ខេត្តកំពង់ធំ

ខេត្តកំពង់ធំ៖ និស្សិតម្នាក់ត្រូវបាន រថយន្តសាំងយ៉ុង បើកល្បឿនលឿនទៅបុកចំពេញទំហឹងខណ:កំពុងជិះម៉ូតូឆ្លងថ្នល់អូសជាង១០០ម៉ែតបណ្តាលឲ្យប៉ោកក្បាលស្លាប់ភ្លាប់ៗ។

ហេតុការណ៍នេះបានកើតឡើងនៅល្ងាចថ្ងៃទី១ កក្កដា ម្សិលមិញនៅតាមបណ្តោយផ្លូវជាតិលេខ០៦ ក្នុងភូមិបន្ទាយយោមរាជ ឃុំប្រាសាទ ស្រុកសន្ទុក ខេត្តកំពង់ធំ។

សមត្ថកិច្ចបានឲ្យដឹងថានារីរងគ្រោះឈ្មោះ ទែន ឡៃឈា ហៅស្រីណែត អាយុ២៣ឆ្នាំទីលំនៅ ភូមិ ឃុំ កើតខាងលើ។
ចំណែកតៃកុងរថយន្តឈ្មោះវ័ន វ៉ាន់ធូ ភេទប្រុសអាយុ២៣ឆ្នាំ ទីលំនៅភូមិទួលរការ ឃុំកណ្តុរជ្រុំ ស្រុកពញ្ញាក្រែក ខេត្តត្បូងឃ្មុំ។

យោងតាមប្រភពបានឲ្យដឹងថាមុនពេលកើតហេតុ គេឃើញរថយន្តបង្កពាក់ស្លាកលេខកំពង់ស្ពឺ២A១០៣៦ពណ៌សពីត្បូងទៅជើងដោយបានវ៉ាជែងរថយន្តមួយគ្រឿងទៀត ទៅបុកជនរងគ្រោះដែលជិះម៉ូតូហុងដាបណ្ដាលឲ្យស្លាប់តែម្ដង។ ក្រោយកើតហេតុរថយន្តបង្កបានព្យាមយាមបើករត់ ប៉ុន្តែត្រូវបានកម្លាំងអាវុធហត្ថស្រុកសន្ទុកតាមចាប់បាន និងប្រគល់ឲ្យប៉ូលិសចរាចរណ៍យកទៅដោះស្រាយ។ ចំណែកនារីរងគ្រោះសាច់ញាតិយកទៅធ្វើបុណ្យតាមប្រពៃណី៕SRP

ខេត្តកំពង់ធំ៖លោកឧត្តមសេនីយ៍ទោ អ៊ុកកុសល ស្នងការនគរបាលខេត្តកំពង់ធំ បានប្រាប់បណ្ដាញសារព័ត៌មានសៀមរាបប៉ុស្ដិ៍នៅមុននេះបន្តិចថា
សូមបញ្ជាក់ជូនបងប្អូន សារព័ត៌មានថា នារីមុខសញ្ញាដែលជាជន ប្រព្រឹត្តបទល្មើសខាងលើនេះ មានមុខរបរអតីត ជានារីបម្រើសេវ៉ាខារ៉ាអូខេ គាត់ មិនមែនជានគរបាល នារីនោះទេ។
លោកឧត្តមសេនីយ៍ស្នងការខេត្តកំពង់ធំបញ្ជាក់យ៉ាងដូច្នេះបន្ទាប់ពីមានសារព័ត៌មានមួយចំនួនបានចុះផ្សាយថាមានស្ត្រីជានគរបាលចរាចរណ៍មួយរូបកាប់ទៅលើនគរបាលចរាចរណ៍ដូចគ្នាបណ្ដាលឱ្យរងរបួស។
សូមបញ្ជាក់ថាហេតុការណ៍បានកើតឡើងនៅថ្ងៃទី៣០ខែមិថុនាឆ្នាំ២០២០វេលាម៉ោង១០និងង១០នាទី នៅឃុំច្រនាង ស្រុកតាំងគោក ខេត្តកំពង់ធំ។
ប្រភពបានឲ្យដឹងថាជនសង្ស័យមានឈ្មោះរិទ្ធ ស្រីនាង ភេទស្រីអាយុ២៨ឆ្នាំរស់នៅភូមិដំរីជាន់ខ្លា សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ។
ប្រភពបានបន្តថាស្ត្រីជាជនសង្ស័យ
បានប្រើកាំបិតកាប់ទៅលើបុរសមានឈ្មោះខៀន សុខល័ក្ខ ភេទប្រុសអាយុ៣៣ឆ្នាំមុខរបធ្វើប៉ូលិសចរាចរណ៍ រស់នៅភូមិតាំងក្រសៅ ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ បណ្ដាលឲ្យ រងរបួសចំភ្លៅផ្នែកខាងឆ្វេង។
បើតាមប្រភពបានឲ្យដឹងថាក្រោយពីកើតហេតុជនរងគ្រោះត្រូវបានបញ្ជូនទៅមន្ទីពេទ្យបង្អែកបារាយណ៍ សន្ទុក។ ចំណែកជនសង្ស័យក្រោយ បានរត់គេចខ្លួនបាត់ស្រមោល។
ទោះយ៉ាងណាករណីខាងលើនេះបណ្ដាញសារព័ត៌មានសៀមរាបប៉ុស្តិ៍ នៅមិនទាន់ទទួលបានការបំភ្លឺពីលោកសន ថាល់ អធិការស្រុកតាំងគោក នៅឡើយទេ។បើតាមប្រភពករណីហិង្សានេះអាចបណ្ដាលមក ប្រច័ណ្ឌនិងគ្នាទើបឈានដល់ការប្រើអំពើហិង្សាបែបនេះ៕SRP

ខេត្តកំពង់ធំ៖ស្ត្រីជានគរបាលចរាចរណ៍ម្នាក់ កាប់បុរសម្នាក់ជានគរបាលចរាចរណ៍ដូចគ្នា បណ្ដាលឱ្យរងរបួស។
ហេតុការណ៍បានកើតឡើងនៅ
ថ្ងៃទី៣០ខែមិថុនាឆ្នាំ២០២០វេលាម៉ោង១០និងង១០នាទី នៅឃុំច្រនាង ស្រុកតាំងគោក ខេត្តកំពង់ធំ។
ប្រភពបានឲ្យដឹងថាជនសង្ស័យមានឈ្មោះរិទ្ធ ស្រីនាង ភេទស្រីអាយុ២៨ឆ្នាំមុខរបធ្វើប៉ូលិសចរាចរណ៍រស់នៅភូមិដំរីជាន់ខ្លា សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ។
ប្រភពបានបន្តថាស្ត្រីជាជនសង្ស័យ
បានប្រើកាំបិតកាប់ទៅលើបុរសមានឈ្មោះខៀន សុខល័ក្ខ ភេទប្រុសអាយុ៣៣ឆ្នាំមុខរបធ្វើប៉ូលិសចរាចរណ៍ រស់នៅភូមិតាំងក្រសៅ ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ បណ្ដាលឲ្យ រងរបួសចំភ្លៅផ្នែកខាងឆ្វេង។

បើតាមប្រភពបានឲ្យដឹងថាក្រោយពីកើតហេតុជនរងគ្រោះត្រូវបានបញ្ជូនទៅមន្ទីពេទ្យបង្អែកបារាយណ៍ សន្ទុក។ ចំណែកជនសង្ស័យក្រោយ បានរត់គេចខ្លួនបាត់ស្រមោល។
ទោះយ៉ាងណាករណីខាងលើនេះបណ្ដាញសារព័ត៌មានសៀមរាបប៉ុស្តិ៍ នៅមិនទាន់ទទួលបានការបំភ្លឺពីលោកសន ថាល់ អធិការស្រុកតាំងគោក នៅឡើយទេ។បើតាមប្រភពករណីហិង្សានេះអាចបណ្ដាលមកប្រច័ណ្ឌនិងគ្នា៕SRP

ខេត្តកំពង់ធំ៖សមត្ថកិច្ចអាវុធហត្ថស្រុកបារាយណ៍បានចាប់ខ្លួនជនសង្ស័យម្នាក់ករណីលួចម៉ូតូ។ហេតុការណ៍បានធ្វើឡើងនៅថ្ងៃទី២៧ខែមិថុនាឆ្នាំ២០២០វេលាម៉ោង៧ព្រឹកតាមបណ្តោយផ្លូវអាស៊ានវាងផ្សារកំពង់ថ្ម  ចំណុចមុខផ្ទះជនរងគ្រោះ ស្ថិតនៅភូមិដូង ឃុំបល្ល័ង្គស្រុកបារាយណ៍ខេត្តកំពង់ធំ។

លោកសេង សំ មេបញ្ជាការរងអាវុធហត្ថស្រុកបារាយណ៍បានឲ្យដឹងថា ម៉ូតូដែលជនសង្ស័យលួចម៉ាកឌ្រីមសង់C125ពណ៌ខ្មៅសេរី២០០៨ស្លាកលេខកំពង់ធំ 1A.7943។ម្ចាស់ម៉ូតូឈ្មោះប៉ិច  សុធា  ភេទប្រុសអាយុ៣៩ឆ្នាំមុខរបរជាគ្រូបង្រៀន  ទីលំនៅភូមិដូង  ឃុំបល្ល័ង្គ  ស្រុកបារាយណ៍  ខេត្តកំពង់ធំ។

ចំណែកជនសង្ស័យឈ្មោះសុខ  លើម  ភេទប្រុសអាយុ៣៣ឆ្នាំ  មុខរបរមិនពិត្យប្រាកដ  ទីលំនៅភូមិថ្នល់  ឃុំដា  ស្រុកកំពង់លែងខេត្តកំពង់ឆ្នាំង។

លោកប៉ិច សុធា ដែលជាម្ចាស់ម៉ូតូបានឲ្យដឹងថាមុនពេលកើតហេតុគាត់បានបញ្ចេញម៉ូតូពីក្នុងផ្ទះមកក្រៅហើយក៏រៀបចំផ្ទះបន្តិចបន្តួច។មួយសន្ទុះក្រោយមកក្រឡេកមើលម៉ូតូក៏ឃើញបុរសម្នាក់បណ្ដើរម៉ូតូរបស់គាត់ដល់ថ្នល់ជាតិ ហើយលោកក៏រត់តាមដេញទាន់ហើយរាយការណ៍ទៅកម្លាំងអាវុធហត្ថដែលនៅក្បែរផ្ទះគាត់តែម្ដង។សមត្ថកិច្ចបានឲ្យដឹងថាម៉ូតូប្រគល់ឲ្យម្ចាស់វិញ។ចំណែកជនសង្ស័យកសាងសំណុំរឿងទៅតាមផ្លូវច្បាប់៕SRP

ខេត្តកំពង់ធំ៖មនុស្សបីនាក់ត្រូវបានប៉ូលិសស្រុកតាំងគោកឃាត់ខ្លួនពាក់ព័ន្ធលេងល្បែងស៊ីសង។
ការបង្ក្រាបនេះធ្វើឡើងនៅថ្ងៃទី២០ខែ មិថុនាម្សិលមិញនៅចំណុចក្រោយផ្ទះ
ក្នុងភូមិទួលទំពូង ឃុំជ្រលង ស្រុកតាំងគោក។
មន្ត្រីនគរបាលខេត្តកំពង់ធំបានថ្លែងឲ្យដឹងនៅព្រឹកថ្ងៃអាទិត្យទី២១ខែមិថុនានេះថាក្រោមការណែនាំពីលោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ និងដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពង់ធំ កម្លាំងអធិការដ្ឋាននគរបាលស្រុកតាំងគោក បានចុះបង្ក្រាបល្បែងសុីសង ខុសច្បាប់(បៀរ)ខាងលើ។
មន្ត្រីនគរបាលខេត្តកំពង់ធំបានថ្លែងបន្តថាជនសង្ស័យអ្នកលេង០៣នាក់៖
០១.ឈ្មោះ ងួន គឹមសៀន ភេទស្រីអាយុ ៥៥ ឆ្នាំ ភូមិទួលទំពូង ឃុំជ្រលង ស្រុក តាំងគោក ខេត្តកំពង់ធំ  ជាអ្នកលេង ។
០២. ឈ្មោះ ហែម អិត ភេទ ស្រីអាយុ ៥៥ ឆ្នាំ នៅភូមិត្រពាំងកក់ ឃុំនសំពងជ័យ ស្រុកជើងព្រៃ
ខេត្តកំពង់ចាម ជាអ្នកលេង។
០៣.ឈ្មោះ អួន ម៉ាប់ ភេទស្រីអាយុ ៥០ ឆ្នាំ នៅភូមិ ច្រនាង ឃុំជ្រលង ស្រុក តាំងគោក ខេត្តកំពង់ធំ ជាអ្នកលេង។
បើតាមមន្ត្រីនគរបាលខេត្តកំពង់ធំបានថ្លែងថាសមត្ថកិច្ចដកហូតបានវត្ថុតាងមាន៖ ម៉ូតូហុងដា១២៥ ចំនួន០២គ្រឿង,ទូរស័ព្ទដៃចំនួន ០២ គ្រឿង,បៀរនីឡុងចំនួន០២ហ៊ូ ស្មើនឹង១០៤ សន្លឹក,ស្បែកជើងចំនួន ០៩ គូ, កម្រាលក្រណាត់
ចំនួន ០១, លុយរៀលចំនួន ៧២២.០០០រៀល
និងលុយដុល្លាចំនួន០៤ដុល្លា។ករណីខាងលើនេះ សមត្ថកិច្ច បាននាំមនុស្ស រួមទាំងវត្ថុតាង យកមកកាន់អធិការដ្ឋាននគរបាលស្រុកតាំងគោក ដើម្បីបំពេញឯកសារតាមនីតិវិធី៕SRP