ខេត្តបាត់ដំបង

ខេត្តបាត់ដំបង៖ទីតាំងរោងចិញ្ចឹមមាន់មួយកន្លែងបានរងការឆាប់ឆេះទាំងស្រុង រួមទាំងទ្រព្យសម្បត្តិ មួយចំនួនទៀត គិតជាទឹកប្រាក់ខ្ទង់ 20 ម៉ឺនដុល្លារ។

ហេតុការណ៍បានកើតឡើង នៅថ្ងៃទី១៣ ខែកុម្ភៈ ឆ្នាំ២០២៤  វេលាម៉ោង០៤ ទៀបភ្លឺ នៅចំណុចក្រុមទី១៤ ភូមិបត់សាលា ឃុំឈើទាល ស្រុកបាណន់។

របាយការណ៍របស់សមត្ថកិច្ច បានបង្ហាញថា ករណីអគ្គីភ័យនេះ បានឆេះរោងកសិដ្ឋានចិញ្ចឹមមាន់ របស់ឈ្មោះឌិប ផាឌីន ភេទប្រុសអាយុ ៤២ ឆ្នាំ។

របាយការណ៍បានបន្តថា ក្នុងហេតុការណ៍នេះ បណ្ដាលឱ្យ សម្ភារៈខូចខាត
-ឆេះរថយន្តចំនួន០២គ្រឿង
-ម៉ូតូចំនួន០៣គ្រឿង
-រោងមាន់ធ្វើអំពីឈើប្រក់សង្ក័សី ចំនួន០២ខ្នង ០៨គុណ៦០ម៉ែត្រ
-រោងឡានចំនួន០១ខ្នង១៥ម៉ែត្រគុណ១២ម៉ែត្រ។
-មាន់ពីរោង១២.០០០ក្បាល និងសម្ភារៈប្រេីប្រាស់មួយចំនួនធំ សរុបការខូចខាតគិតជាទឹកប្រាក់ប្រហែល ២០ ម៉ឺនដុល្លាអាមេរិក។ មូលហេតុ បណ្ដាលមកពីឆេះប្រពន័្ធហ្គាសកំដៅមាន់។ ករណីនេះបានប្រើប្រាស់ឡានទឹកចំនួន៤គ្រឿងទើបគ្រប់គ្រងបាន១០០%៕

លោកសុខ លូ អភិបាលខេត្តបាត់ដំបង និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង ព្រមទាំងសហការី នៅថ្ងៃពុធ ថ្ងៃទី២៤ ខែមករា ឆ្នាំ២០២៤ បានអញ្ជើញប្រគល់ផ្ទះមួយខ្នង ជូនគ្រួសារកុមារី ងាយរងគ្រោះ ឈ្មោះ អ៊ីម ស៊ីឃាង អាយុ១៤ឆ្នាំ ជាសិស្សថ្នាក់ទី៧ ដែលមានលោកពុក ឈ្មោះ ចក់ អ៊ីម អាយុ៤៤ឆ្នាំ ម្តាយឈ្មោះហោ ណារ៉ា អាយុ៣៦ឆ្នាំ កំពុងព្យាបាលជំងឺសតិអារម្មណ៍ មានកូន៣នាក់ក្មួយស្រី ជាកូនទី២ក្នុងចំណោមបងប្អូន ទាំង៣ ព្រមទាំងនាំយកអំណោយដល់គ្រួសារ ដែលងាយរងគ្រោះ ស្ថិតនៅភូមិបឹងទឹម ឃុំតាប៉ុន ស្រុកសង្កែ ខេត្តបាត់ដំបងផងដែរ។

លោកសុខ លូ បាននាំនូវប្រសាសន៍របស់សម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ ក្តីអាណិតអាសូរ និងការគិតគូរពីជីវភាពរស់នៅរបស់គ្រួសារ កុមារី អ៊ីម ស៊ីឃាង និងប្រជាពលរដ្ឋដែលងាយរងគ្រោះនាពេលនេះ។

លោកក៏បានក្រើនរម្លឹកដល់ក្រុមគ្រួសារ និងប្រជាពលរដ្ឋ ទាំងអស់សូមថែរក្សាសុខភាពខ្លួន ប្រសិនបើបងប្អូន និងកូនមានជំងឺ និងគ្រោះថ្នាក់ផ្សេងៗ សូមប្រញាប់បញ្ជូន ទៅមណ្ឌលសុខភាព ដែលនៅជិតបំផុត ជាសំខាន់នោះចំពោះសុខភាពកុមារ និងស្ត្រីមានផ្ទៃពោះ ព្រមទាំងមានការប្រុងប្រយ័ត្នចំពោះកុមារតូចៗ ដើមី្បជៀសវាងកើតឡើងនូវប្រការអាក្រក់ណាមួយ ចំពោះ ក្រុមគ្រួសារបងប្អូន និងធ្វើអនាម័យ បរិស្ថាននៅជុំវិញលំនៅដ្ឋាន និង បំបាត់ទីជម្រកមូសខ្លា ដែលជាភ្នាក់ងារជំងឺគ្រុនឈាម មកលើកុមារ ក៏ដូចមនុស្សគ្រប់វ័យផងដែរ ហើយសូមកុំទុកដីឱ្យនៅទំនេរចោល ដោយត្រូវដាំដំណាំជុំវិញផ្ទះធម្មជាតិ ដែលអាចជួយកាត់បន្ថយការចំណាយផ្សេងៗផងដែរ។

សូមបញ្ជាក់ថា ផ្ទះខាងលើខ្នងនេះ មានទំហំ ៤.៤០ម៉ែត្រ x ៦ម៉ែត្រ ជញ្ជាំងស៊ីម៉ង់តិ៍ ក្រាលការ៉ូ ដំបូលប្រក់សង្ក័សី មានបន្ទប់ទឹកមួយក្រោយផ្ទះតយ៉ាបខាងមុខ២.៥ម៉ត្រ ដោចំណាយថវិកាក្នុងការសាងសង់សរុប ៥.៥៥០ដុល្លារ (ប្រាំពាន់ប្រាំរយហាសិបដុល្លារអាមេរិកគត់)។

ក្នុងនោះដើម្បីជួយសម្រាលដល់ជីវភាព រស់នៅ សាខាកាកបាទក្រហមកម្ពុជាខេត្ត បានផ្តល់ជូន អំណោយជូនដល់ក្រុមគ្រួសារកុមារ អ៊ីម ស៊ីឃាង រួមមាន ៖ អង្ករ ១០០គីឡូក្រាម, មី៥កេស,ទឹកត្រី ៥យួរ ទឹកស៊ីអ៊ីវ៥យួរ ត្រីខ៥០កំប៉ុង, ឈុតគ្រឿងចានឆ្នាំង និងថវិកាមួយចំនួន។ ដោយឡែកសាខាកាកបាទក្រហមកម្ពុជាខេត្តបាត់ដំបង ក៏បានផ្ដល់អំណោយដល់ប្រជាពលរដ្ឋក្រីក្រ ដែលរស់នៅជិតខាងចំនួន ៥០គ្រួសារ ក្នុងដោយក្នុងមួយគ្រួសារទទួលបាន អង្ករ ២៥គីឡូក្រាម មី១កេស ត្រីខ១យួរទឹកស៊ីអ៊ីវ១យួរ ទឹក ទឹកបរិសុទ្ធ១កេស និងថវិកាមួយចំនួនផងដែរ៕

លោកសុខ លូ អភិបាលខេត្តបាត់ដំបង បានថ្លែងថា ពាក់ព័ន្ធនឹងសន្ដិសុខសណ្ដាប់ធ្នាប់ ក្នុងខេត្តបាត់ដំបងថាមួយរយ:ក្រោយ ល្បែងភ្នាល់ ល្បែងស៊ីសង ល្បែងពាណិជ្ជកម្ម ទាំងដែលបានចុះបញ្ជី និងមិនបានចុះបញ្ជី គឺមានការកើតឡើងដែលមិនស្របតាមច្បាប់ជាច្រើនករណី ដូចនេះអាជា្ញធរមានសមត្ថកិច្ច ត្រូវត្រួតពិនិត្យលើបញ្ហា អាជ្ញាបណ្ណ និងទីតាំងឱ្យបានច្បាស់លាស់ ស្របតាមច្បាប់ ក៏ដូចជាមានលិខិតបទដ្ឋាន របស់ ក្រសួងសេដ្ឋកិច្ច និងហិរញ្ញវត្ថុ និងត្រួតពិនិត្យលើបញ្ហានេះ ឲ្យហ្មតចត់ឡើងវិញ ព្រោះល្បែងពាណិជ្ជកម្ម ដែលមិនបានចុះបញ្ជីនេះ បានជ្រាប និងរីកសាយភាយនៅតាមភូមិស្រុកនីមួយៗ ជាពិសេសនៅក្នុងទីប្រជុំជន ដែលអាចមាននៅតាមហាងលក់អាហា រ កាហ្វេ និងភេសជ្ជៈជាដើម ហើយអាជ្ញាធរមានសមត្ថកិច្ច ត្រូវទទួលខុសត្រូវ លើដែនសមត្ថកិច្ចរបស់ខ្លួន ត្រូវស្រាវជ្រាវទៅលើល្បែងភ្នាល់ ព្រមទាំងល្បែងផ្សងសំណាង ផ្សេងៗ ព្រោះឥឡូវនេះ បច្ចេកវិទ្យកាន់តែទំនើប ការបង្កភាពអាណាធិបតេយ្យ ក៏កាន់តែច្រើនឡើងដូចគ្នា។

អញ្ជើញដឹកនាំកិច្ចប្រជុំប្រចាំខែរបស់រដ្ឋបាលខេត្តបាត់ដំបង នៅរសៀលថ្ងៃអង្គារ ទី២៣ ខែមករា ឆ្នាំ២០២៤ លោកសុខ លូ បានលើកឡើងថា បច្ចុប្បន្ន្ននេះយើងត្រូវបន្តយកចិត្តទុកដាក់ទៅលើគ្រឿងញៀន ដែលជាបញ្ហាធំចម្បង ព្រោះវាជាបញ្ហាស្មុគស្មាញ ក្នុងការទប់ស្កាត់ ក៏ដូចជាត្រូវលុបបំបាត់ផងដែរ។

លោកសុខ លូ បន្តថា អាជ្ញាធរមានសមត្ថកិច្ចត្រូវបន្តស្រាវជ្រាវ និងបង្ក្រាបឲ្យបានទាន់ពេលវេលា ដោយឡែកចំពោះ អ្នកញៀនគ្រឿងញៀន ត្រូវធ្វើការបន្សាបគ្រឿងញៀន នៅឯមជ្ឍមណ្ឌលបន្សាបគ្រឿងញៀន ដោយត្រូវបង្រៀនចំណេះ ជំនាញបច្ចេកទេសផ្សេងៗដល់ពួកគាត់ ឱ្យមានចំណេះជំនាញជាក់លាក់មួយ ដែលអាចប្រកបមុខរបរចិញ្ចឹមជីវិតបាន។

នៅឯសាលប្រជុំB២ សាលាខេត្តបាត់ដំបង សុខ លូ បញ្ជាក់បន្ថែមទៀតថា ក្រៅពីនោះបទល្មើសនេសាទក្នុងតំបន់អភិរក្ស និងសត្វព្រៃក្នុងតំបន់ព្រៃអភិរក្ស ក៏យើងត្រូវបន្តយកចិត្តទុកដាក់ផងដែរ ព្រោះនេះគឺជាធនធានធម្មជាតិ ដែលបន្សល់ទុក ឱ្យយើងជាអ្នកថែរក្សាមើលការខុសត្រូវ ហើយក៏ជាផ្នែកមួយដែលអាចទាក់ទាញភ្ញៀវទេសចរជាតិ និងអន្តរជាតិឲ្យចូលមកទស្សនាក្នុងតំបន់នោះផងដែរ ប្រសិនបើយើងធ្វើឲ្យមានការខូចខាត ឬបំផ្លាញទៅលើតំបន់ជម្រកធម្មជាតិទាំងអស់នោះ ឲ្យបាត់បង់កន្លែងទាក់ទាញទេសចរណ៍ ឲ្យចូលមកទស្សនានៅក្នុងតំបន់នោះ ដែលអាចធ្វើឲ្យប៉ះពាល់ដល់សេដ្ឋកិច្ច ក៏ដូចជាជីវភាពរស់នៅប្រចាំថ្ងៃរបស់ប្រជាជនទាំងមូលក្នុងសហគមន៍ផងដែរ៕

លោកសុខ លូ អភិបាលខេត្តបាត់ដំបង បានបានបញ្ជាក់ថា ដោយមានការខិតខំរបស់អាជ្ញាធរមូលដ្ឋាន មន្ត្រីកងកម្លាំងសមត្ថកិច្ចគ្រប់លំដាប់ថ្នាក់ បទល្មើសជារួមមានការថយចុះ ៧៣% គួបផ្សំប្រតិបត្តិការបង្ក្រាបទទួលបានរហូតដល់៩៤% ដែលជាហេតុធ្វើឱ្យការងារប្រឡងប្រណាំង ឆ្នាំ២០២៣ របស់រដ្ឋបាលខេត្ត ទទួលបានលទ្ធផលគួរជាទីមោទនៈ។

លោកបានបន្តទៀតថា មន្ត្រីនគរបាលប៉ុស្តិ៍រដ្ឋបាល ដែលជាបង្អែកយ៉ាងរឹងមាំ ក្នុងការគ្រប់គ្រងស្ថានការណ៍ សន្តិសុខ សណ្តាប់ធ្នាប់សាធារណៈ និងសុវត្ថិភាព នៅតាមបណ្តាមូលដ្ឋាន បានដឹកនាំគ្រប់គ្រងពង្រឹងកម្លាំងប្រជាការពារ ចូលរួមក្នុងសកម្មភាព រក្សា សន្តិសុខ សណ្តាប់ធ្នាប់ នៅមូលដ្ឋានកាន់តែសកម្មថែមទៀត ជាពិសេស ការត្រៀមលក្ខណៈ ក្នុងការចេញអន្តរាគមន៍ ជួយសង្គ្រោះប្រជាពលរដ្ឋ ពេលមានគ្រោះមហន្តរាយ ឬមានហេតុការណ៍គ្រោះថ្នាក់ផ្សេងៗកើតឡើងជាយថាហេតុបានទាន់ពេលវេលា។

ក្នុងកិច្ចប្រជុំត្រួតពិនិត្យ និងជំរុញការអនុវត្តគោលនយោបាយ ភូមិ-ឃុំ-សង្កាត់មានសុវត្ថិភាព នៅថ្ងៃពុធ ថ្ងៃទី២០ ខែធ្នូ ឆ្នាំ២០២៣ លោកសុខ លូ បានឲ្យដឹងថា លទ្ធផលនៃប្រឡងប្រណាំងអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព តាមរយៈការខិតខំប្រឹងប្រែង របស់អាជ្ញាធរមានសមត្ថកិច្ចគ្រប់ថ្នាក់ គ្រប់ផ្នែកត្រូវបានវាយតម្លៃ និងឆ្លុះបញ្ចាំងតាមរយៈលទ្ធផល នៃការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព ដែលរដ្ឋបាលខេត្តទទួលបានលទ្ធផល គួរជាទីមោទនៈក្នុងឆ្នាំ២០ ២៣ ក្នុងចំណោម ១០៣ ឃុំ សង្កាត់ នៅទូទាំងខេត្តបាត់ដំបង ឃុំ សង្កាត់ ទទួលបានចំណាត់ថ្នាក់លេខ១មានចំនួន ៦៨ ឃុំ សង្កាត់ ចំណាត់ថ្នាក់លេខ ២ មានចំនួន ៣៤ ឃុំ សង្កាត់ និងចំណាត់ថ្នាក់ លេខ ៣ មានចំនួន ១ ឃុំ។

លោកសុខ ផល រដ្ឋលេខាធិការក្រសួងមហាផ្ទៃ និងជាប្រធានក្រុមការងារគោលនយោបាយភូមិ ឃុំ សង្កាត់មានសុវត្ថិភាព បានជំរុញគណៈបញ្ជាការឯកភាពរដ្ឋបាល ខេត្ត ក្រុង ស្រុក ឲ្យខិតខំយកចិត្តទុកដាក់បន្ថែមទៀត និងបន្តការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាពឲ្យកាន់តែមានប្រសិទ្ធភាព និងស្របតាមចក្ខុវិស័យរបស់ រាជរដ្ឋាភិបាលកម្ពុជា ដែលការងារចំពោះមុខសំខាន់ៗ គឺនៅក្នុងឆ្នាំ២០២៤នេះ ត្រូវបន្តចូលរួមពង្រឹងការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព ដោយផ្តោតការយកចិត្តទុកដាក់ ជាពិសេសការកាត់បន្ថយ និងឈានទៅដល់ការលប់បំបាត់ការជួញដូរ និងការប្រើប្រាស់គ្រឿងញៀន នៅក្នុងសហគមន៍ ដែលមានក្រសួងមហាផ្ទៃ អាជ្ញាធរជាតិប្រយុទ្ធប្រឆាំងគ្រឿងញៀន និងស្ថាប័ន អាជ្ញាធរពាក់ព័ន្ធផ្សេងទៀតជាអ្នកចង្អុលបង្ហាញ ដើម្បីធានាដល់បរិយាកាសសង្គម ដែលមានសន្តិភាព និងសុវត្ថិភាពល្អប្រសើរ ជាមួយនឹងការជំរុញរៀបចំនូវសណ្តាប់ធ្នាប់ សោភ័ណភាព និងអនាម័យ នៅក្នុងមូលដ្ឋានឲ្យបានល្អប្រសើរ ដើម្បីចូលរួមលើកកម្ពស់មុខមាត់ កិត្តិយស សេចក្តីថ្លៃថ្នូរ របស់ប្រទេសជាតិ
ឯកឧត្តមបានធ្វើការកោតសរសើរចំពោះការខិតខំប្រឹងប្រែង របស់គណៈបញ្ជាការឯកភាពរដ្ឋបាលខេត្ត ក្រុង ស្រុក កងកម្លាំងមានសមត្ថកិច្ច គ្រប់ថ្នាក់ គ្រប់ផ្នែកដែលបានចូលរួមយ៉ាងសកម្ម អនុវត្តបានល្អប្រសើរ នូវគោលនយោបាយ ភូមិ ឃុំ សង្កាត់ មានសុវត្ថិភាព ដើម្បីបន្តថែរក្សាសន្តិភាព និងរាល់សមិទ្ធផលដែលយើងសម្រេចបាន៕

អគ្គិសភ័យបានឆាបឆេះតូបលក់ចាបហួយ មួយកន្លែងអស់ទាំងស្រុង។

ហេតុការណ៍បានកើតឡើងនៅនៅវេលាម៉ោង ១៩.០០ នាទីថ្ងៃទី១៧ ខែធ្នូ ឆ្នាំ២០២៣ នៅចំណុចភូមិពោធិ៍ ឃុំព្រៃខ្ពស់ ស្រុកបវេល ខេត្តបាត់ដំបង។

ម្ចាស់ផ្ទះឈ្មោះ ហេន រិទ្ធ ភេទប្រុស អាយុ ៥៥ ឆ្នាំ។ តូបដែលរងការឆាបឆេះមាន ទំហំ ៤×១៥ ម៉ែត្រ ធ្វើពីឈើប្រក់ស័ង្កសី ខូចខាតគិតជាទឹកប្រាក់ប្រហែល ៥.០០០.០០០ រៀល។មូលហេតុ ផ្ទុះសេខ្សែរភ្លើង៕

ឯកឧត្តម សុខ លូ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង និងលោកជំទាវព្រមទាំងសហការី នៅរសៀលថ្ងៃអាទិត្យ ទី១៧ ខែធ្នូ ឆ្នាំ២០២៣ បានអញ្ជើញចូលរួមពិធីបុណ្យសព និងចូលរួមរំលែកទុក្ខ ជាមួយក្រុមគ្រួសារសពសិស្សានុសិស្សទាំង ៤រូប ដែលបានស្លាប់ដោយសារលង់ទឹកស្ទឹងសង្កែ ស្ថិតនៅចំណុចខាងក្រោមទំនុបពហុបំណងសេកសក ស្ថិតនៅភូមិស្វាយស ឃុំត្រែង ស្រុករតនមណ្ឌល ខេត្តបាត់ដំបង កាលពីថ្ងៃទី១៦ខែធ្នូឆ្នាំ២០២៣

វេលា ម៉ោង១១ព្រឹក ខណៈពួកគេចេញពីរៀនបបួលគ្នា មកលេងទឹកនៅដងស្ទឹងសង្កែ ចំណុចខាងលើ បណ្តាលអោយលង់ទឹកចំនួន៦នាក់។

ក្នុងនោះស្លាប់៤នាក់រួមមាន៖
១.កុមារី សេង អុីនជឺលីអាយុ១២ឆ្នាំ ថ្នាក់ទី៧
២. កុមារី សេង ជូលីណា អាយុ១៤ឆ្នាំថ្នាក់ទី៨
៣.កុមារី អូ ហាន់ណានូរីអាយុ១១ឆ្នាំថ្នាក់ទី៧
៤-កុមារ៉ា ភាព ចិន្ដា អាយុ១៤ឆ្នាំថ្នាក់ទី១០
សពកុមារា កុមរីទាំង៤នាក់ខាងលើស្ថិតនៅភូមិស្វាយស ឃុំត្រែង ស្រុករតនមណ្ឌល ខេត្តបាត់ដំបង។

ស្ថិតក្នុងសមានទុក្ខដ៏ក្រៀមក្រំនោះ ឯកឧត្តម សុខ លូ បាននាំនូវការផ្តាំផ្ញើពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទ ក្រហមកម្ពុជា ចូលរួមរំលែកនូវមរណទុក្ខជាមួយក្រុមគ្រួសារនៃសព ដែលត្រូវបាត់បង់កូនៗជាទីស្រឡាញ់។

សម្ភារៈចូលរួមរំលែកទុក្ខជាមួយក្រុមគ្រួសារសពទាំង៤ក្នុងក្នុងមួយសព រួមមាន៖អង្ករ ១០០ គីឡូក្រាម,មី ២ កេស,ត្រីខ ២ យួរ,ទឹកត្រី ២ យួរ ,ទឹកស៊ីអ៊ីវ ២យួរនិងថវិកា ១លាន រៀលផងដែរ៕SRP

ខេត្តបាត់ដំបង៖ជនសង្ស័យម្នាក់ត្រូវបានសមត្ថកិច្ចនគរបាលខេត្តបាត់ដំបងចាប់ខ្លួនពាក់ព័ន្ធករណីឃាតកម្ម។

ការចាប់ខ្លួនធ្វើឡើងថ្ងៃទី ៤ ខែធ្នូ ឆ្នាំ២០២៣ នៅចំណុចដំណាក់ដង្កោ ក្នុងភូមិថ្មី ឃុំកន្ទឺ១ ស្រុកបា ណន់ ខេត្តបាត់ដំបង។

នគរបាលខេត្តបាត់ដំបងបានឲ្យដឹងថា ករណីឃាតកម្មនេះ (ប្រើដំបង និងពូថៅ) ជនសង្ស័យឈ្មោះ ឌឿន ចន្ត្រា ហៅ ត្រា ភេទប្រុស អាយុ ៤០​ឆ្នាំ មានទីលំនៅភូមិអូស្រឡៅ ឃុំវត្តតាមិម ស្រុកសង្កែ ខេត្តបាត់ដំបង មកស្នាក់នៅធ្វើស្រែ នៅចំ​ណុចដំណាក់ដង្កោ ភូមិថ្មី ឃុំកន្ទឺ១ ស្រុកបាណន់ ខេត្តបាត់ដំបង។

សូមជម្រាបថា កាលពីថ្ងៃទី​៣ខែធ្នូ​ឆ្នាំ​២០២៣​ មានការភ្ញាក់ផ្អេីល ដោយសារប្រទះឃេីញសា​កសពជនរងគ្រោះ ឈ្មោះ​ សួន​ ហ៉ីង​ ភេទប្រុសអាយុ​ ៤៣ឆ្នាំរស់នៅភូមិឆាយរំពាត់ ឃុំកន្ទឺ​២ ស្រុកបាណន់​ ខេត្តបា ត់ដំបង​ ដេកស្លាប់នៅក្នុងគុម្ពោត ព្រៃស្ថិត​នៅវាលស្រែភូមិថ្មីឃុំកន្ទឺ១ ស្រុកបាណន់​ ខណៈខណៈដែលក្រុមគ្រួសារបស់សពបានប្តឹង មកសម​ត្ថកិច្ចនគរបាលស្រុក ឱ្យជួយ​ស្វែងរក ត្បិតជនរងគ្រោះបានចេញពីផ្ទះថា ទៅបូមទឹកដាក់​ស្រែ តាំងពីយប់ថ្ងៃទី៣០ខែ​វិច្ឆិកាឆ្នាំ២​០២៣​ ហេីយបាត់ដំណឹងរ​ហូត​មក។

នគរបាលបន្តថា តាមលទ្ធផលនៃការពិនិត្យកន្លែងកេីតហេតុនិងលេីសាកសព​ សមត្ថកិច្ចសន្និដ្ឋានថា​ ជនរងគ្រោះ បានស្លាប់ដោយករណីឃាតកម្ម ករណីនេះដកហូត៖ ពូថៅ ០១ដើម
– ដំបង ១ដើម- ពិលពាក់ក្បាល ១ និងខោជើងវែងពណ៌​ខ្មៅ(​ស្លៀក ពេល ធ្វើសកម្មភាព) ១។

នៅចំពោះមុខសមត្ថកិច្ច ជនដៃដល់រូបនេះបានឆ្លេីយ​សារភាពថា​ រូបគេ ពិតជាបានវាយ និងកាប់ជនរ​ងគ្រោះឈ្មោះ សួន ហុីង រហូតដល់ស្លាប់ ហើយយកសាកសព ទៅទម្លាក់ចោល នៅក្នុងគុម្ពោតព្រៃជិតនោះប្រាកដមែន កាលពីយប់ថ្ងៃទី​ ៣០ ខែវិច្ឆិកា ឆ្នាំ ២០២៣។ មូល​ហេតុដែលនាំទៅដល់ការកាប់សម្លាប់បែបនេះ គឺដោយ​សារខឹងជនរងគ្រោះតែងតែមកឆក់ត្រីនៅក្នុងប្រឡាយខាងក្រោយផ្ទះរបស់ខ្លួនកន្លងមក។

នគរបាលស្រុករៀបចំសំណុំរឿងបញ្ជូនមកផែនជំនាញ ដេីម្បីអនុវត្តបន្តតាមនីតិវិធី​ច្បាប់៕

ឯកឧត្តម សុខ លូ អភិបាលបាត់ដំបង និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបានអះអាងថា រដ្ឋាភិបាលកម្ពុជា បានប្តេជ្ញាចិត្តចូលរួមទប់ស្កាត់ការរីករាលដាល និងបញ្ចប់ជំងឺអេដស៍ នៅឆ្នាំ២០២៥ ដោយប្រកាន់ខ្ជាប់គោលការណ៍ សមភាព និងបរិយាបន្ន ដោយក្នុងនោះត្រូវនាំគ្នា អនុវត្តវិធីសាស្ត្រ មិត្ត-អប់រំ-មិត្ត ក្នុងការចាកឆ្ងាយពីគ្រឿងញៀន ភាពភ្លើតភ្លើនផ្លូវភេទ ដែលជាហានិភ័យខ្ពស់ នៃការឆ្លងមេរោគអេដស៍/ជំងឺកាមរោគផ្សេងៗ និងត្រូវខិតខំរៀនសូត្រ ថែរក្សាសុខភាព បរិភោគអាហារូបត្ថម្ភល្អ ដូចពាក្យចាស់ពោលថា «ស្រឡាញ់ខ្លួន ឱ្យស្ងួនចំណី។

ឯកឧត្តមបន្តថាសម្រាប់សូមបង-ប្អូនរួមជាតិ ដែលសង្ស័យថា បានប្រឈមនឹងមេរោគអេដស៍ ត្រូវស្វែងរកសេវាផ្តល់ប្រឹក្សា និងធ្វើតេស្តរកមេរោគអេដស៍ ឱ្យបានឆាប់បំផុត, ទទួលបានការថែទាំសុខភាព និងត្រូវប្រើថ្នាំប្រឆាំងមេរោគអេដស៍ ឱ្យបានត្រឹមត្រូវ ទៀងទាត់ និងជាប់លាប់ ហើយសូមស្ត្រីមានផ្ទៃពោះ ទៅពិនិត្យនិងថែទាំផ្ទៃពោះជាមួយឆ្មប ឬគ្រូពេទ្យយ៉ាងហោចឱ្យបាន៤ដងមុនសម្រាលកូន និងទទួលយកសេវាទប់ស្កាត់ការចម្លងមេរោគអេដស៍/ស្វាយ និងថ្លើម ពីសេវាសុខាភិបាល និងសំណូមពរដល់ប្រជាពលរដ្ឋ ទាំងអស់ទាំងអស់ សូមចូលរួមលើកទឹកចិត្ត និងមិនត្រូវរើសអើងឬមាក់ងាយអ្នកផ្ទុកមេរោគអេដស៍ និងអ្នកជំងឺអេដស៍ឡើយ។

ក្នុងពិធីសំណេះសំណាលសួរសុខទុក្ខ និងនាំយកអំណោយជូនប្រជាពលរដ្ឋ ដែលរងគ្រោះដោយជម្ងឺអេដស៍ ក្នុងទិវាពិភពលោកប្រយុទ្ធនឹងជំងឺអេដស៍ ១ ធ្នូ ឆ្នាំ២០២៣ (លើកទី៣០ នៅកម្ពុជា) ក្រោមប្រធានបទ «សហគមន៍តែមួយ ដឹកនាំឆ្ពោះទៅបញ្ចប់ជំងឺអេដស៍» នៅរសៀលថ្ងៃសុក្រ នេះ ឯកឧត្តម សុខ លូ ក៏បាននាំនូវប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទ ក្រហមកម្ពុជា ផ្តាំផ្ញើសួរសុខទុក្ខ ដោយក្តីអាណិតស្រឡាញ់ និងការនឹករលឹកដល់ប្រជាពលរដ្ឋ ដែលផ្ទុកនូវជម្ងឺអេដស៍ ផងដែរ៕

លោកអ៊ូច សុខលាភ ភេទប្រុស អាយុ៣៨ឆ្នាំ មុករបរ គ្រូបង្រៀននិងជាជាងជួសជុលទូរស័ព្ទ ត្រូវបានជនមិនស្គាល់មុខ ចូលបាញ់ដល់ក្នុងផ្ទះចំនួន៤គ្រាប់ បណ្ដាលអោយចំពោះ ១គ្រាប់ ចំដៃ២គ្រាប់បណ្ដាលអោយរងរបួស់ធ្ងន់ ហើយបងប្អូនដឹកបញ្ចូនទៅមន្ទីពេទ្យដើម្បីសង្រោះជាបន្ទាន់។

ហេតុការណ៍បានកើតឡើង នៅវេលាម៉ោង១៦និង១០នាទីល្ងាច នៅថ្ងៃទី២៩ ខែវិច្ឆិកា ឆ្នាំ២០២៣ នៅចំក្លោងទ្វារចូលជើងភ្នំសំពៅ ភូមិភ្នំសំពៅលិច ឃុំភ្នំសំពៅស្រុកបាណន់ ខេត្តបាត់ដំបង។

កម្លាំងអធិការដ្ឋាននគរបាលស្រុកបាណន់ និងកម្លាំងស្នងការខេត្តបាត់ដំបង ចុះទៅពិនិត្យនិងធ្វើកំណត់ហេតុ និងធ្វើការស្រាវជ្រាវរកជនដៃដល់ដើម្បីយកមកអនុវត្ថតាមច្បាប់។

ជុំវិញការបាញ់ប្រហារនេះ សមត្ថកិច្ចនៅពុំទាន់បញ្ជាក់លម្អិតអំពីមូលហេតុនៅឡើយ៕

ក្នុងកិច្ចប្រជុំគណៈបញ្ជាការឯកភាពរបស់រដ្ឋបាលខេត្តបាត់ដំបង ប្រចាំខែវិច្ឆិកា ឆ្នាំ២០២៣ នៅថ្ងៃអង្គារ បានថ្លែងថារដ្ឋបាលបាត់ដំបង នឹងធ្វើការរៀបចំការដាក់តាំងបង្ហាញម្ហូបអាហារអ្នកបាត់ដំបង រយៈពេល៣ថ្ងៃ គឺនៅថ្ងៃទី២៩-៣០-៣១ ខែធ្នូ ឆ្នាំ២០២៣ ដើម្បីអបអរសាទរ ខេត្តបាត់ដំបង បានជាប់ជាខេត្តមានការច្នៃប្រតិដ្ឋលើផ្នែកម្ហូបអាហាររបស់អង្គការUNESCO នាពេលកន្លងទៅថ្មីៗ និងដើម្បីអបអរសាទរពិធីបុណ្យឆ្លងឆ្នាំសកលឆ្នាំ២០២៤នាពេលខាងមុខដ៏ខ្លីនេះ ផងដែរ។

ឯកឧត្តមក៏បានអំពាវនាវ ដល់ប្រជាពលរដ្ឋ នាំយកផលិលតផលម្ហូបអាហាររបស់ខ្លួន ចូលរួមក្នុងការដាក់តាំងពិព័រណនេះ ឱ្យបានច្រើនកុះករ និងកាន់តែផុសផុលថែមទៀត ដើម្បីលើកកម្ពស់ ម្ហូបអាហារអ្នកបាត់ដំបង ឱ្យកាន់តែមានភាពល្បីល្បាញ សាកសមជាមួយនឹងខេត្ត ដែលទើបតែជាប់ក្នុងបញ្ជី ការច្នៃប្រតិដ្ឋលើផ្នែកម្ហូបអាហាររបស់អង្គការUNESCO។

ឯកឧត្តម បានមានប្រសាសន៍បន្តទៀតថា រដ្ឋបាលខេត្តបាត់ដំបង នឹងរៀបចំធ្វើពិធីដាល់អំបុក និងអកអំបុក នៅឯបរិវេណសួនសម្ដេចក្រឡាហោម វិមានឯករាជ្យ ដើម្បីអបអរសាទរក្នុងឱកាសពិធីព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ ដោយរដ្ឋបាលខេត្ត នឹងជ្រើសរើសថ្ងៃទី២៧ ខែវិច្ឆិកា ឆ្នាំ២០២៣នេះ ដូចនេះសូមមន្រ្ដីរាជការ ប្រជាពលរដ្ឋ ចូលរួមឱ្យបានច្រើនកុះករ ដើម្បីចូលរួមរក្សាអត្តសញ្ញាណ ពិធីដាល់អំបុក និងអកអំបុកនេះ ដល់កូនចៅជំនាន់ក្រោយបានស្គាល់អំពីទំនៀមទម្លាប់ដ៏ល្អផូរផង់របស់យើង។

នៅសាលប្រជុំអគារE សាលាខេត្តបាត់ដំបង ឯកឧត្តម សុខ លូ អភិបាលខេត្តបាត់ដំបង និងជាប្រធានគណៈបញ្ជាការឯកភាពរដ្ឋបាលខេត្ត បានមានប្រសាសន៍ថ្លែងដល់រដ្ឋបាលក្រុងស្រុក អាជ្ញាធរ មន្ទីរអង្គភាព កងកម្លាំងប្រដាប់អាវុធទាំងអស់ ត្រូវខិតខំបន្តនិរន្ដរភាពការងារនេះឱ្យកាន់តែល្អប្រសើរបន្ថែមទៀត ដោយមិនត្រូវដកដៃថយក្រោយឡើយ ពោលគឺត្រូវខិតខំយ៉ាងណា ឱ្យបាននូវលទ្ធផលការងារកាន់តែមានការរីកចម្រើនជាលំដាប់។

ឯកឧត្តមបានបន្តទៀតថា បញ្ហាគ្រឿងញៀននូវតែបញ្ហាចម្បងដែលយើងត្រូវបន្តយកចិត្តទុកដាក់ ដូចនេះត្រូវខិតខំស្រាវជ្រាវបង្រ្កាបឱ្យកាន់តែមានប្រសិទ្ធភាពខ្ពស់ជាងមុននូវអ្នកប្រើប្រាស់ និងជួញដូរគ្រឿងញៀនដែលមាននៅក្នុងមូលដ្ឋានរបស់ខ្លួន ហើយជាពិសេសត្រូវពិនិត្យមើលកងកម្លាំងរបស់ខ្លួន ព្រោះកងកម្លាំងគឺជាគំរូមុនគេ ប្រសិនបើរកឃើញថាមានពាក់ព័ន្ធនឹងគ្រឿងញៀន ត្រូវចាត់វិធានការទៅតាមច្បាប់វិន័យរបស់កងកម្លាំង៕SRP

ដោយក្តីអាណិតអាសូរយ៉ាងពន់ពេកនោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក្រោយពីទទួលបានពត៌មានពីបណ្តាញសង្គម នៅព្រឹកថ្ងៃទី ១២ ខែវិច្ឆិកាឆ្នាំ២០២៣នេះ បានចាត់ដល់ស្នាក់ការកាកបាទក្រហមកម្ពុជាខេត្តបាត់ដំបង ដឹកនាំដោយ ឯកឧត្តម សុខ លូ អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង និងសហការី ចុះសួរសុខទុក្ខ និងនាំយកអំណោយមនុស្សធម៌ជាគ្រឿង ឧបភោគបរិភោគ សម្ភារប្រេីប្រាស់ និងថវិកា ផ្តល់ជូនដល់គ្រួសារកុមារីជាសិស្សថ្នាក់ទី៧ (ថ្មី) ដែលបណ្តាយសង្គមផ្សព្វផ្សាយពីការយកសំបកការ៉ុងស្ពាយ ធ្វើជាកាបូបទៅសាលាដែលមានលោកពុកឈ្មោះចក់ អ៉ីម អាយុ៤៤ឆ្នាំ ម្តាយឈ្មោះហោ ណារ៉ា អាយុ៣៦ឆ្នាំ មានជំងឺសតិអារម្មណ៍ មានកូន៣នាក់ក្មួយស្រីជាកូនទី២ក្នុងចំណោមបងប្អូណទាំង៣ ស្ថិតនៅភូមិបឹងទឹម ឃុំតាប៉ុន ស្រុកសង្កែ ខេត្តបត់ដំបង។

ក្នុងឱកាសនោះ ឯកឧត្តម សុខ លូ បាននាំនូវប្រសាសន៍ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ ក្តីអាណិតអាសូរ និងការគិតគូរពីជីវភាពរស់នៅរបស់គ្រួសារក្មួយៗ។ ឯកឧត្តម បានបញ្ជាក់ថា ៖ «សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បន្ទាប់ពីបានឃេីញព័ត៌មានមួយនេះមក សម្តេចកិត្តិព្រឹទ្ធបណ្ឌិត មានក្តីអាណិតអាសូរជាពន់ពេក ហេីយបានចាត់ឱ្យក្រុមការងារចុះភ្លាមៗដេីម្បីជួយសម្រាលការលំបាកក្នុងជីវភាព និងជាការលេីកទឹកចិត្តឱ្យខិតខំតស៊ូប្រឹងប្រែង រៀនសូត្រ តទៅមុខទៀតដេីម្បីជីវភាពគ្រួសារ និងអនាគតរបស់កូនៗ»។ ជាមួយគ្នានេះ ឯកឧត្តម បានថ្លែងកោតសរសើរចំពោះកុមារីដែលបានខិតខំតស៊ូក្នុងការសិក្សាទោះបីជីវភាពគ្រួសារខ្វះខាតយ៉ាងណាក៏ដោយ សូមកុមារីត្រូវចេះថែរក្សាសុខភាព ព្រោះការសិក្សានិងសុខភាពត្រូវដើរទន្ទឹមគ្នា។

ជាកិច្ចឆ្លេីយតប ក្រុមគ្រួសារខាងលេី បានសម្តែងនូវក្តីរំភើបក្តុកក្តួលដល់ស្រក់ទឹកភ្នែក និងថ្លែងអំណរគុណយ៉ាងជ្រាលជ្រៅបំផុតចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជាមាតាមនុស្សធម៌ បានគិតគូរ និងលើកទឹកចិត្តឱ្យមានក្តីសង្ឃឹមតទៅមុខទៀត រួមជាមួយអំណោយមនុស្សធម៌ជួយសម្រាលការលំបាកក្នុងជីវភាពដែលកំពុងជួបប្រទះចំពោះមុខមានដូចជា អង្ករ មី ត្រីខ មុង ភួយ សារុង ក្រមា សម្ភារៈសិក្សាកង់ និងថវិកាមួយចំនួនផងដែរ៕ដោយនាគខៀវ

ដោយក្តីអាណិតអាសូរយ៉ាងពន់ពេកនោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក្រោយពីទទួលបានពត៌មានពីបណ្តាញសង្គម នៅព្រឹកថ្ងៃទី ១២ ខែវិច្ឆិកាឆ្នាំ២០២៣នេះ បានចាត់ដល់ស្នាក់ការកាកបាទក្រហមកម្ពុជាខេត្តបាត់ដំបង ដឹកនាំដោយ ឯកឧត្តម សុខ លូ អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង និងសហការី ចុះសួរសុខទុក្ខ និងនាំយកអំណោយមនុស្សធម៌ជាគ្រឿង ឧបភោគបរិភោគ សម្ភារប្រេីប្រាស់ និងថវិកា ផ្តល់ជូនដល់គ្រួសារកុមារីជាសិស្សថ្នាក់ទី៧ (ថ្មី) ដែលបណ្តាយសង្គមផ្សព្វផ្សាយពីការយកសំបកការ៉ុងស្ពាយ ធ្វើជាកាបូបទៅសាលាដែលមានលោកពុកឈ្មោះចក់ អ៉ីម អាយុ៤៤ឆ្នាំ ម្តាយឈ្មោះហោ ណារ៉ា អាយុ៣៦ឆ្នាំ មានជំងឺសតិអារម្មណ៍ មានកូន៣នាក់ក្មួយស្រីជាកូនទី២ក្នុងចំណោមបងប្អូណទាំង៣ ស្ថិតនៅភូមិបឹងទឹម ឃុំតាប៉ុន ស្រុកសង្កែ ខេត្តបត់ដំបង។

ក្នុងឱកាសនោះ ឯកឧត្តម សុខ លូ បាននាំនូវប្រសាសន៍ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ ក្តីអាណិតអាសូរ និងការគិតគូរពីជីវភាពរស់នៅរបស់គ្រួសារក្មួយៗ។ ឯកឧត្តម បានបញ្ជាក់ថា ៖ «សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បន្ទាប់ពីបានឃេីញព័ត៌មានមួយនេះមក សម្តេចកិត្តិព្រឹទ្ធបណ្ឌិត មានក្តីអាណិតអាសូរជាពន់ពេក ហេីយបានចាត់ឱ្យក្រុមការងារចុះភ្លាមៗដេីម្បីជួយសម្រាលការលំបាកក្នុងជីវភាព និងជាការលេីកទឹកចិត្តឱ្យខិតខំតស៊ូប្រឹងប្រែង រៀនសូត្រ តទៅមុខទៀតដេីម្បីជីវភាពគ្រួសារ និងអនាគតរបស់កូនៗ»។ ជាមួយគ្នានេះ ឯកឧត្តម បានថ្លែងកោតសរសើរចំពោះកុមារីដែលបានខិតខំតស៊ូក្នុងការសិក្សាទោះបីជីវភាពគ្រួសារខ្វះខាតយ៉ាងណាក៏ដោយ សូមកុមារីត្រូវចេះថែរក្សាសុខភាព ព្រោះការសិក្សានិងសុខភាពត្រូវដើរទន្ទឹមគ្នា។

ជាកិច្ចឆ្លេីយតប ក្រុមគ្រួសារខាងលេី បានសម្តែងនូវក្តីរំភើបក្តុកក្តួលដល់ស្រក់ទឹកភ្នែក និងថ្លែងអំណរគុណយ៉ាងជ្រាលជ្រៅបំផុតចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជាមាតាមនុស្សធម៌ បានគិតគូរ និងលើកទឹកចិត្តឱ្យមានក្តីសង្ឃឹមតទៅមុខទៀត រួមជាមួយអំណោយមនុស្សធម៌ជួយសម្រាលការលំបាកក្នុងជីវភាពដែលកំពុងជួបប្រទះចំពោះមុខមានដូចជា អង្ករ មី ត្រីខ មុង ភួយ សារុង ក្រមា សម្ភារៈសិក្សាកង់ និងថវិកាមួយចំនួនផងដែរ៕