ខេត្តសៀមរាប – Page 183

ខេត្តសៀមរាប៖លោក ពិន ប្រាកដ អភិបាលរងខេត្តសៀមរាប ថ្ងៃទី ០៦ ខែ វិច្ឆិកា ម្សិលមិញ បានចែក
ពូជស្រូវសែនក្រអូបចំនួន២៤តោន របស់គណៈកម្មាធិការជាតិគ្រប់គ្រងគ្រោះមហន្តរាយ ត្រូវបានចែកជូនបងប្អូនប្រជាកសិករដែលទទួលរងគ្រោះដោយទឹកជំនន់ចំនួន ២៤០គ្រួសារ ក្នុងស្រុកចំនួន២ គឺ ស្រុកសូទ្រនិគមចំនួន ១២០គ្រួសារ ស្រុកជីក្រែង ១២០ គ្រួសារ។

លោក ទា គឹមសុទ្ធ ប្រធានមន្ទីរបានធ្វើការបញ្ជាក់ថា ខេត្តសៀមរាបមានផ្ទៃដីបង្កបង្កើនផលស្រូវ រដូវវស្សា ឆ្នាំ២០២០ មាន១៨៦ពាន់៣០០ហិចតា រងផលប៉ះពាល់ដោយសារទឹកជំនន់ សរុប ១២ពាន់៨៨៣ហិចតា លើ៩ក្រុង.ស្រុក មន ប្រជាកសិកររងគ្រោះ ១១ពាន់១៣១គ្រួសារ និង ខូចខាតស្រូវប្រាំង សរុប ២០៣ហិចតា ស្មើ ៤១៤ គ្រួសារ។ ចំពោះស្រុកដែលទទួលបានស្រូវពូជពេលនេះ ក្នុងនោះដំណាំស្រូវដែលរងការខូចខាតដោយជំនន់ទឹកភ្លៀង ក្នុងស្រុកសូទ្រនិគម ចំនួន ៤៤៨ ហិកតា មាន ៣ឃុំ ស្មើ៧ភូមិ មាន៧២៣គ្រួសារ ខូតខាតទាំងស្រុង ២០៣ហិកតា ស្មើ ៤១៤គ្រួសារ។ ,ស្រុកជីក្រែងប៉ះពាល់ ៤ឃុំ មាន ២៨ភូមិ ស្មើ៣២៤គ្រួសារ លើផ្ទៃដី ៣២៤ ហិចតា ខូតខាតទាំងស្រុង ២៨១ហិចតា ស្មើ៣២៤គ្រួសារ៕SRP

ខេត្តសៀមរាប៖ប្រជាកសិករដែលទទួលរងគ្រោះដោយទឹកជំនន់ចំនួន១១០គ្រួសារ មកពី៥ឃុំ ក្នុងស្រុកប្រាសាទបាគង ខេត្តសៀមរាប នៅរសៀលថ្ងៃទី០៦ ខែ វិច្ឆិកា ម្សិលមិញទទួលបានពូជស្រូវសែនក្រអូប និង OM៥១ ចំនួន ១១តោន។
ការទទួលបាន ស្ថិតនៅបរិវេណ វត្តរកា ឃុំមានជ័យ ស្រុកប្រាសាទបាគង ក្រោមវត្តមាន លោក ង៉ាន់ ភិរុណ អភិបាលរង ខេត្តសៀមរាប និងក្រុមការងារ។

ប្រធានមន្ទីរកសិកម្មខេត្ត លោក ទា គឹមសុទ្ធ បានឲ្យដឹងថា ដោយសារទឹកជំនន់នៅស្រុកប្រាសាទបាគង មានចំនួន៥ឃុំ ស្មើ១៩ភូមិ មាន២០០គ្រួសារ លើផ្ទៃដី ១៥០ហិចតា និងខូចខាតចំនួន ១០៥ហិចតា ១៩០គ្រួសាររងផលប៉ះពាល់។ លោកបន្តថា ខេត្តសៀមរាប មានផ្ទៃដីបង្កបង្កើនផលស្រូវ រដូវវស្សា ឆ្នាំ២០២០ មាន១៨៦ ពាន់៣០០ហិចតា រងផលប៉ះពាល់ដោយសារទឹកជំនន់ សរុប១២ពាន់៨៨៣ហិចតា លើ៩ក្រុង.ស្រុក មានប្រជាកសិកររងគ្រោះ ១១ពាន់១៣១គ្រួសារ និង ខូចខាតស្រូវប្រាំង សរុប ២០៣ហិចតា ស្មើ ៤១៤គ្រួសារ។

ក្នុងឱកាសកាសនោះដែរ លោក ង៉ាន់ ភិរុណ បានផ្តាំផ្ញើការសាកសួរសុខទុក្ខពីសំណាក់ សម្ដេចតេជោ ហ៊ុន សែន បានសម្ដែងការព្រួយបារម្ភ និង គិតគូរពីសុខទុក្ខ របស់បងប្អូនប្រជាពលរដ្ឋរងគ្រោះ ដោយសារទឹកជំនន់ សម្ដេចបានចុះទៅផ្ទាល់ ដើម្បីជួបបងប្អូនប្រជាពលរដ្ឋ និងជួយឧបត្ថម្ភដោះស្រាយ ជូនបងប្អូនប្រជាពលរដ្ឋ ដែលរងគ្រោះដោយសារទឹកជំនន់ ឲ្យរួចផុតពីការលំបាក ។ ម៉្យាងទៀតទីណាដែលជួបទុក្ខលំបាក ហើយសម្ដេចតេជោ ហ៊ុនសែន ពុំបានទៅផ្ទាល់ ក៏បានចាត់តាំងឲ្យក្រុមការងាររបស់សម្ដេច ឲ្យចុះទៅជួបបងប្អូនប្រជាពរដ្ឋដោយផ្ទាល់ និង ឲ្យអាជ្ញាធរ ដែនដី សមត្ថកិច្ចពាក់ព័ន្ធ ចូលរួមជួយសង្គ្រោះ និងរំដោះបងប្អូនប្រជាពលរដ្ឋឲ្យរួចផុតពីគ្រោះទឹកជំនន់ ថែមទាំងបានផ្ដល់ស្បៀងអាហារ ឲ្យបានគ្រប់គ្រាន់ ដោយមិនទុកឲ្យបងប្អូនប្រជាពលរដ្ឋណាម្នាក់ អត់អាហារស្លាប់ដោយពុំបានដឹងឮពីអាជ្ញាធរនោះឡើយ។

លោក ក៏បានសំណូមពរ និង ណែនាំប្រជាកសិករ ទាំងអស់ សូមយកពូជស្រូវទាំងនេះ ទៅបង្កបង្កើនផល ក្នុងការស្តារ ឡើងវិញ ដែលជាពូជស្រូវមិនរើសរដូវ និង សូមបងប្អូនត្រូវមានការអាធ្យាស្រ័យឲ្យគ្នា ក្នុងការចែករំលែកទឹកស្រោចស្រព ដំណាំ ស្រូវរបស់បងប្អូនផងដែរ៕SRP

ខេត្តសៀមរាប៖សមត្ថកិច្ចខេត្តសៀមរាបបានឲ្យដឹងនៅថាជនជាតិវៀតណាម១១នាក់ ដែលជួបគ្រោះថ្នាក់ចរាចណ៍នៅស្រុកជីក្រែង ដែលបណ្ដាលឲ្យមានមនុស្សស្លាប់និងរបួសនោះ គឺចូលមកព្រះរាជាណាចក្រកម្ពុជាដោយគ្មានការអនុញ្ញាត។

សមត្ថកិច្ចបន្តថាករណីរថយន្តក្រឡាប់ធ្លាក់ចូលទឹក) បណ្តាលឲ្យស្លាប់មនុស្ស ចំនួន០៧នាក់ស្រី០៣នាក់ រងរបួស្រាលចំនួន០៥នាក់ស្រី០២នាក់ (វៀតណាម១១ស្រី០៥-ខ្មែរ០១)។ ក្រោយកើតហេតុសមត្ថកិច្ចបានចុះអន្តរាគមន៍ ពិនិត្យឃើញថា ជនជាតិវៀតណាម ទាំង១១នាក់នេះសុទ្ធសឹងតែលួចឆ្លងដែនចូលមកព្រះរាជាណាចក្រកម្ពុជា ដោយគ្មានការអនុញ្ញាត(មានលិខិតឆ្លងដែន-គ្មានប្រថាប់ត្រាច្រកទ្វារ)។

តាមការសាកសួរបានឲ្យដឹងថា៖ ពួកគេរស់នៅខេត្តហាទិញ ប្រទេសវៀតណាម ត្រូវបានមេខ្យល់ម្នាក់មិនស្គាល់ឈ្មោះ ជនជាតិវៀតណាម ណែនាំឲ្យទៅធ្វើការ រកស៊ី នៅប្រទេសថៃ ដោយលួចឆ្លងដែនពីប្រទេសវៀតណាម ចូលមកកម្ពុជា និងបន្តទៅប្រទេសថៃ ប៉ុន្តែត្រូវចំណាយប្រាក់ចំនួន ១៥,០០០,០០០ ដុងក្នុងម្នាក់ៗ។ រហូតដល់ថ្ងៃទី០៤ ខែវិច្ឆិកា ឆ្នាំ២០២០ ពួកគេក៏បានធ្វើដំណើរពីខេត្តហាទិញ មកកាន់ក្រុងហាណូយ។ ពេលមកដល់មេខ្យល់ម្នាក់នោះបានមកទទួលពួកគេ ទៅស្នាក់នៅសណ្ឋាគារ មួយកន្លែងមិនចាំឈ្មោះ បន្ទាប់មកពួកគេក៏បានប្រគល់ប្រាក់ចំនួន ១,៥០០,០០០ ដុងក្នុងម្នាក់ៗឲ្យទៅមេខ្យល់នោះ។ បន្ទាប់ពីទទួលបានលុយគ្រប់ចំនួនហើយ នារសៀលថ្ងៃទី០៥ ខែវិច្ឆិកា ឆ្នាំ២០២០ មេខ្យល់នោះ ក៏បានឲ្យរថយន្តមួយគ្រឿងដឹកពួកគេ មកដល់ខេត្តតៃនិញ នាវេលាម៉ោង១៩និង០០នាទី ហើយក៏មានម៉ូតូចំនួន០៦គ្រឿងរង់ចាំទទួលនិងដឹកពួកគេ លួចឆ្លងដែនចូលមកព្រះរាជាណាចក្រកម្ពុជា ដោយធ្វើដំណើរកាត់តាមចំការកៅស៊ូ (ម៉ូតូទាំង០៦គ្រឿងនោះ បិទភ្លើងទាំងអស់)រយៈពេលប្រហែល៣០នាទី ក៏មានរថយន្តមួយគ្រឿងទៀត (រថយន្តដែលជួបគ្រោះថ្នាក់) បើកបរដោយជនជាតិខ្មែរ មកទទួលពួកគេ ធ្វើដំណើរបន្តទៅប្រទេសថៃ។ តាមពួកគេដឹងគឺធ្វើដំណើរចេញពីខេត្តត្បូងឃ្មុំ ឆ្ពោះទៅ ឡែម ស្រុកភ្នំព្រឹក ខេត្តបាត់ដំបង រួចលួចឆ្លងដែនចូលទៅប្រទេសថៃ។

សូមបញ្ជាក់ថាករណីនេះបានកើតឡើងនៅនាវេលាម៉ោង ០២និង៤០នាទី ទៀបភ្លឺ ថ្ងៃទី ០៦ ខែ វិច្ឆិកា ឆ្នាំ២០២០ នៅចំណុចស្ពានក្រចាប់ ត្រង់ចន្លោះ បង្គោលលេខ ២៤៦និង២៤៧ ស្ថិតនៅក្នុងភូមិស្ពាន ត្នោត ឃុំស្ពានត្នោត ស្រុកជីក្រៃង ខេត្តសៀមរាប។ រថយន្តម៉ាក ស្តារិចស្លាកលេខកំពង់ចាម២A៨៤៦៩ បានបង្កគ្រោះថ្នាក់ដោយខ្លួនឯង (បើកបរក្នុងស្ថានភាពងងុយដេក) ក្នុងនោះមានអ្នកបើកបរជាជនជាតិខ្មែរ និង១១ នាក់ទៀតជនជាតិវៀតណាម។

០១-ជនរងគ្រោះឈ្មោះ លី ម៉េង ជនជាតិ ខ្មែរ ជា អ្នក បេីកបរ កាន់ អត្តសញ្ញាណ ប័ណ្ណ លេខ២៥០០១៤០៣៧ (ស្លាប់)។

០២-ជនរងគ្រោះឈ្មោះ HOANG THI THUY ភេទ ស្រី កើតថ្ងៃទី០៨-០៩-១៩៩៥ ជនជាតិ វៀតណាម កាន់លិខិតឆ្លងដែនលេខ C៧១៦៦៩២១ (ស្លាប់ )។

០៣-ជនរងគ្រោះ ឈ្មោះ NGUYEN QUOC ភេទ ប្រុស កេីត ថ្ងៃទី ២០-០២-១៩៨៣ ជនជាតិ វៀតណាម កាន់លិខិតឆ្លងដែនលេខ C៣៥១៩២៤២ ( ស្លាប់ )។

០៤-ជនរងគ្រោះឈ្មោះ NGUYEN NHAT ភេទ ប្រុស កេីត ថ្ងៃទី ០៦-០៦-២០០១ ជនជាតិ វៀតណាម កាន់លិខិតឆ្លងដែនលេខ C៨៨២៨២៨៦ (ស្លាប់ )។

០៥-ជនរងគ្រោះឈ្មោះ QUACH THUY TRANH ភេទ ស្រី កេីត ថ្ងៃទី ១៤-០៤-២០១៨ កាន់លិខិតឆ្លងដែនលេខ C៦១៦៥៥៨០ (ស្លាប់ )។

០៦-ជនរងគ្រោះឈ្មោះ NGO DUC CUONG ភេទ ប្រុស កេីតថ្ងៃទី ២៥-១០-១៩៩៦ កាន់លិខិតឆ្លងដែនលេខ C៧៥៨៩៦៦០ (ស្លាប់ )។

០៧- ជនរងគ្រោះភេទ ស្រី អាយុ ប្រហែល ៥០ឆ្នាំ ពុំ មាន លិខិត ឆ្លង ដែន ជាប់ នឹងខ្លួន (ស្លាប់ )។

០៨-ជនរងគ្រោះឈ្មោះ TRUONG THI KHUYEN ភេទ ស្រី កេីត ថ្ងៃទី ១២-០២-១៩៨១ កាន់លិខិតឆ្លងដែនលេខ C៦១០៤៩៧៣ (រស់ )។

០៩- ជនរងគ្រោះឈ្មោះ PHIN THI VAN ភេទ ស្រី កេីត ថ្ងៃទី ០៥-០៥-១៩៨៤ (រស់)។

១០-ជនរងគ្រោះឈ្មោះ HOUANG QUOC TUAN ភេទ ប្រុស កេីតថ្ងៃទី ១៦-០៦-១៩៧៩ (រស់)។

១១- ជនរងគ្រោះឈ្មោះ DANG VAN VINH ភេទ ប្រុស កេីតថ្ងៃទី ១០-០៣-១៩៨១ (រស់)។

១២-ជនរងគ្រោះឈ្មោះ PHAM VIET LOI ភេទ ប្រុស ពុំ មាន លិខិត ឆ្លង ដែន ជាប់ នឹងខ្លួន (រស់ )។

សាកសពកំពុងរៀបចំបញ្ជូនទៅតម្កល់ទុកបណ្តោះអាសន្ននៅ វត្តស្ទឹងមានជ័យ រាជធានីភ្នំពេញ ដើម្បីរង់ចាំការសម្រេចពីក្រុមគ្រួសារនិងស្ថានទូត៕SRP

ខេត្តសៀមរាប៖លោក ហ៊ុន សម្បត្តិ នៅថ្ងៃទី០៦ ខែ តុលា ឆ្នាំ២០២០នេះ ត្រូវបានប្រកាសចូលកាន់តំណែងជាអភិបាលរង ស្រុកបន្ទាយស្រី ក្រោមវត្តមាន លោក ង៉ាន់ ភិរុណ អភិបាលរងខេត្តសៀមរាប។

ក្នុងពិធីប្រកាសលោក ង៉ាន់ ភិរុណ ក៏បានធ្វើការកោតសរសើរ និង វាយតម្លៃខ្ពស់ផងដែរ ចំពោះថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋទូទាំង ស្រុកបន្ទាយស្រី ដែលបានរួមសាមគ្គីគ្នា ក្នុងការកសាងអភិវឌ្ឍន៍ស្រុក ឲ្យមានការរីកចម្រើនលើគ្រប់វិស័យ ក្នុងរយៈពេលកន្លងមកនេះ។ ដោយទៀតសោតស្រុកបន្ទាយស្រីទាំងមូល មានសក្តានុពលក្នុងវិស័យកសិកម្ម ទេសចរណ៍ និងសិប្បកម្មទៀតផង។

លោកបានបន្តទៀតថា សមទ្ធិផល ដែលស្រុកសម្រេចបានកន្លងមកនេះ ជាគុណប្រយោជន៍ ដ៏ឧត្តុង្គឧត្តម នៃប្រជាជាតិ ព្រមជាមួយកម្មវិធីកំណែទម្រង់នានា របស់រាជរដ្ឋាភិបាល ហើយក្នុងបរិបទ នៃកំណែទម្រង់វិមជ្ឈការ និងវិសហមជ្ឈការ រាជរដ្ឋាភិបាល សម្រេចបាននូវសមទ្ធិផល ជាច្រើន។

លោក ក៏លើកឡើងថា ការប្រកាសតែងតាំងចូលកាន់មុខតំណែងនេះ វាជាបែបបទនីតិវិធី ដែលបានកំណត់ក្នុងច្បាប់ ហើយត្រូវបានយកមកអនុវត្ត ក្នុងប្រព័ន្ធរដ្ឋបាល សំដៅធ្វើយ៉ាងណាឲ្យការគ្រប់គ្រង ដឹកនាំរដ្ឋបាល កាន់តែមានប្រសិទ្ធភាព ក្នុងការឆ្លើយតបនឹងតម្រូវការរបស់មូលដ្ឋាន។

លោក អភិបាលរងខេត្ត បានស្នើដល់មន្ត្រីក្នុងស្រុកបន្ទាយស្រីទាំងអស់ ត្រូវរួមសហការគ្នាអនុវត្តការងារសំខាន់ៗ ជាអាទិភាពមួយចំនួនដូចខាងក្រោម ៖

–ត្រូវរួមគ្នាថែរក្សាការពារសន្តិភាព ស្ថិរភាពនយោបាយ ស្ថិរភាព សង្គម ឱ្យបានល្អប្រសើរ ក្នុងការតាមដាន ត្រួតពិនិត្យ និងដោះស្រាយបាតុភាពអសកម្ម និងការថ្នាំងថ្នាក់នានានៅមូលដ្ឋាន ឱ្យមានប្រសិទ្ធភាពខ្ពស់។

–បន្តខិតខំរក្សា សន្តិសុខសណ្តាប់ធ្នាប់ សាធារណៈ តាមលក្ខណៈសម្បត្តិ ទាំង០៩ នៃគោលនយោបាយភូមិ ឃុំមានសុវត្ថិភាព និងខិតខំលើកកម្ពស់សមត្ថភាព ជំនាញ និងសីលធម៌វិជ្ជាជីវៈ ត្រូវមានភាពស្អាតស្អំ និងខិតខំបម្រើប្រជាពលរដ្ឋដោយ ស្មោះត្រង់ និងស្មើភាព។

–ជំរុញការអភិវឌ្ឍសេដ្ឋកិច្ចសង្គមលើគ្រប់វិស័យ និងខិតខំលើកកម្ពស់ជីវភាពរស់នៅរបស់ប្រជាជនតាមរយៈការផ្តល់សេវាសាធារណៈ ព្រមទាំងខិតខំសម្របសម្រួលដោះស្រាយបញ្ហាប្រឈមនានា ដែលនៅសេសសល់ រួមមាន ការចុះបញ្ជីដាច់ដោយដុំ ការចុះបញ្ជីដីមានលក្ខណៈជាប្រព័ន្ធ ការងារសំណង់ ការដោះស្រាយទំនាស់ដីធ្លី។ល ។

–ជំរុញអនុវត្តកម្មវិធីកំណែទម្រង់នានា របស់រាជរដ្ឋាភិបាលឱ្យមានវឌ្ឍនភាពតាមផែនការកំណត់ ជាពិសេសត្រូវត្រៀមសហការអនុវត្តជាមួយក្រុមការងារថ្នាក់ជាតិ ថ្នាក់ខេត្ត ថ្នាក់ស្រុក និងឃុំ ឱ្យទទួលបានជោគជ័យ។

–បង្ការ ទប់ស្កាត់ បង្រ្កាបបទល្មើសឈើគ្រញូង ពិសេសការដឹកជញ្ជូន ការស្តុកទុក ការកែច្នៃ ការប្រើប្រាស់ប្រភេទឈើនេះគ្រប់រូបភាព និងត្រួតពិនិត្យរថយន្ត កែច្នៃខុសលក្ខណបច្ចេកទេស លុបបំបាត់ការដាក់ប៉ុស្តិ៍ត្រួតពិនិត្យមិនស្របច្បាប់គ្រប់រូបភាពក្នុងទឹកដីស្រុកបន្ទាយស្រី ទាំងមូល និងការយកកម្រៃមិនស្របច្បាប់ផ្សេងៗ។

–ពង្រឹងការគ្រប់គ្រងមន្រ្តីរាជការ និងមន្រ្តីជាប់កិច្ចសន្យា ក្នុងចនាសម្ព័ន្ធរដ្ឋបាលស្រុក ដើម្បីរួមគ្នាបំពេញការងាររបស់រដ្ឋបាលស្រុកឱ្យកាន់តែមានប្រសិទ្ធភាពថែមទៀត និងខិតខំពង្រឹងការិយាល័យផែនការ និងគាំទ្រឃុំ ដើម្បីការិយាល័យនេះចាប់ផ្តើមទទួលខុសត្រូវក្នុងការគាំទ្របច្ចេកទេសទៅដល់ឃុំ ក្នុងដែនសមត្ថកិច្ចរបស់ខ្លួន និងបន្តយកចិត្តទុកដាក់សហការជាមួយទីចាត់ការនានា ចំណុះសាលាខេត្ត ដើម្បីធ្វើការបណ្តុះបណ្តាល មន្រ្តីរាជការសាលាស្រុកឱ្យមានសមត្ថភាពគ្រប់គ្រាន់ក្នុងការអនុវត្តតួនាទី ភារកិច្ចរបស់ខ្លួនបានកាន់តែល្អប្រសើរ។

–តាមដានត្រួតពិនិត្យជាប្រចាំអំពីបញ្ហាប្រឈមនានា ដែលនឹងអាចកើតមានឡើង ក្នុងការអនុវត្តតួនាទី ភារកិច្ច ដែលបានកំណត់ ព្រមទាំងខិតខំស្វែងរកដំណោះស្រាយប្រកបដោយប្រសិទ្ធភាព និងការទទួលខុសត្រូវ ដោយត្រូវប្រកាន់ខ្ជាប់នូវគោលការណ៍ច្បាប់ និងលិខិតបទដ្ឋានគតិយុត្តិនានា ដើម្បីធ្វើយ៉ាងណាត្រូវរក្សាឱ្យបាននូវសាមគ្គីភាព ឯកភាពផ្ទៃក្នុងឱ្យបានល្អប្រសើរ៕SRP

«លោក ហ៊ុន សម្បត្តិ អភិបាលរងស្រុកបន្ទាយស្រី ទើបចូលកាន់មុខតំណែងនៅថ្ងៃទី០៦ខែវិច្ឆិកាឆ្នាំ២០២០»

ខេត្តសៀមរាប៖នគរបាលចរាចណ៍ផ្លូវគោកនៃស្នងការខេត្តសៀមរាប នៅថ្ងៃទី០៦ខែវិច្ឆិកាឆ្នាំ២០២០នេះបានបំភ្លឺជូន សាធារណៈជន និងម្ចាស់ហ្វេសបុកឈ្មោះ Khin Vanndy ក្រោយបានបង្ហោះចែកចាយ ព័ត៌មានទាក់ទង ទៅនឹងការរឹតបន្តឹងអនុវត្តច្បាប់ចរាចណ៍។

នគរបាលចរាចណ៍ផ្លូវគោកខេត្តសៀមរាប បានឲ្យដឹងថាកាលពីព្រឹកថ្ងៃទី៣១ ខែតុលា ឆ្នាំ២០២០ វេលាម៉ោងប្រហែល ០៩និង៣០នាទីព្រឹក កម្លាំងនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប បានដាក់គោលដៅត្រួតពិនិត្យច្បាប់ និងរឹតបន្តឹងចំពោះបើកបរល្មើសនិងស្លាកសញ្ញាហាមឃាត់ (ផ្លូវឯកទិស) នៅចំណុចផ្លូវខ្លោងទ្វារទន្លេអុំ បានធ្វើការឃាត់ម៉ូតូចំនួន ២គ្រឿង ដែលបានបើកបរម៉ូតូមិនពាក់មួកសុវត្ថិភាពទាំង ៤នាក់ (មានទាំងអ្នកបើកបរ និងអ្នករួមដំណើរ) បានបើកបរពីត្បូង ទៅជើង ដើម្បីយកធ្វើការពិន័យ ដោយផ្អែកលើស្ថានភាពជាក់ស្តែង ពួកគាត់បានស្នើសុំអោយសមត្ថកិច្ចយើង ធ្វើការផាកពិន័យ មិនពាក់មួកតែមួយនាក់គត់ និងបានអប់រំណែនាំ ចំនួន៣នាក់ បន្ថែមទៀត ដែលមិនពាក់មួកសុវត្ថិភាព។

– ដែលមានបង្កាន់ដៃពិន័យអន្តរការណ៍លេខ០០៩៤៨៣១ និងបង្កាន់ដៃបង់ប្រាក់ពិន័យលេខ ០៧០-២-០២០០០១៧៣៨៩ ចំនួនទឹកប្រាក់ ៦០,០០០ ៛ (ប្រាំមួយម៉ឺន រៀល) ចុះថ្ងៃទី៣១/១០/២០២០ តាមមាត្រា៦ ចំណុច ១ ក នៃអនុក្រឹត្យលេខ ៣៩ អនក្រ.បក អំពើល្មើសនឹងច្បាប់ស្តីពីចរាចរណ៍ផ្លូវគោក។

សេចក្តីដូចបានជំរាបជូនខាងលើនេះ សូមសាធារណៈជន អ្នកសារព័ត៌មាន ពិសេសបងប្អូន ដែលនិយមប្រើប្រាស់បណ្តាញទំនាក់ទំនង សង្គមហ្វេសបុក មេត្តាជ្រាបជាព័ត៌មាន នឹងឈប់មានការយល់ច្រឡំ លើសមត្ថកិច្ចយើង ចុះរឹតបន្តឹងច្បាប់ នៅចំណុចខ្លោងទ្វារទន្លេអុំ៕SRP

Sponsored

ខេត្តសៀមរាប៖សេចក្ដីរាយការណ៍ព័ត៌មានបឋមបានឲ្យដឹងថាយ៉ាងហោចណាស់មនុស្ស៧នាក់បានស្លាប់និង៥នាក់រងរបួសដោយសារការក្រឡាប់រថយន្តបង្ករដោយខ្លួនឯង។ ហេតុការណ៍បានកើតឡើងនៅម៉ោងថ្ងៃទី០៦ខែវិច្ឆិកាឆ្នាំ២០២០វេលាម៉ោង០២និង៤០នាទី ព្រឹកនៅផ្លូវជាតិលេខ០៦ ចន្លោះគីឡូម៉ែត្រលេខ 246~247 ភូមិ ស្ពានត្នោត១ឃុំស្ពានត្នោត ស្រុកជីក្រែង ខេត្តសៀមរាប។ សមត្ថកិច្ចបានរាយការណ៍ថារថយន្តជួបគ្រោះថ្នាក់ចរាចណ៍ម៉ាកស្តារិច ពណ៌ទឹកប្រាក់ ពាក់ស្លាកលេខ កំពង់ចាម ២A៨៤៦៩ បើកបរដោយ ជនជាតិខ្មែរ មិនទាន់ស្គាល់អត្តសញ្ញាណ( ស្លាប់ )ដឹកអ្នករួមដំណើរជនជាតិ វៀតណាម១១នាក់ ប្រុស ០៦នាក់ស្រី០៥នាក់។ ករណីនេះបណ្តាល អោយស្លាប់ មនុស្ស ០៧នាក់ ស្រី០៣នាក់ នឹងរបួសស្រាល០៥នាក់។ នេះបើយោងតាមសន្និដ្ឋានរបស់សមត្ថកិច្ចមូលហេតុ បឋម អ្នកបើកបរ អាចក្នុងស្ថានភាព ងងុយដេក និង មានល្បឿនលឿន។ ពាក់ព័ន្ធករណីសមត្ថកិច្ចនៅមិនទាន់បញ្ជាក់លម្អិតនៅឡើយទេ៕SRP

ខេត្តសៀមរាប៖សិស្សសាលាម្នាក់ត្រូវបាន ឪពុកបង្កើតចាប់រំលោភ បានសម្រេចនិងគំរាមមិនឲ្យអ្នកប្រាប់ម្ដាយ។ ករណីនេះឪពុកដែលជាជនសង្ស័យ ត្រូវបាននគរបាលចាប់ខ្លួន ក្រោយពីទទួលបាន ពាក្យបណ្ដឹងពីនារីរងគ្រោះ។

សមត្ថកិច្ចស្រុកពួកបានឲ្យបណ្ដាញ«សៀមរាបប៉ុស្ដិ៍» ដឹងនៅព្រឹកនេះថា៖ ជនរងគ្រោះឈ្មោះ ភ. ល ឆ្នាំកំណើត ថ្ងៃទី២០ ខែកញ្ញា ឆ្នាំ២០០២ (អាយុ១៨ឆ្នាំ) រស់នៅ ឃុំល្វា ស្រុកពួក ខេត្តសៀមរាប ជាសិស្សថ្នាក់ទី១២។

ចំណែកជនសង្ស័យ ជាឪពុកបង្កើត របស់ខ្លួន មានឈ្មោះ ទិត្យ ភាព អាយុ៤៥ឆ្នាំ មុខរបរកម្មករសំណង់ រស់នៅផ្ទះជុំគ្នា។ ពីបទរំលោភសេពសន្ថវៈប្រព្រឹត្តក្នុងឆ្នាំ២០១៤ ចំណុចលើផ្ទះខ្លួន សម្រេចចំនួន០១លើក។

សមត្ថកិច្ចបានបញ្ជាក់ថា៖តាមការរៀបរាប់របស់នារីរងគ្រោះថា អំឡុងឆ្នាំ២០១៤ កាលនាងមានអាយុ១៤ឆ្នាំ ឪពុករបស់នាងឈ្មោះ ទិត្យ ភាព តែងមានទំនាស់ ក្នុងគ្រួសារ ជាមួយម្ដាយនាង និងតាមហួងហែងកំណត់ពេលវេលា រៀនសូត្រ មិនឱ្យនាងមានមិត្តភ័ក្ក ឬក៏ដើរលេងខុសម៉ោងសិក្សា និងព្យាយាមប៉ុនប៉ង ចង់បានការរួមភេទជាមួយនាង ជាកូនជាច្រើនដង។

នារីរងគ្រោះបន្តថា៖ជាក់ស្ដែងក្នុងឆ្នាំ២០១៤ ដដែល ថ្ងៃ.ខែ នាងមិនចាំ វេលាពេលយប់ម៉ោងប្រហែល ៧និង០០នាទី នាងនៅលើផ្ទះ ជុំជាមួយឪពុក ចំណែកម្ដាយនិងប្អូនស្រី ដើរលេងផ្ទះអ្នកភូមិ ជាមួយគ្នាមិននៅផ្ទះ ពេលនោះឪពុកនាងបានប្រើរូបភាព គំរាមបង្ខំ សម្រាតសម្លៀកបំពាក់ របស់នាង ហើយរួមភេទជាមួយនាងសម្រេច០១លើក ចំណុចលើផ្ទះ រួចគំរាមមិនឱ្យនាងប្រាប់ម្ដាយ ឬអ្នកណាឡើយ។ ជាបន្តបន្ទាប់ ក្រោយៗមកទៀត ឪពុករបស់នាង តែងតែព្យាយាមប៉ុនប៉ង និងចង់បានការរួមភេទ ជាមួយរូបនាងជាច្រើនលើក រហូតក្នុងខែតុលាឆ្នាំ២០២០ឪពុកបានចាប់រំលោភម្ដងទៀត។

នាងបានបន្តទៀតថា៖នៅថ្ងៃច័ន្ទ ត្រូវនឹងថ្ងៃទី ០២ ខែ វិច្ឆិកា ឆ្នាំ២០២០ នេះ ដោយមានការភ័យខ្លាច ទើបនាងសម្រេចចិត្ត ប្រាប់រឿងដល់ម្ដាយ នឹងតេទូរស័ព្ទប្រាប់បងប្រុស ជាកូនម្ដាយជាមួយ តែឪពុកមុន

ដែលរស់នៅធ្វើការប្រទេសថៃ ពេលនោះម្ដាយនិងឪពុក សុំអង្វរនាងកុំឲ្យប្ដឹង តែនាងបានគេចចេញ ពីផ្ទះទៅរស់នៅផ្ទះពូ នៅសង្កាត់ក្របីរៀល ក្រុងសៀមរាប នឹងបានមកដាក់ពាក្យបណ្ដឹង នៅអធិការនគបាល ស្រុកពួក នៅថ្ងៃទី ០៥ខែវិច្ឆិកាឆ្នាំ២០២០ម្សិលមិញ។

បើតាមសមត្ថកិច្ចបានបញ្ជាក់ថា នៅចំពោះមុខសមត្ថកិច្ច ជនសង្ស័យជាឪពុកបង្កើត ឈ្មោះទិត្យ ភាព បានឆ្លើយសារភាពថា៖ ខ្លួនពិតជាបានប្រព្រឹត្ត សកម្មភាពរួមភេទ ទៅលើកូនស្រីបង្កើត សម្រេចបានចំនួនពីរលើកពិតមែន។ បច្ចុប្បន្នជនសង្ស័យ ត្រូវបាននគរបាល ឃាត់ខ្លួន និងកសាងសំណុំរឿង បញ្ជូនទៅតុលាការ ដើម្បីអនុវត្តតាមផ្លូវច្បាប់៕SRP

ខេត្តសៀមរាប៖សមត្ថកិច្ចបានឲ្យដឹងថាមន្ត្រី សុរិយោដីខេត្តសៀមរាប ម្នាក់បើករថយន្តលុចស៊ិស មួយគ្រឿង ម៉ាក់ GS៣០០ ពណ៌ក្រហម ពាក់ស្លាកលេខ ភ្នំពេញ ២BA០១៦៩ បានបើកបុកថ្មចែកទ្រូងផ្លូវបណ្ដាលឱ្យខូចខាតរថយន្តយ៉ាងដំណំនិងរបើកថ្ម ចែកទ្រូងផ្លូវ ចេញពីគ្នាអស់៣ផ្ទាំង បង្កការភ្ញាក់ផ្អើល ព្រមទាំងកកស្ទះចរាចរណ៍មួយសន្ទុះផងដែរ។

បើតាមការសាក្សីនៅក្នុងកន្លែងកើតហេតុបានឱ្យដឹងថា រថយន្តលុចស៊ិស បង្កហេតុនេះ បានបើកបរពីទិសខាងកើតមកលិច មកដល់ចំណុចខាងលើ បានរ៉េចង្កូតទៅបុកផ្ទាំងថ្មចែកទ្រូងផ្លូវបណ្ដាលឱ្យ អស់បែកខ្លះចំនួន៣ផ្ទាំង ហើយរថយន្តខូចខាតខ្ទេចខាងមុខនិងចំហៀង។

តាមការសន្និដ្ឋានរបស់សមត្ថកិច្ចជំហានដំបូង អាចបណ្ដាលមកពីជាប់កំរាលជាន់ជើង។
បើតាមប្រភពពីសមត្ថកិច្ចបានបង្ហើបឱ្យដឹងថាម្ចាស់រថយន្ត ឈ្មោះ យា ផល្លា ភេទប្រុសអាយុ ៤១ឆ្នាំ មុខងារ មន្ត្រីនៃមន្ទីរសុរិយោដីខេត្តសៀមរាប។

ជុំវិញហេតុការណ៍ខាងលើនេះ មន្ត្រីសាធារណនិងដឹកជញ្ជូនខេត្តសៀមរាប បានប្រាប់អ្នកសារព័ត៌មាន យ៉ាងខ្លីថា៖ ចំពោះរថយន្តដែលបុកខឿន ពុះចែកទ្រូងផ្លូវនោះ ខាងជំនាញបានឱ្យម្ចាស់រថយន្ត ទិញយកមកសងវិញ។ ចំណែកការខូចខាត គឺជាកាតព្វកិច្ច របស់សមត្ថកិច្ចនគរបាលចរាចរណ៍ ជាអ្នកផាកពិន័យទេ មិនមែន ខាង សាធារណនិងដឹកជញ្ជូនខេត្តនោះទេ។ បច្ចុប្បន្នរថយន្តបង្ក របស់មន្ត្រីសុរិយោដី ខេត្តសៀមរាបខាងលើ ត្រូវបានរថយន្តមកស្ទូច យក ទៅជួសជុល។

សូមជម្រាបថា ហេតុការណ៍នេះបានកើតឡើងនៅវេលាម៉ោងជិត១២ថ្ងៃត្រង់ ថ្ងៃទី ០៥ខែវិច្ឆិកា ឆ្នាំ ២០២០ ស្ថិតនៅមុខកាហ្គាសសាំងតូតាល់ ខាងកើតផ្សារលើធំថ្មី ជាប់ស្តុប ស្មាយលីង ស្ថិតក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប តាមផ្លូវជាតិលេខ៦ ប៉ុន្តែមិនមានបង្កគ្រោះថ្នាក់ដល់មនុស្សឡើយ៕SRP

ខេត្តសៀមរាប៖សេចក្ដីរាយការណ៍ព័ត៌មានបឋមបានឲ្យដឹងថា រថយន្តលុចស៊ិស មួយគ្រឿង ម៉ាក់GS៣០០ ពណ៌ក្រហម ពាក់ស្លាកលេខ ភ្នំពេញ ២BA០១៦៩ បានបើកបុកថ្មចែកទ្រូងផ្លូវបណ្ដាលឲ្យខូចខាតរថយន្តយ៉ាងដំណំនិងរបើកថ្មចែកទ្រូងផ្លូវអស់៣ផ្ទាំង។

ហេតុការណ៍បានកើតឡើងនៅមុខការាសសាំងតូតាល់ ខាងកើតផ្សារលើធំថ្មី ជាប់ស្តុប ស្ថិតក្នុងភូមិចុងកៅស៊ូសង្កាត់ស្លក្រាមក្រុងសៀមរាបតាមផ្លូវជាតិលេខ៦ នៅវេលាម៉ោងជិត១២ថ្ងៃត្រង់ នៅថ្ងៃទី០៥ខែវិច្ឆិកា ឆ្នាំ ២០២០។

បើតាមមន្ត្រីនៅក្នុងកន្លែងកើតហេតុបានឲ្យដឹងថា រថយន្តស៊ិសបង្កហេតុនេះ បានបើកបរពីទិសខាងកើតមកលិច មកដល់ចំណុចខាងលើ បានរេចង្កូតទៅបុកផ្ទាំងថ្មចែកទ្រូងផ្លូវបណ្ដាលឱ្យ អស់ចំនួន៣ផ្ទាំងតែម្ដង។
តាមការសន្និដ្ឋានរបស់សមត្ថកិច្ចជំហានដំបូង អាចបណ្ដាលមកពីជាប់កំរាលជាន់ជើង។

យោងតាមប្រភពបានបង្ហើបឲ្យដឹងថា ម្ចាស់រថយន្តត្រូវបានគេដឹងថាជាមន្ត្រីនៃមន្ទីរសូរិយោដីខេត្តសៀមរាប(សូមលាក់ឈ្មោះសិន)។

ជុំវិញហេតុការណ៍នេះ សមត្ថកិច្ចនៅមិនទាន់បញ្ជាក់ពីព័ត៌មានលម្អិតនៅឡើយទេ៕SRP

ខេត្តសៀមរាប៖ការពិតចឹងសោះ ថៅកែម្ចាស់ភោជនីយដ្ឋាន ជូហេងហេង ដោយសារតែខឹងនឹងបុគ្គលិកជិះម៉ូតូ មិនធ្វើការ បានដុតម៉ូតូចោល បណ្ដាលឲ្យឆាបឆេះយ៉ាងសន្ធោសន្ធៅ បង្កឲ្យមានការភ្ញាក់ផ្អើលដល់ពលរដ្ឋ និងសមត្ថកិច្ច។

ហេតុការណ៍នេះបានកើតឡើងនៅវេលាម៉ោង០៨និង៣០នាទី ថ្ងៃទី០៥ខែវិច្ឆិកាឆ្នាំ២០២០ ចំណុមុខភោជនីយដ្ឋាន ជូ ហេងហេង ស្ថិតភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប។

មន្ត្រីនគរបាលសង្កាត់ប៉ុស្ដិ៍ស្លក្រាមបានឲ្យបណ្ដាញ«សៀមរាបប៉ុស្ដិ៍»ដឹងថា ករណីដុតម៉ូតូចោល១គ្រឿងនេះម៉ូតូ ម៉ាក វ៉េវ C១១០ ពណ៌ក្រហមលាយខ្មៅ ពាក់ស្លាកលេខ សៀមរា ១P.៥៥១២(ម៉ូតូចាស់)។

នគរបាលប៉ុស្ដិ៍បន្តថាម្ចាស់ម៉ូតូ មានឈ្មោះ ង៉ូវ ឡេង ភេទប្រុ អាយុ៥០ឆ្នាំ មុខរបរម្ចាស់ភោជនីយដ្ឋាន ជូហេងហេង បានយកសាំងចាក់ដុតម៉ូតូរបស់ខ្លួនបណ្តាលអោយឆាបឆេះ តែមិនបណ្តាលអោយមានរបួសដល់មនុស្សនោះទេ។

បើតាមមន្ត្រីនគរបាលបញ្ជាក់ថា«មូលហេតុខឹងនិងបុគ្គលិក របស់ខ្លួនឈ្មោះ គន្ឋា ភេទ ប្រុសអាយុ៣៣ឆ្នាំ មុខរបរចុងភៅ ជិះម៉ូតូដើរលេង មិនធ្វើការ»។

មន្ត្រីនគរបាលបានបញ្ជាក់ទៀតថាករណីនេះកម្លាំងប៉ុស្តិ៍បានចុះជួយបាញ់បំពង់ពន្លត់ទាន់ពេលវេលា មិនរាលដាលដល់កន្លែងផ្សេងទៀតឡើយ។ សូមបញ្ជាក់ថាហេតុការណ៍នេះរងការខូចខាតឆេះអស់ ម៉ូតូ១គ្រឿង៕SRP