ខេត្តកំពង់ចាម – Page 55

ខេត្តកំពង់ចា៖គណកម្មការខេត្តប្រយុទ្ធប្រឆាំងនឹងជំងឺកូវីដ-១៩ រសៀលថ្ងៃទី២៤ ខែមីនា ឆ្នាំ២០២១នេះ បានទទួលជំនួយជាថវិកា និងសម្ភាពីសប្បុរសជន។

លោក អ៊ុន ចាន់ដា អភិបាលនិងជាប្រធានគណៈកម្មការខេត្តប្រយុទ្ធប្រឆាំងជំងឺកូវីដ-១៩ បានថ្លែងអំណរគុណចំពោះ ថ្នាក់ដឹកនាំ មន្ត្រីរាជការ នៃមន្ទីរអភិវឌ្ឍន៍ជនបទខេត្តកំពង់ចាម ក៏ដូចជា ថ្នាក់ដឹកនាំ និងបុគ្គលិក របស់អង្គការកម្ពុជា ដើម្បីជួយស្ត្រីមានវិបត្តិ ដែលបានជួយឧបត្ថម្ភ ជាថវិកា និងសមសម្ភារ នាពេលនេះ ដែលជាការរួមចំណែក យ៉ាងសំខាន់ ក្នុងសកម្មភាពនានា ដើម្បីប្រយុទ្ធប្រឆាំងនឹងជំងឺកូវីដ-១៩ ហើយក៏ជាការជួយរំលែកទុក្ខលំបាកការខ្វះខាត របស់ប្រជាពលរដ្ឋ ជាពិសេសពលករចំណូលស្រុកត្រឡប់មកពីប្រទេសថៃ ដែលកំពុងធ្វើចត្តាឡីស័ក។

គួរបញ្ជាក់ថា ក្នុងពិធីប្រគល់ និងទទួលអំណោយនេះ ដោយមន្ទីរអភិវឌ្ឍន៍ជនបទខេត្តកំពង់ចាម ជួយឧបត្ថម្ភថវិកា ចំនួន ៨លានរៀល និងអង្គការកម្ពុជា ដើម្បី ជួយស្ត្រីមានវិបត្តិ ហៅកាត់ថា (CWCC-JICA) ឧបត្ថម្ភទឹកសុទ្ធ ចំនួន ៥០០កេស៕SRP

«លោកអ៊ុន ចាន់ដា អភិបាលខេត្តកំពង់ចាម ឈរថ្លែងសារកន្លង ក្នុងពេលចុះតាមមូលដ្ឋាន»

ខេត្តកំពង់ចាម៖ករណីព័ត៌មានថាមានល្បែងស៊ីសងជល់មាន់ នៅភូមិព្រែករំដេង ឃុំព្រែករំដេង ស្រុកស្រីសន្ធរ អភិបាលខេត្តកំពង់ចាម បានបញ្ជាឲ្យប៉េអឹមចុះទៅបង្ក្រាបហើយ។

លោកអ៊ុន ចាន់ដា អភិបាលខេត្តកំពង់ចាម បានឲ្យដឹងថា« ខ្ញុំអោយមេប៉េអឹមឆែកដែរ ប៉ុន្តែ ថាមិនមានដែរ» លោកថា«ដាក់កម្កាំងប៉េអឹមទៅម្តងទៀត»។

សូមរំលឹកថារយ:ពេលប៉ុន្មានថ្ងៃមុននេះ ស្នងការខេត្តកំពង់ចាម លោកឯម កុសល បានបញ្ជនគរបាលឲ្យចុះស្រាវជ្រាវ បង្ក្រាបទីតាំងជល់មាន់ភ្នាល់ដាក់ប្រាក់ នៅចំណុចខាងលើ។ ប៉ុន្តែកម្លាំងសមត្ថកិច្ចបានចុះទៅដល់ពិនិត្យឃើញថា ពុំមានសកម្មភាពលេងល្បែងជល់មាន់ ដូចការចុះផ្សាយរបស់គេហទំព័រ ម្ចាស់ទន្លេមេគង្គ នោះឡើយ ហើយតាមការពិនិត្យស្ថានភាពទីតាំងខាងលើ គឺមានសភាពចាស់យូរហើយ។

របាយការណ៍របស់អាជ្ងាធរពាក់ព័ន្ធបានឲ្យដឹងថា៖ កន្លងមកនៅចំណុចខាងលើ ធ្លាប់បានឃើញ គេមកលួចលេងល្បែង ជល់មាន់ ពីរមួយគូ ទៅពីរគូ ហើយក៏ឈប់លេងទៅវិញ ដោយសមាសភាព ដែលមកលេង ភាគច្រើនជាអ្នកមកពីចម្ងាយ។ ប៉ុន្តែត្រូវបានសមត្ថកិច្ចចុះមកបង្ក្រាបជាច្រើនលើ។ រហូតដល់បច្ចុប្បន្ននេះពុំមានការលួចលេងល្បែងជល់មាន់ទៀតនោះទេ ហើយទីតាំងនេះសមត្ថកិច្ចមូលដ្ឋាន បានដាក់កម្លាំងចុះល្បាតត្រួតពិនិត្យរៀងរាល់ថ្ងៃផងដែរ។

ពាក់ព័ន្ធនឹងកិច្ចប្រតិបត្តិការស្រាវជ្រាវ ខាងលើនេះ លោកសុខ យ៉េន អធិការនគរបាលស្រុក បានទូរស័ព្ទទៅម្ចាស់ គេហទំព័រ ម្ចាស់ទន្លេមគង្គ ដើម្បីស្នើសុំឲ្យមកចង្អុលបង្ហាញពីទីតាំង និងចូលរួមក្នុងកិច្ចប្រតិបត្តិការ ជាមួយសមត្ថកិច្ចប៉ុន្តែ ម្ចាស់គេហទំព័រ សារព័ត៌មាននេះ បានបដិសេធ ដោយឆ្លើយថា ជាប់រវល់នៅឆ្ងាយ មិនអាចចូលរួមបានទេ។

ប៉ុលិសខេត្តកំពង់ចាម សុំអំពាវនាវដល់សាធារណជន ពិសេសបណ្ដាញទំនាក់ទំនងសង្គម សុំកុំមានការយល់ច្រឡំ ចំពោះព័ត៌មានក្លែងក្លាយផ្ទុយពីការពិតនេះ និងសូមចៀសវាងការចែករំលែកបន្ត ដែលអាចបង្កការលំបាកក្នុងការស្រាវជ្រាវរបស់ជំនាញ ដើម្បីនាំខ្លួនជនទុច្ចរិតខាងលើមកអនុវត្តនីតិវិធី និងក៏អាចប្រឈមមុខចំពោះការស្រាវជ្រាវ របស់មន្ត្រីជំនាញផងដែរ។

សូមជម្រាបថាសារព័ត៌មានគេហទំព័រ ម្ចាស់ទន្លេមេគង្គ កាលពីថ្ងៃទី១៨ ខែមីនា ឆ្នាំ២០២១ ចុះផ្សាយមានខ្លឹមសារថា៖ (សង្វៀនជល់មាន់មួយកន្លែង នៅភូមិព្រែករំដេង ឃុំព្រែករំដេង ស្រុកស្រីសន្ធរ ខេត្តកំពង់ចាម មានផ្លូវចូលពីភូមិវាលស្បូវ ឃុំឬស្សីស្រុក ស្រុកស្រីសន្ធរ ខេត្តកំពង់ចាម មានចម្ងាយប្រហែលជា៣គីឡូម៉ែត្រ បើកលេងរាល់ថ្ងៃគ្មានអ្នកណាហ៊ានចុះបង្ក្រាបឡើយ)។ បើទោះបែបនេះក្ដីស្នងការខេត្តកំពង់ចាម បានធ្វើការបដិសេធច្រានចោលនូវព័ត៌មានរបស់ម្ចាស់ទន្លេមេគង្គ ថាជាព័ត៌មានមិនពិត។

ទោះជាយ៉ាងណានៅថ្ងៃទី២៤ ខែមីនា ឆ្នាំ២០២១នេះ លោកគឹម ហ៊ាប ម្ចាស់ទន្លេមេគង្គ បានអះអាងថា តាមការពិត ស្នងការខេត្តកំពង់ចាម និងអធិការស្រុកស្រីសន្ធរ ជាការរៀបចំឆាកល្ខោន គឺទីតាំងខាងលើ នៅតែមានល្បែងជន់មាន់ដដែល។ សំឡេងលោកគឹម ហ៊ាប៖

«លោក សោ សវឿន មេបញ្ចាការកងរាជអាវុធហត្ថខេត្តកំពង់ចាម»«លោកឯម កុសល ស្នងការប៉ូលិសខេត្តកំពង់ចាម»

ខេត្តកំពង់ចា៖លោក ស៊ុន ចាន់ថុល រដ្នមន្ត្រីក្រសួងសាធារណការ និងដឹកជញ្ជូន បានប្រកាសថា ស្ពានស្ទឹងត្រង់-ក្រូចឆ្មារ ត្រូវបានសម្តេចហ៊ុន សែន អនុញ្ញាតបេីកឲ្យ ប្រជាពលរដ្ឋ ធ្វើដំណើរឆ្លងកាត់ ជាបណ្ដោះអាសន្ន ចាប់ពីពេលនេះតទៅ។

ថ្លែងយ៉ាងដូច្នេះក្នុងឱកាសចុះពិនិត្យស្ពានមិត្តភាពកម្ពុជាចិន ស្ទឹងត្រង់–ក្រូចឆ្មារ នៅថ្ងៃទី២៣ ខែមីនា ឆ្នាំ២០២១ ព្រឹកមិញនេះ
ដោយមានការចូលរួមពពី លោក អ៊ុន ចាន់ដា អភិបាលខេត្តកំពង់ចាម និងលោក ជាម ចាន់សោភ័ណ អភិបាលខេត្តត្បូងឃ្មុំ។

លោក ស៊ុន ចាន់ថុល បានមានប្រសាសន៍ថា ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ នេះ គឺមានគម្រោងសម្ពោធដាក់ឲ្យប្រេីប្រាស់ជាផ្លូវការនៅថ្ងៃទី២៤ ខែមីនា ឆ្នាំ២០២១ នេះក្រោមអធិបតីភាពដ៏ខ្ពង់ខ្ពស់សម្តេចហ៊ុន សែន នាយករដ្ឋមន្ត្រីកម្ពុជា ប៉ុន្តែដោយសារបញ្ហាព្រឹត្តិការណ៍២០កុម្ភៈ ដូច្នេះមិនត្រូវប្រារព្ធពិធីសម្ពោធតាមការគ្រោងទុកនោះទេ ទេីបលោកចុះមកពិនិត្យ ដេីម្បីគោរពស្នេីសុំទៅ សម្ដេច បេីកឲ្យប្រជាពលរដ្ឋប្រេីប្រាស់ជាបណ្ដោះអាសន្ន ចាប់ពីពេលនេះតទៅ ចំពោះស្ពានមិត្តភាពកម្ពុជា-ចិន ដ៏រឹងមាំនេះ ជាពិសេស គឺនៅពេលចូលឆ្នាំថ្មីប្រពៃណីជាតិខ្មែរ នាពេលខាងមុខនេះ គឺលោមិនចង់ឲ្យប្រជាពលរដ្ឋ ប្រេីប្រាស់សាឡាងទៀតទេ ព្រោះវាអាចមានហានិភ័យ ខ្ពស់តាមរយៈការកកស្ទះផងដែរ។

រដ្ឋមន្ត្រី បានបញ្ជាក់ថា ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ នេះ គឺធ្វើលឿនជាងការគ្រោងទុក រយៈពេល២ខែ ចំពោះសាឡាងដែលធ្លាប់បម្រើការនៅទីនេះ គឺត្រូវបង្វែយកទៅស្រុកកំពង់លែង ខេត្តកំពង់ឆ្នាំងវិញ ដោយសារនៅទីនោះមិនទាន់មានស្ពាននៅឡើយ។

លោកស៊ុន ចាន់ថុល ក៏បានអំពាវនាវដល់បងប្អូនប្រជាពលរដ្ឋ ឲ្យខិតខំយកចិត្តទុកដាក់ថែទាំសុខភាព គឺត្រូវអនុវត្តតាមកន្លងថ្មី
៣ការពារ ៣កុំ ដេីម្បីជៀសផុតពីជំងឺកូវីដ-១៩។

សូមរំលឹកថា ស្ពានស្ទឹងត្រង់-ក្រូចឆ្មារនេះ ត្រូវបានបើកការដ្ឋានសាងសង់ជាផ្លូវការកាលពីថ្ងៃទី៩ ខែកុម្ភៈ ឆ្នាំ២០១៨ ក្រោមអធិបតីភាពដ៏ខ្ពង់ខ្ពស់ សម្ដេច ហ៊ុន សែន ដោយស្ពាននេះមានប្រវែងសរុប ១១៣១ ម និង ទទឹង១៣,៥០ ម ជាប្រភេទស្ពានបេតុងសរសៃដែក គ្រោងចំណាយថវិកាសរុប ៥៦,៩៩៨ លានដុល្លារសហរដ្ឋអាមេរិក ជាហិរញ្ញប្បទានសម្បទាន ពីរដ្ឋាភិបាលនៃសាធារណរដ្ឋប្រជាមានិតចិន រួមជាមួយថវិកាបដិភាគ របស់រាជរដ្ឋាភិបាលកម្ពុជា៕SRP

ខេត្តកំពង់ចា៖គណកម្មការខេត្តប្រយុទ្ធប្រឆាំងនឹងជំងឺកូវីដ-១៩ នៅថ្ងៃទី២២ ខែមីនាព្រឹកមិញបានទទួលអំណោយ ពីសប្បុរសជននានា ក្នុងការចូលរួមជាមួយ រាជរដ្ឋាភិបាល ដេីម្បីទប់ស្កាត់ការឆ្លងរីករាលដាលនៃជំងឺកូវីដ-១៩។

សូមជម្រាថា ក្នុងពិធីប្រគល់ និងទទួលអំណោយនេះ ដោយមន្ទីរឧស្សាហកម្ម និងវិទ្យាសាស្ត្រ បច្ចេកវិទ្យា និងនវានុវត្តន៍ខេត្តកំពង់ចាម បានជួយឧបត្ថម្ភ ថវិកាចំនួន២លានរៀល និងទឹកបរិសុទ្ធ៨០០យួរ . ក្រុមហ៊ុន មៅ ហេង លក់ដីឡូត៍ ខេត្តកំពង់ចាម ជួយឧបត្ថម្ភ ថវិកា២លានរៀល . លោក ធួន ជេដ្ឋា និងលោកស្រី ទែន សុថា ជួយឧបត្ថម្ភ ទឹកបរិសុទ្ធ ចំនួន២០០យួរ . លោកស្រី ទែន សុខន ជួយឧបត្ថម្ភ ទឹកបរិសុទ្ធ ចំនួន១០០យួរ . លោក ពៅ សុផល និងលោកស្រី ធួន វិកាវិនី ជួយឧបត្ថម្ភ ទឹកបរិសុទ្ធ ចំនួន២០០យួរ . លោក ម៉ម សាវឿន និងលោកស្រី កុយសុភាព ជួយឧបត្ថម្ភ ទឹកបរិសុទ្ធ ចំនួន២០០យួរ . លោក លី ប្រិយមិត្ត និងលោកស្រី ឈរ ចន្តា ជួយឧបត្ថម្ភ ទឹកបរិសុទ្ធ ចំនួន២០០យួរ . លោក ឌី សីហា និងលោកស្រី ឃុន ខុនដែន ជួយឧបត្ថម្ភ ទឹកបរិសុទ្ធ ចំនួន១០០យួរ . ក្រុមហ៊ុន ផលផារ៉ាដាយផ្ទះល្វែង ជួយឧបត្ថម្ភ ថវិកា២លានរៀល ម៉ាសចំនួន៥០០០ម៉ាស និងទឹកបរិសុទ្ធ ៥០កេស . លោក ឈុន ប៊ុន និងលោកស្រី អ៊ុម សាវី ជួយឧបត្ថម្ភ កាហ្វេ ហ្គូរ៉ូស ចំនួន១៧កញ្ចប់ធំ . លោក នី វណ្ណៈ និងលោកស្រី កុយសោភ័ណ ជួយឧបត្ថម្ភ កាហ្វេហ្គូរ៉ូស ចំនួន១៧កញ្ចប់ធំ . ក្រុមហ៊ុន សេរីមង្គលប្រាដឺរហ៊ូត ជួយឧបត្ថម្ភ ម៉ាសចំនួន ១ម៉ឺនម៉ាស . លោក ណារិន បូរ៉ាក់ និងលោកស្រី +លោក ចេត សុខនី និងលោកស្រី ជួយឧបត្ថម្ភ ថវិកា២លានរៀល និងទឹកបរិសុទ្ធ២០០យួរ និងមីជាតិ ចំនួន៥០កេស។

លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ បានថ្លែងអំណរគុណចំពោះ ក្រុមហ៊ុន ក៏ដូចជាសប្បុរសជននានា ដែលបានជួយឧបត្ថម្ភ ទាំងថវិកា និងផ្នែកសម្ភារ ដើម្បីចូលរួមចំណែក យ៉ាងសំខាន់ ក្នុងសកម្មភាពនានា ដើម្បីប្រយុទ្ធប្រឆាំងនឹងជំងឺកូវីដ-១៩ ជាពិសេសជួយរំលែកទុក្ខលំបាកការខ្វះខាត របស់ពលករ ត្រឡប់មកពីប្រទេសថៃ ដែលកំពុងធ្វើចត្តាឡីស័ក៕SRP

ខេត្តកំពង់ចាម៖លោកឯម កុសល ស្នងការខេត្តកំពង់ចាម បានបញ្ជា នគរបាលចម្រុះឲ្យចុះស្រាវជ្រាវ បង្ក្រាបទីតាំងលួចលេងល្បែងស៊ីសងខុសច្បាប់ (ជល់មាន់ភ្នាល់ដាក់ប្រាក់) មួយកន្លែង នៅចំណុចក្រោមដើមចារ ព្រៃខ្លោង នៅខាងត្បូង ឈាងខាងលិចភូមិត្នោត(ខ) ចម្ងាយប្រហែល ៦០០០ម៉ែត្រ ស្ថិតក្នុងឃុំព្រែករំដេង ស្រុកស្រីសន្ធរ ខេត្កំពង់ចាម បន្ទាប់ពីទទួលព័ត៌មានបាន។ ប៉ុន្តែកម្លាំងសមត្ថកិច្ចបានចុះទៅដល់ពិនិត្យឃើញថា ពុំមានសកម្មភាពលេងល្បែងជល់មាន់ ដូចការចុះផ្សាយរបស់គេហទំព័រ ម្ចាស់ទន្លេមេគង្គ នោះឡើយ ហើយតាមការពិនិត្យស្ថានភាពទីតាំងខាងលើ គឺមានសភាពចាស់យូរហើយ។

ផ្អែកតាមរបាយការណ៍ របស់អាជ្ងាធរពាក់ព័ន្ធ បានឲ្យដឹងថា៖ កន្លងមកនៅចំណុចខាងលើ ធ្លាប់បានឃើញ គេមកលួចលេងល្បែង ជល់មាន់ ពីរមួយគូ ទៅពីរគូ ហើយក៏ឈប់លេងទៅវិញ ដោយសមាសភាព ដែលមកលេង ភាគច្រើនជាអ្នកមកពីចម្ងាយ។ ប៉ុន្តែត្រូវបានសមត្ថកិច្ចចុះមកបង្ក្រាបជាច្រើនលើ។ រហូតដល់បច្ចុប្បន្ននេះពុំមានការលួចលេងល្បែងជល់មាន់ទៀតនោះទេ ហើយទីតាំងនេះសមត្ថកិច្ចមូលដ្ឋាន បានដាក់កម្លាំងចុះល្បាតត្រួតពិនិត្យរៀងរាល់ថ្ងៃផងដែរ។

ពាក់ព័ន្ធនឹងកិច្ចប្រតិបត្តិការស្រាវជ្រាវ ខាងលើនេះ លោកសុខ យ៉េន អធិការនគរបាលស្រុក បានទូរស័ព្ទទៅម្ចាស់ គេហទំព័រ ម្ចាស់ទន្លេមគង្គ ដើម្បីស្នេីសុំឲ្យមកចង្អុលបង្ហាញពីទីតាំង និងចូលរួមក្នុងកិច្ចប្រតិបត្តិការ ជាមួយសមត្ថកិច្ចប៉ុន្តែ ម្ចាស់គេហទំព័រ សារព័ត៌មាននេះ បានបដិសេធ ដោយឆ្លើយថា ជាប់រវល់នៅឆ្ងាយ មិនអាចចូលរួមបានទេ។

ក្រុមការងារព័ត៌មាន និងប្រត្តិកម្មរហ័សស្នងការខេត្តកំពង់ចាម សុំអំពាវនាវដល់សាធារណជន ពិសេសបណ្ដាញទំនាក់ទំនងសង្គម សុំកុំមានការយល់ច្រឡំ ចំពោះព័ត៌មានក្លែងក្លាយផ្ទុយពីការពិតនេះ និងសូមចៀសវាងការចែករំលែកបន្ត ដែលអាចបង្កការលំបាកក្នុងការស្រាវជ្រាវរបស់ជំនាញ ដើម្បីនាំខ្លួនជនទុច្ចរិតខាងលើមកអនុវត្តនីតិវិធី និងក៏អាចប្រឈមមុខចំពោះការស្រាវជ្រាវ របស់មន្ត្រីជំនាញផងដែរ។

ការអះអាងរបស់ក្រុមការងារ ស្នងការប៉ូលិសខេត្តកំពង់ចាម បែបនេះ បន្ទាប់ពីទទួលបានព័ត៌មាន របស់សារព័ត៌មានគេហទំព័រ ម្ចាស់ទន្លេមេគង្គកាលពីថ្ងៃទី១៨ ខែមីនា ឆ្នាំ២០២១ ចុះផ្សាយមានខ្លឹមសារថា៖ (សង្វៀនជល់មាន់មួយកន្លែង នៅភូមិព្រែករំដេង ឃុំព្រែករំដេង ស្រុកស្រីសន្ធរ ខេត្តកំពង់ចាម មានផ្លូវចូលពីភូមិវាលស្បូវ ឃុំឬស្សីស្រុក ស្រុកស្រីសន្ធរ ខេត្តកំពង់ចាម មានចម្ងាយប្រហែលជា៣គីឡូម៉ែត្រ បើកលេងរាល់ថ្ងៃគ្មានអ្នកណាហ៊ានចុះបង្ក្រាបឡើយ)៕SRP

Sponsored

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម និងជាប្រធានគណកម្មការខេត្តប្រយុទ្ធប្រឆាំងនឹងជំងឺកូវីដ-១៩ និងលោក ខ្លូត ផន ប្រធានក្រុមប្រឹក្សាខេត្ត រួមនឹងអភិបាលរង នៅរសៀលថ្ងៃទី១៩ ខែមីនា នេះ បានទទួលអំណោយពីសប្បុរសជន។

លោក អ៊ុន ចាន់ដា បានថ្លែងអំណរគុណចំពោះ ក្រុមហ៊ុន ក៏ដូចជាសប្បុរសជននានា ដែលបានជួយឧបត្ថម្ភ ទាំងថវិកា និងផ្នែកសម្ភារជូនដល់គណៈកម្មការប្រយុទ្ធ ប្រឆាំងនឹងជំងឺកូវីដ-១៩ នាពេលនេះ ជាការរួមចំណែក យ៉ាងសំខាន់ ជួយរំលែកទុក្ខលំបាកការខ្វះខាត របស់ពលរដ្ឋ ជាពិសេស ពលករចំណូលស្រុកត្រឡប់មកពីប្រទេសថៃកំពុងធ្វើចត្តាឡីស័ក៕

គួរបញ្ជាក់ថា ក្នុងពិធីប្រគល់ និងទទួលអំណោយនេះ ដោយសាខាពន្ធដារខេត្តកំពង់ចាម បានជួយឧបត្ថម្ភ ចំនួន២លានរៀល. ក្រុមហ៊ុន អានម៉ាឌីគ្រុប ជួយឧបត្ថម្ភ ១០លានរៀល. ក្រុមហ៊ុន ខេស៊ី ៤ស្ការ ជួយឧបត្ថម្ភ ៤លានរៀលនិងម៉ាសចំនួន១ម៉ឺនម៉ាស. ក្រុមហ៊ុនដីឡូត៍មិត្តអិត ជួយឧបត្ថម្ភ១លានរៀល. និងក្រុមហ៊ុនដីឡូត៍ ហេង ហេង ជួយឧបត្ថម្ភទឹកបរិសុទ្ធចំនួន១៥០យួរនិងមីជាតិ៥០កេស៕SRP

ខេត្តកំពង់ចាម៖សម្ព័ន្ធយុវជនស្រលាញ់សន្តិភាពសាខាខេត្តកំពង់ចាម សហការជាមួយអាជ្ញាធរមូលដ្ឋាន នៅព្រឹកថ្ងៃទី១៩ ខែមីនា ឆ្នាំ២០២១នេះ បេីកយុទ្ធនាការចែកម៉ាសជូនប្រជាពលរដ្ឋ នៅផ្សារព្រែកដេីមចាន់ ផ្សារ៧មករា និងទីសាធារណៈនានា ក្នុងក្រុងកំពង់ចាម ដេីម្បីពញ្ញាក់ស្មារតី ឲ្យបន្តការប្រុងប្រយ័ត្ន រាលដាលនៃជំងឺកូវីដ-១៩ ក្នុងសហគមន៍។

ដោយមានការសម្របសម្រួលពីលោក ឃន ប្រុស នាយករដ្ឋបាលសាលាខេត្តកំពង់ចាម និងជាប្រធានប្រតិបត្តិសាខាសម្ព័ន្ធយុវជនស្រលាញ់សន្តិភាព តាមរយៈយុទ្ធនាការនេះ ក្រុមការងារយុវជនស្រលាញ់សន្តិភាព ក៏បានធ្វេីការផ្សព្វផ្សាយអំពីសារអប់រំនានា របស់ក្រសួងសុខាភិបាល ជាពិសេស ការចូលរួមអនុវត្តតាមកន្លងថ្មី របស់ សម្តេចហ៊ុន សែន នាយករដ្ឋមន្ត្រីកម្ពុជា តាមរយៈ ៣ការពារ ៣កុំ ដោយមានការពាក់ម៉ាស់នៅគ្រប់ទីសាធារណៈ លាងដៃជាមួយសាប៊ូ អាល់កុល ឬជែល និងរក្សាគម្លាតសុវត្ថិភាពសង្គម ចាប់ពីមួយម៉ែត្រកន្លះឡើងទៅ។ ដោយកុំចូលទៅកន្លែងបិទជិតគ្មានខ្យល់ចេញចូល កុំចូលទៅកន្លែងមានមនុស្សច្រើនកុះករ និងកុំប៉ះពាល់គ្នា ផងដែរ៕SRP

ខេត្តកំពង់ចាម៖ដេីម្បីចូលរួមទប់ស្កាត់ការរីករាលដាលនៃជំងឺកូវីដ-១៩ ក្នុងសហគមន៍ នារសៀលថ្ងៃទី១៨ ខែមីនា ឆ្នាំ២០២១នេះ លោក វង្ស ប៊ុនវិសុទ្ធ ព្រះរាជអាជ្ញាអមសាលាដំបូងខេត្តកំពង់ចាម និងលោកជំទាវ បានជួយឧបត្ថម្ភថវិកាចំនួន៤លានរៀល និងគ្រឹះស្ថានប្រសើរហ្វាយនែន បានជួយឧបត្ថម្ភ មីជាតិ ចំនួន១០០កេស ទឹកបរិសុទ្ធ ១០០កេស អាល់កុល ១៥០លីត្រ និងម៉ាស ចំនួន៥០០០ ជូនដល់គណៈកម្មការប្រយុទ្ធប្រឆាំងនឹងជំងឺកូវីដ-១៩ ខេត្តកំពង់ចាម។

លោក អ៊ុន ចាន់ដា ប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ បានថ្លែងអំណរគុណចំពោះ លោក វង្ស ប៊ុនវិសុទ្ធ ពនិងគ្រឹះស្ថានប្រសើរហ្វាយនែន ដែលបានជួយឧបត្ថម្ភ ទាំងថវិកា និងផ្នែកសម្ភារនាពេលនេះ គឺជាការរួមចំណែក យ៉ាងសំខាន់ ក្នុងសកម្មភាពនានាដើម្បីប្រយុទ្ធប្រឆាំងនឹងជំងឺកូវីដ-១៩៕SRP

ចេត្តកំពង់ចាម៖លោកអ៊ុន ចាន់ដា អភិបាលខេត្តកំពង់ចាម នៅថ្ងៃទី១៨ ខែមីនាព្រឹកមិញបានដឹកនាំកិច្ចប្រជុំលើការងារស្តារ និងជួសជុលច្រាំងទន្លេ ដែលរងការបាក់ស្រុតតាមសំណើរបស់ប្រជាពលរដ្ឋ នៅឃុំកោះអណ្តែត និងឃុំឬស្សីស្រុក នៃស្រុកស្រីសន្ធរ។

ការប្រជុំលើបញ្ហានេះតាមសំណូមពរបស់ប្រជាពលរដ្ឋ រស់នៅក្នុងស្រុកស្រីសន្ធរនិងស្រុកកងមាស ដែលបានស្នើសុំមកអភិបាលខេត្តកំពង់ចាម លើការងារស្តារ និងជួសជុលច្រាំងទន្លេមេគង្គ បន្ទាប់ពីរងការបាក់ស្រុតកាលពីឆ្នាំកន្លងទៅ បណ្ដាលឲ្យរងផលផលប៉ះពាល់ដល់លំនៅឋាន និងចំការដំណាំរបស់ប្រជាជនជាច្រើនហិកតា។

លោកអ៊ុន ចាន់ដា បានឲ្យដឹងថា អាជ្ញាធរបានសហការ ជាមួយដៃគូក្រុមហ៊ុនឯកជនមួយនឹងធ្វើការបូមយកខ្សាច់ និងដីពីតំបន់កោះតូច ដោយក្រុមហ៊ុនត្រូវអនុវត្តទៅតាមគម្រោង ផែនការកន្លងមកដែលខាងក្រុមហ៊ុនទទួលការស្ថាបនា ក្នុងការទប់ស្កាត់ការបាក់ច្រាំងទន្លេនេះគឺប្រើប្រាស់បាវខ្នាតយក្សឈ្មោះ GEO-TEXTILE សម្រាប់ច្រក ដីនិងខ្សាច់ដូចវិធានការខាងក្រសួងធនធានទឹក ដែលបានស្ថានាជាច្រើន កន្លែងនាពេលកន្លងមក ក្នុងភូមិសាស្ត្រខេត្តកំពង់ចាម។

អភិបាលខេត្តបានឲ្យដឹងអំពីសារសំខាន់ នៃការបូមយកដីនិងខ្សាច់ពីតំបន់កោះតូចនេះគឺដើម្បីជួយទប់ស្កាត់ការបាក់ច្រាំងទន្លេ ដែលបណ្តាលឲ្យប៉ះពាល់យ៉ាងធ្ងន់ធ្ងរ ដល់ផលដំណាំនិងភូមិករ របស់ប្រជាពលរដ្ឋ ដែលរស់នៅតាមបណ្ដោយដងទន្លេខាងលើនេះ និងដើម្បីចាក់ បំពេញដីតំបន់អភិវឌ្ឍនានា ជាពិសេសដើម្បីសម្រួលដល់ ចរាចរណ៍ផ្លូវទឹកទន្លេមេគង្គ កុំឱ្យស្ទះ ដែលនាំឲ្យមានការបាក់ស្រុតច្រាំងទន្លេជាបន្តទៀតផងដែរ៕SRP

ខេត្តកំពង់ចាម៖លោកតា ពេញ ម៉ៅ អាយុ៩៣ ឆ្នាំជាទុរគតជន គ្មានទីពឹង រស់នៅក្នុងផ្ទះខ្ទមចាស់មួយខ្នង ក្នុងភូមិតាម៉ៅ ឃុំស្រក ស្រុកកំពង់សៀម ខេត្តកំពង់ចាម ប៉ុន្តែជាអកុសល ខ្ទមរបស់លោកតា ទទួលរងគ្រោះអគ្គិភ័យឆាបឆេះអស់ទាំងស្រុង ខណៈពេលលោកតាដាំបាយ ហើយខ្យល់ឆាបជញ្ជាំង។

ដោយមើលឃើញនូវការលំបាកនេះ លោក ឌី វិជ្ជា និង លោកជំទាវ ហ៊ុន ម៉ាណា នៅរសៀលថ្ងៃទី ១៥ខែមីនា ឆ្នាំ២០២១នេះ បានចាត់អោយលោក ជិន ប៊ុនធឿន និង ក្រុមការងារមនុស្សធម៌ នាំយកអំណោយទៅប្រគល់ជូនលោកតា ពេញ ម៉ៅ ដើម្បីសម្រួលក្នុងជីវភាពបានមួយរយៈ។

អំណោយដែលបានផ្តល់ជូនគ្រួសារនេះរួមមាន៖ ថវិកាចំនួន ៥០ម៉ឺនរៀល, គ្រឿងឧបភោគ-បរិភោគ សំលៀកបំពាក់ ស្បែកជើង និងសម្ភារប្រើប្រាស់ក្នុងផ្ទះបាយមួយឈុតធំជូនលោកតាដើម្បីសម្រួលក្នុងការរស់នៅប្រចាំថ្ងៃរបស់គាត់។ សព្វថ្ងៃនេះ លោកាតា ពេញ ម៉ៅ មានសុខភាពកាន់តែទ្រុឌទ្រោម ពុំអាចធ្វើការងារអ្វីបានឡើយ ដោយរស់តែម្នាក់ឯង ទើបអ្នកជិតខាងរស់នៅក្នុងមូលដ្ឋានក្បែរគ្នា មានចិត្តអាណិអាសូរជួយចិញ្ចឹមអោយបាយទឹកលោកតាហូបប្រចាំថ្ងៃ ពេលខ្លះគាត់ បានទៅជួយការងារ នៅឯវត្តក្នុងភូមិផងដែរ៕SRP