ខេត្តកំពង់ចាម

ខេត្តកំពង់ចាម​៖លោកសុក ផេង អនុប្រធានក្រុមការងារគណបក្សចុះមូលដ្ឋានស្រុកចំការលើ និងជាប្រធានក្រុមការងារគណបក្សចុះមូលដ្ឋានឃុំល្វាលើ បាន​សំណូមពរ​ដល់​ប្រជាពលរដ្ឋ ឲ្យបន្តការគាំទ្របេក្ខជនគណបក្សប្រជាជនកម្ពុជា ឃុំល្វាលើ នៅលេខរៀងទី២។

ថ្លែង​បែប​នេះ​ក្នុងឱកាសចុះឃោសនា និងចែកខិតតប័ណ្ណរកសំលេងគាំទ្រ ពីប្រជាពលរដ្ឋ នៅក្នុងភូមិក្រឡែងលិច និងភូមិក្រឡែងកើត នៃឃុំល្វាលើ ស្រុកចំការលើ នៅថ្ងៃទី២៥ ខែឧសភា ឆ្នាំ២០២២នេះ ។

លោក សុក ផេង បានបញ្ជាក់ប្រាប់ប្រជាពលរដ្ឋថា ថ្វីត្បិតតែ ឃុំ-សង្កាត់នីមួយៗ បានកំណត់គោលនយោបាយ និងលេខរៀងខុសៗគ្នា ក៏ប៉ុន្តែ ឃុំ-សង្កាត់នីមួយៗ បានកំណត់នូវគោលដៅ និងគោលបំណងច្បាស់លាស់ ដើម្បី បំរើដល់ប្រជាពលរដ្ឋ និងអភិវឌ្ឍមូលដ្ឋានរបស់ខ្លួន ស្របទៅតាមគោលនយោបាយ របស់រាជរដ្ឋាភិបាល ដែលដឹកនាំ ដោយគណបក្សប្រជាជនកម្ពុជា។

លោក សុក​ ផេង​ បាន​លេីកឡេីងថា​ ដើម្បី ឲ្យមូលដ្ឋានរបស់យើង កាន់តែមានការអភិវឌ្ឍរីកចំរើន បន្តទៅមុខថែមទៀត សូមឲ្យបងប្អូន ពុក ម៉ែ នៅទីនេះ អប់រំណែនាំ ដល់មិត្តភ័ក្រ ក្រុមគ្រួសារសាច់ញ្ញាតិ ឲ្យពួកគាត់អញ្ជើញបោះឆ្នោត នៅថ្ងៃទី០៥ ខែមិថុនា ឆ្នាំ២០២២ ឲ្យបានគ្រប់ៗគ្នា ដើម្បី គាំទ្របេក្ខជន ក្រុមប្រឹក្សាឃុំ សង្កាត់ ជាបេក្ខជនគណបក្សប្រជាជនកម្ពុជា ឲ្យបានគ្រប់ៗគ្នា។ មួយវិញទៀត ចាប់ពីថ្ងៃនេះតទៅ ក៏សូមឲ្យពុក ម៉ែ បងប្អូន​ត្រៀមឯកសារពាក់ព័ន្ធ ដែលបំរើដល់កិច្ចការបោះឆ្នោត ងាយស្រួលដល់យើងកាន់ភ្ជាប់ទៅជាមួយ នៅថ្ងៃបោះឆ្នោតឈានចូលមកដល់ ផងដែរ៕SRP

ខេត្តកំពង់ចាម​៖លោក ហ៊ុន ម៉ាណែត បានលើកឡើងថា៖ យុវជនជាកម្លាំងស្នូល របស់គណបក្សប្រជាជនកម្ពុជា អស់រយៈកាលជិត ៧១ឆ្នាំ មកហើយ ទាំងក្នុងការផ្តួលរំលំរបបអាវខ្មៅប៉ុលពត ព្រមទាំងការនាំមកនូវសន្តិភាព និងការអភិវឌ្ឍប្រទេសជាតិ បានរីកចម្រើនរុងរឿង ហើយកម្លាំងស្នូលដ៏រឹងមាំនេះ ក៏នៅតែបន្តចូលរួមចំណែកយ៉ាងពេញទំហឹង ប្រកបដោយថាមពលខ្លាំងក្លា ក្នុងនាមជាកម្លាំងបន្តវេន សម្រាប់អនាគតដែលកាន់តែប្រសើរឡើងថែមទៀត។​

លោកហ៊ុន ម៉ាណែត សមាជិកគណ: អចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា ប្រធានយុវជនថ្នាក់កណ្តាល និងជាអនុប្រធានក្រុមការងារគណបក្សថ្នាក់កណ្តាលចុះជួយខេត្តកំពង់ចាម ថ្លែងយ៉ាងដូច្នេះ ក្នុងពិធីសំណេះសំណាលជាមួយក្រុមការងារ និងសកម្មជនយុវជនទូទាំងខេត្តកំពង់ចាម ននៅចន្ទនេះ។

ក្នុង​ពិធី​នេះដែរ​ លោក ហ៊ុន​ ម៉ាណែត​ បាន​លេីកឡេីងថា​៖ ការជ្រើសរើស គណបក្ស នយោបាយក្នុងការដឹកនាំប្រទេស គឺប្រៀបបានទៅនឹងដំណើរការកសាងសំណង់អគារ គេហដ្ឋានមួយដូច្នោះដែរ ដោយចាប់ផ្តើមពីការជ្រើសរើស យកស្ថាបត្យករ និងវិស្វករ ដែលមានជំនាញត្រឹមត្រូវ ប្រកបដោយបទពិសោធន៍ ច្បាស់លាស់ ដើម្បីធ្វើការគិតគូរឱ្យគ្រប់ជ្រុងជ្រោយ ដើម្បីធានាបានទាំងសោភ័ណភាព សុវត្ថិភាព និងផាសុកភាព។ បន្ទាប់មក ទើបត្រូវការអ្នកសាងសង់ ដែលកេរ្តិ៍ឈ្មោះប្រកបដោយទំនុកចិត្តខ្ពស់ ដើម្បីធានាបាននូវភាពរឹងមាំយូរអង្វែងរបស់របស់អគារ។ ក្នុងន័យនេះ សម្តេចតេជោ ប្រធានគណបក្ស និងថ្នាក់ដឹកនាំគណបក្សគ្រប់ជាន់ថ្នាក់ ក៏ដូចជាបេក្ខជនក្រុមប្រឹក្សាឃុំ-សង្កាត់របស់គណបក្សប្រជាជនកម្ពុជានៅទូទាំងប្រទេស គឺសុទ្ធតែជាអ្នកមានបទពិសោធន៍ជាក់ស្តែងយ៉ាងលើសលប់ក្នុងការរចនាតាក់តែង និងអនុវត្តនូវគោលនយោបាយ នានាសម្រាប់ការដឹកនាំ និងគ្រប់គ្រងប្រទេសទាំងថ្នាក់ជាតិ និងថ្នាក់ក្រោមជាតិ ដោយធ្លាប់សម្រេចបាននូវស្នាដៃ និងសមិទ្ធផលលេចធ្លោជាច្រើនកន្លងមកហើយ។ ការបន្តនូវស្មារតី និងសកម្មភាពដ៏ឧត្តុង្គឧត្តមនេះ ក៏នៅតែជាការប្តេជ្ញាចិត្តរបស់ថ្នាក់ដឹកនាំ និងសមាជិក សមាជិកាគណបក្សប្រជាជនកម្ពុជាគ្រប់ៗរូប​៕SRP

ខេត្តកំពង់ចាម​៖សមាជិកគណបក្សប្រជាជន ជាង៤ពាន់នាក់ ​បានចូលរួម​​ប្រារព្ធ​ពិធី​បេីក​​យុទ្ធនាការ​ ឃោសនា​ ស្វែង​រកសំឡេងឆ្នោត នៅ​ក្នុង​ក្រុង​កំពង់ចាម​។

ពិធី​​បេីក​ការ​ឃោសនា​ នៅថ្ងៃ​ទី២១​ ខែឧសភា​ ឆ្នាំ​២០២២​នេះ​​ ក្រោមវត្តមាន លោក​​ អ៊ុន​ ចាន់ដា​​ សមាជិកគណៈកម្មាធិការកណ្តាលគណបក្សប្រជាជនកម្ពុជា និង​ជាប្រធានគណៈកម្មាធិការបក្សខេត្តកំពង់ចាម។

លោក​ អ៊ុន​ ចាន់ដា​​ បាន​ធ្វើ​ការ​ប្រកាស​បេីកយុទ្ធនាការ​ឃោសនា​ ស្វែង​រក​សំឡេង​ឆ្នោត​ ​ជ្រើសរើស​ក្រុមប្រឹក្សាឃុំ​-សង្កាត់​ អាណត្តិ​ទី​៥​ ព្រមទាំង​បានថ្លែងនូវគោលនយោបាយ សំខាន់ៗ​ របស់គណបក្សប្រជាជនកម្ពុជា​ ដោយប្រកាន់ភ្ជាប់នូវចក្ខុវិស័យរបស់ខ្លួនជាយូរអង្វែង​ ដោយប្រមូល​កម្លាំង​គ្រប់និន្នាការ​ នយោបាយ​រួបរួម​គ្នា​ កសាងប្រទេស​ជាតិ​​ឲ្យ​កាន់តែមានការ​អភិវឌ្ឍន៍រីកចម្រើន​ឡើង​ សំបូររុងរឿងស្ថិតស្ថេរគង់វង្ស​ ឲ្យ​ប្រទេសយើង​ដែលស្ថិតក្នុងឯករាជ្យជាតិ អធិតេយ្យ បូរភាព អព្យាក្រឹត្យ វឌ្ឍនៈភាព​ និងទទួលបាននូវសុភមង្គលជាតិខ្មែរតែមួយ។

គួរ​បញ្ជាក់​ផង​ដែរ​ថា​ ចំពោះ​គណបក្ស​នយោបាយ​ ដែលបាន​ចុះឈ្មោះ​ក្នុង​បញ្ជី​ គ.ជ.ប​ ដើម្បី​ធ្វើការ​ប្រកួតប្រជែង​ស្វែង​រក​សំឡេង​ឆ្នោត​គាំទ្រ​ជ្រើសរើស​ក្រុមប្រឹក្សាឃុំ​-សង្កាត់​ អាណត្តិ​ទី​៥​ ​នេះ​ ក្នុង​ខេត្តកំពង់ចាម​ គឺមាន​ចំនួន​១៣​ ​គណបក្ស​ ចំពោះ​យុទ្ធនាការឃោសនា​ស្វែង​រក​សំឡេង​ឆ្នោត​ គឺមាន​តែ​គណបក្ស​ប្រជាជន​កម្ពុជា​តែមួយ​គត់​ ដែល​បាន​ធ្វើ​ពិធី​ដង្ហែរ​ក្បួន​មាន​លក្ខណៈ​ទ្រង់ទ្រាយ​ធំ​ ជាង​គេ​ ដោយឡែក​ គណបក្ស​នយោបាយ​ ផ្សេងៗ​ទៀត​ មិន​​មាន​សកម្មភាព​អ្វី​ធំដុំ​គួរឲ្យ​កត់សម្គាល់​នោះ​ទេ​៕SRP

ខេត្តកំពង់ចាម​៖លោកឧត្តមសេនីយ៍ឯក ហ៊ុន ម៉ាណែត បានបញ្ជាក់ថា៖ ការថែរក្សាសុខសន្តិភាព គឺអាស្រ័យលើ កត្តា ២យ៉ាងសំខាន់គឺ៖ ទី១.គឺកត្តាអ្នកដឹកនាំ៖ ការបោះឆ្នោតជ្រើសរើសអ្នកដឹកនាំបានត្រឹមត្រូវ គឺសំខាន់ណាស់ ពីព្រោះការជ្រើសរើសខុសនោះ នឹងនាំឲ្យមានផលប៉ះពាល់ ដល់សមិទ្ធិផលជាតិទាំងមូល ពោលគឺ មិនត្រឹមតែគ្មានការអភិវឌ្ឍបន្ថែមទៀតនោះទេ ប៉ុន្តែ សមិទ្ធិផលដែលខិតខំកសាងយ៉ាងលំបាក ដែលមានស្រាប់មកហើយនោះ ក៏អាចនឹងរលាយបាត់បង់ទៅវិញផងដែរ។

លោកឧត្តមសេនីយ៍ឯក ហ៊ុន ម៉ាណែត បន្តថាសម្ដេចតេជោនាយករដ្ឋមន្ត្រី ដែលជាមេដឹកនាំ ប្រកបដោយធម៌ យុត្តិធម៌ គុណធម៌ មិនរត់ចោលប្រជាពលរដ្ឋ ក្នុងកាលៈទេសៈលំបាក និងមានការទទួលខុសត្រូវ ចំពោះ វាសនាអនាគតជាតិ និងប្រជាជន ជាពិសេស ទស្សនវិស័យ នៃការអភិវឌ្ឍប្រទេស ឲ្យរីកចម្រើនរុងរឿង។ និងទី២.គឺ កត្តាប្រជាពលរដ្ឋ ៖ ដែលចូលរួមនៅក្នុងការថែរក្សាការពារសុខសន្តិភាព ឲ្យបានស្ថិតស្ថេរចៀសវាងជឿតាមការអូសទាញ ទៅក្នុងសកម្មភាពណាមួយ ដែលអាចបំផ្លាញសុខសន្តិភាព ព្រោះថា ដំណើរដ៏វែងឆ្ងាយ នៃការសម្រេចបាននូវសុខសន្តិភាព និងការអភិវឌ្ឍ នៅក្នុងរយៈកាលជាង ៤០ឆ្នាំ កន្លងមកនេះ ក៏មិនអាចកាត់ផ្ដាច់បាន ពីការចូលរួមចំណែកមិនអាចខ្វះបាន របស់លោកយាយ លោកតា បងប្អូនប្រជាពលរដ្ឋ ជាពិសេស ក្នុងការបំពេញនូវតួនាទីយ៉ាងសំខាន់ ក្នុងការអប់រំទូន្មានកូនចៅ និងបញ្ជូនពួកគាត់ឲ្យទៅសាលារៀន ដើម្បីឲ្យពួកគាត់ក្លាយខ្លួនទៅជាពលរដ្ឋល្អ មានមនសិការស្នេហាជាតិ ស្រឡាញ់សន្តិភាព និងស្មារតីទទួលខុសត្រូវ លើជោគវាសនាខ្លួន ព្រមទាំងក្រុមគ្រួសារ និងសង្គមជាតិ តាមរយៈ ការខិតខំបំពេញកាតព្វកិច្ច ជាពលរដ្ឋល្អ តាមតួនាទីរៀងៗខ្លួន។

លោកឧត្តមសេនីយ៍ ហ៊ុន ម៉ាណែត បានថ្លែងថា ការថែរក្សាសុខសន្តិភាព គឺអាស្រ័យលើកត្តា អ្នកដឹកនាំ និងប្រជាពលរដ្ឋក្នុងមជ្ឈដ្ឋានផងដេរ។

លោក ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង និងជាមេបញ្ជាការកងទ័ពជើងគោក មានប្រសាសន៍ថ្លែងយ៉ាងដូច្នេះ
ក្នុងពិធីសម្ពោធដាក់ឲ្យប្រើប្រាស់ផ្លូវបេតុង និងផ្លូវក្រាលកៅស៊ូ ចំនួន៤២ខ្សែ ប្រវែង ៣១.៩១៧ម៉ែត្រ នៅក្នុងក្រុងកំពង់ចាម នៅថ្ងៃព្រហស្បតិ៍នេះ។

បេី​តាម​របាយការណ៍​ឯកឧត្ដម អ៊ុន ចាន់ដា អភិបាលខេត្តកំពង់ចាម បានបញ្ជាក់ថា សមិទ្ធិផលផ្លូវបេតុង និងផ្លូវក្រាលកៅស៊ូ ដែលកាត់ខ្សែបូរ សម្ពោធដាក់ឲ្យប្រើប្រាស់ពេលនេះ មាន៖ ១.ផ្លូវនៅក្នុងសង្កាត់បឹងកុក មានចំនួន ២៥ខែ្ស ប្រវែង ១១.៣៨៨ម៉ែត្រ។ ២.ផ្លូវនៅក្នុងសង្កាត់សំបួរមាស មានចំនួន ៨ខ្សែ ប្រវែង១៥.៣៧៥ម៉ែត្រ។ ៣.ផ្លូវនៅសង្កាត់វាលវង់ ចំនួន ៥ខ្សែ ប្រវែង ៣.០៨៦ម៉ែត្រ។ និង៤.ផ្លូវនៅសង្កាត់កំពង់ចាម ចំនួន ៣ខ្សែ មានប្រវែង ១.៤០០ម៉ែត្រ៕SRP

ខេត្តកំពង់ចាម៖អភិបាលខេត្តកំពង់ចាម​ លោក​​ អ៊ុន​ ចាន់ដា​ បានជំរុញការរៀបចំ​ ទាំង​សកម្មភាព​ និង​ឯកសារ​នានា​ ដេីម្បី​គាំទ្រ​​ធ្វើយ៉ាងណា​ ឲ្យ​ដំណើរការ​បោះឆ្នោត​ជ្រើស​រើស​ក្រុមប្រឹក្សា​ ឃុំ សង្កាត់ អាណត្តិទី​៥ ឆ្នាំ​២០២២​ ដែល​នឹង​ប្រព្រឹត្ត​ទៅ​នៅថ្ងៃទី៥ ខែមិថុនា ខាងមុខនេះ​ ឲ្យ​មានភាព​ត្រឹមត្រូវ​ យុត្តិធម៌​ ​ស្របទៅ​តាមគោលការណ៍ លទ្ធិប្រជាធិបតេយ្យ នៅ​ថ្នាក់​ក្រោម​ជាតិ​។

 ថ្លែងជំរុញបែប​នេះ​​ ក្នុងកិច្ចប្រជុំសាមញ្ញលើកទី៣៦​ អាណត្តិទី៣ របស់ក្រុមប្រឹក្សាខេត្តកំពង់ចាម​ នៅថ្ងៃអង្គរនេះ។

អភិបាលខេត្ត​ ក៏​បាន​ក្រេីនរំលឹកដល់​មន្ត្រី​ពាក់ព័ន្ធ​ ឲ្យ​មាន​ភាព​ទទួល​ខុសត្រូវ​ ក្នុង​ការ​បំពេញ​ភារកិច្ច​តួនាទី​របស់​ខ្លួន​ ពោល​គឺ​ត្រូវ​ទទួល​នូវ​អ្វី​ដែល​ខ្លួន​​បាន​អនុវត្ត​ ​មិន​ថា​ខុស​ ឬក៏​ត្រូវ​ ​គឺ​ត្រូវ​ទទួលយក​ទាំងអស់​ កុំ​ទទួលយក​តែ​ត្រូវ​ ហើយ​អ្វី​ដែល​ខុស​រុញ​ទៅ​ឲ្យ​អ្នក​ដទៃ​។ ​

ក្នុងកិច្ចប្រជុំលោក​ ខ្លូត​ ផន​ ប្រធាន​ក្រុមប្រឹក្សា​ខេត្តកំពង់ចាម​ បាន​លើក​យក​សេចក្តី​ព្រាង​របៀបវារៈ​សំខាន់​ៗ​ មក​ពិភាក្សា​ រួមមាន​៖​ ១-ពិនិត្យ និងអនុម័តសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី៣៥ អាណត្តិទី៣ របស់ក្រុមប្រឹក្សាខេត្ត។ ២-ពិនិត្យ ពិភាក្សា និងអនុម័តលើសេចក្តីព្រាងរបាយការណ៍បូកសរុបលទ្ធផលការងារប្រចាំខែមេសា និងទិសដៅការងារប្រចាំខែឧសភា ឆ្នាំ២០២២ របស់រដ្ឋបាលខេត្តកំពង់ចាម​៕SRP