កសិកម្ម កីឡា.ទេសចណ៍ ពាណិជ្ជកម្ម

ខេត្តបាត់ដំបង៖អ្នកសារព័ត៌មានជាង១០០នាក់ត្រូវបានរាំងខ្ទប់មិនឲ្យចូលយកព័ត៌មាន ក្នុងពិធីប្រកាសតែងតាំងស្នងការខេត្តបាត់ដំបងកាលពីម្សិលមិញ។ អ្នកសារព័ត៌មាន ជាង១០០នាក់ទាំងនោះខ្លះនៅបាត់ដំបង ខ្លះទៀតមកពីណាខេត្តដើម្បីចូលរួមយកព័ត៌មាន ប្រកាសលោកឧត្តមសេនីយ៍ត្រី សាត គឹមសាន ស្នងការរង នៃស្នងការដ្ឋាននគរបាលខេត្តបាត់ដំបង ជាស្នងការថ្មី នៃស្នងការដ្ឋាននគរបាលខេត្តបាត់ដំបង ជំនួសលោកឧត្តមសេនីយ៍ទោ អ៊ុច សុខុន ដែលត្រូវបានដាក់អោយចូលនិវត្តន៍ និងត្រូវបានតែងតាំងជាទីប្រឹក្សាក្រសួងមហាផ្ទៃ។ ក៏ប៉ុន្តែត្រូវបានរារាំងមិនឲ្យចូលយកព័ត៌មានឡើយ ករណីនេះនាំឲ្យអ្នកសារព័ត៌មាន មានការអាក់អន់ចិត្តយ៉ាងខ្លាំង។
ជុំវិញការរារាំងមិនឲ្យអ្នកសារព័ត៌មានចូលទៅក្នុងពិធីប្រកាសតែងតាំងស្នងការថ្មីនេះស្នងការនគរបាលខេត្តបាត់ដំបង នៅថ្ងៃទី ២៤ខែកញ្ញាឆ្នាំ ២០២០នេះ បានបំភ្លឺភ្លឺជូនសាធារណជន ចំពោះបញ្ហាមិន បានអនុញ្ញាតឱ្យអ្នកសារព័ត៌មានចូលទៅក្នុងសាលប្រារព្វពិធីទាំងចំនួនជាង១០០នាក់ ៖ក្រុមការងារប្រតិកម្មរហ័សនៃស្នងការដ្ឋាននគរ បាលខេត្តបាត់ដំបងមានកិត្តិយសសូមជម្រាបជូនសាធារណជនពិសេស អ្នកសារព័ត៌មាននិង បង ប្អូនដែលនិយមប្រើប្រាស់បណ្តាញសង្គមបានជ្រាបថា កាលពីព្រឹកថ្ងៃទី ២៣ ខែ កញ្ញា ឆ្នាំ២០ ២០ ស្នងការដ្ឋាននគរបាលខេត្តបាត់ដំបង បាន រៀប ចំពិធីប្រកាសតែងតាំងមុខតំណែងនិងបំពាក់ឋានន្តរសក្តិ ស្នងការនៃស្នងការដ្ឋាននគរបាលខេត្តបាត់ដំបង ដែលពិធីនេះស្ថិតក្រោមអធិបតី ភាព ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ តំ ណាង ដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ឯកឧត្តម អ៊ុយ រី ប្រធានក្រុមប្រឹក្សាខេត្តបាត់ដំបង និង ឯកឧត្តម ងួន រតនៈ អភិបាលនៃគណៈអភិ បាល ខេត្តបាត់ដំបង ។

វត្តមានឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ មានភ្ញៀវកិត្តិយស និងសមាជិក សមាជិការចូលរួមយ៉ាងច្រើនកុះករ ។ ជាមួយនេះក៏មានអ្នកសារព័ត៌មានរហូតដល់ចំ នួន១១០នាក់ដែលលោកបានអញ្ជើញមកកាន់ទី នេះដែរ ។ ដោយសារការរៀបចំទីកន្លែងប្រារព្វពិធីសម្រាប់អ្នកចូលរួមមានចំនួន កំណត់ ហើយបញ្ហាដែលត្រូវយកចិត្តទុកដាក់បំផុតនាពេល នោះ គឺ ការរក្សាឱ្យបាន នូវគម្លាតសុវត្ថិភាពបុគ្គល ស្របតាមការណែនាំរបស់ក្រសួងសុខាភិបាលទាក់ទងនឹងករណីឆ្លងជម្ងឺCovid-19 និងម៉្យាងដើម្បីរក្សាបាន នូវសណ្តាប់ធ្នាប់ របៀបរៀបរយ ល្អប្រសើរក្នុងពេលដំណើរការកម្មវិធីនេះ ទើបក្រុមការងាររៀបចំកម្មវិធី បានអនុញ្ញាតដល់អ្នក សារព័ត៌មានលោកចូលទៅក្នុងសាលប្រារព្វពិធី មានចំនួនសមល្មមតែប៉ុណ្ណោះ ។ ពិធីប្រកាសតែងតាំងមុខតំណែងនិងបំពាក់ឋានន្តរសក្តិ ស្នង ការនៃស្នងការដ្ឋាននគរបាលខេត្តបាត់ដំបងបាន ដំណើរការជាចំហរនិងជាប្រក្រតី តាមរៀបវរៈក្រោមវត្តមានភ្ញៀវកិត្តិយស សមជិក សមាជិការ ចូលរួមដែលលោកជាសាក្សីក្នុងពិធីនេះ ដោយ មិនមានការលាក់កំបាំងធ្វីទេ ហើយខ្លឹមសារនៃអង្គពិធីក៏ត្រូវបានផ្សព្វផ្សាយជាសាធារណៈក្រោយ ពេលប្រារព្វពិធីរួចភ្លាមៗតាមរយៈប្រពន័្ធផ្សព្វផ្សាយនានានិងតាមរយៈបណ្តាញសង្គម។

ជាមួយនេះក៏សូមការអធ្យាស្រ័យចំពោះអ្នកសារ ព័ត៌មានមួយចំនួនធំដែលមិនបានអនុញ្ញាតឱ្យចូលទៅខាងក្នុងសាលប្រារព្វពិធីតាមបំណង។

ខ្លឹមសារដូចបានជម្រាបជូនខាងលើ សូមសា ធារណជនទូទៅ ពិសេសអ្នកសារព័ត៌មាន និងអ្នក និយមប្រើ ប្រាស់បណ្តាញសង្គមមេត្តាជ្រាប សូមអរគុណ៕SRP

ខេត្តសៀមរាប៖សមត្ថកិច្ចស្រុកបន្ទាយស្រីបានឱ្យដឹងថាមនុស្សចំនួនពីរនាក់ត្រូវបានឃាត់ខ្លួនករណីជួញដូរនិងប្រេីប្រាស់គ្រឿងញៀនដោយខុសច្បាប់។
ការឃាត់ខ្លួននៅម៉ោង ២១និង៣០នាទី ថ្ងៃទី២៣ខែកញ្ញាឆ្នាំ២០២០ នៅចំណុចភូមិខ្នារ ឃុំខ្នារសណ្តាយ ស្រុកបន្ទាយស្រី។
សមត្ថកិច្ចបានបន្តថាក្រោយឃាត់ខ្លួនដកហូតវត្ថុតាងម៉ូតូ០១គ្រឿង ម្សៅក្រាមពណ៌ស ហ្វេតំវីតា មីន ០១កញ្ចប់ ទូរស័ព្ទដៃ០២គ្រឿង ។ កសាងសំណុំរឿងបញ្ជូនទៅតុលាការដេីម្បីចាត់ការតាមនីតិវិធីច្បាប់៕SRP

ខេត្តស្ទឹងត្រែង៖ជនជាតិដើមភាគតិចព្នង បាននាំគ្នាសែនឡើងក្បាលស្រែដល់អ្នកតាភ្នំ ដើម្បីសុំសេចក្តីសុខ និងបង្ហាញពីប្រពៃណីទំនៀមទម្លាប់របស់ជនជាតិព្នងសម្រាប់កូនចៅជំនន់ក្រោយបានស្គាល់ និងជួយបន្តអភិរក្ស។

ក្នុងពិធីសែនក្បាលស្រែ នៅភូមិ ឃុំក្បាលរមាស ស្រុកសេសានខេត្តស្ទឹងត្រែងកាលថ្ងៃទី២២ខែកញ្ញា លោកច្រូ ញ៉ុង មេកន្រ្ទាញជនជាតិព្នងនៅក្នុងឃុំនេះ បាន ឱ្យដឹងថា ពិធីនេះមានគោលបំណងសុំឱ្យស្រែស្រូវដែលបានដាំដុះទទួលបានផ្លែផ្កាល្អនិងឱ្យលោកតាព្រៃភ្នំ ដែលថែរក្សាទឹក ដី ព្រៃឈើ ក្រំថ្ម អ្នកតាប្រយ៉ុងស្រែ ជួយ ការពារព្រៃឈើឱ្យនៅគង់វង្ស ដំណាំដាំដុះកុំឱ្យកើតជំងឺ និងកុំឱ្យមានសត្វព្រៃឬសត្វល្អិតចង្រៃមកយាយីស៊ីបំផ្លាញ។

លោកស្រី ឃ្លឿប ជា បានឱ្យដឹងថា តាំងពីលោកដឹងក្តីមក បងប្អូនជនជាតិតែងបានគោរពប្រពៃណីរបស់ជនជាតិ ដូចជាជនជាតិ ព្នង ព្រៅ គួយ ទំពួន ចារាយ ស្ទៀង គ្រឹង ការវែតជាដើមបានធ្វើពិធីនេះដូចគ្នា ជាពិសេសការសែន ព្រេន សុំព្រះធរណីឱ្យដាក់គ្រាប់ពូជដាំដុះ ដាក់ចុះដុះឡើង សែនប្រយ៉ុងស្រែសុំឱ្យបានភោគផលច្រើនសែនស្រូវឡើងជង្រុកទុកដាក់ឱ្យគង់វង្ស និងសែនដឹងគុណព្រះម៉ែ ដែលចិញ្ចឹមកូនចៅបានធំធាត់។

លោក តា គ្រុយូ ជនជាតិព្នង នៅភូមិក្បាលរមាសបានលើកឡើងថា៖ ពិធីនេះមិនខុសពីបងប្អូនខ្មែរធ្វើពិធីសែនព្រេននៅវត្តអារាមនោះទេ គ្រាន់តែបងប្អូនជនជាតិ បាននាំគ្នាធ្វើនៅតាមរោងអ្នកតា និងទី កន្លែងធ្លាប់គោរពបូជាផ្សេងៗ ដូចដែលចាស់ទុំជនជាតិ មានទម្លាប់ធ្វើជាយូរយា រមកហើយ។

លោកតាបន្តថា៖ពិធីសែនលើកនេះក៏ដូចសព្វដងដែរ មេកន្ទ្រាញតែងកោះហៅទាំងក្មេងចាស់ប្រុសស្រីមកជួបជុំសែន ព្រេន ប្រមូលគ្នាយកអាហារ នំចំណី មានមាន់ អង្ករ បង្អែម អន្សម ស្រាពាង ជា ដង្វាយ សែនព្រេន សុំឱ្យអ្នកតាប្រយ៉ុងស្រែជួយឱ្យស្រែស្រូវបានផលច្រើនទាំង អស់គ្នា។

សូមបញ្ជាក់ថា នៅស្រុកសេសានមាន អម្បូរជនជាតិព្នងនៅឃុំក្បាលរមាសជនជាតិព្រៅនៅឃុំកំភុន និងជនជាតិគ្រឹងនៅឃុំតាឡាត ដែលកំពុងអភិរក្សនៅប្រពៃណីនេះដូចគ្នា៕SRP