ខេត្តបាត់ដំបង

សមត្ថកិច្ចកម្លាំងអាវុធហត្ថខេត្តបាត់ដំបងបានចាប់ខ្លួនស្ត្រីម្នាក់ ករណី: ឆបោក (ប្រាក់)។ ការចាប់ខ្លួនធ្វើឡើងនៅម៉ោង ១០ និង ១០ នាទី ថ្ងៃទី ១៤ ខែឧសភា ឆ្នាំ ២០២៥ ចំណុចបុរីរំចេក ភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង។

សមត្ថកិច្ចអាវុធហត្ថខេត្តបាត់ដំបងបានឲ្យដឹងថា ជនសង្ស័យឈ្មោះ សុង សោភ័ណ្ឌ ភេទស្រី អាយុ ៤៧ ឆ្នាំ មុខរបរលក់ដូរ ស្នាក់នៅចំណុចខាងលើ ពីបទ:ឆបោក (ប្រាក់)។

ការចាប់ខ្លួននេះតាមបណ្តឹងរបស់ជនរងគ្រោះ ឈ្មោះ ឈឿន ឈុំ ភេទប្រុស អាយុ៥៧ ឆ្នាំមុខរបរ ធ្វើស្រែ ស្នាក់នៅភូមិអំពិល ឃុំអំពិលប្រាំដើម ស្រុកបរវេល ខេត្តបាត់ដំបង ប្រព្រឹត្តកាលពីថ្ងៃទី០៦ ខែឧសភា ឆ្នាំ២០២៥ និង ថ្ងៃទី១៤ ខែឧសភា ឆ្នាំ២០២៥ នៅចំណុចខាងលើ។ ដោយជនសង្ស័យបានយកប្រាក់ពីជនរងគ្រោះចំនួន ២៦២០ដុល្លារ ដើម្បីរត់ការយកឈ្មោះកូនរបស់ជនរងគ្រោះ ចូលក្របខ័ណ្ឌមន្រ្តីនគរបាលជាតិក្នុងឆ្នាំ ២០២៥ បាន ដោយមិនចាំបាច់ប្រលងចូល ទាំងដែលក្រសួងមហាផ្ទៃមិនមានជ្រើសរើសមន្ត្រីនគរបាលជាតិថ្មីក្នុងឆ្នាំ ២០២៥ ឡើយ។

សមត្ថកិច្ចអាវុធហត្ថបានបន្តថា ហេតុការណ៍នេះ ដកហូតវត្ថុតាង
១.បញ្ជីរាយនាមបេក្ខជនប្រឡងជាប់ក្របខណ្ឌមន្រ្តីនគបាល ឆ្នាំ២០២៥ ចំនួន ០២ សន្លឹក
២.លិខិតស្នើសុំចូលក្របខណ្ឌមន្រ្តីនគបាលជាតិចំនួន ០១ សន្លឹក
៣.លិខិតធានាឪពុក ម្តាយ ឬ អាណាព្យាបាល ចំនួន ០៣ សន្លឹក
៤.ពាក្យស្នើសុំចំនួន ០៨ សន្លឹក
៥.ពាក្យសុំចូលបម្រើការងារក្នុងក្រសួងមហាផ្ទៃចំនួន ០១ សន្លឹក
៦.លិខិតធានា ចំនួន ០១ សន្លឹក
៧.លិខិតបញ្ជាក់ចំនួន ០១ សន្លឹក
៨.លិខិតបញ្ជាក់កិរិយាមាយាទចំនួន ០១ សន្លឹក
៩.វិញ្ញាប័ណ្ណបត្របណ្តោះអាសន្នមធ្យមសិក្សាទុតិយភូមិ ចំនួន ០១ សន្លឹក
១០. អត្តសញ្ញាណប័ណ្ណ កូពី ចំនួន ០១ សន្លឹក
១១.សៀវភៅគ្រួសារ កូពី ចំនួន ០១ សន្លឹក
១២.ទូរស័ព្ទដៃចំនួន ០១ គ្រឿង ម៉ាក SAMSUNG
១៣.ចិញ្ជៀន លោហៈធាតុពណ៌លឿង ដាំត្បូង ពណ៌ ស ចំនួន ០២ វង់
១៤.ផ្លាកដៃ លោហៈធាតុពណ៌លឿង ចំនួន ០១ ខ្សែ
១៥.ខ្សែដៃ លោហៈធាតុពណ៌លឿង ដាំត្បូងពណ៌ ស ចំនួន ០១ ខ្សែ
១៦.ខ្សែក លោហៈធាតុពណ៌លឿង ដាំត្បូងពណ៌ ស ចំនួន ០១ ខ្សែ
១៧.ក្រវិល ដាំត្បូងពណ៌ ស ចំនួន ០១ គូរ
១៨.ប្រាក់ដុល្លារ ២៥០០ ដុល្លារ
១៩.រថយន្ត ០១ គ្រឿង ម៉ាក LEXUS NX200T ពណ៌ ប្រផេះ ស៊េរីឆ្នាំ ២០១៦ ពាក់ស្លាកលេខ ភ្នំពេញ 2BS-9510 ។
បច្ចុប្បន្ន ជនសង្ស័យ និងវត្ថុតាងការិយាល័យជំនាញ ដើម្បីចាត់ការតាមនីតិវិធី៕SRP

ខេត្តបាត់ដំបង៖កម្លាំងក្រុមអន្តរាគមន៍ បង្ការ បង្ក្រាបនៅថ្ងៃទី ១១ ខែឧសភា ឆ្នាំ ២០២៥ បានចុះប្រតិបត្តិការបង្ក្រាប ករណីលួច ( យកម៉ូតូ ) ០១ករណី និងបានធ្វើការនាំខ្លួនជនសង្ស័យ ០៣ នាក់ មកកាន់ស្នងការដ្ឋានដើម្បីធ្វើការសាកសួរ។

1️⃣ ឈ្មោះ រុំ ភីរក្ស ហៅ ង៉ា ភេទ ប្រុស អាយុ ៣៣ ឆ្នាំ មានទីលំនៅមិនពិតប្រាកដ ។
2️⃣ ឈ្មោះ ភឹម ឌីណា ភេទ ប្រុស អាយុ ៣៩ ឆ្នាំ មានទីលំនៅភូមិរំចេក២ សង្កាត់រតនៈ ក្រុងបាត់ដំបង ខេត្តបាត់ដំបង។
3️⃣ ឈ្មោះ យិន សារ៉ាវុធ ភេទប្រុស អាយុ ៤៦ ឆ្នាំ មានទីលំនៅភូមិរំចេក២ សង្កាត់រតនៈ ក្រុងបាត់ដំបង ខេត្តបាត់ដំបង។

នៅចំពោះមុខសមត្ថកិច្ចជនសង្ស័យឈ្មោះ ភឹម ឌីណា បានឆ្លើយសារភាពថា ៖ កន្លងមកខ្លួនបានធ្វើសកម្មភាពលួចយកម៉ូតូ ចំនួន ០៧ គ្រឿង
+ ស្រុកសង្កែ
– លើកទី ១ ខ្លួនបានធ្វើសកម្មភាពលួចជាមួយជនសង្ស័យឈ្មោះ យិន សារ៉ាវុធ ដោយលួចបានម៉ូតូស៊េរីចាស់ចំនួន ០២ គ្រឿង។
– លើកទី ២ លួចបានម៉ូតូ ម៉ាកហុងដា វេវ អាល់ហ្វា ពណ៍ខ្មៅ ០១ គ្រឿង
– លើកទី ៣ លួចបានម៉ូតូ ម៉ាក ហុងដា ឃ្លីក ពណ៍ ក្រហម ០១ គ្រឿង
+ ស្រុកឯកភ្នំ
– លើកទី ១ ខ្លួនបានធ្វើសកម្មភាពជាមួយជនសង្ស័យ ឈ្មោះ រុំ ភីរក្ស ហៅ ង៉ា ដោយលួចបានម៉ូតូ ម៉ាក ហុងដា ឃ្លីក ពណ៌ ស ០១ គ្រឿង ។
+ ស្រុកថ្មគោល
– លើកទី ១ ខ្លួនបានធ្វើសកម្មភាពជាមួយជនសង្ស័យឈ្មោះ រុំ ភីរក្ស ហៅ ង៉ា ដោយលួចបានម៉ូតូម៉ាកហុងដា ឌ្រីម ស៊េរីឆ្នាំ ២០២០ ពណ៌ខ្មៅ ០១ គ្រឿង
+ ស្រុករតនមណ្ឌល
– កាលពីថ្ងៃទី ២៩ ខែមេសា ឆ្នាំ២០២៥ នៅចំណុចភូមិតាគ្រក់ ឃុំត្រែង ស្រុករតនមណ្ឌល
ខ្លួនបានធ្វើសកម្មភាពជាមួយជនសង្ស័យ ឈ្មោះ រុំ ភីរក្ស ហៅ ង៉ា បានធ្វើសកម្មភាពលួចយកម៉ូតូ ០១ គ្រឿង ដែលជារបស់ជនរងគ្រោះឈ្មោះ ហួន សុខហៃ ភេទប្រុស អាយុ ១៨ ឆ្នាំ មានទីលំនៅភូមិជីសាង ឃុំត្រែង ស្រុករតនមណ្ឌល ខេត្តបាត់ដំបង ក្នុងពេលដែលខ្លួនទុកនៅរោងគោនៅក្បែរផ្ទះ ហើយជិះគេចខ្លួនបាត់ ។
វត្ថុតាងដកហូតរួមមាន ៖
– ម៉ូតូ ០១ គ្រឿង ម៉ាក ហុងដាឌ្រីម សេ១២៥ ពណ៍ក្រហម ស៊េរីឆ្នាំ ២០២០ ពាក់ស្លាកលេខ បាត់ដំបង1AJ-2031 (ជារបស់ជនរងគ្រោះ)
– ម៉ូតូ ០១ គ្រឿង ម៉ាកYAMAHA EXCITER ស៊េរីចាស់ (ជាមធ្យោបាយជិះធ្វើសកម្មភាព)

បច្ចុប្បន្នការិយាល័យជំនាញកំពុងធ្វើការកសាងសំណុំរឿងដើម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី៕SRP

មានការលើកឡើងថាមេគយតំបន់អូររំដួលស្រុកភ្នំព្រឹក លោក កោះ និច្ច បេីកដៃឲ្យឈ្មួញធំៗ នាំទំនិញគេចពន្ធ, ទំនិញបង់ពន្ធមិនគ្រប់ ដឹកជញ្ជូនចេញពីប្រទេសថៃ ចូលមកប្រទេសខ្មែរទាំងយប់ទាំងថ្ងៃ នៅច្រកតំបន់អូររំដួល ស្រុកភ្នំព្រឹក ខេត្តបាត់ដំបងដោយគ្មានការទប់ស្កាត់បង្ក្រាបនោះឡើយករណីនេះធ្វើឲ្យបាត់បង់ចំណូលចូលរដ្ឋយ៉ាងច្រើនសន្ធឹកសន្ធាប់ក្នុងមួយខែមួយខែ។

សមត្ថកិច្ចច្រកព្រំដែនតំបន់អូររំដួល បានបង្ហើបប្រាប់ក្នុងលក្ខខណ្ឌសុំមិនបញ្ចេញឈ្មោះថា លោក កោះ និច្ច បានបណ្ដែតបណ្ដោយ ឃុបឃិតគ្នាជាប្រព័ន្ធជាមួយក្រុមដែលរកស៊ីដឹកទំនិញឆ្លងដែនពីថៃចូលកម្ពុជា។ ទំនិញគ្រប់ប្រភេទ ដែលឆ្លងដែនតាមច្រកអូររំដួល មិនមានការត្រួតពិនិត្យឲ្យបានច្បាស់លាស់នោះទេ។

ប្រភពដដែលថា ច្រកតំបន់អូររំដួល ស្រុកភ្នំព្រឹក គេសង្កេតឃើញ ក្រុមឈ្មួញនាំទំនិញចូលទៅប្រទេសថៃ, ពីប្រទេសថៃ ចូលមកប្រទេសកម្ពុជា ទំនិញចាបហួយ គ្រឿងទេស គ្រឿងសំណង់ ដូចជា ដូចជា ជី,ស្រាបៀរ, ប្រេងឆា,ទឹកក្រូច ទឹកផ្លែឈើ, ទំនិញសាច់ខូចគុណភាព និងទំនិញផ្សេងៗជាច្រើនមុខទៀត។

ប្រភពបានបន្ថែមថា រថយន្តដឹកទំនិញទាំងតូចទាំងធំទាំងខ្សែៗ នាំចូលពីប្រទេសថៃ ទាំងថ្ងៃឆ្លងកាត់ច្រកព្រំដែនចូលតាមច្រកតំបន់អូររំដួល ស្រុកភ្នំព្រឹក ខេត្តបាត់ដំបង ត្រូវបានគេដឹងថាជាប្រភពចំណូលមិនចេះរីងស្ងួតរបស់ លោក កោះ និច្ច ជាមេគយច្រក ដោយសមត្ថកិច្ចបើកបារ៉ាស់ច្រកព្រំដែនតំបន់ឲ្យរថយន្តដឹកជី និងទំនិញផ្សេងៗទាំងនោះចូលដោយសេរីតែម្ដង។

បើតាមប្រភពមន្ត្រីប្រចាំការនៅទីនោះភាគច្រើនជួលជនស៊ីវិលឲ្យចាំទទួលយកលុយរថយន្តដឹកទំនិញចេញ,ចូល ពីព្រោះមន្ត្រីមានសមត្ថកិច្ចដែលនៅច្រកនេះខ្លាចមានបញ្ហាដោយជាយថាហេតុណាមួយកើតឡើង។ ឈ្មួញមិនអាចគេចឬលួចលាក់ ដោយមិនប្រាប់ឱ្យជនសុីវិល ដែលឈរឬដេកចាំមេីល នៅច្រកតំបន់អូររំដួលបាននោះឡើយ ដោយហេតុថាជនស៊ីវិលដែលតំណាងឲ្យមន្ត្រីគយ មានអំណាចខ្លាំងជាមួយៗរកស៊ីដឹកទំនិញគេចពន្ធឆ្លងដែន។

ថៅកែធំៗទំនិញទាំងឡាយ ចាំបាច់ត្រូវតែទាក់ទងជាមួយលោកមេស្នាក់ការគយ ជាមុនរួចជាស្រេច ជាពិសេសទំនិញអត់ពន្ធ សុទ្ធតែត្រូវទាក់ទងជាមួយលោក កោះ និច្ច ជាមុន ទើបគ្មានការបង្ក្រាប ឯអ្នករងគ្រោះ ជាងគេ គឺប្រជាពលរដ្ឋស៊ីឈ្នួលដឹកជញ្ជូនទំនិញកំប៉ិកកំប៉ុក។

នេះបើតាមបណ្ដាញសារព័ត៌មានក្នុងស្រុកបានចេញផ្សាយជាសាធារណៈនៅថ្ងៃអាទិត្យនេះ។ ទីភ្នាក់ងារសារព័ត៌មានសៀមរាប ប៉ុស្តី មិនទាន់ទទួលបានការបំភ្លឺពី មេគយតំបន់អូររំដួលស្រុកភ្នំព្រឹក លោក កោះ និច្ច នៅឡើតទេរហូតដល់ម៉ោងផ្សាយនេះ៕SRP

អភិបាលខេត្តបាត់ដំបង ឯកឧត្តម សុខ លូ បានណែនាំដល់មន្រ្តី និងកងកម្លាំងនៅតាមច្រកព្រំដែនត្រូវបង្កើនកិច្ចសហការគ្នាក្នុងការបង្ការទប់ស្កាត់បទល្មើសនានា ដូចជាទំនិញគេចពន្ធ បញ្ហាគ្រឿងញៀន បទល្មើសព្រៃឈើ និងបទល្មើសឆ្លងដែនជាដើម។ជាពិសេសត្រូវបង្កើនកិច្ចសហការជាមួយសមត្ថកិច្ចពាក់ព័ន្ធក្នុងប្រទេស និងសមត្ថកិច្ចពាក់ព័ន្ធនៃប្រទេសថៃដើម្បីធានារក្សាការអនុវត្តត្រឹមត្រូវតាមកិច្ចព្រមព្រៀង និងច្បាប់របស់ប្រទេសនីមួយៗ។

អភិបាលខេត្ត មានប្រសាសន៍យ៉ាងដូច្នេះ ក្នុងពិធីប្រកាសចូលកាន់មុខតំណែងប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិភ្នំដីស្រុកសំពៅលូន និងប្រធានទីស្នាក់ការត្រួតពិនិត្យច្រកទ្វារតំបន់ព្រំដែនស៊ួនស៊ុំ(អូរអន្លក់)ស្រុកកំរៀង នៅថ្ងៃចន្ទនេះ។

នៅសាលាស្រុកសំពៅលូនអភិបាលខេត្តបាត់ដំបង បានណែនាំដល់មន្រ្តី និងកងកម្លាំងមានសមត្ថកិច្ចប្រចាំការនៅតាមច្រកទ្វារព្រំដែនត្រូវពង្រឹងកិច្ចការពារសន្តិសុខនៅតាមបន្ទាត់ព្រំដែន និងបង្កើនកិច្ចសហការប្រតិបត្តិការល្អជាមួយភាគីថៃសំដៅជំរុញតំបន់ព្រំដែនទៅជាព្រំដែនដែលមានសន្តិភាព។

ឯកឧត្តម សុខ លូ ស្នើរដ្ឋបាលស្រុកសំពៅលូន និងរដ្ឋបាលស្រុកកំរៀង ព្រមទាំងគ្រប់តួអង្គក្នុងទីស្នាក់ការត្រួតពិនិត្យច្រកទ្វារព្រំដែនអន្តរជាតិភ្នំដី និងទីស្នាក់ការត្រួតពិនិត្យច្រកទ្វារតំបន់ព្រំដែនស៊ួនស៊ុំ និងគ្រប់អង្គភាពពាក់ព័ន្ធបន្តចូលរួមដឹកនាំ គ្រប់គ្រង ជាមួយប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិភ្នំដី និងប្រធានទីស្នាក់ការត្រួតពិនិត្យច្រកទ្វារតំបន់ព្រំដែនស៊ួនស៊ុំ ដែលចូលកាន់មុខតំណែងថ្មី ដើម្បីបន្តរួមគ្នាថែរក្សា ពង្រឹងសន្តិសុខ ស្ថិរភាពនយោបាយ ស្ថិរភាពសង្គម និងថែរក្សាការពារអធិបតេយ្យបូរណភាពទឹកដីឱ្យបានគង់វង្ស។

ឯកឧត្តមអភិបាលខេត្ត បានណែនាំដល់ប្រធានច្រកថ្មីត្រូវដឹកនាំ គ្រប់គ្រងពង្រឹងកិច្ចសហការ សាមគ្គីភាព ឯកភាពផ្ទៃក្នុង ពង្រឹងរបៀបរបបធ្វើការងារ និងទំនាក់ទំនងការងារឱ្យមានភាពរលូន រក្សារបៀបរៀបរយ និងសណ្ដាប់ធ្នាប់ក្នុងទីស្នាក់ការ។ត្រូវមានសីលធម៌ល្អ គុណធម៌ និងមនសិការវិជ្ជាជីវៈគិតគូរពីផលប្រយោជន៍ជាតិជាធំនិងត្រូវចូលរួមលើកម្ពស់ការផ្តល់សេវាសាធារណៈជូនប្រជាពលរដ្ឋឆ្លងដែនទាំងជនជាតិខ្មែរ និងជនបរទេសឱ្យបានល្អ។

ឆ្លៀតក្នុងឱកាសនោះ ឯកឧត្តម សុខ លូ បានថ្លែងអំណរគុណដល់ភាគីថៃដែលតែងតែបង្កលក្ខណៈងាយស្រួលក្នុងការសម្របសម្រួលដល់ពលករខ្មែរបានវិលត្រឡប់មកលេងស្រុកកំណើតក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរកន្លងទៅនេះ។

សូមជម្រាបថា លោក ណាត ចាន់រ៉េត ប្រធានទីស្នាក់ការត្រួតពិនិត្យច្រកទ្វារតំបន់ព្រំដែនស៊ួនស៊ុំ (អូរអន្លក់)ត្រូវបានសម្រេចផ្ទេរ និងប្រគល់ភារកិច្ចជាប្រធានស្នាក់ការត្រួតពិនិត្យច្រកទ្វារអន្តរជាតិភ្នំដី(គីឡូ១៣) ស្រុកសំពៅលូន ជំនួសលោក តេង ចាន់ភិរម្យ ដែលត្រូវទៅបម្រើការងារនៅអង្គភាពដើមវិញ និងប្រគល់ភារកិច្ចជូនលោក រិត សុធាវី ជាប្រធានទីស្នាក់ការត្រួតពិនិត្យច្រកទ្វារតំបន់ព្រំដែនស៊ួនស៊ុំ(អូរអន្លក់) ស្រុកកំរៀង ខេត្តបាត់ដំបង៕SRP

សមត្ថកិច្ចអាវុធហត្ថខេត្តបាត់ដំបងបានឃាត់ខ្លួនមនុស្សចំនួន ១១ នាក់ករណី ជួញដូរដោយខុសច្បាប់នូវសារធាតុញៀន។

ការឃាត់ខ្លួន នៅថ្ងៃទី២៥ ខែមេសា ឆ្នាំ២០២៥ នៅត្រង់ចំណុចក្រុមទី៩ ភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង។

ជនសង្ស័យចំនួន១១ នាក់៖
១. ឈ្មោះ វង្ស ឡាយយូឡាយ ភេទប្រុស អាយុ ១៩ ឆ្នាំ មុខរបរ មិនពិតប្រាកដ មានទីលំនៅភូមិទួលតាឯក សង្កាត់ទួលតាឯក ក្រុង/ខេត្តបាត់ដំបង។
២. ឈ្មោះ ហេង វឌ្ឍនះ ភេទប្រុស អាយុ ១៨ ឆ្នាំ មុខរបរ មិនពិតប្រាកដ មានទីលំនៅភូមិក្តុល សង្កាត់ក្ដុលដូនទាវ ក្រុង/ខេត្តបាត់ដំបង។
៣. ឈ្មោះ ហាក់ លីហ៊ាង ភេទប្រុស អាយុ ២២ ឆ្នាំ មុខរបរ មិនពិតប្រាកដ មានទីលំនៅភូមិក្តុល សង្កាត់ក្តុលដូនទាវ ក្រុង/ខេត្តបាត់ដំបង។
៤. ឈ្មោះ សុខា មករា ភេទប្រុស អាយុ ២១ ឆ្នាំ មុខរបរ មិនពិតប្រាកដ មានទីលំនៅភូមិស្តីក្រោម ឃុំព្រែកហ្លួង ស្រុកឯកភ្នំ ខេត្តបាត់ដំបង។
៥. ឈ្មោះ វណ្ណា រក្សា ភេទប្រុស អាយុ ២៣ ឆ្នាំ មុខរបរ មិនពិតប្រាកដ មានទីលំនៅភូមិវត្តលៀប សង្កាត់ចំការសំរោង ក្រុង/ខេត្តបាត់ដំបង។
៦. ឈ្មោះ ដាវីដ នុត ភេទប្រុស អាយុ ២៣ ឆ្នាំ មុខរបរ មិនពិតប្រាកដ មានទីលំនៅភូមិវត្តលៀប សង្កាត់ចំការសំរោង ក្រុង/ខេត្តបាត់ដំបង។
៧. ឈ្មោះ សែម សុមុនីរ័ត្ន ភេទប្រុស អាយុ ២៦ ឆ្នាំ មុខរបរ មិនពិតប្រាកដ មានទីលំនៅភូមិរតនះ សង្កាត់រតនះ ក្រុង/ខេត្តបាត់ដំបង។
៨. ឈ្មោះ នាក់ វិច្ឆិកា ភេទប្រុស អាយុ ១៧ ឆ្នាំ មុខរបរ មិនពិតប្រាកដ មានទីលំនៅភូមិស្លាកែត សង្កាត់ស្លាកែត ក្រុង/ខេត្តបាត់ដំបង។
៩. ឈ្មោះ កែវ ឆៃណា ភេទប្រុស អាយុ ១៨ ឆ្នាំ មុខរបរ មិនពិតប្រាកដ មានទីលំនៅភូមិស្នឹងលិច ឃុំស្នឹង ស្រុកបាណន់ ខេត្តបាត់ដំបង។
១០. ឈ្មោះ ឌឿត វាសនា ភេទប្រុស អាយុ ២២ ឆ្នាំ មុខរបរ មិនពិតប្រាកដ មានទីលំនៅភូមិសំរោងក្នុង ឃុំសំរោងក្នុង ស្រុកឯកភ្នំ ខេត្តបាត់ដំបង។
១១. ឈ្មោះ យក់ វាសនា ភេទប្រុស អាយុ ១៩ ឆ្នាំ មុខរបរ មិនពិតប្រាកដ មានទីលំនៅភូមិ១៣មករា សង្កាត់ព្រែកព្រះស្តេច ក្រុង/ខេត្តបាត់ដំបង។

ការបង្ក្រាបនេះ សមត្ថកិច្ចអាវុធហត្ថ ដកហូតវត្ថុតាង៖
១. គ្រឿងញៀនប្រភេទម្សៅក្រាមពណ៌សថ្លាម៉ាទឹកកក (ICE) ចំនួន ០១ កញ្ចប់ ទម្ងន់ ២៤,៦៨ ក្រាម (ថ្លឹងទាំងសំបក) ។
២. ម៉ូតូ ០៥ គ្រឿង ។
៣. ទូរស័ព្ទ ០៧ គ្រឿង ។
៤. សម្ភារៈវេចខ្ចប់គ្រឿងញៀនមួយចំនួន។
៥. ឧបករណ៍ជក់គ្រឿងញៀនចំនួន ០១។

បច្ចុប្បន្នជនសង្ស័យ រួមនឹងវត្ថុតាងសមត្ថកិច្ចអាវុធហត្ថ អនុវត្តតាមនីតិវិធី៕SRP