លោកគួច ចំរើន អភិបាលខេត្ត បានថ្លែងអំណរគុណក្រុមហ៊ុន ដែលបានជឿជាក់លើរាជរដ្ឋាភិបាល បង្កើតរោងចក្រ បង្កើតការងារជូនយុវជនរបស់យើង។ ដូច្នេះយើងត្រូវខិតខំរួមគ្នា ដើម្បីសុខដុមនីយកម្មទាំងអស់គ្នា ប្រែក្លាយថ្ងៃ ១ឧសភា ជាថ្ងៃជួបជុំសប្បាយរីករាយ មានឱកាសជួបជុំគ្នា យើងមានមោទនភាព ទទួលបានរបបសន្តិសុខសង្គម ប្រាក់សោធននិវត្តចាប់ពីឆ្នាំ២០២៣ នេះតទៅ។
លោកគួច ចំរើន អភិបាលខេត្តព្រះសីហនុ មានប្រសាសន៍ យ៉ាងដូច្នេះនៅ រសៀលថ្ងៃទី៩ អង្គារម្សិលមិញ ក្នុងឱកាសអញ្ជើញសំណេះ សំណាលជាមួយនិយោជក និងកម្មករនិយោជិតរោងចក្រកាត់ដេរសម្លៀកបំពាក់ វ៉ានធីជ រីវើរ ថេកស្ថាយ អបអរសាទរខួបអនុស្សាវរីយ៍លើកទី១៣៧ នៃទិវាពលកម្មអន្តរជាតិ ១ឧសភា ២០២៣ ក្រោមប្រធានបទ (សន្ថិភាព ស្ថេរភាព មុខរបរ និងការងារ ) មានទីតាំងនៅភូមិ១ សង្កាត់លេខ១ ក្រុងព្រះសីហនុ។
អភិបាលខេត្តព្រះសីហនុ មានប្រសាសន៍ថា ទិវាពលកម្មអន្តរជាតិ ១ឧសភា ដើម្បីរលឹកការអនុវត្តនូវលក្ខខណ្ឌការងារ សិទ្ធិសេរីភាពនានារបស់ កម្មករ និយោជិត និយោជក ដែលមាននៅក្នុងច្បាប់ ស្តីពីការងារ និងអនុសញ្ញាអន្តរជាតិនានា ស្របពេលដែលប្រទេសជាតិមានសុខសន្តិភាព មានការអភិវឌ្ឍរីកចម្រើន កាលពីឆ្នាំ២០២២ យើងមិនបានប្រារព្ធទិវាពលកម្មអន្តរជាតិ ១ឧសភា ដោយសារវិបត្តិកូវីឌ-១៩ រោងចក្រត្រូវបានបិទខ្ទប់ កាត់បន្ថយចំនួនកម្មករនៅក្នុងរោងចក្រ រឿងដែលអាក្រក់នៅជំនាន់កូវីដ ពេលចាប់ផ្តើមយើងមិនទាន់មានវ៉ាក់សាំងចាក់ជូនកម្មករ និយោជិត ខ្វះរូបមន្តព្យាបាល ដោយសារបច្ចុប្បន្នយើងមានភាពសាំក្នុងខ្លួនដោយបានចាក់វ៉ាក់សាំង តែប្រសិនបើមានការឆ្លងមិនមានការភ័យខ្លាច មិនធ្ងន់ធ្ងរធ្វើឱ្យបាត់បង់អាយុជីវិត ថ្ងៃនេះយើងបានជួបជុំគ្នាជាមួយកម្មករ កម្មការិនីរោងចក្រកាត់ ដេរសម្លៀកបំពាក់ វ៉ានធីជ រីវើរ ថេកស្ថាយ ដើម្បីបង្ហាញពីការអបអរសាទទិវាពលកម្មអន្តរជាតិ ១ឧសភា ២០២៣។
អភិបាលខេត្ត បានបញ្ជាក់ថា រាជរដ្ឋាភិបាលបានរៀបចំគោលនយោបាយ ប្រាក់សោធននិវត្តន៍ជូនដល់និយោជក និយោជិតនៅតាមបណ្តារោងចក្រ សហគ្រាស និងអ្នកបំរើការងារនៅក្រៅប្រព័ន្ធ ផ្តល់អត្ថប្រយោជន៍ជូនបងប្អូនកម្ពុជា ដែលពីមុនមិនមានរបបសោធននិវត្ត មានតែមន្ត្រីរាជការ កងកម្លាំងប្រដាប់អាវុធ ចាប់ពីឆ្នាំ២០២៣ កម្មករ កម្មការិនីទទួលបានប្រាក់សោធននិវត្តនៅពេលចាស់ គ្រាន់តែយើងធ្វើការមួយឆ្នាំ ពេលចាស់មានប្រាក់កាន់តែច្រើន បងប្អូនទទួលបានអត្ថប្រយោជន៍ ពាក់ព័ន្ធតាមច្បាប់កំណត់ សុំឱ្យបងប្អូនស្វែងយល់ដឹងក្នុងអាជីពរបស់ខ្លួនទទួលបានអត្ថប្រយោជន៍ដោយផ្ទាល់ កម្ពុជាបានបញ្ចប់សង្គ្រាមស៊ីវិល ចាប់ផ្តើមអភិវឌ្ឍប្រទេសមានការរីកចម្រើន ទាក់ទាញអ្នកវិនិយោគ រួមគ្នាបង្កើតរោងចក្រ ផ្តល់ឱកាសការងារជុនយុវជនរបស់យើង ក្រោមម្លប់សុខសន្តិភាព ទាក់ទងនឹងប្រាក់សោធននិវត្តន៍នេះសរបញ្ជាក់ពីការយកចិត្តទុកដាក់របស់រាជរដ្ឋាភិបាល ដាក់ចេញគោលនយោបាយគាំពារសង្គម របបសោធននិវត្ត បើបងប្អុនកម្មករ និយោជិតមានជំងឺមាន ប.ស.ស ជាអ្នកធានារ៉ាប់រងក្នុងការព្យបាល។
លោកបានបញ្ជាក់ថា រាជរដ្ឋាភិបាលរៀបចំព្រឹត្តការណ៍ស៊ីហ្គេមអាស៊ីអាគ្នេយ៍លើកទី៣២ ដែលកម្ពុជាធ្វើជាម្ចាស់ផ្ទះ ក្នុងការប្រកួតកីឡាស៊ីហ្គេម កម្ពុជាទទួលបានមេដាយមាសច្រើនប្រកបដោយស្មារតីហ្វឹកហាត់ កម្ពជាជាប្រទេសតូច ប្រទេសក្រ តែយើងមានស្មារតី និងឆន្ទះមិនក្រនោះទេ កម្ពុជាជាប្រទេសតូច តែបេះដូងធំទូលាយ ក្នុងការរៀបចំប្រកួតកីឡាស៊ីហ្គេម ដោយទទួលការស្នាក់នៅរបស់កីឡាករ គ្រូបង្វិក និងការចូលទស្សនា និងការផ្សព្វផ្សាយដោយមិនយកថវិកាសម្រាប់គណៈប្រតិភូកីឡាដែលបានមកចូលរួមប្រកួតកីឡាស៊ីហ្គេមអាស៊ីអាគ្នេយ៍ ព្រមទាំងបានធ្វើការណែនាំដល់កម្មករ កម្មការិនីរោងចក្រទាំងអស់ត្រូវខិតខំរៀនសូត្រដូចជា ខិតខំអភិវឌ្ឍសមត្ថភាព ជំនាញ ភាសា ឈានទៅធ្វើទំនើបកម្ម នេះជាការចែករំលែក ដើម្បីបង្កើនសមត្ថភាពជម្រុញការអភិវឌ្ឍនូវបច្ចេកវិទ្យាទំនើបនាពេលខាងមុខ។
ក្នុងឱកាសនោះផងដែរអភិបាលខេត្ត ក៏បាននាំយកថវិកាឧបត្ថម្ភជូនកម្មករ កម្មការិនី ៣៨៧នាក់ ក្នុងម្នាក់ ២ម៉ឺនរៀល ស្ត្រីមានផ្ទៃពោះចំនួន ៥នាក់ ម្នាក់ ១០ម៉ឺនរៀល ស្ត្រីលំហែមាតុភាព ៩នាក់ ម្នាក់ ១០ម៉ឺនរៀល៕ដោយនាគខៀវ
ថ្លែងក្នុងពិធីបើកការដ្ឋានសាងសង់ពង្រីកកំពង់ផែ ក្រុងព្រះសីហនុ អបអរខួប៧០ឆ្នាំទំនាក់ទំនងកម្ពុជា-ជប៉ុន និងទិវាពលកម្មអន្តរជាតិ នៅថ្ងៃចន្ទ នេះ សម្ដេចហ៊ុន សែន នាយករដ្ឋមន្ត្រីកម្ពុជា បានស្ដីបន្ទោសដល់រដ្ឋមន្ត្រីព័ត៌មាន និងអ្នកគ្រប់គ្រង ស្ថានីយទូរទស្សន៍ជាតិ ឱ្យចាប់អារម្មណ៍ ផ្សាយការប្រកួតស៊ីហ្គេមវិញបន្ទាប់ពីខកខានផ្សាយការប្រកួតកាលពីម្សិលមិញ។ ករណីនេះ សម្ដេចហ៊ុន សែន ព្រមាន ដកអគ្គនាយកនៃស្ថានីយន៍ទូរទស្សន៍ជាតិចេញពីតំណែងផងដែរប្រសិនជាមិនអាចធ្វើរឿងនេះបាន។
