ខេត្តសៀមរាប៖សមត្ថកិច្ចមូលដ្ឋានបានប្រាប់ទីភ្នាក់ងារសារព័ត៌មានសៀមរាប ប៉ុស្តិ៍ នៅព្រឹកថ្ងៃចន្ទនេះថា ប្រជាពលរដ្ឋបានប្រទះឃើញស្ត្រីវ័យចំណាស់ម្នាក់បានចងកសម្លាប់ខ្លួន។
ហេតុការណ៍ភ្ញាក់ផ្អើលបានកើតឡើង ថ្ងៃទី ២៧ ខែ មេសា ឆ្នាំ ២០២៥ នៅចំណុច ក្រុមទី១១ ភូមិវត្តបូព៌ សង្កាត់សាលាកំរើក ក្រុងសៀមរាប។
សមត្ថកិច្ចបានបន្តថា ជនរងគ្រោះឈ្មោះ ជ្រឹងសាវឿន ភេទ ស្រី អាយុ ៦៤ឆ្នាំ រស់នៅក្រុមទី ១១ ភូមិវត្តបូព៌ សង្កាត់សាលាកំរើក ក្រុងសៀមរាប។
សមត្ថកិច្ចបានដកស្រង់សម្ដីពីក្រុមគ្រួសារជនរងគ្រោះប្រាប់ថា ជនរងគ្រោះបានបាត់ខ្លួនកាលពីថ្ងៃទី២០ ខែមេសា ឆ្នាំ២០២៥ រហូតដល់ ថ្ងៃទី២៧ ខែមេសា ឆ្នាំ២០២៥ ទើបប្រជាពលរដ្ឋប្រទះឃើញធ្វើអត្តឃាត ចងកសម្លាប់ខ្លួនតែម្ដង។
បច្ចុប្បន្ន សាកសពត្រូវបានក្រុមគ្រួសារ យកទៅធ្វើបុណ្យតាមប្រពៃណី៕SRP
