ខេត្តសៀមរាប

ខេត្តសៀមរាប៖សេចក្ដីរាយការណ៍ព័ត៌មានបឋមបានឲ្យដឹងថារថយន្តសណ្តោងស៊ីតែនមួយគ្រឿងត្រូវបានកម្លាំងអាវុធហត្ថខេត្តសៀមរាបបង្ក្រាបបាន។ហេតុការណ៍បានធ្វើនៅវេលាម៉ោង១៦និង៣០នាទី​ ថ្ងៃ​ទី​២២​ ខែឧសភា​ ឆ្នាំ២០២០​ នៅ​ចំណុច​ ភូមិ​ធ្ល​កអណ្តូង​ សង្កាត់​ស្ល​ក្រាម​ ក្រុង​សៀមរាប​​​ ខេត្តសៀមរាប។

ការបង្ក្រាបនេះដឹក​នាំ​ដោយ​លោក​ ​វរសេនីយ៍ឯក​ សេង​ វុទ្ធី​ មេបញ្ជាការរងអាវុធហត្ថខេត្តសៀមរាប។
សមត្ថកិច្ចបានឲ្យដឹងថារថយន្តដឹកឈើនេះម៉ាក FUSO សណ្តោង​ស៊ីតែន​ ស្លាក​លេខ​ភ្នំពេញ​ 3C-2859 ពណ៌​ស​ ឆ្នូត​ ក្រហម​ខៀវ។
បើតាមប្រភពបានឲ្យដឹងថារថយន្តដឹកឈើនេះចេញ​ពី​ខេត្ត​បន្ទាយមានជ័យ​ ចូលមកខេត្តសៀមរាប។ដោយឡែកអ្នកបេីកបរគេចខ្លួនបាត់។ ក្រោយ​ពី​ធ្វើការ​ត្រួត​ពិនិត្យ​ ឃើញ​ឃើញប្រភេទឈើដុំមួយចំនួន។
បច្ចុប្បន្ន​រថយន្ត​និង​ឈេី​ខាង​លើ​ បាន​ប្រគល់អោយ​​រដ្ឋបាល​ព្រៃឈើ​ បន្ទាយ​ស្រី​ រក្សាទុក​ ដេីម្បី​ត្រួតពិនិត្យ​នៅ​ព្រឹក​ថ្ងៃ​ទី​២៣​ស្អែកនេះ៕SRP

ខេត្តសៀមរាប៖ប្រជាកសិករមកពីភូមិចំនួនបីនៃសង្កាត់ជ្រាវ ប្រមាណជា៥០ទៅ៦០នាក់ បាននាំគ្នាបិទប្រឡាយដើម្បីយកទឹកបញ្ចូលស្រែ។ ប៉ុន្តែករណីនេះ សហគមន៍បឹងពារាំង មិនអនុញាតឡើយ។

ហេតុការណ៍នេះ បានកើតឡើងនាព្រឹកថ្ងៃទី២២ខែឧសភាឆ្នាំ២០២០ នៅចំណុចប្រឡាយទឹក ផ្លូវទៅកាន់បឹងពារាំង នៃព្រំប្រទល់ភូមិចំនួន៣ក្នុងសង្កាត់ជ្រាវ គឺភូមិវាល ភូមិក្រសាំង និងភូមិបឹង។

ហេតុការណ៍នេះ គឺប្រជាកសិករ បានបិទទំនប់ប្រឡាយដើម្បីបង្ហៀរទឹកបញ្ចូលស្រែ សង្គ្រោះស្រូវច្រើនរយហិកតា ដែលកំពុងរងការស្វិតងាប់ជាបណ្តើៗ ដោយសាតែខ្វះទឹក។ ជាមួយគ្នានោះ ក៏ត្រូវបានហាមឃាត់ដោយក្រុមមន្ត្រីសហគមន៍បឹងពារាំង ត្បិតទឹកដែលនាំយកតាមប្រឡាយខាងលើ ត្រូវបានអះអាងថា គឺសម្រាប់បញ្ចូលទៅក្នុងបឹងពារាំង ដើម្បីជួយសង្គ្រោះត្រីមេពូជតែប៉ុណ្ណោះ។

ទោះយ៉ាងណាបាតុភាពនេះ មិនមានការបង្កហិង្សាទាំងទ្វេរភាគី ប៉ុន្តែគូភាគីប្រកាន់ជំហរដោយទាមទារយកទឹករៀងៗងខ្លួនអោយខាងតែបាន។

ជួបសម្ភាសន៍ផ្ទាល់ជាមួយកសិករ លោកមួង សាន បានលើកឡើងថា ស្រូវជាច្រើនរយហិកតាក្នុងតំបន់នេះកំពុងរងការស្វិតងាប់ជាបណ្តើៗ។ហេតុដូច្នេះហើយទើបពួកគាត់សម្រេចបិទប្រឡាយបង្ហៀរទឹកបញ្ចូលស្រែបែបនេះ។ លោកសានបន្តថា ការនាំយកទឹកមកដល់ចំណុចនេះ គឺក្រោមការជួយស្តារប្រឡាយនិងពុះពារគ្រប់យ៉ាងរបស់ប្រជាកសិករ។ ប៉ុន្តែពេលនាំយកទឹកបានហើយ បែជាក្រុមសហគមន៍ ទាមទារបង្ហូរទៅកាន់បងពារាំងទាំងអស់ នេះហើយដែលជាចំណុចនាំអោយពួកគាត់បង្ខំចិត្តបិទប្រឡាយ ដើម្បីយកទឹកបែបនេះ។

ក្នុងពេលតែមួយ មន្ត្រីសហគមន៍បឹងពារាំង លោក ឈឿម សំបូ បានប្រាប់អ្នកសារព័ត៌មានថា ទឹកដែលបង្ហូរមកនេះ គឺខាងសហគមន៍ ជាអ្នកស្នើសុំពីមន្ទីរធនធានទឹក ដោយនាំយកបញ្ចូលទៅបឹងពារាំង ដើម្បីសង្គ្រោះត្រីមេពូជ។ត្បិតរដូវប្រាំងកំពុងគំរាមកំហែងយ៉ាងខ្លាំងក្នុងការផ្តាច់ជីវិតត្រីមេពូជនិងសត្វស្លាបទឹងរាប់រយប្រភេទ។ហេតុផលនេះហើយ ដែលនាំអោយខាងសហគមន៍ រារាំងក្នុងការបិទផ្លូវទឹករបស់ប្រជាកសិករ។

ជាមួយការលើកហេតុផលអំពីការដណ្តើមគ្នាយកទឹកនេះ មន្ត្រីក្រុមប្រឹក្សាសង្កាត់ជ្រាវ និងនគរបាលមូលដ្ឋាន បានសម្រេចអោយគូភាគី រក្សាភាពស្ងប់ស្ងាត់ ហើយរងចាំដំណោះស្រាយពីអាជ្ញាធរសង្កាត់ នៅរសៀលថ្ងៃផងដែរ៕SRP

ខេត្តសៀមរាប៖លោកនួន​ ពុទ្ធារ៉ា​ អភិបាលក្រុងសៀមរាប និងជាតំណាងអោយ​ លោកទៀ សីហា​ អភិបាលខេត្តសៀមរាបនៅរសៀលថ្ងៃទី២១ខែឧសភាឆ្នាំ២០២០ម្សិលមិញនេះ បានដឹកនាំក្រុមការងារ នៃរដ្ឋបាល​ក្រុងសៀមរាប​ ដោយមានចូលរួមពីលោកចៅសង្កាត់សៀមរាប​ បានបន្តដំណើរដោយថ្មើរជើង​ ពិនិត្យមើលផ្លូវដីក្រហម០១ខ្សែ ចេញពីផ្លូវវាងក្រុង​ ឆ្លងកាត់តាមភូមិត្រៀក និងភូមិក្រសាំងរលើង​ ឆ្ពោះទៅភូមិភ្នំក្រោម ក្នុងសង្កាត់សៀមរាប ដើម្បីពិនិត្យមើលស្ថានភាព​ និងលទ្ធភាព ត្រៀមសាងសង់​ ជាប្រភេទផ្លូវក្រាលកៅស៊ូ ឬជាប្រភេទផ្លូវបេតុង ដើម្បីធានា​ និង​ ស្របតាមតម្រូវការប្រើប្រាស់ជាក់ស្តែង​ ក្នុងឆ្នាំ២០២០នេះ។

សូមជម្រាបថា​ យោងតាមរយៈសេចក្តីសម្រេចក្នុងអង្គសន្និបាតបូកសរុបលទ្ធផលការងារប្រចាំឆ្នាំ២០១៩ និងលើកទិសដៅការងារឆ្នាំ២០២០​នេះ រដ្ឋបាលខេត្តសៀមរាប​ បានកំណត់យកការងារបើកផ្លូវ និងការសាងសង់ផ្លូវ ជាការងារអាទិភាព​ ក្នុងនោះផ្លូវដីក្រហម០១ខ្សែ ចេញពីផ្លូវវាងក្រុង​ ឆ្លងកាត់តាមភូមិត្រៀក និងភូមិក្រសាំងរលើង​ ឆ្ពោះទៅភូមិភ្នំក្រោម ក្នុងសង្កាត់សៀមរាប​ ក៏ជាផ្លូវអាទិភាព​ ដែលត្រូវត្រៀមបើកការដ្ឋានសាងសង់ ដើម្បីរួមចំណែក​លើកកម្ពស់​សោភ័ណភាព សុខុមាលភាព​ និង ចៀសវាងការកកស្ទះចរាចរ ក៏ដូចជាគ្រោះថ្នាក់ចរាចរណ៍ កាត់បន្ថយភាពក្រីក្រ របស់បងប្អូនប្រជាពលរដ្ឋដែលរស់នៅតាមបណ្តោយផ្លូវ និងអ្នកប្រើប្រាស់ផ្លូវ នេះផងដែរ៕SRP

ខេត្តប៉ៃលិន៖មន្ត្រីនគរបាលខេត្តប៉ៃលិនម្នាក់និងម្នាក់ទៀតធ្វើដំណើរជាមួយគ្នាបានស្លាប់ដោយគ្រោះថ្នាក់ចរាចណ៍។
ហេតុការណ៍បានកើតឡើងវេលាម៉ោង ១៨និង៣០នាទី ថ្ងៃទី២១ ខែឧសភាឆ្នាំ២០២០  រវាង​រថយន្ត​ និង​ម៉ូតូ​នៅលើផ្លូវជាតិលេខ ៥៩​ នៅ​ចំណុចផ្លូវបំបែកភ្នំកុយ ស្ថិតក្នុងភូមិភ្នំកុយ ឃុំសាលាក្រៅ ស្រុកសាលាក្រៅ ខខេត្ដប៉ៃលិន។
ជនរងគ្រោះ​ទាំង​ពីរមានឈ្មោះ៖០១-ឈ្មោះ បារាំង ភេទប្រុស  មុខរបរកសិករ បើកបរម៉ូតូម៉ាក HONDA DREAM ពណ៌ខ្មៅ ផលិតឆ្នាំ២០១៩ ពាក់ផ្លាកលេខ ប៉ៃលិន 1C-2420​ (ស្លាប់ពេលបញ្ជូនទៅដល់មន្ទីរពេទ្យ) ។
​     ០២-ឈ្មោះ អ៉ឹម ណែម ភេទប្រុស អាយុ ៥៣ឆ្នាំ បុខរបរ នគរបាលខេត្តប៉ៃលិន ជាអ្នក​រួម​ដំណើរ​ បានស្លាប់នៅនឹងកន្លែងកើតហេតុ​ ។ អ្នក​ទាំងពីរ​មាន​ទីលំនៅ​ក្នុង​ភូមិស្រែអន្ទាក់ ឃុំ/ស្រុកសាលាក្រៅ ខេត្តប៉ៃលិន ។
ភាគីរថយន្តឈ្មោះ PATTANA PAIBUNWONG Mr. KOBCHAI ភេទប្រុស អាយុ ៥៣ឆ្នាំ ជនជាតិថៃ បើកបររថម៉ាក ISUZU ពាក់ផ្លាកលេខ THAILAND 91-0642 ។
មូលហេតុបណ្ដាលមកពីកត្តាមនុស្សបើកបររថយន្ត​ហួស​ល្បឿន​កំណត់​ ។​ បច្ចុប្បន្ន​ជនបង្ក និងរថយន្តត្រូវបានឃាត់ និងរក្សាទុក នៅ​ការិយាល័យ​ជំនាញ​ចរាចរណ៍​ផ្លូវគោក​  នៃ​ស្នងការដ្ឋាន​នគរបាល​ខេត្តប៉ៃលិន​ ដើម្បីអនុវត្តតាមនីតិវិធីបន្ត៕SRPវ៉ន​ ដារ៉ា

ខេត្តសៀមរាប៖ផ្លូវជាច្រើនខ្សែទាំងផ្លូវជាតិ ផ្លូវខេត្ត និងផ្លូវលំ ជនបទ នៅក្នុងដែនដីខេត្តសៀមរាបឃើញថាមានលក្ខណៈល្អប្រសើរ និងស្អាតច្រើនក្នុងការធ្វើដំណើរ។

កំណាត់ផ្លូវជាច្រើនខ្សែទាំងផ្លូវជាតិ ផ្លូវខេត្តនិងផ្លូវលំនានានៅក្នុងខេត្តសៀមរាបល្អស្អាតបែបនេះ គឺបានមកពីការខិតខំប្រឹងប្រែងរបស់អាជ្ញាធរខេត្ត ដោយមានមន្ទីរសាធារណការនិងដឹកជញ្ជូនខេត្តសៀមរាប ជាសេនាធិការ បានជួសជុល ស្ថាបនា កៀរសម្រួល ជួសជុលជាប្រចាំ។
ជាក់ស្តែងសម្រាប់ពេលនេះ ក្រុមការងារនៃមន្ទីរសាធារណការ និងដឹកជញ្ជូនខេត្តសៀមរាប បានកំពុង និងបន្តសកម្មភាពថែទាំផ្លូវ កៀរសម្រួល ជួសជុល និងថែទាំ នាថ្ងៃទី២១ ខែឧសភា ឆ្នាំ២០២០ មានដូចខាងក្រោម៖

1-បានបន្តធ្វើការសម្អាតដី និងលាបថ្នាំឃើបឡើងវិញ ការងារថែទាំប្រចាំផ្លូវជាតិលេខ63 ចន្លោះគ.ម00 ដល់គ.ម01 ស្ថិតក្នុងសង្កាត់ស្វាយដង្គុំ ក្រុងសៀមរាប។

2-បានធ្វើការភ្ជួរ និងកៀរកិនបង្ហាប់ដីល្បាយថ្ម ការងារថែទាំប្រចាំផ្លូវខេត្តលេខ2676 ស្ថិតក្នុងភូមិអន្លង់ត្បាល់ ឃុំកន្ទួត ស្រុកស្វាយលើ។

3-បានបន្តធ្វើការភ្ជួរ និងកៀរកិនបង្ហាប់ដីល្បាយថ្ម ការងារថែទាំប្រចាំផ្លូវខេត្តលេខ2644 ស្ថិតក្នុងភូមិចាន់ហៀរ ឃុំបេងមាលា ស្រុកស្វាយលើ។

4-បានបន្តធ្វើការជួសជុលស្នាមប្រេះលើផ្លូវ ការងារថែទាំប្រចាំផ្លូវខេត្តលេខ265B ចន្លោះគ.ម08 ដល់គ.ម09 ស្ថិតក្នុងភូមិចែកខ្សាច់ ឃុំអន្លង់សំណរ ស្រុកជីក្រែង។

5-បានបន្តធ្វើការភ្ជួរ កៀរកិនបង្ហាប់ដីល្បាយថ្ម ការងារថែទាំប្រចាំផ្លូវខេត្តលេខ265A ស្ថិតក្នុងភូមិគោក ឃុំជីក្រែង ស្រុកជីក្រែង។

6-បានបន្តធ្វើការជួសជុលសំបុកមាន់ និងស្នាមប្រេះលើផ្លូវ ការងារថែទាំប្រចាំផ្លូវជាតិលេខ67 ចន្លោះគ.ម27 ដល់គ.ម28 ស្ថិតក្នុងស្រុកបន្ទាយស្រី។

7-បានបញ្ចប់ការងារគូសគំនូសសញ្ញាចរាចរណ៍ និងរៀបដុំបេតុងចែកទ្រូងផ្លូវ លើកំណាត់ផ្លូវសម្តេចវិបុលបញ្ញា សុខ អាន ស្ថិតក្នុងភូមិទ្រាំង សង្កាត់ស្លក្រាម ក្រុងសៀមរាប៕SRP

ខេត្តសៀមរាប៖លោកសេង លន នាយសង្កាត់រដ្ឋបាលព្រៃឈើកន្ទួតខ្នារក្រៅ និងជាអ្នកទទួលខុសត្រូវការពារតំបន់ចំការ
ព្រៃមេពូជឈើគ្រញូង បានឱ្យដឹងថាចំការព្រៃមេពូជឈើគ្រញូងដែលមានទំហំ១.៨៨៨ហិកតា មានទីតាំងស្ថិតនៅក្នុងឃុំឃុនរាម ស្រុកបន្ទាយស្រី ខេត្តសៀមរាប ដែលបច្ចុប្បន្ននេះ បានក្លាយទៅជាតំបន់លំហែកាយធម្មជាតិ ព្រោះនៅទីនេះមានធនធានដ៏សម្បូរបែប ដូចជា ៖ មានសត្វព្រៃជាច្រើនប្រភេទ ដើមឈើគ្រញូងធំៗ និងផ្កាព្រៃជាច្រើនប្រភេទ រីកទៅតាមរដូវកាល ដែលមានភាពបៃតងស្រស់ស្អាតខ្យល់បរិសុទ្ធ ដែលឥឡូវនេះ នៅក្នុងចំការមេពូជឈើគ្រញូង កំពុងតែមានផ្កាព្រៃជាច្រើនរីកស្គុះស្គាយ ដូចជាផ្កាទឹកដោះ ផ្កាចកអណ្តើក និងផ្កាព្រៃជាច្រើនទៀត ដែលមិនទាន់ស្គាល់ឈ្មោះ និងអាចទស្សនាសត្វព្រៃ ជាពិសេសអាចប្រលែងលេងជាមួយហ្វូងមេអំបៅបានទៀតផង។

លោកសេង លន បានបញ្ជាក់បន្ថែមថា បច្ចុប្បន្ននេះលោកកំពុងតែរៀបចំវង្វង់ទស្សនាធនធានធម្មជាតិដ៏សម្បូបែបនៅក្នុងតំបន់នេះ ដូចជាវង្វង់ទស្សនាសម្រាប់អ្នកជិះរថយន្ត សម្រាប់អ្នកជិះកង់ និងសម្រាប់អ្នកដើរថ្មើជើង ដោយអ្នកដែលមកកម្សាន្តនៅក្នុងចំការមេពូជឈើគ្រញូងនេះ អាចយកអាហារផ្ទាល់ខ្លួនមកបរិភោគក្រោមម្លប់ឈើដ៏ត្រជាក់ក្នុងព្រៃនេះបានផងដែរ ។

បើតាម លោក សេង លន ក្រៅពីនេះ បងប្អូនប្រជាពលរដ្ឋដែលមកកម្សាន្តនៅតំបន់នេះ ដែលមានបំណងចង់ចូលរួមការពារព្រៃឈើ អាចចូលរួមដាំកូនឈើជាលក្ខណៈគ្រួសារក៏បាន ជាក្រុមក៏បានដែរ ដែលឥឡូវនេះនៅទីនេះមានកូនឈើគ្រញូង និងឈើប្រណិតមួយចំនួន ត្រូវបានភ្ញៀវទេសចរ ថ្នាក់ដឹកនំា និងប្រជាពលរដ្ឋដាំនៅក្នុងចម្ការពូជមានចំនួន០៥ហិកតាហើយ និងមានដើមឈើខ្លះបានធំៗស្អាត ដែលអាចអោយភ្ញៀវទេសចរមកទស្សនាប្រភេទឈើប្រណិតៗនេះបាន ព្រោះថា ប្រភេទឈើប្រណិតៗបែបនេះ នៅតំបន់ផ្សេងមិនសូវមានច្រើនដូចនៅទីនេះទេ៕SRP

លោកអ្នកកាន់តែមានភាពជឿជាក់និងទំនុកចិត្ត ជាមួយក្រុមហ៊ុនដឹកអ្នកដំណើរ.អង្គរអ៊ីប៊ុកឃីង ដោយក្រុមហ៊ុនបានផ្ដល់ជូនសេវាកម្ម ទៅយកបញ្ញើដល់ផ្ទះ ដោយឥតគិតថ្លៃ។
ហេឡូ អង្គរអ៊ីប៊ុកឃីង មកយកអីវ៉ាន់នៅផ្ទះខ្ញុំបន្ដិច ផ្ញើរទៅភ្នំពេញ
👧ចា៎ ហើយលោកពូត្រូវការអោយពួកខ្ញុំដឹកទៅអោយអ្នកទទួលដល់ផ្ទះដែររឺទេ? មិនគិតកំរៃនោះទេចា៎
🧔លអណាស់ ចាំដឹកអោយដល់ផ្ទះកូនពូផងចឹង
👉ជាមួយក្រុមហ៊ុនដឹកអ្នកដំណើរ ដឹកជញ្ជូនទំនិញ អង្គរអ៊ីប៊ុកឃីង អិចប្រេស ចាប់ពីថ្ងៃទី19 ខែឧសភា ឆ្នាំ២០២០
❤️❤️ផ្ដល់ជូនសេវាកម្ម ទៅយកបញ្ញើដល់ផ្ទះ ដឹងជញ្ជូនដល់ផ្ទះ ដោយឥតគិតថ្លៃ លោកអ្នកគ្រាន់តែខល់មកលេខ 086 500-500 ហើយប្រាប់ពីទីតាំងទៅយកជាការស្រេច ។
📌ទីតាំង សៀមរាប នៅផ្លូវជាតិលេខ 06 ចំងាយ 100ម៉ែតពីផ្លូវចូលបុរីសៀងណាំ នៅភូមិ ខ្នារ សង្កាត់ជ្រាវ ក្រុងសៀមរាប នៅទល់មុខ វិមានមង្គល់
Maps https://goo.gl/maps/UoppTiwVbG12
—————————————————
📌ទីតាំងសៀមរាបផ្សារចាស់ ភូមិវិហារចិន សង្កាត់ស្វាយដង្គុំ ក្រុងសៀមរាប ក្បែររង្វង់មូលផ្សារចាស់ ផ្លូវចូល BBU ប្រហែល 20ម៉ែត នៅជាប់ ATM ABA
Maps:https://goo.gl/maps/m6xFvovPvGVPmJDf9
—————————————————
📌ទីតាំងភ្នំពេញ ផ្ទលេខ143E0, ផ្លូវព្រះស៊ីសុវត្ថិ ភូមិ7 សង្កាត់វត្តភ្នំ ខណ្ឌដូនពេញ រាជធានីភ្នំពេញ ចំងាយ 100ម៉ែតពី ផ្សាររាត្រីមាត់ទន្លេ។
Maps https://goo.gl/maps/BoybPUzabT52
សំរាប់ព័ត៌មានបន្ថែមសូមទំនាក់ទំនង 086 500500។
ជាមួយគ្នានេះក្រុមហ៊ុនអង្គរអ៊ីប៊ុកឃីង ក៏មានសាខាថ្មីមួយទៀតដែរ នៅផ្សារក្រុងសៀមរាប។
សូមស្វាគមន៏ អង្គរអ៊ីប៊ុកឃីង សៀមរាបសាខាផ្សារចាស់
ដើម្បីឆ្លើយតបដល់កំណើនអតិថិជនឥតឈប់ឈរ ទាំងបញ្ញើទំនិញ ទាំងធ្វើដំណើរ សៀមរាប«»ភ្នំពេញ ក្រុមហ៊ុនយើងខ្ញុំបានបើកបន្ថែម ទីស្នាក់ការសៀមរាបផ្សារចាស់ថ្មី
ដែលមានអាសយដ្ឋាន: ភូមិវិហារចិន សង្កាត់ស្វាយដង្គុំ ក្រុងសៀមរាប ក្បែររង្វង់មូលផ្សារចាស់ ផ្លូវចូល BBU ប្រហែល 20ម៉ែត នៅជាប់ ATM ABA
Dropped pin
Near ABA Bank ATM, BBU Road , Vihea Chen village, Sangkat, Krong Siem Reap
Angkor eBooking Express ( Siem Reap Old Market )
36 Psa Kroum Road Krong Siem Reap
https://goo.gl/maps/m6xFvovPvGVPmJDf9
សំរាប់ពត៌មានបន្ថែមសូមទំនាក់ទំនង 086-500-500 ។
13°21’27.4″N 103°53’34.1″E (https://goo.gl/maps/UoppTiwVbG12)
Find local businesses, view maps and get driving directions in Google Maps.

ខេត្តសៀមរាប៖មន្ទីរសាធារណការ និងដឹកជញ្ជូនខេត្តសៀមរាប នៅថ្ងៃទី២១ខែឧសភាឆ្នាំ២០២០នេះបាន

ចេញសេចក្ដីជូនដំណឹង ស្ដីពីការផ្ទេរកម្មសិទ្ធិយានយន្តគ្រប់ប្រភេទ និងគ្រប់លក្ខខណ្ឌ ។​សូមអានសេចក្ដីជូនដំណឹងខាងក្រោម៖

លោកអ្នកកាន់តែមានភាពជឿជាក់និងទំនុកចិត្ត ជាមួយក្រុមហ៊ុនដឹកអ្នកដំណើរ.អង្គរអ៊ីប៊ុកឃីង ដោយក្រុមហ៊ុនបានផ្ដល់ជូនសេវាកម្ម ទៅយកបញ្ញើដល់ផ្ទះ  ដោយឥតគិតថ្លៃ។

ហេឡូ អង្គរអ៊ីប៊ុកឃីង មកយកអីវ៉ាន់នៅផ្ទះខ្ញុំបន្ដិច ផ្ញើរទៅភ្នំពេញ
👧ចា៎ ហើយលោកពូត្រូវការអោយពួកខ្ញុំដឹកទៅអោយអ្នកទទួលដល់ផ្ទះដែររឺទេ? មិនគិតកំរៃនោះទេចា៎
🧔ល្អណាស់ ចាំដឹកអោយដល់ផ្ទះកូនពូផងចឹង

👉ជាមួយក្រុមហ៊ុនដឹកអ្នកដំណើរ ដឹកជញ្ជូនទំនិញ អង្គរអ៊ីប៊ុកឃីង អិចប្រេស ចាប់ពីថ្ងៃទី19 ខែឧសភា ឆ្នាំ២០២០
❤❤ផ្ដល់ជូនសេវាកម្ម ទៅយកបញ្ញើដល់ផ្ទះ ដឹងជញ្ជូនដល់ផ្ទះ ដោយឥតគិតថ្លៃ លោកអ្នកគ្រាន់តែខល់មកលេខ 086 500-500 ហើយប្រាប់ពីទីតាំងទៅយកជាការស្រេច ។

📌ទីតាំង សៀមរាប នៅផ្លូវជាតិលេខ 06 ចំងាយ 100ម៉ែតពីផ្លូវចូលបុរីសៀងណាំ នៅភូមិ ខ្នារ សង្កាត់ជ្រាវ ក្រុងសៀមរាប នៅទល់មុខ វិមានមង្គល់
Maps https://goo.gl/maps/UoppTiwVbG12
—————————————————
📌ទីតាំងសៀមរាបផ្សារចាស់ ភូមិវិហារចិន សង្កាត់ស្វាយដង្គុំ ក្រុងសៀមរាប ក្បែររង្វង់មូលផ្សារចាស់ ផ្លូវចូល BBU ប្រហែល 20ម៉ែត នៅជាប់ ATM ABA
Maps:https://goo.gl/maps/m6xFvovPvGVPmJDf9
—————————————————
📌ទីតាំងភ្នំពេញ ផ្ទលេខ143E0, ផ្លូវព្រះស៊ីសុវត្ថិ ភូមិ7 សង្កាត់វត្តភ្នំ ខ័ណ្ឌដូនពេញ រាជធានីភ្នំពេញ ចំងាយ 100ម៉ែតពី ផ្សាររាត្រីមាត់ទន្លេរ។
Maps https://goo.gl/maps/BoybPUzabT52

សំរាប់ពត៌មានបន្ថែមសូមទំនាក់ទំនង 086 500500។

ជាមួយគ្នានេះក្រុមហ៊ុនអង្គរអ៊ីប៊ុកឃីង ក៏មានសាខាថ្មីមួយទៀតដែរ នៅផ្សារក្រុងសៀមរាប។

សូមស្វាគមន៏ អង្គរអ៊ីប៊ុកឃីង សៀមរាបសាខាផ្សារចាស់
ដើម្បីឆ្លើយតបដល់កំណើនអតិថិជនឥតឈប់ឈរ ទាំងបញ្ញើទំនិញ ទាំងធ្វើដំណើរ សៀមរាប«»ភ្នំពេញ ក្រុមហ៊ុនយើងខ្ញុំបានបើកបន្ថែម ទីស្នាក់ការសៀមរាបផ្សារចាស់ថ្មី
ដែលមានអាសយដ្ឋាន: ភូមិវិហារចិន សង្កាត់ស្វាយដង្គុំ ក្រុងសៀមរាប ក្បែររង្វង់មូលផ្សារចាស់ ផ្លូវចូល BBU ប្រហែល 20ម៉ែត នៅជាប់ ATM ABA

Dropped pin
Near ABA Bank ATM, BBU Road , Vihea Chen village, Sangkat, Krong Siem Reap

Angkor eBooking Express ( Siem Reap Old Market )
36 Psa Kroum Road Krong Siem Reap
https://goo.gl/maps/m6xFvovPvGVPmJDf9

សំរាប់ពត៌មានបន្ថែមសូមទំនាក់ទំនង 086-500-500 ។

ខេត្តសៀមរាប៖ពើងបុរាណមួយកន្លែងស្ថិតនៅចង្កេះភ្នំគូលែន ក្នុងភូមិត្រពាំងទឹម ឃុំតាសៀម ស្រុកស្វាយលើ ខេត្តសៀមរាប មិនសូវមានអ្នកទេសចរទៅទស្សនា ខណៈដែលអ្នកបុរាណវិទូនៃអាជ្ញាធរជាតិអប្សរា បានសិក្សារកឃើញថា ពើងគំនូរនេះមានអាយុកាលពីរពាន់ឆ្នាំមុនគ្រិសករាជ។

ប្រធាននាយកដ្ឋានអភិរក្សប្រាសាទក្នុងនិងក្រៅឧទ្យានអង្គរ នៃអាជ្ញាធរជាតិអប្សរា  លោក អ៊ឹម សុខរិទ្ធី បានមានប្រសាសន៍ប្រាប់អ្នកសារព័ត៌មាននៅថ្ងៃទី២០ខែឧសភាម្សិលមិញថា តាមការសិក្សារកឃើញថា រូបចម្លាក់ពើងថ្មនៅតាមចង្កេះភ្នំគូលែននោះ មានប្រមាណ១០កន្លែងនៅតាមផ្ទាំងថ្មក្នុងនោះក៏មានតូចៗនិងធំ។ចម្លាក់នានា ដែលត្រូវបានធ្វើឡើងដោយព្រះរាជគ្រូសាផងដែរ ជាពិសេសគឺពើងគំនូរ ដែលជាតំបន់ទេសចរណ៍វប្បធម៌ប្រវត្តិសាស្ត្រមួយ ដែលស្ថិតនៅចង្កេះភ្នំគូលែន លាក់ខ្លួនក្នុងព្រៃព្រឹក្សាយ៉ាងអាថ៍កំបាំង។

លោក អ៊ឹម សុខរិទ្ធី ថ្លែងបន្តថា ចម្លាក់ពើងគំនូរនៅតំបន់នោះ មានដូចជាចម្លាក់ព្រះគណេសដៃ៨ ចម្លាក់លិង្គ ចម្លាក់ព្រះវិស្ណុផ្ទុំ ចម្លាក់ព្រះឥសូរ រូបគំនូរត្រីប្រវែងប្រមាណ១ម៉ែត្រមានពណ៌ក្រហមព្រៀល។ តាមរយៈការសិក្សាស្រាវជ្រាវកាលពីឆ្នាំ២០១០ ពើងគំនូរមានអាយុកាលជាង២ពាន់ឆ្នាំ មុនគ្រិះសករាជ មុនបង្កើតរាជធានីនៅលើភ្នំគូលែន ។កាលពីឆ្នាំ២០១០ លោកធ្លាប់បានទៅសិក្សាស្រាវជា្រវរកឃើញថា នៅក្បែចម្លាក់គំនូរនៅលើផ្ទាំងថ្មនោះ មានចម្លាក់ជាច្រើនទៀត ដែលមានអាយុកាលពីរពាន់ឆ្នាំ មុនគ្រិសករាជ។

បើតាមលោក អ៊ឹម សុខរិទ្ធី បានអោយដឹងថា តំបន់ទេសចរណ៍វប្បធម៌ប្រវត្ដិសាស្ដ្រពើងគំនូរនេះ ពុំមានអ្នកទេសចរជាតិ និងអន្ដជាតិទៅទស្សនានោះទេ ប៉ុន្ដែអ្នកទេសចរជាអ្នកសិក្សាផ្នែកវប្បធម៌ទៅសិក្សាស្រាវជ្រាវទស្សនានៅទីនោះ។លោកថា ពើងគំនូរនៅចង្កេះភ្នំគូលែននេះ រាជរដ្ឋាភិបាលគ្រោងនឹងដាក់ចូលក្នុវប្បធម៌ងបញ្ជីបេតិកភណ្ឌពិភពលោកនាពេលខាងមុខ។

នៅតំបន់ទេសចរណ៍វប្បធម៌នោះ អ្នកទេសចរអាចគយគន់ផ្ទាំងថ្មធំៗ អមដោយព្រៃព្រឹក្សា ដែលមានទេសភាពល្អប្រណិត។ហើយអ្វីដែលអ្នកបានឃើញ នៅចំពោះមុខនៃពើងគំនូរនោះគឺរូបចម្លាក់ដ៏ប្រណិតដែលបន្សល់ទុកតាំងពីបុព្វបុរសខ្មែរ កាលពីសម័យររាប់ពាន់ឆ្នាំមកហើយ ដែលមានចំងាយពីខេត្តសៀមរាបប្រហែលជាង ៧០គីឡូម៉ែត្រនៅភាគខាងជើងឈាងខាងកើតខេត្ដសៀមរាប ។បើតាមសិលាចរឹកដែលប្រហែលជាឆ្លាក់នៅក្នុងសតវត្សទី១១ បានបង្ហាញថា ពើងគំនូរជាទីតាំងរបស់ព្រះរាជគ្រូរបស់ព្រះមហាក្សត្រព្រះនាម ព្រះសិវសោមៈ ហើយបានបង្ហាញពីព្រះនាមរបស់ព្រះបាទជ័យវរ្ម័នទី២ ក្នុងនោះមាន ឈ្មោះជាមរណនាមថា ព្រះបរមស្វរៈ និងភ្នំគូលែន)ផងដែរ៕SRPដោយ ហែម ហួន

ខេត្តសៀមរាប៖លោកនួនពុទ្ធារ៉ាអភិបាលក្រុងសៀមរាបនិងជំនាញពាក់ព័ន្ធនៅព្រឹកថ្ងៃទី២០ខែឧសភាម្សិលមិញ បានចុះត្រួពិនិត្យទីតាំង គ្រោង
បេីកផ្លូវ០២ខ្សែឡើងវិញ។ផ្លូវទី០១មានប្រវែង១០០០ម៉ែត្រទទឹង១៥មែត្រ​តភ្ជាប់ពីផ្លូវជាតិលេខ០៦រហូតដល់ផ្លូវ​៧មករា​និង០១ខ្សែទៀតប្រវែងប្រមាណ៥០០ម៉ែត្រ ពីផ្លូវវត្តបូព៍ រហូតដល់ផ្លូវ៧មករាស្ថិតក្នុងភូមិបន្ទាយចាស់​សង្កាត់ស្លក្រាម​នឹងភូមិវត្តបូព៍សង្កាត់សាលាកំរេីក​ក្រុងសៀមរាប។

នាឱកាស ចុះពិនិត្យផ្លូវនោះដែរ លោក​ នួន ពុទ្ធារ៉ា ក៏បានជួបសំណេះសំណាល ជាមួយបងប្អូនប្រជាពលរដ្ឋដែលមានលំនៅ​ដ្ឋាន​តាមបណ្តោយផ្លូវទាំង០២ខ្សែខាងលើនិងបានជម្រាបជូនដំណឹងអំពីគម្រោង​ដែល​រដ្ឋបាល​ក្រុង​សៀមរាប​ត្រៀម​បើកផ្លូវ​និងអភិវឌ្ឍដើម្បីបំរើ​ដល់ផលប្រយោជន៍ប្រជាពលរដ្ឋ និងលើកកិត្តិយស សោភ័ណភាព ជាពិសេស​គឺរួមចំណែកដោះស្រាយនូវបញ្ហារកកស្ទះចរាចរណ៍ក្នុងក្រុងសៀមរាបមួយផ្នែកផងដែរ។
ជុំវិញការគ្រោងបើកផ្លូវនេះបងប្អូនប្រជាពលរដ្ឋ​ ដែលមានលំនៅដ្ឋានតាមបណ្តោយផ្លូវទាំង០២ខ្សែ បានសម្តែងការគាំទ្រ​និងស្នើអោយរដ្ឋបាលក្រុង ពន្លឿនការអនុវត្តន៍គម្រោងនេះ​អោយបានរហ័សផងដែរ៕SRP

ខេត្តសៀមរាប៖លំនៅដ្ឋានរបស់ពលរដ្ឋមួយខ្នងត្រូវបានអគ្គិភ័យឆេះបំផ្លាញ។

ហេតុការណ៍បានកើតឡើងនៅវេលាម៉ោង ១៥និង៥០នាទីថ្ងៃទី២០ខែឧសភាឆ្នាំ២០២០នៅភូមិព្រៃឆ្ការ ឃុំពង្រលេី ស្រុកជីក្រែង ខេត្តសៀមរាប។
សមត្ថកិច្ចថាករណីនេះខូចខាតអស់ផ្ទះទំហំ០៤ម៉ែត្រគុណ០៦ម៉ែត្រ ប្រក់ស្បូវ ជញ្ជាំងស្លឹក។ ក្នុងនោះខោអាវ សៀវភៅគ្រួសារ សំបុត្រកំណេីត និងប្រាក់ខ្មែរចំនួន០៥ម៉ឺនរៀលត្រូវបានឆេះអស់ទាំងស្រុងផងដែរ។
បើតាមសមត្ថកិច្ចមូលហេតុ ភ្លេីងឆេះកញ្រ្ជាំង បុេីងប៉ះដំបូលផ្ទះ បណ្តាលឲ្យឆាបឆេះតែម្ដង៕SRP