ខេត្តសៀមរាប

ខេត្តសៀមរាប៖ប្រជាពលរដ្ឋបានប្រទះឃើញគ្រាប់ភណ្ឌមិនទាន់ផ្ទុះមួយគ្រាប់នៅក្រុងសៀមរាប។

ប្រជាពលរដ្ឋបានឲ្យដឹងថាការប្រទះឃើញនៅថ្ងៃទី ២៤ វិច្ឆិកាឆ្នាំ ២០២១ ម្សិលមិញ ស្ថិតនៅភូមិទ្រាំង សង្កាត់ស្លក្រាម នៅក្នុងបរិវេណផ្ទះគាត់តែម្ដង។

ប្រជាពលរដ្ឋបានបន្តថាក្រោយពីបានប្រទះឃើញគាត់បានរាយការណ៍ជូនទៅអាជ្ញាធរសមត្ថកិច្ច ដើម្បីឲ្យមកពិនិត្យគ្រាប់នោះផងដែរ។ រហូតដល់ព្រឹកថ្ងៃទី ២៥ ខែវិច្ឆិកានេះ មិនទាន់ឃើញកម្លាំងអាជ្ញាធរស៊ីម៉ាក់ ចុះមកត្រួតពិនិត្យនៅឡើយទេ៕SRP

ខេត្តសៀមរាប៖ផ្ទះប្រជាពលរដ្ឋមួយខ្នងត្រូវបានអគ្គីភ័យឆាប់ឆេះបំផ្លាញទាំងស្រុង។

ហេតុការណ៍បានកើតឡើងនៅវេលាម៉ោងទៀបភ្លឺ
ថ្ងៃទី២៥ ខែវិឆ្ឆិកា ឆ្នាំ២០២១ ស្ថិតនៅត្រង់ចំណុចក្រុមទី០៥ ភូមិវាលសង្កាត់ជ្រាវ ក្រុង ខេត្តសៀមរាប។

សមត្ថកិច្ចខេត្តសៀមរាបបានឲ្យដឹងនៅព្រឹកនេះថា ផ្ទះដែលរងការឆាបឆេះ មានទំហំ០៦×០៩ម៉ែត្រ សង់អំពីឈើផ្ទាល់ដី ជញ្ជាំងស័ង្កសី ដំបូលប្រក់ស័ង្កសី ខូចខាតទាំងស្រុង ដែលមានម្ចាស់ឈ្មោះ ទុយ ទិត្យ ភេទប្រុស អាយុ២៦ឆ្នាំ និង ឈ្មោះ រុន ធី ភេទស្រី អាយុ២៥ ឆ្នាំ ត្រូវជាប្រពន្ធ។

សមត្ថកិច្ចបានបញ្ជាក់ថា ករណីនេះបណ្ដាលឲ្យ
ខូចខាតរួមមាន៖ ផ្ទះ១ខ្នង សំបុត្រកំណើតចំនួន០៤សន្លឹក សៀវភៅស្នាក់នៅ១សន្លឹក និង សម្ភារប្រើប្រាស់ក្នុងផ្ទះបាយមួយចំនួន។

ករណីខាងលើនេះត្រូវបានប្រជាពលរដ្ឋ រស់នៅក្បែរនោះធ្វើការជួយពន្លត់ ដោយមិនមានប៉ះពាល់ដល់អាយុជីវិតមនុស្សឡើយ។ មូលហេតុបណ្តាលមកពីទុស្សេខ្សែភ្លើង៕SRP

ខេត្តសៀមរាប៖មានការបែកធ្លាយឈ្មោះ វុន ជុំភេទប្រុសអាយុ ៥២ ឆ្នាំ អាស័យដ្ឋានរស់នៅភូមិវិហារចិនសង្កាត់ស្វាយដង្គំ ក្រុងសៀមរាប ពុះដីរដ្ឋធ្វើឡូតិ៍លក់ដោយខុសច្បាប់ (ដីចំណីខ្នងអាងកាស) ស្ថិតក្នុងភូមិ ទំពូងត្បូង ឃុំតាពូង ស្រុកថ្មគោល ខេត្តបាត់ដំបង។

នេះបើយោងតាមសេចក្ដីជូនដំណឹងរបស់រដ្ឋបាលស្រុកថ្មគោល ដែលបានចុះហត្ថលេខាដោយលោកជា សម្បត្តិ អភិបាលស្រុក នៅថ្ងៃទី ២៣ វិច្ឆិកាឆ្នាំ ២០២១។

ជុំវិញការករណីនេះ សៀមរាប ប៉ុស្ដិ៍ នៅពុំទាន់ទទួលបានការបំភ្លឺពីលោក វុន ជុំ នៅឡើយទេដោយមិនមានលេខទំនាក់ទំនង៕SRP

ខេត្តសៀមរាប៖សមត្ថកិច្ចខេត្តសៀមរាបបានប្រាប់អង្គភាពសៀមរាបប៉ុស្តិ៍នៅមុននេះបន្តិចថា បុរសម្នាក់បានស្លាប់បាត់បង់ជីវិត ដោយសារធ្លាក់ពីលើភ្នំក្រោម។

ហេតុការណ៍បានកើតឡើងនៅវេលាម៉ោង១៩ និង៤០នាទី​ ថ្ងៃពុធ​ ទី២៤​ខែវិច្ឆិកា ឆ្នាំ២០២១នៅចំណុចភ្នំក្រោម ស្ថិតក្នុងភូមិភ្នំក្រោម សង្កាត់សៀមរាប ក្រុងសៀមរាប ខេត្តសៀមរាប។

សមត្ថកិច្ចបានបន្តថាជនរងគ្រោះ ឈ្មោះ កៅ គាហ៊ួរ អាយុ៥០ឆ្នាំ រស់នៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប។

សមត្ថកិច្ចបានបញ្ជាក់ថា មូលហេតុ ជនរងគ្រោះផឹកស្រាស្រវឹងដើររកកន្លែងបទជើងតូចមិនបានប្រយ័ត្នក៏រអិលជើងធ្លាក់ពីលើភ្នំបាក់កស្លាប់តែម្ដង។ តាមការបញ្ជាក់ពីក្រុមគ្រួសារ នឹងបងប្អូនរបស់ជនរងគ្រោះ)។

បច្ចុប្បន្នសាកសពត្រូវបានក្រុមគ្រួសារ នឹងបងប្អូនដឹងយកទៅធ្វើបុណ្យតាមប្រពៃណី៕SRP

ខេត្តសៀមរាប៖គ្រូបង្រៀនម្នាក់ត្រូវបានសមត្ថកិច្ចរាយការណ៍ថាបានស្លាប់បាត់បងជីវិតដោយសារតែខ្យល់គរ។ ហេតុការណ៍បានកើតឡើងនៅវេលាម៉ោង១១ ថ្ងៃទី២៣  ខែ វិច្ឆិកាឆ្នាំ ២០២១ ស្ថិតនៅភូមិមណ្ឌល១  សង្កាត់ស្វាយដង្គំ  ក្រុងសៀមរាប។

សមត្ថកិច្ចបានបន្តថាជនរងគ្រោះមានឈ្មោះសាត ឧស្សាហ៍ ភេទប្រុសអាយុ៥៣ឆ្នាំមុខរបរគ្រូបង្រៀនរស់នៅភូមិកេតហេតុ។

ករណីនេះសមត្ថកិច្ចជំនាញ កោសល្យវិច័យនិង គ្រូពេទ្យធ្វើកោសល្យវិច័យលើសាកសព  ពុំមានពាក់ព័ន្ធនឹងបទល្មើលព្រហ្មទណ្ឌនោះទេ។

មូលហេតុស្លាប់ដោយសារខ្វះជាតិស្ករក្នុងឈាម ខ្យល់គរ បណ្តាលអោយដួលស្លាប់តែម្ដង។  ជនរងគ្រោះរស់នៅម្នាក់ឯង ត្រូវបានប្រគល់សាកសពអោយបងប្អូនធ្វើបុណ្យតាមប្រពៃណី៕SRP

ខេត្តសៀមរាប៖អាជ្ញាធរចាប់ផ្ដើមឲ្យអនុវត្តគោលការណ៍បើកដំណើរការឡើងវិញ សម្រាប់អាជីវកម្ម សណ្ឋាគារ សេវាស្នាក់នៅ ទេសចរណ៍ និងអាជីវកម្មបៀរហ្គាឌិន។

នេះបើយោងតាមលិខិតរបស់រដ្ឋបាលខេត្តសៀមរាប ចុះហត្ថលេខាដោយលោកទៀ សីហា នៅថ្ងៃទី ២២ ខែវិច្ឆិកា ម្សិលមិញ៕SRP

ខេត្តសៀមរាប៖ស្នងការដ្ឋាននគរបាលខេត្តសៀមរាប នៅថ្ងៃទី ២២ ខែវិច្ឆិកាឆ្នាំ ២០២១ នេះ បានចេញសេចក្ដីបំភ្លឺមួយ
ឆ្លើយតបចំពោះ ហ្វេសប៊ុក «រាត្រី ឯកា» ដែលបានបង្ហោះជាសាធារណ: កាលពីថ្មីៗនេះដោយចោទប្រកាន់ទៅលើមន្ត្រីនគរបាលចរាចរណ៍ស្រុកពួក។សូមអានលិខិតបំភ្លឺខាងក្រោម៖

ខេត្តសៀមរាប៖របាយការណ៍របស់មន្ទីរទេសចរណ៍ខេត្តបានបង្ហាញថា រយៈពេល ០៣ ថ្ងៃ ពីថ្ងៃទី១៨-២០ ខែ វិច្ឆិកា ឆ្នាំ២០២១ នៃថ្ងៃពិធីបុណ្យអុំទូកអកអំបុកសំពះព្រះខែ

ភ្ញៀវទេសចរដើរកម្សាន្តក្នុងខេត្តសៀមរាប មានជាងចំនួន១១ម៉ឺននាក់។

របាយការណ៍បានបន្តថាចំនួនភ្ញៀវទេសចរដើរកម្សាន្តតាមរមណីយដ្ឋាននានាក្នុងខេត្តសៀមរាប ថ្ងៃទី២០ ខែវិច្ឆិកា ឆ្នាំ២០២១ មានចំនួនប្រមាណ ៥៥.១៨៤ នាក់ ក្នុងនោះ ៖

ភ្ញៀវជាតិមានចំនួនប្រមាណ ៥៥.០០០ នាក់ (ភ្ញៀវទេសចរមកពីតាមបណ្តាខេត្តមានចំនួនប្រមាណ ៧០-៨០% ប្រមាណជា ៤០.០០០-៤៥.០០០ នាក់)ដែលធ្វើដំណើរកម្សាន្តជាលក្ខណៈគ្រួសារទៅកាន់ ៖

– រមណីយដ្ឋានអង្គរមានចំនួនប្រមាណ ៣៩.០០០ នាក់ុំ

– រមណីយដ្ឋានឧទ្យានជាតិភ្នំគូលែនមានចំនួប្រមាណ ៥.០០០ នាក់។

– សហគមន៍ទេសចរណ៍-អេកូទេសចរណ៍ និងតំបន់ផ្សេងៗ មានចំនួនប្រមាណ ១១.០០០ នាក់។

ភ្ញៀវទេសចរបរទេសផ្ទៃក្នុង មានចំនួន ១៨៤ នាក់។

សរុបសម្រាប់រយៈពេល ០៣ ថ្ងៃ ពីថ្ងៃទី១៨-២០ ខែ វិច្ឆិកា ឆ្នាំ២០២១ ភ្ញៀវទេសចរដើរកម្សាន្តតាមរមណីយដ្ឋាននានាក្នុងខេត្តសៀមរាបមានចំនួនប្រមាណៈ ១១៨.១៤៦ នាក់ ក្នុងនោះ៖

ភ្ញៀវជាតិមានចំនួនប្រមាណ ១១៧.០០០ នាក់ (ភ្ញៀវទេសចរមកពីតាមបណ្តាខេត្តមានចំនួនប្រមាណ ៧០-៨០% ប្រមាណជា ៨០.០០០-៩០.០០០ នាក់)ដែលធ្វើដំណើរកម្សាន្តជាលក្ខណៈគ្រួសារទៅកាន់៖

– រមណីយដ្ឋានអង្គរមានចំនួនប្រមាណ ៧៩.០០០ នាក់។

– រមណីយដ្ឋានឧទ្យានជាតិភ្នំគូលែនមានចំនួប្រមាណ ១២.៧០០ នាក់។

– សហគមន៍ទេសចរណ៍-អេកូទេសចរណ៍ និងតំបន់ផ្សេងៗ មានចំនួនប្រមាណ ២៥.៣០០ នាក់។ ភ្ញៀវទេសចរបរទេសផ្ទៃក្នុង មានចំនួន ១.១៤៦ នាក់៕SRP

ខេត្តសៀមរាប៖ ក្មេងប្រុសចំនួន២នាក់បានលង់ទឹកស្លាប់។ ហេតុការណ៍បានកើតឡើងនៅរសៀល ថ្ងៃទី២០ ខែវិច្ឆិកា ឆ្នាំ២០២១ ចំណុចទឹកស្រះវាលស្រែខាងកើតភូមិគោករុន ឃុំសសរស្តម្ភ ស្រុកពួក ខេត្តសៀមរាប ចម្ងាយប្រហែល៨០០ម៉ែត្រ ទំហំ១០ម៉ែត្រ ៣០ម៉ែត្រ ជំរៅ៤ម។

សមត្ថកិច្ចស្រុកពួកបានឲ្យដឹងថាជនរងគ្រោះទី១-ឈ្មោះ តឿ ប៊ូតុង អាយុ១១ឆ្នាំ, ២-ឈ្មោះ ខា សុមឿង អាយុ៨ឆ្នាំ ត្រូវជាបងប្អូនជីដូនមួយរស់នៅជុំតា ក្នុងភូមិ-ឃុំកើតហេតុ(ឪពុកម្ដាយទៅធ្វើការនៅប្រទេសថៃ)។

សមត្ថកិច្ចបានបន្តថា តាមការពិនិត្យសព ក្មេងរងគ្រោះទាំងពីរនាក់ មិនមានស្លាកស្នាមអ្វីសង្ស័យពាក់ព័ន្ធបទល្មើសឡើយ មូលហេតុដោយការធ្វេសប្រហែសរបស់ជីតា៕SRP

ខេត្តសៀមរាប៖មន្ត្រីយោធាពាក់ផ្កាយ១ម្នាក់ ត្រូវបានកងរាជអាវុធហត្ថខេត្តសៀមរាប សហការជាមួយកម្លាំងជំនាញកងរាជអាវុធហត្ថលើផ្ទៃប្រទេស ចុះឃាត់ខ្លួនសង្ស័យរក្សាទុកនិងជួញដូរអាវុធខុសច្បាប់។

ប្រភពពីសមត្ថកិច្ចបានឲ្យដឹងថាការឃាត់ខ្លួននៅថ្ងៃទី១៩ ខែវិច្ឆិកា ឆ្នាំ២០២១ នៅមុខភោជនីយដ្ឋាន ស្យាមស៊ីហ្វូត ស្ថិតក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប។

មន្រ្តីយោធាខាងលើឈ្មោះ អូន ពិសិដ្ឋ ភេទប្រុស អត្តលេខ០១៣៩៧៥ ឋានន្តរសក្ដិ ឧត្ដមសេនីយ៍ត្រី ដែលសង្ស័យជាប់ពាក់ព័ន្ធពីបទ”រក្សាទុក និងជួញដូរអាវុធដោយខុសច្បាប់” ដែលបានប្រព្រឹត្ដនៅឯខេត្ដបាត់ដំបងកន្លងមក។ បច្ចុប្បន្ន ជនសង្ស័យត្រូវបាននាំខ្លួនទៅបញ្ជាការដ្ឋានកងរាជអាវុធហត្ថខេត្ដសៀមរាប ដើម្បីសាកសួរ និងបន្តនីតិវិធី៕SRP

ខេត្តសៀមរាប៖ប៉ូលិសខេត្តសៀមរាបត្រូវបានដាក់ពង្រាយតាមគោលដៅដើម្បីការពារ សន្តិសុខ សណ្ដាប់ធ្នាប់ជូនពលរដ្ឋក្នុងឱកាសព្រះរាជពិធីបុណ្យអុំទូក។

ការដាក់ពង្រាយកម្លាំងប៉ូលិសដើម្បីរឹតបន្តឹងសន្តិសុខសណ្ដាប់ធ្នាប់ក្នុងខេត្តសៀមរាបនេះ អនុវត្តតាមបទបញ្ជា និងការណែនាំអភិបាលខេត្តសៀមរាប លោកទៀ សីហា។

សូមជម្រាបថា កងកម្លាំងនគរបាលខេត្តសៀមរាប បានចុះត្រួតពិនិត្យ រៀបចំសណ្តាប់ធ្នាប់ ដេីម្បីសម្រួលដល់ការធ្វេីដំណេីររបស់បងប្អូនប្រជាពលរដ្ឋ ក្នុងឱកាសបុណ្យអុំទូកនេះ៕SRP

ខេត្តសៀមរាប៖បុរសម្នាក់បានស្លាប់នៅនឹងកន្លែងខណៈកំពុងបើកម៉ូតូត្រូវបានរថយន្តមួយបុកចំពេញទំហឹង។

ហេតុការណ៍បានកើតឡើងនៅវេលាម៉ោង១៩ថ្ងៃទី១៨ ខែវិច្ឆិកា ឆ្នាំ២០២១ ស្ថិត ចំណុចភូមិដំដែកផ្សារ ឃុំដំដែក ស្រុកសូទ្រនិគម លើកំណាត់ផ្លូវជាតិលេខ៦។

សមត្ថកិច្ចស្រុកសូទ្រនិគមបានឲ្យដឹងថាករណីគ្រោះថ្នាក់ចរាចរណ៍នេះ ក្នុងទិសដៅ ពីលិចទៅកើតស្របទិសគ្នា បង្កដោយរថយន្តម៉ាកលុចសុីស RX330 ពណ៌ស ពាក់ស្លាកលេខសៀមរាប 2D.0011បើកបរដោយឈ្មោះ លី គឹមអូន ភេទប្រុសអាយុ៣៣ឆ្នាំ ទីលំនៅភូមិដំដែកលើ ឃុំដំដែក ស្រុកសូទ្រនិគម ខេត្តសៀមរាប។

សមត្ថកិច្ចបានបន្តថា កុងរថយន្តបង្កត្រូវបានប៉ូលិសឃាត់ខ្លួនភ្លាម។ ចំណែកជនរងគ្រោះ បើកបុកម៉ូតូម៉ាកហុងដាឌ្រីម ពណ៌ស្លែ គ្មានស្លាកលេខ ឈ្មោះ រ៉ុង តុលារ៉ុងភេទប្រុស អាយុ១៩ឆ្នាំ នៅភូមិបន្ទាយស្រី ឃុំដំដែក ស្រុកសូទ្រនិគម។ ក្រោយពីកើតហេតុសមត្ថកិច្ចបានចុះធ្វើការវាស់វែងនិងនាំយករថយន្តនិងម៉ូតូទៅរក្សាទុកនៅអធិការដ្ឋានស្រុកសូនិគម។ ឯសាកសពប្រគល់អោយក្រុមគ្រួសារធ្វើបុណ្យតាមប្រពៃណី៕SRP