ខេត្តសៀមរាប – Page 107

ខេត្តសៀមរាប៖លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជាបានឲ្យដឹងថាខ្ញុំពិតជាមានជំនឿជាក់ថា ដើមឈើដែលយើងរួមគ្នាដាំនៅថ្ងៃនេះនឹងក្លាយជានិមិត្តរូបសាមគ្គីភាព ប្រកបដោយ ការអត់ធ្មត់ ស្ថេរភាព និងសេចក្តីថ្លៃថ្នូរ ព្រមទាំងអាចផ្សាភ្ជាប់មេដឹកនាំវ័យក្មេងនៃតំបន់ទាំងពីរ ឱ្យបន្តមានការពិភាក្សាអំពីចក្ខុវិស័យរួមគ្នា ដើម្បីរួមចំណែកដល់ការអភិវឌ្ឍន៍ប្រកបដោយចីរភាព សម្រាប់អនាគតរបស់ប្រជាជាតិក្នុងតំបន់ទាំងពីរ។

លោក ហ៊ុន ម៉ានី បានបន្តថាព្រឹកនេះខ្ញុំ និងក្រុមគ្រួសារបានចូលរួមដាំបណ្តុះកូនឈើ ចំនួន៥៣ដើម ជាមួយប្រតិភូកម្ពុជា និងអង្គទូតជាច្រើនប្រចាំនៅកម្ពុជា ក្នុង «ពិធីដាំដើមឈើសាមគ្គីភាពរវាងយុវជនអាស៊ី-អឺរ៉ុប» នៅមុខប្រាសាទអង្គរវត្ត នៅខេត្តសៀមរាប។

ព្រឹត្តិការណ៍ដាំដើមឈើសាមគ្គីភាពរវាងយុវជនអាស៊ី-អឺរ៉ុប គឺជាផ្នែកមួយនៃកិច្ចប្រជុំកំពូលថ្នាក់ដឹកនាំវ័យក្មេងនៃមូលនិធិអាស៊ី-អឺរ៉ុបលើកទី៤ (The 4th ASEF Young Leaders Summit – ASEFYLS4) ដែលកិច្ចប្រជុំនេះ គឺជាវេទិកាអមមួយនៃវេទិកាអមទាំង៦ របស់កិច្ចប្រជុំកំពូលអាស៊ី-អឺរ៉ុបលើកទី១៣ (ASEM13)។

ព្រឹត្តិការណ៍ដាំកូនឈើនាពេលនេះមិនត្រឹមតែឆ្លុះបញ្ចាំង អំពីការឲ្យតម្លៃរបស់យើងចំពោះបរិស្ថានធម្មជាតិ និងការយល់ដឹងពីបរិស្ថានប៉ុណ្ណោះទេ ប៉ុន្តែវាក៏ជានិមិត្តរូបនៃភាពជឿជាក់លើពហុភាគីនិយម និងការរីកចម្រើនរួមគ្នា ក្រោមការប្ដេជ្ញាចិត្តយ៉ាងមុតមាំក្នុងការចូលរួមជាមួយយុវជននៅទូទាំងពិភពលោក ទាំងក្នុងក្របខណ្ឌក្រុមគ្រួសារនៃសហភាពសហព័ន្ធយុវជនកម្ពុជា និងក្រុមប្រឹក្សាយុវជនអាស៊ីផងដែរ៕SRP

ខេត្តសៀមរាប៖លោកម៉ម ប៊ុនហេង និងលោកថោង ខុន បានចុះពិនិត្យមើលអាកាសយានដ្ឋានអន្តរជាតិសៀមរាប ក្នុងការត្រៀមរៀបចំលក្ខណៈសម្បត្តិទទួលបដិសណ្ឋារកិច្ចភ្ញៀវទេសចរអន្តរជាតិដែលបានចាក់វ៉ាក់សាំងជំងឺកូវីដ.១៩ ពេញលេញឡើងវិញ។

ក្នុងឱកាសចុះពិនិត្យនៅថ្ងៃម្សិលមិញរដ្ឋមន្ត្រីទាំងពីរ បានផ្តល់នូវអនុសាសន៍ណែនាំដល់អ្នកគ្រប់គ្រងនៅព្រលានយន្តហោះអន្តរជាតិសៀមរាបរួមមាន៖

១- សម្រាប់អាកាសយាន្តដ្ឋានអន្តរជាតិសៀមរាប ត្រូវជំរុញការអនុវត្តនីតិវិធីប្រតិបត្តិស្តង់ដារ SOP របស់ក្រសួងសុខាភិបាល ស្របតាមគន្លងប្រក្រតីភាពថ្មី សម្រាប់ច្រកទ្វារចេញ-ចូលអន្តរជាតិ ឱ្យមានប្រសិទ្ធិភាពខ្ពស់។

២- សម្រាប់ក្រុមហ៊ុនអាកាសចរណ៍ ត្រូវជំរុញការហោះហើរក្នុងស្រុក និងការតភ្ជាប់ផ្លូវអាកាសពីប្រទេសដែលជាប្រភពទីផ្សារទេសចរណ៍សំខាន់ៗរបស់កម្ពុជា បម្រើដល់ការទទួលទេសចរអន្តរជាតិនិងអ្នកដំណើរដែលបានចាក់វ៉ាក់សាំងការពារជំងឺកូវីដ-១៩ ពេញលេញ ប្រកបដោយតម្លៃសមរម្យ គុណភាព និងសុវត្ថិភាពជូនភ្ញៀវទេសចរ។

សូមជម្រាបថា កាលពីថ្ងៃទី ១៣ ខែវិច្ឆិកា ឆ្នាំ ២០២១ នេះ នៅក្នុងកិច្ចប្រជុំមួយក្នុងខេត្តសៀមរាប លោកថោង ខុន រដ្ឋមន្ត្រីក្រសួងទេសចរណ៍បានប្រកាសថា អាចនឹងបេីកជេីងហោះហេីរអន្តរជាតិសៀមរាប ចាប់ពីថ្ងៃទី១០ ខែមករា ឆ្នាំ២០២២ខាងមុខនេះ៕SRP

ខេត្តសៀមរាប៖យ៉ាងហោចណាស់មនុស្សម្នាក់បានស្លាប់និង ពីរនាក់ទៀតរងរបួសធ្ងន់ដោយសារគ្រោះថ្នាក់ចរាចរណ៍។

ហេតុការណ៍បានកើតឡើង វេលាម៉ោង១៦និង៣០នាទី ថ្ងៃទី១៦ ខែវិច្ឆិកា ឆ្នាំ២០២១ រវាងម៉ូតូនិងម៉ូតូ នៅលើ ផ្លូវជាតិលេខ៦៤ ស្ថិតនៅភូមិ ជប់ក្រោម ឃុំស្វាយលើ ស្រុកស្វាយលើ។

សមត្ថកិច្ចស្រុកស្វាយលើបានរាយការណ៍ថាគ្រោះថ្នាក់ចរាចរណ៍នេះ បណ្តាលឱ្យស្លាប់មនុស្សម្នាក់ និងរបួសធ្ងន់២នាក់។ ទី១ជនរងគ្រោះ ឈ្មោះ ប៊ូន សុីណាត ភេទ ស្រី អាយុ៤៤ឆ្នាំ រស់នៅភូមិ ជប់ក្រោម ឃុំ ស្វាយលើ (ស្លាប់) ទី២អ្នករួមដំណើរម្នាក់ឈ្មោះ ប៊ូន ប្រុសតូច ភេទ ប្រុស អាយុ១៤ ឆ្នាំ រស់នៅភូមិ ជប់ក្រោម ឃុំ ស្វាយលើ(របួសធ្ងន់)។ ចំណែកភាគីម្ខាងទៀតឈ្មោះជា ភេទប្រុសអាយុ៣៥ឆ្នាំរស់នៅភូមិរំចេកឃុំស្វាយលើ(របួសធ្ងន់)ខូចខាតម៉ូតូ២គ្រឿង។ មូលហេតុគ្រោះថ្នាក់បណ្តាលមកពីម៉ូតូម៉ាក Hongda Wave វ៉ាជេង គោយន្តកន្ត្រៃដោយគ្មានការប្រុងប្រយ័ត្ន។វត្ថុតាងសមត្ថកិច្ចយកមករក្សាទុកនៅអធិការនគបាលស្រុកស្វាយលើរងចាំការដេះស្រាយ៕SRP

ខេត្តសៀមរាប៖ក្រសួងសាធារណៈការនិងដឹកជញ្ជូនបានបើកកិច្ចប្រជុំបន្ទាន់ដើម្បីពន្លឿនការអនុវត្តគម្រោងគម្រោងស្ថាបនាហេដ្ឋារចនាសម្ព័ន្ធផ្លូវចំនួន៣៨ខ្សែ នៅក្រុងសៀមរាប ឱ្យបានចប់សព្វគ្រប់តាមផែនការដែលបានគ្រោងទុកនៅថ្ងៃទី២៩ ខែធ្នូ ឆ្នាំ២០២១។

កិច្ចប្រជុំធ្វើឡើង នាថ្ងៃអង្គារ ថ្ងៃទី១៦ ខែវិច្ឆិកា ឆ្នាំ២០២១ នៅទីស្តីការក្រសួង ដឹកនាំដោយ លោកសួង ហេង រដ្ឋលេខាធិការ តំណាងលោកស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន។

សូមបញ្ជាក់ផងដែរថា៖ យោងតាមកិច្ចប្រជុំរបស់គណៈកម្មការអន្តរក្រសួងកាលពីថ្ងៃទី១៣ ខែវិច្ឆិកា ឆ្នាំ២០២១ នៅ ទីក្រុងសៀមរាប ខេត្តសៀមរាប បានជំរុញឱ្យអង្គភាពសាងសង់ទាំងអស់ខិតខំប្រឹងប្រែងបញ្ចប់គម្រោងសាងសង់នេះឱ្យបានត្រឹមថ្ងៃទី២៩ ខែធ្នូ ឆ្នាំ២០២១ ឱ្យត្រូវនឹងថ្ងៃបញ្ចប់សង្គ្រាមរ៉ាំរ៉ៃនៅកម្ពុជា ដើម្បីតបស្នងសងគុណជូនចំពោះសម្ដេចតេជោនាយករដ្ឋមន្ត្រី ជាថ្ងៃចងចាំមិនអាចបំភ្លេចបាន។

នៅក្នុងប្រជុំបន្ទាន់ លោកសួង ហេង បានថ្លែងជំរុញឱ្យអង្គភាពសាងសង់ខិតខំប្រឹង ប្រែងពន្លឿនការងារ ដែលនៅសេសសល់មួយចំនួនរបស់ខ្លួនរួមមាន៖ ការងារអ៊ុតកៅស៊ូ ការងារត បណ្ដាញលូទឹកភ្លៀង និងលូទឹកកខ្វក់ពីខ្នងផ្ទះប្រជាពលរដ្ឋមកប្រព័ន្ធលូមេចំនួន១២២៩៩តំណ ជូនប្រជាពលរដ្ឋដោយឥតគិតថ្លៃ ការសាងសង់ចំណតរថយន្តដោយប្រើប្រាស់បេតុងសរសៃដែកកម្រាស់១៥សង់ទីម៉ែត្រ ការងាររៀបខឿនចិញ្ចើមផ្លូវ និងការងារមួយចំនួនផ្សេងទៀតដើម្បីឱ្យ គម្រោង សាងសង់ហេដ្ឋារចនាសម្ព័ន្ធផ្លូវ៣៨ខ្សែបញ្ចប់តាមការគ្រោងទុក និងបានស្នើឱ្យក្រុមហ៊ុនផ្តត់ផ្គង់សម្ភារ:ដូចជា៖ ថ្ម កៅស៊ូ និងសម្ភារៈចាំបាច់ផ្សេងទៀតជូនអង្គភាពអនុវត្តគម្រោងឱ្យបានត្រឹមត្រូវ តាមស្តង់ដាដែលបានកំណត់។

យោងតាមរបាយការណ៍របស់អគ្គនាយកដ្ឋានបច្ចេកទេស នៃក្រសួងសាធារណការ និងដឹកជញ្ជូនឱ្យដឹងថា៖គម្រោង សាងសង់ហេដ្ឋារចនាសម្ព័ន្ធផ្លូវ៣៨ខ្សែនៅក្រុងសៀមរាប គិតត្រឹមថ្ងៃទី១០ ខែវិច្ឆិកា ឆ្នាំ២០២១ ឬរយៈពេលជាង ១១ខែ សម្រេចបាន៨៩,៣៩%នៃទំហំការងារសរុប (២% លឿនជាងផែនការធៀបនឹងរយៈពេលសាងសង់)៕SRP

Sponsored

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម បានថ្លែងប្រាប់ដល់មន្ត្រីពាក់ព័ន្ធ ឲ្យស្វែងរកទីតាំងសាងសង់បង្គន់អនាម័យសាធារណៈ នៅតំបន់សួនកម្សាន្តតាមដងទន្លេមេគង្គ ក្នុងក្រុងកំពង់ចាម ចៀសវាងការបបន្ទោរបង់ ពាសវាលពាសកាល និងដេីម្បីលេីកកម្ពស់ សុខុមាលភាពក្រុង និងលេីកកម្ពស់សុខុមាលភាពភ្ញៀវទេសចរណ៍ ក៏ដូចជាបងប្អូនប្រជាពលរដ្ឋផងដែរ។

ថ្លែងយ៉ាងដូច្នេះក្នុងកិច្ចប្រជុំសាមញ្ញលេីកទី៣០ អាណត្តិទីទី៣ របស់ក្រុមប្រឹក្សាខេត្តកំពង់ចាម នៅថ្ងៃទី១៥ ខែវិច្ឆិកា នេះ។

លោក អ៊ុន ចាន់ដា បានថ្លែងថា រដ្ឋបាលខេត្ត បានដាក់ចេញជាផែនការ ដេីម្បីគិតគូរដល់ការលេីកកម្ពស់សោភ័ណភាព ក្រុងកំពង់ចាម និងការលេីកកម្ពស់សុខុមាលភាពដល់ភ្ញៀវទេសចរណ៍ ក៏ដូចជាបងប្អូនប្រជាពលរដ្ឋ មកដេីរលេងកម្សាន្ត ឬធ្វើការហាត់ប្រាណ។ ដូច្នេះយើងត្រូវសិក្សាស្វែងរកទីតាំងណាមួយឲ្យបានសមរម្យ ដេីម្បីសាងសង់បន្ទប់ទឹក បង្គន់អនាម័យសាធារណៈ។

សូមជម្រាបថានៅក្នុងកិច្ចប្រជុំនេះដែរ លោក ខ្លូត ផន ប្រធានក្រុមប្រឹក្សាខេត្តកំពង់ចាម បានលើកយកសេចក្តីព្រាងរបៀបវារៈសំខាន់ៗ មកពិភាក្សា រួមមាន ១-ពិនិត្យ និងអនុម័តសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី២៩ អាណត្តិទី៣ របស់ក្រុមប្រឹក្សាខេត្ត។ ២-ពិនិត្យ ពិភាក្សា និងអនុម័តសេចក្តីព្រាងរបាយការណ៍បូកសរុបលទ្ធផលការងារ ប្រចាំខែ តុលា និងទិសដៅការងារប្រចាំខែវិច្ឆិកា ឆ្នាំ២០២១ របស់រដ្ឋបាលខេត្តកំពង់ចាម។ ៣-ពិនិត្យ ពិភាក្សា និងអនុម័តសេចក្តីព្រាងផែនការលទ្ធកម្មប្រចាំឆ្នាំ២០២២ របស់រដ្ឋបាល ខេត្តកំពង់ចាម។៤-បញ្ហាផ្សេងៗ៕SRP

ខេត្តសៀមរាប៖សម្ដេចទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មការអន្តរក្រសួង បានថ្លែងប្រាប់អ្នកសារព័ត៌មានថា យើងបានជួបបញ្ហាមួយចំនួន ដូចជាការឱ្យប្រជាពលរដ្ឋ ស្នើសុំភ្ជាប់ប្រព័ន្ធលូ ទឹកភ្លៀង និងទឹកកខ្វក់ពីផ្ទះចូលក្នុងបណ្តាញរបស់រដ្ឋ ដោយប្រជាពលរដ្ឋ ត្រូវបង់ប្រាក់ និងបញ្ហាមួយទៀត គឺចំណតរថយន្ត។ ប៉ុន្តែបញ្ហាទាំងនេះ ឥឡូវត្រូវបានដោះស្រាយរួចរាល់ហើយ។ ដោយ សម្តេចតេជោ ហ៊ុន សែន នាយករដ្ឋមន្រ្តី បានសម្រេចផ្តល់ថវិកាចំនួនជាង៣លាន៨សែនដុល្លាអាមេរិក សម្រាប់សាងសង់ចំណតរថយន្ត តាមបណ្តោយផ្លូវជាតិលេខ៦ ដែលមានប្រវែងជាង២០០០ម៉ែត្រ និងតភ្ជាប់បណ្តាញលូ ទឹកភ្លៀង និងទឹកកខ្វក់ពីផ្ទះចូលក្នុងបណ្តាញរដ្ឋ ដែលមានប្រមាណជាង១២០០០តំណរ ដែលស្ថិតក្នុងគម្រោងស្ថាបនាផ្លូវ៣៨ខ្សែ ដែលនេះ ជាចំណងដៃថ្មីមួយទៀត ដែលសម្តេចតេជោ ហ៊ុន សែន ផ្តល់ជូនប្រជាពលរដ្ឋក្នុងក្រុងសៀមរាប។

សម្ដេចទៀ បាញ់ បានថ្លែងបន្តថា ឥឡូវនេះ ផ្លូវទាំង៣៨ខ្សែបានស្អាតជាបន្តបន្ទាប់ ឯនៅតាមបណ្ដោយដងស្ទឹងខេត្តសៀមរាបក៏ចាប់ផ្តើមមានសោភ័ណភាពស្អាតជាបណ្តើៗហើយ។ សូមប្រជាពលរដ្ឋ រួមគ្នាថែរក្សាទ្រព្យសម្បត្តិនេះ ឱ្យបានគង់វង្ស ជាពិសេសត្រូវចូលរួមសម្អាត នៅតាមមុខផ្ទះរាងៗខ្លួនឱ្យបានស្អាត ដើម្បីទទួលភ្ញៀវទេសចរណ៍ជាតិ និងបរទេស។

បើតាមសម្ដេច ទៀ បាញ់ ថាគម្រោងស្ថាបនាហេដ្ឋារចនាសម្ព័ន្ធផ្លូវ៣៨ខ្សែ នៅក្រុងសៀមរាប រហូតមកដល់ពេលនេះ សម្រេចបាន៩០%ហើយ នៅ១០%ទៀតនឹងធ្វើឱ្យរួចរាល់ត្រឹមថ្ងៃទី២៩ខែធ្នូឆ្នាំ២០២១ ហើយគ្រប់ផ្លូវទាំងអស់ត្រូវតែរៀបចំឱ្យស្អាតមានរបៀបរៀបរយ និងសណ្តាប់ធ្នាប់ល្អ។

សូមជម្រាបថាការសាងសង់ផ្លូវ៣៨ខ្សែនៅក្រុងសៀមរាប មានគោលដៅប្រែក្លាយក្រុងសៀមរាប ខេត្តសៀមរាប ឱ្យក្លាយជាទីក្រុងដ៏ទំនើបពោរពេញដោយសោភ័ណភាពបរិស្ថានល្អសម្រាប់ការរស់នៅ ឱ្យសក្ដិសមជាទីក្រុងទេសចរណ៍ វប្បធម៌ និងប្រវត្តិសាស្ត្រ អាចទាក់ទាញភ្ញៀវទេសចរណ៍ បានកាន់តែច្រើនសំដៅលើកស្ទួយសេដ្ឋកិច្ចជាតិឱ្យកាន់តែមានការរីកចម្រើន។ ហើយនៅដើមឆ្នាំ២០២២ខាងមុខនេះ បើតាមផែនការរបស់រដ្ឋាភិបាលគឺនិងបើកឱ្យភ្ញៀវទេសចរបរទេសដែលបានចាក់វ៉ាក់សាំងរួមមកកម្សាន្ត នៅខេត្តសៀមរាប ហើយសមិទ្ធផលថ្មីៗទាំងនេះ និងធ្វើឱ្យភ្ញៀវទេសចរមានការពេញចិត្តមកម្តងហើយចង់មកម្តងទៀត៕SRP

ខេត្តសៀមរាប៖សមត្ថកិច្ចស្រុកក្រឡាញ់បានឃាត់ខ្លួនបុរសជាឪពុកម្នាក់ ក្រោយពីបានធ្វើសកម្មភាពចាប់រំលោភកូនស្រីខ្លួនឯង។

របាយការណ៍របស់អាជ្ញាធរស្រុកក្រឡាញ់បានឲ្យដឹងថាករណីរំលោភសេពសន្ទវះ ឃុំក្រឡាញ់ស្រុកក្រឡាញ់ ខេត្តសៀមរាប។ នៅវេលាម៉ោង១៩.០០នាទី ថ្ងៃទី១២ ខែវិច្ឆិកា ឆ្នាំ២០២១(ឪពុកនិងកូនស្រីបង្កើត)។

របាយការណ៍បានបន្តថា ជនសង្ស័យជាឪពុកឈ្មោះឆៃ ឆាន អាយុ៣៩ឆ្នាំ បានដេកប្រលែងគ្នាជាមួយកូនស្រីបង្កើតរបស់គាត់ឈ្មោះឆ .ផ.ដអាយុ១១ឆ្នាំ។ ក្នុងពេលប្រលែងគ្នានោះធ្វើ អោយឈ្មោះឆៃ ឆាន ជាឪពុកមានអារម្មណ៍ចំណង់ផ្លូវភេទក៏ចាប់កូនស្រីរបស់គាត់រំលោភរហូតបានសម្រេចតែម្ដង។

របាយការណ៍បានបន្តទៀតថា លុះដល់ថ្ងៃទី១៣ ខែវិច្ឆិកា ឆ្នាំ២០២១វេលាម៉ោង១៤ទើប ឈ្មោះ យូន ដាំ ជាម្តាយជនរងគ្រោះ មកប្តឹងរាយការណ៍ជូនសមត្ថកិច្ច។ ក្រោយទទួលពាក្យបណ្តឹងរួចសមត្ថកិច្ចបានចុះទៅនាំយកជនសង្ស័យមកធ្វើកាសាកសួរ ដោយសហការជាមួយកិច្ចការនារីស្រុកនិងក្រុមប្រឹក្សាស្រុកទទួលកិច្ចការនារីផងដែរ។

តាមមចម្លើយជនសង្ស័យបានសារភាពថារូបគាត់ពិតជាបានប្រព្រឹត្តអំពើរំលោភទៅលើកូនស្រីបង្កើតគាត់ប្រាកដមេន។

បើតាមរបាយការណ៍បញ្ជាក់ថា ជនសង្ស័យត្រូវកម្លាំងនគរបាលស្រុក ឃាត់ខ្លួនកសាងសំណុំរឿងបន្តតាមនិតិវិធី៕SRP

ខេត្តសៀមរាប៖ហេដ្ឋារចនាសម្ព័ន្ធផ្លូវ៣៨ខ្សែ គម្រោងនេះមានគោលដៅប្រែក្លាយក្រុង សៀមរាប ឱ្យក្លាយជាទីក្រុងដ៏ទំនើបពោរពេញដោយសោភ័ណភាព បរិស្ថានល្អសម្រាប់ការ រស់នៅឱ្យសក្ដិសមជាទីក្រុងទេសចរណ៍ វប្បធម៌ និងប្រវត្តិសាស្ត្រ អាចទាក់ទាញភ្ញៀវទេសចរណ៍ បានកាន់តែច្រើនសំដៅលើកស្ទួយសេដ្ឋកិច្ចជាតិ ឱ្យកាន់តែមានការរីកចម្រើន ព្រមទាំងធ្វើឱ្យប្រសើរឡើងដល់ការតភ្ជាប់ពីទីប្រជុំជនក្រុងសៀមរាបទៅកាន់តំបន់ដាច់ស្រយាលផងដែរ។

គម្រោងសាងសង់នេះមានប្រវែងសរុប១០៦,៤២៤ គីឡូម៉ែត្រ ប្រើប្រាស់ថវិកាជាតិសរុបប្រមាណជាង ១៤៩.២១៦.៥៩៥ ដុល្លារអាមេរិក ដោយក្នុងនោះចំនួន៩លានដុល្លារអាមេរិកចំណាយលើការងារចាំបាច់ក្នុងការរៀបចំ ស្ថាបនាប្រព័ន្ធបង្ហូរទឹកភ្លៀង និងទឹកកខ្វក់ ឋិតក្រៅគម្រោងសាងសង់ខ្សែផ្លូវទាំង៣៨នេះ ចំណាយ ពេលសាងសង់ចំនួន១៣ខែ គ្រោងនឹងបញ្ចប់នៅចុងឆ្នាំ២០២១។

ការសាងសង់ត្រូវបានបែងចែកជាបួនប្រភេទរួមមាន៖ ១) ផ្លូវជួសជុលដោយអ៊ុតបេតុងកៅស៊ូ (AC) បន្ថែមពីលើ កម្រាស់៥សង់ទីម៉ែត្រ ប្រវែងសរុប៣១,៧៧០គីឡូម៉ែត្រ ២) ផ្លូវស្ថាបនាដោយក្រាលបេតុង សរសៃដែក កម្រាស់២០សង់ទីម៉ែត្រ រួចអ៊ុតក្រាលបេតុងកៅស៊ូ(AC)ពីលើ កម្រាស់ ៥ ទៅ ៧ សង់ទីម៉ែត្រ ប្រវែងសរុប ៧,៨៦៤ គីឡូម៉ែត្រ ៣) ផ្លូវជួសជុលដោយក្រាលថ្មម៉ិច រួចអ៊ុតបេតុងកៅស៊ូ(AC) ពីលើ កម្រាស់៥ ទៅ ៧ សង់ទីម៉ែត្រ ប្រវែងសរុប១៣,៧៣៨ គីឡូម៉ែត្រ ៤) ផ្លូវស្ថាបនាដោយក្រាលបេតុង សរសៃដែក កម្រាស់ ២០ ទៅ ២៥ សង់ទីម៉ែត្រ ប្រវែងសរុប៥០,៨៦២ គីឡូម៉ែត្រ និងការរៀបចំចិញ្ចើមផ្លូវ EN-០៣ ប្រវែង២,១៩០គីឡូម៉ែត្រផងដែរ។

ដោយឡែក ការងារសាងសង់ប្រព័ន្ធបណ្ដាញបង្ហូរទឹកមានប្រវែងសរុប២៤៨,៧២៤ គីឡូម៉ែត្រ ការងារ សាងសង់ប្រព័ន្ធបណ្ដាញលូទឹកភ្លៀងប្រវែងសរុប១៤៧,០០៥ គីឡូម៉ែត្រ និងការងារសាងសង់ប្រព័ន្ធ បណ្ដាញលូទឹកកខ្វក់មានប្រវែង១០១,៧១៩គីឡូម៉ែត្រ និងការងារដំឡើងបរិក្ខារផ្លូវថ្នល់រួមមាន ការងារ បំពាក់កាមេរ៉ាសុវត្ថិភាព ដំឡើងបង្គោលភ្លើងបំភ្លឺផ្លូវ ការងារបំពាក់បរិក្ខារចរាចរណ៍ ការងារដំឡើងភ្លើង សញ្ញាចរាចរណ៍ ការងារដាំដើមឈើលើខ្សែផ្លូវដែលស្ថិតក្នុងគម្រោងស្ថាបនាហេដ្ឋារចនាសម្ព័ន្ធ ផ្លូវទាំង៣៨ខ្សែ។

យោងតាមរបាយការណ៍របស់អគ្គនាយកដ្ឋានបច្ចេកទេស បានឱ្យដឹងថា គិតត្រឹមថ្ងៃទី១០ ខែវិច្ឆិកា ឆ្នាំ២០២១ លទ្ធផលការងារគម្រោងសាងសង់ហេដ្ឋារចនាសម្ព័ន្ធផ្លូវ៣៨ខ្សែ នៅក្រុងសៀមរាប សម្រេចបាន ៨៩,៣៩%នៃទំហំការងារសរុប។

មានប្រសាសន៍ក្នុងដំណើរចុះពិនិត្យការដ្ឋានជាក់ស្ដែង សម្តេចពិជ័យសេនា ទៀ បាញ់ បានថ្លែងនូវការកោតសរសើរចំពោះក្រុមការងារនៃអង្គភាពអនុវត្តគម្រោងដែលបានរៀបចំទីតាំងនៅតាមបណ្ដោយដងស្ទឹងខេត្តសៀមរាបប្រកបដោយសោភ័ណភាព ក្រោមកិច្ចសហការពីគ្រប់ភាគីពាក់ព័ន្ធទាំងអស់។ បន្ថែមពីលើនេះ សម្ដេចបានជំរុញឱ្យបងប្អូនប្រជាពលរដ្ឋរួមគ្នាថែរក្សាទ្រព្យសម្បត្តិនេះឱ្យបានគង់វង្សដើម្បីទទួលភ្ញៀវទេសចរណ៍ជាតិ និងអន្តរជាតិផងដែរ៕SRP

ខេត្តសៀមរាប៖ប្រជាពលរដ្ឋភូមិតាកុះឃុំព្រះដាក់ និងភូមិ សណ្តាយ ឃុំខ្នារសណ្តាយ ស្រុកបន្ទាយស្រី ជាច្រើននាក់ក្នុងចំណោម១០១គ្រួសារ នៅព្រឹកថ្ងៃទី ១១ខែ វិច្ឆិកាឆ្នាំ២០២១នេះ បានផ្ទុះការតវ៉ា ពេលមន្ត្រីចុះវាស់វែងលើក្បាលដីដែលមានជម្លោះតាមការស្នើសុំភាគីម្ខាងខុសទីតាំងដីដែលមានទំនាស់។
ក្នុងការតវ៉ានោះ ក្រុមអ្នកភូមិបានលើកឡើងថា ដីទំនាស់ខាងលើនេះ ផ្តើមចេញក្នុងពេលពលរដ្ឋ១០១គ្រួសារ ស្នើសុំកាត់ឆ្វៀលដីទំហំ៩៥.១២ ហិកតាចេញពីផែនទីគម្របព្រៃឈើឆ្នាំ២០០២ ដើម្បីធ្វើអនុបយោគធ្វើជាដីឯក ជនរបស់រដ្ឋ និងធ្វើប្រទាន កម្មជាកម្មសិទ្ធិជូនពលរដ្ឋ ២៨គ្រូសារដែលតំណាង ដោយឈ្មោះ ទុយ ប៉ុយ.ស៊ុន លិម.ផូ ស៊ីផា។ ប៉ុន្តែក្នុងខណ:ពួកគាត់ស្នើសុំដូចបញ្ជាក់ខាងលើ ក៏មានឈ្មោះសួង សារ៉ាត់.លីផល្លា .សួង ស៊ីនួន.ឈុត កែវមនី តំណាងពលរដ្ឋ១២ នាក់ មកអះអាងថាដីនេះ ពួកគេមានប័ណ្ណកម្មសិទ្ធិចំនួន៣៧ និងមាន១បង្កាន់ដៃ លើផ្ទៃដី១៣០.៣៨ហិកតា ដែលដីនោះស្ថិតក្នុងដីដែលពួកគាត់ស្នើសុំកាត់ឆ្វៀល។

ប្រភពបន្តថា ក្រោយពីមនុស្ស៤នាក់តំណាង១២ នាក់អះអាងថាមានប័ណ្ណកម្មសិទ្ធិលើដីនេះ ពួកគេក៏ស្នើអោយមន្ត្រីចុះវាស់ក្បាលដីស្វែងរកព្រំ ដែលដីនេះស្ថិតក្នុងភូមិប្រិយ៍និងភូមិសណ្តាយ ក្នុងឃុំខ្នារសណ្តាយស្រុកបន្ទាយស្រី។ តែពេលមន្រ្តីចុះវាស់វែង បែជាវាស់ចូលដីក្នុងភូមិតាកុះ ឃុំព្រះដាក់ទៅវិញ ទើបពួក គាត់ផ្ទុះការតវ៉ាបែបនេះ។

ប្រភពបន្ថែមថា ពួកគាត់រស់នៅអាស្រ័យផលតាំងពីដូនតាមក មិនដែលមានអ្នកស្រុកក្រៅភូមិមកអះអាងថាមានដីនៅទីនេះ ចុះហេតុអីនៅសុខៗក៏មានការចុះវាស់វែងក្បាល់ដីដល់ក្នុងភូមិពួកគាត់បែបនេះ។ អីចឹងទេ ពួកគាត់ចាំបាច់ត្រូវប្រឆាំងការវាស់វែងបែបនេះ។

ចំណែកពលរដ្ឋចំនួន៣នាក់ តំណាងអោយ១០១គ្រួសារ បានអះអាងប្រហាក់ប្រហែលគ្នាថា ដីខាងលើនេះពួក គាត់កាន់កាប់មុនឆ្នាំ១៩៩៦ ហើយបានលក់ទិញទៅពលរដ្ឋផ្សេងទៀតច្រើនលើកច្រើនសាចាប់ពីឆ្នាំ ២០០៤ ចុងក្រោយក្នុងឆ្នាំ២០១៩ បានលក់អោយឈ្មោះទុយ ប៉ុយ.ស៊ុន លិន.និងឈ្មោះផូ ស៊ីផា ដោយ មានការបញ្ជាក់ពីអាជ្ញាធរភូមិ.ឃុំនិងស្រុក រហូតមានការស្នើសុំកាត់ឆ្វៀលបែបនេះ។
ប្រភពបញ្ជាក់ថា តាមអនុក្រឹត្យរាជរដ្ឋាភិបាលលេខ១៦៣ អ.ន.ក្រ.ប.ក ចុះថ្ងៃទី២៣ខែសីហាឆ្នាំ ២០២១ បានសម្រេចកាត់ឆ្វៀលដីទំហំ៨០.២៧ហិកតា ស្ថិតក្នុងភូមិសណ្តាយ ឃុំខ្នារសណ្តាយ ស្រុកបន្ទាយស្រី ខេត្តសៀមរាប ចេញពីគម្របព្រៃឈើឆ្នាំ២០០២ ផ្តល់កម្មសិទ្ធិអោយមកឈ្មោះ ទុយ ប៉ុយ.ស៊ុន លិន និងផូ ស៊ីផា។ ក្នុងថ្ងៃទី២៣ខែសីហាឆ្នាំ២០២១ដដែល ទីស្តីការគណ:រដ្ឋមន្ត្រីចេញសេចក្តីជូនដំណឹងស្តីពីការសម្រេចរបស់រាជរដ្ឋាភិបាល បដិសេធចោលប័ណ្ណសំគាល់សិទ្ធិកាន់កាប់អចលនវត្ថុ ពាក្យស្នើសុំកាន់កាប់ប្រើប្រាស់ដីធ្លីមិនទាន់ចុះបញ្ជីនិងឯកសារបញ្ជាក់ការកាន់កាប់ដីធ្លីផ្សេងៗទៀតទុកជាអាសាបង់លើផ្ទៃដីដែលបានកាត់ឆ្វៀលខាងលើ។(ក្បាលដីលើប័ណ្ណចំនួន៣៧និង១បង្កាន់ដៃ).។ តែមកទល់ពេលនេះម្ចាស់ប័ណ្ណ៣៧និង១បង្កាន់ដៃនៅតែបន្តសុំអោយវាស់វែង ទើបមានហេតុការផ្ទុះការតវ៉ាយ៉ាងដូច្នេះ។

ជុំវិញករណីនេះ លោកឃឹម ហ្វីណង់ អភិបាលស្រុកបន្ទាយស្រី បានថ្លែងតាមទូរស័ព្ទថា ក្នុងដីជម្លោះ ហើយតម្រូវអោយមានការដោះស្រាយ មន្ត្រីចាំបាច់ត្រូវចុះវាស់វែងដើម្បីស្វែងរកព្រំត្រឹមត្រូវ។ តែមិនមែនទៅកំណត់ថាជាដីបុគ្គលណាម្នាក់នោះទេ។ បើពលរដ្ឋរូបណាថាខ្លួនមានដីលើចំណុចវាស់វែង សូមភ្ជាប់ឯកសារមកដាក់ពាក្យប្តឹងនៅសាលាស្រុក។ ចំពោះការតវ៉ារបស់ពលរដ្ឋ គឺដោយសាពួកគាត់មិនយល់ពីផ្លូវច្បាប់។ តែយ៉ាងណា ក្រុមមន្ត្រីត្រូវតែវាស់វែងអោយបានរួចរាល់ទើបអាចដោះស្រាយ៕SRP