ខេត្តបាត់ដំបង

ខេត្តបាត់ដំបង៖បទល្មើសនេសាទ កំពុងកើតមានយ៉ាងពេញបន្ទុក នៅក្នុងស្ទឹងសង្កែ ក៏ប៉ុន្តែមិនត្រូវបាន មន្ត្រីជលផល ចុះបង្ក្រាបនោះទេ។

សេចក្តីរាយការណ៍បានឲ្យដឹងថានៅតាមបណ្តោយដងស្ទឹងសង្កែ ក្រុង/ខេត្តបាត់ដំបងមានបទល្មើសនេសាទ ដែលជាឧបករណ៍ប្រភេទ(ឆ្នុកអ៊ុយ) បែជាជំនាញមិនមានការចុះទប់ស្កាត់បង្ក្រាប ទុកឲ្យបទល្មើសកើតមានយ៉ាងអនាធិបតេយ្យ។

ប្រជាពលរដ្ឋរស់នៅតាមដងស្ទឹងសង្កែបានលើកឡើងថាជារៀងរាល់ឆ្នាំ ពួកគាត់តែងសង្គេតឃើញបទល្មើសនេសាទ ប្រភេទឆ្នុកអ៊ុយ ក្រឡាញឹក បានកើតមានពាសពេញផ្ទៃ ទឹកស្ទឹងសង្កែ ចាប់ពីចំណុចក្បែរ គល់ស្ពានវត្តគរ ស្ថិតក្នុងក្រុងបាត់ដំបង រហូតទៅដល់ស្រុកបាណន់ និងតាមបណ្តាស្រុកដដៃទៀត ហើយបាននឹងកំពុងបំផ្លាញពូជមច្ឆាជាតិ យ៉ាងធ្ងន់ធ្ងរ ក្នុងមួយថ្ងៃៗអស់រាប់តោន ដោយពួកគាត់ មិនដែលឃើញមានអាជ្ញាធរឬមន្ត្រីជំនាញណា ចុះមកធ្វើការបង្ក្រាបឡើយ សង្ស័យថាអាចមានការត្រូវរ៉ូវគ្នារវាងម្ចាស់បទល្មើសនិងមន្ត្រីជំនាញទើបមិនមានការទប់ស្កាត់បែបនេះ។

ពាក់ព័ន្ធទៅនឹងបទល្មើសនេសាទ នេះ លោក ជួង សុភា នាយខណ្ឌរដ្ឋបាលជលផលខេត្តបាត់ដំបង បានអោយអ្នកយកព័ត៌មានដឹងនៅរសៀលថ្ងៃទី០៧ ខែធ្នូ ថា៖ នឹងធ្វើការបង្ក្រាប ព្រោះកន្លងមក លោកបានចាត់អោយខាងសង្កាត់ ចុះទៅជម្រាបភូមិ ឃុំ អោយជួយ ព្រោះខាងលោក ដោយសារធ្វើ ទំនប់តាអន យកកាណូត ឡើងពីក្រោមចេញមកអត់រួច។
ដូច្នេះមានតែសង្កាត់ ចុះមកអោយភូមិ ឃុំ និងប៉ុស្តិ៍ជួយធ្វើការងារនេះ ដោយទី១ចុះអប់រំណែនាំពួកគាត់ តែបើមានទី២នឹងសហការគ្នាចាប់រុះរើ ដុតបំផ្លាញចោលតែម្តង។

ទោះយ៉ាងណា ពាក់ព័ន្ធបទល្មើសនេសាទនេះ ប្រជាពលរដ្ឋរំពឹងថាអាជ្ញាធរសមត្ថកិច្ចជំនាញនិងចុះបង្ក្រាបជាក់ជាមិនខាន៕SRPដោយប៊ុនថេត

ខេត្តបាត់ដំបង៖មេក្លោងជួញដូរគ្រឿងញៀន
ជនជាតិថៃម្នាក់ត្រូវបានកម្លាំងនគរបាលខេត្តបាត់ដំបង ធ្វើការឃាត់ខ្លួនរួមនិងរឹបអូសគ្រឿងញៀនមួយចំនួនធំ។

មន្ត្រីខេត្តបាត់ដំបងបានឲ្យដឹងថានៅថ្ងៃទី ០៥​ ខែ​ ធ្នូ​ ឆ្នាំ​២០២០ នេះ អនុវត្តតាមបទបញ្ជារបស់លោកឧត្តមសេនីយ៍ត្រី សាត​ គឹមសាន ស្នងការនគរបាលខេត្ត បាត់​ដបង​
បានចាត់តាំង ឲ្យលោកឧត្តមសេនីយ៍ត្រី កុយ​ហៀង​ ស្នងការរងផែន​ការងារគ្រឿងញៀន​ ដឹកនាំកម្លាំង​ការិយាល័យជំនាញ​សហការណ៍
ជាមួយមន្រ្តីនគរបាលនៃមន្ទីរប្រឆាំងគ្រឿង​ញៀ​ន​នៃអគ្គស្ន​ង​ការដ្ឋាននគរបាលជាតិ​ បង្រ្កាបករណីគ្រឿង​ញៀនមួយករណីនៅមូលដ្ឋានស្រុកកំ​រៀង​ ខេត្តបាត់​ដំបង​ដោយឃាត់ខ្លួនមុខសញ្ញាជាជនជាតិថៃម្នាក់ឈ្មោះ​ផាត់​ ភុំរតនា​ ហៅហ្វា​ មាន​ទីលំ​នៅ​ឃុំណងប៊ុន​ស្រុកបរ៉ៃ​ ខេត្តត្រាតប្រទេស ​​ថៃ។ ក្នុងនោះសមត្ថកិច្ចរកឃើញវត្ថុតាងដកហូតបាន៖
-ថ្នាំញៀនប្រភេទមេតំហ្វេតាមីន​ ម៉ាទឹកក​ក​ICEចំនួន៣០ដុំធំ​ មានទម្ងន់សរុប២​៩៨៥៧,​០២​ក្រាម
-ទូរស័ព្ទដៃ​ សៀវភៅធនាគារនិងលិខិតឆ្លងដែន។
បច្ចុប្បន្នសមត្ថកិច្ចកំពុងធ្វេីការស្រាវជ្រាវបន្ត និងរៀបចំបញ្ជូនទៅតុលាការដេីម្បូីផ្តន្ទាទោសតាមច្បាប់នៅថ្ងៃស្អែក៕SRP

ខេត្តបាត់ដំបង៖ប្រជាពលរដ្ឋ បានលើកឡើងថា សព្វថ្ងៃនេះ មានក្រុមឈ្មួញ បានដាក់គ្រឿងចក្រ កាយទន្ទ្រានយកដី ភ្នំ ជិតរលាយបាត់ពីផែនដី ទៅហើយ ដោយមិនមាន ការទប់ស្កាត់ពីមន្ត្រីពាក់ព័ន្ធនោះទេ។

ប្រជាពលរដ្ឋបានបន្តថា ភ្នំខាងលើ ដែលកំពុងរងការគំរាមគំហែង កាយពីគ្រឿងចក្រ នេះ អ្នកខ្លះ ភ្នំដីស ខ្លះគេហៅ ភ្នំរំសាយសក់ ដែលជាសម្បត្តិធម្មជាតិ របស់រដ្ឋ ស្ថិតក្នុងភូមិថ្កូវ ឃុំឈើទាល ស្រុកបាណន់ ខេត្តបាត់ដំបង។

ពលរដ្ឋ រស់នៅក្បែរជើងភ្នំ បានប្រាប់អ្នកសារព័ត៌មានថា ជាច្រើនថ្ងៃមកហើយ ដែលពួកគាត់ បានឃើញ ក្រុមឈ្មួញនាំយកគ្រឿងចក្រ ចូលមកដាក់កាយ ភ្នំ យកអាចម៍ដីដឹកចេញ រាប់សិបឡាន ក្នុងមួយថ្ងៃៗ តែមិនដឹងថាគេយកទៅលក់ ឬយកធ្វើអ្វីនោះទេ។ ហើយក៏មិនទាន់ដឹងថា មានច្បាប់ ឬអត់ច្បាប់នោះដែរ។ ព្រោះមិនដែលឃើញ មានអាជ្ញាធរឬមន្ត្រីជំនាញណា ចុះមកហាមឃាត់ឬធ្វើការបង្ក្រាបឡើយ។

ជុំវិញការលើកឡើងរបស់ពលរដ្ឋ ពាក់ព័ន្ធកាយភ្នំ នេះ លោក «ហោ» ម្ចាស់គ្រឿងចក្រ បានអោយដឹងថា រឿងនេះ លោកបានសុំអនុញ្ញាត ទៅខាងស្រុក ខាងខេត្ត និងខាងរ៉ែ ដែរ ដោយយកទៅធ្វើផ្លូវមួយខ្សែ ប្រវែង២០០០ម៉ែត្រ នៅឃុំឈើទាល រួចក៏បិទទូរស័ព្ទ។

ដោយឡែក លោក កោះ សេងហាវ មេឃុំឈើទាល បានឲ្យដឹងថា បញ្ហារឿងហ្នឹង គឺជាគម្រោង ខាងឃុំ បានស្នើរ ទៅស្រុកនិងមានការឯកភាព ពីអភិបាលខេត្ត ផងដែរ ទើបខាងឃុំ បានឲ្យគ្រឿងចក្រ ចូលមកចាក់ដី ធ្វើផ្លូវមួយខ្សែមានចម្ងាយ២០០០ម៉ែត្រនិងដីគ្រួសចំនួន២០០ឡាន។

ពាក់ព័ន្ធករណីនេះ លោក អ៊ាន មាឃ ប្រធានមន្ទីររ៉ែនិងថាមពលខេត្តបាត់ដំបង បានបញ្ជាក់ថា លោកនឹងចាត់ឲ្យមន្ត្រីជំនាញ ចុះពិនិត្យ និងធ្វើកំណត់ហេតុ រួចផ្អាកសកម្មភាព ម្ចាស់អាជីវកម្ម នោះភ្លាម បើពុំមានការស្នើសុំត្រឹមត្រូវ។
លោកបន្តទៀតថា ចំពោះគ្រឿងចក្រ ដែលចូលមកយកអាចន៍ដីនោះ គឺមានការស្នើសុំ ពីឃុំស្រុក និងមានការឯកភាពពី លោកអភិបាលខេត្តតាំងពីដើម ខែកញ្ញា មកម្លេះ។ ហើយមួយវិញទៀត ការស្នើរសុំ របស់ ឃុំឈើទាល គឺមានដីគ្រួសចំនួន២០០ឡាន ប្រវែងផ្លូវ២០០០ម៉ែត្រ។

គួររំលឹកថា នៅពេលអ្នកសារព័ត៌មាន បានចុះទៅផ្តិតយករូបភាព គ្រឿងចក្រកំពុងធ្វើសកម្មភាព នៅលើខ្នងភ្នំដី នោះ ឃើញឡានជាច្រើនគ្រឿង បានដឹកដី ចេញមកខាងក្រៅ ប៉ុន្តែ ម្ចាស់គ្រឿងចក្រ ថាយកទៅធ្វើផ្លូវ។

មជ្ឈដ្ឋាននានា លើកឡើងថា ការបកស្រាយរបស់ លោក មេឃុំ ឈើទាល ហាក់បីដូចជាមានការលាក់លៀមមមិនច្បាស់លាស់ បើយោងទៅតាមការស្នើរសុំ ជាមួយនឹងថ្នាក់ដឹកនាំខេត្ត ដោយហេតុថា ការស្នើរសុំ ធ្វើផ្លូវតែមួយខ្សែទេ នៅពេលបកស្រាយថា មានច្រើនខ្សែទៅវិញ៕ SRP ដោយប៊ុនថេត

ខេត្តបាត់ដំបង៖មានការលើកឡើងថា វង់ល្បែង បៀរ អាប៉ោង មួយកន្លែង បានបើកលេងស៊ីសង់ យ៉ាងពពាក់ពពូន ដោយមិនខ្លាចការ បង្ក្រាបពីអាជ្ញាធរនិងសមត្ថកិច្ច ជាពិសេស ការប្រមូលផ្ដុំគ្នា មិនខ្លាចឆ្លងជំងឺកូវីដ-១៩ នោះឡើយ។

ទីតាំងវង់ល្បែងនេះ ស្ថិតនៅទល់មុខសាលាបឋមសិក្សាក្រពើជើង ត្រង់ចំណុចភូមិក្រពើជើង ឃុំភ្នំសំពៅ ស្រុកបាណន់ ខេត្តបាត់ដំបង។

យោងតាមប្រភពពីក្រុមអ្នកដែលញៀនល្បែងបានឲ្យដឹងថា វង់ល្បែង អាប៉ោង នៅចំណុចខាងលើនេះ បានបើកលេង ជាយូមកហើយ ដោយមានអ្នកចូលទៅលេង រៀងរាល់ថ្ងៃ។

ករណី វង់ល្បែងអាប៉ោង នេះ អ្នកព័ត៌មាននៅមិនទាន់ទទួលបាន ការបកស្រាយបំភ្លឺពីលោកប៉ាន់ វ៉ាន់នី អធិការស្រុកបាណន់ នៅឡើយទេ ដោយទំនាក់ទំនងតាមទូរស័ព្ទ មិនមានអ្នកទទួល។

ពាក់ព័ន្ធ នឹងល្បែងស៊ីសងនេះ ប្រជាពលរដ្ឋ រស់នៅក្នុងភូមិក្រពីជើង រំពឹងថាសមត្ថស្រុក និងខេត្តបាត់ដំបង នឹងមានការបង្ក្រាប ជាក់ជាមិនខាន។

លោកឧត្តមសេនីយ៍ទោ សាត គឹមសាន ស្នងការប៉ូលិស ខេត្តបាត់ដំបង បានឲ្យដឹងនៅរសៀលថ្ងៃទី២ ខែធ្នូ ម្សិលមិញថា លោកបានដាក់បទបញ្ជា តាមអធិការ គ្រប់ស្រុករួចរាល់អស់ហើយ គឺមិនអនុញាត ឲ្យមានការបើកលេងល្បែងសុីសង តាមមូលដ្ឋាន ជាដាច់ខាត។

លោកបន្តទៀតថា ដោយអនុវត្ត ការពារសុវត្ថិភាព នៅតាមភូមិឃុំ សហគមន នៅតាមមូលដ្ឋាន មិនឲ្យមានការជួបជុំគ្នា ចាប់ពី២០នាក់ឡើងទៅ នឹងត្រូវនៅឃ្លាត ពីគ្នាជានិច្ច ដើម្បីទប់ស្កាត់ការពារកូវីដ-១៩ផងដែរ៕SRPដោយប៊ុនថេត

ខេត្តបាត់ដំបង៖ក្រុមហ៊ុនមួយដែលបាន ប្រើគ្រឿងចក្រកាយ ស្តារបឹងបុរាណ តាគម កំពុងរងការរិះគន់ថា មិនបានអនុវត្តតាមការណែនាំរបស់អាជ្ញាធរ។

បឹងខាងលើស្ថិតនៅត្រង់ចំណុច ភូមិតាគម ឃុំពាមឯក ស្រុកឯកភ្នំ ខេត្តបាត់ដំបង។

ជុំវិញការរិះគន់នេះ លោកមុិល សុផល អភិបាលស្រុកឯកភ្នំ បានប្រាប់អ្នកយកព័ត៌មានថា ករណីគ្រឿងចក្រ ជាច្រើនគ្រឿង នៅត្រង់ចំណុចខាងលើ គឺបានចូលមកធ្វើការស្តារបឹងតាគម នេះ ចាប់តាំងពីដើមខែ៦ឆ្នាំ២០២០ មកម្លេះ ។ មួយវិញទៀតបញ្ហាស្តារបឹងនេះ ជាការស្នើសុំ ពីបងប្អូនប្រជាពលរដ្ឋ ដើម្បីស្តុកទឹកប្រើប្រាស់ នារដូវប្រាំងរីងស្ងួតជាដើម។ល។

លោកបន្តទៀតថា ចំពោះការស្នើសុំ របស់បងប្អូនប្រជាពលរដ្ឋ ខាងស្រុក ក៏បានស្នើសុំ បន្តទៅក្រសួងវប្បធម៌និងវិចិត្រសិល្ប: ពីព្រោះបឹងតាគម ជាស្រះបុរាណ តាំងពីយូលង់ណាស់មកហើយ និងមានការឯកភាពពីលោកអភិបាលខេត្តនិងមន្ទីរពាក់ព័ន្ធទៀតផង។ ហើយការស្តារបឹង តាគមនេះ មានផ្ទៃដីចំនួន១០ហិកតា និងមានជម្រៅ៦ម៉ែត្រ និងមានលិខិតអនុញ្ញាត ត្រឹមត្រូវ និងបញ្ចប់នៅចុងខែមួយ២០២១ ខាងមុខនេះ។ ចំណែកបរិវេណស្រះ ដែលកំពុងធ្វើស្តារបឹងសព្វថ្ងៃនេះ ខាងស្រុកនិងរៀបចំដាំកូនឈើព័ទ្ធជុំវិញ ធ្វើជាកន្លែងទេសចរណ៍ ព្រោះទីនោះជាប់ទៅនឹងប្រាសាទឯកភ្នំ ដើម្បីទាក់ទាញភ្ញៀវជាតិ និងអន្តជាតិមកទស្សនា នៅទីនោះ តែម្តង។

លោកអភិបាលស្រុក បានបញ្ជាក់ថា ដោយឡែកការលើកឡើង ពីពលរដ្ឋ ថាមានឡានដឹកដីជាច្រើនគ្រឿង បើកបរលឿនៗ និងហុយ មកលំនៅដ្ឋាន របស់ពួកគាត់នោះ គឺខាងស្រុកបានទទួលស្គាល់ហើយ គឺមានឡានខ្លះគោរពនិងខ្លះទៀតក៏មិនគោរពដែរ។ តែខាងសាលាស្រុកក៏បានណែនាំ ទៅដល់ម្ចាស់ឡាន ដែលបានមកធ្វើអាជីវកម្មទាំងអស់ មកធ្វើកិច្ចសន្យា។ ហើយសំណូមដល់ម្ចាស់អាជីវកម្ម មេត្តាណែនាំដល់កូនចៅនិងគោរព ទៅតាមតាមការណែនាំ របស់អាជ្ញាធរស្រុក។ ទី១ពេលដឹកដីចេញពីរណ្តៅដី ត្រូវឲ្យតាកុងឡាននីមួយៗ គ្របតង់ជាប្រចាំ ដើម្បីកុំឲ្យធ្លាក់ដី ជ្រុះតាមផ្លូវសាធារណ: ពីព្រោះខ្លាចមានភ្លៀង មករអិលដល់អ្នកធ្វើដំណើរ តាមដងផ្លូវជាយក្សថាហេតុ។

សូមបញ្ជាក់ថា នៅពេលក្រុមការងារព័ត៌មាន ចំនួន៣អង្គភាព កំពុងតែចុះផ្តិត យករូបភាពដែលគ្រឿងចក្រ កំពុងស្តារបឹងតាគម ស្ថិតនៅត្រង់ចំណុចខាងលើ ក៏ស្រាប់តែមាន បុរសម្នាក់មិនដឹងថាគាត់ជានរណាទេ ជិះម៉ូតូមួយគ្រឿងពណ៌ស្បង់ លោកមកក្បែរឡាន រួចលួចថតឡាននិងរូបថតអ្នកសារព័ត៌មាន ទាំង៣នាក់តែម្តង ដោយនៅពុំទាន់ដឹងថា ថាបុរសនោះ នោះថតយករូប ទៅធ្វើអ្វីនោះទេ។

ជាចុងក្រោយដើម្បី ធានាបាននូវសុវត្តិភាព ការធ្វើដំណើរ ក៏ដូចជាចុះយកព័ត៌មាន ជួយសង្គម អ្នកសារព័ត៌មាន សូមជូនដំណឹងនេះ ទៅដល់អាជ្ញាធរឃុំ ស្រុក និងកម្លាំងមានសមត្ថកិច្ចទាំងអស់ ជ្រាប ដោយក្តីអនុគ្រោះ៕SRPដោយប៊ុនថេត

ខេត្តបាត់ដំបង៖បុរសម្នាក់ត្រូវបានអ្នកស្រុកប្រទះឃើញ ស្លាប់ អណ្តែតក្នុងទឹកអូរ យ៉ាងអាណោចអាធ័មក្រោយពេលចេញទៅឆក់ត្រី បាត់ខ្លួនអស់២យប់។

ហេតុការណ៍ភ្ញាក់ផ្អើល បានកើតឡើងនៅវេលាម៉ោង០៦និង៣០នាទីព្រឹក ថ្ងៃទី២៧ ខែវិច្ឆិកា ឆ្នាំ២០២០ ស្ថិតនៅនៅចំណុច អូរហែម ស្ថិតក្នុងភូមិព្រៃភ្ងាស ឃុំដូនបា ស្រុកគាស់ក្រឡ ខេត្តបាត់ដំបង។

សមត្ថកិច្ចបានឲ្យដឹងថា ជនរងគ្រោះមានឈ្មោះ ហឿន សោម អាយុ ២៨ឆ្នាំ មុខរបរ ជាកសិករ រស់នៅភូមិព្រៃភ្ងាស ឃុំដូនបា ស្រុកគាស់ក្រឡ ខេត្តបាត់ដំបង។

នគរបាលប៉ុស្ដិ៍មូលដ្ឋាន បានចុះពិនិត្យនិងធ្វើកោសល្យវិច័យ ដោយសន្និដ្ឋានថា ជនរងគ្រោះ ពិតជាបានស្លាប់ ដោយសារឆក់ឧបករណ៍ម៉ូទ័រឆក់ត្រី របស់ខ្លួនឯងពិតប្រាកដមែន និងបានប្រគល់អោយក្រុមគ្រួសារ យកទៅធ្វើបុណ្យតាមប្រពៃណី៕ SRPដោយប៊ុនថេត

ខេត្តបាត់ដំបង៖សេចក្តីរាយការណ៍បានដឹងថាល្បែងឡូតូ ចាក់ភ្នាល់ដាក់លុយ តាមប្រព័ន្ធអ៊ីនធឺណិត បានកំពុងបើកលេងយ៉ាងគគ្រឹកគគ្រេង នៅក្រុងបាត់ដំបង។

ជាក់ស្ដែងទីតាំង មួយកន្លែងស្ថិតនៅទល់មុខ សាលាសុវណ្ណភូមិ មានដាក់ឲ្យមនុស្ស ជាច្រើននាក់ចូលលេងបោះប៊ូល និងមានទូរទស្សន៍ លេងភ្នាល់ល្បែងឡូតូដាក់លុយតាមប្រព័ន្ធអុិនធើណេតជាប្រចាំថ្ងៃ ស្ថិតនៅត្រង់ចំណុចភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។

ប្រភពពីអ្នកដែលញៀនទៅនឹងល្បែងឡូតូភ្នាល់ តាមអុិនធើណេតនៅត្រង់ចំណុចខាងលើ បានបង្ហើបប្រាប់ក្រុមការងារព័ត៌មានឲ្យដឹងកាលពីរសៀលនេះថា ជារៀងរាល់ថ្ងៃគិតចាប់ ពីម៉ោង៩ទៅម៉ោង១០ព្រឹក គឺមានមនុស្សចូលទៅលេងកន្លែង នោះហើយរហូតដល់ល្ងាច ដោយអ្នកខ្លះលេងបោះប៊ូល ទៅនឹងភាគច្រើនលេងឡូតូ ភ្នាល់ដាក់លុយ តាមប្រព័ន្ធអុិនធើណេត។

ប្រជាពលរដ្ឋ ដែលរស់នៅក្បែរទីតាំងខាងលើ នេះមានការងឿងឆ្ងល់ថា តើកន្លែងបើកឲ្យលេងប៊ូលនិងមានដាក់ទូរទស្សន៍ ឡូតូភ្នាល់គ្នាដាក់លុយ ហើយស្រែកហោខ្លាំងៗទៀត ហើយ នៅជាប់នៅនឹងសាលារៀន ទៀតផង សង្ស័យមានខ្នងបង្អែកធំៗ ទើបបានជា គ្មានសមត្ថកិច្ច ជំនាញពាក់ព័ន្ធ ណាហ៊ាន មកក្បែរនោះទេ។

សូមរំលឹកនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ប្រកាសថា បិទល្បែងភ្នាល់ ចាក់បាល់ ឡូតូតាមប្រព័ន្ធអុិនធើណេត គ្រប់ប្រភេទ ប៉ុន្តែទីតាំងខាងលើបែរជាបើកលេងដោយសេរី ដោយមិនកោតខ្លាចញញើតអ្វីទាំងអស់។

ជុំវិញករណីទីតាំងរោង ដែលបើកឲ្យមនុស្សចូលលេងបោះប៊ូលនិងដាក់ឡូតូ តាមប្រព័ន្ធអុិនធើណេត ពុំអាចសុំការបកស្រាយ

ពីម្ចាស់នៅឡើយទេដោយមិនមាន លេខទំនងទំនង៕SRPដោយប៊ុនថេត

ខេត្តបាត់ដំបង៖តូបលក់អីវ៉ាន់មួយកន្លែងត្រូវបានអគ្គីភ័យឆាប់ឆេះ បង្កឲ្យភ្ញាក់ផ្អើល។

ហេតុការណ៍បានកើតឡើងនៅល្ងាចថ្ងៃទី២៦ខែវិច្ឆកាឆ្នាំ២០២០ ស្ថិតនៅត្រង់ចំណុចក្រុមទី០៤ ភូមិសៀម ឃុំអំពិលប្រាំដើម ស្រុកបវេល ខេត្តបាត់ដំបង។

សមត្ថកិច្ចមូលដ្ឋានបានអោយដឹងថា តូបលក់ចាប់ហួយ ដែលត្រូវឆាបឆេះ មានទំហំ ៩ម៉ែត្រx៦ម៉ែត្រ ធ្វើអំពីឈើ ជញ្ជាំងក្ដារ ដំបូលប្រក់ស័ង្កសី មានម្ចាស់ឈ្មោះ រ៉ន សិទ្ធា ភេទស្រី អាយុ៤២ឆ្នាំ រស់នៅក្នុងភូមិសៀម ឃុំអំពិលប្រាំដើម ស្រុកបវេល ខេត្តបាត់ដំបង។

សមត្ថកិច្ចបានបន្តថា មូលហេតុ ដោយសារ ម្ចាស់ មានការធ្វេសប្រហែស ដោយយកប្រេងសាំង ទៅបូមក្បែរ ចង្ក្រានដាំបាយ ក៏បណ្តាលអោយឆាបឆេះឡើងតែម្តង។

ម្ចាស់ផ្ទះខាងលើ បានប្រាប់ថា សម្ភារខូចខាត តូបលក់ចាប់ហួយ០១ខ្នងរួមនឹងសម្ភារ ឥវ៉ាន់ចាប់ហួយគិតជាទឹកប្រាក់សរុបចំនួន ៨០០០ដុល្លារនិងទ្រព្យសម្បត្តិ ជាច្រើនទៀតផងដែរ៕SRPដោយប៊ុនថេត

ខេត្តបាត់ដំបង៖ប្រជាពលរដ្ឋ រស់នៅក្បែរដងផ្លូវ ចំណុចភូមិតាគម ឃុំពាមឯក ស្រុកឯកភ្នំ បានលើកឡើងថា ជារៀងរាល់ថ្ងៃពួកគាត់តែងតែ មានការព្រួយបារម្ភ យ៉ាងខ្លាំង ដោយសារតែ ក្រុមហ៊ុនធ្វើអាជីវកម្ម ដឹកជញ្ជូនអាចម៍ ដីលក់ របស់ លោក ម៉ិល សៀវធៀន និងលោក ឈឿម ណារិទ្ធ ដែលមានអ្នកបើកបរលឿនៗ បង្កឲ្យពួកគាត់ មានការភ័យខ្លាច។

ពលរដ្ឋបានបន្តថា សុវត្ថិភាពកូនចៅ របស់ពួកគាត់ ដែលធ្វើដំណើរ ទៅសាលារៀន ម្តងៗ
ខណ:មានរថយន្តដឹកដី ជាច្រើនគ្រឿង បើកបរក្នុងល្បឿនលឿន បង្កការភ័យខ្លាច គ្រោះថ្នាក់ចរាចរណ៍និងមិនមានការមស្រោចទឹក បង្កអោយហុយចូលក្នុងខ្លួន នៅសម្ភារផ្ទះសំបែងប្រលាក់សុទ្ធ តែដីជាដើម។ ដូចជាការហូបអាហារ និងបញ្ហា សុខភាព ផ្លូវដង្ហើម ផងដែរ។

ពលរដ្ឋ បានបន្ថែមថា ពួកគាត់តែងបានឃើញ រថយន្តដឹកដី ជាច្រើនគ្រឿងមបើកបរឆ្លងកាត់នៅមុខផ្ទះពួកគាត់ក្នុងល្បឿនលឿនៗ និងមិនមានការគ្រប អោយបានត្រឹមត្រូវនោះទេ ដែលធ្វើអោយដីជ្រុះរាយប៉ាយ ផ្លូវកៅស៊ូ ប្រែក្លាយជាផ្លូវដី ដោយពេលភ្លៀងម្តងៗ ធ្វើអោយរអិល រហូតមានអ្នកធ្វើដំណើរមួយចំនួន កន្លងមកបានជួបគ្រោះថ្នាក់ផងដែរ។

ពាក់ព័ន្ធមការលើកឡើង របស់ពលរដ្ឋ លោក អ៊ាន មាឃ ប្រធានមន្ទីររ៉ែនិងថាមពលខេត្ត បានប្រាប់អោយដឹងនៅថ្ងៃទី២៥
ខែវិច្ឆិកា ឆ្នាំ២០២០ ថា នៅពេលដែលមន្ត្រីរបស់លោក ចុះទៅធ្វើការណែនាំ «គេថាគ្រប ហើយបន្ថយល្បឿន ហើយនៅពេល
ដែលយើងមកវិញ គេបើកលឿនដដែល» តែពេលនេះមន្ទីរនិងធ្វើលិខិតចូលខេត្តស្នើផ្អាកសកម្មភាព១សប្តាហ៍ ហើយបើមិនរាងចាលនិងស្នើដកអាជ្ញាប័ណ្ណជាបណ្តោះអាសន្នតែម្តង។

លោក ម៉ិល សុផល អភិបាលស្រុកឯកភ្នំ បានឲ្យដឹងថា ចំពោះបញ្ហាក្រុមឡានដឹកដី នៅត្រង់ចំណុចខាងលើ លោកនិងមានវិធានការណែនាំ អោយក្រុមរថយន្តគ្រប និងអោយស្រោចទឹក។ ជាធម្មតាការ ធ្វើអ្វីមួយ វាតែងតែមានការ ប៉ះពាល់ហើយ ប៉ុន្តែសូមអោយមានការប្រុងប្រយ័ត្ន ដោយបន្ថយល្បឿន ស្រោចទឹកផ្លូវ និងត្រូវគ្របជាប្រចាំ។

ទោះបីជាយ៉ាងណា ប្រជាពលរដ្ឋ សូមសំណូមពរុំទៅអាជ្ញាធរភូមិ ឃុំ ស្រុក ពិសេស លោកអភិបាលខេត្តសូមមេត្តាចាត់ អោយមន្ត្រីជំនាញពាក់ព័ន្ធមមកជួយចុះជាបន្ទាន់ដើម្បីពិនិត្យមើល ទីតាំងកាយរណ្តៅដី របស់ក្រុមហ៊ុនខាងលើ នេះផងមព្រោះការកាយ យកអាចម៍ដី មានជំរៅកាន់ជ្រៅៗ ណាស់ អាចបង្កហានិភ័យ
ផងដែរ៕SRPដោយប៊ុនថេត

ខេត្តបាត់ដំបង៖ឈ្មួញ ឈ្មោះ ស្រី ជុំណូ បានកាយដីលក់រាប់ខែ ដោយបានកាយខុសបច្ចេកទេស លើសចំនួននៃការអនុញាត ទើបតែត្រូវបាន មន្ត្រីជំនាញនាំគ្នាចុះទៅបិទអាជីវកម្ម។

ហេតុការណ៍ ធ្វើនៅរសៀលថ្ងៃទី២៣ ខែវិច្ឆិកា នេះ នៅត្រង់ចំណុចភូមិអូរមុន្នី១ ឃុំ អន្លង់វិល ស្រុកសង្កែ ខេត្តបាត់ដំបង។

មន្ត្រីជំនាញបានឲ្យដឹងថាការចុះបញ្ឈប់ សកម្មភាព កាយរណ្តៅដី ខាងលើ ដើមីឲ្យម្ចាស់គ្រឿងចក្រ ចូលទៅបង់ប្រាក់ពិន័យ ចូលរដ្ធទៅតាមច្បាប់កំណត់។

ពាក់ព័ន្ធករណីនេះ លោកស៊ុន ស៊ីធួន ប្រធានការិយាល័យ ធនធានរ៉ែ បានឲ្យដឹងថា បើតាមការពិនិត្យ ជាក់ស្តែង ឃើញថា រណ្តៅដីមាននិយាមកាមានទំហំបណ្តោយ១៤០ម៉ែត្រគុណទទឹង៣០ម៉ែត្រគុណ នឹងជំរៅ៥ម៉ែត្រ ស្មើនឹង ៤៩០០០ម៣ និយាមកា០៣១១២៤២គុណ១៤៤៧៥៣១មានទំហំ បណ្តោយ៦០ម៉ែត្រគុណទទឹង៣០ម៉ែត្រ ជំរៅ៥ម៉ែត្រ។ ដូចនេះ ម្ចាស់គ្រឿងចក្រ គាត់បានធ្វើអាជីវកម្ម កាយយកអាចម៍ដីលើសដល់ ទៅចំនួន៩០០០ម៣។

បើតាមលោកអ៊ាន មាឃ ប្រធានមន្ទីររ៉ែនិងថាមពលខេត្តបានឲ្យដឹងថា ចំពោះគ្រឿងចក្រដែលកំពុងធ្វើសកម្មភាព ជីកកាយយកអាចម៍ ដី លើសច្បាប់កំណត់នោះ គឺលោកបានចាត់ឲ្យកម្លាំងមន្ត្រីជំនាញ ចុះទៅពិនិត្យនិងបានធ្វើកំណត់ហេតុ បញ្ឈប់ និងមិនអនុញាត ឲ្យធ្វើសកម្មភាពទៀត ជាដាច់ខាត។ ចំពោះម្ចាស់គ្រឿងចក្រ ត្រូវចូមមកបង់ប្រាក់ សួយសា ពិន័យទៅតាមច្បាប់មាត្រាទី៣៥ថ្មីស្តីពីច្បាប់គ្រប់គ្រប់ ធនធានរ៉ែ ជាដាច់ខាត៕SRPដោយប៊ុនថេត

ខេត្តបាត់ដំបង៖បុរសម្នាក់ មុខសញ្ញាលួចទ្រព្យសម្បត្តិ របស់ពលរដ្ឋ កន្លងមក ត្រូវកម្លាំងនគរបាលព្រហ្មទណ្ឌកំរិតធ្ងន់​ ស្នងការខេត្តបាត់ដំបង ចាប់ខ្លួន។

ការចាប់ខ្លួនធ្វើឡើងនៅថ្ងៃទី២១ខែវិច្ឆកាឆ្នាំ២០២០ ស្ថិតនៅត្រង់ចំណុចភោជនីយដ្ឋាន កោះតៃវ៉ាន់ ភូមិទួលតាឯក សង្កាត់ទួលតាឯក ក្រុងបាត់ដំបង។ ជនសង្ស័យ មានឈ្មោះ រស់ ផស់ អាយុ៣០ឆ្នាំ រស់នៅភូមិទួលតាឯក សង្កាត់ទួលតាឯក ក្រុងបាត់ដំបង។

ដោយពាក់ព័ន្ធពីបទលួច ទ្រព្យសម្បត្តិ នៅភូមិទួលតាឯក សង្កាត់ទួលតាឯក ក្រុងបាត់ដំបង កាលពីថ្ងៃទី២០ខែវិច្ឆកាឆ្នាំ២០២០វេលាម៉ោង១០នឹង០០នាទីពីម្សិលមិញ ដែលជនរងគ្រោះឈ្មោះ អ៊ូច សាលូន ភេទស្រី អាយុ៥០ឆ្នាំ រស់នៅភូមិកើតហេតុខាងលើ។

លោកវរសេនីយ៍ឯក លឹម ពុទ្ធីឡា ស្នងការរងទទួលផែនការងារនគរបាលព្រហ្មទណ្ឌខេត្ត បានឲ្យដឹងនៅល្ងាចថ្ងៃទី២១ខែវិច្ឆកា នេះថា ដោយមានការចង្អុលបង្ហាញ ពីលោកឧត្តមសេនីយ៍ត្រី សាត គឹមសាន ស្នងការខេត្តនិងការផ្តល់ព័ត៌មានពីជនរងគ្រោះ ទើបនគរបាល បានកំណត់មុខសញ្ញាបាន នឹងឈានដល់ការឃាត់ខ្លួនជនសង្ស័យ តែម្តង។ករណីនេះដកហូតវត្ថុតាងបានរួមមាន៖១/កាបូបដៃតូច១ មានខ្សែដៃពណ៌ទឹកប្រាក់១ខ្សែ, ផ្លាកដៃ១ខ្សែ, ក្រវិលពណ៌ប្រាក់១គូរ, បន្តោងពណ៌សលាយស្វាយ១។ បច្ចុប្បន្ននគរបាល កសាងសំណុំរឿង បញ្ជូនទៅកាន់សាលាដំបូងខេត្តបាត់ដំបង ដើម្បីអនុវត្តតាមផ្លូវច្បាប់៕SRPដោយប៊ុនថេត

ខេត្តបាត់ដំបង៖ពលរដ្ឋចំនួន៧៥០គ្រួសារ ក្នុងស្រុកគាស់ក្រឡ ខេត្តបាត់ដំបង នៅថ្ងៃចន្ទ ទី១៦ ខែវិច្ឆិកា ព្រឹកនេះ បានទទួលអំណោយពូជបន្លែ ពីសម្ដេច ស ខេង រដ្ឋមន្ត្រីក្រសួងមហាផ្ទៃ តាមរយ: លោកងួន រតនៈ អភិបាលខេត្តបាត់ដំបង។