ភ្នំពេញ

ភ្នំពេញ៖សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជានៅរសៀលថ្ងៃទី១៧ ខែធ្នូ ឆ្នាំ២០២០ ម្សិលមិញ បានអនុញ្ញាតឱ្យលោកឧកញ៉ា អ៊ុច សម្បត្តិ ប្រធានក្រុមហ៊ុនគ្រួសារកក់ក្តៅ និងលោកជំទាវ ចូលជួបសម្តែងការគួរសម និងនាំយកអំណោយមានម៉ាស ចំនួន៥ម៉ឺនម៉ាស និងជែលលាងដៃចំនួន៣ពាន់ដប ដើម្បីចែកជូនមន្រ្តីរាជការក្នុងរដ្ឋសភា និងប្រជាពលរដ្ឋសម្រាប់ការពារការឆ្លងជំជឺកូវីដ១៩ នៅភូមិគ្រឹះចំការមនរាជធានីភ្នំពេញ។

សម្តេចអគ្គមហាពញាចក្រី ហេង សំរិនបានថ្លែងអំណរគុណ និងកោតសរសើរចំពោះកាយវិការមនុស្សធម៌របស់ក្រុមហ៊ុន ដែលបានរួមចំណែកការការពារទប់ស្កាត់ការរីករាលនៃជំងឺកូវីដ១៩ ដែលកំពុងរាតត្បាតដល់ប្រជាជនលើសកលលោករួមទាំងកម្ពុជាយើងផង។

សម្តេចប្រធានរដ្ឋសភាបានមានប្រសាសន៍ថា រយះពេលកន្លងមកនេះជំងឺកូវីដ១៩បានឆ្លងចូលក្នុងសហគមន៍យើងជាលើកដំបូង ប៉ុន្តែរាជរដ្ឋាភិបាលកម្ពុជា ដឹកនាំដោយសម្តេចអគ្គមហាសេនាបតីតេជោហ៊ុនសែន ដែលមានក្រសួងសុខាភិបាលជាសេនាធិការ ពិសេស ការចូលរួមយ៉ាងផុលផុសពីបងប្អូនប្រជាពលរដ្ឋយើង បានទប់ស្កាត់ការរីករាលដាលនៃជំងឺកូវីដ១៩ (ព្រឹត្តិការណ៍សហគមន៍២៨វិច្ឆិកា) នៅកម្ពុជាបានទាន់ពេលវេលា ធ្វើឱ្យសភាពការណ៍មានការធូរស្រាលឡើងវិញ។

សម្តេចប្រធានរដ្ឋសភា បានកោតសរសើរ និងអរគុណដល់ក្រុមគ្រូពេទ្យជួរមុខ ដែលបានយកចិត្តខ្ពស់ពិនិត្យព្យាបាលអ្នកជម្ងឺកូវីដ១៩ ជាសះស្បើយ និងបន្តតាមដានអ្នកពាក់ព័ន្ធមកធ្វើចត្តាឡីស័កទាន់ពេលវេលា និងទទួលបានការគាំទ្រពីគ្រប់មជ្ឈដ្ឋាន ។

សម្តេចប្រធានរដ្ឋសភាបានអំពាវនាវដល់ជនរួមជាតិ បន្តអនុវត្តឱ្យបានខ្ជាប់ខ្ជួនរាល់វិធានការការពារនានា ដែលក្រសួងសុខាភិបាលបានដាក់ចេញ ដូចជាត្រូវពាក់ម៉ាសជាប្រចាំ ជៀសវាងការជួបជុំគ្នាដែលមានមនុស្សច្រើន ត្រូវរក្សាគម្លាតសង្គម ហើយឧស្សាហ៍លាងសម្អាតដៃជាប្រចាំ ដើម្បីការពារនិងចូលរួមទប់ស្កាត់ការរីករាលដាលជំងឺកូវីដ១៩ មកលើខ្លួន ក្រុមគ្រួសារ និងសហគមន៍យើង៕SRP

ភ្នំពេញ៖សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នឹង ឯលោក សាយ សំអាល់ រដ្ឋមន្ត្រីក្រសួងបរិស្ថាន បានចុះហត្ថលេខា រួមគ្នា ស្ដីពីការកែសម្រួល និងបន្ថែមសមាសភាពក្រុមការងារដើម្បីពិនិត្យ និងដាក់បញ្ចូលវិធានការអនាម័យ និងបរិស្ថានទៅក្នុងលក្ខណៈសម្បត្តិនៃគោលនយោបាយភូមិ ឃុំ មានសុវត្ថិភាព៕SRP

ភ្នំពេញ៖មានការលើកឡើងថាការដឹកជញ្ជូនទំនិញគ្រប់ប្រភេទ គឺមានក្រុមហ៊ុន និងឈ្មួញជាច្រើន បានបង្វែរទិសដៅ ទៅតាមច្រកបាវិត ខេត្តស្វាយរៀង ខណៈការម៉ៅក្នុងការដឹកជញ្ជូន តម្លៃក្នុងមួយកុងតឺន័រ ថោកជាងគេ ចាប់ពី១៥០០ដុល្លារ ដល់២០០០ដុល្លារ(បញ្ចុះសេវារត់ការ) នេះជាការលើកឡើងពីក្រុមឃ្លាទំនិញ ។

ប្រភពបានរាយការណ៍មកថា៖ ចំពោះបញ្ហាដឹកជញ្ជូនទំនិញ ឆ្លងកាត់ច្រកអន្តរជាតិបាវិត ខេត្តស្វាយរៀង ទោះជាមានការបង់ពន្ធត្រឹមត្រូវក៏ពិតមែន។ ក៏ប៉ុន្តែតើមានទំនិញមួយចំនួនធំ បានលោតឆ័ត្រតាមច្រករបៀង ដែលគេដាក់ភាពសង្ស័យថា ជាអំពើរត់ពន្ធទាំងនេះ គឺជាប្រភពសេដ្ឋកិច្ចយ៉ាងច្រើន សម្រាប់បុគ្គល លោក ផែន ភឿន ប្រធានការិយាល័យស្រាវជ្រាវអំពើរត់ពន្ធតំបន់២ នៃអគ្គនាយកដ្ឋានគយនិងរដ្ឋាករ កម្ពុជា។

សូមបញ្ជាក់ថា៖លោក ផែន ភឿន ប្រធានការិយាល័យស្រាវជ្រាវ អំពើរត់ពន្ធតំបន់ ២ គឺបានគ្រប់គ្រងទៅលើខេត្តជាច្រើនដូចជា៖ ខេត្តស្វាយរៀង ខេត្តកណ្ដាល ខេត្តតាកែវ ខេត្តព្រៃវែង និងខេត្តមួយទៀត។

ទន្ទឹមនឹងឥទ្ធិពល ក្នុងការគ្រប់គ្រង តាមបណ្តាខេត្តទាំងនោះ ក៏មានការលេចឮថា លោក ផែន ភឿន ឆ្លៀតរកឱកាស ដើម្បីប្រមូលសេដ្ឋកិច្ចពីការដឹកជញ្ជូនទំនិញបង់ពន្ធស្របច្បាប់ ទំនិញពាក់កណ្ដាលគេចពន្ធ និងទំនិញរត់ពន្ធ។ បើទោះជាគេមិនបានបញ្ជាក់អំពីតួលេខពិតប្រាកដយ៉ាងណាក៏ដោយ ប៉ុន្តែមានអ្នកដឹកទំនិញខ្លះលួចបង្ហើបថា បើទំនិញដែលបានបង់ពន្ធរួចហើយក៏ដោយ នៅតែបង់ប្រាក់ឱ្យលោកផែនខ្លួន ក្នុងមួយឡានចំនួន ១០០ដុល្លារទៅ ១៥០ដុល្លារ។ ដោយឡែកចំពោះការដឹកជញ្ជូនទំនិញ ចាក់ទុកថាលោតឆ័ត្រ ឬប្រកាសពន្ធប្រភេទអេឡិចត្រូនិច ប្រភេទទំនិញនាំចូលបង់ពន្ធថ្លៃ តែបង់ពន្ធប្រភេទជាកែវជ័រ ចាប់ហួយ ជាវសំឡីអនាម័យ ក្រដាសអនាម័យ នោះគឺលោក ផែន ភឿន បានតម្រូវឱ្យបង់ក្នុងមួយឡាន យ៉ាងតិចចាប់ពី ៣០០ដុល្លារ ទៅ ៥០០ដុល្លារ។ ក្នុងនោះការបង្កប់ដឹកប្រេងម៉ាស៊ីនច្រើនផងដែរ។ ប៉ុន្តែចំពោះការដឹកជញ្ជូនទំនិញ ដែលបានបង់ពន្ធពិតប្រាកដ គេក៏ឆ្ងល់ថា ហេតុអី្វក៏លោក ផែន ភឿន នៅតែទទួលបាន សេវាបង់ថ្លៃក្បាលឡានក្នុងមួយឡាន ១០០ដុល្លារទៅ ១៥០ដុល្លារ នេះជាចំណុចមួយ ក្លាយជាចម្ងល់សង្ស័យថា ការដឹកជញ្ជូននេះ បង់ពន្ធពិតប្រាកដក៏ដោយ តែអាចបង់ពន្ធមិនគ្រប់ ឬបង់ពន្ធក្លែងភេទទំនិញ ប្រកាស(គោ) បង់ពន្ធ( កណ្ដុរ)ក៏អាចថាបាន។

ក្រុមឈ្មួញបានលើកឡើងថា មួយរយៈចុងក្រោយនេះ គឺមានទំនិញច្រើន ត្រូវឆ្លងកាត់ក្នុងតំបន់ដែល លោក ផែន ភឿន គ្រប់គ្រង ទាំងខេត្តស្វាយរៀង ខេត្តព្រៃវែង ខេត្តកណ្ដាល ខេត្តតាកែវ នឹងខេត្តមួយចំនួនទៀត មានទាំងទំនិញតាមផ្លូវគោក និងតាមផ្លូវទឹក។ អ្នកដឹកជញ្ជូនទំនិញចៀសមិនផុតទេ ពីការបង់ប្រាក់ឱ្យលោក ផែន ភឿន ដែលជាមេគយ ដ៏ចាស់វស្សា និងប្រមូលសេដ្ឋកិច្ចនោះទេ។

ដូច្នេះលោក បណ្ឌិត គុណ ញឹម ប្រតិភូរាជរដ្ឋាភិបាល ទទួលបន្ទុកអគ្គនាយក នៃអគ្គនាយកគយនិងរដ្ឋាករកម្ពុជា សុំជួយពិនិត្យមើល ភាពមិនប្រក្រតី របស់ លោកផែន ភឿន ប្រធានការិយាល័យស្រាវជ្រាវ អំពើរត់ពន្ធតំបន់២ផង។

ជុំវិញការលើកឡើងនេះ បណ្ដាញសៀមរាបប៉ុស្ដិ៍ នៅមិនទាន់ទទួលបានការបកស្រាយបំភ្លឺពីលោកផែន ភឿន ប្រធានការិយាល័យស្រាវជ្រាវអំពើរត់ពន្ធតំបន់២ នៅឡើយទេ ដោយមិនមានលេខទំនាក់ទំនង។ ប៉ុន្តែលោកធ្លាប់បានប្រាប់សារព័ត៌មានក្នុងស្រុកមួយ កាលពីរសៀលថ្ងៃទី៦ ខែធ្នូ ឆ្នាំ ២០២០ តាមទូរស័ព្ទយ៉ាងដូច្នេះថា៖ «ខ្ញុំគ្មានធ្វើចឹងៗ យកលុយពីគេទេ កុំជឿគេចោទប្រកាន់មកលើខ្ញុំ»……រួចក៏បិទទូរស័ព្ទ ខលលែងចូលតែម្តង៕SRP

ភ្នំពេញ៖ក្រសួងមហាផ្ទៃ នៅថ្ងៃទី១៥ ខែធ្នូ ឆ្នាំ២០២០ នេះ បានចេញសេចក្តីប្រកាសមួយ អនុញ្ញាតឲ្យ មន្ត្រី ថ្នាក់ដឹកនាំ មន្ត្រីរាជការស៊ីវិល មន្ត្រីនគរបាលជាតិ និងមន្ត្រីពន្ធនាគារ ដែលបម្រើការងារ ក្នុងបរិវេណទីស្តីការក្រសួងមហាផ្ទៃ ចាប់ពីថ្ងៃទី១៥ ខែធ្នូ ឆ្នាំ២០២០នេះតទៅ សម្រាប់ថ្នាក់ដឹកនាំ និងមន្ត្រីដែលបានធ្វើតេស្ត៣លើករួចរាល់ ហើយអវិជ្ជមានកូវីដ១៩។

ក្រសួងក៏បានណែនាំដល់ថ្នាក់ដឹកនាំ និងមន្ត្រីដែលចូលធ្វើការ ត្រូវធ្វើអនាម័យក្នុងជីវភាពរស់នៅប្រចាំថ្ងៃ និងនៅកន្លែងធ្វើការ ដោយអនុវត្តវិធានការការពារជំងឺកូវីដ១៩ ឲ្យបានត្រឹមត្រូវ ហ្មត់ចត់បំផុត តាមគោលការណ៍ណែនាំរបស់ក្រសួងសុខាភិបាល ជាពិសេសការពាក់ម៉ាស់ ការលាងសម្អាតដៃឲ្យបានញឹកញាប់ និងរក្សាគម្លាតសុវត្ថិភាពបុគ្គល។

សូមជម្រាបថា ក្រសួងមហាផ្ទៃ បានបិទការចេញ-ចូល មួយរយៈបន្ទាប់មានផ្ទុះព្រឹត្តិការណ៍២៨វិច្ឆិកា ដើម្បីបាញ់ថ្នាំការពារ ទប់ស្កាត់ ការឆ្លងរីករាលដាលកូវីដ១៩ ក្នុងលក្ខណៈឆ្លងសហគមន៍។

ជាមួយគ្នានេះ ក្រសួងក៏បានណែនាំក្រើនរំលឹកចំពោះថ្នាក់ដឹកនាំ មន្ត្រីរាជការស៊ីវិល មន្ត្រីនគរបាលជាតិ និងមន្ត្រីពន្ធនាគារ ត្រូវបន្តធ្វើចត្តាឡីស័កឲ្យបានត្រឹមត្រូវហ្មត់ចត់បំផុត ហើយត្រូវមកធ្វើតេស្តជាលើកទី៣ ជាបន្តទៀត ដែលកំណត់កាលបរិច្ឆេទ និងពេលវេលាដោយក្រសួងសុខាភិបាល៕SRP

ឯកឧត្តមសុខ លូ អភិបាលនៃគណៈអភិបាលខេត្តកំពង់ធំ សូមបួងសួងដល់វត្ថុសក្តិសិទ្ធិក្នុងលោក តាមបីបាច់ថែរក្សា និងប្រសិទ្ធពរជ័យ សិរីមង្គល បវរមហាប្រសើរ ជូនសម្តេច​កិត្តិ​ព្រឹទ្ធបណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា ក្នុងឱកាសបុណ្យខួបកំណើតគម្រប់ ៦៦ ឈានចូល ៦៧ ឆ្នាំ🙏🙏🙏

ភ្នំពេញ៖ខ្ញុំបាទ ដួង តារា ក្រុមគ្រួសារ​ និងក្រុមការងារ ព្រមទាំងបងប្អូនប្រជាពលរដ្ឋគោរពស្រឡាញ់សម្តេចទាំងទ្វេ សូមចូលរួមបួងសួងជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន ឧត្តមភរិយា សម្តេចតេជោ ហ៊ុន សែន នាយករដ្ឋមន្រ្តី នៅក្នុងថ្ងៃខួបកំណើតគម្រប់៦៦ឆ្នាំឈានចូល៦៧ឆ្នាំ- ១៥/១២/២០២០ ។

សូមសម្ដេចកិត្តិព្រឹទ្ធបណ្ឌិត ប៊ុនរ៉ានី​ ហ៊ុនសែន​ ព្រមទាំងសម្ដេចអគ្គមហាសេនាបតីតេជោ​ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងបុត្រា-បុត្រី ចៅប្រុស-ចៅស្រីជាទីស្រទ្បាញ់ទាំងអស់ជួបតែសុភមង្គលវិបុលសុខគ្រប់ប្រការនិងប្រកបដោយពុទ្ធពរទាំងបួនប្រការគឺ÷ អាយុ វណ្ណះ សុខះ ពលះកុំបីឃ្លៀងឃ្លាតទ្បើយ ។

សូមគោរពជូនពរពីខ្ញុំបាទ​ ដួង តារា ជំនួយការផ្ទាល់សម្ដេចតេជោនាយករដ្ឋមន្រ្តី​ និងជារដ្ឋលេខាធិការទីស្ដីការគណះរដ្ឋមន្រ្តី  ព្រមទាំងក្រុមការងារ៕SRP

ខេត្តកំពត៖បើទោះបីជាមានការរិះគន់យ៉ាងចាស់ដៃពីពលរដ្ឋ យ៉ាងណាក៏ដោយ ក៏ តា លឹម ញន នៅតែបន្តសកម្មភាព របស់ខ្លួន ប្រើប្រាសគ្រឿងចក្រ កាយបំផ្លាញភ្នំ យកធ្វើមានធ្វើបានតាមអំពើចិត្ត។

ប្រជាពលរដ្ឋ នៅក្នុង ស្រុកទឹកឈូ ខេត្តកំពត បានលើកឡើងថាបច្ចុប្បន្នមេឈ្មួញ លឹម ញន ម្ចាស់គ្រឿងចក្រនៅតែបន្ត កាយដីភ្នំធំ ធ្វើអាជីវកម្ម យ៉ាងអនាធិបតេយ្យ ដោយមិនមានការទប់ស្កាត់ពីអាជ្ញាធរជំនាញឡើយ។

បើតាមការបង្ហើប ពីមន្ត្រីតូចតាច នៅក្នុងខេត្តកពត បានឲ្យដឹងថា ការដែល លោក លឹម ញន ហ៊ានធ្វើអ្វីៗតាមអំពើចិត្តគឺសង្ស័យមានការឃុបឃិត បើកដៃពីសំណាក់ លោក សោម វិចិត្រ ប្រធានមន្ទីររ៉ែនិងថាមពលខេត្ត កំពត ទើបអ្វីៗអាចប្រព្រឹត្ត ទៅដោយរលូន។

ជុំវិញការកាយភ្នំនេះ អ្នកសារព័ត៌មានបានរាយការណ៍ជូន លោក ជាវ តាយ អភិបាល ខេត្តកំពត នៅរសៀលថ្ងៃទី១៤ ខែធ្នូ ម្សិលមិញ មានករណី កាយដីភ្នំមួយកន្លែង ស្ថិតនៅភូមិត្រពាំងព្រីង ឃុំត្រពាំងព្រីង ស្រុកទឹកឈូ ហើយ អភិបាលខេត្តបានមានប្រសាសន៍ថា ជួយថតរូបផ្ញើមកឱ្យខ្ញុំមើលផង។ដោយ ឡែកលោក សោម វិចិត្រ ប្រធាន មន្ទីររ៉ែថាមពលខេត្តកំពត អ្នកសារព័ត៌មាន មិនអាចសុំការ បំភ្លឺបានទេ ដោយសារទូរស័ព្ទ របស់លោក មិនអាចទំនាក់ទំនងបាន៕SRP

ភ្នំពេញ៖នៅព្រឹកទី១៥ ខែ ធ្នូ ឆ្នាំ២០២០ វេលាម៉ោង ៨:៥០នាទី ព្រឹក សម្តេច ហ៊ុន សែន នាយករដ្ឋមន្ត្រី នឹងអញ្ជើញថ្លែងសារពិសេសជូនជនរួមជាតិពាក់ព័ន្ធនឹងស្ថានភាពជំងឺកូវីដ-១៩ និងការទិញវ៉ាក់សាំងជំងឺកូវីដ-១៩។

សម្ដេច ហ៊ុន សែន៖ សូមជូនពរបងប្អូនជនរួមជាតិបានចៀសផុត ពីជំងឺឆ្លងកូវីដ-១៩ គ្រប់ៗគ្នានៅទូទាំងប្រទេស៕SRP

ភ្នំពេញ៖«សិទ្ធិមនុស្សក្នុងសង្គមប្រជាធិបតេយ្យ»៖

ភ្នំពេញ៖សម្ដេចហេង សំរិន ប្រធានរដ្ឋសភាជាតិ នៃ កម្ពុជា បានលើកឡើងថា៖ សូមជនរួមជាតិបន្តការពារខ្លួនកុំឱ្យឆ្លងជំងឺកូវីដ១៩។

ខ្ញុំសូមជម្រាបជនរួមជាតិថា ខ្ញុំនិងសមាជិកក្រុមគ្រួសារ ព្រមទាំងសមាជិក សមាជិការដ្ឋសភា ដែលបានពាក់ព័ន្ធព្រឹត្តិការណ៍សហគមន៍២៨វិច្ឆិកា បានធ្វើតេស្តលើកទី៣ កាលពីថ្ងៃទី១២ធ្នូ ជាលទ្ធផល «អវិជ្ជមានទាំងអស់»

ទោះបីស្ថានការណ៍ព្រឹត្តិការណ៍សហគមន៍២៨វិច្ឆិកា ហាក់ត្រូវបានគេយើងគ្រប់គ្រងបានទាំងស្រុងហើយក្តី ប៉ុន្តែសូមជនរួមជាតិកុំប្រហែសជាមួយនឹងជំងឺកូវីដ១៩ឱ្យសោះ។ ជំងឺនេះ នៅបន្តគំរាមកំហែងប្រទេសយើងនិងសកលោកជានិច្ច។ យើងអាចភ្លេចជំងឺកូវីដ១៩ តែកូវីដ១៩ មិនដែលភ្លេចយើងនោះឡើយ។

សូមអំពាវានាវដល់ជនរួមបន្តអនុវត្តឱ្យបានខ្ជាប់ខ្ជួនរាល់វិធានការការពារ ទាំងឡាយដែលបានដាក់ចេញ ដោយក្រសួងសុខាភិបាល ដូចជាត្រូវពាក់ម៉ាសជានិច្ច ជៀសវាងការជួបជុំគ្នាដែលមានមនុស្សច្រើន ត្រូវរក្សាគម្លាតសុវត្ថិភាព ហើយឧស្សាហ៍លាងសម្អាតដៃជាប្រចាំ។ បើមិនមានការចាំបាច់ ពុំគួរចេញក្រៅផ្ទះនោះឡើយ។

ភារកិច្ចសំខាន់របស់យើងក្នុងការជួយសង្គមជាតិ ក្រុមគ្រួសារនាពេលនេះ គឺការចូលរួមប្រយុទ្ធប្រឆាំងជំងឺកូវីដ១៩ ធ្វើយ៉ាងកុំឆ្លងជំងឺមកលើខ្លួន ហើយចម្លងទៅគ្រួសារយើង សហគមន៍យើង។

ខ្ញុំសូមជូនពរជនរួមជាតិ រីករាយនាឱកាសឈប់សម្រាកចុងសប្តាហ៍នេះ និងទទួលបានសេចក្តីសុខ និងសុភមង្គលគ្រប់ក្រុមគ្រួសារ និងសូមឲ្យជំងឺកូវីដ-១៩ សាហាវនេះ ជៀសចេញចាកឆ្ងាយពីសលកលោកយើងនេះ ក្នុងពេលឆាប់ៗនេះទៅ៕SRP

ភ្នំពេញ៖សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីសូមមហាផ្ទៃ បានលើកឡើងថា៖ «ខ្ញុំសូមជម្រាបជូនបងប្អូនជនរួមជាតិទាំងអស់ថាខ្ញុំ ភរិយា ក្រុមគ្រួសារ និងអ្នកពាក់ព័ន្ធមួយចំនួនទៀតនៅផ្ទះរបស់ខ្ញុំ ចំនួន២០១សំណាក ត្រូវបានក្រសួងសុខាភិបាលផ្ដល់ការបញ្ជាក់មកថាទទួលបានលទ្ធផលអវិជ្ជមានជំងឺកូវីដ-១៩ទាំងអស់ សម្រាប់ការធ្វើតេស្តលើកទី៣ ដែលជាលើកចុងក្រោយ»។​

សម្ដេច ស ខេង បន្តថា៖ តបនឹងដំណឹងដ៏ល្អនេះ ក្នុងនាមភរិយា ក្រុមគ្រួសារ អ្នកពាក់ព័ន្ធទាំងអស់ និងក្នុងនាមថ្នាក់ដឹកនាំក្រសួងមហាផ្ទៃ ខ្ញុំសូមថ្លែងអំណរគុណចំពោះថ្នាក់ដឹកនាំក្រសួងសុខាភិបាល និងក្រុមគ្រូពេទ្យ ដែលខិតខំយកចិត្តទុកដាក់ បំពេញការងារយកសំណាក និងតាមដានសុខភាព របស់យើងខ្ញុំទាំងអស់គ្នា តាំងពីដំណាក់កាលដំបូង រហូតដល់បញ្ចប់ ការធ្វើតេស្ត និងធ្វើចត្តាឡីស័ក។​

ខ្ញុំក៏សូមអរគុណ និងកោតសរសើរខ្ពស់ ចំពោះស្មារតីសហការ ខ្ពស់របស់បងប្អូនជនរួមជាតិទាំងមូល ក្នុងនោះរាប់ទាំងថ្នាក់ដឹកនាំ មន្ត្រីរាជការសុីវិល នគរបាលជាតិ មន្ត្រីពន្ធនាគារ​ពាក់ព័ន្ធនឹងព្រឹត្តិការណ៍ សហគមន៍២៨វិច្ឆិកា ទាំងអស់ ដែលបានស្ម័គ្រចិត្តធ្វើតេស្ត និងធ្វើចត្តាឡីស័កតាមការណែនាំ របស់ក្រសួងសុខាភិបាល។

ជាមួយគ្នានេះដែរ ខ្ញុំសូមថ្លែងអំណរគុណចំពោះជនរួមជាតិទាំងអស់ ដែលបានផ្ញើសារជូនពរ និងមានការយកចិត្តទុកដាក់ខ្ពស់ ចំពោះសុខភាពរបស់ខ្ញុំ និងភរិយា ក្រុមគ្រួសារ ព្រមទាំងអ្នកពាក់ព័ន្ធនៅក្នុងអំឡុងពេលធ្វើចត្តាឡីស័កកន្លងមកនេះ។

ខ្ញុំសូមអំពាវនាវ បងប្អូនជនរួមជាតិទាំងអស់ សូមមេត្តាបន្តអនុវត្តវិធានការប្រឆាំងមេរោគកូវីដ១៩របស់ក្រសួងសុខាភិបាលឱ្យបានខ្ជាប់ខ្ជួន ដូចជាការធ្វើតេស្តក្នុងករណីសង្ស័យ, ការដាក់ខ្លួននៅដាច់ដោយឡែក, ការពាក់ម៉ាស់ ឬប្រើក្រម៉ាពេលក្អក ឬកណ្ដាស់, លាងដៃ បាញ់អាកុលសម្លាប់មេរោគ, ការរក្សាគម្លាតសុវត្ថិភាព និងកាត់បន្ថយការប្រមូលផ្ដុំ​ ដោយសារព្រឹត្តិកាណ៍សហគមន៍២៨វិច្ឆិកាមិនទាន់បានបញ្ចប់នៅឡេីយ។

ខ្ញុំសូមជូនពរជនរួមជាតិទាំងអស់ ជួបតែសេចក្ដីសុខគ្រប់ប្រការ និងចៀសផុតពីជំងឺកូវីដ១៩​៕SRP

ភ្នំពេញ៖រដ្ឋមន្ត្រីក្រសួងមហាផ្ទៃ សម្ដេច ស ខេង បានលើកឡើងថា៖ក្នុងនាមថ្នាក់ដឹកនាំក្រសួងមហាផ្ទៃ ខ្ញុំសូមថ្លែងអំណរគុណយ៉ាងជ្រាលជ្រៅចំពោះសប្បុរសជនទាំងអស់ ដែលបានបរិច្ចាគនូវធនធានផ្ទាល់ខ្លួនជាថវិកា និង ស្បៀងអាហារសម្រាប់ជួយសង្គ្រោះបន្ទាន់ដល់បងប្អូនប្រជាពលរដ្ឋជួបគ្រោះមហន្តរាយធម្មជាតិជំនន់ទឹកភ្លៀង ក្នុងខេត្តបាត់ដំបង និងខេត្តព្រៃវែងកាលពីពេលកន្លងទៅដែលមានរាយនាម និង មានការបែងចែកជូនជនរងគ្រោះដូចខាងក្រោ ម៖

១ ឯកឧត្តម នាយឧត្តមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍ និងលោកជំទាវ អង្ករ ១០០តោន
២ ឯកឧត្តម ឧត្តមសេនីយ៍ឯក កែវ សុទ្ធា អគ្គនាយករង នៃអគ្គនាយកដ្ឋានភស្តុភារ និងហិរញ្ញវត្ថុ និងលោកជំទាវ អង្ករ ៥០តោន
៣ លោក ចាន់ អានទ្រូ តំណាងឲ្យគណៈគ្រប់គ្រង នៃសមាគមមិត្តភាពពាណិជ្ជកម្មអន្តរជាតិ កម្ពុជា និងចិន អង្ករ ៤០តោន និងទឹកប្រាក់ ៥,០០០ ដុល្លារ
៤ ឯកឧត្តម សន្តិបណ្ឌិត ម៉ៅ ច័ន្ទតារា រដ្ឋលេខាធិការក្រសួងមហាផ្ទៃ និងលោកជំទាវ អង្ករ ៣០តោន
៥ ក្រុមហ៊ុន អាណាចក្រ ឌីវេឡុបមេន គ្រុប អង្ករ ៣០តោន
៦ ឯកឧត្តម គឹង វណ្ណៈ អភិបាលរងខេត្តបន្ទាយមានជ័យ និងលោកជំទាវ អង្ករ ៣០តោន
៧ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល និងលោកជំទាវ ថេង ពុទ្ធិតា អង្ករ ២០តោន
៨ លោកឧកញ៉ា តែ អ៊ីឆែ និងលោកជំទាវ អង្ករ ២០តោន
៩ លោកឧកញ៉ា ឡាវ កាង និងលោកជំទាវ អង្ករ ២០តោន
១០ ឯកឧត្តម ណុប ដារ៉ា អភិបាលរងខេត្តបាត់ដំបង និងលោកជំទាវ អង្ករ ២០តោន
១១ ឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការ នៃស្នងការដ្ឋាននគរបាលរាជធានីភ្នំពេញ អង្ករ ២០តោន
១២ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន និងលោកជំទាវ អង្ករ ១០តោន
១៣ ឧត្តមសេនីយ៍ឯក ប៉ុល ផាន់ណា ប្រធានក្រុមការងារថ្នាក់ជាតិចុះជួយ ឃុំព្រៃពោន ស្រុកកំពង់ត្របែក ខេត្តព្រៃវែង អង្ករ១០តោន ,មី១០០កេសតូច
១៤ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ និងលោកជំទាវ ឈុន ស៊ីន អង្ករ ១០តោន
១៥ លោក ម៉េង ហ៊ុយ និងលោកស្រី អង្ករ ១០តោន
១៦ ឯកឧត្តម អ៊ាត សារ៉ាត់ និងលោកជំទាវ អង្ករ ០៥តោន
១៧ ឯកឧត្តម ចាន់ សំបូរ និងលោកជំទាវ អង្ករ ០៥តោន
១៨ ឯកឧត្តម សាំង ប៊ុនថេន និងលោកជំទាវ អង្ករ ០៥តោន
១៩ ឯកឧត្តម ព្រួញ រិទ្ធថា និងលោកជំទាវ អង្ករ ០៥តោន
២០ ឯកឧត្តម អ៊ុត ក្លឹង និងលោកជំទាវ អង្ករ ០៥តោន
២១ ក្រុមហ៊ុន ណាវី ហ្គាមេន និងត្រេឌីងគ្រុប មី៣០០កេសធំ , ត្រីខ២០០កេស
២២ ឯកឧត្តម ធូ ឥដ្ឋិមា និងលោកជំទាវ ស៊ីវ ចាន់ធូ ,ឯកឧត្តម ហេង ឡាលីន និងលោកជំទាវ មី១៧៥កេសធំ , ត្រីខ៤៧កេសធំ , ទឹកស៊ីអ៊ីវ ១,០៥០យួរ និងទឹកត្រី ១,០៥០យួរ ទឹកប្រាក់២២,០៥០,០០០រៀល
២៣ សមាគមមូលនិធិសម្តេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា ទឹកស៊ីអ៊ីវ ១២,០០០ដប ទឹកត្រី ១២,០០០ដប
២៤ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយដ្ឋានអត្តសញ្ញាណកម្ម និងលោកជំទាវ ទឹកប្រាក់៥០លានរៀល
២៥ ឯកឧត្តម គុយ ហាក់ ទីប្រឹក្សាសម្តេចក្រឡាហោម និងលោកជំទាវ ទឹកប្រាក់២០លានរៀល
២៦ ឯកឧត្តម ឈន សារ៉ាណេ អគ្គនាយករង នៃអគ្គនាយកដ្ឋានភស្តុភារ និងហិរញ្ញវត្ថុ និងលោកជំទាវ ទឹកប្រាក់២០លានរៀល
២៧ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង និងលោកជំទាវ ឈុន ណារី ទឹកប្រាក់ ២០លានរៀល
២៨ ឯកឧត្តម ឧត្តមសេនីយ៍ឯក ព្រហ្ម ចាន់សុខា ប្រធាននាយកដ្ឋានលិខិតឆ្លងដែន និងលោកជំទាវ ឱក សុម៉ាលី ទឹកប្រាក់២០លានរៀល
២៩ ឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប និងលោកជំទាវ ស ម៉ាលីដា ទឹកប្រាក់ ១០លានរៀល
៣០ ឯកឧត្តម នុត សាអាន ប្រធានគណៈកម្មាធិការប្រឆាំងទារុណកម្ម និងលោកជំទាវទឹកស៊ីអ៊ីវ ២០០យួរ និងនំ ៣០០ប្រអប់ ទឹកប្រាក់១០លានរៀល
៣១ អង្គការក្រុមប្រឹក្សាអ៊ីស្លាមអភិវឌ្ឍន៍កម្ពុជា និងអង្គការ Novelle Optique អង្ករ ៤តោន, ប្រេងឆា ២៥០ដប ,ទឹកស៊ីអ៊ីវ ២៥០ដប ,ត្រីខ ១,២៥០កំប៉ុង និងទឹកប្រាក់១០លានរៀល
៣២ ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តមណ្ឌលគីរី និងលោកជំទាវ យាន ឌីណា ទឹកប្រាក់១០លានរៀល
៣៣ ឯកឧត្តម ម៉ុម សារឿន អភិបាល នៃគណៈអភិបាលខេត្តស្ទឹងត្រែង និងលោកជំទាវ គង់ សំអាតទឹកប្រាក់១០លានរៀល
៣៤ ឯកឧត្តម ថង សាវុន អភិបាល នៃគណៈអភិបាលខេត្តរតនគីរី និងលោកជំទាវ ហេង លីដែន ទឹកប្រាក់១០លានរៀល
៣៥ លោកឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល និងលោកស្រី រ៉េត ផល្លីដា ទឹកប្រាក់១០លានរៀល
៣៦ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ និងលោកជំទាវ ស្រី ប៊ុណ្ណាដាវី ទឹកប្រាក់១០លានរៀល
៣៧ ឯកឧត្តម វ៉ា ថន អភិបាល នៃគណៈអភិបាលខេត្តក្រចេះ និងលោកជំទាវ ហឹង ណារី ទឹកប្រាក់១០លានរៀល
៣៨ លោកជំទាវឧកញ៉ា សួន គីមស្រ៊ុន ទឹកប្រាក់ ៣លានរៀល
៣៩ លោក លឹម ពុទ្ធិឡា និងលោកស្រី ទឹកប្រាក់ ១លានរៀល
៤០ លោក សុក ស៊ីថា និងលោកស្រី ទឹកប្រាក់ ១លានរៀល
៤១ ឯកឧត្តម កែវ ពៅ និងលោកជំទាវ ទឹកប្រាក់ ១លានរៀល
៤២ លោក ឡុង វិចិត្រ និងលោកស្រី ទឹកប្រាក់ ៤០ម៉ឺនរៀល
៤៣ លោកឧកញ៉ា សុខ ហុង អគ្គនាយកក្រុមហ៊ុន HSC Co.,LTD ទឹកប្រាក់ ៥០,០០០ ដុល្លារ
៤៤ លោកឧកញ៉ា ជាម ឃុនណាត និងលោកជំទាវ ទឹកប្រាក់ ៥០,០០០ ដុល្លារ
៤៥ ឯកឧត្តម ឧត្តមសេនីយ៍ឯក ជា ប៊ុនហេង និងលោកជំទាវ ទឹកប្រាក់ ៤០,០០០ ដុល្លារ
៤៦ ឯកឧត្តម នូវ សុខភាព និងលោកជំទាវ ទឹកប្រាក់ ២៥,០០០ ដុល្លារ
៤៧ ក្រុមហ៊ុន អានឡុង អេហ្សត អ៊ិនវេសមេន ទឹកប្រាក់ ២៥,០០០ ដុល្លារ
៤៨ លោកឧកញ៉ា វ៉ាង គិតមែន ប្រធានក្រុមប្រឹក្សាភិបាល និងជាអគ្គនាយកក្រុមហ៊ុន ហ្វែរវីន អ៊ិនធើប្រាយ ខមភេនី លីមីធីត (CFE) និងលោកជំទាវ អង្ករ ៥០តោន ទឹកប្រាក់ ២៥,០០០ ដុល្លារ
៤៩ ឯកឧត្តម ជាវ តាយ អភិបាល នៃគណៈអភិបាលខេត្តកំពត និងលោកជំទាវ លាង ហៃ ទឹកប្រាក់ ២០,០០០ ដុល្លារ
៥០ ឯកឧត្តម តុង ចំរើន ទីប្រឹក្សាសម្តេចក្រឡាហោម និងលោកជំទាវ ទឹកប្រាក់ ២០,០០០ ដុល្លារ
៥១ ឯកឧត្តម តុល លន ទីប្រឹក្សាសម្តេចក្រឡាហោម និងលោកជំទាវ ទឹកប្រាក់ ២០,០០០ ដុល្លារ
៥២ លោកឧត្តមសេនីយ៍ទោ ជួន ណារិន្ទ ស្នងការ នៃស្នងការដ្ឋាននគរបាល ខេត្តព្រះសីហនុ និងលោកស្រី ទឹកប្រាក់១២,៥០០ ដុល្លារ
៥៣ លោកឧកញ៉ា កាំង យូម៉េង និងលោកជំទាវ ទឹកប្រាក់ ១០,០០០ ដុល្លារ
៥៤ លោកប្រធាន និងសហការីទាំងអស់នៃក្រុមហ៊ុន ជីន ប៉ី គ្រុប ទឹកប្រាក់ ១០,០០០ ដុល្លារ
៥៥ លោក ហ្គូវ ឆាយ អគ្គនាយកក្រុមហ៊ុន PRINCE ទឹកប្រាក់ ១០,០០០ ដុល្លារ
៥៦ លោកឧកញ៉ា ហ៊ុន ប៉ាងហួរ អគ្គនាយកក្រុមហ៊ុនកាស៊ីណូ ឡឺម៉ាកាវ ទឹកប្រាក់ ១០,០០០ ដុល្លារ
៥៧ ឯកឧត្តម សៃ អង្គលីន អគ្គនាយកក្រុមហ៊ុនកាស៊ីណូ XI-HU និងកាស៊ីណូ NAN HAI ទឹកប្រាក់១០,០០០ ដុល្លារ
៥៨ លោកឧកញ៉ា តាំង គួង និងលោកជំទាវ ១០,០០០ ដុល្លារ
៥៩ ឯកឧត្តម ទឹង ចាន់ណា និង លោកជំទាវ ទឹកប្រាក់ ១០,០០០ ដុល្លារ
៦០ ឯកឧត្តម ជាម ហ៊ីម ប្រធានក្រុមប្រឹក្សាខេត្តព្រះសីហនុ និងលោកជំទាវ ទឹកប្រាក់ ១០,០០០ ដុល្លារ
៦១ លោកឧកញ៉ា តាំង ហុង នាយកក្រុមហ៊ុនកាស៊ីណូ សៀង ហៃ ទឹកប្រាក់៥,០០០ ដុល្លារ
៦២ ឯកឧត្តម យិន គារ អគ្គនាយករង នៃអគ្គនាយកដ្ឋានអន្តោប្រវេសន៍ និងលោកជំទាវ ទឹកប្រាក់៥,០០០ ដុល្លារ
៦៣ លោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលច្រកទ្វារព្រំដែនអន្តរជាតិ ប៉ោយប៉ែត និង លោកស្រី ទឹកប្រាក់ ៥,០០០ ដុល្លារ
៦៤ ឯកឧត្តមប្រធាន និងថ្នាក់ដឹកនាំព្រមទាំងមន្រ្តីទាំងអស់នៃមន្ទីរប្រឆាំងបទល្មើសគ្រឿងញៀន ទឹកប្រាក់ ៥,០០០ ដុល្លារ
៦៥ លោក ផាង សម្បត្តិ និង លោកស្រី ទឹកប្រាក់ ៥,០០០ ដុល្លារ
៦៦ សមាគមពាណិជ្ជកម្មចិន ឆាវ សាន ទឹកប្រាក់ ៥,០០០ ដុល្លារ
៦៧ លោកឧត្តមសេនីយ៍ទោ វឌ្ឍនៈ មង្គល ប្រធាននាយកដ្ឋានច្រកទ្វារទី១ និងលោកស្រី ទឹកប្រាក់ ៥,០០០ ដុល្លារ
៦៨ លោក វ៉ាង យ៉ុង អគ្គនាយកក្រុមហ៊ុនកាស៊ីណូ បាវិតម៉ុកបាយ ទឹកប្រាក់ ៥,០០០ ដុល្លារ
៦៩ លោកឧកញ៉ា ហេង ប្រសិទ្ធ និង លោកជំទាវ ទឹកប្រាក់ ៥,០០០ ដុល្លារ
៧០ លោក ពន្លឺ មង្គល និង លោកស្រី ទឹកប្រាក់ ៤,០០០ ដុល្លារ
៧១ ឯកឧត្តម អង មង្គល រដ្ឋលេខាធិការក្រសួងមហាផ្ទៃ ៤,០០០ ដុល្លារ
៧២ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការ នៃស្នងការដ្ឋាននគរបាលខេត្តកំពត និងលោកស្រី ទឹកប្រាក់ ៣,០០០ ដុល្លារ
៧៣ ឯកឧត្តម ស្តើង សុខុម រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងលោកជំទាវ ទឹកប្រាក់ ២,៥០០ ដុល្លារ
៧៤ ឯកឧត្តមបណ្ឌិត ស៊ាង ប៊ុនលាង រដ្ឋលេខាធិការក្រសួងមហាផ្ទៃ និងលោកជំទាវ ទឹកប្រាក់ ២,០០០ ដុល្លារ
៧៥ ឯកឧត្តម យឹម សំណាង អគ្គនាយករង នៃអគ្គនាយកដ្ឋានភស្តុភារ និងហិរញ្ញវត្ថុ និងលោកជំទាវ២,០០០ ដុល្លារ
៧៦ លោកឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ និងលោកស្រី ទឹកប្រាក់ ២,០០០ ដុល្លារ
៧៧ លោកឧត្តមសេនីយ៍ទោ សួស សុខដារ៉ា ស្នងការ នៃស្នងការដ្ឋាននគរបាលខេត្តព្រះវិហារ និងលោកស្រី ទឹកប្រាក់២,០០០ ដុល្លារ
៧៨ ឯកឧត្តម ឆាង ស៊ីវណ្ណ ទីប្រឹក្សាសម្តេចក្រឡាហោម និងលោកជំទាវ ទឹកប្រាក់ ២,០០០ ដុល្លារ
៧៩ លោកឧត្តមសេនីយ៍ទោ ឡោ សុខា ស្នងការ នៃស្នងការដ្ឋាននគរបាលខេត្តមណ្ឌលគីរី និងលោកស្រី ទឹកប្រាក់ ២,០០០ ដុល្លារ
៨០ លោកឧត្តមសេនីយ៍ទោ ទិត្យ ណារ៉ុង ស្នងការ នៃស្នងការដ្ឋាននគរបាលខេត្តសៀមរាប និងលោកស្រី ទឹកប្រាក់ ២,០០០ ដុល្លារ
៨១ ឯកឧត្តម ហេង ជំនិត និងលោកជំទាវ ទឹកប្រាក់ ១,០០០ ដុល្លារ
៨២ ឯកឧត្តម សន្តិបណ្ឌិត ម៉ៅ ប៊ុនណារិន រដ្ឋលេខាធិការក្រសួងមហាផ្ទៃ និងលោកជំទាវ ទឹកប្រាក់ ១,០០០ ដុល្លារ
៨៣ ឯកឧត្តម ចុង សុវណ្ណនី អគ្គនាយករង នៃអគ្គនាយកដ្ឋានអន្តោប្រវេសន៍ និងលោកជំទាវ ទឹកប្រាក់ ១,០០០ ដុល្លារ
៨៤ ឯកឧត្តម គង់ សុខសាន្ត អគ្គលេខាធិការរង នៃអគ្គលេខាធិការដ្ឋានក្រសួងមហាផ្ទៃ និងលោកជំទាវ ទឹកប្រាក់ ១,០០០ ដុល្លារ
៨៥ ឯកឧត្តម គឺ ដារ៉ា អនុរដ្ឋលេខាធិការក្រសួងមហាផ្ទៃ និងលោកជំទាវ ទឹកប្រាក់ ១,០០០ ដុល្លារ
៨៦ ឯកឧត្តម តូច ឈួនសៅរិទ្ធ និងលោកជំទាវ ទឹកប្រាក់ ១,០០០ ដុល្លារ
៨៧ ឯកឧត្តម ប៉ូលី ដា អនុរដ្ឋលេខាធិការក្រសួងមហាផ្ទៃ និងលោកជំទាវ ទឹកប្រាក់ ៥០០ ដុល្លារ
៨៨ ឯកឧត្តម ហ៊ុន សុច្ចរា ទីប្រឹក្សាសម្តេចក្រឡាហោម និងលោកជំទាវ ឈុត សុគន្ធី ទឹកប្រាក់ ៥០០ ដុល្លារ
៨៩ ឯកឧត្តម ឡី សុភាព ទីប្រឹក្សាសម្តេចក្រឡាហោម ទឹកប្រាក់ ៥០០ ដុល្លារ
៩០ លោក អ៊ិត ស៊ីដារា អាជីវករ ទឹកប្រាក់ ៥០០ ដុល្លារ
៩១ លោក ហ៊ន់ លីមស៊ែល អាជីវករ ទឹកប្រាក់ ៥០០ ដុល្លារ
៩២ ឯកឧត្តម ឡុ

ង ផន និងលោកជំទាវ ទឹកប្រាក់ ៥០០ ដុល្លារ
៩៣ ឯកឧត្តម ថាន ចាន់ ទឹកប្រាក់ ២០០ ដុល្លារ
៩៤ ឯកឧត្តម ឈុត សារ៉េន ទឹកប្រាក់ ២០០ ដុល្លារ
ដូច្នេះសរុបអំណោយរបស់សប្បុរសជនទាំងអស់រួមមាន៖
– អង្ករចំនួន ៤៧០ តោន
– ប្រាក់ដុល្លារចំនួន ៤៥៨,៥០០ ដុល្លារ
– ប្រាក់រៀលចំនួន ២២០ លានរៀល
សរុបគិតជាអង្ករសុទ្ធមានចំនួន ១,៥៣៧តោន
– ស្បៀង ៖ មី ១៧៥កេសធំ និង១០០កេសតូច, ត្រីខ ៤៧កេសធំ និង១,២៥០កំប៉ុង , ទឹកស៊ីអ៊ីវ ១២,២៥០ដប និង១,២៥០យួរ , ទឹកត្រី ១២,០០០ដប និង១,០៥០យួរ, ប្រេងឆា ២៥០ដប និងនំចំនួន ៣០០ប្រអប់

ចំពោះអំណោយរបស់សប្បុរសជនទាំងអស់ត្រូវបានបែងចែកនិងចែកជូនដល់ជនរងគ្រោះមានដូចខាងក្រោម៖
-អង្ករទទួលបានពីសប្បុរសជនសរុបចំនួន ១,៥៣៧ តោន
-អង្ករដែលបានឧបត្ថម្ភជូនជនរងគ្រោះក្នុងពេលទឹកជំនន់អស់ចំនួន ៣៩៥តោន ក្នុងនោះរួមមានខេត្តបាត់ដំបងអស់ចំនួន ២៥៥តោន, ខេត្តបន្ទាយមានជ័យអស់ចំនួន១០០តោន និងផ្តល់ជូនក្រុមការងារស្រុកកំពង់ត្របែកខេត្តព្រៃវែងអស់ចំនួន ៤០តោន។ដូច្នេះអង្ករដែលនៅសល់ចំនួន (១,៥៣៧តោន – ៣៩៥តោន) = ១,១៤២ តោន
ចំពោះអង្ករដែលនៅសល់ចំនួន ១,១៤២តោន ខាងលើ ត្រូវបានបែងចែកជូនក្រុង-ស្រុកនៃខេត្តបាត់ដំបងចំនួន ៦០% ស្នើនឹង ៦៨៥.២តោន និងខេត្តព្រៃវែងចំនួន ៤០% ស្មើនឹង ៤៥៦.៨តោន សម្រាប់ឧបត្ថម្ភជូនប្រជាពលរដ្ឋក្រីក្រជួបការលំបាកខ្វះខាត ដូចមានខាងក្រោម៖
-ខេត្តបាត់ដំបង (អង្ករចំនួន ៦៨៥.២តោន)
១ ស្រុកបរវេល ១០% X ៦៨៥.២តោន = ៦៨.៥២តោន
២ ស្រុកបាណន់ ១០% X ៦៨៥.២តោន= ៦៨.៥២តោន
៣ ស្រុកសំពៅលូន ៥% X ៦៨៥.២តោន = ៣៤.២៦តោន
៤ ស្រុកថ្មគោល ១០% X ៦៨៥.២តោន = ៦៨.៥២តោន
៥ ក្រុងបាត់ដំបង ៧.៥% X ៦៨៥.២តោន = ៥១.៣៩តោន
៦ ស្រុកឯកភ្នំ ៧.៥% X ៦៨៥.២តោន = ៥១.៣៩តោន
៧ ស្រុកមោងឬស្សី ១០% X ៦៨៥.២តោន = ៦៨.៥២តោន
៨ ស្រុកសង្កែ ១០% X ៦៨៥.២តោន = ៦៨.៥២តោន
៩ ស្រុកភ្នំព្រឹក ៥% X ៦៨៥.២តោន = ៣៤.២៦តោន
១០ ស្រុកកំរៀង ៥% X ៦៨៥.២តោន = ៣៤.២៦តោន
១១ ស្រុកគាស់ក្រឡ ៥% X ៦៨៥.២តោន = ៣៤.២៦តោន
១២ ស្រុកសំឡូត ៥% X ៦៨៥.២តោន = ៣៤.២៦តោន
១៣ ស្រុករតនមណ្ឌល ៥% X ៦៨៥.២តោន = ៣៤.២៦តោន
១៤ ស្រុករុក្ខគិរី ៥% X ៦៨៥.២តោន = ៣៤.២៦តោន
សរុប ៦៨៥.២តោន

-ខេត្តព្រៃវែង (អង្ករចំនួន ៤៥៦.៨តោន)
១ ក្រុងព្រៃវែង ៥% X ៤៥៦.៨តោន = ២២.៨៤តោន
២ ស្រុកព្រះស្តេច ៥% X ៤៥៦.៨តោន = ២២.៨៤តោន
៣ ស្រុកកំពង់ត្របែក ១០% X ៤៥៦.៨តោន = ៤៥.៦៨តោន
៤ ស្រុកបាភ្នំ ១០% X ៤៥៦.៨តោន = ៤៥.៦៨តោន
៥ ស្រុកពោធិ៍រៀង ១០% X ៤៥៦.៨តោន = ៤៥.៦៨តោន
៦ ស្រុកកំចាយមារ ១០% X ៤៥៦.៨តោន = ៤៥.៦៨តោន
៧ ស្រុកពាមរក៍ ១០% X ៤៥៦.៨តោន = ៤៥.៦៨តោន
៨ ស្រុកមេសាង ១០% X ៤៥៦.៨តោន = ៤៥.៦៨តោន
៩ ស្រុកពាមជរ ១០% X ៤៥៦.៨តោន = ៤៥.៦៨តោន
១០ ស្រុកស៊ីធរកណ្តាល ៥% X ៤៥៦.៨តោន = ២២.៨៤តោន
១១ ស្រុកពារាំង ៥% X ៤៥៦.៨តោន = ២២.៨៤តោន
១២ ស្រុកស្វាយអន្ទរ ៥% X ៤៥៦.៨តោន = ២២.៨៤តោន
១៣ ស្រុកកញ្ជ្រៀច ៥% X ៤៥៦.៨តោន = ២២.៨៤តោន
សរុប ៤៥៦.៨តោន

ជាថ្មីម្តងទៀតក្នុងនាមរាជរដ្ឋាភិបាលកម្ពុជា និងក្នុងនាមថ្នាក់ដឹកនាំក្រសួងមហាផ្ទៃ ខ្ញុំសូមប្រសិទ្ធពរជ័យសិរីមហាប្រសើរគ្រប់ប្រការ ជូនចំពោះ ឯកឧត្តម លោកជំទាវ លោក អ្នកឧកញ៉ា លោក លោកស្រី អ្នកនាងកញ្ញា ជាសប្បុរសជនទាំងអស់ សូមប្រកបដោយព្រះពុទ្ធពរ៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕SRP