ខេត្តបាត់ដំបង – Page 27

ខេត្តបាត់ដំបង៖យោងតាមរបាយការណ៍របស់ សមត្ថកិច្ចស្រុកថ្មគោល បានឲ្យដឹងថា យ៉ាងហោចណាស់មនុស្សចំនួន៨នាក់ បានស្លាប់នៅនឹងកន្លែងកើតហេតុនិង ៣នាក់ទៀតរងរបួស រវាងរថយន្តដឹកទំនិញធុនធំ ដឹកទឹកកកនិងរថយន្តធុនតូចទិសផ្ទុយគ្នា។

ហេតុការណ៍សោកនាដកម្មនេះ នៅយប់ថ្ងៃទី២៤ខែធ្នូ ឆ្នាំ២០២០ វេលាម៉ោង២១និង២០នាទី ស្ថិតនៅលើផ្លូវជាតិលេខ៥ កំពុងស្ថាបនា ត្រង់ចំណុចក្រុមទី០១ភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង។

លោកវរសេនីយ៍ឯក ផង់សុភាព អធិការនគរបាល ស្រុកថ្មគោល បានឲ្យដឹងនៅព្រឹកថ្ងៃទី២៥ ខែធ្នូនេះថារថយន្តដឹកទំនិញធុនធំ ម៉ាកហ៊ីយ៉ាន់ដាយ(HYUNDAI) ពណ៌ស ពាក់ស្លាកលេខ ភ្នំពេញ(3F-0169) បើកពីទិសខាងត្បូងទៅជើង ក្នុងល្បឿនលឿន បានបុកជាមួយរថយន្តកាមរី(Camry) ពណ៌ស ពាក់ស្លាកលេខ កំពង់ស្ពឺ(2A-0377) បណ្តាលឱ្យអ្នកបើកបរ និងអ្នករួមដំណើររថយន្តទាំងសងខាងស្លាប់ ចំនួន០៨នាក់ ប្រុស០៣នាក់ និងរបួសធ្ងន់ស្រាលចំនួន០៣ នាក់ប្រុស។

របាយការណ៍បន្តថា
១/អ្នកបើកបររថយន្តហ៊ីយ៉ាន់ដាយឈ្មោះ ឡេង សុភ័ក្រ ភេទប្រុស អាយុ២៨ឆ្នាំ រស់នៅភូមិអូរពងមាន់ ឃុំតាគ្រាម ស្រុកបាណន់ ខេត្តបាត់ដំបង (ស្លាប់ )។

២/អ្នករួមដំណើរឈ្មោះ ហ៊រ ហាន ប្រុស អាយុ១៨ ឆ្នាំ រស់នៅភូមិអូរពងមាន់ ឃុំតាគ្រាម ស្រុកបាណន់ ខេត្តពោធិ៍សាត់ (របួសស្រាល)។

៣/អ្នកបើកបររថយន្តកាមរីឈ្មោះ ឆន អុល ភេទប្រុស អាយុ៥៤ឆ្នាំ រស់នៅភូមិថ្មី ឃុំត្រពាំងជង ស្រុកបាកាន ខេត្តពោធិ៍សាត់ ( របួសធ្ងន់ )

៤/អ្នករួមដំណើរឈ្មោះ យឿន សុខ ភេទប្រុស ៣៩ឆ្នាំ រស់នៅភូមិព្រៃដំរី ឃុំបឹងខ្នារ ស្រុកបាកានខេត្តពោធិ៍សាត់ (ស្លាប់)។

៥/អ្នករួមដំណើរឈ្មោះ រស់ ពៅ ស្រី៣៨ ឆ្នាំរស់នៅភូមិព្រៃដំរី ឃុំបឹងខ្នារ ស្រុកបាកាន ខេត្តពោធិ៍សាត់ (ស្លាប់)

៦/អ្នករួមដំណើរឈ្មោះ រស់ មី ស្រី អាយុ ៥៧ឆ្នាំរស់នៅភូមិព្រៃដំរី ឃុំបឹងខ្នារ ស្រុកបាកាន ខេត្តពោធិ៍សាត់រស់នៅភូមិព្រៃដំរី ឃុំបឹងខ្នារ ស្រុកបាកាន ខេត្តពោធិ៍សាត់ (ស្លាប់) ។

៧/អ្នករួមដំណើរឈ្មោះ យឿន ចាន់នី ភេទស្រី អាយុ១៤ឆ្នាំ រស់នៅភូមិព្រៃដំរី ឃុំបឹងខ្នារ ស្រុកបាកាន ខេត្តពោធិ៍សាត់ (ស្លាប់)។

៨/អ្នករួមដំណើរឈ្មោះ យឿន ចាន់ណា ប្រុស អាយុ១៦ឆ្នាំរស់នៅភូមិព្រៃដំរី ឃុំបឹងខ្នារ ស្រុកបាកាន ខេត្តពោធិ៍សាត់ (ស្លាប់)។

៩/អ្នករួមដំណើរឈ្មោះ យឿន សាន់ ភេទប្រុស អាយុ១២ឆ្នាំរស់នៅភូមិព្រៃដំរី ឃុំបឹងខ្នារ ស្រុកបាកាន ខេត្តពោធិ៍សាត់ (ស្លាប់)។

១០/អ្នករួមដំណើរឈ្មោះ ឃុត គឹមសាន ភេទស្រី អាយុ៣៩ឆ្នាំ រស់នៅភូមិអន្លង់កូប ឃុំរបស់មង្គល ស្រុកមោងឫស្សី ខេត្តបាត់ដំបង (ស្លាប់) ។

១១/អ្នករួដំណើរឈ្មោះ យឿន វណ្ណឆាយ ភេទប្រុស អាយុ ១ឆ្នាំរស់នៅភូមិព្រៃដំរី ឃុំបឹងខ្នារ ស្រុកបាកាន ខេត្តពោធិ៍សាត់ (របួសស្រាល)។

អធិការស្រុកបានបញ្ជាក់ថា មូលហេតុ ដោយសារតែរថយន្តធុនតូច បែកកង់ ហើយបុកគ្នាតែម្ដង។ ជនរងគ្រោះទាំង៨នាក់ ដែលស្លាប់ សមត្ថកិច្ចចម្រុះ សម្រេចបូជា នៅវត្តអូតាគីទាំងអស់៕SRPដោយប៊ុនថេត

ខេត្តបាត់ដំបង៖ផ្ទះនិងរោងស្តុកឥវ៉ាន់ ត្រូវបាន អគ្គិភ័យបំផ្លាញ ដោយការដុតទៀនទុកចោល។

ហេតុការណ៍បានកើតឡើង នៅវេលាម៉ោង ៣និង៤០នាទីទៀបភ្លឺ ឈានចូលថ្ងៃទី២៣ ខែធ្នូ ឆ្នាំ២០២០ នេះ នៅចំណុចក្រុមទី១៩ ភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង។

សមត្ថកិច្ចមូលដ្ឋានបានអោយដឹងថា ផ្ទះត្រូវឆេះ មានទំហំ ៤ម៉ែត្រX៥ម៉ែត្រ ធ្វើអំពីឈើ ប្រក់ស័ង្កសី ដំបូលស័ង្កសី និងជញ្ជីងស័ង្កសី (ខូចខាតទាំងស្រុង ) មានម្ចាស់ឈ្មោះ យាន វឿត ភេទប្រុស អាយុ៦៣ឆ្នាំ រស់នៅភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង រួមនិងសម្ភារខូចខាតមាន -កង់ចំនួន០១ គ្រឿង និងគ្រែដេក០១ សរុបជាទឹកប្រាក់ចំនួន ១០០០ដុល្លារនឹងរបស់របរជាច្រើនទៀត។

ចំណែករោងទាមស្តុកឥវ៉ាន់០១ខ្នង មានទំហំ ៦ម៉ែត្រX៩ម៉ែត្រ ធ្វើអំពីឈើ ប្រក់ស័ង្កសី ដំបូលស័ង្កសី និងជញ្ជាំងស្បូវ (ខូចខាត២០%) ដែលមានម្ចាស់រោងឈ្មោះ
វង់ សុផាន់ណា ភេទប្រុស អាយុ៣៨ឆ្នាំ រស់នៅភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង សរុបជាទឹកប្រាក់ ចំនួន១០០ដុល្លារ។

ករណីនេះ សមត្ថកិច្ច ចុះអន្តរាគមន៍ ពន្លត់ដោយប្រើប្រាស់ទឹកអស់ចំនួន០១ឡានទើប អាចគ្រប់គ្រង បានទាំងស្រុង មិនអោយឆេះរាលដាល ទៅផ្ទះអ្នកជិតនោះទេ។

សមត្ថកិច្ចបានសន្និដ្ឋានថា មូលហេតុ ដែលផ្តើមអោយមានអគ្គិភ័យនេះ គឺបណ្តាលមកពីលោក យាន វឿត ដែលជាម្ចាស់ផ្ទះខាងលើបានដុតទៀនទុកចោល ដើម្បីថ្វាយបង្គំព្រះពេលទៀបភ្លឺ ទើបបណ្តាលអោយឆេះតែម្តង៕SRPដោយប៊ុនថេត

ខេត្តបាត់ដំបង៖កម្លាំងក្រុមអន្តរាគមន៍ បង្ការបង្ក្រាប សហការ ជាមួយការិយាល័យជំនាញ នឹង អធិការដ្ឋាននគរបាល ក្រុងបាត់ដំបង បានចុះ បង្ក្រាបល្បែងស៊ីសង ចំនួន ០២ ទីតាំង ។

លោកវរសេនីយ៍ឯក ឈឿង គឹមសុង ប្រធានការិយាល័យ នគរបាល ព្រហ្មទណ្ឌកម្រិតស្រាលនៃស្នងការខេត្តបាត់ដំបង បានអោយដឹងថា ប្រតិបត្តិការ នេះ ធ្វើឡើងនៅវេលាម៉ោង ១៧និង០០នាទី ថ្ងៃទី ២០ ខែ ធ្នូ ឆ្នាំ ២០២០ នៅចំណុចទីតាំង ទី ១ ស្ថិតក្នុងភូមិអូរចារ សង្កាត់ អូរចារ ក្រុងបាត់ដំបង។ ភ្នាល់កីឡាប្រដាល់។

ទីតាំង ទី ២ នៅ ចំណុច ភូមិ ចំការសំរោង ២ សង្កាត់ ចំការសំរោង ក្រុងបាត់ដំបង លេងល្បែងស៊ីសង ចាក់ភ្នាល់អាប៉ោង។

បើតាមប្រភពបានអះអាងថាករណីនេះ
សមត្ថកិច្ច បានឃាត់ខ្លួន អ្នកពាក់ព័ន្ធប្រព្រឹត្តលេងល្បែងស៊ីសង ចំនួន០៦ នាក់ រួមនឹងវត្ថុតាង មាន៖
១/កម្រាល កៅស៊ូ សម្រាប់ ចាក់ អាប៉ោង ០១
២/គម្រប ផ្តិល សម្រាប់ គ្រប អាប៉ោង ០១
៣/ចាន សម្រាប់បាញ់ អាប៉ោង ០១
៤/គ្រាប់ មេ អាប៉ោង ០១
៥/ចាន ជ័រ ដាក់ ដីខ្សាច់ សម្រាប់ ទ្រ ចាន អាប៉ោង ០១ ។

ជនសង្ស័យ ទាំង០៦នាក់ រួមនឹងវត្ថុតាង ត្រូវបាន សមត្ថកិច្ច បញ្ជូនមកកាន់ការិយាល័យជំនាញដើម្បីធ្វេីការសាកសួរ និងបន្តនីតិវិធីទៅតាមផ្លូវច្បាប់៕SRP ដោយប៊ុនថេត

Sponsored

ខេត្តបាត់ដំបង៖នគរបាលក្រុងបាត់ដំបងឃាត់ខ្លួនមុខសញ្ញាជួញដូរគ្រឿងញៀនយ៉ាងសកម្មចំនួន៣នាក់។

ការឃាត់ខ្លួនធ្វើឡើងនៅល្ងាចថ្ងៃទី ១៩ ខែធ្នូ ឆ្នាំ២០២០ នៅចំណុចភូមិ អណ្តូងព្រីង សង្កាត់ អូរម៉ាល់ ក្រុងបាត់ដំបង ខេត្តបាត់ដំបង។

លោកវរសេនីយ៍ឯក ឆាង វណ្ណឆៃ អធិការនគរបាល ក្រុងបាត់ដំបង បានប្រាប់អ្នកយកព័ត៌មាន នៅថ្ងៃទី២០ ខែធ្នូ នេះថា ជនសង្ស័យ១ឈ្មោះ លី ស៊ាវឃិញ ភេទប្រុស អាយុ ១៨ឆ្នាំ មានទីលំនៅ ភូមិ វត្តរកា សង្កាត់ អូរម៉ាល់ ក្រុងបាត់ដំបង ខេត្តបាត់ដំបង។

២ឈ្មោះ រុន រតន: ហៅ ណាក់ ឬ អិនឌី ភេទប្រុស អាយុ ២៤ ឆ្នាំមានទីលំនៅ ភូមិ អូរម៉ាល់ សង្កាត់ អូរម៉ាល់ ក្រុងបាត់ដំបង ខេត្តបាត់ដំបង។
៣ឈ្មោះ រុន រតនា ហៅ ម៉ន មានទីលំនៅភូមិ អូរម៉ាល់ សង្កាត់ អូរម៉ាល់ ក្រុងបាត់ដំបង ខេត្តបាត់ដំបង។

វត្ថុតាងដែលដកហូតបានរួមមាន៖
១/ម្សៅក្រាមពណ៌សថ្លាច្រកក្នុងថង់ប្លាស្ទិក ចំនួន០៤ ថង់ សង្ស័យមានសារធាតុញៀន
២/ទូរស័ព្ទដៃចំនួន២ គ្រឿង
៣/កាបូបសំរាប់ដាក់លុយពណ៌ខ្មៅ០១
៤/សម្ភារប្រើប្រាស់ និងច្រករំលែកថ្នាំញៀនលក់ ១ចំនួនទៀត។

បច្ចុប្បន្ន ត្រូវបានកសាងសំណុំរឿង បញ្ជូនទៅកាន់តុលាការ ដើម្បីអនុវត្តតាមផ្លូវច្បាប់៕SRPដោយប៊ុនថេត

ខេត្តបាត់ដំបង៖ស្ត្រីម្នាក់បានចតម៉ូតូ ចូលទៅក្នុងផ្សារ ដើម្បីទិញត្រី ត្រូវចោរកាច់កយកម៉ូតូ ទៅបាត់។

ហេតការណ៍បានកើតឡើង នៅព្រឹក ថ្ងៃទី១៩ ខែធ្នូ ឆ្នាំ២០២០ វេលាម៉ោង៩និង០០នាទីស្ថិតនៅត្រង់ចំណុច ផ្សារបឹងឈូក ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។

ស្ត្រីឈ្មោះគង់ វល័ក្ខ ភេទស្រីអាយុ២៦ឆ្នាំមុខរបរជាងអ៊ុតសក់រស់នៅម្តុំស្រែ១០០ភូមិដាស្ពៃ សង្កាត់ស្លាកែត ក្រុងបាត់ដំបង បានប្រាប់អ្នកយកព័ត៌មាន ថា គាត់ជាម្ចាស់ម៉ូតូ ដែលចោរកាច់ក យកទៅបាត់។ ម៉ូតូម៉ាកហុងដាគ្លីកពណ៌សពាក់ស្លាកលេខ បាត់ដំបង 1AE7744។

ស្ត្រីរូបនេះបន្តទៀតថា មុនដំបូងគាត់បានជិះម៉ូតូចេញពីផ្ទះ ដើម្បីមកផ្សារទិញត្រីត្រង់ចំណុចនៅផ្សារបឹងឈូក ក៏បានឈប់នៅក្បែរ ផ្សារចាក់សោរកចោល មិនបានយកផ្ញើរចំណតផាសុីម៉ូតូនោះទេ ដោយគិតថាចូលតែប្រហែលជា១០នាទី លុះពេលចេញពីផ្សារមកវិញ ក៏មិនឃើញម៉ូតូតែម្តង។

គួរបញ្ជាក់ថា ក្រោយកើតហេតុ រួចនៅព្រឹកថ្ងៃដដែល ស្ត្រីជាម្ចាស់ម៉ូតូ ក៏បាន ទៅដាក់ពាកបណ្តឹង នៅប៉ុស្តិ៍ប៉ូលិស ដើម្បីឲ្យជួយ អន្តរាគមន៏នឹងស្វែងរកម៉ូតូរបស់ខ្លួនមកវិញផងដែរ៕SRPដោយប៊ុនថេត

ខេត្តបាត់ដំបង៖អាជីវករ បានរងការរិះគន់ អ្នកគ្រប់គ្រង អប្សរាផ្សារលើ ដោយសារយកប៉ារ៉ាស់បិទផ្លូវ សាធារណ: ហាមមិនអោយរថយន្តតូចធំឆ្លងកាត់ និងមិនអោយមានការលក់ដូរ ប៉ុន្តែបែធ្វើជាកន្លែងផ្ញើរម៉ូតូ ប្រមូលលុយ តាមអំពើចិត្តទៅវិញ។ អប្សរាផ្សារលើ ស្ថិតនៅក្រុមទី១២ភូមិកម្មករ សង្កាត់ស្វាយប៉ោ ក្រុងបាត់ដំបង។

ប្រជាពលរដ្ឋ និងជាអាជីវករ បានប្រាប់ក្រុមអ្នកយកព័ត៌មាន នៅព្រឹកនេះថា ពួកគាត់មានការមិនពេញចិត្ត ចំពោះម្ចាស់គ្រប់គ្រង អប្សរាផ្សារលើ ដែលបានដាក់ប៉ារ៉ាស់បិទផ្លូវ មិនអោយរថយន្តគ្រប់ប្រភេទចរាចរណ៍ ឆ្លងកាត់និងដេញមិនអោយមានការលក់ដូរនៅទីនោះ ដើម្បីការពារ ការបាក់ផ្លូវច្រាំងស្ទឹងបន្ថែម បែជាយកម៉ូតូមកដាក់ផ្ញើ ធ្វើមានធ្វើបានបុគ្គលទៅវិញ។ ការដាក់កន្លែងផ្ញើម៉ូតូបែបនេះ បានបណ្ដាលឲ្យរាំងស្ទះដល់ការងារ ប្រកបរបររកស៊ីរបស់ពួកគាត់ប្រចាំថ្ងៃផងដែរ។ ដូច្នេះពួកគាត់សុំសំណូមពរ ទៅដល់លោកអភិបាលខេត្ត ជួយដោះស្រាយ អោយពួកគាត់បានលក់ដូរ នៅទីនេះផង ហើយបើសិន ជាខាងអាជ្ញាធរចុះរៀបចំធ្វើពេលណា ពួកគាត់ចាកចេញភ្លាម។

ពាក់ព័ន្ធទៅនឹងការរិះគន់នេះ លោក សេង សិរីរតន: ជាអ្នកគ្រប់គ្រង អប្សរាផ្សារលើ បានប្រាប់ថា៖ លោកធ្វើនេះ មិនធ្វើដោយចិត្តឯងទេ គឺធ្វើទៅតាមចំណា របស់ អភិបាលខេត្ត ដោយសារខ្លាចប៉ះពាល់បាក់ច្រាំងស្ទឹង។ ដូច្នេះទើបគាត់សុំធ្វើម៉ិចផ្អាកការលក់ដូរនៅទីនេះ លុះត្រាតែជួសជុលជ្រាំងស្ទឹងហើយ ទើបគិតតាមហ្នឹងទៀត។ ចំពោះការដាក់ផាស៊ីផ្ញើម៉ូតូ លើផ្លូវ លោកថា បើខាងលោកមិនយកម៉ូតូមកដាក់ផ្ញើទេ ពួកគាត់ នឹងមកលក់ដូរនៅទីនោះទៀត។

លោក ផេង សិទ្ធី អភិបាល ក្រុងបាត់ដំបង លោកបានឆ្លើយតបតាមរយៈទូរស័ព្ទថា៖ ពេលនេះ លោកកំពុងជាប់ប្រជុំ ហើយនៅពេលប្រជុំចប់លោកនឹងចុះទៅពិនិត្យមើល។ ដូច្នេះសូមអោយពលរដ្ឋ នៅស្ងៀមសិនទៅ ព្រោះខ្លាចក្រែង ធ្លាក់ទៅវាគ្រោះថ្នាក់ ដល់អាយុជីវិតគាត់ទេ។ ហើយគាត់មិនត្រូវធ្វើអ្វី តាមតែចិត្តគាត់ទេ ពេលប្រជុំចប់ នឹងចុះទៅចាត់ចែងរឿងហ្នឹងហើយ។

គួរបញ្ជាក់ថា យោងតាមលិខិតរដ្ឋបាលខេត្តបាត់ដំបង កាលពីថ្ងៃទី០៧ ខែធ្នូ ឆ្នាំ២០២០ ជម្រាបមកលោកអគ្គនាយកក្រុមហ៊ុន តារ៉ា អុីមផត ខូ.អិលធីឌី(អប្សារាផ្សារលើ) កម្មវត្ថុ ករណីស្នើសុំជួសជុលការបាក់ច្រាំងស្ទឹងនៅខាងកើតផ្សារលើស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់បង យោងលិខិតលេខ ៦៥៦សក.បប ចុះថ្ងៃទី២៥ ខែវិច្ឆិកា ឆ្នាំ២០២០ របស់មន្ទីរសាធារណការនិងដឹកជញ្ជូនខេត្ត តបតាមកម្មវត្ថុ និងយោងខាងលើ សូមជម្រាបមកលោកអគ្គនាយកក្រុមហ៊ុនតារ៉ា អុីមផត ខូ.អិលធីឌី(អប្សារាផ្សារលើ)ជ្រាបថា ករណីការបាក់ច្រាំងស្ទឹងនៅខាងកើតផ្សារលើស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង រដ្ឋបាលខេត្តសម្រេចផ្អាកការធ្វើចរាចរណ៍សម្រាប់ឡានធំនិងការលក់ដូរនៅទីនោះជាបណ្ដោះអាសន្ន ដើម្បីការពារការបាក់ច្រាំងស្ទឹងបន្ថែម ព្រមទាំងសុវត្ថិភាពរបស់ប្រជាពលរដ្ឋក្នុងការធ្វើចរាចរណ៍ទៅមកនិងអាជីវករលក់ដូរនៅទីនោះដែលអាចកើតឡើងជាយថាហេតុមិនខានឡើយ៕SRPដោយប៊ុនថេត

Sponsored

ខេត្តបាត់ដំបង៖«ដីភ្នំវត្តតាមាឃ» ត្រូវប្រជាពលរដ្ឋ រាយការណ៍ថា គ្រឿងចក្រកំពុងតែធ្វើការកាយយកអាចម៍ដី យ៉ាងគគ្រេឹកគគ្រេង ហើយកំពុងប្រឈមទៅនឹងរលាយបាត់ពីផែនដីផងដែរ។

ដីភ្នំវត្តតាមាឃ គឺស្ថិតនៅត្រង់ចំណុច ភូមិលៀវ ឃុំអណ្តើកហែប ស្រុករតនមណ្ឌល ខេត្តបាត់ដំបង។

ពលរដ្ឋថាដីភ្នំវត្តតាមាឃ នេះ ត្រូវបានគ្រឿងចក្ររបស់អង្គភាពសុីម៉ាក់ ចូលទន្ទ្រានកាយយកអាចម៍ដី ស្ទើរអស់ពាក់កណ្តាលភ្នំទៅហើយ។

ប្រជាពលរដ្ឋ រស់នៅក្បែរទៅនឹងទីតាំងខាងលើបានប្រាប់ អ្នកសារព័ត៌មាន៖ ជារៀងរាល់ថ្ងៃពួកគាត់ ឃើញរថយន្តដឹកដី ចេញពីភ្នំវត្តតាមាឃ ដោយមិនដឹងថាការដឹកជញ្ជូនកាយនោះមានលិខិតអនុញ្ញាតដែរឬយ៉ាងណានោះទេ។

ជុំវិញការកាយដី ភ្នំវត្តតាមាឃ នេះ លោក នៅ រតនា ប្រធានអង្គភាពកំចាត់មីន(សុីម៉ាក់) បានប្រាប់អ្នកសារព័ត៌មាន ថា៖ គ្រឿងចក្រខាងលើ ជារបស់អង្គភាព របស់គាត់ ហើយការចូលយកអាចម៍ដី គឺជាប្រូសេស របស់ខេត្តស្នើសុំ ហើយក្រុមហ៊ុនអភិវឌ្ឈ របស់គាត់។ គ្រឿងចក្រ នេះ មិនមែន ឯកជនទេ គឺជារបស់រដ្ឋនិងការស្នើសុំ ពីខាងភូមិ ឃុំ ស្រុក និងមានការឯកភាពពីខេត្តត្រឹមត្រូវ។ ចំណែក ការយកដីគ្រួស ទៅធ្វើផ្លូវនោះ មានប្រវែង៣០គីឡូម៉ែត្ររយ:ពេលនៃការជួសជុសផ្លូវ មួយឆ្នាំពេញ និងមានដៃគូជាមួយក្រុមហ៊ុនជប៉ុន ហើយត្រូវបញ្ចប់នៅខែ១ឆ្នាំ២០២១។

ទោះជាយ៉ាងណា លោក អ៊ាន មាឃ ប្រធានមន្ទីររ៉ែនិងថាមពលខេត្ត បានថ្លៃថា ពាក់ព័ន្ធ គ្រឿងចក្រ ចូលយកដីភ្នំ នៅចំណុច«វត្តតាមាឃ» ខាងមន្ទីរមិនទាន់ បានទទួល លិខិតស្នាម ពីខាងឃុំ ស្រុកនៅឡើយទេ។

លោកប្រធានមន្ទីរថា៖ បញ្ហានេះ លោកនឹងចាត់ឲ្យមន្ត្រី ចុះទៅពិនិត្យ មើលជាក់ស្តែងនៅព្រឹកនេះ៕SRPដោយប៊ុនថេត

ខេត្តបាត់ដំបង៖មនុស្សប្រុសស្រីចំនួន១១នាក់ ត្រូវបានប៉ូលិសខេត្តបាត់ដំបង ឃាត់ខ្លួននាំយកទៅកាន់ស្នងការ ដើម្បីសាកសួរ ពាក់ព័ន្ធករណីប្រតិបត្តិការ បង្ក្រាបល្បែងស៊ីសង តាមប្រព័ន្ធអីនធឺណិត។

មន្ត្រីនគរបាលខេត្តបានឲ្យដឹងថា ការបង្ក្រាបនេះធ្វើនៅរសៀលថ្ងៃទី ១៣ ខែ ធ្នូ ម្សិលមិញ ដោយធ្វើ ចំនួន ០២ ទីតាំង នៅក្នុងក្រុមទី ០៨ ភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។ ក្នុងនោះ ក៏បានដកហូតនូវសម្ភារឧបករណ៍ មួយចំនួនធំផងដែរ។

មន្ត្រីនគរបាលបានបញ្ជាក់ថា ទីតាំងដែលបានបេីកប្រកបមុខរបរអិនធឺណែតInternet ដែលមានច្បាប់អនុញ្ញាតត្រឹមត្រូវ តែមានលួចលាក់បង្កប់នូវសកម្មភាពល្បែងស៊ីសង ដោយខុសច្បាប់នោះ សមត្ថកិច្ចនឹងចាត់វិធានការបង្រ្កាប និងបញ្ជូនទៅតុលាការ ផ្តន្ទាទោសតាមផ្លូវច្បាប់។ ដូច្នេះម្ចាស់ទីតាំងដែលកំពុងប្រកបមុខរបរនេះ សូមកុំប្រព្រឹត្តសកម្មភាព ល្មេីសច្បាប់ឱ្យសោះ៕SRP

Sponsored

ខេត្តបាត់ដំបង៖ប្រជាពលរដ្ឋ បានលើកឡើងថា ក្រុមហ៊ុនវីរៈប៊ុនថាំ អេចប្រេស ទេសចរណ៍និងដឹកអ្នកដំណើរ បានយកចំណីរផ្លូវ ធ្វើអាជីវកម្មផ្ទាល់ខ្លួន ជាច្រើនឆ្នាំមកហើយ ធ្វើឲ្យផ្លូវនេះមានការកកស្ទះជារៀងរាល់ថ្ងៃ។

ប្រជាពលរដ្ឋបានបន្តថា បើទោះបីក្រុមហ៊ុនវីរៈ ប៊ុនថាំ បានយកចំណីរផ្លូវធ្វើអាជីវកម្ម ផ្ទាល់ខ្លួនតាមអំពើចិត្ត យ៉ាងណាក៏ដោយ ក៏ពួកគាត់មិនដែលឃើញ អាជ្ញាធរសមត្ថកិច្ច ជំនាញណាចុះមកហាមឃាត់នោះទេ។

ការដែល អាជ្ញាធរសមត្ថកិច្ច ជំនាញ មិនចុះហាមឃាត់ ឬរៀបចំសណ្ដាប់ធ្នាប់ ឲ្យល្អយ៉ាងដូច្នេះ ពួកគាត់មានការសង្ស័យថា ម្ចាស់ទីតាំងក្រុមហ៊ុនវីរៈប៊ុនថាំ ត្រូវរ៉ូវ គ្នាជាមួយអាជ្ញាធរសមត្ថកិច្ច ពាក់ព័ន្ធ ទើបបណ្ដែតបណ្ដោយ ឲ្យក្រុមហ៊ុននេះ យកចំណីរផ្លូវ ធ្វើអាជីវកម្ម យ៉ាងអនាធិបតេយ្យ ដោយឥតអៀនខ្មាស់។

ប្រជាពលរដ្ឋបានបញ្ជាក់ថា ទីតាំងដែលក្រុមហ៊ុនវីរៈប៊ុនថាំ យកចំណីរផ្លូវ ធ្វើជាអាជីវកម្មផ្ទាល់ខ្លួន ស្ថិតនៅត្រង់ចំណុច ចំណតផ្សារបឹងឈូក ក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។

បើតាមពលរដ្ឋ បានបញ្ជាក់ថា ការដែលកកស្ទះចរាចរណ៍ រៀងរាល់ថ្ងៃ នៅចំណុចខាងលើ ដោយសារតែក្រុមហ៊ុនវីរៈប៊ុនថាំ មានការចតម៉ូតូឬឡានដោយអនាធិបតេយ្យ នៅលើចិញ្ចើមផ្លូវ ធ្វើឲ្យផ្លូវរួមតូច ទើបមានការកកស្ទះ។

ទោះជាយ៉ាងណា ពលរដ្ឋ សង្ឃឹមថា អាជ្ញាធរសមត្ថកិច្ចក្រុងបាត់ដំបង និងចុះរៀបចំសណ្ដាប់ធ្នាប់ នៅទីតាំងនេះ ជាក់ជាពុំខានឡើយ។

ជុំវិញការលើកឡើង របស់ប្រជាពលរដ្ឋ បែបនេះ បណ្ដាញ សៀមរាបប៉ុស្តិ៍ នៅមិនទាន់ទទួលបានការបំភ្លឺ ពីអភិបាលក្រុងបាត់ដំបង លោកផេង រិទ្ធី នៅឡើយទេ៕SRP

ខេត្តបាត់ដំបង៖ប៉ូលិសខេត្តបាត់ដំបង បានឆ្មក់បង្ក្រាបទីតាំងវង់ល្បែង ស៊ីសងអាប៉ោងមួយកន្លែង នឹងឃាត់ខ្លួនអ្នកពាក់ព័ន្ធចំនួន៧នាក់ បញ្ជូនទៅតុលាការ។ ប៉ុន្តែការបង្ក្រាបបែបនេះ ត្រូវបានពលរដ្ឋ នៅក្រុងបាត់ដំបង មើលឃើញថា ប៉ូលិសខេត្តបាត់ដំបង ចុះបង្ក្រាប រើស ទីតាំងវង់ល្បែងស៊ីសង។ ដោយហេតុថាវង់ល្បែង នៅភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង នៅតែដំណើរការបើកលេងយ៉ាងគគ្រឹកគគ្រេងបំផុត ដោយមិនមានការបង្ក្រាបនោះទេ។ វង់ល្បែងនៅចំណុចខាងលើ មានដូចជា បៀរ អាប៉ោងនិងធួរឬគ្រាប់អំពិល ដោយភ្នាល់គ្នាចាញ់ឈ្នោះរាប់ពាន់ម៉ឺនដុល្លារ។ ការដែលមានវង់ល្បែងស៊ីសង នៅភូមិចំការសំរោង២ អាចបើកលេងបានដោយរលូន មិនមែនជារឿងចម្លែកនោះទេ មានន័យថាប្រសិនគ្មានសែន ម្ចាស់ទឹកដី ត្រូវទេនោះ នឹងប្រឈមការបង្ក្រាបដូចនៅស្រុកថ្មគោល យ៉ាងដូច្នោះ។

សូមបញ្ជាក់់ថាមនុស្ស០៧នាក់ ត្រូវបាននគរបាលខេត្តបាត់ដំបង ឃាត់ខ្លួន នៅថ្ងៃទី ១១ ខែធ្នូ ឆ្នាំ២០២០ វេលាម៉ោង១៤និង៥០នាទី ម្សិលមិញ ក្នុងករណីបង្ក្រាបល្បែងអាប៉ោង។

ការបង្ក្រាបធ្វើនៅ ចំណុចភូមិអូរញ ឃុំបឹងព្រីងស្រុកថ្មគោល ខេត្តបាត់ដំបង ដោយលោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងជំនាញសហការជាមួយក្រុមអន្តរាគមន៍ បង្ការបង្រ្កាប រូមជាមួយនគរបាលស្រុកថ្មគោល តាមបញ្ជារបស់លោកឧត្ដមសេនីយ៍ទោសាត គឹមសាន ស្នងការខេត្តបាត់ដំបង និងតាមណែនាំរបស់លោកវរសេនីយ៍ឯកលឹម ពុទ្ធីឡា ស្នងការរងផែនការងារ នគរបាលព្រហ្មទណ្ឌ។

ប៉ូលិសខេត្តបាត់ដំបងបានបញ្ជាក់ថាប្រតិបត្តិការនេះ ដកហូតវត្ថុតាង

– បៀរចំនួន០៣ហ៊ូ

– គ្រាប់អាប៉ោងចំនួន០២ គ្រាប់

– ផ្តិលគ្របអាប៉ោងចំនួន០១

– ចានសម្រាប់បាញ់អាប៉ោងចំនួន០១

– ឈើឫស្សីសម្រាប់សង្កត់ប្រាក់ចំនួន០៥

– ចានដាក់ដីសម្រាប់ទ្រចានបាញ់អាប៉ោងចំនួន០១

– ឧបករណ៍សម្រាប់ កិប នឹងគ្រាប់កិបចំនួន ០១

– ម៉ូតូចំនួន០៤គ្រឿង

គួរបញ្ជាក់ថានៅក្រុងបាត់ដំបង តែងតែមានអំពើចោរកម្ម យ៉ាងរីករាលដាល បើទោះបីជាមានការរឹតបន្តឹងពីអាជ្ញាធរសមត្ថកិច្ច យ៉ាងណាក៏ដោយ។ ក្នុងនោះក៏អាចតែក្រុងបាត់ដំបង មានល្បែងស៊ីងជាច្រើនផងដែរ ជាពិសេស វង់ល្បែងនៅភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង តែម្ដង៕SRP

Sponsored