និយាយរួមការប្រថុយប្រថានពិតប្រាកដ គឺការយកឱ្យឈ្នះខ្លួនឯង និងជាមួយសមត្ថភាពរបស់ខ្លួន ដើម្បីឲ្យបានរីកចម្រើនទៅមុខ។

សូមចងចាំថា ” អ្នកដែលប្រថុយហើយបានជោគជ័យ ពួកគាត់ដាក់ជាប់ក្នុងចិត្តថា : ” គ្មានទេបរាជ័យ”
ពួកគាត់មិនងាកក្រោយមើលឃើញផ្លូវបរាជ័យដើម្បីឲ្យ ឲ្យមានលេសផ្សេងៗ ដោយមិនបានទទួលស្គាល់ អំពីចំណុចខ្វះខាតរបស់ខ្លួនឡើយ ពីព្រោះពួកគាត់គិតថា ការបរាជ័យ គ្រាន់តែជារឿងបណ្ដោះអាសន្នតែប៉ុណ្ណោះ ហើយគ្មានថ្ងៃដែលពូគាត់ចាប់យករបរថ្មី នៅពេលដែលកិច្ចការដែលពួកគាត់កំពុងធ្វើ កំពុងតស៊ូ ជំនះឧបសគ្គ បានឡើយ ពោលពួកគេ ទទួលខុសត្រូវនូវអ្វីដែលពួកគេបានចាប់ផ្ដើម ។

សំណួរដែលត្រូវសួរគឺថា:

តើអ្នក ស្វែងយល់ ដាក់គោលដៅអ្វី ដើម្បីដំណើរជីវិត សម្រាប់ជីវិតរបស់ខ្លួន ?
នៅក្នុងលោកយើងនេះ មនុស្សដែលខ្ញុំមិនដាក់គោលដៅ តែងតែធ្វើការឲ្យអ្នកដែលបានដាក់គោលដៅ ហើយផលលាភនៃជីវិត របស់ពួកគេ តែងតែតូចជាង អ្នកដែលមានផែនការនិងមានគោលដៅ ។
ហើយមនុស្សដែលមានផែនការនិងគោលដៅ ពួកគេមិនបោះបង់ឡើយ ដូចនៅក្នុងសៀវភៅ ” Think And Grow Rich by Nepoleon Hill ”  គាត់បានសរសេរថា ” អ្នកជោគជ័យមិនដែលបោះបង់ រីឯអ្នកបោះបង់មិនដែលជោគជ័យ” នោះដោយសារពួកគេ យល់ច្បាស់អំពីតម្លៃនៃការដាក់គោលដៅ និងតម្លៃការតស៊ូចំពោះការលំបាក ។

ភាពប្រថុយពិតប្រាកដ គឺការប្រថុយទទួលយកភាពលំបាក និងស៊ូទ្រាំ ដើម្បីឲ្យបានជោគជ័យ។
សូមឱ្យការប្រថុយរបស់អ្នក គឺជាគ្រាប់ពូជដើម្បីឈានទៅរកភាពជោគជ័យ នៃសមត្ថភាពរឹងមាំ។

និពន្ធដោយលោក សឿន តុលា ស្ថាបនិកក្រុមហ៊ុន ផា ផា យ៉ាPAPAYA NEXT STEP CO,.LTD.* PAPAYA REAL ESTATE (គម្រោងអភិវឌ្ឍន៍អចលនទ្រព្យ) *PAPAYA HOMESTAY (គម្រោងលើវិស័យទេសចរណ៍)*PAPAYA GARDEN (គម្រោងលើវិស័យកសិកម្មនិងចែកចាយអាហារ)

ខេត្តសៀមរាប៖សមត្ថកិច្ចស្រុកជីក្រែងបាននិយាយថា បុរសម្នាក់ស្រវឹងស្រាជាប្រចាំ ចុះទៅក្នុងទឹកស្ទឹង រអិលជេីងធ្លាក់ បណ្តាលអោយលង់ទឹកស្លាប់។

ហេតុការណ៍បានកើតឡើងនៅរសៀលថ្ងៃទី១១ ខែមិថុនា ឆ្នាំ២០២១ នៅខាងក្រោយភូមិ ចំងាយប្រហែល ២៥០ម៉ែត្រ ក្នុងភូមិកំពង់ស្នោខាងកេីត ឃុំជីក្រែង ស្រុកជីក្រែង។

សមត្ថកិច្ចស្រុកជីក្រែងបានបន្តថា ជនរងគ្រោះ មានឈ្មោះ វង់ ធួន អាយុ៤១ឆ្នាំ ទីលំនៅភូមិ ឃុំ កេីតហេតុខាងលេី។ មូលហេតុ គឺជនរងគ្រោះ ស្រវឹងស្រាជាប្រចាំ បានចុះទៅក្នុងទឹកស្ទឹងរអិលជេីងធ្លាក់ទឹកជ្រៅ បណ្តាលអោយលង់ទឹកស្លាប់តែម្ដង៕SRP

ខេត្តកំពង់ចាម​៖លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការ សាខាកាកបាទក្រហមខេត្ត នៅព្រឹកមិញនេះ បាននាំយកអំណោយ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្តល់ជូនប្រជាពលរដ្ឋចំនួន ៣៨គ្រួសារ មកពីឃុំចំនួន៣ ក្នុងស្រុកកងមាស ដែលបានទទួលរងគ្រោះដោយសារខ្យល់កន្ត្រាក់ បណ្តាលឲ្យ​ខូចខាត​ដល់លំនៅដ្ឋាន កាលពី​ពេល​កន្លង​ទៅ​ថ្មីៗនេះ​។

ថ្លែងទៅកាន់ប្រជាពលរដ្ឋ អភិបាលខេត្ត បានសម្តែងនូវការសោកស្តាយជាពន់ពេក ជាមួយក្រុមគ្រួសាររងគ្រោះទាំងអស់ ចំពោះ មហន្តរាយធម្មជាតិ ដែលកើតឡើងដោយមិននឹកស្មានដល់ បង្កអោយមានការខូចខាត លំនៅដ្ឋានរបស់បងប្អូននាពេលនេះ។

លោក អ៊ុន ចាន់ដា ក៏បានពាំនាំប្រសាសន៍ផ្តាំផ្ញើសួរសុខទុក្ខ ពីសំណាក់​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ជនរងគ្រោះ ជនងាយរងគ្រោះ ដោយមិនរើសអើងឡើយ ហើយតែងបានចាត់តំណាងអោយចុះអន្តរាគមន៍ ផ្តល់ជំនួយសង្រ្គោះ ទាន់ពេលវេលា។

លោកអភិបាលខេត្ត បានអំពាវនាវ ដល់ប្រជាពលរដ្ឋទាំងអស់ ឲ្យ​បង្កើនការថែទាំសុខភាព ការពារសុវត្ថិភាពផ្ទាល់ខ្លួនឲ្យបានគ្រប់ៗគ្នា ក្នុងការចូលរួមទប់ស្កាត់ ពីការឆ្លងនៃជំងឺកូវីដ-១៩ ទោះពេលក្នុងការបំពេញការងារ ឬប្រកបរបររកស៊ីផ្សេងៗ ឬទទួលបានការចាក់វ៉ាក់សាំងរួចហើយក្តីក៏មិនត្រូវធ្វេសប្រហេស ឬមើលស្រាលបានឡើយ។ ជាងនេះទៅទៀត សូមកុំភ្លេចអនុវត្តនូវវិធានសុខាភិបាល និងវិធានការ ” ៣ការពារ និង ៣កុំ ” ឲ្យបានជាប់ជាប្រចាំ៕SRP

ខេត្តកំពង់ចាម​​៖គម្រោង​មូលនិធិ​ឃុំ​-សង្កាត់​ ​ឆ្នាំ​២០២១​ របស់​គណៈកម្មការ​ជាតិ​សម្រាប់​ការអភិវឌ្ឍន៍​តាម​បែប​ប្រជាធិបតេយ្យ​ នៅ​ថ្នាក់​ក្រោម​ជាតិ​​​ ​ក្នុង​ការ​ស្ថាបនា​ហេដ្ឋារចនាសម្ពន្ធ័​ ក្នុង​ភូមិសាស្ត្រ​ស្រុកជើងព្រៃ​ ចំនួន៦គម្រោង​​ ត្រូវ​បាន​​ដាក់ឲ្យ​ដេញ​ថ្លៃ​​​​​។

ការដាក់ដេញថ្លៃធ្វើនៅថ្ងៃ​ទី​១១ ខែមិថុនា​​ ឆ្នាំ​២០២១​នេះ ក្រោម​វត្តមាន​​​ លោក​ឡី​ មិច​ នាយក​រង​រដ្ឋបាល​សាលា​ខេត្ត​កំពង់ចាម​​ លោក​អូត​ ឈាងលី​ អភិបាល​ស្រុកជើងព្រៃ​​​​​ ដោយ​មានការ​ចូលរួម​ពី​គណៈកម្មការ​លទ្ធកម្ម​ ក្រុមការងារ​សម្របសម្រួល​ខេត្ត​ និង​ស្រុក​ ព្រមទាំង​តំណាង​ក្រុម​ហ៊ុន​ ទទួល​ការ​ ជា​ច្រើន​រូប​ផង​ដែរ​។

លោក​ អូត​ ឈាងលី​ អភិបាល​ស្រុកជើងព្រៃ​​​​​ បាន​លេីកឡេីងថា​ ទោះ​ស្ថិត​ក្នុង​បរិបទ​កូវីដ-១៩​ ស្រុកជើងព្រៃ​ ​នៅតែ​បន្ត​ធ្វើការ​អភិវឌ្ឍន៍​ ជាក់ស្ដែង​ថ្ងៃ​នេះ​ គម្រោង​មូលនិធិ​ឃុំ​ចំនួន​៥គម្រោង​ត្រូវ​បាន​ដាក់​ឲ្យ​ដេញ​ថ្លៃ​ដើម្បី​អនុវត្ត​ការងារ​សាងសង់​ ក្នុង​នោះ​មាន​ ​​៖
១-ឃុំ​ខ្នុរដំបង​ សាងសង់ផ្លូវបេតុអាមេ ប្រវែង ០.៤១៤គ.ម ទទឹង ៤ម នៅភូមិខ្នុរដំបង​ ។
២-ឃុំ​គោករវៀង សាងសង់ផ្លូវបេតុងអាមេ ប្រវែង ០.៤៨៥ គ.ម ទទឹង៤ម នៅភូមិឈូក​ ។
៣-ឃុំ​ស្តេីងជ័យ​ ជួសជុលផ្លូវក្រាលក្រួសក្រហម ប្រវែង ២.២៧០ គ.ម ទទឹង ៥ម នៅភូមិក្តុយ​ ។
៤-ឃុំ​ស្តេីងជ័យ​ សាងសង់ផ្លូវបេតុងអាមេ ប្រវែង ០.២៤០ គ.ម ទទឹង៦ម នៅភូមិពង្រ-ស្តើងជ័យ​។
៥-ឃុំ​ស្រម៉រ​ សាងសង់ផ្លូវបេតុងអាមេ ប្រវែង ០.២៨០ គ.ម ទទឹង ៤ម នៅភូមិស្រាមជើង​ ។
៦-ឃុំ​ត្រពាំងគរ​ ជួសជុលផ្លូវក្រាលក្រួសក្រហម ប្រវែង ២.២៥០ គ.ម ទទឹង ៣.៥ម និងសាងសង់លូចំនួន៤កន្លែង នៅភូមិកណ្តាល -ក្ងោក​។

ជាមួយគ្នា​នោះ​ លោក​ ​ឡី​ មិច​​ នាយក​រង​រដ្ឋបាល​ខេត្ត​ បាន​សំណូមពរ​ដល់​បងប្អូន​ជា​អ្នក​ទទួល​ការ​ទាំងអស់​ ឲ្យ​ចូលរួម​ជាមួយ​អាជ្ញាធរ​ ដេីម្បី​​បង្ការ​ទប់ស្កាត់​ការ​ឆ្លង​រីករាល​ដាល​នៃ​ជំងឺ​កូវីដ​-១៩​ ព្រមទាំង​ថ្លែង​អំណរគុណ​ចំពោះអាជ្ញាធរ​ស្រុកជើងព្រៃ​ ដែល​បាន​រៀបចំ​ការ​ដេញ​ថ្លៃ​នេះ​ ឲ្យ​មាន​សណ្ដាប់​ធ្នាប់​ និង​របៀបរៀបរយ​ផងដែរ​ ៕​SRP

ខេត្តកំពង់ធំ៖អ្នកកាសែតម្នាក់បានសម្រេចចិត្ត ប្ដឹង ឈ្មោះ ហែម ចន្ថា ហៅចែទៀង និងប្តីឈ្មោះ អ៉ឹង សុផល ម្ចាស់ផ្ទះសំណាក់វិមានសួគ៍ ទៅតុលាការខេត្តកំពង់ធំ ពីបទឆបោក។
នេះបើតាមលិខិតបណ្ដឹងរបស់លោកឆាយ រក្សា អ្នកសារព័ត៌មាន កោះសន្តិភាពប្រចាំខេត្តកំពង់ធំ ដែលបានប្ដឹងទៅព្រះរាជអាជ្ញា អមសាលាដំបូងខេត្តកំពង់ធំ។ ពាក់ព័ន្ធករណីនេះ បណ្ដាញសៀមរាបប៉ុស្ដិ៍ នៅពុំទាន់ទទួលបានការបំភ្លឺ ឈ្មោះ ហែម ចន្ថា ហៅចែទៀង និងប្តីឈ្មោះ អ៉ឹង សុផល ម្ចាស់ផ្ទះសំណាក់វិមានសួគ៍ នៅឡើយទេចំពោះការចោទប្រកាន់ទេ។សូមអានលិខិតខាងក្រោម៖