ចាប់ខ្លួនមនុស្ស៦នាក់នៅសៀមរាប
ប្រើប្រាស់បារីអេឡិចត្រូនិច និងទឹកក្រាធំ
កម្លាំងអាវុធហត្ថខេត្តសៀមរាប ឃាត់ខ្លួនមនុស្សចំនួន ០៨នាក់ ប្រើប្រាស់បារីអេឡិចត្រូនិច និងទឹកក្រាធំ។
ការចាប់ខ្លួន ដោយកម្លាំងជំនាញ នៃ កងរាជអាវុធហត្ថខេត្តសៀមរាប នៅវេលាម៉ោង ២៣:៣០នាទីយប់ ថ្ងៃទី១៧ ខែតុលា ឆ្នាំ២០២៦ បានឃាត់ខ្លួនយុវជន ចំនួន ០៨នាក់ ដែលប្រើប្រាស់បារីអេឡិចត្រូនិច និងទឹកក្រាធំ នៅចំណុចភូមិមណ្ឌល១ សង្កាត់ស្វាយដង្គំ ក្រុងសៀមរាប ខេត្តសៀមរាប ក្រោមការសម្របសម្រួលពីអយ្យការ អមសាលាដំបូងខេត្តសៀមរាប បានឲ្យធ្វើកិច្ចសន្យាអប់រំណែនាំនិងឲ្យអាណាព្យាបាលធានាយកទៅលំនៅដ្ឋានវិញ។
កងរាជអាវុធហត្ថខេត្តសៀមរាប សូមអំពាវនាវ ដល់បងប្អូនអាណាព្យាបាល មាតាបិតាទាំងអស់ មេត្តាបង្កើនការយកចិត្តទុកដាក់ តាមដានរាល់ការសេពគប់មិត្តភក្តិ និងការរស់នៅរបស់កូនៗឱ្យបានជិតដិតបំផុត។ បារីអេឡិចត្រូនិច និងទឹកក្រាធំ គឺជាសារធាតុដ៏គ្រោះថ្នាក់ដែលបំផ្លាញកោសិកាខួរក្បាល សុខភាពរាងកាយ និងអនាគតដ៏ភ្លឺស្វាងរបស់យុវជន៕SRP
