ខេត្តសៀមរាប – Page 115

ខេត្តសៀមរាប៖ក្រុមការងារអន្តរាគមន៍បង្ក្រាបបទល្មើសចរាចរសត្វ និងផលិតផលមានដើមកំណើតពីសត្វ បានបង្រ្កាបរថយន្តមួយគ្រឿង ដឹកផលិតផល មានដេីមកំណេីតពីរសត្វជិត២០តោន។

ការបង្ក្រាបធ្វើឡើង នៅយប់ ថ្ងៃទី២៣ ខែកញ្ញា ឆ្នាំ២០២១ នៅភូមិបន្ទាយស្រី ឃុំខ្នារសណ្ដាយ ស្រុកបន្ទាយស្រី ខេត្តសៀមរាប ក្រោមការបញ្ជដោយផ្ទាល់ពីលោកតាន់ ផាន់ណារ៉ា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយក នៃអគ្គនាយកដ្ឋានសុខភាពសត្វនិងផលិតកម្មសត្វ និងដោយមានការសម្របសម្រួលនីតិវិធីពីលោក មាស ច័ន្ទពិសិដ្ឋ ព្រះរាជអាជ្ញានៃអយ្យការអមសាលាដំបូងខេត្តសៀមរាប។

មន្ត្រីក្រសួងបានឲ្យដឹងថារថយន្តដែលរងការបង្ក្រាប ម៉ាក HYUNDAI ពណ៌សលាយខៀវ ជាប្រភេទរថយន្តដឹកទំនិញចំណុះ២០តោន(V1) ពាក់ស្លាកលេខ កំពង់ចាម៣A ៧៨៨១ បានដឹកផលិតផលមានដើមកំណើតពីសត្វ(ជើងមាន់) ចំនួន១,១៤០កេះស្មើនឹង១៧,១០០គីឡូក្រាម។

មន្ត្រីបានបន្តថាវត្ថុតាង និងបទល្មើសខាងលើនេះ ត្រូវបានយកទៅរក្សាទុកនៅទីតាំងចត្តាឡីស័កសត្វ របស់ឣគ្គនាយកដ្ឋានសុខភាពសត្វ និងផលិតកម្មសត្វ ដើម្បីចាត់ការទៅតាមនិតិវិធីច្បាប់។

បើតាមត្រីបានបញ្ជាក់ថារថយន្តដឹកផលិតផលមានដើមកំណើតពីសត្វនេះបានដឹក មកពីប្រទេសថៃ តាមច្រកអូរស្មាច់ សង្កាត់អូរស្មាច់ ខេត្តឧត្តរមានជ័យ ឆ្ពោះទៅចែកចាយនៅរាជធានីភ្នំពេញ ដោយពុំមានលិខិតអនុញ្ញាតអ្វីទាំងអស់។

សូមបញ្ជាក់ថាប៉ុន្មានថ្ងៃកន្លងទៅនេះក៏មានការបង្ក្រាបរថយន្តដឹក ផលិតផលដេីមកំណេីតពីរសត្វជាច្រើន២០តោន នៅខេត្តកំពង់ចាម ដោយរថយន្តដឹកបទល្មើសនេះត្រូវបានឆ្លងកាត់ ខេត្តឧត្តរមានជ័យ ខេត្តសៀមរាប នៅខេត្តកំពង់ធំ ហើយមិនត្រូវបានមន្ត្រីពេទ្យសត្វទាំងបីខេត្តធ្វើការបង្ក្រាបនោះទេ។ ជាពិសេសប្រធានពេទ្យសត្វខេត្តសៀមរាបលោកព្រំ វិច ត្រូវបានគេកត់សម្គាល់ថាជាមន្ត្រីអសកម្ម៕SRP

ខេត្តសៀមរាប៖ស្ត្រីម្នាក់បានប្ដឹងសមត្ថកិច្ចថាមានករណីចោរប្លន់យកលុយជាង២ ម៉ឺនដុល្លារ។ ក៏ប៉ុន្តែករណីនេះក្រោយពីមានការស្រាវជ្រាវរបស់ប៉ូលិសស្រុកប្រាសាទបាគង ទើបដឹងថាជារឿងប្រឌិតនោះទេ។

លោកលឹម សម្បត្តិ អធិការនគរបាលស្រុកប្រាសាទបាគងបានឲ្យដឹងថា បន្ទាប់ពីទទួលបានសេចក្តីរាយការណ៍ និងពាក្យបណ្តឹង ថាមានករណី ប្លន់យកទ្រព្យ សម្បត្តិអស់លុយចំនួន២២០០០ដុល្លា កាលពីយប់ថ្ងៃទី ២៣ខែ កញ្ញាឆ្នាំ ២០២១ ម្សិលមិញ នៅចំណុចភូមិតាភោគ ឃុំបាគង ស្រុកប្រាសាទបាគង ខេត្តសៀមរាប លោកបានដឹកនាំកម្លាំងនគរបាលស្រុកសហការណ៍ ជាមួយកម្លាំង ការិយាល័យព្រហ្មទណ្ឌកម្រិតធ្ងន់បើកការស៊ើបអង្កេត។

លោកលឹម សម្បត្តិ បានបន្តថា ក្រោយពីបានធ្វើការស្រាវជ្រាវស៊ើបអង្កេតពាក់ព័ន្ធជុំវិញករណីនេះជាលទ្ធផល គឺជាប្រឌិតនិងប្តឹងបំភ្លៃរឿងថាត្រូវគេប្លន់មូលហេតុ ចាយលុយលក់ដីអស់ខ្លាចប្តីខឹងតែប៉ុណ្ណោះ៕SRP

ខេត្តសៀមរាប៖ប្រជាពលរដ្ឋចំនួន ៦ ៥៣៦គ្រួសារ នៅក្នុងខេត្តសៀមរាបទទួលបានអំណោយជាស្បៀងអាហារពីអាជ្ញាធរ។

ពលរដ្ឋទាំង៦ ៥៣៦គ្រួសារ ដោយមួយគ្រួសារទទួលបានអង្ករ ១០គីឡូ ដែលរស់នៅក្នុងសង្កាត់ចំនួន ៦ ជាតំបន់ក្រហមក្នុងនោះ
១-សង្កាត់ស្វាយដង្គំ មាន១៤ភូមិ ប្រជាពលរដ្ឋមានជីវភាពខ្វះខាតចំនួន ១ ៥២៨គ្រួសារ
២-សង្កាត់គោកចក មាន ៨ភូមិ ប្រជាពលរដ្ឋមានជីវភាពខ្វះខាតចំនួន ២ ៤២២គ្រួសារ
៣-សង្កាត់ស្លក្រាម មាន៨ភូមិ ប្រជាពលរដ្ឋមានជីវភាពខ្វះខាតចំនួន ១ ៧១២គ្រួសារ
៤-សង្កាត់ជ្រាវ មាន៧ភូមិន ប្រជាពលរដ្ឋមានជីវភាពខ្វះខាតចំនួន ៥១៤គ្រួសារ
៥-សង្កាត់ស្រង៉ែ មាន២ភូមិ ប្រជាពលរដ្ឋមានជីវភាពខ្វះខាតចំនួន ២៣៣គ្រួសារ
៦-សង្កាត់សាលាកំរើក មាន១ភូមិ ប្រជាពលរដ្ឋមានជីវភាពខ្វះខាតចំនួន ១២៧គ្រួសារ។

ក្នុងការបិទខ្ទប់សង្កាត់ទាំង៦ជាតំបន់ក្រហមនេះ រដ្ឋបាលខេត្តក៏បានសហការជាមួយមន្ទីរពាក់ព័ន្ធ និងវិស័យឯកជនមួយចំនួន ដើម្បីធ្វើការផ្គត់ផ្គង់អាហារដោយបានផ្សព្វផ្សាយលេខទូរស័ព្ទអាជីវករដល់ប្រជាពលរដ្ឋធ្វើការបញ្ជាទិញ ព្រមទាំងរៀបចំក្រុមការងារសម្របសម្រួលក្នុងការដឹកជញ្ជូនដោយឥតគិតថ្លៃផងដែរ។ រដ្ឋបាលខេត្តនឹងបន្តចែកជូនដល់បងប្អូនដែលមានជីវភាពខ្វះខាតជាបន្តបន្ទាប់ទៀត។

អាជ្ញាធរខេត្តសង្ឃឹមយ៉ាងមុតមាំថា បងប្អូននឹងចូលរួមជាមួយនឹងក្រសួង និងអាជ្ញាធរមានសមត្ថកិច្ចពាក់ព័ន្ធ ដើម្បីរួមចំណែកក្នុងការប្រយុទ្ធប្រឆាំង ទប់ស្កាត់ និងកាត់ផ្តាច់ជំងឺកូវីដ-១៩ចេញពីសហគមន៍យើង ដើម្បីឱ្យសេដ្ឋកិច្ចគ្រួសារុំក៏ដូចជាសង្គមជាតិមានការរីកចម្រើនឡើងវិញ៕SRP

ខេត្តសៀមរាប៖បុរសជាប្ដីក្រោយពីបានកាប់សម្លាប់ប្រពន្ធរួចបានរត់ទៅចងកសម្លាប់ខ្លួននៅនឹងដើមព្រីង។

ជនសង្ស័យដែលបានសម្លាប់ប្រពន្ធហើយរត់ទៅចងក ឈ្មោះ ឆែម ទក អាយុ៣៤ឆ្នាំ រស់នៅភូមិព្រៃទទឹង ឃុំល្វែងឫស្សី ស្រុកជីក្រែង ខេត្តសៀមរាប។ ចំណែកជនរងគ្រោះជាប្រពន្ធដែលបានស្លាប់ឈ្មោះ សាន ចាន់ អាយុ២៧ឆ្នាំ។

យោងតាមរបាយការណ៍បានបង្ហាញថានៅថ្ងៃទី១៩ ខែកញ្ញា ឆ្នាំ២០២១ ជនរងគ្រោះឈ្មោះ សាន ចាន់ កំពុងនៅផ្ទះ ក៏មានទំនាស់ពាក្យសម្តី ជាមួយជនសង្ស័យ(ប្ដី) ជនសង្ស័យ ស្រវឹងស្រា បានយកពូថៅកាប់ត្រូវក្បាលផ្នែកខាងក្រោយ ២ពូថៅ បណ្តាលឲ្យស្លាប់តែម្ដង។

របាយការណ៍បានបន្តថា ក្រោយពីកាប់ប្រពន្ធឲ្យស្លាប់រួចបានដើរទៅកាប់ទៅលើឈ្មោះ ឃាន់ សុខាន់ ភេទស្រី ដែលកំពុងដេកលើអង្រឹងក្រោមផ្ទះគាត់ ចម្ងាយពីផ្ទះជនសង្ស័យ ៣០ម ត្រូវចំ ក ១ពូថៅបណ្តាលឲ្យរបួស ពេលនោះឈ្មោះ ឃាន ឆាត ភេទប្រុស ស្ទុះមកជួយក៏ត្រូវជនសង្ស័យ កាប់ត្រូវ ដៃឆ្វេង១ពូថៅ បណ្តាលឲ្យរបួស ក្រោយពេលធ្វើសកម្មភាពរួច ជនសង្ស័យបានកាន់ពូថៅរត់គេចខ្លួនបាត់។ ជនរងគ្រោះ២ នាក់ទៀតមានឈ្មោះ ១.ឈ្មោះ ឃាន សុខាន់ ភេទស្រី អាយុ៣០ឆ្នាំ , ២ឈ្មោះ ឃាន ឆាត ភេទប្រុស អាយុ៣៨ឆ្នាំ អ្នកទាំងពីររស់នៅភូមិកើតហេតុខាងលើ។

បើតាមរបាយការណ៍បានបញ្ជាក់ថា ក្រោយពីសមត្ថកិច្ចចម្រុះចុះស្រាវជ្រាវចាប់ជនសង្ស័យ រហូតដល់ម៉ោង ១០ព្រឹក ថ្ងៃទី២០ ខែកញ្ញា ឆ្នាំ ២០២១ ក៏រកឃើញជនសង្ស័យ ចងក ធ្វើអត្តឃាត សម្លាប់ខ្លួន ដោយចងកនិងខ្សែនីឡុងពណ៌ខៀវ នៅដើមព្រីងត្រង់ចំណុច នៅព្រៃវាលស្រែនៅខាងលិចផ្ទះជនរងគ្រោះ ប្រហែល ៥០០ម៉ត្រ៕SRP

Sponsored

ខេត្តសៀមរាប៖អាជ្ញាធរជាតិអប្សរាបានឲ្យដឹងថា កូនឈើចម្រុះសរុប ចំនួន៤,០៦០ ដើមទៀត ត្រូវបានអាជ្ញាធរជាតិអប្សរា ចែកចាយដល់ព្រះសង្ឃ រួមនិងសាធារណជន គិតចាប់ពីថ្ងៃទី ៦ ដល់ថ្ងៃទី ១៤ ខែ កញ្ញា ឆ្នាំ២០២១នេះ។ ដើមឈើទាំងនោះ ត្រូវបានយកទៅដាំនៅតាមទីវត្តអារាម សាលារៀន ដីចម្ការ។ល។ កូនឈើដែលផ្តល់ជូនទាំងនោះរួមមាន៖

– ប្រគេនកូនឈើជូនព្រះវិជ័យរង្សី ឡាច លាង ព្រះគ្រូប្រាសាទរង្សី អនុគណក្រុងសៀមរាប ចំនួន១,០០០ដើម ដើម្បីយកទៅដាំតាមបរិវេណសាលារៀននានាក្នុង ខេត្តសៀមរាប និងឧត្តរមានជ័យ។ កូនឈើទាំងនោះរួមមាន គ្រញូង២០០ដើម ធ្នង់១០០ដើម បេង១៥០ដើម ច្រេស៥០ដើម គគីរ១០០ដើម ឈើទាល១៥០ដើម កកោះ១០០ដើម និងរំដួល១៥០ដើម។

– ផ្តល់កូនឈើជូនលោក ប្រុក ឡោង ប្រធានភូមិប្រិយ ចំនួន៤០០ដើម ដើម្បីយកទៅដាំនៅជុំវិញស្រះសហគមន៍ចំនួន២កន្លែង ស្ថិតក្នុងភូមិប្រិយ ឃុំខ្នារសណ្តាយ ស្រុកបន្ទាយស្រី ខេត្តសៀមរាប។ កូនឈើទាំងនោះរួមមាន គ្រញូង១១០ដើម ធ្នង់១០០ដើម បេង៥០ដើម រំដួល១០០ដើម ថ្កុល១០ដើម ផ្ញៀវ២០ដើម និងស្តៅ១០ដើម។

– ផ្តល់កូនឈើជូនតំណាងនាយកដ្ឋានសណ្តាប់ធ្នាប់ និងនាយកដ្ឋានអភិវឌ្ឍន៍ទេសចរអង្គរនៃអាជ្ញាធរជាតិអប្សរា ចំនួន២៧០ដើម ដើម្បីយកទៅដាំនៅមុខបរិវេណប្រាសាទនាគព័ន្ធ និងប្រាសាទបាគង។ កូនឈើទាំងនោះរួមមាន គគីរ១០០ដើម រំដួល៨៥ដើម ក្ងោកតូច៧០ដើម និងជើងគោ១៥ដើម។

– ប្រគេនកូនឈើជូនព្រះអង្គ មឺយ ចយ ព្រះគ្រូចៅអធិការវត្តស្លាតរំជ័យ ចំនួន៨២០ដើម ដើម្បីយកទៅដាំលំអក្នុងបរិវេណវត្ត ស្ថិតក្នុងភូមិតាត្រាវ ឃុំស្វាយចេក ស្រុកអង្គរធំ ខេត្តសៀមរាប។ កូនឈើទាំងនោះរួមមាន គគីរ៣០០ដើម ឈើទាល៣០០ដើម អង្កាញ់១០០ដើម រំដួល៥០ដើម ថ្កុល៥០ដើម និងស្តៅ២០ដើម។

– ផ្តល់កូនឈើជូនលោក ម៉ក់ សុខា ប្រជាពលរដ្ឋរស់នៅខេត្តសៀមរាប ចំនួន២០ដើម ដើម្បីយកទៅដាំនៅសាលាបឋមសិក្សាដូនច្រែង សិ្ថតក្នុងភូមិដូនច្រែង ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ។ កូនឈើទាំងនោះរួមមាន ត្របែកព្រៃ១០ដើម ឥន្ទនេល២ដើម ថ្កុល២ដើម ក្ងោកធំ២ដើម ក្ងោកតូច២ដើម និងស្តៅ២ដើម។

– ប្រគេនកូនរំដួលជូនព្រះវារិន្ទមុនី ទី ថា ព្រះគ្រូអនុគណស្រុកវ៉ារិន ចំនួន៥០ដើម ដើម្បីយកទៅដាំលំអក្នុងបរិវេណវត្តសុវណ្ណបុទុម ស្ថិតក្នុងភូមិរំដួល ឃុំវ៉ារិន ស្រុកវ៉ារិន ខេត្តសៀមរាប។

– ប្រគេនកូនឈើជូនព្រះគ្រូវិនិយរក្ខិតោ ម៉ាន់ ចាន់រ៉ា ចំនួន១,៥០០ដើម ដើម្បីយកទៅដាំក្នុងបរិវេណវត្ត ព្រះស្រីឯកោរាមាធិបតី ហៅវត្តដូង ស្ថិតក្នុងភូមិដូង ឃុំដូង ស្រុកប្រាសាទបល្ល័ង្ក ខេត្តកំពង់ធំ។ កូនឈើទាំងនោះរួមមាន គ្រញូង៥០០ដើម ធ្នង់៣០០ដើម បេង២០០ដើម គគីរ៣០០ដើម និងកកោះ២០០ដើម៕SRP

ខេត្តសៀមរាប៖បុរសវ័យចំណាស់ម្នាក់បានស្លាប់ខណ: ពេលទៅលើកទ្រូរបស់ខ្លួន ចំបង្កៃគ្រាប់បែកដែលជនមិនស្គាល់លួចដាក់ជាប់នឹងទ្រូ។

ហេតុការណ៍បានកើតឡើងនៅថ្ងៃទី១៩ ខែកញ្ញា ឆ្នាំ២០២១ ភូមិរំដេង ឃុំស្រណាល ស្រុកក្រឡាញ់ ខេត្តសៀមរាប។

យោងតាមរបាយការណ៍បានឲ្យដឹងថាករណីនេះក្រោយពីទទួលព័ត៌មានពីប្រជាពលរដ្ឋ នៅភូមិរំដេង បានរាយការណ៍ថា នៅវេលាម៉ោងប្រហែល៩ និង៤០នាទីព្រឹក រូបគាត់បានទៅស្ទូង(ជួស)ស្រូវនៅវាលស្រែខាងលិចភូមិប្រហែល៣០០ម៉ែត្រ ដែលមានព្រំប្រទល់ជាប់និងភូមិត្រាំកង់ ឃុំចន្លាសដៃ ស្រុកក្រឡាញ់។ ពេលគាត់ទៅដល់ស្រែ បានឃើញមានធុងពណ៌សនៅលើភ្លឺស្រែដែលមានចម្ងាយប្រហែល៨០ម៉ែត្រប៉ុន្តែមិនឃើញមានមនុស្សទេ គាត់ក៏បានដើរទៅមើល ពេលគាត់ទៅដល់ក៏ឃើញមនុស្សដេកស្លាប់ក្បែរធុងសុីនោះ គាត់ក៏បានទៅប្រាប់គ្នារបស់ពួកគាត់ និងរាយការណ៍ប្រាប់សមត្ថកិច្ច។

របាយការណ៍បន្តថានៅសមត្ថកិច្ចចុះធ្វើការត្រួតពិនិត្យទើបដឹងថាជនរងគ្រោះឈ្មោះ ឆាវ រ៉ាយ ភេទប្រុសអាយុ៧៨ឆ្នាំ ទីលំនៅភូមិត្រាំកង់ ឃុំចន្លាសដៃ ស្រុកក្រឡាញ់ ខេត្តសៀមរាប ស្លាប់ដោយកាផ្ទុះគ្រាប់បែកដោយជនមិនស្គាល់មុខលួច(បង្កៃគ្រាប់បែក)ដាក់ជាប់និងទ្រូរបស់ជនរងគ្រោះ។

បើតាមការបំភ្លឺរបស់ឈ្មោះឆាវ រុិត ភេទប្រុសអាយុ៣៧ឆ្នាំ ជាកូនបង្កើតរបស់ជនរងគ្រោះ ថាពុករបស់គាត់ដាក់ទ្រូនៅទីនោះ(ផ្លូវរទេះចាស់)រយ:ពេលជិត១០ឆ្នាំមកហើយ ហើយឆ្នាំនេះគាត់ទៅដាក់ទ្រូកន្លែងចាស់នោះប្រហែល៦.៧ថ្ងៃហើយព្រោះទើបមានទឹក ហើយរៀងរាល់ព្រឹកម៉ោង៦.៣០គាត់តែងតែទៅមើលទ្រូរបស់គាត់លុះដល់ម៉ោងប្រហែល៨.០០គឺពុករបស់គាត់ត្រឡប់មកផ្ទះវិញ ប៉ុន្តែព្រឹកមុិញនេះ កូនដាំបាយឆ្អិនចាំពុកគាត់ដល់ម៉ោង៩.៣០នាទីនៅតែមិនឃើញមកផ្ទះទើបគាត់ទៅតាមដល់កន្លែងដាក់ទ្រូ ទើបដឹងថាពុកគាត់បានស្លាប់នៅកន្លែងដាក់ទ្រូបាត់ទៅហើយ។

បើតាមរបាយការណ៍បន្តថានៅវេលាម៉ោងប្រហែល៧និង២០នាទី ប្រជាពលរដ្ឋ នៅភូមិក្បែរកន្លែងកើតហេតុ បានឮសំលេងផ្ទុះដែរ ប៉ុន្តែស្មានថាផ្ទុះកង់រថយន្ត ឬជាស្នូរផ្គររន្ទះ ព្រោះពេលនោះមេឃកំពុងតែភ្លៀងផងដែរ៕SRP

ខេត្តសៀមរាប៖លំនៅឋានពលរដ្ឋចំនួន៥ខ្នង សាលាអង្គការ១ខ្នង និងអគារមន្ទីរពេទ្យ១ខ្នង ត្រូវបានខូចខាតនិងប៉ះពាល់ដោយសារខ្យល់កន្រ្តាក់។

ហេតុការណ៍បានកើតឡើងនៅថ្ងៃទី១៩ ខែកញ្ញា ឆ្នាំ២០២១ នៅក្រុងសៀមរាប។

របាយការណ៍បានបង្ហាញថាសង្កាត់គោកចក មានចំនួន០៥ខ្នង៖ភូមិគោកត្នោត ចំនួន០៣ខ្នង៖

១.ម្ចាស់ឈ្មោះ មាន ស៊ន់ ភេទស្រី អាយុ៦៣ឆ្នាំ (ជាស្រ្តីមេម៉ាយ) មានសមាជិកគ្រួសារចំនួន០៦នាក់ ស្រី០២នាក់។
-ផ្ទះទំហំ៧x៩ម៉ែត្រ(ដើមអំពិលរលំសង្កត់ពីលើ ខូចខាតផ្នែកខាងលើ៥០%)។

២.ម្ចាស់ឈ្មោះ សែត សឿត ភេទប្រុស អាយុ៤២ឆ្នាំ មានសមាជិកគ្រួសារចំនួន០៧នាក់ ស្រី០៤នាក់។ ផ្ទះទំហំ៧x៩ម៉ែត្រ (ខូចខាតសំយាបទាំងស្រុង)។

៣.ម្ចាស់ឈ្មោះ ឯម កង ភេទប្រុស អាយុ៤១ឆ្នាំ(ជាប្រធានអង្គការ) មានសមាជិកជាគ្រូចំនួន១៣នាក់ ស្រី០៦នាក់។
-សាលាទំហំ៥x១៣ម៉ែត្រ(ដើមគ០២ដើម និងដើមត្នោត១ដើម រលំសង្កាត់បណ្ដាលឲ្យខូចខាតសាលាទាំងស្រុង)។

ភូមិគោកបេង ចំនួន០២ខ្នង៖
១.ម្ចាស់ឈ្មោះរឿម ញិប ភេទប្រុស អាយុ៣២ឆ្នាំ មានសមាជិកគ្រួសារចំនួន០៤នាក់ ស្រី០២នាក់។
-ផ្ទះទំហំ៦x៨ម៉ែត្រ(ដើមសេមាន់រលំសង្កត់ ខូចខាតមួយចំហៀង)។

២.ម្ចាស់ឈ្មោះហឿយ អ៊ា
-ផ្ទះទំហំ៥x៧ម៉ែត្រ(ដើមគ រលំសង្កត់ ខូចខាតស័ង្កសី០៤សន្លឹក)។

សង្កាត់ក្របីរៀល ០១ខ្នង៖ម្ចាស់ឈ្មោះសឿត សាន់ ភេទប្រុស អាយុ៤១ឆ្នាំ នៅភូមិព្រៃក្រូច។
-ផ្ទះទំហំ៥x៧ម៉ែត្រ(ដើមឈើរលំសង្កត់)។

សង្កាត់ស្វាយដង្គំ ០១ខ្នង៖ដើមឈើរលំសង្កត់អគារមន្ទីរពេទ្យបង្អែកខេត្តសៀមរាប ទំហំ៨x១២ម៉ែត្រ(ខូចខាតដំបូលមួយចំហៀង)៕SRP

Sponsored

ខេត្តសៀមរាប៖បុរសជាប្ដីស្រវឹងស្រាបានកាប់សម្លាប់ប្រពន្ធរបស់ខ្លួនបណ្ដាកឲ្យស្លាប់យ៉ាងអាណោចអាធម៌។

ហេតុការណ៍បានកើតឡើងវេលាម៉ោង០៤រសៀល ថ្ងៃទី១៩ ខែកញ្ញា ឆ្នាំ២០២១ នៅចំណុចភូមិព្រៃទទឹង ឃុំល្វែងឫស្សី ស្រុកជីក្រែង ខេត្តសៀមរាប។

សមត្ថកិច្ចខេត្តសៀមរាបបានថ្លែងប្រាប់ អង្គភាពសៀមរាបប៉ុស្ដិ៍ នៅព្រឹកនេះថាករណីឃាតកម្មនេះបង្កដោយជនសង្ស័យមានឈ្មោះ ឆែម ទក់ ភេទប្រុសអាយុ ៣២ឆ្នាំបានធ្វើសកម្មភាពយកពូថៅកាប់ទៅលើប្រពន្ធរបស់ខ្លួន មានឈ្មោះ សាន់ ចាន់ អាយុ២៧ឆ្នាំ រស់នៅជាមួយគ្នា ត្រូវចំនួន២ពូថៅ(ចំខាងក្រោយក្បាលនិងក្រោមត្រចៀកខាងឆ្វេង១ពូថៅ)បណ្តាលអោយស្លាប់នៅចំណុចកើតហេតុ។

សមត្ថកិច្ចបានបន្តថាក្រោយធ្វើសកម្មភាពរួច ជនសង្ស័យបានរត់ចេញពី ក្នុងផ្ទះមកក្រៅ ហើយបានជួប និងឈ្មោះម៉ុន នៅផ្ទះក្បែរគ្នា ក៏បានយាពូថៅកាប់ទៅលើឈ្មោះ ម៉ុន តែគេចផុតក៏ត្រូវចំករឈ្មោះ ខៀន សុខាន់ ភេទស្រី អាយុ៣០ឆ្នាំ ១ពូថៅបណ្ដាលអោយ(របួសធ្ងន់) ភ្លាមនោះ ឈ្មោះ ខៀន ឆាត ភេទប្រុសអាយុ៣៤ឆ្នាំបានស្ទុះទៅជួយ ប្អូនស្រី ក៏ត្រូវជនសង្ស័យ កាប់ត្រូវដៃ ខាងឆ្វេង១ពូថៅ ទៀតបណ្ដាលអោយ (របួស)ហើយក្រោយ ជនសង្ស័យបានរត់គេចខ្លួន ទៅទិសខាងត្បូងផ្ទះរបស់ខ្លួនបាត់ ដោយមានដៃកាន់ពូថៅ ទៅជាមួយផងដែរ។

ចំណែកជនរងគ្រោះ ដែលមានរបួសទាំងពីរ ត្រូវបានគេបញ្ជូនទៅមន្ទីរពេទ្យខេត្តសៀមរាប។ បើតាមសមត្ថកិច្ចថាករណីនេះមូលហេតុគឺបណ្តាលមកពីជនបង្កស្រវឹងស្រា និងមានទំនាស់ពាក្យសម្តីជាមួយប្រពន្ធ។ ទោះជាយ៉ាងណាសមត្ថកិច្ចកំពុងស្រាវជ្រាវតាមរកជនសង្សយ័ដើម្បីយកមកអនុវត្តន៏តាមច្បាប់៕SRP

ខេត្តសៀមរាប៖មន្ត្រីជាន់ខ្ពស់អាជ្ញាធរជាតិអប្សរា បានបដិសេធការចោទប្រកាន់ថា បានកាប់ដើមឈើធំៗ នៅមុខប្រាសាទអង្គរ សម្រាប់ធ្វើអាជីវកម្ម។

ការបដិសេធបែបនេះបន្ទាប់ពី កាសែតឌឹខេមបូឌាដេលី ដែលបានផ្សាយចោទប្រកាន់អ្នក គ្រប់គ្រងរមណីយដ្ឋានអង្គរថា បានកាប់ដើមឈើធំៗនៅមុខប្រាសាទអង្គរវត្ត ដើម្បីធ្វើអាជីវកម្ម។

នៅមុខប្រាសាទអង្គរ នៅថ្ងៃទី១៦ ខែកញ្ញាម្សិលមិញ លោក យិត ចាន់ដារដ្ឋ អគ្គនាយករងអាជ្ញាធរជាតិអប្សរា បានថ្លែងប្រាប់ក្រុមអ្នកសារព័ត៌មានថា កាលពីពេលថ្មីៗនេះ មន្ត្រីជំនាញរបស់អាជ្ញាជាតិអប្សរា បានកាប់ដើមឈើប្រភេទឈើទាល ចំនួន២ដើមនៅមុខបរិវេណប្រាសាទអង្គរវត្ត។

លោក យិត ចាន់ដារដ្ឋ ថ្លែងថា មុននឹងកាប់ដើមឈើទាំង២ដើមនោះ មន្ត្រីជំនាញបានថែទាំព្យាបាលវាយ៉ាងហ្មត់ចត់បំផុតដើម្បីឱ្យមានជីវិត ប៉ុន្ដែដោយសារវាមានអាយុកាលច្រើនឆ្នាំ និងមានជំងឺមិនអាចព្យាបាលបានទើបអាជ្ញាធរសម្រេចកាប់ចោល ដើម្បីបញ្ចៀសគ្រោះថ្នាក់ដល់ភ្ញៀវទេសចរ ហើយការកាប់នេះមានការជូនដំណឹងជាមុន មិនមែនកាប់ធ្វើអាជីវកម្មដូចការរិះគន់របស់បុគ្គលមួយចំនួន និងការចុះផ្សាយតាមបណ្ដាសង្គមហ្វេសប៊ុករបស់ឌឹខេមបូឌាដេលីខ្មែរនោះទេ។

លោកបានថ្លែងទៀតថា ដើមឈើនៅខាងមុខអង្គរនោះ មានច្រើនដើមដែលបានមានហានីភ័យដល់ភ្ញៀវទេសចរ សំណង់អគារជាដើម ជាក់ស្ដែងដើមឈើទាលនៅខាងអង្គរវត្ដដែលអាចបង្ករគ្រោះថ្នាក់ដល់អ្នកទេសចរ។ លោកថា ដើមឈើពិតមែនតែជារុក្ខជាតិ ប៉ុន្ដែវាក៏មានជំងឺដូចមនុស្សសត្វដែរ ដែលលោកចាត់ទុកការរិះគន់និងការផ្សព្វផ្សាយតាមហ្វេសប៊ុកឌឹខេមបូឌាដេលីជាព័ត៌មានបំភ្លើសខ្វះការពិត។

បើតាមលោក យិត ចាន់ដារដ្ឋ ដើមឈើនៅខាងមុខអង្គរក្នុងបរិវេណប៉ាកវី នឹងត្រូវកាត់កាត់ចោលបន្ថែមទៀត ព្រោះវាបានងាប់ ទោះបីអ្នកជំនាញអាជ្ញាធរជាតិខិតខំថែរក្សា យ៉ាងក៏ដោយ ដើម្បីកុំឱ្យមានហានីភ័យដល់អ្នកទេសចរ ក៏ដូចប្រជាពលរដ្ឋ អាជីវករផងដែរ។

គួរបញ្ជាក់ថាកាលពីថ្ងៃទី១៥ខែកញ្ញា ឆ្នាំ២០២១នេះ ផេកហ្វេសប៊ុក ឌឹខេមបូឌាដេលី ខ្មែរ The Cambodia Daily Khmer បានផ្សព្វផ្សាយថា ដើមឈើទាលធំៗមានអាយុកាលរាប់រយឆ្នាំ ដុះក្នុងតំបន់ឧទ្យានអង្គរទល់មុខប្រាសាទអង្គរវត្ត ដែលទាក់ទាញភ្ញៀវទេសចរនោះ កំពុងប្រឈមងាប់ជាបណ្តើរៗដោយសារដាក់ថ្នាំពុល និងមានដើមឈើខ្លះទៀត ត្រូវគេកាប់ដោយស្របច្បាប់។

យោងតាមលោក យិត ចាន់ដារដ្ឋ បានលើកឡើងថា កន្លងមកអាជ្ញាធរជាតិអប្សរា បានធ្វើការដកហូតដើមឈើដែលមានអាចបង្កហានិភ័យប្រមាណជា៣០០ដើមរួចមកហើយ ហើយរាល់ការដកហូតសុទ្ធតែមានការជូនដំណឹងជាមុន។ ក្រៅពីការដកហូតនេះ អាជ្ញាធរជាតិអប្សរា ក៏បានធ្វើការដាំកូនឈើ និងចែកកូនឈើដល់សាធារណជនក្នុងមួយឆ្នាំៗប្រមាណជា២០ម៉ឺនដើមផងដែរ៕SRP