ខេត្តកំពង់ចាម

ខេត្តកំពង់ចាម៖លោក អ៊ុន ចាន់ដា ក៏បានលើកឡើងអំពីសមិទ្ធផលធំៗដែលរាជរដ្ឋាភិបាលដឹកនាំដោយ គណបក្សប្រជាជនកម្ពុជា សម្រេចបានរហូតមកដល់ពេលនេះ ដែលបានធ្វើឲ្យប្រទេសជាតិ មានការរីកចម្រើនឥតឈប់ឈរលើគ្រប់វិស័យ គួរជាទីមោទនៈ។ ដូច្នេះយើងគ្រប់គ្នាត្រូវរួមគ្នាថែរក្សា ឲ្យបានគង់វង្សនូវសុខ សន្តិភាព ដែលរកបានដោយកម្រ ក្រោមការ ដឹកនាំដ៏ខ្ពង់ខ្ពស់របស់ សម្តេចហ៊ុន សែន នាយករដ្ឋមន្ត្រី និងជាប្រធាន គណបក្សប្រជាជនកម្ពុជា។

លោក​ អ៊ុន ចាន់ដា សមាជិកគណៈកម្មធិការកណ្តាលគណបក្សប្រជាជនកម្ពុជា -ប្រធានគណៈកម្មាធិការគណបក្សខេត្ត និងជាប្រធានក្រុមការងារចុះមូលដ្ឋានក្រុងកំពង់ចាម ថ្លែងយ៉ាងដូច្នេះនៅថ្ងៃទី​២​ ខែមិថុនា​ នេះ​ ក្នុងឱកាសសំណេះសំណាល និងបង្រៀនគូសសន្លឹកឆ្នោត ដល់សមាជិក សមាជិកា គណបក្ស​ប្រជាជន​កម្ពុជា​សង្កាត់​បឹងកុក​ ប្រមាណ​ជាង៥០០នាក់។

លោក​ អ៊ុន ចាន់ដា ប្រធានគណបក្សខេត្ត បានអបអសាទរនូវលទ្ធផល បោះឆ្នោតល្បងនាពេលនេះ និងបានណែនាំឱ្យសកម្មជន និងយុវជនបក្ស បន្តចុះទៅតាមខ្នងផ្ទះរបស់ប្រជាពលរដ្ឋ ដើម្បីសួរសុខទុក្ខ និងបង្រៀនពីការគូសសន្លឹកឆ្នោតឱ្យបានផុលផុស ក៏ដូចជាការត្រៀមពេលវេលា និងអត្តសញ្ញាណប័ណ្ណ សញ្ជាតិខ្មែរ ឬឯកសារបញ្ជាក់ អត្តសញ្ញាណ បម្រើឲ្យការបោះឆ្នោត សម្រាប់ប្រើនៅថ្ងៃបោះឆ្នោត​ ឲ្យ​បាន​គ្រប់ៗគ្នា។

ប្រធានគណបក្សខេត្ត បានថ្លែងអំណរគុណ ដល់សមាជិក សមាជិកាគ្រប់រូប ដែលបានជឿជាក់មកលើគណបក្សប្រជាជនកម្ពុជា និងបានគាំទ្រ ក៏ដូចជាបានអញ្ជើញទៅចូលរួមបោះឆ្នោតជូនគណបក្សប្រជាជនកម្ពុជា រហូតមក​ និង​ការ​ប្តេជ្ញា​ចូលរួមបោះឆ្នោត នៅថ្ងៃទី៥ ខែមិថុនា ឆ្នាំ២០២២ ខាងមុខនេះ​ផងដែរ​៕SRP

ខេត្តកំពង់ចាម៖លោក អ៊ុន ចាន់ដា បានអបអសាទរនូវលទ្ធផលបោះឆ្នោតល្បងនាពេលនេះ និងបានណែនាំឱ្យសកម្មជន និងយុវជនបក្សបន្តចុះទៅតាមខ្នងផ្ទះរបស់ប្រជាពលរដ្ឋ ដើម្បីសួរសុខទុក្ខ និងបង្រៀនពីការគូសសន្លឹកឆ្នោតឱ្យបានផុលផុស ក៏ដូចជាការត្រៀមឯកសារពាក់ព័ន្ធនានា ដើម្បីចូលរួមបោះឆ្នោតនៅថ្ងៃទី៥ ខែមិថុនា ឆ្នាំ២០២២ខាងមុខនេះ។

លោក អ៊ុន ចាន់ដា សមាជិកគណៈកម្មធិការកណ្តាលគណបក្សប្រជាជនកម្ពុជា -ប្រធានគណៈកម្មាធិការគណបក្សខេត្ត និងជាប្រធានក្រុមការងារចុះមូលដ្ឋានក្រុងកំពង់ចាម ថ្ថ្លែងណែនាំបែបនេះ នៅព្រឹកមិញនេះ ក្នុងឱកាស
សំណេះសំណាល និងបង្រៀនគូសសន្លឹកឆ្នោតដល់សមាជិក សមាជិកាគណបក្សប្រមាណ ៥០០នាក់ នៅទីស្នាក់ការគណបក្សប្រជាជនកម្ពុជា សង្កាត់កំពង់ចាម។

លោកប្រធានគណបក្សខេត្ត ក៏បានថ្លែងអំណរគុណដល់សមាជិក សមាជិកាគ្រប់រូប ដែលបានជឿជាក់មកលើគណបក្សប្រជាជនកម្ពុជា និងបានគាំទ្រ ក៏ដូចជាបានអញ្ជើញទៅចូលរួមបោះឆ្នោតជូនគណបក្សប្រជាជនកម្ពុជារហូតមក។

លោក​ អ៊ុន ចាន់ដា ក៏បានលើកឡើងអំពីសមិទ្ធផលធំៗដែលរាជរដ្ឋាភិបាលដឹកនាំដោយគណបក្សប្រជាជនកម្ពុជា សម្រេចបានរហូតមកដល់ពេលនេះ ដែលបានធ្វើឲ្យប្រទេសជាតិមានការរីកចម្រើនឥតឈប់ឈរលើគ្រប់វិស័យគួរជាទីមោទនៈ ដូច្នេះយើងគ្រប់គ្នាត្រូវរួមគ្នាថែរក្សាឲ្យបានគង់វង្សនូវសុខសន្តិភាព ដែលរកបានដោយកម្រ ក្រោមការ ដឹកនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា។

លោក​ប្រធានគណបក្សខេត្ត ក៏បានស្នើឲ្យបេក្ខជនក្រុមប្រឹក្សាក្នុងឃុំ សង្កាត់ទាំងអស់ទាំងអស់ខិតខំបម្រើប្រជាពលរដ្ឋឱ្យបានកាន់តែសកម្ម និងល្អប្រសើរថែមទៀត សម្រាប់ភាពសុខសាន្ត និងភាពរីកចម្រើនក្នុងមូលដ្ឋានរបស់ខ្លួន និងបានស្នើឲ្យមានការចូលរួមបោះឆ្នោតជ្រើសរើសក្រុមប្រឹក្សា ឃុំ-សង្កាត់ អាណត្តិទី៥ ដែលនឹងប្រព្រឹត្តទៅនាថ្ងៃទី៥ ខែមិថុនា ឆ្នាំ២០២២ ខាងមុខនេះ គឺបោះឆ្នោតជូនគណបក្សប្រជាជនកម្ពុជា ដើម្បីបន្តដឹកនាំ និងអភិវឌ្ឍន៍ប្រទេសជាតិឱ្យកាន់តែមានការរីកចម្រើន និងសម្បូររុងរឿងទ្វេរឡើង​៕SRP

ខេត្តកំពង់ចាម៖លោក​ អ៊ុន​ ចាន់ដា​ បាន​បញ្ជាក់ថា​ ដើម្បី​បោះឆ្នោត​បាន ប្រជាពលរដ្ឋ​ខ្មែរ​ត្រូវមាន​ឈ្មោះ​ ក្នុង​បញ្ជី​បោះឆ្នោត និង​មាន​អត្តសញ្ញាណប័ណ្ណ​សញ្ជាតិ​ខ្មែរ ចំពោះ​បង្កាន់ដៃបញ្ជាក់ការចុះឈ្មោះបោះឆ្នោត​ គ្រាន់តែ​ឲ្យ​បាន​ដឹង​អំពីលេខរៀង ឈ្មោះរបស់យើង លេខកូដ និងទីតាំងការរិយាល័យ បោះឆ្នោត ប៉ុណ្ណោះ​ ប្រសិន​បើ​យើង​គ្មាន​អត្តសញ្ញាណប័ណ្ណ​ទេនោះ​ ​យេីង​មិន​អាច​ធ្វើការ​បោះឆ្នោត​បាន​ឡេីយ​ ដូច្នេះ​ទេ​យេីង​ត្រូវ​មាន​អត្តសញ្ញាណប័ណ្ណ​សញ្ជាតិ​ខ្មែរ​ ដេីម្បី​ទៅ​ចូលរួម​បោះឆ្នោត​ ក្នុងករណី​អត្តសញ្ញាណប័ណ្ណ​​បាត់ ឬ​ខូច ​សូម​ប្រញាប់​​ស្នើសុំ​ឯកសារ​បញ្ជាក់​អត្តសញ្ញាណ តាម​រយៈ​អាជ្ញាធរ​ឃុំ​-សង្កាត់​ ពោលគឺ​យើងត្រូវត្រៀមពេលវេលា និងអត្តសញ្ញាណប័ណ្ណ សញ្ជាតិខ្មែរ ឬឯកសារបញ្ជាក់ អត្តសញ្ញាណ បម្រើឲ្យការបោះឆ្នោត សម្រាប់ប្រើនៅថ្ងៃបោះឆ្នោត​ ឲ្យ​បាន​គ្រប់ៗគ្នា​ ៊។

លោក​ អ៊ុន​ ចាន់ដា​ សមាជិកគណៈកម្មធិការកណ្តាលគណបក្សប្រជាជនកម្ពុជា -ប្រធានគណៈកម្មាធិការគណបក្សខេត្ត និងជាប្រធានក្រុមការងារចុះមូលដ្ឋានក្រុងកំពង់ចាម ថ្លែង​បែប​នេះ​ក្នុង​ពិធី​ជួប​សំណេះសំណាល​ ជាមួយ​សមាជិក​សមាជិកា​គណបក្សប្រជាជន​កម្ពុជា​ ​នៃសង្កាត់​សំបួរមាស​ ក្រុងកំពង់ចាម​ នៅថ្ងៃទី​២៨​ ខែឧសភា​ ឆ្នាំ​២០២២​នេះ។

លោក អ៊ុន ចាន់ដា ក៏បានប្រាប់​សមាជិក​បក្ស​ ឲ្យ​ត្រៀម​អត្តសញ្ញាណប័ណ្ណ​ សញ្ជាតិ​ខ្មែរ​ ឬឯកសារបញ្ជាក់ ដេីម្បី​ទៅ​ចូលរួម​បោះឆ្នោត​ ខណៈ​ដែល​យើង​មាន​ឈ្មោះ​ក្នុង​បញ្ជី​បោះឆ្នោត​ហេីយ។

បេីតាម​របាយការណ៍​របស់​ លោកស្រី​​ ប៉ាង​ ដានី​ ប្រធាន​ក្រុម​ការងារ​ចុះ​ជួយ​ សង្កាត់​សំបួរមាស​ បាន​ឲ្យដឹងថា​ រយៈពេល៥ឆ្នាំ ក្រោមគោលនយោបាយច្បាស់លាស់ ត្រឹមត្រូវមិនលំអៀង មានសច្ចៈធម៌ ក្រោមការ ដឹកនាំរបស់ សម្តេចតេជោ ហ៊ុន សែន ជាប្រមុខរាជរដ្ឋាភិបាល និងជាប្រធាន គណបក្សប្រជាជនកម្ពុជា និងអាស្រ័យដោយការខិតខំប្រឹងប្រែងពី គណបក្សមូលដ្ឋាន សាខាបក្សភូមិ ក្នុងសង្កាត់សំបួរមាស ដោយមានការចង្អុលបង្ហាញ ឧបត្ថម្ភ គាំទ្រទាំងស្មារតី សម្ភារ និងថវិកាពី លោក អ៊ុន ចាន់ដា ប្រធានគណៈកម្មាធិការបក្សខេត្ត និងជាប្រធានក្រុមការងារចុះជួយក្រុងកំពង់ចាម ក្រុមការងារថ្នាក់ខេត្តចុះជួយសង្កាត់ ក្រុមការងារថ្នាក់ក្រុង ដែល ញ៉ាំងឲ្យសង្កាត់សំបួរមាស សម្រេចបានការកសាងសមាជិកបក្សបានប្រមាណជាង៨៣% នៃ ប្រជាពលរដ្ឋ ចុះឈ្មោះបោះឆ្នោត សមិទ្ធិផលជាច្រើន ក្នុងការកែលម្អស្ថានភាព សេដ្ឋកិច្ច សង្គមកិច្ច វប្បធម៌ ធ្វើឲ្យប្រជាពលរដ្ឋ ទូទៅកាន់តែមានជំនឿមុតមាំ លើគណបក្សប្រជាជន កម្ពុជា ដែលជាកម្លាំងស្នូល មិនអាចខ្វះបាន ក្នុងការពង្រឹងសន្តិភាព ស្ថេរភាពនយោបាយ អធិបតេយ្យភាពជាតិ និងការអភិវឌ្ឍ​៕SRP

ខេត្តកំពង់ចាម​៖លោក ហ៊ុន ម៉ាណែត សមាជិកគណៈអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានយុវជនថ្នាក់កណ្តាល​ បានថ្លែងថា​៖ រាជរដ្ឋាភិបាល និងរដ្ឋបាលថ្នាក់ក្រោមជាតិ ដែលដឹកនាំដោយ គណបក្សប្រជាជន គឺតែងបានធ្វើការបូកសរុប និងវាយតម្លៃលទ្ធផលការងារ ជាប្រចាំក្នុងគ្រប់អាណត្តិនីមួយៗ ដើម្បីដកពិសោធន៍ ចំណុចខ្លាំង ចំណុចខ្សោយ កែលម្អបញ្ហាអវិជ្ជមាន បំពេញបន្ថែមចំណុចខ្វះខាត សំដៅធ្វើយ៉ាងណា បម្រើប្រជាពលរដ្ឋ ឱ្យបានកាន់តែប្រសើរពីមួយអាណត្តិ ទៅមួយអាណត្តិ “បេះដូង និងឆន្ទៈរបស់មន្ត្រីបក្ស មានតែមួយប៉ុណ្ណោះ គឺបម្រើជាតិ និងប្រជាជន ដោយឥតរុញរាក្នុងគ្រប់កាលៈទេសៈទាំងអស់”​៊

លោកថ្លែង​បែប​នេះក្នុងពិធីសំណេះសំណាលជាមួយថ្នាក់ដឹកនាំ និងសមាជិក សមាជិកា ក្រុមការងារ និងក្រុមសកម្មជនយុវជនគណបក្សក្នុងស្រុកស្រីសន្ធរ ខេត្តកំពង់ចាម នៅថ្ងៃទី២៧ ខខែឧសភានេះ។ ​

លោក ហ៊ុន ម៉ាណែត​ បាន​លេីកឡេីងថា​ គណបក្សប្រជាជនកម្ពុជា ជាគណបក្ស តែងបានផ្តល់នូវភាពកក់ក្តៅជូនប្រជាពលរដ្ឋ ដោយគ្មានការរើសអើងបែងចែក និងជាគណបក្សដែលមានស្នាដៃបទពិសោធន៍ ក្នុងអតីតកាល, មានសមត្ថភាព ថែរក្សាលំនឹងស្ថិរភាពក្នុងបច្ចុប្បន្នកាល និងអាចធានា បាននូវទំនុកចិត្តសម្រាប់អនាគតមួយដ៏ភ្លឺស្វាង។ ជាក់ស្តែង ក្នុងរយៈពេល ៤៣ឆ្នាំកន្លងមកនេះ ប្រទេសកម្ពុជា បានងើបចេញពីវាលពិឃាត និងគំនរផេះផង់ រហូតក្លាយខ្លួនជាកោះសន្តិភាព, ជាគោលដៅទេសចរណ៍ លំដាប់ពិភពលោក, ជាប្រទេសដែលមានកំណើនសេដ្ឋកិច្ចខ្ពស់ជាប់ចំណាត់ថ្នាក់, ជាប្រទេសប្តូរពីមានចំណូលទាបមកជាចំណូលមធ្យម, ជាប្រទេសជាប់ចំណាត់ថ្នាក់លើការងារប្រយុទ្ធនឹងជំងឺកូវីដ-១៩ និងអ្វីដែលសំខាន់ជាប្រទេស ដែលផ្តល់ឱកាស និងលំហរសេរីភាពគ្រប់បែបយ៉ាងដល់ ប្រជាពលរដ្ឋ ជាពិសេសឱកាសសម្រាប់ការអភិវឌ្ឍខ្លួនដល់យុវជន និងកុមារ ក្នុងនាមជាអ្នកជំនាន់ក្រោយនៃសម័យកាលសង្គ្រាម។

លោក ហ៊ុន ម៉ាណែត​ ក៏បាន​ថ្លែងអំណរគុណចំពោះប្រជាពលរដ្ឋ ក្នុងស្រុកស្រីសន្ធរ ដែលតែងបានផ្តល់ការគាំទ្រយ៉ាងលើសលប់ និងបានបោះឆ្នោតជូនគណបក្សប្រជាជន ក្នុងគ្រប់អាណត្តិកន្លងមក ពីព្រោះមានតែអ្នកស្រុកស្រីសន្ធរផ្ទាល់ ជាអ្នកបានឆ្លងកាត់ផ្ទាល់ និងស្គាល់ច្បាស់អំពីការអភិវឌ្ឍ រីកចម្រើនជាក់ស្តែងនៅក្នុងមូលដ្ឋានរបស់ខ្លួន និងសូមបន្តគាំទ្រសំដៅធ្វើយ៉ាងណារក្សាប្រៀបឈ្នះ និងទទួលបានជោគជ័យ ឱ្យបានលើសលប់បន្តទៀត។ ការអភិវឌ្ឍរីកចម្រើន នៅក្នុងមូលដ្ឋាននេះ ទាំងក្នុងផ្នែកពុទ្ធចក្រ និងអាណាចក្រ រួមមាន វត្តអារាម ផ្លូវបេតុង ស្ពាន សាលារៀន មណ្ឌលសុខភាព ជាដើម ដែលទាំងអស់នេះ បានកើតឡើងពីការដឹកនាំ និងការបង្កលក្ខណៈរបស់រាជរដ្ឋាភិបាល ជាពិសេសការរួមកម្លាំងញើសឈើសឈាម និងកិច្ចខិតខំប្រឹងប្រែងដ៏យូរឆ្នាំរបស់អាជ្ញាធរដែនដី, ក្រុមការងារគ្រប់យន្តការ, សប្បុរសជន និងប្រជាពលរដ្ឋនៅក្នុងមូលដ្ឋានផ្ទាល់ រហូតសម្រេចបាននូវវឌ្ឍនភាពសម្រាប់ភូមិឃុំយើងក្រោមម្លប់និរន្តរភាពនៃសន្តិភាព ស្ថិរភាព ដូចពេលនេះ៕SRP

ខេត្តកំពង់ចាម​៖លោក អ៊ុន ចាន់ដា អភិបាលខេត្តកំពង់ចាម​ និងជាប្រធានគណៈកម្មាធិការសាខា​កាកបាទក្រហម​ខេត្ត​  ដោយ​មានការនិមន្ត​ និង​អញ្ជើញចូលរួមពីព្រះមន្ត្រីសង្ឃ​ និង​មន្ត្រី​រាជការ​​ នៅថ្ងៃទី២៥​ ខែឧសភា​ ឆ្នាំ​២០២២​​នេះ​ បានប្រគល់ផ្ទះមនុស្សធម៌ទី៩ ជូនគ្រួសារប្រជាពលរដ្ឋ ឈ្មោះ វ៉ន វុធ អាយុ ៤៦ឆ្នាំ ដែលមានជីវភាពទ័លលំបាក រស់នៅភូមិទួលវិហារ ឃុំរាយប៉ាយ ស្រុកកងមាស។

ឆ្លៀតក្នុងឱកាសនោះដែរ​ លោក អ៊ុន ចាន់ដា បានក្រើនរំលឹកដល់ប្រជាពលរដ្ឋថា ពិតមែន ស្ថានភាពនៃការឆ្លងជម្ងឺកូវីដ-19 មានសភាពធូរស្រាល បង្កឱកាសអោយបើកប្រទេសឡើងវិញ ហើយថ្មីៗ នេះ រាជរដ្ឋាភិបាល បានដកចេញនូវកាតព្វកិច្ចម៉ាស់ តាមទីសាធារណ: យ៉ាងណាក្តី  តែយើងម្នាក់ៗ នៅតែត្រូវខិតខំថែទាំសុខភាព ការពារខ្លួនអោយបានជាប្រចាំ ដោយមិនត្រូវ មើលស្រាល បានឡើយ ពិសេស ត្រូវបន្តអនុវត្ត អោយបានខ្ជាប់ខ្ជួន នូវវិធានសុខាភិបាល “៣ការពារ ៣កុំ” និងជំរុញការចាក់វ៉ាក់សាំងបង្ការជំងឺកូវីដ-19 ទាំងដូសមូលដ្ឋាន និង ដូសជំរុញ អោយបានគ្រប់ៗគ្នា ដែលជួយអោយសហគមន៍មានភាពស៊ាំ ដោយបន្តរស់នៅធម្មតាតាមគន្លងប្រក្រតីភាពថ្មី ផង និង ជួយការពារសរីរាង្គរបស់យើង ទប់ស្កាត់ការវាយលុកពីពពួកបម្លែងខ្លួនថ្មី កូវីដ-19 ផងដែរ។

គួរ​បញ្ជាក់​ថា​ លោក វ៉ន វុធ ជាប្រជាពលរដ្ឋ ដែលមានជីវភាពទ័លលំបាក ស្ថិតក្នុងប្រភេទ ក្រ ១ ទាំង២នាក់​ប្រពន្ធ​មានជម្ងឺប្រចាំកាយ។ សព្វថ្ងៃ ពួកគាត់ ត្រូវរ៉ាប់រង មើលថែចៅ តូចៗ ចំនួន ២នាក់ ដែលឪពុកម្តាយពួកគេ បានលែងលះគ្នា។ ទាំងពីរនាក់ ពុំមានមុខរបរទេ ពោលគឺ រស់នៅពឹងតែលើកូន ដែលធ្វើការនៅឯភ្នំពេញផ្តល់ឲ្យ ខណ:ពេលដែល ជីវភាពពួកគេ ក៏ជួបការខ្វះខាតស្រាប់។ ម៉្យាងក៏ត្រូវចិញ្ចឹមប្អូនៗ ៣នាក់ ផ្សេងទៀត ផងដែរ។ ដោយស្ថានភាពលំបាកបែបនេះ លោក អ៊ុន ចាន់ដា ក៏បានសម្រេចផ្តល់ជូនផ្ទះឈើខ្ពស់ផុតពីដី ប្រក់ស័ង្កសី ភ្លីធំ (ទំហំ៤ម×៦ម) ១ខ្នង តម្លៃប្រមាណ ១០​លានរៀល​ ព្រមទាំងផ្តល់សម្ភារ គ្រឿងឧបភោគ បរិភោគ សម្រាប់សង្កត់ផ្ទះថ្មីនេះ រួមមាន អង្ករ ៥០គក្រ ត្រីខ ២០កំប៉ុង ទឹកត្រី ១២ដប ទឹកស៊ីអ៊ីវ ១២ដប មី ២កេស ឃីត ២សម្រាប់ អាវយឺត ១២ ម៉ាស់ ២ប្រអប់ ចង្ក្រាន១ សម្ភារផ្ទះបាយមួយចំនួន និងថវិកា ២០០.០០០រៀល៕SRP