ព័ត៌មានជាតិ – Page 525

ភ្នំពេញ៖សម្តេចហេង សំរិន ប្រធានរដ្ឋសភាបានអនុញ្ញាតឲ្យឯកឧត្តម អាណាតូលី បូរូវីក( Anatoly BOROVIK ) ឯកអគ្គរដ្ឋទូតវិសាមញ្ញ និងពេញសមត្ថភាព នៃសហព័ន្ធរុស្ស៊ី ទើបតែងតាំងថ្មីប្រចាំព្រះរាជាណាចក្រកម្ពុជា ជួបសម្តែងការគួរសម នាព្រឹកថ្ងៃទី១៦ ខែ តុលា ឆ្នាំ២០២០នេះ នៅវិមានរដ្ឋសភា។

សម្តេចប្រធានរដ្ឋសភា និងឯកឧត្តមឯកអគ្គរដ្ឋទូត បានលើកឡើងពីចំណងមិត្តភាពនិងទំនាក់ទំនងដ៍ល្អរវាងប្រទេសទាំងពីរ (កម្ពុជា-រុស្ស៊ី )ដែលមានតាំងពីយូរមកហើយ ពោលបានឈានដល់ខួបទី៦៥ នៅឆ្នាំក្រោយនេះ។
អតីសហភាព សូវៀត ជាមិត្តដ៍ល្អរបស់កម្ពុជា ដែលបានជួយគាំទ្រកម្ពុជាកម្ពុជា តាំងពីក្រោយរបបប៉ុលពតបានដួលរលំទៅក្នុងឆ្នាំ១៩៧៩ ខណៈដែលប្រទេសលោកខាងលិចបានព្យាយាមហ៊ុមព័ទ្ធកម្ពុជាឲ្យនៅឯកោ។

សម្តេចហេង សំរិន បានស្វាគមន៍និងគាំទ្រចំពោះបេសកកម្មការទូតរបស់អាណាតូលី បូរូវីក នៅកម្ពុជានិងបានបញ្ជាក់ថា រដ្ឋសភាកម្ពុជា ពេញចិត្តចំពោះវឌ្ឍនភាពនៃកិច្ចសហ ប្រតិបត្តិការនានា ដែលរដ្ឋាភិបាល នៃប្រទេសទាំងពីរ បានកសាងរួមគ្នារៀងរហូតមក ទាំងវិស័យនយោបាយ កាទូត សេដ្ឋកិច្ច ពាណិជ្ជកម្ម វិនិយោគ អប់រំ សុខាភិបាល វិទ្យាសាស្រ្ត និងវប្បធម៌ មានការរីកចម្រើនជាលំដាប់ ដែលបានរួមចំណែកដ៏សំខាន់ ក្នុងការអភិវឌ្ឍនៅកម្ពុជា។

សម្តេចបានលើកឡើងថា ក្នុងកាលៈទេសៈនេះ បច្ចុប្បន្ន ដែលពិភពលោកទាំងមូល កំពុងជួបវិបត្តិជម្ងឺកូវីត១៩ ទាមទាឲ្យមានការពង្រឹងកិច្ចសហប្រតិបត្តិការជិតស្និទ្ធថែមទៀត ទំាងក្នុងក្របខ័ណ្ឌទ្វេភាគី ពហុភាគី និងការគំាទ្រពហុភាគីនិយម ដើម្បីរួមគ្នាប្រយុទ្ធប្រឆំាងជម្ងឺកូវីត១៩ ឲ្យទទួលបានជោគជ័យ។

ឯកឧត្តម អាណាតូលី បូរូវីក បានសន្យាថានៅក្នុងបេសកកម្មការទូតនៅកម្ពុជានេះ នឹងខិតខំពង្រឹងពង្រីកទំនាក់ទំនងកិច្ចសហប្រតិបត្តិការប្រទេសទាំងពីរឲ្យកាន់តែរឹងមាំឡើង ទំាងនៅខាងនីតិប្បញ្ញត្តិ និងនីតិប្រតិបត្តិ ជាទ្វេភាគី និងពហុភាគី។

ឯកឧត្តមឯកអគ្គរដ្ឋទូត បានលើកឡើងថាអ្នកវិនិយោគទុនរុស្ស៊ីមានការចាប់អារម្មណ៍ជាខ្លំាងក្នុងការបណ្តាក់ទុកនៅកម្ពុជា នៅក្នុងវស័យជាច្រើនមានដូចថាមពលអគ្គិសនីជាដើម។ រុស្ស៊ីបានគាំទ្រដល់ការទទួលជាម្ចាស់ផ្ទះរៀបចំកិច្ចប្រជុំកំពូលអាស៊ី-អឺរ៉ុប របស់កម្ពុជា នៅឆ្នាំ២០២១ ខាងមុខនេះ។

ឯកឧត្តម អាណាតូលី បូរូវីក បានចូលរួម ចែករំលែកទុក្ខលំបាក និងសម្តែងការសោកស្តាយជាមួយពលរដ្ឋកម្ពុជា ដែលកំពុងទទួលរងគ្រោះធម្មជាតិជំនន់ទឹកភ្លៀង។ ជាមួយគ្នានេះ ឯកឧត្តមានជម្រាបជូនសម្តេចផងដែរ ពីជោគជ័យរបស់ប្រទេសរុស្ស៊ីក្នុងការស្រាវជ្រាវនិងផលិតថ្នាំនិងវ៉ាក់សំាងជំងឺកូដ១៩ ដែលទទួលបានជោគជ័យជាវិជ្ជមាន៕SRP

ភ្នំពេញ៖សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅរាត្រីថ្ងៃទី១៥ ខែតុលា ឆ្នាំ២០២០ បានអញ្ជើញពិនិត្យមើលស្ថានភាពទឹកជំនន់ និងសួរសុខទុក្ខបងប្អូនប្រជាពលរដ្ឋដែលរងគ្រោះដោយសារទឹកជំនន់នៅខណ្ឌដង្កោរ រាជធានីភ្នំពេញ។ សម្តេចតេជោនាយករដ្ឋមន្ត្រីបានអញ្ជើញចុះជួបជាមួយនឹងបងប្អូនប្រជាពលរដ្ឋដែលរងគ្រោះ និងត្រូវបានអាជ្ញាធរបញ្ជូលមកកាន់ទីតាំងសុវត្តិភាពចំនួន២ទីតាំង ដែលទីតាំងទី១នៅក្នុងបុរីភពថ្មីកួរស្រូវ២ និងទីតាំងទី២គឺនៅមុខផ្សារព្រែកជ្រៃ ។

សម្ដេចតេជោ ហ៊ុន សែន បានថ្លែងកោតសរសើរចំពោះអាជ្ញាធរគ្រប់លំដាប់ថ្នាក់គ្រប់រាជធានី-ខេត្ត កងកម្លាំងប្រដាប់អាវុធទាំងអស់ ដែលបានចេញប្រតិបត្តិការព្រមៗគ្នា សង្គ្រោះប្រជាជនទៅកាន់ទីទួលមានសុវត្ថិភាព ដែលសម្តេចបានប្រើពាក្យថា «កងកម្លាំងប្រដាប់អាវុធគ្រប់ប្រភេទ ទាំងកងទ័ពស្រួច ទាំងកងទ័ពតំបន់ ក៏ដូចជាកងរាជអាវុធហត្ថ កងកម្លាំងនគរបាលបានធ្វើកិច្ចការបានល្អ និងគ្រប់ទីកន្លែងដើម្បីសង្គ្រោះប្រជាពលរដ្ឋរបស់យើង»។ សម្តេចក៏បានកោតសរសើរផងដែរ ចំពោះប្រជាពលរដ្ឋខ្មែរ ដែលបានប្រឹងប្រែងដោយខ្លួនឯង រួមទាំងការជួយរបស់អាជ្ញាធរ ដោយរាជរដ្ឋាភិបាល ដោយកម្លាំងប្រដាប់អាវុធគ្រប់ប្រភេទ។

សម្តេចតេជោ ហ៊ុន សែន បានបន្តសំណូមពរ និងអំពាវនាវ៣ចំណុច ឲ្យអាជ្ញាធរគ្រប់លំដាប់ថ្នាក់កម្លាំងប្រដាប់អាវុធគ្រប់ប្រភេទយកចិត្តទុកដាក់ដូចតទៅ៖

ទី១) គឺជម្លៀសប្រជាជននៅតំបន់ដែលមានគ្រោះថ្នាក់ទៅកាន់ទីទួលសុវត្ថិភាព ដោយមានការប្រុងប្រៀបជាមុន ត្រូវពិនិត្យមើលទីកន្លែងជាមុន ដើម្បីឆ្លើយតបនៅពេលដែលដឹកជញ្ជូនទៅកាន់ទីនោះ

ទី២) បន្ទាប់ពីទឹកស្រក សូមឲ្យអាជ្ញាធរគ្រប់លំដាប់ថ្នាក់ជួយសម្រួលដល់ការដឹកជញ្ជូនប្រជាជនទៅកាន់មូលដ្ឋានដើមវិញ

ទី៣) ត្រូវផ្គត់ផ្គង់ស្បៀងដល់ប្រជាពលរដ្ឋដែលរងគ្រោះ ក៏ដូចជាខិតខំព្យាបាលជំងឺប្រសិនបើមានជំងឺកើតឡើង។

សម្តេចក៏អំពាវនាវចំពោះប្រជាជនត្រូវការពារនៅជំងឺខ្លួនឯង តាមរយៈការអនាម័យ កុំទទួលទានទឹកមិនស្អាតដែលនាំទៅដល់ជំងឺរាគរួសក្អួតនាំមកនូវការលំបាកបន្ថែមទៀត។ សម្ដេចស្នើឲ្យមានគ្រូពេទ្យប្រចាំការនៅតំបន់ ដែលប្រជាពលរដ្ឋត្រូវបានជម្លៀសទៅកាន់ទីទួលមានសុវត្ថិភាពផងដែរ។

សម្ដេចបានថ្លែងអំណរគុណដល់ សប្បុរសជននានា ដែលបានចូលរួមថវិកាក្នុងការសង្គ្រោះប្រជាពលរដ្ឋដែលរងគ្រោះដោយទឹកជំនន់ដែលរហូតមកដល់ពេលនេះ មានប្រមាណជាង ៦លានដុល្លារសហរដ្ឋអាមេរិកហើយ ដែលថវិកានេះរាជរដ្ឋាភិបាលមិនបានអំពាវនាវទេ ប៉ុន្តែសប្បុរសជនបានស្ម័គ្រចិត្តចូលរួមដោយខ្លួនឯង។ សម្ដេចតេជោនាយករដ្ឋមន្ដ្រី បានគូសបញ្ជាក់ទៀតថា ការចុះពិនិត្យស្ថានភាពរបស់ប្រជាពលរដ្ឋនេះទៀតសោត ក៏ព្រោះចង់ឃើញស្ថានភាពជាក់ស្ដែង មិនចង់ត្រឹមស្ដាប់ និងមើលរបាយការណ៍របស់លោក ឃួង ស្រេង អភិបាលរាជធានីភ្នំពេញ ដែលរាយការណ៍ជាបន្ដបន្ទាប់គ្រប់ពេលនោះទេ។

សម្ដេចតេជោ ហ៊ុន សែន បានណែនាំទៀតថា បន្ទាប់ពីជម្លៀសប្រជាជនមកកាន់កន្លែងមានសុវត្ថិភាពហើយ ត្រូវផ្ដល់នូវការថែទាំសុខភាព ផ្ដល់អាហារ ថ្នាំពេទ្យគ្រប់ពេលទាំងអស់ មិនឲ្យខ្វះខាតនោះឡើយ។ នៅក្នុងការពិនិត្យមើលស្ថានភាពទឹកជំនន់នេះ សម្ដេចតេជោបានផ្ដល់នូវចំណុចអនុសាសន៍សំខាន់ចំនួន០៣សម្រាប់បងប្អូនប្រជាពលរដ្ឋ ក៏ដូចជាអាជ្ញាធរផងដែរ ៖

ទី១) ក្នុងដំណាក់កាលនៃវិបត្តិកូវីដ១៩ ត្រូវតែរួមគ្នាទប់ស្កាត់បង្ការការចម្លងជំងឺកូវីដ១៩

ទី២) រួមគ្នាទប់ទល់ដោះស្រាយនូវគ្រោះទឹកជំនន់ដែលកំពុងកើតមានឡើងនៅពេលបច្ចុប្បន្ននេះ

ទី៣) រួមគ្នាដោះស្រាយក៏ដូចជាស្ដារឡើងវិញក្រោយពេលកូវីដត្រូវបានបញ្ចប់ និងទឹកជំនន់ស្រកទៅវិញ៕SRP

ខេត្តសៀមរាប៖នៅមុននេះបន្តិច ពលរដ្ឋខេត្តសៀមរាបម្នាក់ ត្រូវបាន«សត្វពស់ខាំ» ពេលនេះកំពុងជួយសង្គ្រោះ។នេះបើយោងតាម ការបញ្ជាក់របស់អធិការនគរបាលស្រុកប្រាសាទបាគង លោកវរសេនីយ៍ឯក លឹមសម្បត្តិ។
អធិការនគរបាលស្រុកសាគងបានបញ្ជាក់ថា មុននេះបន្តិចនាវេលាម៉ោង ១៩និង៤៥នាទីយប់ថ្ងៃទី១៥ខែតុលាឆ្នាំ២០២០នេះ នៅចំណុចខាងជើងភូមិលលៃ ឃុំបាគង ស្រុកប្រាសាទបាគង មានករណីសត្វពស់ខាំជនរងគ្រោះម្នាក់ ឈ្មោះឡង់ រ៉ាភីភេទប្រុសអាយុ១៨ឆ្នាំ ខណៈដែលជនរងគ្រោះកំពុងចុះមើលសន្ទូចដាក់ត្រី បណ្តាលអោយសន្លប់ពេលមកដល់ផ្ទះ ត្រូវបានក្រុមគ្រួសារ និងមន្ត្រីនគរបាលមូលដ្ឋាន សហការណ៍ ជាមួយមន្ត្រីសុខាភិបាល ជួយបញ្ជូនតាមរថយន្តមកមណ្ឌលសុខភាពបាគង និងបញ្ជូនបន្តទៅសង្គ្រោះនៅមន្ទីរពេទ្យបង្អែកខេត្តសៀមរាប។ជាមួយគ្នានេះ លោកសូមអំពាវនាវ ដល់បងប្អូនប្រជាពលរដ្ឋ ដែលរស់នៅ តាមតំបន់ដែលមានទឹកជន់ឡើង សូមមានការប្រុងប្រយ័ត្នចំពោះ សត្វអាសិរពិសគ្រប់ប្រភេទ បង្ការកុំអោយមានគ្រោះថ្នាក់៕SRP

ខេត្តសៀមរាប៖មន្ត្រីរដ្ឋបាលព្រៃឈើខណ្ឌសៀមរាបម្នាក់បានខិតខំប្រឹងប្រែងទប់ស្កាត់បទល្មើសព្រៃឈើ រហូតធ្វើឱ្យរថយន្តរបស់ខ្លួនធ្លាក់ចូលទឹក។
អ្នកឃើញហេតុការណ៍បាននិយាយថាករណីនេះបានកើតឡើងនៅថ្ងៃទី១៥ ខែតុលា ឆ្នាំ២០២០ព្រឹកមិញត្រង់ចំណុចភូមិសក្កដា ឃុំបឹងមាលា ស្រុកស្វាយលើខេត្តសៀមរាប។
ប្រភពបានបន្តថារថយន្តរបស់មន្រី្តរដ្ឋបាលព្រៃឈើដែលបានធ្លាក់ចូលទឹកម៉ាកកាមរីឆ្លាម ពាក់ស្លាកលេខ
ភ្នំពេញ២E៥៣៧៦ ដោយបាន
បើកតាមប្រមាញ់រថយន្តដឹកឈើមួយគ្រឿង តែត្រូវរថយន្តដឹកឈើ គៀធ្លាក់ទឹក បង្កឲ្យមានការភ្ញាក់ផ្អើលតែម្ដង។ តែករណីនេះមិនបណ្ដាលឲ្យមានមនុស្សរងរបួសនោះទេ។
ប្រជាពលរដ្ឋបានសម្ដែងនូវកោតសរសើរ ដល់ជំនាញរដ្ឋបាលព្រៃឈើខេត្តសៀមរាប ប្រឹងបង្កា្របបទល្មើស ទាំងយប់ ទាំងថ្ងៃ ដោយមិនគិតការនឿយហត់ឡើយ ដើម្បីរក្សាព្រៃឈើអោយបានគង់វង្ស។ក៏ប៉ុន្តែបើទោះបីជាមានការប្រឹងប្រែងទប់ស្កាត់ពីរដ្ឋបាលព្រៃឈើ ខេត្តសៀមរាប និងសមត្ថកិច្ចពាក់ព័ន្ធ ដែលបានដាក់ស្នាក់ការពីស្វាយលើ រហូតដល់ក្រុងសៀមរាប យ៉ាងណាក៏ដោយ ក៏គេនៅតែសង្កេតឃើញមានការដឹកជញ្ជូនឈឺចេញពីខេត្តព្រះវិហារចូលខេត្តសៀមរាបយ៉ាងអនាធិបតេយ្យដដែល។«ខាងក្រោមជាសំឡេងមន្ត្រីរដ្ឋបាលខណ្ឌសៀមរាប ដែលបានខលទូរសព្ទបញ្ជាក់ថាខ្លួនជួបហេតុការណ៍រថយន្តឈ្មួញឈើបុកធ្លាក់ទឹក»៕SRP

Sponsored

ភ្នំពេញ៖លោក ហ៊ុយ វណ្ណៈ ប្រធានសហភាពសហព័ន្ធអ្នកសារព័ត៌មានកម្ពុជា ស.ស.ស.ក នៅថ្ងៃទី១៥ ខែតុលា ឆ្នាំ២០២០នាព្រឹកមិញ បានអញ្ជើញដឹកនាំប្រតិភូចូលរួមថ្វាយកម្រងផ្កាគោរពព្រះវិញ្ញាណក្ខន្ធ ព្រះករុណា ព្រះបាទសម្ដេចព្រះនរោត្តម សីហនុ “ព្រះបរមរតនៈកោដ្ឋ” នៅមណ្ឌប ឬប្រាសាទតូច តម្កល់ព្រះបរមរូបលើសួនច្បារខាងកើតវិមានឯករាជ្យ។

សូមរំលឹកថា ព្រះករុណា ព្រះបាទសម្តេច ព្រះនរោត្តម សីហនុ ព្រះមហាវីរៈក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ “ព្រះបរមរតនៈកោដ្ឋ” ព្រះអង្គបានប្រសូត្រនៅថ្ងៃអង្គារ ១១កើត ខែកត្តិក ឆ្នាំច ចត្វាស័ក
ព.ស ២៤៦៥ ត្រូវនឹងថ្ងៃទី៣១ ខែតុលា ឆ្នាំ១៩២២។ ព្រះអង្គបានយាងចូលព្រះទីវង្គត កាលពីថ្ងៃចន្ទ ១៥រោច ខែភទ្របទ ឆ្នាំរោង ចត្វាស័ក ព.ស ២៥៥៦ ត្រូវនឹងថ្ងៃទី១៥ ខែតុលា ឆ្នាំ២០១២ ក្នុងព្រះជន្មាយុ ៩០ព្រះវស្សា នាទីក្រុងប៉េកាំង សាធារណរដ្ឋប្រជាមានិតចិន។

ទិវាដ៏សែនអាឡោះអាល័យនេះ ជាគម្រប់ខួប៨ព្រះវស្សានៃការយាងសោយទីវង្គតរបស់ព្រះអង្គ។ ប្រជានុរាស្ត្រជាកូនចៅ ចៅទួត ចងចាំជានិច្ចនូវស្នាព្រះហស្ថដ៏ឧត្តុងឧត្តមរបស់ព្រះអង្គ ពិសេសគឺព្រះរាជកិច្ចទាមទារឯករាជ្យ នៅថ្ងៃទី៩ ខែវិច្ឆិកា ឆ្នាំ១៩៥៣៕SRP

ខេត្តព្រៃវែង៖អាជ្ញាធរខេត្តព្រៃវែងនៅ
ថ្ងៃទី១៥ ខែតុលា ឆ្នាំ២០២០នេះ បានចេញសេចក្តីជូនដំណឹងស្តីពីការផ្អាក
បណ្តោះអាសន្នយានយន្តដឹកទំនិញធុនធំ ដែលចរាចរណ៍លើកំណាត់ផ្លូវខេត្តលេខ៣១៣ ស្ថិតក្នុងឃុំធាយ ស្រុកបាភ្នំ ខេត្តព្រៃវែង។ដោយសារនៅត្រង់ចំណុចទំនប់បង្ហៀរបឹងស្នេហ៍(កម្រាលផ្លូវបេតុងសរសៃដែក) កំពុងទទួលរងនូវផលប៉ះពាល់ជំនន់ទឹកភ្លៀងជន់លិច និងហូរកាត់ខ្លាំងផ្លូវជម្រៅចង់ត្រឹមចង្គង់ ចម្ងាយប្រវែងប្រហែលជាង២០០ម៉ែត្រ។
គួរបញ្ជាក់ថា ផ្លូវខេត្តលេខ៣១៣នេះ គឺជាផ្លូវសំខាន់មួយដែលតភ្ជាប់ពីផ្លូវជាតិលេខ១ ចូលតាមផ្សារកអណ្តើក ឬតាមផ្សារកំពង់សឹងស្រុកបាភ្នំ កាត់មកផ្លូវជាតិលេខ១១ ស្រុកពាមរក៍ ខេត្តព្រៃវែង។ អាជ្ញាធរស្រុកទាំងពីរខាងលើបានអោយដឹងថា ដោយប្រទេសកម្ពុជា បានទទួលរងឥទ្ធិពលព្យុះនិងមានភ្លៀងធ្លាក់ជាបន្តបន្ទាប់បណ្តាលអោយប៉ះពាល់ខេត្តមួយចំនួន ក្នុងនោះភូមិសាស្ត្រមួយចំនួននៃខេត្តព្រៃវែង ក៏បានទទួលរងផលប៉ះពាល់ផងដែរ។
ជាក់ស្តែងទំនប់បង្ហៀរបឹងស្នេហ៍នេះត្រូវជំនន់ទឹកភ្លៀងហូរកាត់ផ្លូវរយៈពេល៣ទៅ៤ថ្ងៃមកហើយ។ហេតុដូច្នេះទើបអាជ្ញាធរខេត្តសម្រេចបិទផ្លូវខេត្តលេខ៣១៣នេះជាបណ្តោះអាសន្នតែម្តង។
អាជ្ញាធរបញ្ជាក់បន្ថែមថា ផ្លូវខេត្តលេខ៣១៣នេះមិនបានបិទទាំងស្រុងនោះទេ គឺបិទមិនអោយធ្វើចរាចរណ៍តែរថយន្តធុនធំៗតែប៉ុណ្ណោះ ដោយតម្រូវអោយបើកវាងចូលមកពីផ្លូវជាតិលេខ១(ផ្សារកអណ្តើកឬផ្សារកំពង់សឹង)ត្រូវកាត់តាមផ្លូវកែងតាសូរទៅឃុំទឹកថ្លាឡើងទៅផ្លូវជាតិលេខ៨អាវិញ។ហើយបើបើកបរមកពីខេត្តព្រៃវែងតាមផ្លូវលេខ១១ឡើងទៅផ្សារអ្នកលឿងកាត់ទៅរកផ្លូវជាតិលេខ១វិញ។
ចំណែករថយន្តតូចៗនិងរ៉ឺម៉កម៉ូតូអនុញាតអោយនៅធ្វើដំណើរឆ្លងកាត់តាមផ្លូវខេត្តលេខ៣១៣នេះជាធម្មតា ក្រោមការដាក់កម្លាំងការពារសន្តិសុខសុវត្ថិភាពជូនបងប្អូនប្រជាជនអ្នកធ្វើដំណើរ២៤លើ២៤ម៉ោង រហូតដល់មានការណែនាំជាថ្មីពីមន្ត្រីជំនាញនិងអាជ្ញាធរខេត្តនាពេលខាងមុខ៕SRP

ខេត្តសៀមរាប៖ឯកឧត្តម អ៉ឹង ហឿន ប្រធានក្រុមប្រឹក្សាខេត្ត និង ឯកឧត្តម ទៀ សីហា អភិបាលនៃគណៈអភិបាលខេត្ត ព្រមទាំងឯកឧត្តម លោកជំទាវជាសមាជិកសមាជិកាក្រុមប្រឹក្សាខេត្ត គណៈអភិបាលខេត្ត ស្នងការនគរបាល មេបញ្ជាការ បញ្ជាការង កងកម្លាំងប្រដាប់អាវុធ និង អស់លោក លោកស្រីជាថ្នាក់ដឹកនាំមន្ទីរ មន្ត្រីរាជការ និង សហភាពសហព័ន្ធយុវជនកម្ពុជាខេត្ត ពាណិជ្ជករ និង ប្រជាពលរដ្ឋផងដែរបានចូលរួមគោរពព្រះវិញ្ញាណក្ខន្ធរបស់ព្រះបរមរតនកោដ្ឋ នៅព្រះរាជដំណាក់ខេត្តសៀមរាប ដែលព្រះអង្គបានយាងចូលទីវង្គត់ ក្នុងថ្ងៃគម្រប់ខួប៨ឆ្នាំនេះ នៅថ្ងៃទី១៥ ខែ តុលា ឆ្នាំ២០២០នេះ។

ព្រះករុណាសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាជាតិ ព្រះបរមរតនកោដ្ឋ ការបាត់ព្រះករុណាសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាជាតិ ព្រះបរមរតនកោដ្ឋ បានធ្វើឲ្យយើងជាកូន ជាចៅ ចៅទួត ចៅលួត របស់ព្រះអង្គ មានក្តីសោកស្តាយ អាឡោះអាល័យរកទីបំផុតគ្មាន ព្រមទាំងឲ្យថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ និង ប្រជានុរាស្ត្ររបស់ព្រះអង្គ នឹកឃើញនូវព្រះគុណូបការៈដ៏ថ្លៃថ្លា និងវិសេសវិសាលដ៏ឧត្តុង្គឧត្តម នូវស្នាព្រហស្ត៍របស់ព្រះករុណា ដែលបានបន្សល់ទុកនៅសមទ្ធិផលជាច្រើន សម្រាប់ជាតិមាតុភូមិ។ ក្នុងមួយព្រះជន្មរបស់ព្រះអង្គ ព្រះអង្គបានលះបង់ទាំងព្រះកាយពល និង ព្រះបញ្ញាញាណ ដើមី្បបុព្វហេតុជាតិ ក្នុងការទាមទានូវឯករាជ្យជាតិ ពីអាណានិគមបារាំងសេស និង ខេត្តមួយចំនួនពីប្រទេសសៀម ព្រមទាំងប្រាសាទព្រះវិហារ ក្នុងបូរណភាពទឹកដី ការបង្រួបបង្រួមជាតិ សាសនា សេរីភាព សមភាព សមធម៌ យុត្តិធម៌ មនុស្សធម៌ និង ការអភិវឌ្ឍន៍ សេដ្ឋកិច្ច សង្គម។ ជាងនេះទៅទៀត ព្រះវីរៈសកម្មភាពរបស់ព្រះអង្គ ដែលបានធ្វើឲ្យព្រះរាជាណាចក្រកម្ពុជា ទទួលបានឯករាជ្យ បូរណភាពទឹកដី ឯកភាពជាតិ អព្យាក្រឹត្យភាព និង កិត្យានុភាពដ៏ល្បីល្បាញនៅលើសកលលោកទៀតផង ។

ក្នុងការតបស្នងចំពោះមហាករុណាទិគុណដ៏ឧត្តុង្គឧត្តម ចំពោះព្រះបរមរតនកោដ្ឋ ដែលបានបូជាព្រះកាយគ្រប់បែបយ៉ាងជូនមាតុភូមិ និង ប្រជាជាតិជាទីស្រឡាញ់របស់ព្រះអង្គ នៅមុខព្រះរាជដំណាក់ក្រុងសៀមរាប ក៏មានរៀបចំពីធីគោរពព្រះវិញ្ញាណក្ខន្ធរបស់ព្រះរបរមរតនកោដ្ឋ ក្នុងការរំលឹកនូវគុណុប ការៈ របស់ព្រះអង្គ ដែលធ្វើឲ្យប្រជានុរាស្រ្ត ទាំងព្រះសង្ឃ ថ្នាក់ដឹកនាំ មន្ត្រីរាការ កងកម្លាំងប្រដាប់អាវុធ សហភាពសហព័ន្ធយុវជនកម្ពុជាខេត្ត សិស្សានុសិស្ស និសិ្សត ប្រជាពលរដ្ឋ និង បងប្អូនជនជាតិខ្មែរឥសាម នៅខេត្តសៀមរាប មិនអាចបំភ្លេចបាននូវព្រះរាជសកម្មភាពដ៏ឧត្តុងឧត្តម របស់សម្តេចព្រះវររាជបិតាជាតិខ្មែរ ព្រះបរមរតនកោដ្ឋ ដែលមួយជីវិតរបស់ ព្រះអង្គទ្រង់បានបំពេញព្រះរាជបូជនីយកិច្ច ដើមី្បឯករាជ្យ បូរណ ភាពទឹកដី និង ឯកភាពជាតិខ្មែរ ប្រកបដោយព្រះបញ្ញាញាណភ្លឺថ្លា គ្រប់កាលៈទេសៈ ។

បន្ទាប់ពីការបូជាទៀន ធូប ថ្វាយនៅចំពោះមុខព្រះឆ័យ្យលៈរបស់ព្រះបរមរតនកោដ្ឋ និង ការគោរពព្រះវិញ្ញាណក្ខ័ន្ត របស់ព្រះបរមរតនកោដ្ឋ ដោយបានធ្វើការស្មឹងស្មាត ដើមី្បឧទ្ទិសព្រះវិញ្ញាណក្ខ័ន្ធរបស់ ព្រះអង្គទ្រង់ បានយានទៅកាន់ព្រះបរមសុគតិភព ឲ្យបានគ្រប់ៗជាតិ កុំបីឃ្លៀងឃ្លាតឡើយ ។

សូមបញ្ជាក់ផងដែរថា នៅទូទាំងខេត្តសៀមរាប អាជ្ញាធរខេត្ត បានធ្វើការណែនាំដល់បណ្តាគ្រប់ទីវត្តអារាម និង គ្រប់ក្រុង ស្រុក ឃុំ សង្កាត់ ក៏បានរៀបចំធ្វើពិធីគោរពព្រះវិញ្ញាណក្ខ័ន្តរបស់ព្រះបរមរតនកោដ្ឋផងដែរ៕SRP

ខេត្តសៀមរាប៖នៅក្នុងវេទិកាសាធារណៈ របស់ក្រុមការងារថ្នាក់ជាតិ ស្តីពីការត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្រ្តចតុកោណ ដំណាក់កាលទី៤ របស់រាជរដ្ឋាភិបាល នាព្រឹកមិញនេះ ពលរដ្ឋរស់នៅស្រុកវ៉ារិន
បានគាំទ្រយ៉ាងខ្លាំង នឹងបានលើកឡើងថានៅមូលដ្ឋាន របស់ពួកគាត់មានការខ្វះខាតនៅឡើយ មានដូចជា៖ ផ្លូវ ប្រព័ន្ធលូទឹក អគ្គីសនី និង សេវាសុខាភិបាលជាដើម។

វេទិកាសាធារណៈនេះធ្វើនៅ នៅវត្តស្វាយស ស្ថិតក្នុងឃុំស្វាយស ស្រុកវ៉ារិន ខេត្តសៀមរាប ក្រោមវត្តមានលោករបស់ នូ សុវត្តិ រដ្ឋលេខាធិកាក្រសួងសាធារណការ និងដឹកជញ្ជូន និង លោក មាស សាវ៉ន ប្រធានក្រុមការងារថ្នាក់កណ្ដាលចុះជួយ ស្រុកវ៉ារិន ដោយមានការចូលរួម ពីមន្ត្រីពាក់ព័ន្ធអាជ្ញាធរមូលដ្ឋាននិង ប្រជាពលរដ្ឋ២០១នាក់ផងដែរ។

ក្នុងវេទិកានេះ លោកនូ សុវត្តិ បានផ្តល់អោយមន្ត្រីជំនាញពាក់ព័ន្ធ បកស្រាយបំភ្លឺ ជូនប្រជាពលរដ្ឋមនិង ទទួលយកនូវរាល់អ្វីដែលជាកង្វល់របស់ប្រជាពលរដ្ឋ។ ក្នុងឱកាសនោះដែរ លោកក៏បានសុំការយោគយល់ពីប្រជាពលរដ្ឋ ចំពោះភូមិដ្ឋានមួយចំនួន មិនទាន់បានបំពេញគ្រប់តម្រូវការនៅឡើយ។

ជាមួយគ្នានេះលោកនូ សុវត្តិ បានរំលឹកដល់ពលរដ្ឋទាំងអស់ សូមចូលរួម ថែទាំសុខភាព ប្រុងប្រយ័ត្ន ទប់ស្កាត់ការចម្លងមេរោគកូវីដ១៩ និងជំងឺគ្រុនឈិក និងផ្តាំផ្ញើរអោយ ផ្សព្វផ្សាយអោយបានទូលំទូលាយដល់បងប្អូនប្រជាពលរដ្ឋ ទៅពិនិត្យផ្ទៀងផ្ទាត់ឈ្មោះ និង ចុះឈ្មោះបោះឆ្នោតអោយបានគ្រប់ៗគ្នា នៅសាលាឃុំ សង្កាត់ អោយបានមុនថ្ងៃផុតកំណត់ការចុះបញ្ជីចុះឈ្មោះបោះឆ្នោត៕SRP