ខេត្តសៀមរាប – Page 32

ខេត្តសៀមរាប៖តារាសម្ដែងប៊ូលីវូត លោកធ្លាប់បានសម្ដែងដើរតួជា «ព្រះពុទ្ធ»លើកទី១ របស់គាត់ វត្តមានលើកទី១ នៅលើទឹកដីកម្ពុជា ។ នេះបើយោងប្រភពពី ៖ វត្តរាជបូណ៌ ក្រុងសៀមរាប នៅថ្ងៃទី២០ ខែមីនា ឆ្នាំ២០២៤ ។

សូមបញ្ជាក់ថា ៖ លោក Gagan Malik (ហ្គាហ្កាន ម៉ាលីក) ជាតារាសម្ដែងប៊ូលីវូត លោកធ្លាប់បានសម្ដែងដើរតួជា «ព្រះពុទ្ធ» ។ ការមកដល់ប្រទេសកម្ពុជាយើង គឺជាលើកទី១ របស់គាត់ វត្តមានលើកទី១ នៅលើទឹកដីកម្ពុជា លោក Gagan Malik និងក្រុមការងារ បានអញ្ជើញមកខេត្តសៀមរាប ដើម្បីទស្សនាប្រាសាទអង្គរវត្ត និងបានអញ្ជើញចូលមកវត្តរាជបូណ៌ ក្រាបថ្វាយបង្គំ សម្ដេច ព្រះព្រហ្មរតនមុនី សិរីសុវណ្ណោ ពិន សែម ដើម្បីសម្ដែងនូវការគោរព និងការគួរសមដែលលោកបានមកដល់ប្រទេសកម្ពុជាយើង។

សូមជម្រាបថា ៖ កម្ពុជាជាទឹកដីសុវណ្ណភូមិ ជាពិសេសខេត្តសៀមរាប ជាខេត្តតំបន់ទេសចរណ៍ ដ៏មានឥទ្ធិពល តាមរយះ ប្រាសាទអង្គរវត្ត មានភាពល្បីល្បាញ លើសកលលោក និងប្រាសាទរាប់ពាន់ ដែលបុព្វបុរសខ្មែរជំនាន់បានកសាង ចារិក ទុកជាកេរដំណែលដ៏មានតម្លៃរបស់ជាតិ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានលើកឡើងថា៖ ព្រះបរមវិស្ណុលោក ឬប្រាសាទអង្គរវត្ត គឺជាអច្ឆរិយៈវត្ថុដ៏មហស្ចារ្យរបស់ព្រះរាជាណាចក្រកម្ពុជា និងជាសម័យកាលដ៏រុងរឿងបំផុតនៅក្នុងប្រវត្តិសាស្ត្រខ្មែរ។ ប្រាសាទអង្គរវត្ត គឺជាសំណង់ស្ថាបត្យកម្ម គ្មានពីរលើលោក និងជាសំណង់ស្ថាបត្យកម្មបែបហិណ្ឌូ ដែលធំជាងគេលើពិភពលោក ដែលបានបង្ហាញអំពីស្នាដៃដ៏ល្អល្អះ រចនាប្ម័ថឥតខ្ចោះ និងជានិមិត្តរូបនៃអត្តសញ្ញាណរបស់កម្ពុជា។

ប្រាសាទអង្គរវត្ត នៅតែបន្តជាគោលដៅទេសចរណ៍វប្បធម៌ដ៏ល្បីល្បាញរបស់កម្ពុជា និងលើសកលលោក ដែលពោរពេញដោយ ភាពអស្ចារ្យ ដោយនាខែមីនានេះ នឹងមានព្រឹត្តិការណ៍អយនកាល ឬសមរាត្រី ( Equinox ) ចាប់ពីថ្ងៃទី២០ ដល់ថ្ងៃទី២៣ ខែមីនា ដោយព្រះអាទិត្យនឹងរះចំប្រាង្គកណ្តាលនៃប្រាសាទអង្គរវត្ត។

សូមកោតសរសើរដល់ផលិតករ ដែលបានផលិតវីដេអូបង្ហាញពីភាពអស្ចារ្យនៃប្រាង្គប្រាសាទអង្គរវត្ត ដោយប្រៀបបាននឹងឋានសួគ៌នាពេលព្រឹកព្រលឹម៕

ខេត្តសៀមរាប៖ភ្ញៀវជាតិនិងអន្តរជាតិ ប្រមាណជាង 55 ម៉ឺននាក់ បានចូលរួមកម្សាន្ត ក្នុងពិធីបុណ្យទន្លេលើកទី៨ នៅខេត្តសៀមរាប។

នេះបើយោងតាម ស្ថិតិអ្នកទេសចរចូលរួមកម្សាន្តក្នុងពិធីបុណ្យទន្លេលើកទី៨ នៅខេត្តសៀមរាប ដែលមន្ទីរទេសចរណ៍ខេត្តសៀមរាបបានអះអាង។

ចំនួនភ្ញៀវទេសចរណ៍មានដូចខាងក្រោម៖

ថ្ងៃទី១ នាថ្ងៃទី១៥ ខែមីនា ឆ្នាំ២០២៤
* ទេសចរសរុបប្រមាណ ១៦០.២៧២ នាក់ ក្នុងនោះ
-ទេសចរជាតិ ប្រមាណ ១៥០.០០០ នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ៦៥.០០០ នាក់
-ទេសចរបរទេស ប្រមាណ ១១.២៧២ នាក់។

– ថ្ងៃទី២ នាថ្ងៃទី១៦ ខែមីនា ឆ្នាំ២០២៤
* ទេសចរសរុបប្រមាណ ២៩៦.២៧៩ នាក់ ក្នុងនោះ
-ទេសចរជាតិ ប្រមាណ ២៨៥.០០០ នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ១៥៨.០០០ នាក់
-ទេសចរបរទេស ប្រមាណ ១១.២៥៥ នាក់។

-ថ្ងៃទី៣ នាថ្ងៃទី១៧ ខែមីនា ឆ្នាំ២០២៤
*ទេសចរសរុបប្រមាណ ៩៦.២៤៣ នាក់ ក្នុងនោះ
– ទេសចរជាតិ ប្រមាណ ៨៥.០០០ នាក់
ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ៥៨.០០០ នាក់
– ទេសចរបរទេស ប្រមាណ ១១.២៤៣ នាក់។

សរុបរយៈពេលបីថ្ងៃ ចាប់ពីថ្ងៃទី១៥-១៧ ខែមីនា ឆ្នាំ២០២៤ មានទេសចរសរុបប្រមាណ ៥៥៣.៧៩៤ នាក់ រួមមាន
– ទេសចរជាតិ ប្រមាណ ៥២០.០០០ នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ២៨១.០០០ នាក់
– ទេសចរបរទេស ប្រមាណ ៣៣.៧៧០ នាក់៕

Sponsored

ខេត្តសៀមរាប៖យុវជនម្នាក់បើកម៉ូតូបុកជាមួយរថយន្តបណ្ដាលឱ្យស្លាប់ភ្លាមៗ។

ហេតុការណ៍បានកើតឡើង នៅវេលាម៉ោង១៥និង៥០នាទី ថ្ងៃទី១៥ ខែមីនាឆ្នាំ២០២៤ នៅចំណុចផ្លូវជាតិលេខ៦ ស្ថិតក្នុងភូមិក្បូន ឃុំខ្ចាស់ ស្រុកសូទ្រនិគម ខេត្តសៀមរាប។

សមត្ថកិច្ចបានប្រាប់ថា គ្រោះថ្នាក់ចរាចរណ៍នេះ ដោយម៉ូតូម៉ាក HONDA SCOOPY ពណ៌ស ពាក់ផ្លាកលេខ សៀមរាប 1H- 4775 បើកបរដោយឈ្មោះនួន ភក្ដី ភេទប្រុស អាយុ២៤ ឆ្នាំ នៅភូមិដំដែកផ្សារ ឃុំដំដែក ស្រុកសូទ្រនិគម ខេត្តសៀមរាប បើកបរតែម្នាក់ឯង ក្នុងទិសដៅពីលិចទៅកើត បានបុករថយន្តម៉ាកHyudai ពណ៌ខៀវ ពាក់ផ្លាកលេខភ្នំពេញ 2H -1697 បើកបរក្នុងទិសដៅពីកើតទៅលិច បណ្ដាលឲ្យស្លាប់មនុស្សម្នាក់ជាអ្នកបើកបរម៉ូតូ។

សមត្ថកិច្ចបានបន្តថា ករណីនេះ ក្រោយកាត់ហេតុសមត្ថកិច្ចបានចុះទៅវាស់វែង និងប្រគល់សាកសពអោយក្រុមគ្រួសារ យកទៅធ្វើបុណ្យតាមប្រពៃណី ឯរថយន្ត និងម៉ូតូរក្សាទុកនៅអធិការនគរបាលស្រុក។ ចំណែកតៃកុងរថយន្តបានរត់គេចខ្លួនបាត់៕

ខេត្តសៀមរាប៖លោក Kim Jih Yuk នាយកក្រុមហ៊ុនBFLABS បានថ្លែងអំណរគុណយ៉ាងជ្រាលជ្រៅចំពោះ ឯកឧត្តម អភិបាលខេត្ត ដែលឆ្លៀតឱកាសដ៏មានតម្លៃអញ្ជេីញជួបសម្តែងការគួរសមនាពេលនេះ។

លោក នាយកក្រុមហ៊ុនបានបន្តថាគោលបំណងជួបនាពេលនេះ ដើម្បីពិភាក្សាក្នុងការអនុវត្តសាកល្បងគម្រោងសេវាកម្ម ទោចក្រយានយន្តអគ្គិសនី ដែលប្រើប្រាស់បច្ចេកវិទ្យាផ្លាស់ប្តូរអាគុយ ដោយមានការគាំទ្រពីក្រសួងដែនដី ហេដ្ឋារចនា សម្ព័ន្ធ និងដឹកជញ្ជូន នៃសាធារណរដ្ឋកូរ៉េ។ គម្រោងនេះ ក៏បានអនុវត្តនៅខេត្តស្វយ័តពិសេស Jeju នៃសាធារណរដ្ឋកូរ៉េ ជាតំបន់ទេសចរណ៍ដែលមានសក្តានុពលដូចជាខេត្តសៀមរាបផងដែរ។

លោក Kim Jih Yuk នាយកក្រុមហ៊ុន BFLABS មានប្រសាសន៍យ៉ាងដូច្នេះ ក្នុងឱកាស ជំនួបសម្តែងការគួសម និងការចុះហត្ថលេខាលេីលិខិតផ្តួចផ្តើមស្តីពីកិច្ចសហប្រតិបត្តិការលើគម្រោង K-City Network នៅសាលាខេត្តសៀមរាប នាថ្ងៃសុក្រនេះ។

នៅក្នុងជំនួប ឯកឧត្តម ប្រាក់ សោភ័ណ អអភិបាលខេត្តសៀមរាប បានថ្លែងអំណរគុណដល់ប្រតិភូ ដែលឆ្លៀតពេលដ៏មានតម្លៃ ដេីម្បីចូលរួមជួបសម្តែងកាតគួរសម ដេីម្បីពិភាក្សាការងារអំពីសាកល្បងគម្រោងសេវាកម្ម ទោចក្រយានយន្តអគ្គិសនីនេះ។

អអភិបាលខេត្ក៏បានឯកភាពគ្នាបង្កើតនូវលិខិតផ្តួចផ្តើមមួយ ក្នុងគោលបំណងដើម្បីអនុវត្តសាកល្បងគម្រោងសេវាកម្ម ទោចក្រយានយន្តអគ្គិសនីនៅខេត្តសៀមរាប ដេីម្បីកាត់បន្ថយនូវការបំពុលបរិស្ថាន។

សូមជម្រាបថា ជំនួបសម្តែងការគួរសម និងចុះហត្ថលេខាលេីលិខិតផ្តួចផ្តើម ស្តីពីកិច្ចសហប្រតិបត្តិការ លើគម្រោង K-City Network រវាងខេត្តសៀមរាប នៃព្រះរាជាណាចក្រកម្ពុជា ដឹកនាំដោយឯកត្តម ប្រាក់ សោភ័ណ អភិបាលខេត្ត និង ក្រុមហ៊ុន BFLABS Inc., VERYWORDS Inc., GreeGo Inc. នៃសាធារណរដ្ឋកូរ៉េ ដឹកនាំដោយលោក Kim Jih Yuk នាយកក្រុមហ៊ុន BFLABS ព្រមទាំងមានការចូលរួមពីលោក យុន លីនណេ អភិបាលរងខេត្ត នាយករងរដ្ឋបាល និងទីចាត់ការពាក់ព័ន្ធផងដែរ៕

Sponsored

ខេត្តសៀមរាប៖បុរសចំនួន២នាក់ជិះម៉ូតូឌុបគ្នា បើកទៅបុកត្រាក់ទ័របណ្ដាលស្លាប់ចំនួន២នាក់។

ហេតុការណ៍ថ្ងៃទី១៤ ខែមីនាឆ្នាំ២០២៤ វេលាម៉ោង ១៩និង៤០នាទី លើផ្លូវលំក្រាលកៅស៊ូស្ថិតនៅភូមិសំរោងយា ឃុំសំរោងយា ស្រុក ពួក ខេត្តសៀមរាប។

គ្រោះថ្នាក់ចរាណ៍នេះកើតឡើងរវៀងម៉ូតូម៉ាកហុងដា១២៥ ពណ៌ខ្មៅសេរីឆ្នាំ២០១៥ ផ្លាកលេខ បន្ទាយមានជ័យ 1L- 2441 បើកបរដោយឈ្មោះ សំ ពា ភេទប្រុស អាយុ៣០ឆ្នាំ មុខរបរ កសិករ រស់នៅភូមិតាទក ឃុំពួក ស្រុកពួកខេត្តសៀមរាប (គ្មានពាក់មួកសុវត្ថិភាព) និងអ្នកជិះពីក្រោយ ឈ្មោះ សំ ណាង ភេទប្រុស អាយុ ២៤ឆ្នាំ រស់នៅភូមិឃុំជាមួយគ្នា
បើកបរក្នុងទិសដៅ ពីត្បូងទៅជើង ដែលមានទិសដៅស្របគ្នា បានបុកជាមួយត្រាក់ទ័រ
សំដោង រ៉ឺម៉ក(មិនស្គាល់អត្តសញ្ញាណ) ក្រោយពេលកើតហេតុម្ចាស់ត្រាក់ទ័រ បានចុះរត់គេចបាត់។

ករណីនេះបណ្តាលអោយស្លាប់ ២នាក់
1.ឈ្មោះ សំ ពា ភេទ ប្រុស
2.ឈ្មោះ សំ ណាង ភេទ ប្រុស
* ខូចខាត: ម៉ូតូ ០១គ្រឿង (ធ្ងន់)។
មូលហេតុ: បើកម៉ូតូក្នុងល្បឿនលឿនខ្វះការប្រុងប្រយ័ត្ន ឯបុកត្រាក់ទ័រសណ្តោងរ៉ឺម៉កពីក្រោយ គ្មានភ្លើងបំភ្លឺផ្លូវ។
ករណីនេះ កម្លាំងជំនាញចរាចរណ៍នៃ អធិការនគរបាលស្រុក ជាអ្នកគ្រប់គ្រង៕

ខេត្តសៀមរាប៖បុរសម្នាក់បើកម៉ូតូមិនមានពាក់មួកសុវត្ថិភាពបានបុករថយន្តធំបណ្ដាលឲ្យស្លាប់ភ្លាមៗ។

ហេតុការណ៍បានកើតឡើង នៅថ្ងៃអាទិត្យ ទី 10 ខែមីនាឆ្នាំ 2024 វេលាម៉ោង២៣ និង២៥នាទីលើផ្លូវជាតិលេខ 06 ចំណុចមុខរោងចក្រទឹកកកភ្នំមាស ភូមិប្រយុទ្ធ ឃុំពួក ស្រុកពួក ខេត្តសៀមរាប។

សមត្ថកិច្ចបានប្រាប់ថាគ្រោះថ្នាក់ចរាចរណ៍នេះ
ម៉ូតូម៉ាកហុងដា ផលិតឆ្នាំ 2022 ពណ៌ខ្មៅ ពាក់ផ្លាកលេខសៀមរាប 1AP-5372 បើកបរដោយ ឈ្មោះ ហឿង ចាន់ណារ៉ា ភេទប្រុស អាយុ 23 ឆ្នាំនៅភូមិគោកថ្មី ឃុំពួក ស្រុកពួក ខេត្តសៀមរាប (គ្មានមួកសុវត្ថិភាព) មានទិសដៅពីកើត ទៅលិច បានបុករថយន្តម៉ាកហ៊ីយ៉ាន់ដាយពណ៌ស ប្រភេទដឹកទំនិញធុនធំ ពាក់ផ្លាកលេខ បាត់ដំបង3A-2874 បើបរដោយជនមិនស្គាល់អត្តសញ្ញាណ (ក្រោយពេលកើតហេតុចុះរត់គេចខ្លួនបាត់) បើកបរមានទិសដៅពីលិចហើយបត់ឆ្វេងទៅទិសខាងជើង។

សមត្ថកិច្ចបន្តថា ករណីនេះបណ្ដាលឲ្យ: ស្លាប់មនុស្ស០១នាក់ ឈ្មោះ ហឿង ចាន់ណារ៉ា(ជាអ្នកបើកបរម៉ូតូ)។ ខូចខាតម៉ូតូ០១គ្រឿង(ធ្ងន់)និងរថយន្ត01គ្រឿងស្រាល។ មូលហេតុ: អ្នកបើកបររថយន្តបត់ឆ្វេងខ្វះការប្រុងប្រយ័ត្ន។
ក្រោយពេលកើតហេតុកម្លាំងផ្នែកជំនាញសហការជាមួយ នគរបាលរដ្ឋបាលពួក ចុះប្រមូលវត្ថុតាងពាក់ព័ន្ធយកមករក្សាទុកនៅអធិការដ្ឋាននគរបាលស្រុក ដើម្បីចាត់ការតាមនីតិវិធី៕

Sponsored

ខេត្តសៀមរាប៖បុរសម្នាក់ក្នុងស្ថានភាពស្រវឹងស្រាបានបើកម៉ូតូបុកនិងដើមពោធិ៍របណ្ដាលឱ្យស្លាប់ភ្លាមៗ។

ហេតុការណ៍បានកើតឡើង ថ្ងៃអាទិត្យ ទី១០ ខែមីនា ឆ្នាំ២០២៤ វេលាម៉ោង១៣និង៣៥នាទី នៅចំណុចផ្លូវលំក្រាលក្រួសក្រហមក្នុងបរិវេណវត្តសុវណ្ណគីរី កេសរធ្លកស្ថិតនៅភូមិធ្លកឃុំស្លែងស្ពាន ស្រុកស្រីស្នំ ខេត្តសៀមរាប។

គ្រោះថ្នាក់ចរាចរណ៍ បង្កឡើងដោយខ្លួនឯង (បើកបរម៉ូតូក្នុងស្ថានភាព ស្រវឹង ល្បឿនលឿន បុកដើមពោធិ៍ បណ្ដាលឲ្យស្លាប់ភ្លាមៗនៅនឹងកន្លែងកើតហេតុ)។

ជនរងគ្រោះឈ្មោះ ម៉ៅ កាច ភេទប្រុសអាយុ២១ឆ្នាំ មុខរបរ កសិករ ទីលំនៅបច្ចុប្បន្នភូមិត្រាំកង់ ឃុំស្លែង ស្ពាន ស្រុកស្រីស្នំ ខេត្តសៀមរាប។ បើកបរមានទិសដៅពីជើងទៅត្បូង(មិនពាក់មួកសុវត្ថិភាព)។ – ម៉ូតូម៉ាកExiter ពណ៌ក្រហម ផលិតឆ្នាំ.. គ្មានស្លាកលេខ(ខូចធ្ងន់)។

នគរបាលចរាចរណ៍ សហការជាមួយនគរបាលប៉ុស្តិ៍រដ្ឋបាលស្លែងស្ពានបានធ្វើការវាស់វែង និងយកម៉ូតូមករក្សាទុក នៅប៉ុស្តិ៍នគរបាលរដ្ឋបាល ស្លែងស្ពានស្រុកស្រីស្នំខេត្តសៀមរាប៕

Sponsored