ខេត្តសៀមរាប៖ពិតជារឿងចម្លែក ដោយពលរដ្ឋ ប្រទះឃើញ ម៉ូតូមួយគ្រឿងផ្ងារជើងឡើងលើ និងស្បែកជើងមួយគូ ប្លុងចោលនៅវាលស្រែ។
ហេតុការណ៍នេះ កើតឡើងនៅម៉ោងប្រមាណជាង ១០ព្រឹក ថ្ងៃទី២៩ ខែធ្នូ ឆ្នាំ ២០២០ នេះ ស្ថិតនៅចំណុច ភូមិរលួសខាងលិច ឃុំរលួស ស្រុកប្រាសាទបាគង្គ ខេត្តសៀមរាប។
អាជ្ញាធរស្រុកប្រាសាទបាគងបានឲ្យដឹងថាក្រោយទទួលបាន សេចក្តីរាយការណ៍ ពីពលរដ្ឋសមត្ថកិច្ច ចម្រុះ បានទៅដល់ ពិតជាឃើញម៉ូតូមែន តែពុំឃើញម្ចាស់ ក៏ដាក់ពង្រាយកំលាំងស្រាវជ្រាវ ពិនិត្យជុំវិញ តែនៅមិនឃើញម្ចាស់។
អាជ្ញាធរបន្តថា ម៉ូតូ ដែលត្រូវជនមិនស្គាល់មុខយកមកផ្លុងចោលម៉ាក ហុងដាC១២៥ ពណ៌ខ្មៅ ស៊េរីឆ្នាំ 2018 ស្លាកលេខ ១AF-៦២០៧ បាត់ដំបង មានលេខតួ ៥២៩១៤១១ កូនសោជាប់ជាមួយ។
ជុំវិញករណីនេះ លោក ភឹង ចិន្តារ៉េត ស្នងការរងខេត្តទទួលផែនព្រណ្មទណ្ឌ បានបញ្ជាអោយយកវត្តុតាង ទៅរក្សាទុក នៅអធិការដ្ឋាន រង់ចាំការស្រាវជ្រាវបន្ត៕SRP
