ខេត្តសៀមរាប – Page 39

ខេត្តសៀមរាប៖យ៉ាងហោចណាស់មនុស្សចំនួនពីរនាក់បានស្លាប់និងម្នាក់ទៀតបានរងរបួសក្នុងហេតុការណ៍គ្រោះថ្នាក់ចរាចរណ៍រវាងរថយន្តនិងរថយន្តក្នុងទិសដៅច្រាសទិសគ្នា។

ហេតុការណ៍បានកើតឡើង វេលាម៉ោងរំលងអាធ្រាតឈានចូល ថ្ងៃទី២៨ ខែធ្នូ ឆ្នាំ២០២៣លើផ្លូវជាតិលេខ៦ ស្ថិតនៅក្នុងភូមិអូតាប្រាក់ ឃុំពួក ស្រុកពួក ខេត្តសៀមរាប។

គ្រោះថ្នាក់ចរាចរណ៍កើតឡើងរវាងរថយន្តម៉ាក TOYOTA CAMRY ពណ៌ស្ករ ផលិតឆ្នាំ២០០៧ ផ្លាកលេខ ភ្នំពេញ 2D-3405 បើកបរដោយ ឈ្មោះ ស៊ិន ប៊ុនវែង ភេទប្រុស អាយុ៣៨ឆ្នាំ មុខរបរ លក់ដូរ រស់នៅភូមិសសរស្ដម្ភ ឃុំសសរស្ដម្ភ ស្រុកពួក ខេត្តសៀមរាប រងរបួស បើកបរក្នុងទិសដៅពីលិចទៅកើត បានបុក និងរថយន្តម៉ាក TOYOTA CAMRY ពណ៌ខ្មៅ ផ្លាកលេខ បាត់ដំបង 2A-2380 បើកបរដោយឈ្មោះ មិន កក្កដា អាយុ 36 ឆ្នាំ ទីលំនៅភូមិគោកអំពិល ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ (ស្លាប់) អ្នករួមដំណើរឈ្មោះ ឈ្មោះ ឃ្លាំង លីន អាយុភេទ ស្រុកកំណើត ឃុំខ្នាចរមាស ស្រុកបវិល ខេត្តបាត់ដំបង បច្ចុប្បន្ននៅ ភូមិគោកដូង ឃុំពួកស្រុកពួកខេត្តសៀមរាប
(ស្លាប់) ទិសដៅពីកើតទៅលិច។

ករណីនេះបណ្តាលអោយស្លាប់ មនុស្សចំនួនពីរនាក់រងរបួសម្នាក់ ខូចខាតរថយន្ត ០២គ្រឿង (ធ្ងន់)។

បើតាមសមត្ថកិច្ចបានប្រាប់ថា គ្រោះថ្នាក់ចរាចរណ៍នេះ តាមការសន្និដ្ឋានបឋមមូលហេតុ រថយន្តម៉ាក TOYOTA CAMRY ពណ៌ស្ករ ផលិតឆ្នាំ២០០៧ ផ្លាកលេខ ភ្នំពេញ 2D-3405 បើកបរក្នុងស្ថានភាពស្រវឹង ហើយឡើងវ៉ាជែងខ្វះការប្រុងប្រយ័ត្ន។កម្លាំងបានចុះវាស់វែងនិងសង្គ្រោះជនរងគ្រោះដែលរបួសទៅមន្ទីពេទ្យ៕

ខេត្តសៀមរាប៖ក្រោយមានប្រជាពលរដ្ឋបានស្រែកទ្រហោយំរឿងកម្លាំងអាជ្ញាធរជាតិអប្សរាចុះរុះរើផ្ទះរបស់ពួកគាត់ ហើយត្រូវបានបណ្ដាញសង្គមព័ត៌មាន ធ្វើការផ្សព្វផ្សាយ ខណៈពេលនេះអាជ្ញាធរជាតិអប្សរាបានចេញសេចក្ដីប្រកាសបំភ្លឺព័ត៌មានរបស់ខ្លួន។

រយៈលិខិតចំនួនពីរទំព័រ អាជ្ញាធរជាតិអប្សរា បានលើកឡើងថា នៅព្រឹកថ្ងៃទី២៦ ខែធ្នូ ឆ្នាំ២០២៣ មានការផ្សព្វផ្សាយតាមបណ្តាញទំនាក់ទំនងសង្គមហ្វេសប៊ុក អំពីសកម្មភាពរុះរើសំណង់ មិនស្របច្បាប់ របស់ក្រុមការងារសណ្តាប់ធ្នាប់នៃអាជ្ញាធរជាតិអប្សរា ដោយបង្ខំ ស្ថិតនៅក្នុងភូមិសណ្តាន់ សង្កាត់ទឹកវិល ក្រុងសៀមរាប។ ការផ្សព្វផ្សាយទាំងនេះគឺបានផ្ទុយពីការពិតជាក់ស្តែង បង្កេីតឱ្យមានការយល់ច្រឡំពីសាធារណជនមកលេីអាជ្ញាធរជាតិអប្សរា។

ក្នុងន័យនេះ អាជ្ញាធរជាតិអប្សរាសូមជម្រាបជូនសាធារណៈជន ឱ្យបានជ្រាបច្បាស់អំពីករណីនេះដូចខាងក្រោម៖

១- សំណង់ដែលជាកម្មវត្ថុនៃការរុះរេី គឺជាប្រភេទសំណង់មិនស្របច្បាប់ដែលសាងសង់គ្មានការអនុញ្ញាត កើតឡើងតាំងពីខែឧសភា ឆ្នាំ២០២៣ មកម៉្លេះ។
២- ជាវិធានការណ៍ទប់ស្កាត់ ក្រុមការងារបានប្រគល់លិខិតជូនដំណឹងតម្រូវឱ្យម្ចាស់រុះរើចេញវិញដោយខ្លួនឯង ក្នុងនោះបានទុកពេលវេលាចំនួន០៣ថ្ងៃ គិតចាប់ពីថ្ងៃទី ២៥ដល់២៧ ខែ ឧសភា ឆ្នាំ២០២៣ ជាកំហិត។ កិច្ចការនេះមាន លោកមេភូមិសណ្ដាន់ បានដឹងលឺ។
៣- ក្រោយមកដោយមានការស្នើសុំ ពីម្ចាស់សំណង់មិនស្របច្បាប់ខាងលេី ថានឹងរុះរើសំណង់ទាំងនេះដោយខ្លួនឯង ក្រុមការងារទប់ស្កាត់សំណង់មិនស្របច្បាប់បានឱ្យម្ចាស់សំណង់ចុះកិច្ចសន្យារុះរើស័្មគ្រចិត្ត ដោយទុកពេលវេលា ចំនួន០៣ ថ្ងៃ គិតចាប់ពីថ្ងៃទី ១០ដល់១២ ខែវិច្ឆិកា ឆ្នាំ២០២៣។
៤- តាមរយ:នេះ អាជ្ញាធរជាតិអប្សរាបានទុកពេលវេលាសមស្រប សម្រាប់ម្ចាស់សំណង់ធ្វើការរុះរើដោយខ្លួនឯងអស់រយៈពេលជាច្រេីនខែមកហេីយ។
៥- បុគ្គលម្នាក់ដែលបានយំសោកក្នុងព័ត៌មានផ្សព្វផ្សាយតាមបណ្តាញសង្គមនោះ មិនមែនជា ម្ចាស់ផ្ទះខាងលើឡើយ។

ទង្វើរបស់ជននេះពិតជាមានបំណងបង្កាច់បង្ខូចកិត្តិយសមន្ត្រីអាជ្ញាធរជាតិអប្សរា ក្នងសកម្មភាពទប់ស្កាត់សំណង់មិនស្របច្បាប់ ដើម្បីអភិរក្សរមណីយដ្ឋានអង្គរ មរតកដូនតា ព្រលឹងជាតិខ្មែរ។ សកម្មភាពនេះពិតណាស់ ធ្វេីឡេីងដេីម្បីប្រយោជន៍បុគ្គលខ្លួនឯងផ្ទាល់ និងបានធ្វេីឱ្យប៉ះពាល់ផងដែរដល់សន្តិសុខ និងសណ្តាប់ធ្នាប់សាធារណ:។

សេចក្តីដូចបានបញ្ជាក់ជូនខាងលេី សូមសាធារណជនទាំងអស់មេត្តាជ្រាប និងសូមមេត្តាបញ្ឈប់ការចូលរួមផ្សព្វផ្សាយព័ត៌មានមិនពិតនេះ៕

Sponsored

ខេត្តសៀមរាប៖យ៉ាងហោចណាស់មនុស្សចំនួនបីនាក់បានស្លាប់ បាត់បង់ជីវិតក្នុងហេតុការណ៍គ្រោះអគ្គីភ័យ។

ហេតុការណ៍បានកើតឡើង នៅថ្ងៃទី ២៧ ខែធ្នូ ឆ្នាំ២០២៣ វេលាម៉ោង៤និង៥០នាទីព្រឹក ត្រង់ចំណុចតូបលក់ដូរមុខផ្សារក្រោម (ចាស់) ស្ថិតនៅ ក្រុមទី២ ភូមិវិហារចិន សង្កាត់ស្វាយដង្គំ ក្រុងសៀមរាប។

របាយការណ៍លោកដា ចំរើន អធិការនគរបាលក្រុងសៀមរាប បានបញ្ជាក់ថា ករណីអគ្គីភ័យឆាបឆេះនេះ បណ្ដាលអោយឆេះតូបលក់ដូរអស់ចំនួន 4តូប ផ្ទះចំនួន ០១ខ្នង (ខូចខាតទាំងស្រុង)។ ម្ចាស់ផ្ទះជួលតូបឈ្មោះ លី ដារី ភេទស្រី អាយុ៣២ ឆ្នាំមុខរបរលក់ដូរ។

របាយការណ៍បន្តថា៖ ក្នុងនោះបណ្ដាលអោយមនុស្សស្លាប់ចំនួន ០៣នាក់៖ ១,ឈ្មោះ វ៉ឹក ឡាន ភេទស្រី អាយុ២៧ឆ្នាំ មុខរបរ លក់ដូរ។
២,ឈ្មោញ ង៉ិក ឌី ភេទប្រុស អាយុ៤ឆ្នាំ។
៣,កូននៅក្នុងផ្ទៃ អាយុ២ខែ។

ក្នុងនោះដែលយើងបានប្រើប្រាស់រថយន្តពន្លត់អគ្គីភ័យអស់ចំនួន ៦គ្រឿង (រថយន្តស្នងការខេត្តចំនួន ០៣គ្រឿង។
.រថយន្តអាជ្ញាធរអប្សរាចំនួន ០២គ្រឿង
.រថយន្តបុរីទេសចរណ៍ចំនួន ០១គ្រឿង) ។
-ប្រេីប្រាស់ទឹកអស់ចំនួន ៦ ឡាន។

អគ្គិភ័យបានរលត់វិញនៅវេលាម៉ោង ៦និង២០នាទីព្រឹក ថ្ងៃខែឆ្នាំដដែល។ បើតាមរបាយការណ៍បឋម មូលហេតុមិនទាន់ដឹងច្បាស់ច្បាស់លាស់នៅឡើយ។

ឯកឧត្តម ប្រាក់ សោភ័ណ ក្នុងនាមគណៈបញ្ជាការឯកភាពរដ្ឋបាលខេត្តសៀមរាប នៅព្រឹកមិញនេះបានអញ្ជើញចុះពិនិត្យផ្ទាល់ ទីតាំងកើតហេតុផងដែរ៕

លោកប្រាក់ សោភ័ណ អភិបាលខេត្តសៀមរាប បានថ្លែងថា ក្នុងឆ្នាំ២០២៤ យើងនឹងត្រៀមរៀបចំ ផែនការដើម្បីអនុវត្តការ ដាក់ចេញនូវកម្មវិធីពិសេស មួយរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា គឺ “ទស្សនាសៀមរាបឆ្នាំ២០២ ៤” ដែលកម្មវិធីនេះ សំដៅជំរុញវិស័យទេសចរ ណ៍នៅក្នុងខេត្តសៀមរាបឱ្យមានសន្ទុះឡើងវិញ។

ក្នុងពិធីបើកសន្និបាតបូកសរុបលទ្ធផលការងារប្រចាំឆ្នាំ២០២៣ និង ទិសដៅអនុវត្តបន្តឆ្នាំ២០២៤ របស់រដ្ឋបាលខេត្តសៀមរាប នៅថ្ងៃចន្ទ
ទី ២៥ ខែ ធ្នូ ឆ្នាំ២០២៣ នេះ លោក ប្រាក់ សោភ័ណ
បានបញ្ជាក់ថា ការប្រារព្ធបើកអង្គសន្និបាតបូកសរុបលទ្ធផលការងារឆ្នាំ២០២៣ និង លើកទិសដៅ អនុវត្តបន្តឆ្នាំ២០២៤ របស់រដ្ឋបាលខេត្តសៀមរាបនាពេលនេះ គឺជាការឆ្លុះបញ្ចាំងនូវឱ្យឃើញពីស្នាដៃ លទ្ធផល ការងារគ្រប់បណ្តាអង្គភាព មន្ទីរ ស្ថាប័នជុំវិញខេត្តសម្រេចបាន ក្នុងរយៈពេល មួយឆ្នាំមកនេះ ក្នុងអនុវត្តយុទ្ធសាស្ត្រចតុកោណ-ដំណាក់កាលទី៤ ផង និងឆ្លងចូលការអនុវត្តយុទ្ធសាស្រ្តបញ្ចកោណ -ដំណាក់កាលទី១ ក្រោមការដឹកនាំដោយ សម្តេចមហាបវរធិបតី ហ៊ុន ម៉ាណែត បានដាក់ចេញដោយផ្តោតលើបាវចនាប្រាំ ដើម្បីកំណើន ការងារ សមធម៌ ប្រសិទ្ធភាព និងចីរភាព ជារបៀបវារៈគោលនយោបាយ សង្គម សេដ្ឋកិច្ច។ ម៉្យាងទៀតដើមី្បទាក់ទាញយកនូវការសន្និដ្ឋានមួយ ប្រកបដោយ ចក្ខុវិស័យ និង ទទួលខុសត្រូវខ្ពស់ ហើយក៏ជាគន្លឹះ ក្នុងការអនុវត្តន៍សិទ្ធិអំណាច តួនាទីរបស់ស្ថាប័ន អង្គភាពរដ្ឋបាល គ្រប់លំដាប់ថ្នាក់ ក្នុងការឈានរៀបចំនូវផែនការយុទ្ធសាស្ត្រថ្មី សម្រាប់អនុវត្តឲ្យបានជោគជ័យនាឆ្នាំខាងមុខ និងត្រូវពុះពារអនុវត្ដយ៉ាងសកម្មនូវកម្មវិធីនយោបាយ របស់រាជរដ្ឋាភិបាល នីតិកាលទី៧ នៃរដ្ឋសភា ព្រមទាំង កម្មវិធីជាតិរបស់ក្រសួង-ស្ថាប័ នពាក់ព័ន្ធ ដោយបន្ស៊ីគ្នានឹងស្ថានភាពជាក់ស្ដែងនៅមូលដ្ឋានឱ្យសម្រេចបានលទ្ធផលល្អប្រសើរ។

លោកបានបន្តទៀតថា សន្និបាតនាពេលនេះ គឺជាយន្តការការងារមួយសម្រាប់យើងធ្វើការរួមគ្នាត្រួតពិនិត្យ វាយតម្លៃអំពី លទ្ធផលការងារ ដែលសម្រេចបាន និងដឹងអំពីបញ្ហាប្រឈម នៅសេសសល់ សំដៅរួមគ្នាលើកបទពិសោធន៍ ការងារកំណត់ជាទិសដៅអនុវត្តក្នុងឆ្នាំ២០២៤ ឱ្យកាន់តែមានប្រសិទ្ធភាពថែមទៀត។

អភិបាលខេត្តសៀមរាប ក៏បានសូមឱ្យអង្គសន្និបាតទាំងមូល ផ្ដោតការយកចិត្តទុកដាក់ ក្នុងការចូលរួម ពិនិត្យ ពិភាក្សា លើបញ្ហានានា និង ផ្ដល់ជាធាតុចូលទាំងឡាយ ទៅក្នុងក្រុមពិភាក្សានីមួយៗ ដើម្បីធានាបាននូវផែនការ និង វិធានរួមលម្អិតមួយ ដែលមានភាពប្រាកដប្រជា ធានាបាននូវភាពជាម្ចាស់របស់ស្ថាប័ន ព្រមទាំងអាចអនុវត្តបានប្រកបដោយជោគជ័យនា ឆ្នាំ២០២៣នេះ៕

ខេត្តសៀមរាប៖បុរសជាអ្នកបើកម៉ូតូម្នាក់បានស្លាប់យ៉ាងអាណោចអាធម៌ ដោយសារគ្រោះថ្នាក់ចរាចណ៍។ ហេតុការណ៍បានកើតឡើងនៅថ្ងៃពុធ ទី 20 ខែធ្នូឆ្នាំ 2023 វេលាម៉ោង 22 និង 50 នាទីលើផ្លូវជាតិលេខ ០6 ចំណុចចន្លោះបង្គោលគីឡូម៉ែត្រលេខ 340-341ភូមិគោករុន ឃុំសរស្ដម្ភ ស្រុកពួកខេត្តសៀមរាប។

សមត្ថកិច្ចបានប្រាប់ថាគ្រោះថ្នាក់ចរាចណ៍នេះរថយន្តមិនស្គាល់ម៉ាក មិនស្គាល់ផ្លាកលេខ មិនស្គាល់អត្តសញ្ញាណ អ្នកបើកបរ (ក្រោយពេលកើតហេតុបើរត់គេចពីកន្លែងកើតហេតុបាត់) បើកបរមានទិសដៅពីកើត ទៅលិច បានបុកម៉ូតូម៉ាកហុងដាឌ្រីម ពណ៌ខ្មៅផលិតឆ្នាំ 2019 ពាក់ផ្លាកលេខសៀមរាប1AF-9557 បើកបរដោយឈ្មោះ យឿន មេសា ភេទប្រុស អាយុ29ឆ្នាំនៅភូមិត្រគៀត ឃុំមុខប៉ែន ស្រុកពួក ខេត្តសៀមរាប (មានពាក់មួកសុវត្ថិភាព) បើកបរមានទិសដៅពីកើតទៅលិច។

សមត្ថកិច្ចបន្តថាក្រោយពេលបុកហើយជនរងគ្រោះ ជាអ្នកបើកបរម៉ូតូ បានដួលទៅលើទ្រូងផ្លូវ ក៏មានរថយន្តមួយគ្រឿងទៀត មិនស្គាល់ម៉ាកមិនស្គាល់ផ្លាកលេខ មិនស្គាល់អត្តសញ្ញាណអ្នកបើកបរ បើបរទិសដៅពីលិចទៅកើត បានជាន់ជនរងគ្រោះ ជាអ្នកបើកបរម៉ូតូ បណ្ដាលឲ្យស្លាប់តែម្ដង រួចបានបើរត់ចេញពីកន្លែងកើតហេតបាត់។

សមត្ថកិច្ចបានបញ្ជាក់ថាករណីនេះបណ្ដាលឲ្យ ស្លាប់មនុស្សម្នាក់ ឈ្មោះយឿន មេសា ខូចខាតម៉ូតូ01គ្រឿងមធ្យម។ ក្រោយពេលកើតហេតុរួចកម្លាំងផ្នែកជំនាញ សហការជាមួយកម្លាំងប៉ុស្តិ៍នគរបាលរដ្ឋបាលសស្ដម្ភ ចុះទៅវាស់វែង ស្រាវជ្រាវរករថយន្តបង្កគ្រោះថ្នាក់។ ឯប្រគល់សាកសព អោយក្រុមគ្រួរសារយកទៅធ្វើបុណ្យតាមប្រពៃណី។មូលហេតុ : រថយន្តបើកបរក្នុងល្បឿនលឿនខ្វះការប្រុងប្រយ័ត្ន៕

Sponsored

ក្នុងពិធីសំណេះសំណាលជាមួយប្រជាពលរដ្ឋដែលបានស្ម័គ្រចិត្តមករស់នៅភូមិតានី ឃុំរុនតាឯក ស្រុកបន្ទាយស្រី ខេត្តសៀមរាប នៅថ្ងៃ សុក្រទី៨ ខែធ្នូ ឆ្នាំ២០២៣ នេះសម្តេចធិបតី ហ៊ុន ម៉ាណែត បានលើកឡើងថាអង្គរជាព្រលឹង ជាសម្បត្តិបេតិកភណ្ឌជាតិ និងជាវប្បធម៌របស់មនុស្សជាតិ ដែលមានតែមួយគត់នៅលើផែនដី តំណាងឱ្យវប្បធម៌អរិយធម៌ ដ៏រុងរឿងនៃប្រជាជាតិខ្មែរ រីឯប្រជាជនជាអាយុជីវិតជាតិ ដែលរាជរដ្ឋាភិបាលមានកាតព្វកិច្ចបម្រើ និងការពារ។

សម្តេចហ៊ុន ម៉ាណែត នាយករដ្ឋមន្ត្រី បានលើកទើ្បងថា កន្លងមក មានសំណួរ «រវាងប្រាសាទអង្គរ និងប្រជាជន ដែលកំពុងរស់នៅក្នុងឧទ្យានអង្គរ, តើរាជរាដ្ឋាភិបាលជ្រើសរើសយកមួយណា?» ជាចម្លើយ, រាជរដ្ឋាភិបាលពុំចាំបាច់ត្រូវធ្វើការជ្រើសរើសយកមួយណានោះទេ គឺយកទាំងពីរ ព្រោះថា៖ អង្គរជាព្រលឹង, ជាសម្បត្តិបេតិកភណ្ឌជាតិ និងជាវប្បធម៌របស់មនុស្សជាតិ ដែលមានតែមួយគត់នៅលើផែនដី តំណាងឱ្យវប្បធម៌អរិយធម៌ដ៏រុងរឿងនៃប្រជាជាតិខ្មែរយើង។ ចំពោះប្រជាជន គឺជាអាយុជីវិតជាតិ ដែលរាជរដ្ឋាភិបាល មានកាតព្វកិច្ចបម្រើ និង ការពារផលប្រយោជន៍ដ៏ឧត្តុង្គឧត្តម្ភ របស់ប្រជាពលរដ្ឋគ្រប់រូប, គ្រប់ក្រុមគ្រួសារ, គ្រប់និន្នាការនយោបាយ, និងជំនឿសាសនា ដោយមិនរើសអើងពណ៌សម្បុរ។ បើមិនមានប្រជាជន គឺមិនមានប្រជាជាតិដ៏ឧត្តុង្គឧត្តមភរបស់យើងនោះទេ ។

សម្តេហ៊ុន ម៉ាណែត ក៏បានធ្វើការអរគុណដល់បងប្អូនប្រជាពលរដ្ឋ ដែលស្ម័គ្រចិត្ត មករស់នៅតំបន់រុនតាឯក និងតំបន់ពាក់ស្នែង ចំពោះការចូលរួមយ៉ាងសកម្ម ក្នុងកិច្ចខិតខំប្រឹងប្រែង ថែរក្សាអភិរក្ស ប្រាសាទបុរាណដែលជាមរតកដ៏មានតម្លៃមិនអាចកាត់ថ្លៃបាន របស់កម្ពុជា តាមគោលនយោបាយ លើកទឹកចិត្តពីរាជរដ្ឋាភិបាល ដើម្បីទទួលបាននូវសេវាសាធារណៈគ្រប់គ្រាន់ និង កម្មសិទ្ធិដីធ្លីស្របច្បាប់ ព្រមទាំងទទួលបាននូវជីវភាពដ៏ប្រសើរសម្រាប់ក្រុមគ្រួសារ។ ទន្ទឹមនេះ សម្តេច ក៏បានកោតសរសើរ ដល់ថ្នាក់ដឹកនាំ និងមន្រ្តីរាជការគ្រប់ជាន់ថ្នាក់នៃក្រសួងស្ថាប័ន និងអាជ្ញាធរពាក់ព័ន្ធ ដែលបានខិតខំប្រឹងប្រែងប្រកបដោយការលះបង់ និងការទទួលខុសត្រូវខ្ពស់ ក្នុងការរៀបចំតំបន់អភិវឌ្ឍន៍រុនតាឯក និងតំបន់ពាក់ស្នែង បានសមស្របសម្រាប់ទទួលបងប្អូនប្រជាពលរដ្ឋដែលស្ម័គ្រចិត្តមកតាំងទីលំនៅថ្មីនៅតំបន់ទាំងពីរនេះ។

សម្តេច ហ៊ុន ម៉ាណែត ក៏បានផ្តល់អនុសាសន៍មួយចំនួន សម្រាប់ក្រសួងស្ថាប័នពាក់ព័ន្ធយកទៅបន្តអនុវត្ត មានដូចជា៖
(១) បន្តសហការឱ្យបានល្អ ប្រកបដោយប្រសិទ្ធភាពបន្ថែមទៀត ក្នុងការអភិវឌ្ឍហេដ្ឋារចនាសម្ព័ន្ធ និងផ្តល់សេវាសង្គមចាំបាច់នានា ដើម្បីប្រែក្លាយតំបន់អភិវឌ្ឍរុនតាឯក និងពាក់ស្នែង ឱ្យក្លាយជា «បុរីជនបទ» គំរូសម្រាប់ការរៀបចំភូមិឋាន ដែលផ្តោតសំខាន់លើគោលការណ៍និរន្តរភាព ក្នុងការលើកម្ពស់ជីវភាព ឱ្យបានសមរម្យ បរិស្ថានរស់នៅស្អាត និងសេវាសាធារណៈគ្រប់គ្រាន់។ (២) បន្តរៀបចំប្លង់គោលប្រើប្រាស់ដីធ្លី សម្រាប់តំបន់អភិវឌ្ឍន៍រុនតាឯក និងពាក់ស្នែង ដើម្បីប្រើប្រាស់ធនធានដីធ្លីឱ្យអស់សក្តានុពលស្របតាមប្រភេទដី សម្រាប់តភ្ជាប់ជារបៀងសេដ្ឋកិច្ចរវាងទីប្រជុំជន និងជនបទ។ (៣) ជួយជំរុញការបណ្តុះបណ្តាលជំនាញវិជ្ជាជីវៈដែលមានតម្រូវការក្នុងមូលដ្ឋានដល់ប្រជាពលរដ្ឋ ដើម្បីទាញយកផលប្រយោជន៍ជាអតិបរមា ក៏ដូចជារួមចំណែកដល់ការអភិវឌ្ឍវិស័យ ដែលកំពុងងើបឡើងនៅមូលដ្ឋាន, វិស័យទេសចរណ៍ និង វិស័យពាក់ព័ន្ធដទៃទៀត ។ (៤) បន្តសម្របសម្រួលដល់ប្រជាជន ដែលត្រូវចូលមកតាំងទីលំនៅក្នុងតំបន់អភិវឌ្ឍន៍ទាំងពីរនេះឱ្យបានឆាប់ និងល្អប្រសើរ ហើយត្រូវការពារឱ្យបានដាច់ខាតនូវការចូលទៅទន្ទ្រានកាន់កាប់ និងតាំងទីលំនៅ ក្នុងតំបន់ឧទ្យានអង្គរ។

សូមបញ្ជាក់ផងដែរថា នៅខែកញ្ញា ឆ្នាំ១៩៩១ សម្តេចព្រះនរោត្តម សីហនុ ព្រះបរមរតនកោដ្ឋ បានស្នើដល់សហគមន៍អន្តរជាតិឱ្យជួយស្តារ និងអភិរក្សតំបន់អង្គរ។ ឆ្លើយតបនឹងសេចក្តីអំពាវនាវរបស់សម្តេចព្រះបរមរតនកោដ្ឋ, អង្គការយូណេស្កូបានបញ្ជូនក្រុមការងារជំនាញជាបន្តបន្ទាប់មកកម្ពុជា ដើម្បីធ្វើការវាយតម្លៃអំពីស្ថានភាពពិតជាក់ស្តែងរបស់អង្គរ និងបានសម្រេចដាក់បញ្ចូលអង្គរទៅក្នុងបញ្ជីបេតិកភណ្ឌពិភពលោកដែលប្រឈមនឹងគ្រោះថ្នាក់ នៅថ្ងៃទី១៤ ខែធ្នូ ឆ្នាំ១៩៩២។ បន្ទាប់មក, យន្តការ ICC-Angkor ត្រូវបានបង្កើតឡើង ហើយរាជរដ្ឋាភិបាលកម្ពុជាបានសហការយ៉ាងស្និទ្ធជាមួយបណ្តាប្រទេសមួយចំនួន ក្នុងការរៀបចំអនុវត្តគម្រោងជួសជុលប្រាសាទមួយចំនួនជាបន្ទាន់ និងជាបន្តបន្ទាប់ ដើម្បីធ្វើការអភិរក្ស និងរក្សានិរន្តភាពនៃប្រាសាទ ឱ្យនៅឈរត្រដែតបង្ហាញនូវភាពអស្ចារ្យនៃស្នាដៃបុព្វបុរសខ្មែរ និងវប្បធម៌ដ៏សម្បូរបែបរបស់កម្ពុជា។ ក្រោមកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ដោយមានការជួយជ្រោមជ្រែងពីគណៈកម្មាធិការអាយស៊ីស៊ីអង្គរ (ICC-Angkor), រមណីយដ្ឋានអង្គរត្រូវបានស្រោចស្រង់ឱ្យរួចផុតពីស្ថានភាពគ្រោះថ្នាក់ និងត្រូវបានដកចេញពីបញ្ជីបេតិកភណ្ឌពិភពលោកប្រឈមនឹងគ្រោះថ្នាក់នៅខែកក្កដាឆ្នាំ២០០៤, ហើយបន្ទាប់មក ឧទ្យានអង្គរត្រូវបានចារឹកក្នុងបញ្ជីបេតិកភណ្ឌពិភពលោក មកដល់ពេលនេះ៕ដោយនាគខៀវ

ខេត្តសៀមរាប៖យ៉ាងហោចណាស់មនុស្សម្នាក់បានស្លាប់ និង៣នាក់ទៀតបានរងរបួសធ្ងន់ ក្នុងហេតុការណ៍ គ្រោះថ្នាក់ចរាចរណ៍ ពីរករណីផ្សេងគ្នា។

ករណីទី១ នៅវេលាម៉ោង 18នាទី ថ្ងៃទី07 ខែធ្នូ ឆ្នាំ2023 កើតឡើងនៅចំណុចចន្លោះគីឡូម៉ែត្រ លេខ 364-365 លើផ្លូវជាតិលេខ 6 ស្ថិតនៅភូមិត្រពាំងច្រាំង ឃុំក្រឡាញ់ ស្រុកក្រឡាញ់ ខេត្តសៀមរាប រវាង ម៉ូតូ និងរថយន្ត។

ម៉ូតូម៉ាក ហុងដាឌ្រីម (សេរីឆ្នាំ2018)ពណ៌ខ្មៅ គ្មានផ្លាកលេខ បើកបរដោយឈ្មោះ ឈាត កង ភេទស្រី អាយុ13ឆ្នាំ និងអ្នកជិះឈ្មោះ ឃុម ស្រីកំ ភេទស្រី អាយុ13ឆ្នាំ រស់នៅភូមិខ្ជាយ ឃុំរោងគោ ស្រុកក្រឡាញ់ ខេត្តសៀមរាប ជាមួយគ្នា (មិនពាក់មួកសុវត្ថិភាពទាំង2នាក់) របួសស្រាលទាំងពីរនាក់ បើកពីលិចទៅកើតបុករថយន្តម៉ាក TOYOTA CAMRY ពណ៌ ស្លែ ពាក់ផ្លាកលេខ ភ្នំពេញ 2U.2334 បើកដោយឈ្មោះ ហឿម ហ៊ិន ភេទប្រុស អាយុ 47ឆ្នាំរស់នៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប បើកពីកើតទៅលិចរួចបត់ឆ្វេង។

ករណីនេះបណ្ដាលមនុស្សរបួសស្រាលចំនួន២នាក់
ខូចម៉ូតូស្រាល 1គ្រឿង និងរថយន្តស្រាល 1គ្រឿង។
កម្លាំងជំនាញបានចុះដល់កន្លែងកើតហេតុបញ្ជូនជនរងគ្រោះទៅពេទ្យ និងដកវត្ថុតាងមករក្សាទុកនៅអធិការដ្ឋាននគរបាលស្រុកដើម្បីចាត់ការតាមនិតិវិធី។

ការសន្និដ្ឋាន របស់សមត្ថកិច្ច មូលហេតុគ្រោះថ្នាក់បណ្តាលមកពីអ្នកបើកម៉ូតូបើកមានល្បឿនលឿន និងបើកមិនទាន់គ្រប់អាយុបើកបរ។ ឯអ្នកបើករថយន្តបើកប្តូរទិសខ្វះការប្រុងប្រយ័ត្ន។

ករណីទី២ វេលាម៉ោង២២និង៣០នាទី ថ្ងៃទី០៧ខែធ្នូឆ្នាំ២០២៣ នៅចំណុចភូមិគោកត្នោត ឃុំកណ្តែក ស្រុកប្រាសាទបាគង ខេត្តសៀមរាប ចន្លោះបង្គោលគីឡូលេខ ៣០៧.៣០៨ លើផ្លូវជាតិលេខ៦រវាង
រវាងរថយន្តនឹងម៉ូតូច្រាសទិសគ្នា។

ម៉ូតូ១គ្រឿងម៉ាកហុងដាទ្រីមពណ៌ខ្មៅ ០១៥ ពាក់ផ្លាកលេខ សៀមរាបរាប១T-៣៣០៩ បើកបរដោយ៖ ១ឈ្មោះផាន សុភ័ក្រ្ត ភេទប្រុស អាយុ២៣ឆ្នាំ នៅភូមិតាចេក ឃុំតាយែក ស្រុកសូទ្រនិគម ខេត្តសៀមរាប មានទិសដៅពីកើត ទៅលិច(ស្លាប់)នៅកន្លែងកើតហេតុ។

២/នាក់ឈ្មោះ ស៊ុន ផេន ភេទប្រុស អាយុ៣៦ឆ្នាំ នៅភូមិនិមិត្ត៣ សង្កាត់គោក ក្រុងប៉ោយប៉ែត ខេត្តបន្ទាយមានជ័យ (របួសធ្ងន់)អ្នករួមដំណើរ។

ម៉ូតូបើកបរដល់ចំណុចកើតហេតុខាងលើបាន បុកជាមួយរថយន្ត១គ្រឿង ម៉ាក់លុចស៊ីស RX-៣០០ ពណ៌ស ពុំស្គាល់ផ្លាកលេខ បើកបរដោយពុំស្គាល់អត្តសញ្ញណបើកបរមានទិសដៅពីលិច ទៅកើតបត់ឆ្លងផ្លូវពីត្បូង ទៅជើងក្រោយពេលកើតហេតុអ្នកបើកបររថយន្តបើកបរត់គេចខ្លួនបាត់។

ករណីនេះការសន្និដ្ឋានរបស់សមត្ថកិច្ច មូលហេតុ អ្នកបើកបររថយន្តបើកបរបត់ឆ្លងផ្លូវខ្វះការប្រុងប្រយ័ត្ន។ ចំណែកវត្ថុតាងម៉ូតូយកមករក្សាទុកនៅអធិការដ្ឋាននគបាលស្រុកបាគង៕

ខេត្តសៀមរាប៖នារីវ័យក្មេងចំនួនពីរនាក់ ត្រូវជាបងប្អូនបង្កើតត្រូវបានរថយន្តធន់ធំៗមួយគ្រឿងបុកចំពេញទំហឹងបណ្ដាលឲ្យស្លាប់ភ្លាមៗ។

ហេតុការណ៍បានកើតឡើង នៅវេលាម៉ោង១៧និង៥០នាទី ថ្ងៃទី០៥ ខែធ្នូ ឆ្នាំ២០២៣ នៅចំណុចខាងត្បូងភូមិតាទយ ឃុំចារឈូក ស្រុកអង្គរជុំ។

សមត្ថកិច្ចស្រុកអង្គរជុំបានប្រាប់ថា គ្រោះថ្នាក់ចរាចរណ៍ នេះ រវាងរថយន្តនឹងម៉ូតូបើកបញ្ច្រាស់ទិសគ្នា។ រថយន្តម៉ាកកាំម៉ាស់ពណ៌ស មិនមានផ្លាកលេខអ្នកបើកបរ មិនស្គាល់អត្តសញ្ញាណ (រត់គេចខ្លួនបាត់) បន្ទាប់ពីកើតហេតុ ដោយ
បើកបរទិសដៅពីជើង ទៅត្បូង បានបុកជាមួយ
ម៉ូតូម៉ាកហុងដាឌ្រីម សេរីឆ្នាំ២០២១ ពណ៌ខ្មៅ ពាក់ផ្លាកលេខ1AL-2214 (សៀមរាប) បើកបរដោយ ឈ្មោះ និល ណយ ភេទស្រី អាយុ១៥ឆ្នាំ (ស្លាប់) អ្នករួមដំណើរជាមួយ ឈ្មោះ និល នីត ភេទស្រី អាយុ២០ឆ្នាំ (ស្លាប់) ទាំង០២នាក់ជា (បង្អូនបង្កើតនឹងគ្នា) រស់នៅភូមិឃុំកើតហេតុខាងលើ បើកបរទិសដៅពីត្បូង ទៅជើង។

សមត្ថកិច្ចបានប្រាប់បន្តថា ករណីនេះ ការសន្និដ្ឋានបឋម អាចបណ្ដាលមកពីរថយន្តបើកបរ ឡើងវ៉ាជែងខ្វះការប្រុងប្រយ័ត្ន។ ក្រោយកើតហេតុកម្លាំងសមត្ថកិច្ចជំនាញបានចុះធ្វើការវាស់វែងនិងប្រគល់សាកសព ឱ្យក្រុមគ្រួសារយកទៅធ្វើបុណ្យតាមប្រពៃណី។ ចំណែកវត្ថុតាងយកទៅរក្សាទុកនៅអធិការដ្ឋាននគរបាលស្រុកអង្គរជុំ៕ដោយនាគខៀវ

Sponsored

ខេត្តសៀមរាប៖សមត្ថកិច្ចបានឱ្យអោយដឹងថាជនជាតិខ្មែរសញ្ជាតិអាមេរិក ម្នាក់បានធ្វើអត្តឃាត ចងកសម្លាប់ខ្លួន។

ហេតុការណ៍បានកើតឡើង វេលាម៉ោង១១ ថ្ងៃទី០៥ ខែធ្នូ ឆ្នាំ២០២៣ ត្រង់ចំណុច បន្ទប់ជួល ស្ថិតនៅភូមិស្វាយដង្គំ សង្កាត់ស្វាយដង្គំ ក្រុងសៀមរាប។

សមត្ថកិច្ចបានបន្តថា ជនរងគ្រោះ ឈ្មោះ កង ណារិន (KORNG NARIN) ភេទប្រុស កើតថ្ងៃទី០៥-០៤-១៩៦១ ជនជាតិខ្មែរ សញ្ជាតិអាមេរិក កាន់លិខិតឆ្លងដែនលេខ៥៩៦០១៨២៦៥ មុខរបរគ្មាន សស្នាក់នៅក្នុងផ្ទះវីឡាខាងលើ។

សមត្ថកិច្ចបានបញ្ជាក់ទៀតថា តាមការសាកសួរឈ្មោះ ស៊ុន គន្ធា ភេទស្រី ជាម្ចាស់បន្ទប់ជួលបានអោយដឹងថា៖ ជនរងគ្រោះ បានមកជួលបន្ទប់លេខ១៤ ស្នាក់នៅតែម្នាក់ឯង កាលពីអំឡុងដេីមខែ មិថុនា ឆ្នាំ២០២៣ និងតែងតែចេញចូលស្នាក់នៅជាធម្មតា មិនដែលមានបញ្ហាអ្វីនោះទេ។

ឈ្មោះ ស៊ុន គន្ធា បន្តថា រហូតដល់វេលាម៉ោង០៩និង៣០នាទីព្រឹក ថ្ងៃទី០៥ ខែធ្នូ ឆ្នាំ២០២៣ ស្រាប់តែអ្នកបេីករ៉ឺម៉កម៉ូតូកង់បី ម្នាក់ឈ្មោះ ហាក់ បានមកប្រាប់ថា គាត់បានទូរស័ព្ទទៅជនរងគ្រោះ ជាច្រើនលើក ប៉ុន្តែពុំមានអ្នកឆ្លើយតប ភ្លាមៗនោះខ្លួននិងឈ្មោះហាក់ ក៏បាននាំឡេីងទៅគោះទ្វារបន្ទប់ តែមិនមានអ្នកបេីក ដោយមានការសង្ស័យ ខ្លួនក៏បានរាយការណ៍ជូនសមត្ថកិច្ច សុំជួយអន្តរាគមន៍ពេលសមត្ថកិច្ចមកដល់ បានគាស់ទ្វារបន្ទប់ ស្រាប់តែឃើញជនរងគ្រោះ ចងករជាប់នឹងស្នួព្យួរខោអាវ មុខទូរក្នុងបន្ទប់ស្លាប់តែម្ដង។

បើតាមសមត្ថកិច្ចបញ្ជាក់បន្ថែមថា ផ្អែកតាមការស្រាវជ្រាវ របស់សមត្ថកិច្ចជំនាញ និងគ្រូពេទ្យអមតុលាការសន្និដ្ឋានថា ជនរងគ្រោះ បានស្លាប់ដោយសារ ចងករ (ធ្វេីអត្តឃាត)។

ទោះជាយ៉ាងណាសមត្ថកិច្ចមិនបានបញ្ជាក់អំពីមូលហេតុ ដែលនាំឱ្យជនរងគ្រោះធ្វើអត្តឃាតសម្លាប់ខ្លួននេះទេ។

សាកសព ត្រូវបាន គេបញ្ជូនតាមរថយន្តគ្លីនិកឯកជន 777ទៅតម្កល់ទុកនៅវត្តស្ទឹងមានជ័យ រាជធានីភ្នំពេញ រង់ចាំការសម្រេចពីស្ថានទូត និងក្រុមគ្រួសារ៕

Sponsored