ខេត្តសៀមរាប៖ជនជាតិបរទេសម្នាក់ ត្រូវបានគេប្រទះឃើញ ដេកស្លាប់ នៅក្នុងប៊ូទិកមួយកន្លែង។
មន្ត្រីជំនាញបានថ្លែងប្រាប់បណ្ដាញ សៀមរាបប៉ុស្តិ៍ នៅព្រឹកនេះថា ករណីជនបរទេស ស្លាប់
នៅវេលាម៉ោង ០០:៣០នាទី រំលងអាធ្រាតឈានចូលថ្ងៃទី ២៩ខែមករា ឆ្នាំ២០២១ នៅចំណុច ប៊ូទិក សេនធ័រផូល ស្ថិតនៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប។
ជនរងគ្រោះឈ្មោះ BRABHAM PAMELA SANDERS ភេទ ស្រី កើតថ្ងៃទី២០-១០-១៩៥២ ជនជាតិ អាមេរិក កាន់លិខិតឆ្លងដែនលេខ ៥៦៧០៦៨៣៨២ មុខរបរ ចូលនិវត្តន៍ ស្នាក់នៅទីតាំងកេីតហេតុខាងលេី។
មន្ត្រីជំនាញបានថ្លែងបន្ថែមថា ផ្អែកតាមការស្រាវជ្រាវ របស់សមត្ថកិច្ចជំនាញ និងលោកគ្រូពេទ្យអមតុលាការ បានសន្និដ្ឋានបឋមថា៖ ជនរងគ្រោះ ស្លាប់ដោយសារជំងឺគាំងបេះដូង។ សាកសព ត្រូវបានបញ្ជូនទៅតម្កល់ទុក បណ្តោះអាសន្ន នៅវត្តស្ទឹងមានជ័យ រាជធានីភ្នំពេញ ដើម្បីរង់ចាំការសម្រេចពីក្រុមគ្រួសារ និងស្ថានទូត៕SRP