បុរសជាប្ដីដែលសង្ស័..យជាឃាត..ករដែលបាញ់សម្លា..ប់ប្រពន្ធខ្លួនឯងកាលពីរសៀលថ្ងៃនេះ ត្រូវបានសមត្ថកិច្ចឃាត់ខ្លួន ក្រោយចូលខ្លួនឲ្យសមត្ថកិច្ចចាប់។
ករណីបាញ់សម្លាប់ប្រពន្ធខ្លួនឯង កើតឡើងនៅរសៀលថ្ងៃទី២ ខែមីនា ឆ្នាំ២០២៣ បណ្តាលឲ្យស្លាប់នៅក្នុងថ្លុកឈាម ក្នុងផ្ទះលេខ ១៦៨ ស្ថិតនៅបុរីពិភពថ្មី (គួរស្រូវ៣) ផ្លូវ KS3 ភូមិកណ្តាល សង្កាត់រលួស ខណ្ឌដង្កោ។
ជនសង្ស័យ បានចូលខ្លួនសារភាពនៅនាយកដ្ឋាននគរបាលព្រហ្មទណ្ឌនៃក្រសួងមហាផ្ទៃ។ ការចូលខ្លួនសារភាពនៅកន្លែងសមត្ថកិច្ច គឺបន្ទាប់ពីជនសង្ស័យបានធ្វើការបាញ់សម្លាប់ប្រពន្ធខ្លួនឯងចំនួនពីរគ្រាប់។
ស្ត្រីរងគ្រោះមានឈ្មោះ ម៉ៃ សុគន្ធា អាយុ ៣៤ឆ្នាំ មានមុខរបរជាងសាឡន ត្រូវគ្រាប់កាំភ្លើងចំនួន២គ្រាប់។ ទោះជាយ៉ាងណាសមត្ថកិច្ចមិនទាន់បញ្ជាក់អំពីមូលហេតុករណីនេះនៅឡើយ៕SRP
