ខេត្តព្រះវិហារ៖ទីតាំងសិប្បកម្មខុសច្បាប់ធំៗ កំពុងលួចកាប់ឈើចេញពីសហគមន៍ក្នុងដែនជម្រកសត្វព្រៃបឹងពែរ ក្រោម
ខ្សែភ្នែកមន្ត្រីបរិស្ថាន និងមន្ត្រីរដ្ឋបាលព្រៃឈើនៅតាមផ្លូវជាតិលេខ៦២ កត្តានេះជាមេរោគបំផ្លាញព្រៃឈើក្នុងខេត្តព្រះវិហារយ៉ាងរង្គាល។
ពលរដ្ឋនៅភូមិអូពោធិរិះគន់ អាជ្ញាធរពាក់ព័ន្ធក្នុងខេត្តព្រះវិហារថា បណ្ដែតបណ្ដោយឱ្យមានរោងសិប្បកម្មកែច្នៃឈើខុសច្បាប់ជាច្រើនកន្លែងនៅតាមដងផ្លូវជាតិលេខ៦២ ចំណុចផ្លូវចូលក្រុមហ៊ុនអានម៉ារ៉ាឌី ស្ថិតក្នុងឧបសម្ព័ន្ធភូមិអូពោធិ ឃុំរមណី ស្រុករវៀង ខេត្តព្រះវិហារ ដែលអ្នកឃើញហេតុការណ៍ទាំងនោះបានចាត់ទុកថា ជាប្រភពនៃវិនាសកម្មព្រៃឈើក្នុងដែនជម្រកសត្វព្រៃបឹងពែរ។
រោងសិប្បកម្មកែច្នៃឈើប្រណិតជាច្រើនកន្លែង ឋិតនៅភូមិឃុំស្រុកខាងលើ ដែលពលរដ្ឋ និងក្រុមអ្នកសារព័ត៌មាន ចុះដល់កន្លែងរោងសិប្បកម្ម កាលពីថ្ងៃពីថ្មីៗនេះដោយ មានសិប្បកម្ម៣ទីតាំងរួមមានឈ្មោះ ១ឈ្មាះ បិន ២ឈ្មោះ ស៊ាង ឃីម ៣ឈ្មោះ ដា អ្នកទាំងអស់នេះជាម្ចាស់សិប្បកម្មធំៗ។
ទាក់ទងនឹងរឿងខាងលើនេះ អ្នកសារព័ត៌មានបានទំនាក់ទំនងទៅលោក ចំរើន មន្ត្រីបរិស្ថាន ដែលឈរជើងនៅទីនោះ លោកឆ្លើយប្រាប់តាមទូរស័ព្ទ ដោយទទួលស្គាល់ថា (មានសិប្បកម្មកែច្នៃឈើខុសច្បាប់មែន តែធ្វើដោយលួចលាក់ទេ កន្លងទៅយើងបានបញ្ឈប់ និងធ្វើកិច្ចសន្យាម្ដងហើយ តែដល់ក្រោយមក ពួកគេលួចធ្វើទៀត តែឥឡូវនេះខ្ញុំមិននៅកន្លែងទេរ ខ្ញុំរវល់នៅក្នុងព្រៃ។
ប្រភពដដែលបានបន្តទៀតថាសិប្បកម្មកែច្នៃឈើធំៗខាងលើ
បានទទួលទិញឈើពីក្រុមជនល្មើស កាប់ចេញពីសហគមន៍ជាំព្រៃ ព្រៃបារាំង ព្រៃសហគមន៍រំចេក ក្នុងភូមិសាស្ត្រដែនជម្រកសត្វព្រៃបឹងពែរ។
ឈើទាំងអស់ហ្នឹងគេដឹកកាត់ទំហំមានមុខ៣០ .៤០.៨០.៩០ (សង្ឃទីម៉ែត្រ)។
ពលរដ្ឋបានបញ្ជាក់ថារោងសិប្បកម្មទាំងនោះ បើមើលពីខាងក្រៅ មានលក្ខណៈទ្រង់ទ្រាយតូច ក៏ប៉ុន្តែបើនៅតែបណ្ដែតបណ្ដោយឱ្យដំណើរការយូរៗ ទៅ នឹងកាន់តែបង្កការគំរាមកំហែងធំធេង ដល់ព្រៃអភិរក្ស៕SRP
