ព័ត៌មានជាតិ – Page 536

ខេត្តកំពង់ធំ៖យ៉ាងហោចណាស់មនុស្សពីរនាក់បានស្លាប់និងម្នាក់ទៀតរងរបួសដោយសារគ្រោះថ្នាក់ចរាចរណ៍ វាងគោយន្តកន្ត្រៃ និងម៉ូតូ។

ហេតុការណ៍បានកើតឡើងនៅវេលាម៉ោង១៨ និង៥៥នាទី ថ្ងៃទី ២២ ខែ កញ្ញា ឆ្នាំ២០២០ ត្រង់ចន្លោះគីឡូម៉ែត្រ ២០៨-២០៩ ស្ថិតនៅភូមិ នាងនយ ឃុំចំណាក្រោម ស្រុកស្ទោង ខេត្តកំពង់ធំ។

យោងតាមរបាយការណ៍សមត្ថកិច្ចបានឲ្យដឹងថា

១.ម៉ូតូម៉ាកវ៉េវ ពណ៌ខ្មៅ គ្មានស្លាកលេខ បើកបរដោយឈ្មោះ ឡាង ឡែន ភេទ ប្រុស អាយុ២៩ ឆ្នាំទីលំនៅភូមិព្រះនង្គល័ ឃុំ ចំណាក្រោម ស្រុកស្ទោង ខេត្តកំពង់ធំ ស្លាប់នៅ កន្លែងកើតហេតុ មិនពាក់មួកសុវត្ថិភាព ។

២.អ្នករួមដំណើរឈ្មោះ ឡំ ភេទ ប្រុស អាយុ ២៥ ឆ្នាំទីលំនៅភូមិព្រះនង្គ័ល ឃុំចំណាក្រោម ស្រុកស្ទោង ខេត្តកំពង់ធំ (របួសធ្ងន់) មិនពាក់មួកសុវត្ថិភាព។

៣. អ្នករួមដំណើរ ដា ភេទ ប្រុស អាយុ ៣២ទីលំនៅភូមិក្រសាំង ឃុំសាន់គរ ស្រុកកំពង់ស្វាយ ខេត្តកំពង់ធំ
(ស្លាប់នៅកន្លែងកើតហេតុ) មិនពាក់មួកសុវត្ថិភាព។

ចំណែកអ្នកបើកបរគោយន្តកន្ត្រៃ ដឹកធ្យូង ឈ្មោះ សេក ស៊ីម ភេទ ប្រុស អាយុ៤៣ ឆ្នាំនៅភូមិ ពពេច ឃុំចុងដូង ស្រុកបារាយណ៍ខេត្តកំពង់ធំ (នាំខ្លួនទៅអធិការដ្ឋាននគរបាលស្រុកស្ទោង ដើម្បីបំពេញនីតិវិធី។
បើតាមជំនាញបានបញ្ជាក់មូលហេតុ គឺបណ្តាលមកពីអ្នកបើកបរគោយន្តកន្ត្រៃដឹកធ្យូង ពីក្រោយបាំងភ្លើង គេមើលមិនឃើញ គួបផ្សំអ្នកបើកបរម៉ូតូ បើកបរមានល្បឿនលឿនខ្ជីខ្ជារខ្វះការប្រុងប្រយ័ត្ន។ ជនរងគ្រោះរបួសធ្ងន់បានបញ្ជូនទៅសង្គ្រោះនៅមន្ទីពេទ្យបង្អែកស្រុកស្ទោង។ វត្ថុតាងគោយន្ត និងម៉ូតូទាំងពីរបានយកមករក្សាទុកនៅអធិការដ្ឋាននគរបាលស្រុកស្ទោងដើម្បីរង់ចាំការដោះស្រាយ៕SRP

ខេត្តកំពង់ចាម៖អភិបាលខេត្តកំពង់ចាម លោក អ៊ុន ចាន់ដា បានបញ្ជាមន្ត្រីពាក់ព័ន្ធ ឲ្យធ្វើការត្រួតពិនិត្យកន្លែងទទួលបញ្ចាំនានា បេីសិនជាគ្មានច្បាប់អនុញ្ញាតទេ គឺត្រូវបិទអាជីវកម្មនោះចោលតែម្ដងដើម្បីរួមគ្នាទប់ស្កាត់ និងប្រឆាំងនូវបទល្មើសឧក្រិដ្ឋ។
ថ្លែងយ៉ាងដូច្នេះក្នុងកិច្ចប្រជុំផ្សព្វផ្សាយរបាយការណ៍ ស្តីពីលទ្ធផលការងារត្រួតពិនិត្យគ្រឿងញៀនឆមាសទី១ និងលើកទិសដៅការងារឆមាសទី២ ឆ្នាំ២០២០ របស់អាជ្ញាធរជាតិប្រយុទ្ធប្រឆាំងគ្រឿងញៀន ដែលបានធ្វើឡើងនាព្រឹកថ្ងៃទី២២ ខែកញ្ញា ឆ្នាំ២០២០ នៅសាលាខេត្តកំពង់ចាម ក្រោមវត្តមាននាយឧត្តមសេនីយ៍ មាស វិរិទ្ធ អគ្គលេខាធិការនៃអគ្គលេខាធិដ្ឋាន អាជ្ញាធរជាតិប្រយុទ្ធប្រឆាំង
គ្រឿងញៀន ។
លោក អ៊ុន ចាន់ដា ប្រធានគណៈកម្មាធិការត្រួតពិនិត្យគ្រឿងញៀនខេត្តកំពង់ចាម បានសម្តែងនូវការកោតសរសើរ ចំពោះកិច្ចខិតខំប្រឹងប្រែងដោយមិនខ្លាចការនឿយហត់របស់កម្លាំងសមត្ថកិច្ចយើង ចាប់ពីថ្នាក់ខេត្តរហូតដល់មូលដ្ឋាន ទៅលើការប្រើប្រាស់នូវវិធានការ និងមធ្យោបាយសរុប ដើម្បីរួមគ្នាទប់ស្កាត់ និងប្រឆាំងនូវបទល្មើសឧក្រិដ្ឋ នោះគឺការជួញដូរ និងការប្រើប្រាស់គ្រឿងញៀនពីសំណាក់ក្រុមឧក្រិដ្ឋជន។ ដោយមានការពុះពារជំនះនូវគ្រប់ឧបសគ្គរបស់កម្លាំងសមត្ថកិច្ចយើង បានបង្ក្រាបឧក្រិដ្ឋជនគ្រឿងញៀនទាំងនោះ ហើយបានបញ្ជូនទៅកាន់ស្ថាប័នតុលាការ ដើម្បីវិនិច្ឆ័យទោសជាបន្តបន្ទាប់ ធ្វើឲ្យស្ថានភាពនៃបទល្មើសជួញដូរគ្រឿងញៀននៅក្នុងខេត្តកំពង់ចាម ក្នុងរយៈពេល ៦ខែដើមឆ្នាំ២០២០នេះ មានការថយចុះគួរឲ្យកត់សម្គាល់ បើប្រៀបធៀបទៅនឹងរយៈពេលដូចគ្នានៅក្នុងឆ្នាំ២០១៩។
អភិបាលខេត្ត បានសង្កត់ធ្ងន់ថា ផ្តេីមចេញពីគ្រឿងញៀននេះដែរ បទល្មើសផ្សេងៗ រួមទាំងបទល្មើសព្រហ្មទណ្ឌ ក៏កេីកមានឡើងផងដែរ ដូច្នេះត្រូវទាមទារឲ្យមានការអនុវត្តឲ្យបានម៉ឺងម៉ាត់បំផុត ជាពិសេសត្រូវពិនិត្យកន្លែងទទួលបញ្ចាំនានា បេីគ្មានច្បាប់អនុញ្ញាតទេ គឺត្រូវបិទអាជីវកម្មនោះចោលតែម្ដង។ ក្រៅពីការងារនៅខាងក្រៅផ្ទះ សូមកុំភ្លេចពិនិត្យមើលក្នុងក្រុមគ្រួសារយេីងផង បេីមានជាប់ពាក់ព័ន្ធសារធាតុញៀន សូមកុំឲ្យមានការខ្មាសអៀនអី គឺត្រូវប្រញាប់បញ្ជួនទៅមន្ទីរពេទ្យជាបន្ទាន់ ដេីម្បីធ្វើការព្យាបាលផ្តាច់ញៀន។
គួរបញ្ជាក់ផងដែរថា ក្នុងឆមាសទី១ ឆ្នាំ២០២០នេះ សមត្ថកិច្ចបានបង្ក្រាបបទល្មើស ជួញដូរ និងប្រើប្រាស់គ្រឿងញៀននៅទូទាំងខេត្តកំពង់ចាម ចំនួន១៩៩ករណី ឃាត់ខ្លួនជនសង្ស័យ ចំនួន៧០៣នាក់ ស្រី៣០នាក់ វត្ថុតាងរួមមាន គ្រឿងញៀនម្សៅក្រាមពណ៌សថ្លា ជាប្រភេទមេតំហ្វេតាមីន មានទម្ងន់ ១,៤១៦,៨៦ ក្រាមទាំងសំបក ជញ្ជីងអេឡិចត្រូន១០គ្រឿង និងសម្ភារពាក់ព័ន្ធនៃការបង្ក្រាបមួយចំនួនទៀត៕SRP

ខេត្តសៀមរាប៖ក្រុមការងារគណ:កម្មការអន្តរក្រសួង ដឹកនាំដោយលោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន និង ជាអនុប្រធានអចិន្ត្រៃយ៍គណៈកម្មការអន្ដរក្រសួង និង រដ្ឋបាលខេត្តសៀមរាប ដឹកនាំដោយលោក ទៀ សីហា អភិបាលខេត្ត នៅព្រឹកមិញបានចុះពិនិត្យមើលស្ថានភាពផ្លូវនៅក្រុងសៀមរាប រួមមាន ៖ ផ្លូវហ្សាដឺហ្គោល , ផ្លូវកូម៉ៃផ្លូវ , ជាតិលេខ៦ , ផ្លូវក្រវ៉ាត់ក្រុងសៀមរាប , ផ្លូវអមមាត់ស្ទឹងសៀមរាប , ផ្លូវឆ្ពោះទៅរមណីយដ្ឋានបារាយណ៍ទឹកថ្លា និងផ្លូវសំខាន់ៗជាច្រើនទៀតនៅក្នុងក្រុងសៀមរាប។

សូមរំលឹកថាកាលពីថ្ងៃទី១១ ខែកញ្ញា ឆ្នាំ២០កន្លងទៅថ្មីៗ២០នេះ លោក យិត ប៉ុណ្ណា រដ្ឋលេខាធិការក្រសួងសាធារណការនិងដឹកជញ្ជូន បានដឹកនាំក្រុមការងារបច្ចេកទេស របស់គណៈកម្មការអន្តរក្រសួង បើកកិច្ចប្រជុំពិភាក្សាលើកទី១ ជាមួយរដ្ឋបាលខេត្តសៀមរាប ដឹកនាំដោយលោក ទៀ សីហា ខេត្ត ស្តីពីគម្រោងអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ក្នុងក្រុងសៀមរាប ដែលកិច្ចពិភាក្សានោះ បានសិក្សាលើប្រការដែលចាំបាច់បំផុតគឺ ពិនិត្យស្ថិរភាពផ្លូវថ្នល់ , រក្សាបរិស្ថានធម្មជាតិនៃទីក្រុងជាមួយស្ទឹងសៀមរាប , លើកកិត្តិយសជាទីក្រុងវប្បធម៌ ប្រវត្តិសាស្រ្ត ទាក់ទាញភ្ញៀវទេសចរជាតិ-អន្តរជាតិ និងបញ្ជ្រាបសុខុមាលភាពនៃតំបន់ដែលត្រូវអភិវឌ្ឍន៍ ដែលគម្រោងអភិវឌ្ឃន៍នេះ ជាចក្ខុវិស័យរបស់ប្រមុខរាជរដ្ឋាភិបាល ក្នុងក្តីរំពឹងទុកជាវិជ្ជមាន សម្រាប់តំបន់អង្គរ-សៀមរាប ត្រៀមខ្លួនស្វាគមន៍ភ្ញៀវទេសចរអន្តរជាតិ នាពេលអនាគត់ក្រោយវិបត្តិកូវីត១៩ ពិសេសនោះ ការស្ថាបនាផ្លូវ ត្រូវតែជាបណ្តាញផ្លូវប្រទាក់ក្រឡាសមាហរណកម្មជាមួយនឹងបណ្តាញផ្លូវដែលមានស្រាប់ បម្រើឲ្យការរំដោះលំហូរចរាចរណ៍នៃយានយន្ត ដែលត្រូវកើនឡើងនាពេលខាងមុខ រួមទាំងការបន្ស៊ីគ្នាជាមួយគម្រោងប្រព័ន្ធលូទឹកកខ្វក់ របស់គម្រោងដៃគូអភិវឌ្ឍ គឺគម្រោងរបស់ធនាគាពិភពលោកនិងកូរ៉េ ដើម្បីធានាបាននូវប្រព័ន្ធចែកដាច់ពីគ្នា រវាងទឹកភ្លៀងនិងទឹកកខ្វក់ ផងដែរ។

សូមជម្រាបថា កាលពីថ្មីៗនេះសម្តេចតេជោ ហ៊ុន សែន នាយករដ្ឋមន្ត្រី បានប្រកាសពីការសម្រេចកញ្ចប់ថវិកាចំនួន ១៥០លានដុល្លារអាមេរិក សម្រាប់អភិវឌ្ឍន៍កសាងផ្លូវនៅក្នុងទីរួមខេត្តសៀមរាប ។
សម្តេចតេជោ បានសរសេរបញ្ជាក់បន្ថែមថា ហេដ្ឋារចនាសម្ព័ន្ធផ្លូវតូចធំដែលមានចំនួន ៣៨ ខ្សែ ដែលគ្រោងនឹងសាងសង់នៅក្នុងទីរួមខេត្តនេះ នឹងជួយលើកស្ទួយដល់ជីវភាពរស់នៅរបស់ប្រជាពលរដ្ឋ ហើយនឹងជួយជំរុញដល់កំណើនសេដ្ឋកិច្ចជាតិនៅក្រោយជំងឺកូវីដ១៩៕SRP

Sponsored

ខេត្តសៀមរាប៖ការិយាល័យប្រឆាំងបទល្មើសគ្រឿងញៀនអាវុធហត្ថខេត្តសៀមរាបបានប្រាប់បណ្ដាញសៀមរាបប៉ុស្ដិ៍នៅរសៀលថ្ងៃនេះថាអ្នកកាសែតម្នាក់រួមនឹងបក្ខពួកបីនាក់ទៀតត្រូវបានចាប់ខ្លួនពីបទជួញដូរ និង ប្រើប្រាស់ដោយខុសច្បាប់នូវសារធាតុញៀន។

ការឃាត់ខ្លួនធ្វើឡើងនៅវេលាម៉ោង ១៦ និង០០នាទី ថ្ងៃទី ២១ខែកញ្ញា ឆ្នាំ២០២០នៅចំណុចភូមិគោកដូង សង្កាត់ទឹកវិល ក្រុងសៀមរាប ខេត្តសៀមរាប ដោយកម្លាំងការិយាល័យប្រឆាំងគ្រឿងញៀនខេត្តដឹកនាំដោយលោកវសេនីយ៍ត្រី ធាវ ច័ន្ទតារា ។

ជនសង្ស័យ៖១.ឈ្មោះយ៉ែន សុយ៉ា ភេទប្រុស អាយុ៣៦មុខរបរ កាសែតហិរូ័មេនញូ រស់នៅភូមិគោកដូង សង្កាត់ទឹកវិល ក្រុងសៀមរាប ខេត្តសៀមរាប។

២.ឈ្មោះសុ វិសាល អាយុ២៩ ឆ្នាំមុខរបរជាងឡាន រស់នៅភូមិគោកដូង សង្កាត់ទឹកវិល ក្រុងសៀមរាប ខេត្តសៀមរាប។

៣.ឈ្មោះអ៊ុន ស្រីពេជ្រ ភេទ ស្រី អាយុ ២២ ឆ្នាំមុខរបរមិនពិតប្រាកដ រស់នៅភូមិបុប្រក់ខាងត្បូងសង្កាត់កាកាប ខ័ណ្ឌ ពោធិ៍សែនជ័យ រាជធានីភ្នំពេញ។

៤.ឈ្មោះ ជា ស្រីពេជ្រ ភេទស្រី អាយុ ១៨ ឆ្នាំមុខរបរអាជីវករ រស់នៅភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប។

បើតាមមន្ត្រីអាវុហត្ថបញ្ជាក់ថាក្រោយចាប់ខ្លួនដកហូតថ្នាំញៀនម្សៅក្រាមព៌ណសថ្លាចំនួន ០៣កញ្ចប់ទម្ងន់ ៩.០២ ក្រាម។

– ទូរស័ព្ទដៃចំនួន០៥ គ្រឿងនិង (វិទ្យុទាក់ទងចំនួន០១គ្រឿ)។

-ជញ្ជីងថ្លឹងថ្នាំញៀន១ គ្រឿង។

-ថង់ពណ៌សកិបមាត់សម្រាប់ច្រកថ្នាំញៀនមួយចំនួន។

-ឧបករណ៍ប្រើប្រាស់ថ្នាំញៀនមួយចំនួន ។ធ្វើតេស្តទឹកនោមចំនួន០៥ នាក់ប្រុស ០២ នាក់និងស្រី ០២ នាក់ ( វិជ្ជមានចំនួន ០៤នាក់ ) ។បច្ចុប្បន្ន ជនសង្ស័យនិងវត្ថុតាង ត្រូវបានកសាងសំណុំរឿងបញ្ជូនទៅតុលាការ៕SRP

ខេត្តសៀមរាប៖លោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្តសៀមរាប បានថ្លែងប្រាប់ថា ចំពោះការផ្សាយ ឬបង្ហោះសារ ដោយចោទប្រកាន់ថា មានការបង់ប្រាក់ដល់មន្ត្រីប៉ូលិស ឬមន្ត្រីប៉ូលិសដើរដាក់ខែ តាមកន្លែងម៉ាស្សាក្នុងខេត្ត សៀមរាប លោកសុំធ្វើការបដិសេធចោលទាំងស្រុង។ ត្បិតការផ្សាយឬបង្ហោះសារតាមបណ្តាញសង្គមរបស់បុគ្គល គ្រាន់តែជាការញុះញង់ និងបំពុលបញ្ហាសន្តិសុខសង្គមដល់ខេត្តទេសចរណ៍សៀមរាបអង្គរតែប៉ុណ្ណោះ។ ផ្ទុយទៅវិញបុគ្គលទាំងនោះ គឺផ្សាយព័ត៌មានគ្មានមូលដ្ឋានទាំងអស់។

លោកឧត្តមសេនីយ៍ទោ ទិត្យ ណារ៉ុង ថ្លែងយ៉ាងដូច្នេះគឺបន្ទាប់ពីមានការផ្សព្វផ្សាយតាមបណ្តាញសង្គមថា មានកន្លែងម៉ាស្សាច្រើនណាស់ តែប៉ូលិសមិនបង្ក្រាប ព្រោះគេបង់លុយខែអោយមេប៉ូលិស ការិយាល័យប្រឆាំងការជួញដូរមនុស្ស។

ពាក់ព័ន្ធករណីលោកវរសេនីយ៍ទោជា ហេង នាយការិយាល័យនគរបាលប្រឆាំងការជួញដូរមនុស្សនិងការពារអនីតិជនខេត្តសៀមរាប បានថ្លែងប្រាប់ថា ចំពោះការបង្ហោះសារនេះ គឺជាការបង្ក បំពុល សង្គមរបស់បុគ្គ។ មិនមានការបង់លុយខែ ឬដើរដាក់ ខែតាមកន្លែងម៉ាស្សា ដូចការចោទប្រកាន់នោះឡើយ។

លោកជា ហេង បន្ថែមថា ថ្មីៗនេះមានអាខោនហ្វេសប៊ុឈ្មោះLee Seang បានយករូបភាពដែលការិយាល័យរបស់លោកបង្ក្រាបកន្លែងម៉ាស្សាបង្កប់សេវាផ្លូវភេទ មកបង្ហោះដោយចោទថា កន្លែងម៉ាស្សាបែប នេះមានច្រើនណាស់តែប៉ូលិសមិនបង្ក្រាប ព្រោះគេបង់លុយអោយ។ ផ្ទុយទៅវិញ សកម្មភាពទាំងនេះ ការិយាល័យរបស់លោក ក្រោមការចង្អុលបង្ហាញរបស់លោកឧត្តសេនីយ៍ទោស្នងការខេត្ត គឺធ្វើការតាមដានស្រាវជ្រាវបង្ក្រាបជាបន្តបន្ទាប់។ ក្នុងអំពើសញ្ចារកម្ម ក្រៅពីកន្លែងម៉ាស្សា យើងក៏បានឃាត់ខ្លួនជនបរទេសបញ្ជូនទៅតុលាការច្រើនករណីផងដែរ។

បើតាមលោកនាយការិយាល័យ បញ្ជាក់ថា ក្នុងខេត្តសៀមរាប មានអាជីវកម្មម៉ាស្សាគ្មានច្បាប់ប្រមាណជា៦០កន្លែង។ប៉ុន្តែយើងអាចធ្វើការបង្ក្រាប តែកន្លែងបង្កប់សេវាផ្លូវភេទ និងកន្លែងដែលមានអនីតិជន តែប៉ុណ្ណោះ។ ចឹងទេការបង្ហោះសារចោទប្រកាន់ខាងលើ គឺជាការបំពុលសង្គមរបស់បុគ្គលតែប៉ុណ្ណោះ៕SRP

ខេត្តព្រះវិហារ៖សេចក្ដីរាយការណ៍បានឲ្យដឹងថាបើទោះបីជាមានការរឹតបណ្តឹងពីសំណាក់អាជ្ញាធរសមត្ថកិច្ចពាក់ព័ន្ធក្នុងការទប់ស្កាត់បទល្មើសព្រៃឈើយ៉ាងណាក៏ដោយ ក៏សកម្មភាពដឹកជញ្ជូនឈើនៅខេត្តព្រះវិហារនៅតែបន្តកើតមានយ៉ាងគគ្រឹកគគ្រេងបំផុតដោយមិនមានអ្នកបង្ក្រាបនោះទេ។

សេចក្ដីរាយការណ៍បានបន្តថាក្រុមឈ្មួញបានធ្វើសកម្មភាពដឹកជញ្ជូនឈើពីខេត្តព្រះវិហារ ចូលខេត្តកំពង់ធំ ខ្លាំងក្លាជាងមុនទៅទៀតព្រោះមន្ត្រីជំនាញនិងសមត្ថកិច្ចពាក់ព័ន្ធក្នុងខេត្តព្រះវិហារ ជាអ្នកបើកដៃ។ ព្រោះថាប្រសិនបើជាមន្ត្រីទាំងនោះមិនឃុបឃុតគ្នាបើកដៃទេនោះ ក៏ពួកឈ្មួញមិនហ៊ានធ្វើសកម្មភាពបានដោយរលូនដែរ។

ប្រភពបានឲ្យដឹងទៀតថា លោក ពឹង ទ្រីដា ប្រធានមន្ទីរកសិកម្មខេត្តព្រះវិហារ និងលោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ បានរក្សាភាពស្ងៀមស្ងាត់ក្នុងខណៈដែលក្រុមឈ្មួញបង្កើនសកម្មភាពដឹកជញ្ជូនឈើពីខេត្តព្រះវិហារ ឆ្លងកាត់ផ្លូវជាតិលេខ៦២ ស្រុករវៀង ចូលទៅខេត្តកំពង់ធំ យ៉ាងពេញបន្ទុកទាំងយប់ទាំងថ្ងៃ។ទន្ទឹមនឹងនេះលោក ប្រាក់ សុវណ្ណ អភិបាលខេត្តព្រះវិហារ ក៏រក្សាភាពស្ងៀមស្ងាត់មិនចាត់វិធានការបង្ក្រាបបទល្មើសព្រៃឈើដែលកើតឡើងយ៉ាងអនាធិបតេយ្យនោះដែរ។

មជ្ឈដ្ឋាននានាបានលើកឡើងថា ករណីឈ្មួញអាចប្រើប្រាស់រថយន្តសាំយ៉ុងនិងរថយន្តច្រើនប្រភេទទៀតដឹកជញ្ជូនឈើឆ្លងកាត់ផ្លូវជាតិលេខ៦២ មុខស្នាក់ការផ្នែករដ្ឋបាលព្រៃឈើរវៀង ចូលទៅខេត្តកំពង់ធំ គឺមានការឃុបឃិតបើកដៃពីលោក ស៊ុំ ស៊ីវុត្ថា ហៅតាវ៉ែនតា នាយផ្នែករដ្ឋបាលព្រៃឈើរវៀង ផងដែរ។

ប្រភពពីសមត្ថកិច្ចពាក់ព័ន្ធក្នុងស្រុករវៀង បានឲ្យដឹងថា ការដែលលោក ស៊ុំ ស៊ីវុត្ថា ហៅតាវ៉ែនតា នាយផ្នែករដ្ឋបាលព្រៃឈើរវៀង រងការរិះគន់ថាបានឃុបឃិតឲ្យឈ្មួញដឹកជញ្ជូនឈើខុសច្បាប់យ៉ាងពេញបន្ទុក សង្ស័យមានការសម្របសម្រួលពីសំណាក់លោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ។ ចំណែកលោក ពឹង ទ្រីដា ប្រធានមន្ទីរកសិកម្មខេត្តព្រះវិហារ សម្ងំទទួលផលប្រយោជន៍ យ៉ាងសុខស្រួលក្នុងខណៈដែលព្រៃឡង់ និងព្រៃព្រះរកា ខេត្តព្រះវិហារ រងការបំផ្លាញយ៉ាងមហន្តរាយ។

តាមការបង្ហើបពីក្រុមឈ្មួញដែលដឹកជញ្ជូនឈើពីខេត្តព្រះវិហារ ចូលទៅខេត្តកំពង់ធំ បានឲ្យដឹងថា ពួកគេបង់លុយតាមការកំណត់របស់មន្ត្រីរដ្ឋបាលព្រៃឈើ មន្ត្រីបរិស្ថាននិងសមត្ថកិច្ចពាក់ព័ន្ធទើបអាចចៀសផុតពីការបង្ក្រាបហើយដឹកជញ្ជូនឈើទៅដល់គោលដៅ ដោយគ្មានការរំខាន។ បញ្ហានេះលោក វេង សាខុន រដ្ឋមន្ត្រីក្រសួងកសិកម្មនិងលោក កែវ អូម៉ាលីស្ស ប្រធានរដ្ឋបាលព្រៃឈើនៃក្រសួងកសិកម្ម មិនគួរបណ្តែតបណ្តោយតទៅទៀតឡើយព្រោះប្រធានមន្ទីរកសិកម្ម និងមេរដ្ឋបាលព្រៃឈើខេត្តព្រះវិហារ កំពុងបណ្តោយឲ្យឈ្មួញដឹកជញ្ជូនឈើខុសច្បាប់យ៉ាងពេញបន្ទុក។

ជាក់ស្តែងមានឈ្មួញឈើជាច្រើននាក់ដឹកជញ្ជូនឈើចេញពីខេត្តព្រះវិហារ ចូលទៅខេត្តកំពង់ធំ យ៉ាងគំហុក ប៉ុន្តែបែជាមិនមានអ្នកបង្ក្រាបទៅវិញ។ បើតាមប្រភពបានរាយការណ៍ថាក្រុមឈ្មួញសម្រុកដឹកជញ្ជូនឈើ ចេញពីខេត្តព្រះវិហារ ចូលខេត្តកំពង់ធំ តាមផ្លូវជាតិលេខ៦២ យ៉ាងអនាធិបតេយ្យ ប៉ុន្តែគ្មានអ្នកបង្ក្រាប។

បើតាមសេចក្ដីរាយការណ៍ថាឈ្មួញទាំងនោះដូចជាឈ្មោះឃឿន ឈ្មោះឆាត ឈ្មោះបញ្ញា និងឈ្មោះធី ជាដើម។ ក្រៅពីឈ្មួញទាំង៤នាក់ខាងលើក៏មានឈ្មោះជាច្រើននាក់ទៀតផងដែរ ដែលបានធ្វើសកម្មភាពដឹកជញ្ជូនឈើចេញពីខេត្តព្រះវិហារទៅខេត្តកំពង់ធំ។ ក្នុងនោះឈ្មួញឈើឈ្មោះធី មានរថយន្តសាំយ៉ុងកែច្នៃតទ្រុងប្រវែង៦ម៉ែត្រចំនួន៤គ្រឿង សម្រាប់ដឹកជញ្ជូនឈើចេញពីខេត្តព្រះវិហារ យកទៅស្តុកទុកនៅព្រំប្រទល់ខេត្តព្រះវិហារកំពង់ធំ និងដឹកបន្តទៅចែកចាយតាមដេប៉ូនានាក្នុងខេត្តកំពង់ធំផងដែរ៕SRP