ខេត្តសៀមរាប៖ឯកឧត្តមទៀ សីហាអភិបាលខេត្តសៀមរាប បានបង្ហោះរូបភាព តាមប្រព័ន្ធហ្វេសប៊ុកនិងសរសេរសំណេរ ដោយរៀបរាប់ពីគុណឪពុកបង្កើតចំពោះឯកឧត្តមជាកូន។
ក្នុងអត្ថបទអមដោយរូបភាពជាមួយឪពុកបង្កើតនិងលោកអ្នកម្ដាយ និងភរិយារួមនិងកូន បានបានបង្ហោះចែកចាយ នៅថ្ងៃសៅរ៍ ទី ៥ខែ វិច្ឆិកា ឆ្នាំ ២០២២នេះ។
ឯកឧត្តមទៀ សីហា បានសរសេរយ៉ាងដូច្នេះថា៖
#ទម្រាំមានថ្ងៃនេះ 🙏🏻
ប៉ាតែងតែប្រាប់ថា មិននឹកស្មាន ក្រោយថ្ងែរំដោះ ៧មករា ឆ្នាំ១៩៧៩ ប្រទេសខ្មែរយើមានការអភិវឌ្ឍបានប៉ុណ្ណឹងទេ។ បន្ទាប់ពីថ្ងៃរំដោះ ប៉ា
ត្រឹមតែស្រមៃឃើញ ក្មេងៗមានអាវស ពាក់ទៅសាលារៀនតែប៉ុណ្ណោះ តែមកដល់ពេលនេះ យើងមានសន្តិភាព យើងមានអ្វីៗគ្រប់យ៉ាង។
ឯកឧត្តមទៀ សីហា បានបន្តថា៖ ថ្ងៃនេះ ប៉ាមានអាយុ ៧៧ឆ្នាំហេីយ ប៉ាមានចៅ ៦នាក់។ ចៅៗប៉ាមានសំលៀកបំពាក់សមរម្យ ទៅសាលារៀនហើយ មិនត្រឹមតែបានរៀនសាលារដ្ឋទេ មានទាំងសាលាឯកជន និងអន្តរជាតិថែមទៀតផង។
អរគុណសន្តិភាព! អរគុណនយោបាយ ឈ្នះ ឈ្នះ! ដឹងគុណស្ថាបនិក មគ្គុទ្ទេសក៍ឯក និងប្រតិបត្តិករនយោបាយ ឈ្នះ ឈ្នះ ដែលបាននាំមកនូវសន្តិភាព និងការឯកភាពជាតិពេញលេញ !
#អរគុណប៉ា_ពិជ័យសេនា❤️
សូមបញ្ជាក់ថា ឪពុកបង្កើតរបស់ឯកឧត្តម ទៀ សីហា គឺសម្ដេចពិជ័យសេនា ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិកម្ពុជា ក្នុងនោះក៏ជាអនុប្រធានគណបក្សប្រជាជនកម្ពុជាផងដែរ៕SRP
