មន្ត្រីជាន់ខ្ពស់ជលផល៖ «ក្តាមសេះ១ក្បាល មានស៊ុតប្រហែលមួយលានគ្រាប់ បើយើងលែងចូលសមុទ្រ វានឹងផ្តល់មកវិញ ប្រហែល១ពាន់ក្បាល

ភ្នំពេញ៖មន្ត្រីជាន់ខ្ពស់នៃរដ្ឋបាលជលផល បានអះអាងថា «ក្តាមសេះ១ក្បាល មានស៊ុតប្រហែលមួយលានគ្រាប់ បើយើងលែងចូលសមុទ្រវិញ វានឹងផ្តល់ក្តាមជំទង់មកវិញប្រហែល ១ពាន់ក្បាល ចុះបើយើងលែង ១ម៉ឺនក្បាល នោះនឹងផ្តល់ក្តាមជំទង់មកវិញចំនួន ១០លានក្បាល។

ប្រធាននាយកដ្ឋានអភិរក្សជលផល នៃរដ្ឋបាលជលផល លោក អ៊ុក វិបុល បានលើកឡើងថា៖តើខ្ញុំអង្វរសុំបានទេ បើបងប្អូនអ្នកនេសាទ ចាប់បានក្តាមដែលមានស៊ុតនៅក្រៅស្នូក សូមលែងត្រឡប់វិញ ហើយប្រជាពលរដ្ឋមេត្តាកុំទិញ និងបរិភោគ។រួមគ្នាដើម្បីថែរក្សាធនធានជលផលសមុទ្ររបស់យើង»៕SRP