ខេត្តកំពង់ចាម៖ក្នុងពិធីប្រកាសចូលកាន់មុខតំណែង អភិបាល អភិបាលររង និងនាយករដ្ឋបាលសាលាក្រុងកំពង់ចាម នៅថ្ងៃអង្គារនេះ លោក អ៊ុន ចាន់ដា អភិបាលខេត្តកំពង់ចាម
បានផ្តល់អនុសាសន៍ដល់ថ្នាក់ដឹកនាំក្រុងទើបប្រកាសចូលកាន់តំណែងថ្មី នូវគោលការណ៍មួយចំនួនដូចខាងក្រោម៖
-ក្នុងនាមជាថ្នាក់ដឹកនាំ ត្រូវចេះដឹកនាំឱ្យមន្ត្រីចេះធ្វើការ ចេះសម្របសម្រួល និងចេះដោះស្រាយបញ្ហា។
-ក្នុងនាថ្នាក់ដឹកនាំ ត្រូវចូលរួមគ្រប់ជាមួយភាគីពាក់ព័ន្ធទាំងអស់ ដេីម្បីពង្រឹងសន្តិសុខ សុវត្ថិភាពសណ្តាប់ធ្នាប់ ឱ្យបានល្អប្រសើរ ដើម្បីទទួលបានទំនុកចិត្តពីប្រជាពលរដ្ឋ និងថ្នាក់ដឹកនាំ។
-ត្រូវខិតខំបម្រើការផ្តល់សេវាសាធារណៈជូនបប្រជាពលរដ្ជឱ្យបានល្អប្រសើរ។
-ត្រូវរក្សាខ្សែក្រវ៉ាត់ជ័យលាភីរំដួល៣ទង តាមរយៈការរួបរួមសាមគ្គីគ្នា ធ្វើចលនាទីក្រុងស្អាត នឹងដើម្បីចូលរួមប្រឡងប្រណាំងទីក្រុងស្អាត នៅឆ្នាំ២០២៣ ខាងមុខឱ្យទទួលបានលទ្ធផលល្អប្រសើរ។
-ត្រូវរក្សាសន្តិសុខសុវត្ថិភាព និងចែកខិត្តប័ណ្ណផ្សព្វផ្សាយឲ្យប្រជាពលរដ្ឋ បានយល់ដឹងអំពីការបោះឆ្នោត។
-ត្រូវរក្សាសាមគ្គីភាពផ្ផ្ទៃក្នុងឱ្យបានកាន់តតែរឹងមាំ និងត្រូវចេះផ្តល់ឱ្យដល់មន្រ្តី ចំនួនបី រួមមាន:
–ឱ្យមន្ត្រីចេះធ្វើការ
-ឱ្យមន្ត្រីចេះសម្រេចចិត្ត
-ឱ្យមន្ត្រីមានធនធានសម្រាប់ធ្វើការ។
អភិបាលខេត្ត សង្កត់ធ្ងន់ថា ក្នុងនាមជាថ្នាក់ដឹកនាំអង្គភាពមួយ ត្រូវចេះរួបរួមសាមគ្គីភាពរវាងមន្ទីរអង្គភាពពាក់ព័ន្ធជុំវិញខេត្ដឱ្យបានល្អប្រសើរ ដើម្បីនាំមកនូវភាពជោគជ័យជូនអង្គភាព៕SRP
