ខេត្តសៀមរាប៖ បុរសម្នាក់បើកម៉ូតូត្រូវបានរថយន្តបុកស្លាប់ភ្លាមៗ។ ហេតុការណ៍បានកើតឡើងនៅវេលាម៉ោង០២និង៣០នាទីថ្ងៃទី១១ខែមិថុនាឆ្នាំ២០២០នៅចំណុចភូមិលលៃឃុំបាគងស្រុកប្រាសាទបាគង។ រវាងរថយន្តនិងម៉ូតូលើផ្លូវជាតិលេខ០៦ច្រាសទិសគ្នា។

សមត្ថកិច្ចបានឲ្យដឹងថារថយន្តម៉ាក តាកូម៉ាពណ៌ស. សេរី២០០៣ ពាក់ស្លាកលេខ.ភ្នំពេញ២BB៨៧៩១ បើកបរដោយឈ្មោះណៃ.សំណាង.ភេទប្រុសអាយុ៣១ឆ្នាំរស់នៅភូមីគាបសង្កាត់ទឺកថ្លាក្រុងសេរីសោភ័ណ្ឌខេត្តបន្ទាយមានជ័យ បើកពីលិចទៅកើតមកដល់ចំណុចកើតហេតុបានទៅបុកម៉ូតូម៉ាកហុងដាC១២៥ពណ៌ ខ្មៅសេរី២០១៤ពាក់ស្លាកលេខសៀមរាប១Q.៨១៩៥បើកបរដោយឈ្មោះហីុង ហងភេទប្រុសអាយុ៥៣ឆ្នាំរស់នៅភូមិគោគស្រុក ឃុំរលួស ស្រុកប្រាសាទបាគង(បណ្តាលអោយស្លាប់នៅនឹងកន្លែង)។ បើកម៉ូតូពីកើតទៅលិចរួចបត់ឆ្លងផ្លូវទៅត្បូង។ មូលហេតុដោយសារអ្នកបើកបរម៉ូតូគ្មានការប្រុងប្រយ័ត្ន។សាកសពប្រគល់អោយក្រុមគ្រួសារយកទៅធ្វើបុណ្យ។ រថយន្តនឹងម៉ូតូរក្សាទុកនៅអធិកានគបាលស្រុករងចាំការដោះស្រាយ៕SRP

ខេត្តកំពង់ចាម៖នៅសាលាស្រុកជេីងព្រៃ
នាព្រឹកមិញនេះ បាន​ដាក់​ឲ្យ​ដំណើរ​ការ​ដេញ​ថ្លៃ​គម្រោង​មូលនិធិ​ឃុំ​-សង្កាត់​ ​ឆ្នាំ​២០២០​ របស់​គណៈកម្មការ​ជាតិ​សម្រាប់​ការអភិវឌ្ឍន៍​តាម​បែប​ប្រជាធិបតេយ្យ​នៅ​ថ្នាក់​ក្រោម​ជាតិ​​​ ​ចំនួន០៦គម្រោង ស្មើ​នឹង​០៥ឃុំ​ក្រោម​វត្តមាន​​លោក​ សេង​ សុខជា​ អភិបាល​រងស្រុក​​ និង​លោក​​​ អុំ​ ប៉ុណ្ណា​កា​ នាយក​រង​ទីចាត់ការ​ផែនការ​និង​វិនិយោគ​ខេត្តកំពង់ចាម​។គួរ​បញ្ជាក់​ផង​ដែរ​ថា​ គម្រោងទាំង០៦​ ​ដែល​បាន​ដាក់​ឲ្យ​ដេញ​ថ្លៃ​ ដេីម្បី​ធ្វើ​ការ​ស្ថាបនា​ផ្លូវ​ និង​ស្តារ​ប្រឡាយ​​​​ ជូន​ប្រជាពលរដ្ឋ​​ប្រើប្រាស់​​នោះ​មាន​៖​ ១-នៅ​ឃុំ​ផ្តៅជុំ​ សាងសង់ផ្លូបបេតុងអាមេ ប្រវែង៤១០ម៉ែត្រ​ ទទឹង៤ម៉ែត្រ​ ​នៅភូមិផ្តៅជុំលិច​ ។

២-ឃុំ​ខ្នុរ​ដំបង​ សាងសង់ផ្លូវបេតុអាមេ ប្រវែង៣៩២ម ទទឹង៤ម នៅភូមិរវៀង​ ។
៣-ឃុំ​គោករវៀង​ សាងសង់ផ្លូវបេតុងអាមេ ប្រវែង២៩៥ម ទទឹង៤ម នៅភូមិបាគ្រង​ ។
៤-ឃុំ​សូទិព្វ​ ជួសជុលផ្លូវក្រាលគ្រួសក្រហម ប្រវែង ២​ ២៧៦ម ទទឹង៤ម នៅភូមិង៉ូង ភូមិថ្មី និង​ភូមិប៉ាណា​ ។
៥-ឃុំ​ស្តេីងជ័យ​ ជួសជុលផ្លូវដី ប្រវែង១៣០ម ទទឹង៤ម​ នៅភូមិពង្រ​ និង​ស្តារប្រឡាយប្រវែង៤៤៥ម ទទឹង១.៥ម ជម្រៅ១.៥ម និង​សាងសង់លូមូលទោល ចំនួន៦កន្លែង នៅភូមិដំណាក់អំពិល ភូមិក្តុយ ភូមិស្តើងជ័យ​។
ក្នុង​ដំណើរ​ការ​ដេញ​ថ្លៃ​នេះ​ដែរ​ ប្រធាន​គណៈ​កម្មាការ​ម្ចាស់​លទ្ធកម្ម​ទាំង​០៥ឃុំ បាន​ធ្វើការ​ប្រកាស​ទទួល​យក​ទាំង​​០៦គម្រោង​ ព្រមទាំង​បាន​ធ្វើការ​ផ្តាំផ្ញើដល់ក្រុមហ៊ុនអ្នកទទួលការទាំងអស់ សូម​ឲ្យ​​​​អនុវត្តន៍​ការងារ​សាងសង់​ផ្លូវ​ ឲ្យ​មាន​គុណភាពល្អ​ ​និង​ត្រូវ​តាម​ស្តង់ដារ​ ​លក្ខណៈ​បច្ចេកទេស​​​ ប្រយោជន៍​ដល់​ការ​ប្រើប្រាស់​​ផងដែរ​៕SRP

ខេត្តសៀមរាប៖បុរសជាសន្តិសុខម្នាក់ត្រូវបានកងកម្លាំងអាវុធហត្ថខេត្តសៀមរាបឃាត់ខ្លួនករណីបង្កហិង្សា។ហេតុការណ៍បានឡើងនៅវេលាម៉ោង ២០និង២០នាទីថ្ងៃទី០៩ខែមិថុនាឆ្នាំ២០២០ នៅចំណុចបន្ទប់ជួល ស្ថិតនៅភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប។

សមត្ថកិច្ចអាវុធហត្ថបានឲ្យដឹងថាករណីហិង្សាដោយចេតនាដោយមានស្ថានទម្ងន់ទោសនេះបង្កដោយជនសង្ស័យឈ្មោះ ផេង ណាន ភេទប្រុសអាយុ៥៨ឆ្នាំ មុខរបរសន្តិសុខ ទីលំនៅបច្ចុប្បន្ន ភូមិចុងកៅស៊ូ សង្កាត់ស្លក្រាម ក្រុងសៀមរាប។

ជនរងគ្រោះឈ្មោះ ប៉ុន សុភា ភេទប្រុស អាយុ៣៥ឆ្នាំមុខរបរលក់ការរ៉េម ទីលំនៅបច្ចុប្បន្ន ភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប។

សមត្ថកិច្ចអាវុធហត្ថបានបញ្ជាក់ថាជនសង្ស័យបានធ្វើសកម្មភាពយកដងអម្បោសដែកអ៊ីណុកវាយទៅលើជនរងគ្រោះ បណ្តាលឲ្យបែកក្បាល ត្រង់ថ្ងាស់ ផ្នែកខាងឆ្វេង (ដេរអស់ចំនួន០៧ថ្នេរ)។ បន្ទាប់ពីធ្វើសកម្មភាពរួចជនសង្ស័យបានចូលដេកក្នុងផ្ទះ។ ចំណែកជនរងគ្រោះបានទៅដេរមុខរបួសនៅមន្ទីរពេទ្យបង្អែកខេត្តសៀមរាប។

អាវុធហត្ថបញ្ជាក់ថាមូលហេតុករណីហិង្សាខាងលើ គឺបណ្តាលមកពីជនរងគ្រោះ បានជេរម្រមាថទៅលើកូនប្រពន្ធរបស់ជនសង្ស័យ។

បើតាមអាវុធហត្ថបញ្ជាក់ថាក្រោយពេលកើតហេតុ ដោយបានទទួលបណ្តឹងពីជនរងគ្រោះខាងលើ ការិយាល័យជំនាញបានធ្វើការឃាត់ខ្លួនជនសង្ស័យខាងលើយកមកអនុវត្តតាមនីតិវិធី។ ក្នុងនោះដកហូតវត្ថុតាងដងអម្បោសប្រវែង ១,១៥ម៉ែត្រ។ បច្ចុប្បន្នកំលាំងជំនាញកំពុងកសាងសំណុំរឿង បញ្ជូនជនសង្ស័យទៅសាលាដំបូងខេត្តដើម្បីអនុវត្តតាមផ្លូវច្បាប់៕SRP

ខេត្តកំពង់ធំ៖បុរសម្នាក់បានស្លាប់ដោយសារខ្យល់គរខណ:ទៅកាប់ក្រាក់និងនិងអុស។ហេតុការណ៍បានកើតឡើងនៅថ្ងៃទី១០ខែមិថុនាឆ្នាំ២០២០វេម៉ោង០៣រសៀលចំណុចតំបន់រចរណ៍ភូមិសាស្ត្រភូមិជាំស្វាយឃុំមានរិទ្ធស្រុកសណ្ដាន់ខេត្តកំពង់ធំ។

សមត្ថកិច្ចបានឲ្យដឹងថាជនរងគ្រោះឈ្មោះរឿង ណេ អាយុ៣៧ឆ្នាំរស់នៅភូមិព្រៃភ្លូរឃុំក្រយាស្រុកបន្ទុកខេត្តកំពង់ធំ។ សមត្ថកិច្ចបានបញ្ជាក់ថាមូលហេតុជនរងគ្រោះបានទៅកាប់ក្រាក់និងអុសនៅតំបន់ខាងលើហើយក៏បានដេកស្លាប់តែម្ដង៕SRP

ខេត្តសៀមរាប៖សមត្ថកិច្ចបានឲ្យដឹងថាបុរសម្នាក់ ចងក សម្លាប់ខ្លួន បង្កឲ្យមានការភ្ញាក់ផ្អើល នៅព្រឹកមិញនេះ។ហេតុការណ៍បានកើតឡើងនៅវេលាម៉ោង៦និង៣០នាទីថ្ងៃទី១១ខែមថុនាឆ្នាំ២០២០នៅចំណុចក្រុមទី៤ភូមិចុងកៅស៊ូ សង្កាត់ស្លក្រាម ក្រុងសៀមរាប។

សមត្ថកិច្ចបានបញ្ជាក់ថា ជនរងគ្រោះឈ្មោះ ឡេង ប៊ុនណាត ភេទប្រុស អាយុ៤៧ ឆ្នាំមុខរបរនៅផ្ទះ មានទីលំនៅភូមកើតហេតុខាងលើ បានធ្វើអត្តឃាតដោយ(ចងក)និងខ្យែលីឡុង បណ្តាលអោយស្លាប់តែម្ដង។

ឆ្ងងតាមកាពិនិត្យសាកសពរបស់មន្រ្តីជំនាញនគរបាលនិងកងរាអាវុធហត្ថជនរងគ្រោះពិតជាស្លាប់ដោយសារ ចងក ពិតប្រាកដមែននិងគ្មានពាក់ពន្ទ័និងបទល្មើសអ្វីឡើយ។មូលហេតុ  ដោយសាមានជំងឺប្រចាំកាយ។សាសពត្រូវបានក្រុមគ្រួសារយកទៅធ្វើបុណ្យតាមប្រពៃណី៕SRP

ខេត្តសៀមរាប៖អតីតយុទ្ធជនចំនួន០៣ដោយគ្រួសារទី០១លោក ផុន ផល ជានិវត្តជន អត្តលេខRA 01002006 រស់នៅភូមិដូនទាវ ឃុំរលួស ស្រុកប្រាសាទបាគង

-ទី០២/គ្រួសារលោក ជិម ធឹម ជានិវត្តជន អត្តលេខRA 12002177 រស់នៅភូមិត្រពាំងរុន ឃុំអំពិល ស្រុកប្រាសាទបាគង
-ទី០៣/គ្រួសារលោក សឿន សុខ ជានិវត្តជន អត្តលេខRA 10001592 រស់នៅភូមិគីរីមានន្ទ ឃុំអំពិល ស្រុកប្រាសាទបាគង បានទទួលអំណោយផ្ទះថ្មីពីសម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈលោកសូរ ប្លាតុង អភិបាលស្រុកប្រាសាទបាគងនៅថ្ងៃទី១០ខែមិថុនានេះ។
ឆ្លៀតក្នុងឱកាសនោះដែរលោកសូរ ប្លាតុងនិងក្រុមការងារក៏បានផ្តល់ជូន បន្ថែមនូវគ្រឿងឧបភាគបរិភោគមួយ និងថវិកាចំនួន១៥ម៉ឺនរៀល​សម្រាប់គ្រួសារនីមួយៗ​ផងដែរ​៕SRP

ខេត្តកំពង់ធំ៖ ប្រជាពលរដ្ឋចំនួន០៧គ្រួសារ រស់នៅ ភូមិថ្នល់បែក ឃុំត្រពាំងឬស្សី ស្រុកកំពង់ស្វាយ និងអតីតយុទ្ធជនមួយគ្រួសារ រស់នៅភូមិអំពុះ ឃុំត្បូងក្រពើ ស្រុកសន្ទុក បានទទួល អំណោយពីលោក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក នៅរសៀលថ្ងៃទី១០ ខែមិថុនាឆ្នាំ២០២០ តាមរយ:លោកសោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ។

អំណោយ ដែលបានផ្ដល់ជូនប្រជាពលរដ្ឋទាំង៧គ្រួសារ ក្នុងមួយគ្រួសារទទួលបានអង្ករ២៥គីឡូក្រាម មី ២កេស និងថវិកាមួយចំនួន។ ដោយឡែកអតីតយុទ្ធជនមួយគ្រួសារ គឺលោកអនុសេនីយ៍ឯក ម៉ា គឹមយុង អាយុ៧០ឆ្នាំអតីតប្រធានកងអនុសេនាធំ អាបី ខេត្តកំពង់ធំបាន អង្ករចំនួន៥០គីឡូក្រាមមីចំនួន៣កេស និងថវិកាមួយចំនួនផងដែរ៕SRP

ខេត្តកំពង់ធំ៖បញ្ជាការកងរាជអាវុធហត្ថខេត្តកំពង់ធំ បានចេញសេចក្ដីជូនដំណឹងឱ្យប្រជាពលរដ្ឋយកឯកសារពាក់ព័ន្ធមកទទួលយកម៉ូតូទាំង៥៩គ្រឿងដែលសមត្ថកិច្ចបានបង្ក្រាបល្បែងស៊ីសងកាលពីកន្លងទៅ។
សូមបញ្ជាក់ថាកាលថ្ងៃទី១ខែមិថុនាឆ្នាំ២០២០កម្លាំងកងរាជអាវុធហត្ថខេត្តកំពង់ធំ ដឹកនាំដោយលោកសាយ វាសនា ព្រះរាជអាជ្ញារង សាលាដំបូងខេត្តបានបង្រ្កាបល្បែងស៊ីសង នៅចំណុចភូមិគ្រួស ឃុំដូង ស្រុកប្រាសាទបាល័ង្គ ខេត្តកំពង់ធំ។ ដោយរឹបអូសបានម៉ូតូចំនួន៥៩គ្រឿង មាន់ជល់១០ក្បាល មេអាប៉ោង៦គ្រាប់ មនុស្ស១១នាក់។
ក្រោតការបង្ក្រាបនេះសមត្ថកិច្ច
បានណែនាំអប់រំ ឲ្យពលរដ្ឋទាំង១២នាក់
ឲ្យវិលត្រឡប់វិញ។ចំណែកម៉ូតូទាំង៥៩គ្រឿងត្រូវបានយកមករក្សាទុកនៅបញ្ជាការកងរាជអាវុធហត្ថខេត្ត។
បើយោងតាម សេចក្តីជូនដំណឹង របស់កងរាជអាវុធហត្ថខេត្តកំពង់ធំ បានសូមអំពាវនាវឲ្យ ម្ចាស់ទោចក្រយានយន្ត មកទទួលយកម៉ូតូវិញ ដោយ នាំយកឯកសារពាក់ព័ន្ឋ ដូចជាអត្តសញ្ញាណប័ណ្ណ , ប័ណ្ណសម្គាល់ទោចក្រយានយន្ត, ចំពោះម៉ូតូដែល គ្មានប័ណ្ណសម្គាល់ម្ចាស់ ឬគ្មានពន្ឋនាំចូល , ត្រូវមានលិខិតទិញចេញពីឃ្លាំង, ដោយមានការបញ្ជាក់ពីអាជ្ញាធរ ភូមិ ឃុំ និងប៉ុស្តីរដ្ឋបាល ដើម្បីដាក់ពាក្យស្នើរសុំ ជំនាញសាខាគយ និងរដ្ឋករ មកវាយតំម្លៃបង់ពន្ឋឲ្យបានត្រឹមត្រូវ។
សេចក្តីជូនដំណឹង នេះត្រូវបានធ្វើឡើង នៅថ្ងៃទី១០ខែមិថុនាឆ្នាំ២០២០បានបញ្ជាក់ថា អ្នកស្នើរសុំម៉ូតូ ត្រូវនាំយកឯកសារដែលបាន រៀបរាប់ខាងលើ មកទំនាក់ទំនងការិយាល័យព្រហ្មទណ្ឌ នៃមន្ទីរយុត្តិធម៌ នៃទីបញ្ជាការកងរាជអាវុធហត្ថខេត្តកំពង់ធំរៀងរាល់ម៉ោងធ្វើការដើម្បីនាំយកម៉ូតូទៅគ្រប់គ្រងវិញ៕SRP

ខេត្តសៀមរាប៖ស្ត្រីម្នាក់ត្រូវបានអាជីវករនិងសន្តិសុខឃាត់ខ្លួន ប្រគល់ឱ្យនគរបាល បន្ទាប់ពីបានធ្វើសកម្មភាពលួចលុយពីស្ត្រីម្នាក់។
ហេតុការណ៍បានកើតឡើងនៅថ្ងៃទី១០ ខែមិថុនា ឆ្នាំ២០២០ វេលាម៉ោង១០និង០០នាទី ស្ថិតនៅចំណុចក្នុងបរិវេណក្នុងផ្សារក្រោមភូមិវិហាចិន សង្កាត់ស្វាយដង្គំ ក្រុងសៀមរាប ខេត្តសៀមរាប។
លោកវរសេនីយ៍ឯកណុប សារ៉ាក់អធិការនគរបាលក្រុងសៀមរាបបានដឹងថាជនសង្ស័យឈ្មោះយស់ ស្រីម៉ៅ ភេទស្រី  អាយុ៤៣ឆ្នាំមុខរបរពុំពិតប្រាកដ រស់នៅភូមិថ្មី សង្កាត់ស្វាយដង្គំ ក្រុងសៀមរាប ខេត្តសៀនរាប ពាក់ព័ន្ធករណីអំពើលួច (យកប្រាក់)។
លោកវរសេនីយ៍ឯកណុប សារ៉ាក់ បន្តថានៅម៉ោងកើតហេតុជនសង្ស័យ បានដើរទៅផ្សារក្រោម គោលបំណងទៅទិញម្ហូប ពេលដើរទៅដល់កន្លែងលក់ចានឆ្នាំងស្រាប់តែឃើញមានស្រ្តីចំណាស់ម្នាក់ដើរចេញពីកន្លែងលក់ចានឆ្នាំបានបន្តិច កន្លែងនោះចង្អៀតមានមនុស្សច្រើន ខ្លួនក៏បានដើរតាមពីក្រោយហើយយកដៃស្ដាំលូកយកប្រាក់នៅហោប៉ៅខាងឆ្វេងរបស់ជនរងគ្រោះ មានទីលំនៅភូមិស្វាយដង្គំ សង្កាត់ស្វាយដង្គំ ក្រុងសៀមរាប បានលុយចំនួន៥០ដុល្លារ និងប្រាក់ខ្មែរចំនួន២៨៤០០០រៀល។
លោកអធិការបន្តថាជនសង្ស័យក្រោយពីធ្វើសកម្មភាពលួចរួច ជនរងគ្រោះ ក៏ចាប់បានភ្លាម ហើយក៏មានសន្តិសុខផ្សារនាំយកទៅប៉ុស្ដិ៍នគរបាលរដ្ឋបាលសង្កាត់ស្វាយដង្គំ ដើម្បីសាកសួរ។ជនសង្ស័យ បានឆ្លើយសារភាពថាខ្លួនពិតជាបានធ្វើសកម្មភាពលួចពិតប្រាកដមែន។ករណីនេះដល់នគរបាលបានរៀបចំកសាងសំណុំរឿងបញ្ជូនទៅតុលាការដើម្បីអនុវត្តតាមផ្លូវច្បាប់៕SRP

ខេត្តកំពង់ធំ៖តាមរបាយការណ៍បូកសរុបលទ្ធផល កិច្ចប្រតិបត្តិការអនុវត្តច្បាប់ចរាចរណ៍ផ្លូវគោក ប្រចាំខែឧសភាឆ្នាំ២០២០(គិតចាប់ពីថ្ងៃទី០១ខែឧសភាឆ្នាំ២០២០ ដល់ទី៣១ខែឧសភាឆ្នាំ២០២០ )សភាពការគ្រោះថ្នាក់ចរាចរណ៍ កើតមានឡើងចំនួន១ លើក/១៣ លើក មានការកើនឡើងចំនួន០៤លើកស្មើនឹង០៣%។នេះបើតាមការលើកឡើងរបស់លោកវរសេនីយ៍ទោ ព្រំ ចាន់ថុល នាយរងការិយាល័យ
ចរាចរណ៍ផ្លូវគោក ក្នុងប្រជុំត្រួតពិនិត្យ ដកបទពិសោធន៍ កិច្ចប្រតិបត្តិការ អនុវត្តច្បាប់ចរាចរណ៍ផ្លូវគោក ប្រចាំខែឧសភា ក្រោមវត្តមានលោកឧត្តមសេនីយ៍ទោអ៊ុក កុសល ស្នងការនគរបាលខេត្តកំពង់ធំ នៅថ្ងៃទី១០ខែមិថុនានេះ។

លោកអ៊ុក កុសល បានថ្លែងថាកិច្ចប្រជុំនេះ ដើម្បីរកឲ្យឃើញចំណុចខ្លាំង ចំណុចខ្សោយ បញ្ហាប្រឈម ដើម្បី
វាយតម្លៃ ទៅលើកិច្ចការងារទាំងនោះ ជ្រើសរើសចំណុចល្អសម្រាប់លើកទិសដៅអនុវត្តបន្ត ។

លោកស្នងការ ក៏បានធ្វើការណែនាំដល់អស់លោកប្រធានក្រុមគោលដៅ សូមឲ្យបងប្អូនត្រួតពិនិត្យទីតាំងគោលដៅ កម្លាំង ដែលខ្លួនគ្រប់គ្រង សំដៅធ្វើយ៉ាងណាអនុវត្តក្នុងរឹតបន្តឹងច្បាប់ចរាចរណ៍ ផ្លូវគោកឲ្យមានប្រសិទ្ធភាពខ្ពស់ ដើម្បីចូលរួមកាត់បន្ថយគ្រោះថ្នាក់ចរាចរណ៍ផ្លូវគោក។ ប្រធានក្រុមគោលដៅបន្តផ្សព្វផ្សាយសេចក្ដីណែនាំ របស់ថ្នាក់ដឹកនាំ តម្រង់ទិស ដល់មន្ត្រីក្រោមឱវាទ បន្តចូលរួមបកស្រាយឆ្លើយតបយ៉ាងឆាប់រហ័សទាន់ពេលវេលា មានភាពច្បាស់លាស់ បន្សាបព័ត៌មានមិនពិតជាដើម។

លោកស្នងការបន្តថាក្នុងនាមយើងជាកងកម្លាំងស្លៀកពាក់ឯកសណ្ឋាន ឲ្យបានសមរម្យ សាកសមជាមន្ត្រីនគរបាលជាតិ រួមទាំងប្រកាន់
វិន័យ សីលធម៌ ទន់ភ្លន់ រួសរាយរាក់ទាក់ សុភាពរាបសារ គោរពគំនាប់ ក្នុងការប្រាស្រ័យទំនាក់ទំនង ជាមួយមហាជន បន្តធ្វើគំរូល្អ ដល់ពលរដ្ឋ ក្នុងការសម្រួល បញ្ចៀស ការកកស្ទះចរាចរណ៍ នៅទីសាធារណៈនានា ដូចជា មណ្ឌលសុខភាព មន្ទីរពេទ្យ ទីផ្សារ វត្តអារាមផងដែរ៕SRP

ខេត្តកំពង់ចាម៖គម្រោងមូលនិធិឃុំ-សង្កាត់ ​ឆ្នាំ​២០២០​ របស់​គណៈកម្មការ​ជាតិ​សម្រាប់​ការអភិវឌ្ឍន៍​តាម​បែប​ប្រជាធិបតេយ្យ​នៅ​ថ្នាក់​ក្រោម​ជាតិ​​​ ​ចំនួន០៩គម្រោង​​ស្មើ​នឹង​០៦ឃុំ​​​​នៅ​ស្រុកកងមាស ត្រូវបានដាក់ដេញថ្លៃនៅព្រឹកមិញនេះ។
គម្រោង​ដែល​បាន​ដាក់​ឲ្យ​ដេញ​ថ្លៃ​ ដេីម្បី​ធ្វើ​ការ​ស្ថាបនា​ផ្លូវ​ចំនួន​០៩ខ្សែ​​​ ជូន​ប្រជាពលរដ្ឋ​សម្រាប់​ប្រើប្រាស់​​នោះ​មាន​៖​ ១-នៅ​ឃុំ​កងតាណឹង​ មាន​២គម្រោង​ គឺសាងសង់ផ្លូវបេតុងអាមេ ប្រវែង៣០ម៉ែត្រ​ ទទឹង៤ម៉ែត្រ​ នៅភូមិកងតាណឹងទី២​ និងជួសជុលផ្លូវក្រាលកំទេចថ្ម ប្រវែង២៦៨៥ម៉ែត្រ​ ទទឹង៤ម៉ែត្រ​ នៅភូមិកងតាណឹងទី១​ ។
២-ឃុំ​សូរគង​ មាន​១គម្រោង​ ជួសជុលផ្លូវក្រាលកំទេចថ្ម ប្រវែង១៦៥ម៉ែត្រ​ ទទឹង៥ មែត្រ នៅភូមិបេងសាងកើត ភូមិបឹងសាងលិច និងភូមិកោះតាង៉ោ៣​ ។
៣-ឃុំ​ខ្ចៅ​ មាន១គម្រោង​ សាងសង់ផ្លូវបេតុងអាមេ ប្រវែង៤៦៧ម៉ែត្រ​ ទទឹង៤,៥០ម៉ែត្រ​ នៅភូមិថ្លុកជ្រៅ​ ។
៤-ឃុំ​ព្រែក​ក្របៅ​ មាន​២គម្រោង​ សាងសង់ផ្លូវបេតុងអាមេ ប្រវែង៣០ម ទទឹង៤ម នៅភូមិព្រែកអណ្តូង​ និង​ជួសជុលផ្លូវក្រាលកំទេចថ្ម ប្រវែង៥០ម ទទឹង៤ម និងសាងសង់សំណង់បង្ហៀទឹក ចំនួន១កន្លែង នៅភូមិអណ្តូងតាអុង​ ។
៥-ឃុំ​អង្គបាន​ មាន​២គម្រោង​ សាងសង់ផ្លូវបេតុងអាមេ ប្រវែង៤៤៥ម ទទឹង៤ម នៅភូមិអង្គរបានទី៧​ និងជួសជុលផ្លូវក្រាលកំទេចថ្មភ្នំ ប្រវែង៦៨០ម ទទឹង៤ម នៅភូមិអង្គរបានទី៣​ ។ ​
៦-ឃុំ​រាយប៉ាយ​ មាន​១គម្រោង​ ជួសជុលផ្លូវក្រាលកំទេចថ្ម ប្រវែង៤៤០ម ទទឹង៤ម នៅភូមិរាយប៉ាយក្រោម និងភូមិទួលវិហារ​។
ការដាក់ដេញថ្លៃនេះនៅ​សាលា​ស្រុក​កងមាស​​​​​​​ក្រោមវត្តមានលោក អុំ​ ប៉ុណ្ណា​កា​ នាយក​រង​ទីចាត់ការ​ផែនការ​និង​វិនិយោគ​ខេត្តកំពង់ចាម និងលោក​​​ ភោគ​ សាវុធ​ អភិបាល​ស្រុក​ដោយ​មាន​ការ​ចូលរួម​ពី​ អភិបាល​រង​ស្រុក​ គណៈកម្មការ​ម្ចាស់​លទ្ធកម្ម​ និង​តំណាង​ក្រុម​ហ៊ុន​ អ្នក​ទទួល​ការ​ ជា​ច្រើន​រូប​ផង​ដែរ​។

​លោក​ភោគ​ សាវុធ​ បាន​ធ្វើ​ការ​សំណូមពរ​ដល់​គណៈកម្មការ​លទ្ធកម្ម​ និង​ក្រុម​ហ៊ុន​ អ្នក​ទទួល​ការ​ទាំងអស់​ សូម​ឲ្យ​ការអនុវត្ត​គម្រោង​ធ្វើ​យ៉ាងណា​ ​ត្រូវ​ឲ្យ​​មាន​តម្លាភាព​ ហេីយ​ធ្វើ​ការ​សាងសង់​ឲ្យ​ត្រូវ​តាម​បទដ្ឋាន​លក្ខណៈ​បច្ចេកទេស​ ប្រយោជន៍​ដល់​ការ​ប្រើប្រាស់​បាន​យូរ​អង្វែង​។
ប្រធាន​គណៈ​កម្មាការ​ម្ចាស់​លទ្ធកម្ម​ទាំង​០៦ឃុំ បាន​ធ្វើការ​ប្រកាស​ទទួល​យក​ទាំង​​០៩គម្រោង​ ព្រមទាំង​បាន​ធ្វើការ​ផ្តាំផ្ញើរ​ដល់​ក្រុមហ៊ុន​​អ្នក​ទទួល​ការ​ទាំង​អស់​ សូម​ឲ្យ​​​​អនុវត្តន៍​ការងារ​សាងសង់​ផ្លូវ​ ឲ្យ​មាន​គុណភាពល្អ​ ​និង​ត្រូវ​តាម​ស្តង់ដារ​ ​លក្ខណៈ​បច្ចេកទេស​​​ប្រយោជន៍​ដល់​ការ​ប្រើប្រាស់​​ផងដែរ​៕SRP

ខេត្តឧត្តរមានជ័យ៖ រថយន្តរបស់ក្រុមហ៊ុនអូរខុង ដឹកអ្នកដំណើរពេលយប់បានក្រឡាប់ នៅស្រុកអន្លង់វែង បណ្ដាលឲ្យស្លាប់ក្មេង០២នាក់និងរបួស២២នាក់។

ហេតុការណ៍បានកើតឡើងនៅថ្ងៃទី១០ ខែមិថុនា ឆ្នាំ២០២០ ពេលវេលាម៉ោង៥និង៥០នាទីព្រឹក នៅលើកំណាត់ផ្លូវជាតិលេខ៦៧ ចំណុចស្ពាន ស្ថិតនៅភូមិអូរតាម៉ែង ឃុំស្រុកអន្លង់វែង។

សមត្ថកិច្ចបានឲ្យដឹងថាករណីនេះគឺដោយរថយន្តក្រុងក្រុមហ៊ុនអូរខុង ពាក់ស្លាកលេខភ្នំពេញ ៣D២៤២០ បានដឹកអ្នកដំណើរពេលយប់ មកពីភ្នំពេញ ឆ្ពោះមកស្រុកអន្លង់វែង ដល់ចំណុចកើតហេតុ បានបើកឆ្លាក់ពីលើផ្លូវចូលអូរ បណ្ដាលឲ្យស្លាប់ក្មេងប្រុស០២នាក់ និងរងរបួសធ្ងន់ស្រាលសរុបចំនួន២២នាក់តែម្ដង។  បច្ចុប្បន្នជនរងគ្រោះសមត្ថកិច្ចនិងក្រុមគ្រួពេទ្យបញ្ជូនទៅពេទ្យបង្អែកស្រុកអន្លង់វែង ខេត្តឧត្តរមានជ័យ៕SRP